رواية الإرهابي وذات النقاب الجزء الثاني الفصل الرابع والعشرون بقلم ام غايب
مليت هجر الزمن. وصار الدمع صاحبي
وهموم شال الگلب وفوك الحمل صاحبي
ودنياي ضلمه اصبحت من فارگت صاحبي
والگلب صاح بقهر غالي علي هجرك
والعين دم اهملت وزاد الحزن هجرك
لوتدري بيه شجرى. وشگد صعب هجرك ؟؟
ماچان رحت بعجل وانت الچنت صاحبي. !!
فلك-بعد ما طلعو ميمونه وقاسم ... رحت للغرفه باوعت على علي نايم ،نمت بصفه
جنت اتمنى تغمض العين ومتنفتح بعد
تعبانه من الدنيا منتظره خضر يعرف فواز شعنده ويانه وكل ماادزله يكلي ساقط
كل شويه تجيني رساله شكل ساعه ساعه كلام سخيف وساعه على شكل تهديد وكلهه من حسابات وهميه بسرعه تنحذف
ميمونه -وقبل لا اطلع دزلي رساله علي جهزي
خالتج موجوده لو لا
ميمونه.. گلت لقاسم حيجيبني
علي.. ميخالف گليلها لازم تعلمي الأصول
ميمونه.. علي شوا مگاعد اعرفك
خضر.. بعد ما اتفقت ويا ميمونه رحت لعلي جان نايم
علي گوم گوم يمعود بسرعه عزوز
گام مخروع... شبي شبي مصار زين مو
خضر.. اي دگوم صحصح
_گام مخترع ويدور منا
خضر.. على شنو گاعد تدور
علي.. نعالي
خضر.. ضحكت وانقهرت علي لان غاط بالنوم
علي.. شكو تضحك وين عزوز هسه
خضر.. هههههه... وخرت من يمه وگتله نايم
علي.. خرب صدگ تحجي، شبيك انت بابا تتشاقه لو شنو الفلم
خضر.. لاوالله هو مو مريض غير نطمئن عليه
علي.. دنگ على المخده وشمرهه عليه مو صاحي والقرآن مو صاحي
خضر.. شمرت المخده ومحتاجك والله علي انت اخويه الوحيد الي تفهمني
علي.. شگاعد تلغي انت شبيك هيووو انطيني المخده انطيني
خضر.. شتسوي بيها
علي.. اخذ صوره وياها طاح حظ الي ينام يمك
خضر.. شلقضيه يابه انت ليش متحس بيه
علي.. هههههه لابربك اگلك انت شبيك بابا شنو شربت شو احسك مو طبيعي
خضر.. السالفه ومابيها أريدك تجيب ميمونه گتلهه مريض يعني عود انت حجيت وياها واصرت تجي
علي.. عليك الله
خضر.. والله
علي.. والله تحجيهه عود انت فقير الله يسلمك والله هسه مااروح لويگلولي.......
خضر.. قاطعته اقنع خالد نروح نخطبها مره ثانيه
علي.. برفع حاجب... واذا متسويهه
خضر.. مو رجال إذا مسويتهه
علي.. خلي تجهز روحهه
خضر.. جاهزه بس تروح الهم بالسياره
علي.. مااعرف شحجي
مااعرف هاي كلهه علمود غدير وتالي تطلع مثل توته
خضر.. توته هههه توكل وباوع علي اموتك اذا تجفصها وقاسم اذا اجه وياك شحته
علي.. ليش شتريد تسوي
خضر.. ولي ولي ساقط
علي..تصالحتو شلون
خضر.. بعدنه
علي.. لعد شنو معناها هاي الحركه
خضر.. هسة غير يروح بابا شلطشت روح جيبهه وتعال اگلك ماعندك تيب جروح صخام
علي.. لا
خضر.. شلون هسة
علي.. شتسوي بي غير افتهم
خضر.. أريده، مالك علاقه جيبهه انت بس لتجفصهه وگلها حيل مريض وراح يموت
علي.. متصدگ لان بقانون الدنيا العار ميموت
خضر.. شگد عار لعد انت ولي يالله لتتأخر
علي.. مدزتلي مريتي شي، شوكت تصير مريتي مو شيب گلبي
خضر.. هسة غير يولي شبيك بابا راح يطلع الصبح
علي.. بأبتسامه،هااا وانت تريد الاقتحام قبل
خضر-راح ارتكب بيك جريمه
، وهز راسه... رايح بس شايف اذا مخليت خالد يروح اسوي بيك دگه ممدگوگه بدگات العالم كله
خضر.. طلع روحي يالله راح احس گلبي هنا يريد يطلع من مكانه شهر كامل احارب بروحي اعوفهه ولا دقيقه تمر مااتذكر هه كل شويه اباوع على الساعه وگليي تزيد دگاته
ضجت من الانتظار لحدما اجتني رساله من علي
علي.. متقبل تجي كشفت السالفه
خضر.. من گلي هيج فرت گبل دگيت عليه صدگ عود تحجي
علي.. هاا لابربك هيج وضع خضر
ديلله وصلت ميمونه النوب جبتها وياي
ميمونه.. من گال هيج گبل نزلت دموعي والطريق فوگاهه صار شطوله علبه النوب گال هيج
ميمونه.. شصار لخضر علي
دار عليه هاي تبجين
قاسم.. گولي يالله مصار شي مو علي
علي.. ضغطه بس يمعوده
وصلنه واني خايفه ،خاف اكو شي بخضر ويجذب عليه علي وارجع واكول صح كلامه لو بي شي جان حتى دخل
جنت خايفه
خايفه خاف يحرجني ويطردني مفكرت بهذا الشي اله من صرت كبال الباب جان مردود فتحته صار بوجهي
خضر كاعد ويشرب جكاير
خضر-جنت مشتاق الهه وخفت خاف من اشوفهه مااتحمل وبدون ما اعاتبهه احضنهه واذا احضنهه قبل لا اعاتبهه وتنتهي المسأله
حتى اذا احبهه واعرف بروحي مراح اكدر بدونهه وحاولت اعوفهه ومكدرت بس كسرتني وماريد بسهوله تعدي كسرتي
من كال اجتي زاد اشتياقي الهه خفت من نفسي مااقاومهه وبسرعه اعديهه وهيه صدمتني ردت شي يقسيني عليهه كعدت استرجع المواقف حسيت نفسي عشته
بالفعل قساني عليهه من تذكرت رسالة حذيفه
