رواية الإرهابي وذات النقاب الجزء الثاني الفصل الثالث والعشرون بقلم ام غايب
اجه صوت بداخلي يگلي ديربالج بقيت واگفه لا اني الطالعه ولا اني الداخله گلت خاف اروح وتصعب طلعت موبايلي ودخلت وطبگت الباب اتصلت على علي جاوبني
علي.. الو
ميمونه.. صباح الخير
علي.. صباح النور، شعدج گاعده من الصبح
ميمونه..اصلاً منايمه ابدا، علي اني تعبانه حيل ومگاعد اعرف شسوي اريد اشوف خضر
علي.. وين تشوفي شبيج والله بالسجن
ميمونه.. اعرف بس اريد اشوفه شلون
علي.. ميمونه بالمكافحه مترهم وبعدين بلكي اليوم يطلع
ميمونه.. شلون والفلوس
علي..شاهين باع سيارته وراح يسدد البارحه اتفق ويا مدير الشركة واليوم متفقين نلتقي ينطيه شاهين الفلوس ويتنازل
ميمونه.. احس الروح ردتلي گلت الحمدالله والشكر يارب
علي.. تحبي لهاي الدرجه ولج، لعد ليش عفتي.
ميمونه.. تعرف شنو محد يخلي نفسه بمكاني ويعرف نار گلبي والوضع الي اني بي اختي وزوجي شلون اصدگ واحد بيهم وحده تتهم زوجي
وزوجي مبين لان اكو شغلات تثبت ادانته واني محتاره لذلك طلعت
علي.. بس انتي گلتي للكل هو وأمي
ميمونه.. قاطعه اعرف راح تزعل بس امك اخذت من كلامي الي تريد توصله
علي.. والله مااعرف مجنت موجود حتى احكم على العموم اني هسه لازم أسد الخط رايحين للمحكمه علمود سلمان
ميمونه.. اليوم محكمته
علي.. اي وان شاء الله خير، يلله بعدين اتصل بيج
ميمونه.. طمني شيصير عليك الله
علي.. تدللين
ميمونه سديت الخط ورجعت دخلت فرحت او جزء من همي خف من گال راح يسدد شاهين،
شاهين اخ الهم بمعنى الكلمه اللحظه حسدتهم عليه هنيالك كل واحد عنده بحياته سند
دخلت لگيت فلك گاعده تسوي ممه لعلي والبزونه اول مادخلت اجتي عليه
فلك.. وين جنتي
ميمونه.. جانت عندي شغله
فلك.. شغله بيش الساعه ميمونه
ميمونه.. شعليج بيه فلك
فلك.. هيج صرنا ميمونه مثل الأعداء تباوعيلي بحقد
ميمونه.. محاقده على اي احد بس تعبانه وانتي تزيدين تعبي من تحاولين وتصرين خضر او من تشوفيني احاول اوخر شكوكي... خضر يسوي هيج انتي تحكمين علية بدون حتى متتأدكديتن
فلك.. اني ضايعه
ميمونه.. واني هم بس مااحكم اله من اتأكد يافلك
فلك.. لو بمكاني
ميمونه.. مراح اصير بمكانج لان اني مااتسرع ابد حتى عمج الچلب جنت شاكه ورغم شكي بقيت الحدما اتأكدت
صدگيني خضر ميطعن بشرفج ولو جان هو صدگي لو عندي سبعه منه هم ماابقه ويا ولو شيصير مانطي بيج واعوفچ انتي روحي انتي الشي الوحيد الي بقالي بهاي الدنيه
بس اني هسه تعبانه لتباوعين التصرفاتي لان گلبي وداخلي كله انتي روحي
عفتها ونزعت العبايه وأخذت بزونتي ونمت غفيت لان جنت منايمه فزيت على صوت علي يبجي فتحت عيني وابتسمت
فلك تبوس بي قوي وهو يعترض ويصرخ يبجي
فلك.. اله ابوسك اشو... باوعت عليه گالت گعدتي
ميمونه.. اي لعد خاله وين
فلك.. راحت تتسوگ وگالت اكو بيت واسع مكتوب للأيجار راحت تشوفه
گعدت وميمونه البزونه بصفي وين مااروح شلتها بستها باوعت على الساعه بالوحده
گلت يبوو شگد نمت ولزمت موبايلي اتصلت على علي جاوبني وصوت ضحك بارز ومبين هواي يمه
علي.. نسيت اتصل عليج والله ملتهي بسلمان
ميمونه.. بشر
علي.. طلع سلمان والأهل گاعد يحتفلون
ميمونه.. ابتسمت... مبروك الله يبشرك بالخير شلون خبر حلو تحمدلي اله عليك الله وسلملي
علي.. تريدي
ميمونه.. ياريت والله خلي اشكره، شويا واجهتني نبره صوته
سلمان.. هله يابه ام تك وتك
ميمونه.. الحمدلله على سلامتك، تقربت يمي فلك تباوع عليه وتسأل بعيونهه گتله رأساً حتى تفهم
مااعرف شگلك سلمان والله لو شكد مااشكرك متكفي
فلك.. بأبتسامه، سلمان طلع
ميمونه.. واني ابتسم، اي
سلمان.. يمعوده شسويت اني اي واحد بمكاني يسويها بس شنو ليش انتي وين
ميمونه.. يم خاله
سلمان.. هاا شعجب
ميمونه.. معقوله متعرف
سلمان.. اعرف گلي علي بالطريق ليش اجذب عليج تستاهلون ماابلعكم لا انتي ولا خضر
ميمونه.. هههههههه
سلمان.. وجعه ام تك وتك تتمضحك، يابه صار شگد ممخبث عليكم بس لا تطلگون بعد منو استفز
ميمونه.. ههههههههه
سلمان.. اگلج گالولي حامل هذا الحمل شنو مخليج تتمضحكين ودير بالج تضحكين
ميمونه.. لعد شسوي
سلمان.. هههههههههه يالله اضحكي ولتبجين ان شاء الله من ارتاح اسويلكم زرگه اشوفج بيها واطيح حظج شويه سلميلي على الاهل... گتله يالله مع السلامه
فلك.. انطيني، انطيني لازم اتشكر منه
ميمونه.. سلمان قبل لتسده هاي فلك تريد تباركلك
سلمان.. انطينياهه
فلك.. فرحت من كل گلبي لطلعته اخذت الموبايل من ميمونه گتله مبروك طلعتك من السجن
سلمان.. بس هيج
فلك.. مااعرف شلون اشكرك والله ابد ماانسه ذاك اليوم الي بفضلك مخسرت روحي
سلمان.. بالبدايه جنت ماخذ شغله او فكره ببالي عنكم بس ميمونه غيرتها الصراحه، رغم جنت أگول ولا اطيق سيرتهه ووووو والف شغله بعقلي عنهه بس بعدين اكتشفت ام تك وتك ماكو منهه ابد
فلك انتي وميمونه حالجن حال ابتهال اختي وابد لتفكرون ماعدكم احد لان احنا وراكم ولو ضايج منج من عرفت اتهامج لخضر
فلك.. تعرف شنو اتمنى، اتمنى اطلع غلطانه بالحكم على خضر علمود ميمونه بس افهمو شغله خضر السبب بالي صار لأمي
