رواية أحببت من لايبالي الفصل الثالث والعشرون بقلم مجهول
زين : ماعت روحها بايدي ... برراء ... ضربت على خدها بخفه .. براء تسمعيني .... شلتها ... كعدت على القنفه وخليتها بحضني ... اخذت ماي غسلت وجها ... برائتي تسمعيني
براء : همممم
زين : شو فتحي عيونج
براء : فتحت عيونها ... باوعت لروحي ولزين لابسين نفس الملابس واني بحضنه ... يعني الي صار مو حلم ... هاي شسويت
زين : بتفكير شسويت ؟
براء : بخجل لل الي صار قبل شويه
زين : ببرود ليش شصار
براء : معقوله اني اتخيل ... بارتباك قبل شويه من اجينه من بيت خالو ماجد انت هنا مو بببستن يـ يـي
زين : شوكت بستج
براء : قبل شويه
زين : بسؤال ... وين بستج شو ما اذكر
براء : بخجل .... اشرت على شفايفها
زين : ابتسم بايسها بشفتها بوسه سطحيه ... قصدج هنا
براء : احتقن وجها بخجل ... لارد
زين : لا متوهمه ما بستج اني ... من عبرتيني .... بس جريتج عليه ماعت روحج وستوج كعدتي
براء : بكلبها مستحيل الي شفته حلم زين شلون احنه لابسين نفس الملابس معقوله الشي الي حسيته حلم ... باوعت اني كاعده بحضنه اجيت اكوم ... شد على خصري
زين : وين
براء : وخرت شعرها وره اذانها .... بارتباك اروح انام ورايه دوام
زين : شد خصرها مقربها اله هامس ... شنو رائيج نسوي الحلم حقيقه
براء : شنو يعني
زين : مشه اصبعه على شفايفها ... ااوف ماكو شي روحي نامي
براء : كامت ركض دخلت للغرفه .... غطت وجها .. كافي براء هذا جان حلم كافي كافي بس شلون ... اني حاسه بطعم شفايفه لسه بحلكي جكاير مخلوطه بنعناع ياربي شهالاحلام الطايح حظها الي داحلمها
زين : راحت ... واني ضليت كاعد همزين ماجانت واعيه بالي صار .... تعمدت ما اكلها ما اريد اعترفلها بمشاعري ... وامشي بعلاقتي وياها قبل ما يصير الي بالي بس هذا ميمنع بعض الاشياء الي حاب اسويلها وياها ومستحيل اتراجع عنها ... رجع راسه مغمض يسترجع الي صار بيناهم ويتذكر طعم شفايفها الي مستحيل ضايك اطيب واطره من طعمها ... والله ووكعت يا ابو الزون
____________
بيت ماجد
نور : كاعدين بالصاله .... وغسان دوخني رايح جاي .... كاااافي دوختني اكعد
غسان : لا تسمعيني صوتتج تره روحي واصله لخشمي
احلام : ولك يمه لا تحرك كلبك كافي اهدئ
غسان : شلون اهدئ وهذا الكلب ضربني وفشلني كدام الكل والله والله اله اردله الصاع صاعين بسيطه اني اعلمه لهل كواد
نور : ليش تغلط عليه تره كله صوجك احد كلك تتحارش بصخامته
غسان : شو انتي ادافعيله
نور : مو ادافعله بس الي صار لا غلطك ولا غلط زين كله من وره هالبليه براء لو ما حاجي وياها هالحجي ما جان ضربك زين
غسان : بصياح هي شعليها هم حطيتها بالوسطه
نور : لا الها علاقه تكدر تكل لزين لا تضرب غسان هذا ابن خالي ومااقبل تضربه بس هي حقيره و مكيفه بألي جاي يصير
غسان : انجبي لج لا تحجين عليها
نور : يطبك مرض خليك انت متعلعل عليها وهي ما مشتريتك
بقندره وعايشه حياتها
احلام : ولكممممم كافي انعل ابو زين يابو براء كتلكم لاتجيبون سيرت هالكواويد بهالبيت لاتخلوني امشي بطريق ادمر بي العائلتين وانتو تنشملون وياهم سمعتوووو اني مااريدكم تتعاركون خليكم ايد وحده حتى نكدر نسيطر اكو مثل يكول تمسكن لحد ما تتمكن اتمسكنو لحد ما تحصلون الي تردو وطززز بالدنيا فكروو بنفسكم وعوفو بيت جهاد هسه ركزو على بيت جدكم اذا ماتت بيبيتكم الملك اكيد راح يروح لو لعماتكم لو لهشام وهذا الشي الي ماكل راسي بهالفتره