دخلت صارت بوجهي بقيت على نفس الكعده وباوعت عليهه ارتبكت من شافتني ووخرت نقابهه
ميمونه-كال علي مريض و..واجيت اطمئن عليك
خضر-اني مو مريض
ميمونه-بارتباك -اني علي كال
خضر-مو مريض اني
ميمونه-ماادري والله علي اجاني يجوز عباله نتصالح
بس اني اجيت لان انت
خضر-اااااني جنت احجي وياج مو علي
ميمونه-انصدمت ..انت لعد ليش
خضر-وتندمت
ميمونه-على شنو تندمت
خضر-جنت عبالي شي وصار شي ثاني هسه يجي رجعي ويا
ميمونه-ارتبكت اكثر ووجعني كلبي باوعت علي
انت ليش تسوي بيه هيج
خضر-شنو الي اسوي
ميمونه-ليش خليتني اجي
خضر-لان كلب وغبي ونسيت الي سويتي بس من شفتج تذكرت حقارتج
ميمونه-حقارتي
خضر-اي
ميمونه-بقيت اباوع علي
تعرف قاطعني
خضر-ليش سويتي هيج بيه واني سلمتج كلبي وحبيتج
ليش الي متعرفني تكلي مستحيل انت تسوي هيج
وانتِ متصدكيني ليش ليش فهميني
ميمونه-بجيت لو شكد مااحجي مراح تفهمني
خضر-طبعاً ماافهمج طبعاً لان طلعت مااعرفج
ميمونه-كل الكلام اختفه مني بس دموعي تصب
خضر-بس فهميني ليش
ميمونه-الي تريده مني هسه شنو
خضر-كلشي ماريد هسه بس يجي علي رجعي ويا ولتتوقعين جبتج هنا علمود اذلج او شي جنت عبالي
بعدني اكدر اعيش وياج ومترهم ابد وشال موبايله واتصل
خضر-تعال علي رجع ميمونه
علي-خير صار شي
خضر-استعجل
ميمونه-بقيت اباوع علي مااعرف كلشي جمد بس اباوع وابجي هو راح للفراش وتغطه بالبطانيه واني بقيت واكفه مااعرف اذا مجروح مني او يكرهني وراد يذلني
بحيث واكفه حايره بين الاعتذر منه او اخاف اروح اعتذر منه وهو ميحبني ويهيني
خضر-بقيت حاير كل شويه اباوع عليهه واوخر عيني منهه اباوع على عينهه واشوف دموعهه انقهر واحن مااتحمل دموعهه وانعل كلبي احجي ميمونه
احجي شي دزيت رساله ال علي تأخر
بت الاوادم احجي شي باوعت عليهه
ميمووونه
باوعت عليه
خضر-اذا تريدين كعدي يعني بين ميجي علي
دزلي رساله
علي-شكووو تضحك عليه انت شبيك
ميمونه-بقيت واكفه اباوع علي وهو يباوعلي
خضر-تريدين تحجين شي ليش تباوعيلي هيج
ميمونه-لا ورجعت انتجيت يم الباب
خضر-تعاي بابا كعدي مو حامل انتِ الطفل مو زين توكفين خاف يصير بي شي علي كال اتأخر
ميمونه-اريد اروح للحمام
خضر-ليش
ميمونه-خضر
خضر-بگلبي واخيراً نطقت بت الاوادم
بحديه ها ميموووونه
ميمونه-انت تحب
خضر-تعالي ميمونه
ميمونه-جاوبني
خضر-اي احب
ميمونه-منيه
خضر-وحده
ميمونه-حقدت علي وبودي اخنكه بس امدايه شو جبانه ليش مااحجي عفته ورحت طلعت من الاستقبال للحمام الداخلي بقيت واكفه يحب ويكولهه جابني يذلني هيج يعني ويتحجج وشلون جان يمثل واني المطيه
ماشي خضر والله مااسكت بعد اله احجي الي بكلبي كله
طلعت من الحمام مثل العاصفه دخلت للاستقبال فتحت الباب لكيته
اول مدخلت كتله خضر انت جنت تجذب عليه موووو ليش جاوبني
ميمونه-مو علساس تسويني اميره ومتبجيني ابد اني ممتفصده والله انت دخلتني بالشك ورحت لان خفت اخسرك محجيت حتى يم عمتك وزهراء هيه تبلت عليه اني دافعت على شرف فلك
بس انت تكرهني ومحبيتني ابد هواي شغلات سويت بيه ومن تجيني انساهن لان اني صدك مثل متكول فلك بلا كرامه شسويت بيك حتى تسويلي هيج راح اموت اني كلبي يوجعني حيل
جنت عبالي تحبني وكمت ابجي
خضر-شفتي وتكولين مااتأثر بكلام الناس وتوج كلتيهه فلك ابقي ابقي سمعي كلام اختج الهجمت بيتج
ميمونه-اي راح ابقه اسمع كلامهه ولزمت موبايلي ووووين راح علي ورحت باتجاه الباب ردت اطلع صاح
وين بعده مجاي
ميمونه-انتظره بره
خضر-تعالي دخلي جوه
ميمونه-فتحت الباب وردت اطلع صاح اكسرهه الرجلج اذا خطت بره هذا الباب درت علي بحديه
اانت شعليك بيه بعد
كام بسرعه واجه عليه شنووووو شعليه
ميمونه-اريد انتظر علي بره ماريد ابقه هنا بعد ضحكت عليه طلعت انت تحجي وياي مو علي و طردتني وتتحكم بيه شكالولك عليه
خضر-ميمونتي وبكيفي اجيبهه اوديهه اكتلهه احضنهه
ميمونه-باوعت علي ....رفعت حاجبي بس حاجبي مدري شبي شكل حسيته يركص
ميمونه-انت شتريد
خضر—اريد اعوفج بس مااكدر ليش
ميمونه-روحلهه لهاي الوحده سحب ايدي وسد الباب
خضر-سمعت كلامج وجبتهه وحضني
ميمونه-شبيك خضر انت شتريد
خضر-احبج .انعل اليوم الحبيتج بي ...احبج ومااكدر بدونج حتى وانتي حقيره
ميمونه-جذاب والله
خضر-والله احبج يحبني للفراش
ميمونه-الباب يمعود
خضر--سديته
نومني وحضني يمه
ميمونه-خضر انت شبيك كاعد تضحك عليه
خضر-رفع راسه ...ولج شضحك عليج صديقتي انتٍ مطيه صار ساعه انتظر تحجين حتى اجيج بس انتِ غبيه