ميمونه.. خلص اليوم واني انتظر خبر من علي يگلي طلع اخر شي اندگت الباب بحدود الساعه 12 طلعت خاله واني اباوع عندي حلم صعب الي هو يجي خضر هم طالع من السجن وهم جاي يحظني ويگلي اشتاقيتلج بس خاب أملي من فتحت الباب خاله وطلع قاسم سمعت صوت شاهين ركضت لبست حجابي
فلك.. منو
ميمونه.. قاسم وشاهين
فلك.. من عرفت شاهين گمت ورحت اباوع من بعيد اريد اسمع شيگول وشيحجي دخل من يمي قاسم شكله يقهر
ميمونه.. شلونك شاهين
شاهين.. بأبتسامه أطمني راح يطلع
ميمونه.. ابتسمت... الحمد لله يارب باوعت على خاله عيونه تدمع
ام قاسم.. يمه والله مااعرف شلون اجازيك بس لو مبقي يمكم اليوم
شاهين.. هو باله يمج لتخافين امي قاسم خوش قاسم بس انصدم لذلك بدرت منه هاي السوالف
فلك.. ابتسمت من حجه وياها هيج جنت صافنه من بعيد بس اباوع على سبحته تتحرك لان شويه من ايده مبينه
ميمونه.. زين خضر يعني شوكت يطلع
شاهين.. يجوز باجر ان شاء الله
ميمونه.. شاهين انت ليش هيج الله يخليك النه سند
شاهين.. بأبتسامه...ليش اني شسويت
ميمونه.. اخ للكل وسند للكل
ام قاسم.. اي والله ماكو منك يمه
ميمونه.. راح شاهين دخلت لگيت فلك واگفه وصافنه گتلهه قاسم هم حجيتي ويا
فلك.. لا دخل رأساً جنت واگفه اسمع شيگول شاهين
دخلنا لگينه قاسم متمدد بالگاع ومغطي عينه
ام قاسم.. افرشلك فراش
قاسم.. كلشي مااريد يمه
ميمونه.. گعدت يمه وسحبت ايده رجعت فلك گعدت من الجهه الثانيه
فلك.. ابو شوارب يبجي
قاسم.. انجبي شنو ابجي
ميمونه.. تقربت عليه اني هم و وخرت ايده من عينه گوه
قاسم.. عوفونيي
فلك.. ياا تبجي على توته عمي هنيالهه توته... ولك خلي تولي هيا خسرت
ام قاسم.. شوكت تفهم يمه انت تستاهلك الي تحبك
قاسم.. وسنيني يمه واني احلم ابني حياتي وياهه يوم ميت اني
فلك.. قاسم ماكو احد يموت ورى احد والكل يعيش بس هاي لان اول ايام
قاسم.. زفوهه اله اليوم وهيا بحضنه
ميمونه.. سحبته خاله وخلت راسه بحظنها
وانت بحظن امك ولك تريد حظنها ومتريد حظن امك
ميمونه.. بقينا بيومها اني وقاسم وفلك نسولف قاسم بجه شگد انقهرت عليه وفلك هم حجت عن حسين
بجيت واني استمع الهم تذكرت حضن خضر شگد مشتاقتله گمت من يمهم ورحت لفراشي وطلعت صوره گمت اگلب بيهن إلى ان غفيت
فزيت الباب تندگ گبل گلبي گام يوجعني هو، هو
گمت بسرعه خاله جانت تفتح بالباب... قاسم اثاري طالع واجه حسيت بخيبت امل للعصر اتصلت على علي
ميمونه.. الو علي
علي.. والله ألتهيت كلش وهسة گعدت على صوت الموبايل
ميمونه.. خضر طلع لو لا
علي.. اي طلع، سحب الدعوه حتى ماودوهه للمحكمة رتبهه خالد
ميمونه.. گلبي وجعني گتله هو وين هسة
علي.. يم عزوز لو يم راشد هسة اصحصح واخلي يخابرج
ميمونه.. مو تنساني عليك الله
فلك.. شبيج منو هذا
ميمونه.. علي سألته على خضر طلع من السجن
فلك.. راح اروح للمحل تردين شي
ميمونه.. لا كلشي مااريد
فلك.. اخذت علي ورحت اشتريله مشيت گايده علي وامشي واباوعله
وابتسم تبهذلت حيل بسبب العبايه والبوشيه ويه علي ابد ميرهمن دخلنه للمحل تخبل عليه اركض وراه منا ومنا كل شويا شامر شي واني اشيله ورا
اخر شي شاله الرجال
ابو المحل.. شسمك انت
فلك.. هو يحاول ينزل منه وعصبي اخر شي گله ولك وخزره هو گام يباوع على ابو المحل ويحك بأذنه جان يبوسه لابو المحل ويگله عم
ضحك ابو المحل
ابو المحل.. شنو هاي ولك من هسة لوتي
فلك.. اخذت كم شغله من شفت علي ملتهي ويا ابو المحل جان رجال جبير ومشيب تقربت احاسبه
اية المحل.. شنو بيت منو هنا لو خطار
فلك.. تحولنه جديد
ابو المحل اهلاً وسهلاً عمو عبالي خطار يم احد مو أگول اول مره اشوفكم... هذا الوكح شسمه
فلك.. علي، وخليت الأغراض على المكتب مال أسواق
ابو المحل.. خليها علينا
فلك.. لا شكراً عمو... هو اخذ علي وطلعله حليب وكيكه شفت الچبس طلعت اريد اخذ... باوعت سياره و واحد يباوع علية گبل خفت حسيت گلبي وجعني
دخلت للمحل احس اعصابي انشدت حيل من الخوف مشيت بخطواتي لابو المحل گلت اگله لو خاف ياخذ نظره عني
طلعت بسرعه سويت روحي مامهتمه بس مثلت علي حظنته خاف ياخذو مني
شويه ودرت السياره ورايه بهالاثناء دگ موبايلي باوعت خضر گبل جاوبت
فلك.. خضر اكو سياره گاعد تراقبني وخايفة
كلش
خضر.. وين انتي
فلك.. بالمنطقة طلعت اشتري لعلي
خضر..قاسم وين
فلك.. طلع
خضر.. رجعي للمحل الي جنتي رايحتله اذا قريب عليج هو اني جايج أصلاً جنت
سديته منه خفت كلش تذكرت حرماني من علي ابني خفت ينعاد رجعت بخطواتي اتصل خضر
ها فلك
فلك.. رجعت گام يباوع علية
خضر.. شنو اسم الأسواق
فلك.. المصطفى
خضر.. شنو گبالهه... گبل اجاني صوت شاهين اخذ الخط من خضر
شاهين.. فلك الأسواق بابها سيم
فلك.. شاهين خاف يخذون ابني
شاهين.. احنه بالمنطقه جنه جايين بس گليلي المحل هذا مجنت منتبه على اسمه يافرع
فلك.. وره دربونتنه بفرعين
فلك.. كأنما الله جابهم الي ردت اتخربط من الخوف
رجعت للأسواق سويت روحي اشتري ارجع
گتله نسيت عمو موصيني على شغلات وهسة راح يجي زوج اختي هم
صدگ بعدني احجي اجوي اول ماشفته اجاني خضر دخل
خضر.. السلام عليكم