غسان : وشنسوي بالملك احنه
احلام : يعني عاجبتك العيشه الي عايشيها احنه شوف بيت عمك جهاد عدهم فنادق ومنتجعات بكل مكان بالعالم وهذا ابنه الثاني زين جراح كد الدنيا وسمعتلك طلع فاتح مستشفى باوروبا بس محد يدري ليش همه مرتاحين ويسافرون ويرحون ويجون واحنه كل ما بينه نرجع لوره ... اختك شكد حاولت الزكها لزين مو شلون ماكان كلت بلكي تصير قسمه ونعيش مرتاحين بفلوسه ... اااااخ ولكم هالمكسور الركبه بعده بهالعمر ولام فلوس الدنيا كلها شعبالكم اني مااضوج من ادري بفلوسه راح تروح كلها لهل براء بت الفكر ... شوكت اعيش مرتاحه اطلع واسافر والبس ذهب واتكشخ ولكم شوكت .... لا استفاديت من تزوجت ابوكم ولا استفاديت من كبرتكم وخليتكم كل واحد طحش شكبره وهم ما استفاديت منكم اختك تخرجت وكعدت بالبيت وانت بالدفرات ياله تخرجت
نور : خلص يايمه كافي صرعتينه
احلام : اااخ ولكم ما راح تحسون بحركه كلبي خلي اولي لغرفتي احسلي
____________
الساعه 7:00 صباحا
براء : دك المنبه كعدت حسيت بدفو عرفت زين حاضني درت عليه ... اباوعله نايم واني بحضنه ... كمت على كيفي غسلت وبدلت كعدت الف شالي ... سمعت صوته
زين : بنعاس وين رايحه
براء : للدوام غير
زين : اوكفي ... كام .... صباح الخير
براء : بابتسامه صباح النور
زين : لبس تشيرته ... دخل غسل وجهه وطلعت ... يله امشي اوصلج
براء : ماكو داعي سجاد يوصلني
زين : سجاد جان يوصلج من جنت مريض هسه مابيه شي يله تعاي وين جنطت جنطتج
براء : هاي
زين : جيبها ... اخذتها ... يله لبسي عباتج و جيبي السويج وتعاي
براء : اوك .... انطيته اله ... ونزلنه ... صباح الخير
الكل : صباح النور
زين : وكف يشرب ماي ... تعاي تريكي حتى نطلع
سجاد : خويه ارجع نام اني اوصلها
زين : لا ماعندي شي بعد اني اوصلها
مريم : تعال يمه تريك
زين : ما اشتهي
براء : تريكت بسرعه وطلعنه .... اشششه بارده الصبح
زين : صعدي بسرعه لا تتمرضين
براء : صعدت شغل التدفئه
زين : ركزي على المسائل واشاراتهن اريد درجات عاليه
براء : انشالله
زين : وصلتها هاج مصروفج وديربالج على دروسج
براء : اوك باي
زين : يباوع عليها ... باي
براء : دخلت للمدرسه دك الجرس وبدينه ندرس
____________
زين : وصلت للبيت ... صعدت بدلت وحت لصاله الرياضه صار فتره هامل نفسي وماجاي اسوي شي ... نزعت وكعدت العب حديد
قصي : هاا شعدك هنا
زين : شتشوف ... انت ليش ما رايح للدوام
قصي : مالي خلك ... اجيت اسبح لكيتك هنا
زين : والله بطران اكو واحد يعوف شغله ويكعد بالبيت
قصي : هه اي اني ... نزع تشيرته ... يله تلعب
زين : شلعب
قصي :180ضغط الي يكملها اول يغسل سياره الثاني
زين : بابتسامه جانبيه ... خوش ... يله 1,2,3 بدينه نسوي ضغط ... لك لا تزاغل انزل بجسمك عدل
قصي : هههه خرب يومك ولايفوتك شي
زين : ضحك ... ضلو حوالي عشر دقايق يلعبون
قصي : ميه وعشرين ... ااااووووف انسحب
زين : هههه كملت الميه وثمانين ... كمت يله كوم اغسل سيارتي اريدها تلمع صار شهر محد غاسلها
قصي : انت شلون تفوز بكل مره
