رواية اسود توب الفرح الفصل الثاني والعشرون بقلم خالد أسامه
خالد .اي دكت عليه رغد زين خلي اسمع اخبارها
الوووو
اسمع ياجبان
اني موافقه بس ما اخليك توصلي برضاتي
اله اشوفك نجوم الظهر عبالك هالتوسل الي راح يشفعلك لا وحق الحق
اخليك تتمنى ما تقربتلي بيوم
شوف فلوس منتصر كلها اسددها واشوف بعيوني السجلات والكمبيالات هاي واحد
موضوع رغد اذا فتحته صدك ما ارحم بنتك
شي مقابل شي
مثل حقارتك راح اشتغل ومراح افرق عنك بخطوه لان انت ابن عمي
يعني دمي مثل دمك
لو اني غلطانه خالد افندي
شوفي هذا كلامج كله راح اغلس عنه بمزاجي وتهديدج اعتبر نفسي ماسمعته
وتدللين اسدد الديون وما احجي
بس بشرط واحد
تنطيني نفسج وبرضاج
😏😏😏 حجي بكلبي والله نجوم السمع اقربلك مني
ميخالف متفقين بس كلها تصير قبل الزواج
اوك اسبوع الجاي يرهملج
اي يرهم
رغد .هاي اسويتي بان ليش شمرتي روحج بالتهلكه
لا رغد هذا استغلكم ضدي واذا ما وافقت راح يدخل منتصر السجن وانتي تطلكين
ما ارضاها ع نفسي اثنين من اهلي يتعذبون
يكفي اني اشيل الحمل وحدي
بس بان خالد ظالم
ميكدر عليه وعيونج راح ادمر حياته وكشف جريمته حق اسامه مراح اضيعه
انتهاء ..بنات وينكم تعالوا تعشوا
طلعت اني ورغد ع اهلي الكل موجود وكاعدين عالعشه
تعشينه ..كمت جبت الجاي صبيت لجميع
وكعدت وزن عالقنفه
منتصر وامام الكل اني موافقه ع خالد
😳😳😳😳😳😳 الكل صفن بوجهي
شبيكم اشو الكل صفن
مو ردتوني ازوج
هاي راح ازوج خالد الاسبوع الجاي
الاب ..بابا انتي واعيه ع كلامج ..زين ليش خالد يعني بالذات
هو رجل مزوج
لان بابا محد تقدملي غيره
شوكت تقدملج .اشو اني اخر من يعلم
لا بابا اليوم طلبني من منتصر
ومنتصر بلغني وكلي اذا توافقين حتى افتح الموضوع كدام الجميع
اي يابه صح كلام بان اليوم طلبها مني وكتله اشوف الوالد والبنيه
الاب ..عالخير مادام بان موافقه اني اهم شي عندي سعاده بناتي
بان .شكرا بابا وكمت منهم وعيوني غركانه بالدموع
رغد .بان حبيبتي كافي بجي
رغد ع شنو كافي
ع الراح لو ع الجاي
تره حياتي واكفه ع حافه سجين وكل خطوه اخطوها جاي تكص برجلي
والله حاسه بيج ياحبيبتي بس صدكي يجي يوم تفرج وياج وترتاحين
اشوكت هاليوم رغد
قريب والله بس خلي ايمانج بالله قوي
ونعم بالله
رغد تردين نصيحتي
اي ياعمري كولي
من ازوج من هذا الجلب احجي المهيمن ع كلشي لا تخلين موضوعج سكته احجي المهيمن بسلوب مقنع تره مهيمن خوش ولد وعنده اسلوب هادي ميتعصب
بان خاف احجي وندم
متندمين مهيمن يتفهم وهنا راح يثبتلج حبه الج
لتسكتين رغد ..سكوتج دمار الج متعرفين بعدين خالد يمكن هم يرجع يهددج بالسالفه
رغد وينج مهيمن ينتظرج
يله حبيبتي اني رايحه ديري بالج ع حالج
اححي رغد لتسكتين
ان شالله حبيبتي ..يله مع السلامه