فلك.. علي من شافه ركض عليه اول مره احس علي كبران شلون عرفه
هو شاله وباسه، ابو المحل سلم عليه وطلعنا
خضر.. ليش تطلعين مو تعرفين الوضع
فلك.. همزين اتصلت صدگ جنت خايفه معناهه يندلون البيت مااحس اله اجى شاهين من الجهه الثانيه
شاهين.. وله ملحگت عليه... باوع عليه وگال شلونج ام علي، وگبل گال لخضر اني رايح بعد
فلك.. باوعت عليه ودنگت، گله مو متفقين نروح لازم تجي وتشهد انت
فلك.. جنت مااعرف على شنو يحجون باوعلي خضر
خضر.. خابري خالتج گليلهه ويايه لازم نروح اني وياج
فلك.. وين
خضر.. حتى ابرئج من الفيديو وين عنوانكم جان نروح
ونروح نسأل بأي تاريخ الحنه وهيج اني ابرأ ذمتي وياج لان بسببي يجوز لان الموبايل يمي بس وروح اهلي وبداعة الي ببطن ميمونه بعد بكيفج تصدگين او متصدگين الي عليه راح اسوي
فلك.. باوعت شاهين اخذ علي وباسه هاولك علوكي مشتاقتلك
علي.. اووووا وقدم ايده باسهه شاهين وابتسم بقيت اباوع عليه، باوعلي بنظره سريعه و وياهه رفعة حاجب گال
شاهين.. يالله لعد خلي اجيب تكسي وعافنه وطلع اتصلت على ميمونه
الو ميمونه
ميمونه.. هاا فلك تأخرتي وينج يمعوده
فلك.. خضر هنا راح نروح اني ويا وشاهين بشغله ليبقه بالكم
ميمونه.. ابتسمت... اجه خضر
فلك.. اي يالله باي گولي لخاله
رحت وياهم گعد شاهين بالمقعد الأمامي وبحظنه علي وخضر بصفي...وعيني على شاهين مدري شبي لحدما وصلنا
خضر.. بالمنطقه شيعرفوهم بيت صديقتج
فلك.. موجودين ذاك اخوهه واگف بالباب
خضر.. هاا... همزين الحمدلله
فلك.. راح گبل توجه علي گال الشاهين تعال ويانه
تقدمنه عليهم بعد ماأخذ اسم صديقتي جان اخوهه صغير وكبران
توه عرفني من شافني گبل گالي انتي
فلك.. گتله هلو عبوده
عبدالله.. والله عرفتج من شفتج من بعيد دقيقه خل اصيح غفران موجوده
دار خضر عليه اليوم محظوظه فلك
وتقرب يم الباب بقيت واگفه يم شاهين الي ميحچي ابد، متحملت مااحجي
حجيت بصوت ناصي
فلك.. اني مسويه شي او سامع عني شي دار عليه
شاهين.. ليش يعني
فلك.. مااعرف انت مو طبيعي
شاهين.. جداً طبيعي
فلك.. اني اعتبرك اخويه احس نفسي... قاطعني
شاهين.. اخوج... واني مااعتبرج اخت
فلك.. درت عليه صارت عيني بعينه دار خضر علينا وتقرب اخذ علي وگال الشاهين
خضر.. لو گايل لابو التكسي يروح
شاهين.. لا مستحيل اني بس تطلع البنيه وتحجون اروح
بهاللحظه طلعت غفران معرفتهه متغيره هواي هيه گبل گالت فلك شلونج يمعوده شو تعاي دخلي وباوعت على خضر ورجعت الشاهين
ورجعت گالت هذا ابنج ولج جنه ميمونه اووي
تقربت عليهه بستهه وشالت علي گتلهه خضر زوج اختي
غفران.. ياا فدوه هذا ابنها
فلك.. ابني هذا
غفران.. صدقه صدقه تفضلو تعاي دخلي همزين توني اريد ارجع البيتي
خضر.. احنا هم مستعجلين بس اكو شغله لازم نعرفهه او لازم تحجيهه
غفران.. تفضلو
فلك.. گبل باوعت عليه واشرتلي شكو شصاير
گتلهه تتذكرين يوم حنتج گبل ارتبكت
غفران.. اي طبعاً شكو ليش
خضر.. احجي تفاصيل من اجتج فلك
غفران.. فلك فهميني
خضر.. بدون متفهمج من اجتج فلك شسويتوا بيومهه
غفران.. التصوير اله ايد
فلك.. گبل باوعت عليهه وخضر هم
شاهين.. اي اله ايد شمعنا گبل التصوير ذكرتي
فلك.. باوعت غفران ارتبكت حيل
غفران.. مبين من وجهكم اكو شي قوي
شاهين.. لا ماكو هيج شي ليش ذكرتي الفيديو
فلك.. مااعرف ارتباكهه هو صار شك لان موطبيعيه صارت واله هيا كلامهه طبيعي لوما ارتباكهه الي حسو بي شاهين وخضر
غفران.. ماكو شي والله المهم شنو
فلك.. من رگصنه وصورنا بموبايلج جان المن نقلتي... صفنت
غفران.. منقلته وجنا نرگص طبيعي واذا اكو سوء فهم احلف بداعة بناتي فلك ماكو منهه
راح أگول شي وابري ذمتي همزين اجيتي فلك كلشي يصير بيه دوم أگول لان سويت بيج شغله وغدرتج وروح بنتي الماتت وبداعة بنتي المريضه هسه
فلك احد گاعد يلعب بشرفهه متقصد وكلشي هو وراه لتگولين شلون بس والله هذا الشي گاعد احجي صدگ واخاف أگول
فلك.. دخت شنو يعني
شاهين.. يعني انتي متقصده تصوريهه
غفران ممصورتهه قصد والله بس عرفت الفيديو مأخوذ من جهازي وبعدين عرفت متقصد
الهنا وبس أگول مااگدر احجي بعد ليطلع ابويه
فلك ديري بالج على روحج
فلك.. تعاي فهميني
خضر.. خلص عوفيهه خلي تروح
فلك.. لا على اي اساس... احجي راح اتخبل غفران شرفي راح
شاهين.. منو اسمه... راح انطيج اسم هو او لا كلشي مااريد منج بعد
فلك.. احجي عليج الله بروح بنتج وبداعة بنتج المريضه... اني ضايعه
شاهين.. فواز اسمه
غفران.. عفيه روحو حسد الباب فلك اخذيهم اذا حجيتو اوگع بيهه والقرآن
فلك.. غفران احجي
غفران.. اي هو روحي شوفي ابوج شمسويله ومراح يعوفج تره
وانت إذا جنت زوجهه والله وروح بنتي ناس متسلطين عليهن البنات ولان ماعدهن احد
فلك.. ابويه شمسوي تعاي غفران من شوكت تعرفين
غفران.. فلك گتلج حتى اريح ضميري فدوه عوفيني ولتگولين گتلج
خضر.. هذا هو اني افهمج فلك
فلك.. باوعت عليه شتفهمني ضعت اني ليش هيج... حسيت ضعت اكثر بكلام غفران
عفناهه بعد مالحت متحجي مشيت بلا وعي افكر بكلامها واحاول استوعبه شي مستحيل يستوعبه العقل فكرت اللحظة يجوز متفق وياهه قاطعني صوته