زين : لياقه ابني اني عندي لياقه مو مثلك شويه وتتعب ... يله العصر عندي طلعه روح اغسلها
قصي : ههه هو محد طايح بهالياقه غير المسكينه مرتك
زين : شمر عليه الخاولي انجب
قصي : ههههه بشرفك تحبها
زين : بحيره ... ما اعرف
قصي : شلون ماتعرف
زين : مااعرف اذا احبها او لا
قصي : كعد زين راح اسألك اساله من خلالها نعرف انت تحب لو لا بس لازم تجاوب بدون تفكير يعني الي تحس بي جاوبه وهاا جاوب بصراحه يعني لا تتقيد لان اني موجود
زين : شال الثقل ... اسمعك
قصي : شنو اول شي تحب تسوي من تشوفها
زين : بدون تفكير ابوسها
قصي : ابتسم اكثر شي تحبه بشخصيتها
زين : خجلها
قصي : من تتلامسون شتحس
زين : هاا
قصي : جاوب لا تفكر
زين : شعور مااكدر اوصفه
قصي : تحسها مميزه عن باقي النسوان
زين : اي
قصي : تتمنى يصير عندك طفل منها
زين : ابتسم اي
قصي : لو يصير عندك طفل تتمنى يشبهك لو يشبه براء
زين : براء اكيد
قصي : اذا جان بالك شي وهي رادت العكس تتنازل على مودها
زين : ممكن
قصي : لوخيروك تعوف وظيفتك لو تعوف براء
زين : بدون تفكير اعوف الوظيفه
قصي : اذا لمستك شيصير بيك
زين : ما عليك
قصي : دطلع الدره واحجي
زين : كلت كافي لا تروح زايد
قصي : هههه وصلني الجواب ... ابشرك خويه انت مو بس تحبها اله تعشكها
زين : احمم كافي كافي اسكت دوختني
قصي : هههه لك زين شو صاير تستحي
زين : بحده احد كلك بايع المستحه مثلك
قصي : ههه اعصابك يالعاشك ... يله اعوفك وانزل اغسلك السياره
زين : نزل واني رجعت اكمل تمارين وره ساعتين ... تعبت كمت طلعت
دارين : صعدت للطابق الثالث اخذ ملابسي المنشوره ... شفت قاعه الجم انفتحت طلع زين لابس فانيله سوده علاكات ... عركان وصاير جسمه يلمع .... لاف خاولي على ركبته ... سبلت عليه ... صباحووو
زين : كشول هله
دارين : اول مره اشوفك تلعب رياضه
زين : باستهزاء عفوا ... المره الثانيه اخذ تقرير من جنابج ياله ادخل لمكان
دارين : تقربت منه ليش تعاملني هيج ... اني والله احبك واريدك
ليش هالجفاف بالتعامل هاا
زين : ضم اديه ... ببرود خلصتي
دارين : ززي
زين : بحده خلصتي
دارين : ايي
زين : شوفي ولج عوفيني بحالي احسلج هذيج المره اكلتي كتله ورزاله معدله وياها اهانه تسوه حياتج بس للاسف ما تبتي لا تخليني اطردج منا والله ومحد يوكف بعيني
دارين : لزمت ايده انت ليش متفهم اني احبك ومستعده اسوي اي شي حتى اذا جانت علاقتنه سريه اني موافقه المهم عندي ابقه وياك وقابله براء تبقه مرتك
زين : دفع ايدها ببرود خاف ما تقبلين ... سمعيني زين لا انتي ولا عشره بكدج يخلني افكر مجرد تفكير ابدل اظفر براء بمره ثانيه ... هاي اوهامج خليها لنفسج اني رجال متزوج واحب مرتي اموت عليها ولايمكن اخونها تردين واحد يريح دود... روحي هذاك قصي موجود يكيف على اي مره المهم بس يفرغ الي بداخله .... اني تلعب نفسي المس مره غير براء ما استنظف
دارين : ليش شبيها براء وتفضلها عليه ليش تحبها ومتحبني
زين : همسلها ... احبها لان شرررريفه ... عافها ونزل لغرفته .... دخلت للغرفه اخذت ملابس ودخلت للحمام ... انتبهت على ملابس براء معلكات ... شلت الدشداشه قربتها على خشمي اااافيييش خرب يومج على هالعطر ... رجعت علكتها بمكانها اباوع لملابسها الداخليه اخذتهن .... غمض عيونه متخيلها لابستهن كدامه ... اويلي الله ... ابتسم كون تجي تشوفني لازمهن يمكن تموت بمكانها .... رجعهن لمكانهن ودخل سبح