رغد .ظليت افكر بكلام بان اني فعلا ليش ما احجي واخلص من هالرعب اليوم هددني علمود بان باجر هم يرجع يهددني علمود موضوع ثاني
مهيمن شبيج رغد شو من رجعنه من بيت اهلك وانتي بس تصفنين وضربين اخماس بسداس
هااااا ويايه
لا والله لعد اكو غيرج بالغرفه
اعذرني ياعمري والله دايخه
شنو المدوخج حبيبتي سولفيلي ..بطنج توجعج
لا الطفل مابي شي
مهيمن راح احجيلك بس بشنو تحلفلي متتخله عني
شكو رغد
احلف اول من تسمع متتركني وتروح
ميخالف احلف بالله الماكو احسن منه
ما اعوفج ولا اتركج لحظه وحده
مهيمن اني والله ....الله يشهد عليه مالي ذنب وما ادري شنو جان ناوي عقيل يسويلي في لحظتها .بس انت بيدك عرفت اني ابنيه عذراء ..وهاي حجيتلك كلشي
مهيمن .من حجتلي رغد عن عقيل خطيبها سابقا صدمتني في لحظه ردت اكوم واضربها او اسويلها شي بس حلقدفت بالله ما اتركها
زين انتي ليش ماححيتي من قبل ليش هسه
لان خالد هددني بأن يكول الك ع هذا السر ويخرب زواجنه وعلاقتنه
ليش هددج
لان راد مني اقنع بان عليه
يعني بان هسه رضت بخالد ابسببج اذيتي اختج الخاطر مصلحتج وحياتج مو
لا لا خالد مو بس حتى منتصر مهدده
منتصر هم متعدي عليه احد وخايف
ظليت اباوع عليه وماحجيت 😐😐😐😶😶
لا مهيمن منتصر غرك بالدين والسبب خالد والمعمل جان يشتري دهن بالدين وتكربست كلها فوك راسه
شكد الدين ....عشر ملايين
ماكدرتوا تسدون هالدين
مهيمن عشر ملايين مو هينه وماكو واحد بيهم موظف كلهم يشتغلون بالمحل وانت جاي اشوف شغل ماكو ميت
اي اعذار
مهيمن .اخوتي مو كذابين
بس انتي كذبتي عليه وضميتي هالموضوع عني
والله خفت من هالحظه
لو حاجيه من الاول مجان عشتي هالحظه
وين رايح مهيمن
طالع
وين ميخصج
مهيمن اوكف الله عليك مهييييييمن
طلعت منها لان لو باقي اكثر يمكن جان انهاريت عليها
مرالاسبوع ابساع اسرع من لمح العين
واليوم اربعاء
اجه خالد البيتنه طلب يحجي ويايه خير شرايد
انطيج فلوس غير علمود الصالون والبدله
هههههه😒😒😏😏😏
انت مصدك ابحالك عريس وتريدني البس بدله وتمكيج وسوي تسريحه وهذا كله المن الك انت
والله لو تحلم
وتزحف ع ركبك هم ما احقق الك مرادك
كتلك اني مو زوجه الك اني نقمه
اي افتهمت ميحتاج كل اشويه اذكريني
كمت وعفته
وين رايحه
عندي شغل اهم من كعدتي وياك
اكلج انتهاء اشو رغد صارلها اسبوع مابينت شعجب
والله ماعرف
خاف متوجعه خطيه ..هي مو فاتت بشهرها
اي يمكن فاتت شهرها
خلي اروح الامي اكللها انمر عليها انشوفها شبيها خطيه
ماما خلي انمر ع رغد شو ماكو صارلها اسبوع
الام ..هو خالد طلع
بان ..ماعرف وميهمني
ميصير ماما لازم تكليله قبل لا تطلعين
ما اكله لان هو مو زوجي من صدك حتى اخذ الان منه
يمه لعد هو شنو نو كطعتي مهر مهناها زوجج صار
اهووووو يمه سدي الموضوع وخل نمشي الرغد
وصلنه البيت عيال رغد
دخلنه وسلمنه عليهم وبعدها رحت الرغد