خضر.. هيج اني برئيج وطلع الموبايل موبايلج الي يم حمصه
درت گبل على شاهين يباوع علية ابتسم بس ابتسامه اشبه بالاستهزاء
اخذت موبايلي منه واني صافنه حسبه تجيبني وحسبه توديني إلى أن صعدت بالتكسي نزلت دموعي لان ضايعه ضعت ضعت شگاعد يصير ويايه اسأل روحي وماالگه الجواب اختنگت الأول مره اوخر النقاب لان گمت مااگدر اتنفس شافني خضر دار عليه بسرعه وعلي بحضنه جان هو گاعد بالأمامي لان شاهين راح
خضر.. بيج شي
فلك.. اختنگت... ابو التكسي گال خوما اكو شي خويه اوديكم للمستشفى
خضر.. اي
فلك.. ماكو داعي
خضر.. خويه للمستشفى
فلك.. جانت مو كلش تبعد مسافه عنه بحيث بسرعه وصلنا وهم مجان اكو ازدحام نزلت بوشيتي ونزلت خضر صار گبالي
خضر.. خيرج فلك شتحسين
فلك.. بجيت اكثر وغطيت عيني بيدي
خضر.. گولي يالله... تعالي تعالي من الشارع
دخلني للمستشفى وگعدني على الكرسي وبيده علي
خضر.. هسة اجي
فلك.. مااعرف شبيه بس احس التوهان الي اني بي راح يقودني للجنون... جابلي مي واجه
خضر.. شربي
فلك.. باوعت عليه
خضر.. ليش تبجين فلك والله وروح ابويه وامي مو اني
فلك.. اعرف شي واحد بس... اني تايهه
خضر.. لتوهين ولا ابد
فلك.. گعد بصفي ودار جسمه عليه وعلي دمره جان مشتريله
خضر.. كل همه فواز يخليج تتيهين
فلك.. هو هذا التوهان الي اني بي شيريد مني إذا طلع حسين ماله علاقه والناس كلها ماله علاقه معقوله علمود عذراء
خضر.. يجوز موبعيده
فلك.. وغفران هسة معناهه قبل عذراء
خضر.. لتيهين فلك والله اني وياج انتي اختي ولج أريدج تنامين رغد حتى إذا شكيتي بيه ومالومج
بس صدگي انتي شرفي الي تقتنعين او متقتنعين مسحي دموعج راح اگلج شغله يجوز متصدگيها هسه بس راح اگلج بيها حتى تطمنين
فلك.. باوعت عليه... گتله شنو
خضر.. عن قريب راح ترجعين البيتج وتگعدين معززه مكرمه والي خلاج توقعين عليهن فواز هو بس شهاده على زوجج حتى البيت ورجعته الج لذلك بذيج الفتره جنت اختفي وميمونه سئلت... ورياض الحيوان اخذ جزائه
فلك.. اني اعرف بيك زين بس اكرهك لو شتسوي احس بسببك ضعنا لان امي ماتت
خضر..بأبتسامه اني مااريد تتقبليني او تحبيني كأخ أقصد او تعتبريني سند بداخلج بس تأكدي وگتلج هذا الشي بس علمود تعرفين انتي اكو بظهرج زلم فأمشي بدون متخافين
فلك.. ابتسمت
خضر.. بعد شغله ضحكتج مثل ضحكت ميمونه اول مره انتبه ألهه هايه الفقره
خضر.. اشوفج صرتي زينه بدون منشوف وضعج الظاهر هذا الكرسي خير شو حتى علي خنس
فلك.. نام
خضر.. خلي نقيس ضغطج ونروح اني هم عندي بعد مشاوير تجين وياي لخالد لو اني احلهه السالفه
فلك.. انت حلهه اهم شي تگله اني بنت أصول
خضر.. ولج طبعاً بنت أصول هو اني شنوا الخلاني احبهه الميمونه الحقيره
فلك.. لتغلط على اختي
خضر.. گومي گومي خلينا مو صلح احسن على الاقل ابتسامة ونظرة استفزازيه
قاسلي ضغطي هبوط ورجعني لباب بيتنا ماندله بالبدايه واني هم گوه اندليته احس عقلي افتر
عبالي ينزل شوا گال يالله عيني هاج وانطاني علي
فلك.. متدخل
خضر.. لا اروح عندي شغله ضروريه
___________________________
ميمونه.. عيني على الباب كل شويه اگوم بس تصير حركه اخر شي انفتح الباب گمت طلعت باوعت طبگت الباب گلبي عصرني ردت اسأل بس استحيت مردت فلك تحجي شي گتلهه تأخرتي
فلك.. اوووف تعاي اخذي علي احس گلبي يوجعني
ميمونه.. أخذته من ايدهه جان نايم بسته حرك نفسه مثل اليشرب شي
فلك.. خضر عنده شغل گال
ميمونه.. اي... ردت ابجي اختنگت كلش ماعولت اخلي علي بالگاع... ردت اطلع گالت فلك
فلك.. رحت لغفران تتذكريها
ميمونه.. ياغفران
فلك.. الي رحت بحنتها اخت عمار شبيج
ميمونه.. اي تذكرت، شوداج علمود المقطع
فلك.. خضر اخذني وحجيتله كل الي صار
ميمونه.. گتلج خضر مو هيج انتي مصدگتي بساعتهه ارتاح گلبي وفرحت من سوه هيج شويه تبرأ من جهت اهلي الي همه خاله وقاسم وفلك مهم عندي يعرفوا هو مو هيج
خلصت كلام وي فلك وطلعت للحوش لزمت موبايلي دمعت عيني اكول اتصل لو لا اتصل لو لا هضمني حيل عود يحبني عشتوو
اتصلت متحملت اريد احجي الي بكلبي ادك وميجاوب لمن رادت تخلص رنه الاتصال جاوب
الو
ميمونه-رحت خضر بدون متشوفني هيج خضر
خضر-اي هيج مو كتلج انتهيتي بالنسبه الي
ميمونه-بجيت واختنكت وهوه بقه ساكت محجه وخرت الموبايل من اذني ما اريده يسمع صدك شهكت هوه صاح الو
خضر-احجي وينج
ميمونه-ماشي
خضر-شنو الماشي
ميمونه- الي تريده انتهى هوه احنا اصلا منتهين
خضر-اي اي احجي بعد خل نعرف المضموم بكلبج
ولا جنت اعرفج هيج كلبج وصخ
ميمونه- كلبي ،كلبي وصخ هاذ هو هوه اني غبيه والله لان صدكت خل تفيدك تعرفهه
خضر-شنو،شنو
ميمونه-خضر،حجيتها بأنكسار..
خضر _ها ميمونه..
ميمونه-يعني داتحجي هيج
خضر-ميمونه انتي الي نهيتي كلشي بيناتنا
ميمونه-ما رديت غصه بكلبي ساكته وبس اسمعله
خضر-كسرتيني ميمونه خليتي الناس تتشمت بيه محترمتيني ابد ..شتردين مني هسه مو طلعتي
ميمونه- اني جنت مضطره ..قاطعني
خضر-جان..كلشي مجان ميمونه انتي متحبيني .
ميمونه-انت جنت تخوني اعترف بهل شي عرفت انت جنت مموجود بيوم نباكت الشركه عبالك ما اعرف بس انت تريد تطلعني اني الغلط..