___________
براء : كاعدين بالدرس الاخير نشرح دخلت مدرسه الكيمياء
المدرسه : من رخصتكم نريد نفتش على المخالفات
المدرسه الثانيه : تفضلو
براء : دخلت تفتش البنات الي مخالفه اخذت اسمها ورزلتها ... وصلت يمي
المدرسه : اظافرج
براء : خليتهن كدامها
المدرسه : شو باعيلي .... خاله مكياج
براء : لا
المدرسه : جاا ليش حلكج احمر هااج مسحي
براء : اخذت الكلينسه مسحته
المدرسه : شنو حاطه سحري
براء : الكلينسه مبلله تمسح حتى السحري
المدرسه : خبره الله يسلمجن .... المخالفات راح تتنقص درجاتجن وانتن المزوجات هم مشمولات وياهن اذا الكه وحده منجن خاله ولو قطره مكياج احاسبها فجرن عدل احسللجن
رقيه : الكبر لهطول
براء : هاي شبيها
رقيه : تغار العانس
براء : ليش هي ممزوجه
رقيه : لا راح تموت مشوفيها شاده وياجن
براء : الحمدلله والشكر معقوله اكو اشخاص هيج يفكرون ... دك الجرس لبست عباتي واخذت جنطتي وطلعت انتضر زين .... مرت ربع ساعه نص البنات راحن .... وهو ما اجه ياربي وين صار
الحارس : عمي اذا عندج رقم السايق روحي للاداره خلي يخابرو
براء : ما حفظه رقمه ..... وره خمس دقايق اجه .... رحت بسرعه صعدت ... هلوو
زين : اخذ ايدها باسها ... اسف تاخرت عليج بس جنت افول بانزين ولكيتها ازدحام لو ادري ما رايح
براء : حست بفراشات بمعدتها من ملمس شفايفه .... بابتسامه صغيره ... عادي ما صار شي
زين : عله التدفئه ... وشد على ايدها شلونج بالامتحان اليوم
براء : الحمدلله
زين : درجه كامله
براء : انشالله ... الهدوء سيد المكان
زين : حرك ابهامه على ايدها ... يله وصلنه .... دخلت السياره للكراج صفيتها ... تعالي اخذ ايدها ودخل
براء : سلام
الكل : وعليكم السلام
براء : صعدت بدلت ونزلت اساعد البنات بالغده
نجمه : شلونج اليوم
براء : تمام وانتي
نجمه : مو زينه
براء : ليش
نجمه : باجر اداوم
براء : اي خوش احسن ما تروح عليج سنه كامله مشيها
نجمه : ولج مااريد اداوم اني اريد اصير ربه منزل
براء : ابتسمت تخرجي وعود لتتعينين هاي اذا لكيتي فرصه للتعيين لان اغلب الطلاب للاسف يكملون ويصيرون ارباب منزل
نجمه : وهو هذا الي اريد اوصله الهم
جميله : ولجن يله تعالن
براء : كعدنه نتغده
زين : صبيتلها ماي وخليته كدامها
براء : بابتسامه شكرا
زين : عفوا ..... كعدو يتغدون بهدوء
براء : افف طبعا دارين جزعتني كل شويه تضرب ايدها بايدي هاي شبيها اصلا شكعدها يمي اليوم ... حيلل قيدتني
دارين : شبيج براء اريد اكل وخري ايدج
براء : بهدوء انتي ايدج كل شويه تطخ بايدي اني شعليه
دارين : كلبت عيونها ... صبيلي كلاص ماي
براء : ماللوح يمج الدولكه
دارين : جاا وهذا الكلاص الي يمج منو صبه امي
براء : زين انطاني ياا
دارين : شنو معناته هالكلام عود شوفوني كاعده ويجيني الاكل والشرب حاضر تكدرين تكولين يا ناس ياعالم تره رجلي مدللني
براء : شنوو ؟
زين : بحده انتي شبيج منو دايس على ذيلج .. شنو طابكه وايراتج اليوم
دارين : بعصبيه اني ماسويت شي شوف مرتك الي تتقنعر
زين : خزرها ... كافي لاتلغين زايد
دارين : ااا
