رواية قيود العوف الفصل الخامس والعشرون 25 بقلم ريتا

لمَن تخِليتوا عَني

و آنه چَنت بعازَة چفَوف التلمِني

بطَرگ حزنِي ولوعَتي وليوجعِني

بطَرگ ليشِ وليشِ ودمَوع عَلى ردنِي

وجَدمي كُل مِا ينوَي يوصِل بابكُم

گلبيٌ يعَتني ليشِ؟

يَا مِا چَنت أحبكُم وأسِند الحَبني وكُرهني

ومِن طَحت وتراكُمن حِزني أعَلة حِزني 

محَد أتدنة وهمِس موجَود متِني 

وهِيا هَاي الـِ ( ليشِ ) 

و أنتمَ والـِ بگلبيٌ وروحَي كُلهن يوجعِني .

لتنسون التصويت + التعليقات بين الفقرات + متابعة حسابي قلبي ❤️‍🔥

شبابات صوتوا دوسوا علىٰ النجمَة لتنسون مُهم🤏🏻

__________________________________

ابتسَمت بنصر من شفت وجوهم شلون حاوطتها الصدمة مصدومين صدمة مو طبيعية مثل الي اخر شيء چانوا يتوقعونة هذا 

چانوا بانين أحلام علىٰ تعاستها لمنار بس حتىٰ محد يدفع ربع من جيبة وحتىٰ مايتحملون مسؤولية استهتار أخوهم وجرمة

ثبتت عيوني عليهم ورجعت بذاكرتي لهذاك اليوم من زمن گالت لمنار 

-زمن: فصلية منار عمامي كُلهم يردون ينطونج فصلية حتى يطمطمون السالفة وحتىٰ ميبيعون شيء من أملاكهم ولا يدفعون فلس يردون يضحون بيچ

:- ماگدرت اسمع وأبقىٰ ساكتة واني اسمع تخطيطهم وانوا راح تصيرين ضحية وتروحين ظلم راح تنذلين منار راح تصيرين خادمة الهم محد يحترمج كُلهم راح يحتقروج وراح يأذونج وكل ما يشوفونج يگولون الج بنت المجرم وانتِ كُلج خلگ خادمة انطوج النا 

من انهارت أعصابها وأتأذت أول ما شفتها رخت ونامت گمُت دخلت للغرفة قفلت الباب وفتحت تلفوني الي صار الي ايام مافاتحتة ..

ماا اجة ببالي غيرة ماا اگدر أثق بغيرة اني عرفتة شنو وعرفت شنو يگدر يسوي راح يلگالي حل ما راح يخذلني متأكدة .. 

اول ما فتحتة هووواية رسائل اجتني چان دازهم الي واني قافلة جهازي ملتهية .. ماقريتهم ولا ركزت بيهم اول ماا فتت علىٰ رقمة اتصلت عليه ...

بقىٰ هواية يدُگ وميجاوب علىٰ الاتصال قطعت المكُالمة ورجعت اتصلت مرة مرتين ثلاثة وماكو رد ...

دخت وصرت اروح واجي بالغرفة أفكر أفكاري تعقدت وشيء صارت بشيء مااعندي غيرة ومداحصلة ...

مرت دقائق ورن موبايلي چان المتصل هَو بسرعة فتحت الخط وجاوبتة بصوت سريع مرتبك 

-جُمان: عوف 

حسيتة فهم نبرة صوتِي من جاوبنِي وگال

                                    

              

                    

-عوف: جُمان شبيچ صاير شيء ؟

-جُمان: عوف ماا الي غيرك بس انتَ تگدر تساعدني اجيتك وكُلي ثقة بيَك انوا تشوف الي حل لهاي المصيبة 

-عوف: عيوني وروحي الج جُمانة شنو صاير الج ؟

-جُمان: عوف انتَ موجود بغداد ؟

-عوف: بالبصرة انه جُمانة بس سولفيلي شبيچ !

غمضت عيونِي وجاوبتة بصوت واهن 

-جُمان: عوف ابو منار قتل ثلاثة وشرد 

-عوف: شييل 

-جُمان: وهذول من عشيرة الـ **** ويردون ينطون منار فصلية عوف حتىٰ يطمطمون السالفة وعلمود ميدفعون فلوس 

-عوف: وأبوها شنو بخصوصة ؟

-جُمان: أبوها واخوانها شاردين ومحد يعرف وينهم

زفر بصوت عالي وگال 

-عوف: عمامها گلتي الي يردون ينطونها فصلية ؟

-جُمان: اي 

-عوف: وعلىٰ أي أساس ؟ 

مسحت وجهي واتنهدت وجاوبتة 

-جُمان: ماا أعرف عوف بس هاي عشائر يعني اذا طلبوا فصلية محد يلزمهم وانتَ تعرف القانون ميدخل نفسة هنا وعمامها ينطونها عوف يضحون بيَها ومترف الهم عين

سمعت صوت جداحة اشتغلت عم السكوت لثوانِي حچيت بصوت ضعيف تعبان .. 