خضر-باع عقلج الوصخ .لج انتي شنوو شلون عايشه وياي فهميني..حرامي واطعن شرف وبالنهايه متأكده اخونج..بااعي اني ما اخاف ولا مضطر اجاملج حبيتج ومخنتج ابد. وباع عقلج
حت زهراء الي هي بت خال اخوتي تتهميني وياها تتذكرين.
شلون اني بعقلج ما اعرف يعني اخون اخواني انوب..رحم الله والديج ميمونه
ميمونه-كل هذني هيج اخذتهن
خضر-اي هيج ،هيج ميمونه تدرين بيوم الي اتهمتوني وين جنت
جنت يم الحيوان دزلي رساله يگلي لو انت رجال صدك معالجت مرتك من مرض طليقها
ميمونه-حذيفه! عاط بيه
خضر-شفتي ..وين خليتيني بأي دائره هنا الحيوانات تكلي انت مو رجال
ميمونه-كافي خضر كافي تعبت نسيت انت الي عفتني وسلمتني لعمو ..
خضر-تروحين تتزوجين هو هاذ حبج .. امدا الحب الي انتي تعرفي وسده بوجهي..
ميمونه-كعدت رأسا بالكاع وكمت ابجي ممصدكه خضر هيج صاير ويايه شو طلعني كلي غلط.. رجع اتصل عليه جاوبته كلت صحه لان مو طبيعي وضعه وياي
كال ميمونه البزونه اريدها راح اجي اخذها هسه خلي خالتج تطلعها
خضر-مو احجي وياج
ميمونه -بزونتي هاي ما انطيها
خضر-ميمونه البزونه
ميمونه-انت شنو انت فهمني ما انطيها والله اموتها ولا انطيها الك كافي كاافي اني حقيره لان حبيتك وصدكتك
خضر: بقيهه الج ما كلشي يذكرني بيج
سد الخط ومن يومها حت اتصال متصل بيه شهر كامل مسائل عني تحطمت اكثر تأذيت فكريآ هواي لدرجه كلبي يوجعني سااعات
كل شوي اطلع اغاني ابجي مرات يكابلني قاسم وهوه هم يدخن وتدمع عينه
تحولنه لبيت اكبر اني وعل الخفيف جان البيت بنفس الفرع
فتحولنا من هذا البيت لذاك باوعت فلك مو طبيعيه كل شوي تريد تكلي شي وتتراجع
وكفت كبالها فلك اكو شي احسج مٰٓـَٰٓـۣۛو طبيعيه
فلك:ما بيه شي
ميمونه: ممرتاحتلج
فلك:دعوفيني عفيه ممرتاحتلج يعني كوه تخلين بيه شي هاج هاي ومديها خفيفه
ميمونه:ميمونتي وين
فلك:بالهول طبكت الباب من طلعت خفت تطلع
ميمونه:رحت لكيت الجداحه واكعه بالباب دنكت شلتها همزين جان تخبلت اذا خايفه احس روحي اذا ما اشوفها يوميه اتخبل احبهه تذكرني بهذيج الايام
كلبي ورم عليه كل مره اكول بعد ما انقهر ما افكر بي هوه خسرني وارجع ابجي رجعت دخلت للبيت حتى دخت
رحت اودي الي انطته الي فلك
شلت كارتون وطلعت كابلني قاسم بالطريق جان الفرق بيت البيوت خمس بيوت تقريبآ
قاسم :انطيني
ميمونه:خفيف
قاسم:كافي بعد لتشيلين شي مو زين عليج
ميمونه: بهاللحظه طفله صاحت ايه ،ايه صوتهه العالي خله قاسم يلتفت لان اسمهه ايه بلهفه دار واني هم عل واهس التفتت
ميمونه:يا تخاف من الجلب يمكن
رحنالهه اني وقاسم والطفله تونه نريد نوصل الها طلعت وحده دبدوبه عاطت بيها
ايه: مو كتلج حقيره لتطلعين الجلب وضربتهه
ميمونه:خطيه تخاف
ايه:خل تولي موتتني كل شويه وتفتح الباب هسه اخابر ماما وجرتهه
قاسم:طفله طفله تره
ايه:انت شعليك
ميمونه:كرصت قاسم انت شعليك امشي
قاسم:شفتيها شلون تتعامل وي الطفله وهز ايده كل ايه حقيره والله
ميمونه:لتسمع البنيه يمعود عزا بعينك قاسم
قاسم:دبيه
ميمونه:ههه تخبل فدوه خدود عدها تخبل لو ما سمينه
قاسم:تلعب النفس وجملتهه اسمها نفس اسم ايه
ميمونه:عوف هل موضوع شتسوي راحت البنيه متعرف ضروفها
قاسم:يمعوده
وخله الكارتونه ؏﮼ راسه واخذ من فلك الكونيه الصغيره جانت مال فرفوري هوه اصلآ كل البيت كم شغله قليله الغراض جانت..
ميمونه:كملنه التحويل واستقرينا جان البيت حلو احسن من هذاك بكومه وحتى من بيت خاله القديم
ميمونه: سوينه جاي وحب مثل يوميه اني وفلك وقاسم مرات نلعب دومنه ومن يروح للدوام اضوج جنت ضايجه حيل رحت تمددت احنه وخاله بغرفه وقاسم بالهول ومطبخ صغير ذكرني بذاك البيت القديم الي انهزمت ويه خضر بوقتهه منه
اااه شكد رجعتني الذكريات الاول يوم شفته بي توجعت اكثر وكمت ابجي بصوت عالي خلاني احبه اتخايله حب وحده غيري
دخلتلي فلك انصدمت
فلك .. شكو ولج شبيج صار شي جديد
ميمونه .. مختنكه حيل وكمت امسح بدموعي
فلك .. مخابرج
ميمونه .. لا، اني غلط ويا بس هو هم أذاني وهو البيت الهاي الدرجه ميحبني صدك يعني كلامي
صاح قاسم من الباب وينجن تعالن
فلك .. اوكف هسه
قاسم .. ادخل لو لا
ميمونه .. تعبانه والله دخل قاسم بعد ماكالت فلك تعال
قاسم .. هااا شكو ولج توج طبيعيه اكلج شغله حقه
ميمونه .. انته هم
قاسم .. اي لان حقه ميمونه دكومي يلله باجر راح التحق
فلك .. كومي ميمونه دكومي والله ضوجه مادام نام علي
ميمونه .. مالي واهس
فلك .. امشي خل نلعب وحدنه خل تولي اتحداج
ميمونه .. خاف احجي وهم اصير مو خوش
فلك .. اعرف متكولين بسببي شسوي لعد اني غير مو عنده الموبايل والله ياربي
فلك .. كمت ورحنه اني وقاسم نكرز حب جبناهه على خضر وميمونه وتصرفه وياهه المبالغ واني اكول مبالغ وقاسم يكول حقه
واحنه كاعدين اتصل شاهين على قاسم اتفاجئت من كال شلونك انت شاهين لا والله باجر التحق
فلك .. شكو سوالي صبر
قاسم .. ماادري والله هسه اخابر علي
ها ويلله منطوني
فلك .. غير يكول شكو
قاسم .. شبيج
فلك .. وجعه ليش تصيح
قاسم .. شو لطشتي احجي ويه الولد وصوتج يطلع
فلك .. يااا غير هو شاهين
قاسم .. اي شاهين منو ابن عمج خالج
فلك .. شكو هسه غير يحجي
قاسم .. باجر منة راشد
فلك .. هاااا راشد شنو هاي ليش هو شوكت خاطب
قاسم .. شمدريني يريدني اروح مصر الولد
جر موبايلي جنت كاعد اطلع اغاني
فلك .. ولك شكو
قاسم .. هاي حلو الاغنيه شبيج
فلك .. طلعهه للاغنيه واخذ جاي كال كلبي يوجعني حيل شتكولين هسه جبته هيه
ولا مره ذكرتيني . اي معقوله نسيتيني
وغيري بسرعه حبيتي
بغيابج متت اني عشت عمري بأحزاني
اذا عندج محب ثاني ريتج لا تهنيتي
عدهه عدهه وعافتني ااااخ الحقيرة
فلك .. خبال كمزتني والقرآن انت شبيك اليوم
قاسم .. كلبي يوجعني
ام قاسم .. هم توته ساعة السوده
ميمونه .. جنت اتسمع الهم وابجي تعبانه حيل عجبتني الاغنيه الي طلعهه قاسم ال حسام غمضت عيني محتاره دخلت شفته متصل على الواتساب بقيت كل شويه اشوفه متصل
..........................