خوله : شبيج دارين انفتكتي سكتي دوختينه
دارين : سكتت ... تباوع لبراء بنظرات حقد
براء : رجعنه نتغده بعد ما سكتت هالمزعجه
دارين : براء انطيني هاي الطاسه اليمج
براء : شلتها ... تفضلي
دارين : اخذتها
براء : داشرب مي ومااحس غير شي حار يجوي صار على بطني ورجلي ... يمه شاغت روحي ااااااه
جميله : يااا برراء
زين : كام بسرعه جرر الصايه عنها ... بصياح للللج ماتشوفينن ثوووله
براء : كامت تكمز محتركه .... بدموع ااااه زين تحركني
زين : شالها ركض للاستقبال كامو وراه الكل
نجمه : ادري ماتشفين .... حركتي البنيه
دارين : باسف مصطنع ... اسفه اسفه مو قصدي
زين : خليتها على القنفه وهي تصرخ ... كافي براء وترتيني لا تصرخين .. تعالن سدن الباب و نزعنها الي عليها .... صعدت ركض جبت الاسعافات الاوليه ونزلت ... وخرن بصياح ليش مانزعتنها
مريم : يمه ماتقبل
زين : بحده هسه وكت عناد وخري ... فتحت الصايه ذبيتها وهي تنشغ ... رفعت الدشداشه دفعت ايدي ... خزرتها ... خليني اشوف شغلي ... اباوع الشباب طلعو ... نزعتها الها بقت بالداخليات ... اباوع البطن والفخذ صايرات دم ومطكعات .... مددتها وهي تبجي ... طلعت المعقمات ... اول شي مسحت الحرك بماي بارد حتى يخف الالم وانوب بديت اعقمه
براء : بدموع ... اااه زين دتاذيني
زين : ميخالف الم خفيف ولا التهاب بعدين .... عقمت بطنها وانفخ عليها ... اباوعلها مغمضه عيونها ضاغطه على ايد امي متالمه
مريم : تحملي حبيبتي هسه راح يكمل
زين : رفعت رجلها ... اعقم فخذها مسحت عليه بالكطنعه ... اباوع كد ما تبجي وتشهك صدرها يصعد وينزل ... نزلت عيني لفخذها ... ابيض كطن وترف ... استغفر الله هسه وكتها ... عقمت فخذها تفخت عليه حتى ينشف ... دهنت على فخذها وبطنها بمضاد للحروق عفته ثواني ينشف ولفيتهن ببلاستر حتى ما يلتهب ... يله كملت كافي لا تبجين دنكت مسحت دموعها
براء : متت الف موته ياله كمل ... غمضت عيوني همزين خلص طلعت روحي ... جريت الدشداشه اريد البسها
زين : هاي شراح تسوين
براء : بخجل البس
زين : مايصير تلبسين شي على الحرك لازم يبقه هيج على الاقل ساعتين طلعت مسكن ... شربته الها
خوله : هاا انشالله مابيها شي
زين : لا الحمدلله
خوله : موتي كلبي الله ياخذج الي يشوفج يكول تطلكين
براء : لارد
زين : ليش هو الحرك سهل طبعا الواحد يتاذه
دارين : بخبث ججج اسفه براء والله موقصدي
نجمه : بكلبها شالج الله ياجذابه
جميله : اذا ما طلعت متعمده اطلع كلشي ما افتهم
نجمه : اي طبعا
دارين : صدكيني ماادري شلون وكعت عليج
جميله : اي هي من قدرة قادر طلعتلها رجلين وراحت تمشي لبراء
دارين : شنو قصدج يعني اني متعمده
جميله : والله ... الحليم تكفيه الاشاره
مريم : خزرتهن كافي .... يله تعالن ... طلعن
جهاد : هاا شلونها
مريم : لا الحمدلله حروق سطحيه بس لان المركه جانت حاره كلش جوتها
سجاد : همسلهم ... هسه تطلع متعمده
قصي : حتى اني اكول هيج هاي وحده حقيره كلشي يطلع منها
حسن : وحق ربكم هسه زين يحطها براسه وماكو داعي اكلكم زين اذا شد ويه احد شيسوي بي
لؤي : ههه راحت عليج ياا دارين
الولد : اي والله
________
براء : طلعو وبقيت بس اني
زين : دخلت ... اباوعلها ... العيون والوجهه حمر من كد البجي كعدت يمها ... لزم ايدها بايسها ... بعد اكو الم