لتسويهه بعد ميمونه وتخذليني مااتحمل ابد
ميمونه-والله توبه
خضر-ليش هيج سويتي بيه
ميمونه-والله مو قصدي
خضر-حبيني بكد مااحبج
ميمونه-هو اني احبك والله
خضر-والله مو بكد حبي الج
ميمونه-جنت ضايعه وصعب اتنفس وقليل انام وبكل لحظه افكر بيك حتى من انام اهلوس بيك وبكل دكة باب اركض عبالي انت ميكفيك
خضر- اموت عليج ام تك وتك والله اموت عليج ضميني بحضنج محتاجه حيل حضنيني
حسيته مثل الطفل بحضني ....بقيت اللعب بخصلات شعره متقربلي ابد نام بحضني وبس استغربت وبقيت افكر شعجب ليش بقه السؤال يراودني والشك بعقلي خاف جان نايم يم وحده قبل لا اجي
الى ان غفيت
مااحس اله فزيت على فتحة الباب وخضر هم فز
عزوز-ها شكو شنو منو
ميمونه-خضر فز وكام بسرعه واني هم وعزوز ارتبك
عزوز-ادري غير تحجون وطلع
خضر-الباب مقفلتي
ميمونه-لا
خضر-يلله قابل شمسوين حتى ملابسنه ملبوسه
ميمونه-شكد عيب صدك تحجي خضر والله ياربي شلون راح اباوع هسه بوجهم
خضر-شمسوين قابل هو بس حاضنج
..............................
فلك-كعدتني خاله الصبح واني كوه نمت بحيث مااكدر افتح عيوني
ام قاسم-شنو اختج وين شو ماكو
فلك-ميمونه ...راحت الرجلهه مريض
ام قاسم-وقاسم سوده عليه هم راح بدون مااريكه مدري شجاني محسيت بشي
فلك-واني اتثاوب ....راح قاسم ويه ميمونه وبعده مجاي
ام قاسم-يااااال ودوامه هذا المسودن شلون بي
فلك-شاهين كله اني اخلي خالد ياخذلك اجازه علمود عرس راشد
ام قاسم-كل هذا صاير واني ماادري هنيالي دكومي يمه يم ابنج اريد اروح للسوك وهو كاعد اخاف علي الصوبه مفتوحه وليروح للحمام
فلك-ماشي
ام قاسم -كومي مو ماشي راح اطلع اني
فلك-كمت واني اغفي على روحي وعيوني مااكدر افتحهن
غسلت وريكت علي والبزونه هم جنت توني اخلي لكمه بحلكي تذكرت كلامهم عني حزت بكلبي احس انوجعت
واحترك كلبي
بحيث مكدرت اكمل اللكمه كبل نزلتهه للصينيه
وكمت ابجي حتى شاهين اخذ موقف مني بدون سبب
الكل يباوعلي على اني مو زينه مليت من الرسائل والخوف العايشه بي على اي لحظه بنفذون تهديدهم يكتلون ابني
جبت موبايلي ردت انطي ال علي بباوع يوتيوب
لكيت رساله
عن قريب راح تحترك روحج مبقه شي
اني تخبلت خلص بعد مااتحمل اسكت ماكو غيرك يا نذل
لبست نقابي وعبايتي فوك تراكسودي جنت منتظره بس خاله تجي من السوك
تذكرت كلام غفران وخضر بيومهه كال فواز وسكتت هو اني اعرف هو شتريد مني كمت جبت موبايلي واتصلت علي جان عندي رقمه وكانبته فواز الحقير دكيت علي جاوبني
فواز .. شكو حلمانه
فلك .. عرفتني
فواز .. أفه شلون مااعرفج
فلك .. انت شتريد مني اريد اعرف شنو مشكلتك ها تره عرفت كلشي
فواز .. اذا عرفتي يعني معناهه مفروض عرفتي مشكلتي وياكم
فلك .. عرفت انت ووكلشي يصير النه بس معرفت ليش شمسويلك احنه
فواز .. ماعندي مجال هسه
فلك .. سده بوجهي زاد الفضول اكثر معناهه تكيلي لبست وانتظرت خاله تجي من السوك اليوم ماارجع اذا مااعرف هذا الحقير ليش دمرني بس وين اروحله اروحله للبيت وافضحه يم مرته بس مااندل بيتهم اروح للشغل احسن شي هو محجي عليه محجي اصلاً محد يهمني
اخ لو اندل بيتهم لهجم حياته مثل مهجم حياتي اول مأجتي خاله فتحتلهه الباب
ام قاسم .. ها يمه خيرج وين
فلك .. خاله هسه اجي راح اروح للمحل اقصد للسوك
ام قاسم .. ولج يمه ستري عليه وكعدي مو جنت بالسوك ليش موصيتيني
فلك .. لا هسه بسرعه اجي والله علي يلعب ميأذيج طلعت بسرعه اخذت تكسي ابو التكسي كل الوقت يباوعلي من المرايه الاماميه وادردم كلي سواد شفهمت من خلقتي نزلت بعيد عن المكافحة مترددة شلون ادخل شسوي بلله هسه اني اريد احجي ويا دكيت علي ميجاوب لحيت كام يشغلني دزيتله انت لو رجال جاوب
اتصل عليه يضحك
فلك .. اني جوه
فواز .. ههههه لا لا هاي قويه مال لو رجال جاوب شنو انوثتج وجسمج وصوتج وين راحن
فلك .. كلي انت ليش كاعد تدمرنه
فواز .. ليش انتو شوكت تدمرتوا
فلك .. ليش شتريد شتريد وليش فهمني كل هذا علمود الجسم الهاي الدرجه امداك اي والله ضابط شكبرك وشكدك شكد حيوان لعد هجمت حياتنا وشرفنا كله لان مقبلت حيوان مثلك يلزمني هيه هاي الرجوله حسبي الله عليك تفووو على الي انطاك هاي الرقيه
فواز .. اذا تحركتي هسه من مكانج واكفين جماعتي بباب بيتكم ابنج اخذه اوكفي بمكانج جايج هسه
فلك .. اني كال هيج واحس كلبي راد يوكف ووعيت النفسي اني شسويت كتله فواز ابني عوفه اني واكفه وقريبه هم كافي عوف ابني انت اخذت كلشي مني بس هو بقالي عوفه
فواز .. جايج