-جُمان: ها عوف ! 

سمعت صوت تنهيدتة القوية وصلني وگال 

-عوف: عيونة 

غمضت عيونِي ونزلت دمعة مني 

-جُمان: بس أنتَ الي تگدر تساعدني حتىٰ اساعدها اموت اذا منار راحت فصلية عوف امووت 

-عوف: اروح الج فدوه انه جُمانة ...  لا أنتِ تموتين ولا منار تروح فصلية 

-جُمان: شلون ؟ 

-عوف: عوفيها يمي حلها 

ضحكت بين دموعي بفرح وجاوبتة 

-جُمان: والله 

-عوف: والله وحگ عيونچ 

-جُمان: بس شلون عوف ؟

-عوف: يجيج الصافي عيني 

            

              

                    

-جُمان: مدا اگدر ارتاح گُلي شلون 

-عوف: اروح فدوه للي جابتج علىٰ هاي الملحة مو گلت يجي الصافي ياعيني

-جُمان: مو أخاف منلحگ عوف بس اليوم وباچر عندنا 

-عوف: وداعتج صارت HD ووصلت يمي وطخت

رمشت بعدم فهم ممستوعبة شجاي يگول 

-جُمان: عوف شنو دتسولف كُل شيء مدافتهم شنو HD شنو طخت عوف دتستهزأ بيه شنووو !! 

-عوف: يابه وعيونج ماا جاي استهزأ انتِ مو تگولين اثق بيك ؟ 

-جُمان: اي 

-عوف: چا بمكانها 

-جُمان: خايفة عليها عوف گلبي مديرتاح مشايف وضعها شلون من جهة ابوها وإخوانها ومشكلتهم ومن جهة هذا الخبر الي من سمعتة اتخبلت وبالگوا هدأت ! 

-عوف: انتِ اجيتيني بمشكلة وحلها لو يصير بعيونِي انطيهن الچ ريحي گلبج وأرتاحي انتِ 

-جُمان: زين وهسة شنو ؟

-عوف: هسة عندي شغلة اخلصها واخابرج 

-جُمان: عوف انتظرك اني

-عوف: بعيوني

رديت عليه وسديت المُكالمة وگلبي يفور مد اتخيل منار هيچ يصير بيها 

ومن جهة أحس ارتاحيت من خابرتة وحچيت اله .. 

صح ما گال الي شيء ولا وضح ألي شنو راح يسوي بس ماا أعرف ليش هيچ صارت عندي ثقة بيَه

 من يوم الي وعدني وحماني ورجعني سالمة لهذا البيت احس روحي وثقت بيَه حيل وأول متصير عندي مشكلة ماا اگدر احلها وحدي أحس نفسِي تلقائياً تتجه اله ..

اتنهدت وطلعت من الغرفة طلعت علاج مَاما حتىٰ انطيه الها ام علي مچانت موجودة كُله هي الي تنطيه متقبل اني انطيه تگول متعرفين شگد تنطينها وشنو تنطينها ومتعرفين لوقت الحباية الي تنوخذ 

حيل لحيت عليها بخصوص هلموضوع حاولت افمهمها انوا أعرف !! بس عاندتني وانِي هم سكتت حتىٰ متزعل لأن مچانت تقبل أفتح هلموضوع تگول اني تعودت انطيها علاجها 

عقدت حاجبي من شفت اغلب الاشرطة مو نفسهن الي چانت تنطينهن إلها ماقارية اسمائهن بس اعرف اشكالهن مو نفسهن !! 

ماا أعرف ليش گلبِي لعب ماا انطيتها اي واحد منهن انتظرت ام علي تجي واسألها عنهن 

التفت من سمعت صوت خطوات شفتها منار طلعت للطارمة اتنهدت ومشيت وراها بخطوات خفيفة شفتها گعدت علىٰ القنفة بالحر والشمس فوگها تصگع بوجهة

            

              

                    

-جُمان: منار 

دارت وجهة عليه باوعت لعيونها مورمة وحمرة بسرعة صرفت نظرها عنِي وبقت علىٰ نفس گعدتها 

-جُمان: يعني بهاي گعدتج شنو راح تسوين ؟ حامسة نفسج حمس بالشمس ! 

-منار: الي بيه مكفيني جُمان مابيه اسولف فدوه 

رحت يمها گعدت لزمت أيديها وحاچيتها 

-جُمان: من كُل عقلج أخليج ترحين فصلية ؟

ضحكت بحزن ونزلت دمعة منها مسحتها بطرف أصبعها وگالت بصوت يرجف ومتقطع

-منار: ماكو حل بعد وعائلتنا أتشتت أبوية مجرم اخواني مشردين واني فصلية ههههه جاي تشوفين جُمان كل واحد واگع عليه شيء 

باوعت الها وهي تسولف وتبچي وتضحك بنفس الوقت تضحك بحزن بوجع مختلط بدموعها چنت اباوعلها وساكتة ... 