براء : بخجل من تصرفاته المالها تفسير ومن لبسها كدامه ... قق قليل
زين : هو مكان الحرك مو خطر ....لا سامح الله لو جان خطر ... لازم تدخلين مستشفى حتى ماصير حاله تسمم
براء : اننت ليش متروح
زين : وين اروح
براء : بخجل .. زين حباب اطلع اني مابيه شي
زين : دنك عليها ... هامس خجلانه مني
براء : بارتباك ... ها؟
زين : ماكو داعي للخجل ... رفع اصابعه مشيها على عيونها هذني الي ... نزل لخدودها ماسح عليهن ... وهذني الي ... نزل لشفايفها وهذني هم ... نزل لركبتها هاي مالتي ... نزل اصابعه لصدرها مبتسم وهذا هم الي ... نزل لبطنها ... دنك باس صرتها بعمق بقه على هالوضع ... منزل ايده لفخذها ينزل ويصعد باصابعه على طوله ... تعرفين المارشملو
براء : بخدر ااممم
زين : جسمج مثله بالضبط ابيض وطري ... باس جوه صرتها نزل ببوساته لمكانات محضوره ... براء تحركت بسرعه مرتبكه لان تمادو هواي ... فتح عيونه متذمر ... ليش تحركتي
براء : ززيين الي دنسوي غلط مم ميصير هيج
زين : ضم اديه .... ببرود ليش غلط
براء : بارتباك ... لل لان الي ديصير مانابع من حب وانما نابع من رغبه .... دمعت عيونها اسفه زين اني مااكدر اسلمك نفسي وانت راغبني كجسم مو كروح ... اعرف الغلط مني بالبدايه اني الي ما خليت حدود بيناتنه
زين : ببرود ومنو كال اني راغبج كجسم وبس
براء : اني اعرف انت متحبني وتزوجتني مجبور حتى تستر عليه ... ما انكر .. باخر فتره تغيرت معاملتك الي بس مو لان تحبني وانما تشفق عليه وعلى وضعي المزري ... صدكني زين ... اعرف لو شما اسوي ما اجازيك كد شعرايه انت مجملني من ساسي لراسي ... دتعاملني معامله ببيت اهلي ما جنت اشوفها دخلتني باحسن مدرسه احتياجاتي كلها انت متحمل مسؤليتها حتى بدراستي داعتمد عليك بس اسفه مال اسلمك نفسي واخليك تستغلني كاداه حتى ارضيك مثل بنات الشوارع مستحيل اسويها
زين : بحده لج انتي ثوله شنو شايفتني حيوان حتى اركض وره رغباتي .... اني ماجاي استغلج ولا يمكن اسوي هيج شي حقير اصلا اني لو عندي رغبه جنسيه بيج جان اخذتج من زمان وارجع واكول محد يكدر يمنعني ولا حتى انتي ... ماانكر عندي هسه رغبه جبيره بيج بس مو شهوه .... لا رغبت روحج مو جسمج لو راغبج كجسم وبس تكدرين تكولين هاي شهوه
براء : لعد شتفسر تصرفاتك ويايه هسه
زين : سند كصته على كصتها .... مااعرف ... بس اذا جان .... اشتاقي الدائم الج .... وتركيزي على ابسط تفاصيلج ...و عدم تقبلي وجود اي شخص بحياتج غيري ... حبي لعطرج ... عدم نفوري منج مع انو انتي مره .... اعجابي باعتنائج بيه .... حبي لوجودج حواليه .... رغبتي بنومتج بحضني ... احب لمست ايدج على جسمي ... اذا كل هالاشياء تدل على انو هذا حب .... فاني احبج
براء : عيونها نملت دموع ... ياربي معقوله الي ديصير مو حلم ... يي يعني اانننت تحبني
زين : والله شكلي اي احبج
براء : ببجي .. ييعنييي تحبن يي الي من صدو ك يع يعني انتت متاكد
زين : دنك ماخذ شفايفها برقه ... معبر الها عن مشاعره الي ميكدر يوصفها اله بهالطريقه ... لزم راسها مقربها عليه اكثر
براء : داحس باحساس لو اكعد اشرحه طول حياتي مااكدر اوصف ذره منه احس بفراشات تركص بمعدتي ...