فلك .. بقيت واكفه بين الخوف وبين الهذا هو تعبت شيريد يصير خل يصير هو شنو الي مخسرته حتى اخاف هسه من الخساره
باوعت من بعيد اجه يمشي سريع والنار مثل التجدح من عينه وكف فجأه يم سياره وصعدهه واجه باتجاهي فتح الباب
فواز .. صعدي بسرعه
فلك .. مااصعد احجي الي تريده وسوي الي تريده هنه
فواز .. صعدددي هسه كتلج بسرعه
فلك .. مااصعد
فواز .. صعدددي وحق لا الي سواج اذا هسه مصعدتي راح تشوفين شي مشايفته عمرج كله صعدددي
فلك .. خفت على ابني القريب عليهم امداج امداج شسويتي بروحج صعدت احاول ابين اني مخايفه بس مااكدر
فلك .. انت شتريد مني
فواز .. لتحجين حرف ، حرف اذا نطقتي اخلصج خلاص
فلك .. تستقوي عليه برتبتك كفخني براسي حسيت نفسي انسطرت عطت لتمد ايدك رجع ضربني على راسي
فواز .. لتحجين جنيتي على روحج اليوم بت الكلب انعل ابوج لابو الخلفج وحده قذرة مثلج هيج تحجي وياي
فلك .. اني دمرت روحي لعبت بيهه لعب شجاني وطلعت سكتت خفت اجاوب دمرت روحي الكل ماخذ موقف وفكرة عني معقوله اني هيج
وكف السيارة يم عماره عرفت بيت يريد شرفي وابني هناك واني بعيون الكل هيج خلص طبني مرض صاح بيه نزلي
نزلت ورحت ورا واني اتذكر كلام شاهين بعينه مو زينه والعب على كل الاحبال
دخلني للشقه جنت مستسلمه احاول انتقم من الكل الي يحجون عليه همه مو يكولون مو زينه خل اصير صدك مو زينه على الاقل من يحجون يحجون صدك
اول مدخلت جرني ونزع حزامه كتلني بجيت مكدرت اكوم وبس يغلط جسمي صار ونينه وكال انتِ زباله اني مااريد وحده زباله منو انتِ حتى اتمناج جسمج الزباله حرامات اوصخ جسمي بي
كلام مهين غلط فشار اتهام على شرفي الكل يشوفني زباله شنو الي سويته مااعرف صدمني بأخر كلامه
فواز .. مثل ابوج الساقط بالضبط الي يشوفج يشوفج من الخارج مبينه مسكينه وانتِ شيطان وحده ساقطه بكد النعال مثل
فلك .. لتكول على ابويه ساقط ، مريض انت والله مااحس اله دفرني ببطني عطت
ابوج قذر وعديم شرف باع شرف اختي بفلوس والله اخليج قندرتي تبوسيهه
فلك .. ابويه مو هيج ابويه يصلي ويصوم وطول عمره يوصينا بشرفنا منو انت حتى تكول علي هيج حسبي الله عليك ميت ومخلص منكم انتو شنو الفقير ميخلص منكم لا هو عايش ولا هو ميت
فواز .. ابوج فقير ومكبعد راحه باع روحه المطي علمود شنو باع ضميره علمود كم فلس شهد على اختي هو منو هو منو حتى اختي تحرك روحهه
فلك .. ابويه مو هيج مو هيج والله
فواز .. هيج ابوج بلا ضمير تريدين اني يصير عندي ضمير وياج قذرين والله ماارحمكم ابد
كمت وكفت تريد تنام وياي نام اني قذره موافقه بس لتكول على ابويه هيج وتشوه سمعته قربت علي فدوه ابويه لا والله مو هيج انت متعرفه لتسوي بلا شرف بسببي
فواز .. ابوح هيج وانتِ تلبي
فلك .. اني اي بس هو لا لو اعرف من البدايه انطيك الي تريده واخلص واخلص اهلي ابويه ميت عوفه بحاله ابوس ايدك كافي كافي تعبنا عوفنا عوف ابني واختي وابويه لتشوهه هاي اني كدامك بس عوفنه عوف اهلي هاي اني كدامك صورني صخمني بس همه كلهم عوفهم تريد اموت روحي ترتاح وتفك ياخه عن اهلي
فواز .. مو وياج مشكلتي ويه ابوج
فلك .. ماكو ابويه بالكبور ابويه ومشكلتك اني لو مو اني جان ميمونه بس انت مشكلتك وياي وهاي اني كدامك
فواز .. انتِ ليش متفهمين ابوج
فلك .. دكيت على وجهي ابويه ابويه اني ميمونه حسيت اي واحد شتريد مني هسه شتريد منه الي تريده اخذه وخلصنه حتى اذا روحي اكتلني بس كافي تعبت والله تعبت
فواز .. بس ابوج اختي حركت روحهه حتى شرفج مو كافي حتى تنطفي جروحهه ووجعهه
فلك .. احرك روحي اذا احركهه تنتهي انطيني انطيني نفط خل احرك روحي عادي والله عادي كلبي ناره اكثر وين النفط وكمت ادور مقل المخبله على النفط
رحت للبلكونه ردت افتح الباب خل ايده على ايدي وجرني دفعني
فواز .. انتِ صاحيه انوب تريد تبليني
فلك .. شتريد لعد كول خلصني اليوم مااطلع قبل ما ينتهي كلشي عسى مااموت عل الاقل اموت مره مو كل يوم اموت
فواز .. عدلي روحج وولي طلعي تريدين تموتين روحج موتيهه بعيد عني زباله بت زباله
فلك .. خلصت ثارك ويه ابويه لو بعدك
فواز .. ولي لتلغين بابا طلعي يلله يلله طلعي ودفعني على الباب وفتحه وطلعني
باعي حرف واحد ابنج اختج خالتج شكو بشر يخصج ماكو داعي اكول تعرفين
البست نقابي وعدلت روحي جسمي مفلش وعباتي مشكوكه شويه ونزلت ردت اخابر دورت على موبايلي ماكو مسحت دموعي ورجعت صعدت دكيت الجرس فتح الباب شافني وكال اهووو شلطشتي بابا خاف انتِ ....