خضر .. جنه كاعدين مختنك حيل رغم الكل فرحان ويركص علمود راشد جان ضعفان ويخبل صاير شاب من ذولي الشباب الي مبينين طاكين من سمع بمرته تزوجت تخبل واخذ ابنه منهه وجان مقهور لان تزوجت وتخلت عن ابنهه مرت عمي ام شاهين عدهه بت اختهه بنيه مؤدبه وواثق لان شاهين حمدهه وكال تفيد راشد صارت بسرعه بسرعه البنيه مطلقه لان ميصير عدهه اطفال وراشد ساعات احسه تسرع لان بس يريد يثبت المرته هو تزوج بس هم فرحتله
علي .. والله ناقصه هذا بالناقص حمصه
خضر .. باوعت على علي
شاهين .. اي والله النذل طايح حظ بس مكانه فارغ
عزوز .. شتكول شاهين طلع فلك من كلبه اتمنى هذا الشي
خضر .. ليش شبيهه فلك
عزوز .. لا والله انت شارب شي حمصه وشاهين لك يتخاربون
خضر .. عن نفسي طلعت حمصه من قاموس حياتي
عزوز .. حمصه ماعنده غيرنه
خضر .. خاني
عزوز .. يحبهه اني رحتله للسجن متأذي لان طلعت والله حتى مباوعت الوجهه
خضر .. اني مو مثله اطعن واباوع على صديقي
عزوز .. حمصه يحبهه
خضر .. انت متفتهم شي لو شيصير سد هاي السيره حمصه لتجيبلي سيرته ابد
علي .. كومو كوموا يلله ركص ماكو كعده وشغل اغاني يلله شباب كوموا والله من اتزوج الي ميركص اله بالعكال
عزوز .. لا بربك بس لا راح تلبس عكال
لبس العكال علي وهو لابس بنطرون واجه يركص
شاهين .. اللعب عكال
علي .. احنه عكال الزلمه الزينه من انطيح الدنيا تخرب
خضر .. طلع اغنية محمد السالم ويركص ويغني وصل
أحنه اهل الغيره الاصليه ولد الملللحه والغربيه دلتنآ بآلعتمآ منيآ وممليآ بعز دلتنآ
علي/هوو هووو يلله كومو يا جماعه شمنتظرين
راشد-شكو عدتهه طلعلنه جديد
علي-لا هاي يلله حماس اريد
شاهين -للباجر عوف حماسك دنيا ليل هسه
علي-لا اشو اليوم وغنه خاف انت الماسمع بينه احنه المحد يندك بينا
-ابتسم شاهين ....وضربه بالسبحه من تقرب علي
كام عزوز هم يركص وراشد هم دخل للدائره الى ان شالوووو على جتافهم علي وعزوز
عزوز-لك يابه هذا صاير خفيف
علي-وصاك هم
شاهين-متكوم تركص
خضر-مالي واهس
شاهين-عرس اخوك هذا لحظات متنعاد
خضر-جا متركص انت
شاهين-ومنو كال مااركص بس مدري شبيه اليوم تعبان
جان صوت الاغنيه عالي وكوه اسمع شاهين وكل شويه صايح بيهم نصووو يمعودين وهمه يغنون ويه المطرب بعناده
لو متذيب تنام عيوني الكل يردون يغدروني صكآآآآر الزلم يسموني واقرا بجنسيته ملك الموت عراقي
محد يكدر يلوي ذراعي واكطع رجل الداست كاعي ميطخون الراس سباعي مآآآ دنك راسي بس من أإسجد لـ الله
اجوي علي وعزوز جرو ال شاهين وخلو بالنص ضحكت، كبل اتفاعل وياهم وبسبحته يشمر منا ومنا وبرجله
كوموني الي هم ركصنه ،هنا صدك حسيت حمصه مكانه فارغ ،،،،اندكت الباب كوه سمعناهه مستمرين احنه نركص دخل خالد علينه مبتسم وسلمان ورا
سلمان-مخابيل صاحين انتو ساعه بيش
علي-شعدنه كاعدين وساكتين وبالسنه حسنه
يوم الالي
خالد-استغفر الله
علي-اتزوجهه خالد
خالد-مو وكتهه ابدددددد سالفتك هاي اركص وانجب
سلمان-كولو يالله علي عزوز خل نركص
خضر-ركصنه بيومهه كلنه الاول مره خالد يشاركنه الركص
كل واحد بيهم جان اله جو وركصه مميزه
خالد حتى وهو يركص ثكيل
سلمان هادئ وتميل للبرود شويه بالحركات
علي مثل القرد يكمز هو وعزوز
شاهين ابتسامته وسبحته الي يفرفر بيهه
راشد مدنك المستوى ابنه ويركص ويا
الكل كام يغني ويه المطرب
حش نحش بيهم لمن تصعد عدنا يصعب تفسيره طبع الغيره البينآ كلمن عادانا نخلي دمه بطوله لو مآال عكالي والله الدنيا احركهآ
واقرآ بجنسيته ملك الموت عراقي مآادنك رآاسي بس من أسجد لـ الله
جان يوم مميز ابد مينسي رغم جنت مقهور ورغم تعبان بس تونست بي هواي لمتنا جانت حلوه الاول مره نلتمهه بس فجأه اجتني غصه
بس حس حمصه ناقص جان حركاتهه ومناكرته واستفزازه جان ناقص لمتنا
الكل راح المكانه بعد مرتبته البيت لان جان مرتب وتهوس بسببنه ،رحت يم عزوز جنه متفقين نبات كلنه الشباب هناك بس شو من وصلنه كلهه اختفت
باوعت ال علي جان ضايج وعاقج حواجبه
خضر-اكلك عزوز وين
علي-راح بغرفته كبل نام
خضر- من الركص
علي-خضر احجي ويه خالد اموت اذا مااتزوجهه
خضر-راح خطبهه الك بعد شيسوي ميقبلون شلقضيه جلبت
علي-يحاول -احبهه اني مااتحمل والله احجي صدك
اول مره احب بحياتي جريمه جريمه ارتكب اذا ما اتزوجهه
اهلهه مقابلين اني كاره الحب .... كله لتحجي وياي بي كله كلاوات ،انعل ابو اليحب يابو ساعه السوده وين فراشي
خليت مخده وكتله بروح ابوك فراش وياك نزلي خل انام باجر ورانه غبشه
تجيت روحي عل مخده وورثتلي جكاره واكلب دزلي شاهين رساله
شاهين-الصور المقاطع كلهن دزهن
خضر-اكلك سويت سلفه عل شهر اليجي من اقبض راتب ارجعلك الفلوس الدفعتهن وطلعتني من السجن
شاهين-احد عتب عليك وكلك اريدهن جفيني شرك اهم شي ممطلوب وفلوس عزوز خالد لمهن اله وانطانياهن بس ماريدهن