زين : نزل ايده مثبت خصرها ... مال راسه رايد مساحه اكبر من شفتها ... ابتعد ساند راسه على راسها محرك خشمه على خشمه .... اعتقد عرفتي الجواب
براء : هزت راسها بخدر... لا
زين : ضحك بايسها بوسه خفيفه على شفتها ... فتحي عيونج لا تموع روحج مثل البارحه
براء : فتحت عيونها
زين : اخذ ايدها بايس بانطها ... بحنان مااكدر اشرحلج الي صار ... اني جدا فاشل بالتعبير عن مشاعري بس صدكني مشاعري الج صادقه لدرجه ممتخيلها ... اني عمري ماحبيت ولا جربت الحب ولا اعرف شنو هو بس الاعرفه انو نهايه حياتي تصير بعدم وجودج بيها
براء : حضنته ... باجيه
زين : شد على حضنها .... ليش تبجين شنو ما تحبيني ... تره عادي اني مااجبرج تحبيبني
براء : بدموع احبك زين
زين : غمض عيونه ماتوقع مجرد كلمه تاثر بي لهدرجه .... ااااه واني اموت عليج ياروحه لزين .... ضلو متحاضنين فتره هي تحس ضلوعها تكسرت كد ما شاد عليه بس متريد تعوفه .... مشه ايده على ظهرها ... وخري بعد ما اتحمل هسه تدخل علينه حجيه خوله تكول هااا حتى هنا ما تستحون
براء : ضحكت بخجل
زين : باسها بخدها ... يله لبسي صايتج وعوفي الدشداشه لا تلبسيها ... خلي اصعدج فوك لا يدخل واحد من الولد
براء : لبست الصايه واخذت الدشداشه ... ومشيت اعرج مااكدر امشي رجلي تحركني ... حسيت روحي نرفعت ... بخجل شنو هاي زين نزلني
زين : شلون تمشين وانتي هيج بعد ساعه متوصلين
براء : حتى اذا فشله حباب نزلني
زين : ابتسم لا عادي عليمن هالفشله شمسوين ... فتح الباب وطلع شايلها
براء : الحمدلله ماهمه الولد بس البنات كاعدات
خوله : هاا ولك ماتستحي شايلها وتفتر
زين : ببرود ...حجيه فكي ياخه ... رجلها محروكه ماتكدر تصعد
خوله : عمت عين التنعوص
براء : بس تباوعلهم ... ياربي مو كتله نزلني هسه شيخلصني من لسان حجيه خوله
زين : دار عليها ... حجيه اذا تردين واحد يشيليج كليلي اني اشيلج وافتر بيج بالبيت مااخليها بنفسج ... بس لا تخلين راسج براسي لخاطر الله
خوله : ياااا والله ماتستحون ولكم شنو انتو لابارك الله بيكم
دارين : هاي شلون كدرت تشيلها
زين : اعتقد هذا شي ما يخصج خليج بنفسج احسلج
خوله : وشكلتلك هي
زين : ببرود من رخصتكم
مريم : براحتك يمه
زين : صعدت
براء : بهدوء زين اذا ثكيله عليك نزلني
زين : ببرود وانتي تضلين تتاثرين بكل حجايه تسمعيها
براء : لا بس صحيح كلامها اني ثكيله عليك
زين : ابتسم ... تره انتي بخف الريشه لان كلش ناعمه ... بس حبشكلاتج جبيره
براء : احتقن وجهاا مرتبكه ... شنو هالحجي مو عيب
زين : تره كلامي عليه شهود
براء : بخجل منو
زين : غمزلها ... ايدي وعيني
براء : دفنت راسها بصدره
زين : هههه .... وصلت للغرفه فتحتها ... دخلنه لغرفتنه ... خليتها على الجربايه
براء : اجتي تكوم
زين : وين
براء : بردانه اريد ملابس
زين : خليج كاعده ... رحت طلعتلها تشيرت عريض ... لبسي هذا حتى ميجي على الحرك
براء : والبجامه
زين : تره جاي احجي عربي مايصير الملابس تلوح الحروك تحملي شويه
براء : اخذته ... بهدوء شكرا يله اطلع خلي البس
زين : بخبث ليش لبسي كدامي
براء : بتوسل لا حباب اطلع