فلك .. موبايلي واكع مني
فواز .. دخلي اخذي وولي بسرعه
فلك .. دخلت احس نفسي اختنكت حيل والنفس ضاق حيل دوت علي ماكو
فواز .. هذا يمي موباليج
فلك .. درت علي رحت تقربت علي حتى اخذه مد ايده بيدهه الموبايل ردت اخذه كال غيرت رأيي وبعده
فلك .. تريد الموبايل اخذه الك بس خل اولي شتريد تسوي سوي بعد كلبي خلص تعودت
فواز .. موكلتي الي تريده اخذه مني اني اقبل بلي تريده ماشي
فلك-باوعت بصدمه شنو ال ماشي كتلي
فواز اريدج هسه ومثل ما اريد
الكلام جان سهل وقت الانفعال لكن التنفيذ صعب
فواز-ابوج اخذ شرف اخذتي وقبض فلوسهن
ماارتاح ولا اعوفجن تتهنن اذا منطيتيني شرفج
وحده بوحده ابوج اخذ شرفي اخذ شرفه هيه هاي الدنيا بالحالتين راح اخذ حقي بس جنت مقرر بس منج
لان تستاهلين بس هسه لا حتى من اختج ومن اي شخص يخصج
فلك .. غمضت عيني واختنكت كتله وتعوفنه
فواز-من تطلعين من هذا الباب بس بعد ما مسويه الاريده
واذا هسه تطلعين بدون ينتهي هذا العرض وثار شرف اهلي اخوطج بي خوط انتي واختج وابنج
فلك .. خليت ايدي على عباتي بين التردد والخوف والاستسلام اريد اخلص من هالعذاب
تعبت وخرت عباتي من جتفي وكعت بالكاع
تقرب عليه هو ونزعني نقابي غمضت عيني بعدهه شمره بالكاع وهمس
اريد تسلميني نفسج مثل مااريد بعدهه انتِ واهلج يخلص الثار الي بينا واعتبري صورج وكلشي يخصج الج
فتح قراصة شعري ونثر شعري على ظهري جنت مثل الجماد غمضت عيني اول مخله ايده على جتفي فزيت
حاولت ابعد روحي شويه سحبني علي وحاول ينزعني تيشرتي
فلك .. فدوه لا الله يخليك عوفني مااكدر بطلت
فواز .. اششششش لتحجين استمتعي ومتعيني وينتهي كلشي
فلك-مااكدر بطلت
فواز-مو لعبه عندج اني
بقيت اتوسل بي وهو ميسمع ضيعت روحي بيدي هالمره صرت فعلاً رخيصه مثل ميكلولي
كلت ابويه اخذ شرفك وانتَ اخذت شرفي تعادلتو ورب العالمين اكيد راح يعدل هم
كومي ولي يلله وطلعي حتى اذا مااخذ شرفج انتِ وصخه بالحالتين كومي يلله طلعي
كمت ميته سلمت روحي حتى اذا مو كلشي كامل بس لمس جسمي خلص صرت وصخه مثل مكالو عني مسحت دمعتي وشلت عباتي من الكاع وكمت اجر بروحي وعباتي تسحل بالكاع شكد قذره الدنيا شكد قذر الفقر مرتاح اله من قذرني حاولت ردت اندس لان فقيره وراح انداس اعرف مراح يوكف فواز اله من اسلم روحي جنت عبالي رغبه بس طلع ثار وشرف
خلصنا يا بابا علمتنا على الشرف غالي بس نسيت الضمير قبل الشرف لان هو يكمل الشرف وكلشي ونسيت يا بابا تعلم روحك الدنيا تدور ونسيت رب العالمين كايل كما تدين تدان
طلعت من الشقه بلا روح ، راحت روحي وانتهت صرت مجرده من كلشي كعدت على الدرج محملتني رجلي واني اتذكر روحي من سلمته اله
اختنكت حيل كمت مااكدر اتنفس بقيت كاعده على الدرج بابا الي بعيني انسان عنده قيم واخلاق طلع يختلف الي حاربت احساس الامومه علموده لان جان يوصينا بشرفنا طلع بلا ضمير
كوه كدرت اكوم روحي واسندهه بس بدون اي سند اليوم خسرت كلشي صرت بلا شي اليوم كرهت اكثر صغر بعيني جان شي جبير انتهيت كرهت كل المبادئ الي علمني عليهه
اخذت تكسي دموعي ابد مسكتن دكيت الباب فتحته خاله دخلت مركزت على دموعي دخلت للهول باوعت على علي كاعد يأكل جبس من شافني صاح ماما واجاني يركض اني بلا احساس ولا وعي بقيت واكفه جامده بمكاني اخر شي دنكت علي ووخرت البوشيه ،
علي .. ماما عم ويخلي الجبس بحلكي شافني ابجي ماما اووا وخله ايده على دموعي فواز من ضربني ابد مضرب وجهي النذل
ام قاسم .. يمه شكو ولج شصار ليش تبجين
فلك .. باوعت عليهه
ام قاسم .. فلك شصاير
فلك .. غمضت عيني وشبكت علي وكمت ابجي دنكت عليه خاله
ام قاسم .. فلوكه شبيج حبيبتي ووخرت علي وخري ليختنك يمه
فلك .. باوعت عليهه
ام قاسم .. ياستار شبيج
فلك .. خاله وبجيت اقوى وشمرت روحي بحضنهه وكمت ابجي وهيه تمسح على ظهري
ام قاسم .. شصاير حبيبتي ووين رحتي احجيلي يمه شصار
فلك .. مااكدر احجي احس كلبي يوجعني بقيت بس ابجي بحضنهه
........................