دهلت شفتها امدده ع ظهرها
وصلت يمها شلونج رغوده شبيج حاسه بشي
هله عمري لاوالله محاسه بشي
لعد ليش متمرين علينه صارلح اسبوع عندي ثكل ابطني صار تعرفين دخلت شهري وثكلت حيل
لا حاسه اكو شي وانتي ضامته عليه لان ليش دمعت عيونج
لا ماكو شي
احجي رغد لضمين عليه تره غيابج علينه مو ابسبب بطنج
بان مهيمن صارله اسبوع ماينام بالغرفه ولا يمي
ليش شنو السبب
حجيتله عن موضوع عقيل وهو ضاج ونقهر وعافني وطلع
والله حقه لان موضوع مو سهل محد يقبلها
بس ان شالله يرجع وانتي هم حاولي وياه لا تهملي وتتركي
لاوالله ابد مهاملته ولا تاركته اصلا ميته ع كربه الي بس اريد يرجع الغرفته والحضني
اكلج الباجر تعاي ماريد اطلع من بيتنه بدون ما اشوفج يمي
صار تدللين اجي
اوووف يارغد والله حاسه روحي مخنوكه احس رايحه الملك الموت برجلي
ولو اني رايده الموت حتى اكون يم عمري
بس ماريده يكون ع يد الحقير
ميخالف حبيبتي والله تفرج ربج مينساج لابد ترتاحين فديوم
من اكشف خالد ارتاح صدكي اله اخلي يعترف باللسانه ع جريمته
ظلينه للعصر شفت مهيمن
هلو بنووو شلونج زارتنه البركه
هلو مهيمن اني زينه بس زعلانه عليك
ليش ياستار
لان مزعل اختي رغود
والله يابان مو هينه عليه بس اذتني وصدمتني
حقك ماكو لا بس شي صار قبل سنه وانت تعرف شنو اخلاقها
اي اعرف بس كان المفروض اتكلي مو يكعد يهددها الجبان والله جبان اليهدد مره
شلون رضيتي بي
حتى اخلص اهلي منه وعرف شلون اخذ حقي منه ثالث ومثلث
عفيه عليه بنو اتمنالج الموفقيه
يله عيني خل نروح ورانه البيت والعشه الولد جايين
حضرنه عشه وتعشينه ودعت اخوتي وحضنتهم
هم مارضوا اطلع بدون زفه بس اني مقبلت اسوي شي او حتى البس شي كتلهم اطلع بالعبايه
ماكدرت انام ظليت الليل كله احجي ويه صوره اسامه
اوعدك ياحبيبي اله انتقم منه صدك ما مزوجه اله علمود انتقم منه
صحيت الصبح لكيت بيت عمي خالد كلهم موجودين
اول ما انزلت ام خالد هلهلت سكتتها
اترجاج عمه لتهلهلين
البنات بوسني وحضنني
رحت للمطبخ سويتلي اكله اكلتها ورحت ع جود بوستها وحضنتها بست انتهاء وامي وبجيت بحضنهم
دخلت ع والدي شفت خالد كاعد يمه رحت بسته وحضنته
هو اتمنالي الخير وباسني من راسي
كعدت اشويه يمه صار الظهر جوي اخوتي ورغد ايضا جتي هي ومهيمن بوستني وضحكت
هااااا
رجع البارحه كلامج اثر بي مصدكين شكد اني فرحانه وشكد احبه
الله يديم حبكم حبيبتي وفرحتكم رغد ابد لزغلين مهيمن منج
لا ابد
تغدينه كلنه سوه وبعدها صار العصر
استأذن خالد من الجميع واخذني اني وهله وطلعنه من البيت وبكلبي الف غصه ماريد اروووح اريد ارجع المكاني غرفتي ذكرياتي
بس وعد يامكاني اني راجعه الكم ما اعوفكم راجعه الك اسامه راجعه الحبي الازلي
وصلنه اهله وبعدها طلع ع بيته واول ماوصلنه
اتلكتني زوجته 😠😠😠