وكافي طيحان الحظ هذا رتب بيتك وجيب مرتك كافي زودتهه هواي البيت حلو الشفنا ذاك اليوم عكب باجر نروح نشوف النقص الي بي
خضر-اني أأجر البيت بس ماريد بعد هذا هو خل نتفق عل طلاك مااكدر وماريد خالد يدفع اني هسه تعينت بالجيش وادفع
اتصل عليه جاوبته اول محجه
شاهين-شنو هاللغوه الزايده هاي خضر شنو سالفة طلاك شكوووو هو شصاير من كل عقلك متبطل لطلطه وهم تروح وتتبجبج مثل النسوان
تره اني الحد الان مكاعد وياك ومطيح حظك على سوالفك العوجه
خضر-شلقضيه يا سوالف بلله شكايلتلك ميمونه عني لان ماشاء الله طلعت عايش
شاهين-تنجب وتسكت اولاً ميمونه مو هذا طبعهه
ثانياً ليش اني غريب شو اعرف كل سوالفك
شايف خضر هالمره اذا طلكت ميمونه
والله وروح ابويه لزوجهه بيدي الواحد ادمي
خضر/ساااااااالمين شاهين
شاهين-وره عرس راشد اصلاً انت شنو اني وخالد اتفقنه وحجينه وخالد ناويلكم نيه انت وميمونه يلعب بيكم لعب
خضر-هههه والله ماادري شكول تره اني جبير
شاهين-هسه متريد ميمونه يعني تريد تطلكهه
خضر-شاهين اطلع منهه
شاهين-تريدهه لو لا حتى اذا هاي باجر اخذك وتطلكهه وكل واحد يروح الحال سبيله الطفل الهه
حتى اذا تتزوج واني اوكف بوجهك خضر
خضر-طلكتنا وزوجتهه ووزعت الطفل سالمين سالميين
بهاللحظه دك موبايل علي بقه يدك واني نرفزني شاهين
خضر-يابه احبهه ومااطلكهه شنو هاي بس اطلع منهه اني ارجعهه
شاهين-بشررررر بس ينكد عل ناس جنت مرتاح وردت انام وهذا موبايل ياطايح الحظ ميجاووووووب
خضر-كمت صدك النغمه الي مخليهه علي مستفزه
كتله موبايل علي باوعت مكتوب تك وتك
رفعت حاجبي وسويته صامت وكتله ال شاهين يلله نام تصبح على خير
شاهين-منين يجي الخير وانتو مصايبكم هواي
وسده بوجهي
اجتي رساله واني لازمه الموبايل
ادري الوقت متأخر اعتذر بس ردت اوصيك بشغله لان ماريد احجي ويه خضر
اجه بهاللحظه علي منزل الفراش وكال اكلك هذا عزوز بطنه مدري شبيهه ويستفرغ شويه اذا مصار زين ناخذه
خضر-لان تنكع المطي وبارده الدنيا اكلك شنو انت وميمونه تحجون
علي-رفع حاجبه،شعليك انت
خضر-هسه غير يلغي افتح جهازك
علي-اسرار
خضر-ويه مرررتي اسرار ابو حلك افتح الجهاز
علي-شكووو سالمين شمدريك بعدين انت
خضر-دكت عليك وضربته وبعدين انت شنو تكتبهه تك وتك هاااااااا افتح الجهاز يلله
علي-كلام بيناتنه كاخوه
خضر-حاجيه عليه لازم
علي-لا يابه شنو سالفتك
خضر-افتح اشوف الدردشه علي
علي-والله انت مخبل من واحد لل٦ الرمز
اريد احجي ويه حبيبتي شلون بلله
خضر_فتحت الرسالئل ورحت كعدت فصلت تقريباً
خفت ،خفت حاجيه عليه اذا حاجيه عليه
معناهه ميمونه مو الانسانه الي حبيتهه ورسمتهه بعقلي رجعت الاول دردشه
كلام عادي لو عل مفاتيح مال باب لو يطلب منهن جاي من هيه فوك وشقه بينهم
ومن تعاركنه اكو هم دردشات كم مره دازتله صورة الدردشه ضحكت
ميمونه-بس شوف علي بس شوف من شوكت متصل
علي-يابه ممصادق ممصادق ساعة السوده على صادق كاعد يخابر ب راشد كامرا
ابتسمت وكاله طاح حظك
علي-ههههه اكيد كاعد تقره خبال مرتك طفرت روحي اخر شي ردت انطيهه حظر
واني اقرا دزت ،
ميمونه-اكو شي علي علساس انت اخويه ومالك علاقه حتى اذا تطلكته نبقه اخوان مالنه دخل ب خضر ليش تقره ومتجاوب اصلا هو ردت احجي غلمود تكله اريد اتطلك
خضر-دزيت الهه من موبايل علي
-تريدين تتطلكين
-اي وخلي هو يتهنه ودزت صورة
تعرف صار شكد متصل ساعه شنو معناهه خلي خلي براحته اصلاً اني بعد مااريده انسان خاين والله طلعني غلطانه علمودهه
دزيتلهه ،هي منيه
ميمونه-الي يعرفهه وفضلهه عليه
خضر -دزيتلهه -انتِ روحه شلون يفضل وحده عليج
ميمونه-اي صح ،صح روحه بعد خلص فاض بيه
كتبتلهه احجيلي ميمونه ،،كلشي احجيلي حتى اعرف اتصرف
ميمونه-شحجيلك علي
-يعني مشاكلج ويا لان صاير حجي هواي متعرفي حتى شاهين وخالد متدخلين حتى ادافعلج شنو مشكلتكم بشنو مقصر وياج
ميمونه-خضر حاجي عليه انت شكاعد تحجي شكايل خضر
خضر-احجيلي واني اوكف بوجهه
ميمونه-انت شكاعد تحجي علي انت علي لو شنو
خضر-كلمه تصدك بيهه انت الكاعد تحجي وياهه مو اني
علي-غفيت .يابشر غفيت
خضر-انجب واحجي شكتب شقه شي
علي-كلهه ووجعه
خضر-تغلط على مرتي سافل بعدين اني الك
علي-ها تصالحتووو يعني
خضر -دزيتلهه ووجعه لعد منو بس كاعد احجي بجديه هسه لان لازم نتدخل انتي وخضر اخوانه
ميمونه-بس كلي خضر حاجي عليه والله عليك الله كلي شحاجي
خضر-دزيتلهه ،ميمونه احجيلي مشكلتج ويه خضر
تقصيره وياج لازم بعد نتدخل ونحل
ميمونه-ماكو تقصير ولا مشكلتنا التقصير ابد هو تحجج وعافني مجانت اي مشكله
علي-ومصرف ممقصر
ميمونه-خضر ،شتحجي انت متعرف خضر
دزيتلهه -اريد بعيونج وكلبج خضر شنو
ميمونه-شو احسك مو طبيعي عبالك مو انت هههه