ميمونه .. بعدما جفتنه عزوز كمت مخروعه واحجي على خضر وهو يضحك عليه لميت الفراش
ميمونه .. وديني خضر البيت خاله
خضر .. انجبي مخبله انتِ
ميمونه .. استحي والله شنو شافك نايم على صدري
خضر .. لج بابا انتِ مرتي مو صديقتي وبعدين عرس راشد وعدنه مشوار وره العرس اني وياج
ميمونه .. وين .. اجه عليه
خضر .. دعوفي الفراش وجرني
ميمونه .. وخر ليجي احد ثاني يجفتنه
خضر .. لتخليني هسه اصيح الكل واحضن بيج كدامهم مشتاقلج ولج
ميمونه .. ها هسه يالله عرفتك البارحه جنت يم وحده لذلك متقربتلي
خضر .. شنو لا ،لا انتِ تحجين صدك
ميمونه .. لا والله
خضر .. قصدج لان متقربتلج من اجيتي مخبله انتِ مستحيل اتقربلج اذا مو بمكانه اني وياج مطيه عقلج شنو انتِ وبعدين هسه ردت بس احضنج ميمونه انتِ متعرفين حبي الج شنو اني مااحبج للشهوات احبج حب روحي انتِ بالنسبه الي روحي من اشتاقلج مااشتاق الجسمج بس اشتاق الكلشي بيج من احضنج وانام بحضنج انسى كل العالم حتى شهواتي مااكلبهن اريد بس حضنج وعطرج واخاف مااشبع منهن
ميمونه .. حضنته ،خضر بجيت احبك والله والقرآن احبك
خضر .. ليش تبجين
ميمونه .. لان احبك ولا خذلتك
خضر .. لتخذليني بعد ولتشكين بحبي الج عليج الله خلينه نعيش واني هم صارلي درس بعد مااضم شي ميمونه لتجذبين عليه بعد بأي شي وسمعي كلامي
ميمونه .. هزيت راسي ب اي
خضر .. اريد اسمع
ميمونه .. ممجذبه عليك ولا اجذب ابد
باسني براسي وكلي يلله تأخرت على الولد ومحتاجيني
ميمونه .. وديني بيت خاله
خضر .. شحجيت هسه
ميمونه .. حتى ملابس ماعندي
خضر .. لتروحين للزفه
ميمونه .. اي وديني بيت خاله بين ميكمل العرس
خضر .. توني كلت تسمعين كلامي بعدنه بسم الله
ميمونه .. والله مو قصدي اعاند بس حتى دشداشتي هاي عاديه
خضر .. هسه اروح اشتريلج شي حلو تلبسي لتسويهه قصه
ميمونه .. بكيفك
خضر .. يلله كملي الفراش وطلعي يم مرت عمي اكيد هسه راح تروح البنات كلهن هناك ملمومات
ميمونه .. طلعت ام شاهين هلهلت من شافتني وكالت الله يهديكم يارب هيج من البدايه وصيري عاقله وكعدت تسولف وياي وتكلي اهم شي بيتج والرجال لازم تتحملي وبت الاصول لازم ويه رجلهه بالشده والفرح وام عزوز هم باركتلنه
خضر مشفته حتى ام شاهين كالتلي كومي نروح احتاريت لان خضر ماكو ومن اتصلت موبايله عايفه هنا اخر شي كتلهه مااروح من يجي خضر اخلي يجيني مااحس اله صوت شاهين ورايه
شاهين .. هاي منو هنا ميمونه اكول اليوم البيت مضوي
علي .. قصدك الكلوبات صايره لونين وعمتنه
درت وجهي وابتسمت شفت عزوز فشلت وكبل وخرت عيني منه
شاهين .. والله اذا بعد تعاركتو او تزاعلتو احط طلقه براس كل واحد بيكم شلعتوا كلبي
ميمونه .. ابتسمت
علي .. هيه انطيهه بس ضحك
شاهين .. خليهه تلوكلهه ورده ميمونه وبت اصول
ميمونه .. مشكور
شاهين .. والله هاي مو بس كدامج وراج هم مااعتبرج مرت خضر انتِ اختي الصغيره اريدج دوم ترفعين راسي وهذا الخبل اذا أذاج بس كليلي اني اطيح حظه بس متطلعين بعد اذا طلعتي من بيتج رجلج اكصهن
ميمونه .. شاهين والله انت اخ الي مو بس انت كلكم احسكم سند الي واحس روحي محظوظه بيكم
علي .. اهو اشتغل الصبغ
شاهين .. شلون يريد اخلي يحظر العرس بعين وحده خضر وين شو مدخل
عزوز .. لا راح كال عندي شغله
ميمونه .. هو شو كال اروح اغسل وبعد ماكو
علي .. اي غير من ورا ترزلنه من خالد
شاهين .. والله تستاهلون من البارحه كتلكم متسوكوا
علي .. شعلينه احنه مو خضر هو كال اني تالي احنه وكعنه بالرزاله
شاهين .. يلله روحو لا خالد يسوي كتلكم عمل شعبي تعرفوا هسه هو متوتر يريد كلشي بنتر
علي .. ساعه سوده يوم الصار ضابط بيهه عبالك احنه جنوده
شاهين .. امشي يلله لك وصلهم هناك يمه كليلهن ممنوع التصوير الي تاخذ صور موبايلهه اكسره
ام شاهين .. ميمونه متروح تنتظر خضر
شاهين .. خوش لعد تمشن انتن وخلو علي يروح هو وعزوز يكملون النواقص
ميمونه .. نص ساعه واجه خضر جنت كاعده احاول افتح الرمز مال موبايله من دخل ارتبكت وهز راسه و
خضر .. متبطلين سوالفج
ميمونه .. توني لزمته
خضر .. دكومي شوفي جبتلج اثنين شوفي الي تلبسيهه
جان جايبلي كلبيه مطرزه من فوك بالذهبي وهي لونهه اسود كتله خضر تجنن هاي
خضر .. ماادري من لمحتهه حسيتهه مترهم بس الج كبل رسمتج وانتِ لابستهه بعين القياس جبير اخذتهه للخياط حورهه الف تحوير شوكت تسمنين انتِ مو حامل مفروض بطنج جبيره