زين : ماشي يله اعوفج تلبسين من تكملين كليلي
براء : اوك ... نزعت الصايه ولبست التشيرت يوصل لفوك فخذي بشويه ... اخذت شالي غطيت بي الطالع مني ... كملت
زين : دخل نزع التشيرت وتمدد بصفها فتح اديه ... دخلت بحضنه ... حضنها مبتعد عن بطنها .... كعد يلعب بشعرها ... برائتي
براء : هممم
زين : نعسانه
براء : هزت راسها ... اي
زين : ضل يلعب بشعرها ويبوس راسها ... شويه ونامت ابتسم بايسها بشفتها حاضنها اكثر اله ... غمض عيونه نايم مرتاح وبحضنه حبيبته
_____________
ثاني يوم صباحا
براء : دك المنبه كعدت مرتاحه ... اجيت اكعد زين ... اليوم كون يداوم ... اباوعله .. عيونه .. حواجبه ... رموشه ... انفه ... فكه ... شفايفه كلشي بي حلو ... بهدوء زينن زين ... يله اكعد صار الصبح ... فتح عيونه يباوعلي ورموشه طخن بحواجبه ابتسمت بهدوء صباح الخير
زين : كام .... باسها بخدها .... صباح الورد ... دخل سبح وطلع لكاها مجهزه ملابس اخذهن منها
براء : طلعت حتى يبدل شويه ورجعت ... وكفت كدامه امشط شعري
زين : حضن خصرها دافن راسه بركبتها مستنشق عطرها ... يصير نغيب اليوم
براء : بهدوء لا عندي امتحان
زين : عض ركبتها يعني مابيها مجال
براء : بخجل جج لا
زين : ابد ابد
براء : هههه ابد
زين : وخر عنها مبتسم يله اني نازل من تكملين نزلي ... نزلت لكيت الكل كاعد ... صباح الخير
الكل : صباح النور
قصي : اخاف احجي واحسدك
زين : ببرود شكو
قصي : وجهك منور اليوم
زين : بلامبالاه دائما منور موشي جديد
براء : نزلت وكعدت بصف زين تريكنه وطلعنه
زين : وصلتها ... يله حبيبي نزلي ديريبالج على روحج وماوصيج ركزي على دروسج
براء : انشالله ... اجتي تنزل
زين : ما نسيتي شي
براء : باستغراب لا مناسيه شي
زين : تقرب عليها اكيد ماناسيه شي
براء : تباوع لشفته بهمس لا
زين : تقرب اكثر باوعي زين
براء : همم
زين : لزم وجها بايس شفايفها بوسات متقطعه ... اعتقد ... بوسه ... هسه ... بوسه ... تذكرتي ... بوسه ... مو
براء : احمم يي يله اني اروح باي
زين : ابتسم باي .... توجهت للمستشفى ... وصلت واخيرا داومت ... دخلت للمستشفى الكل تحمدلي بالسلامه ... دخلت للمكتب
اسراء : يااا زين شعندك مداوم مو ماخذ اجازه
زين : كعدت ... صرت زين
علاء : الحمدلله على السلامه دكتورنه شلونك
زين : صافحته ... الحمدلله انت شلونك
علاء : تمام
زين : لبست ملابسي ودخلت لغرفه العمليات
____________
براء : كاعده بالدرس وكل شويه لامسه شفايفها مبتسمه تتذكر الي صار ... ماكو اجمل من شعور انو يبادلك الشخص الي تحبه نفس المشاعر ... ياربي لسه ممصدكه انو اني وزين ارتباطنه صار حقيقه يمكن الي صار هو اجمل شي صارلي بحياتي ... عمري ماتوقعت زين المغرور القاسي والمتعجرف ممكن يحبني اني
المدرسه : عليمن تضحكين
براء : فزت ... هاا مااضحكت
المدرسه : جاا منو الي صار ساعه صافنه تضحك امي
براء : اسفه ست شردت شويه
المدرسه : دكعدي وركزي
براء : مشه الدرس وتوالت الحصص لحد مااجه الدرس الاخير طلعت ... انتظر زيني اي زيني الي ... شويه وجان اشوف منظر وكف الدم بعروكي