شو مدري شلون تحجي
علي-لان الموضوع جدي ممتعلمه عليه انتِ بالجديه
مكتيلي بعيونج وكلبج شنو
ميمونه-شيفيد اكتشفت خضر ميحبني
خضر-يحبج وراح يتخبل بدونج
ميمونه-علي حتى مشافني يا حب هذا
خضر-يحبج وتعبان بدونج ويوميه يسمع هاي الاغنيه ويتذكر كل تفاصيلج
ميمونه-والله ماادري بس ممرتاحتلك اليوم روح نام علي باجر نحجي افضل مبين تعبان انت وشغلتك
دزيتلهه -شبيج يمعوده غير كاعد احجي بجديه اني والله خبلتيني شالعه كلب خضر انتي
ميمونه-ممتعوده عل جديه مالتك
علي-راح اسألج سؤال بس تجاوبين علي الحقيقه
ميمونه-اي اسأل
خضر-انتِ تحبين خضر
ميمونه-طبعاً
خضر-ليش طبعاً هو واجب
ميمونه-لا طبعاً بس لو مااحبه جان بعد هاي سالفته والله اتطلك منه رأساً ولو مااحبه جان مرجعتله بس هسه حبطل توبه توبه والله ذلني هواي
دزيتلهه-ماعاش الي يذلج انتِ ورده بس مخبله شويه
ميمونه-انهضمت الحد الان تدك بگلبي من طلع من السجن وممر عليه راح ويه فلك وحجوا ووصلهه للباب
دزيتلهه-هيه هاي فلك طرهه يابه لو تعوفج ومتقره براسج اني بخير ررر باعي سبب هجمان بيتج تسمعين كلام وتتأثرين
ميمونه-اكثر شي اكرهه من احد يكلي تسمعين كلام وتتأثرين اني بنيه واعيه اطا عل كلام اتأثر فأني من زمان عايفه خضر
ومن طلعت طلعت علمود مااخسره بعز وجعي وخوفي وهو وللعلم هو خلاني اشك بي تصرفاته والله ياربي عوفوني كله خلص خل يطلكني بس والله هالمره كرامتي اهم اعرف اعرف هسه متونس ومرتاح وياهه بس بعدين يحس بقيمتي وحبي اله
خضر-انتي شو طلعتي انتي صح وهو غلط ام حلك ،،،وبعدين واذا اكلج ممرتاح
ميموونه- علي كافي فدوه ليش مصر تكول خضر متأذي وين أذيته
علي-انتي تدرين تعين هو بالجيش
ميمونه-هاااا منين ادري يعني منين قابل مبروك الله يسعده هاي زهراء عينته ويكلي متأذي
دزيتلهه-باع باع باع سوالفهه مال زعاطيط ولج يا زهراء اكلج تعرفين خضر شبي
ميمونه-شبي
علي-لا مااكلج تقلقين هيج وتسويهه قصه هاي اذا تحبي يعني تقلقين
ميمونه-عزه العزاني شبي خضر علي
خضر-ضحكت وكتلهه لا يمعوده مابي شي
ميمونه-علي عليك الله شبي والله كلبي راح يوكف
علي-تحبي
ميمونه-مابي شي وتجذب عليه صح بطل هالحركات
علي-لاوالله مريض شبيج وكبالي هسه هو
ميمونه-شبي علي كلي شبي راح يوكف كلبي من وراك وشوكت مريض لو شنو هسه غير يحجي
خضر-علي كوم حيووووان كوم بسرعه
علي ...هيوووووو متسمع شمرت علي الباكيت
والجداحه هيوووو
علي - خيررررر شكو كل مااغفه تكعدني شبيك
خضر-بس كوم اخذلي صوره كون ابين بيهه مريض
علي-صدك تحجي من النوم اخذلك صوره
خضر-اخذلي وانجب واسكت انطمر
علي-استغفر الله استغفر الله بشر ميرتاح توني غفيت
خضر-اذا اكو فلتر اصفر بعد احسن
علي-فلترررر لا اكو نفخ شفه والله ياربي نام نام وغطي راسك
علي قلقتني لتسوي هيج
خضر-مو تجاوب طكلي صوره وانطمر
اخذلي صوره باوعت عليهه معجبتني كتله كام يدردم
كافي لتصير مثل النسوان بس تبربر
علي-هسه والله يحجي بالي الحجي واسكت كوه الزم اللساني
عفته يحجي ودزيتلهه يمعوده شبيج قلقتيني
هاج ها أها هاي هسه الصوره
خاف نايم علي احجي الصدك
نايم والله وكل شويه مكعده قالقه لان اخاف علي يصير شي علي
ميمونه-الهاي الدرجه من شوكت ليش هيج علي مكايلي
دزيتلهه -اذا كايلج تجين
ميمونه-طبعا ليش هيج اكيد اجي اخس كلبي كام يوجعني والله خضر هسه شكد ضايج مني هسه يكول حتى من اتمرض متحن علي ليش ميصدك احبه
دزيتلهه-اذا تحبي فرصتج هسه تعالي اجي اخذج
ميمونه-عزه وين هسه وفوكاهه ماامدر ابقه حروح ال قاسم بس بلله مقبل شسوي
خضر-دزيتلهه شلون ميقبل وهو يتمنى من اول مرحتي ترجعين وتكليله احبك ومااكدر بدونك
-منو كلك
بدون ميكول يدور عليج بمل مكان وبكل لحظه تمر علي بدونج يكره روحه هو خوش ولد تره والله ويحبج بس مرات ميعرف يتصرف
ميمونه-علي عليك الله شبي شنو مرضه ووضعه
خضر-مو كتلج كلبه
ميمونه-يمه عزه بعيني كلبه شلون يعني شنو فهمني
خضر-دزيتلهه ميكدر يتنفس الهوا
ميمونه-علي تعال اخذني عليك الله وديني اله بعد مااتحمل يجوز من ورايه هو قبل عنده جلطه ويجوز انقهر من ورايه لان شككت بي هواي
يلله جهزي روحج راح اجيج اخذج
بس صيري عاقله ها ومو تضوجي ولتفتحين مواضيع قديمه
ميمونه -اي بس خل اشوف قاسم هسه
ميمونه-حسيت بنفسي اختنكت وكلبي كام يوجعنيوافكاري شطحت
كلت معقوله خضر بعد عني لان مريض ويريد يموت
رحت بسرعه ال قاسم كاعد جان كتله
قاسم لازم اروح هسه
فلك-شكو
ميمونه-خضر مريض كلش
فلك-ياااا شبي
ميمونه-ماادري بعدني ممفتهمه
قاسم-اخذج يعني
ميمونه-اي
قاسم-يلله امشي بس انتو مو علساس
ديلله جهزي روحج عفيه عليج رجلج هذا مو مثل توته
فلك-هههههه اخ يا توته شلون بيهه
فلك-بعد ما طلعو ميمونه وقاسم ...
اجتني رساله
جايج هسه خالتج وين موجوده
جهزيلي روحج