ميمونه .. بعدني توني
خضر .. شو كومي لبسيهه اريد اشوفهه عليج
اخذتهه ردت اطلع البسهه بالحمام مقبل اله يمه بس نزعت تقرب عليه
خضر ..مشتاقلج شلون
ميمونه .. هااا
خضر .. وجعا لبسي يلله واخذهه من ايدي ولبسني حسيت نفسي طفله كمت اضحك
لك يابه اله تخبل والله مثل مرسمتهه عليج
اقيس الثانيه
خضر .. لا لان اني مناك قررت هاي ذيج هيج جبتهه
فتحلي شعري
خضر .. ميمونه كاصه شعرج
ميمونه .. لا
خضر .. اموتج اذا اتكصي والله ميمونه فتحلي شعري وعدله
ميمونه .. ماعندي مكياج شلون
خضر .. بس لا تريدين تمكيجين
ميمونه .. اي طبعاً
خضر .. لا طبعاً شكو يعني تتزينين بس الي
ميمونه .. خضر
خضر .. ها ميمونه مو علساس تسمعين كلامي يلله
لفي شعرج وامشي تأخرنا هسه خالد يظل يحجي
ميمونه ..خضر بس امكيج
خضر ..شلون هسه تخليني حتى البوشيه ابقيهه بيهه
شتريدين يعني ليش تتمكيجين المكياج المره المن
تمكيجه وتتزين بي غير الرجلهه
ميمونه .. خضر صدك تحجي لو بس تريد تضوجني شنو هاي جديده مال مكياج
خضر ..حمره خفيفه اذا طوخ ميمونه افشلج كدام الكل
ميمونه .. ضوجني حيل مااعرف حسيته يستفز بيه متقصد
سكتت مجاوبت ولبست نقابي وعباتي من رحت هناك ام خالد حتى سلام مسلمت عليه ورسل سلمت عليه وكعدت يم البنات اني اغلب وقتي خلصته يم ام شاهين وخضر مشفته الكل جهز روحه للعرس حتى ابتهال جانت جايه وهيه نادراً ماتجي بحيث ممتعلمه عليهه بقيت وحدي يم حبوبه
جانت تعبانه ووممرتاحه لان مو مكانهه بقينه نسولف اني وياها وكل شويه ترزلني لان طلعت زعلانه
اتصلت على فلك مجاوبت وخاله كالت نايمه للمغرب اجوي من الزفه اني عبالي يجيبون العروسه هنا بس رجعوا وحدهم من الزفه
اني متت قهر لان مشفت العروس واصلاً خضر كلي العصر نرجع وعندي مشوار وتالي كلهه رجعت وخضر ماكو سألت علي كتله وين خضر
هسه بالطريق
عزوز .. لعد بناتنا وين
علي .. هنه ويه خضر
عزوز .. هاي ابتهال رجلهه يكول هم يالله نطلع خابره شوفه وين صار
ميمونه .. اني اباوع مقهوره تذكرت ابتهال جانت حبيبته كلبي كام يوجعني انوب يكلي لتشكين بيه
شاهين .. ليش مجيتي للزفه ميمونه
ميمونه .. خضر مقبل
علي .. حتى ياخذ راحته ويبصبص بكيفه
شاهين .. باع السافل لك انت اليوم والله مشتهي كتله مني
علي .. والله رقم وحده
ميمونه .. والله
علي ..والله وضحك جذب
ميمونه .. بقيت اباوع شاهين كلي ماوصيكم تعاركوا حته ما عولنه الله يهديكم وانت علي كافي تفاهه
علي .. تفاهه لو برتقاله
ميمونه .. ضربه بالسبحه وصاح بي كافي علي
علي .. كافي لو كيمر
ميمونه ..ضحكت وشاهين عاط بعلي سكته وبين حدي وبجديه
ام شاهين .. ولك عليوي عوفه خل نحجي يمه شاهين شلون مره لكيتلك
عزوز .. واني لعد محد شافلي
شاهين .. شوفوهه ال عزوز اذا شلون مره اني مااريد
رسل ..شاهين تفوتك والله
شاهين ..مااريد
عزوز .. احجولي عليهه اني اريد
ميمونه .. عفتهم ورحت اتصلت على خضر شغلني رجعت اتصلت هم شغلني اول يوم تصالحنه عشتو ضجت كلش انفتح الباب الخارجي رحت يم باب المطبخ البنات وزهراء هم هاي منين طلعت مجانت اكوا
تقربت عليه وهي مبتسمه
زهراء .. ميمونه عاش من شافج شنو هاي المفاجئه الحلوه والله ئيسنه منكم
ميمونه .. لتأيسين لان مااعوف خضر ، ولا هو يعوفني
ابتهال .. الله يحفظكم شنريد احنه بس ناس متعافيه
ميمونه .. باوعت انفتح الباب خضر دخل كبل باوعت علي بحديه هو تقرب مبتسم البنات دخلن واني بقيت واكفه الي ان وصل اليه
خضر .. مشتاق ياحلو منورتني اليوم
ميمونه .. ابتهال وزهراء علمود هذا الشي مأخذتني مو
خضر .. باع باع شكد مطيه اكلهه منورتني تكلي ابتهال وزهراء
ميمونه .. والله علمود هذا الشي صح
خضر .. غلط طبعاً ولج تحجين صدك لو تتشاقين اكيد تتشاقين
ميمونه .. كتلي العصر نرجع واخذج بشغله وتتاخر كلهه ترجع اله انت
خضر .. ميمونه بلا خبال الناس منا كلهه منريد يعله الصوت وتتفرج الحد الآن ماخذج على رسلج
ميمونه-رسلي والله تعبت ومقهوره حيل ليش اني بقيت وحدي هنا وفوكاهه جايني ويه اثنينهن وياك شنو خلصوا الزلم لو خلصن السيارات
خضر-انتِ مردتي تروحين
ولزمني من ايدي وجرني تعالي وين واكفه يم الباب ونتناقش هسه من يسمعون شيكولون شلقضيه ميمونه ليش سويتيهه قصه انتي مو كلتي ماابقه لو اني متوهم
ميمونه-اي بس ردت اروح البيت خالتي بقيت لان انت لحيت عليه وماعندي ملابس وانت مقبلت اروح للزفه واني مردت الح عليك حتى مشفت العروسه
بهاللحظه دخل خالد من باب الشارع وويا مااعرف منو كبل جرني خالد وصار كبالي
خضر-باعي سوالفج هسه استغفررررر الله بطلي ميمونه ودخلي جوه بعدين نحجي العرس توه خلص والناس بعدهي تدخل وتطلع وله كلج امشي لبسي خل اوديج
ميمونه-وين
خضر-وين يعني ببيت عمي ابو شاهين
ميمونه-وانت ترجع
خضر-لا اكابلج واكعد طبعاً ارجع بس ضوجتيني
روحي هناك احسن
ميمونه-والله مااروح هما ابقه من تروح اروح تبقه ابقه
خضر-تعانديني
ميمونه -مادام ذني هنا مااعوفك
خضر-بابتسامه هيج تحبيني
ميمونه-اي واغار عليك وانت متحس بيه
خضر-والله احس بيج واحبج بس انتِ استفزازيه لزم ايديوكلي يلله دخلي جوه عيب طابين طالعين الناس وكبري عقلج لج لو مااحبج لو احب غيرج شنو يخليني اجلب بيج وصلني للباب المطبخ غمزلي ابتسمت كتله تقشمرني
خضر-اموت عليج رويحتي انتي
ميمونه-ابتسمت ودخلت يم النسوان جانن يركصن البنات كاعده اني يم حبوبه ويم ام شاهين كاعده اباوع عليهن وابتسم بس عيني على ذني الثنين
جنت بوحده صرت بثانيه
كعدت يمي زهراء تبتسم وتباوعلي ابتسمت الهه
زهراء-محلوه عل حمل
ميمونه-بعينج بس اهم شي بعيون خضر
زهراء-بابتسامه اني قصدي حلوه صايره بس اني كلتهه محلووه
ميمونه-خجلت من ردي وكتلهه عيونج الحلوه بس البوخه طلعت من اذني
———————————
حمصه-متمدد واباوع على سكف السجن مقهور وتعبان حيل احس نفسي مهدود شلون افهم خضر مطعنته وبالحلال اباوعلهه واحبهه حيل
مو بيدي هو اكثر واحد يعرف الحب مو بيد البشر
احبهه ومستعد احاوب الدنيا
ميهمني احد اعرفهه هيه شنو وكلت ال عزوز اكثر واحد جان ضدي تفهم من كتله احبهه مو بيدي احبهه واخذهه اخذهه
ومقرر بس اطلع اتزوج رزان واطلكهه لان مقبلت اتزوجهه خليت سلمان يطلعهم وهو غبي دخلني للسجن الغاية يسوي بيني وبين خضر مشاكل ونجح بس اني استغليتهه الموبايل وتأكدت انطا ال خضر وهو الي يخسر معناهه يثبت هو ينتهك عرض بنيه اذا بقه يمه الموبايل
ومن رادني اتزوج رزان مقبلت كتله من اطلع اتزوجهه
وبقيت اهدده بيهه
رزان هيه الحمايه النه ميكدر يسوي شي
لكل واحد نقطة ضعف ورزان هيه نقطة ضعف فواز واني عرفتهه
وكتله اي خطوه تسويهه احسب حسابهه لان يم واحد مقاطع بنتك
حسيت نفسي بلا شرف حالي حاله اساومه بس مرات تصير ضعيف
ومجبور تحمي روحك والحمايه هيه رزان الي وللكل
لان فواز مريض بين قوسين ميهمه احد غير بنته حالياً
وهددته خاف اله نيه يزوجهه هم افضح
كلي عزوز بعرس راشد غير النفس راح مختنك كلش واني اتحسر على لمتهم ولو الوضع اختلف احس الكل كرهني وابتعد عني
وكام يشوفني بلا شرف
تدك بگلبي دك اني جنت مو رجال وبلا شرف بس ويه رزان
والباقين كلهم فديتهم بروحي
اجت ببالي فلك وابتسامتهه الي مبينه من عيونهه ابتسمت
فلك-عيوني تصب مااكدر اوكف دموعي اصعب احساس بالدنيا من تحس انت قذر ومالك حل تنظف سبحت لمساته الجسمي وصوت انفاسه ميفاركني احس لعبانه روحي من روحي
ابد منشفت عيوني جنت محتاره شلون ابرر روحي هسه اني اعرف بنفسي قذره شلون اوكف بوجوهم
كرهتك كرهتك يا بابا كرهتك ارتاحيت هسه
شنو مو انت تسولفلنه على رب العالمين لو شنو الي تعلمنه بي جذب
وتمثل علينه دور الاب الزين
شهكت اخخخخخخخخخخ اخخخخخخخ اريد اليوم ينعاد
اريده حلم وكابوس اكشر واصحه منه
اريد هالساعات ترجع
مااكدر اعيش بهيج قذاره صوت احمد طن بأذني
حمصه-الدنيا كلهه تصدك بس اني مااصدك احسج مثل امي مظلومه ومراح اخلي احد يظلمج لو يكلفني عمري اطلع حقج اطلعه
خليت ايدي على حلكي حتى متسمع خاله كوه سكتت روحي قاسم اجه من العرس وتعبان نام من وكت وكال باجر التحق وخاله هم نايمه وعلي من شاف الكل نام هو هم اجه دحس روحه يمي ونام
كمت حسيت اختنكت كلش نفسي ضاق حتى مالي عين الزم سجادتي شلون واليوم لمس جسمي وشافه غريب باوعت موبايلي يضوي جان صامت رحت علي شفته هو فواز خفت وارتبكت حيل وكلبي كام يوجعني ولعبت روحي من نفسس اكثر
شغلته رجع اتصل شغلته اجتني رساله منه باجر .....يتبع
ميمونه- كمت لملمت وياهم وشويه الناس طشو وكالوا الولد نجهز نفسنه نروح وحبوبه وام خالد ورسل كالوا صاحهن خالد وبقينه احنه وام شاهين فزعتنه كلنه للتنضيف توهم ديطلعون بيبي وحبوبه
فجأه صار صوت قوي مثل الطكه مدري رمي بس عالي وهواي اني فزيت
حبوبه-يمه اسم الله يا ستار ياربي
ام شاهين -شكو هاي جانت كاعده على الكرسي كامت مخروعه وكبل.....