اتنَهدت ومسحت علىٰ أيدها 

-جُمان: ما راح تنظلمين انتِ هم وتندمر حياتج بسبب الي سواه ابوچ !

-منار: اتدمرررت جُمااان اتدمرررت تتوقعين اني سعيدة هسة ؟ واني بنت مجرم قاتل مطلوب اني سعيييدة !! 

ظلمنا كُلنا ابوية ظلمنا ومافكر بيَنا ههههه تخيلي يخلوني اخدمهم من صغيرهم لچبيرهم ويعيروني ويگولولي الفصلية !!

غطت وجهة بأيديها وبچت بصوت ... هزيت راسي وأتقرب منها حضنتها وصرت اسولف ويَاها بس ماكو فايدة چانت تعبانة حيل وماچانت تفكر انوا اكو حل اصلاً ينقذها من سالفة الفصلية .. 

مرت ساعات وصار المغرب واني كُل شوية افتح موبايلي وأنتظر إتصال منه ماكو بقيت بخوف وأفكر .. 

صار الأذان واني عيني عليه اتنهدت وگمت صليت ودعيت ربي من كُل گلبي تنحل مشكلتهة لمنار ..

طلعت من الغرفة وشفتها راكعة وجسمها يهتز بخفة دمعت عيونِي من عرفتهة دتبچي حطيت أيدي علىٰ صدري واخذت نفس 

-جُمان: تقبل الله 

باوعت الي بنظرة مطولة حزينة وهزت راسها بثقل 

بعدني واگفة گدام غرفتي واندگ باب بيتنا عقدت حاجبي بأستغراب منو جاي هيج وقت ؟

رحت فتحتة فتحت عيني مصدومة من شفتهم العوف وقاسم سوىٰ خلاني أفز من صدمتي قاسم من گال...

-قاسم: شلونچ خوية 

-جُمان: هل ... هلاا قاسم 

            

              

                    

باوعتلهم وفتحت الباب ارحب بيهم يدخلون ..

اول ماا فاتوا گعدوا بالطارمة مادخلوا جوة باوعت بأستغراب 

حك حاجبة العوف وگال

-عوف: جُمان صيحي لمنار وتعالي

باوعت اله وهزيت راسي بمعنىٰ شكو ؟ أشر الي بأيدة انوا أصيح الها .. 

دخلت چانت خالة ام منار گاعدة يم مَاما يسولفون گالت ألي ماما 

-امل: مَاما منو بالباب ام علي ؟

باوعت لمنار وامها يباوعون الي منتظرين جوابي اتحمحمت بصوت 

-جُمان: ااا .. لا مَاما هذا طفل من جهال المنطقة دگ الباب چنت دازتة علىٰ شغلة يجيبها 

وجهت نظري لمنار واشرت الها بحاجبي تگوم ميلت راسها بأستغراب واني فتحت عيوني علىٰ وسعهن اريدها تگوم مشيت بخطوات ثقيلة وهي گامت اجت وراي 

-منار: جُمان شنو ؟

حچت الكلمة ووگفت بأستغراب من شافت العوف وقاسم أنتبهت لقاسم طبگ حواجبة وبسُرعة گام من شافها بقىٰ يباوع علىٰ وجهة الذبلان وعيونها المورمة 

گام عوف باوعلها أشر بأيديه علىٰ الكراسي الي مقابيلة وگال 

-عوف: تعالي منار اگعدي 

باوعت الي ورجعت وجهت نظرها عليهم اتنهدت وگعدت

-قاسم: شلونج منار ؟ 

-منار: زينة 

گالتها بتعب وهو بقىٰ يباوعلها عينة ماا وگعت منها ونظراتة حزينة وجهت نظري لعوف الي تحمحم وشبك أيديه وگال

-عوف: انتِ ما تردين ترحين فصلية ؟

وجهت نظري الها بسُرعة اول ماگال الكلمة فتحت عيونها علىٰ وسعهن وبقت ترمش بثق وعيونها مدمعة هزت راسها بـ لا وسكتت ... 

-عوف: واحنة هم ما راح نسمح يصير هذا الشيء 

ارتفع صدرة من اخذ نفس وزفرة بصوت وجهة نظرة لقاسم وگال

-عوف: انه ماا راح احچي هذا الحجي لأن قاسَم أيدي اليمنىٰ ولا لأن هَو أخوي وامدح الچ بيه بس ... انه راح احچي هذا الحچي لأن أعرف الگدامي رجال سبع شهم وكفو أعتمد عليه وانه مغمض عيونِي 

لو يگلي الماي بيه لون اصدگة هيچ انه واثق بيَه وأعرفة 

بقت تباوعلة وصافنة بدون اي تعبير علىٰ وجهة سكت ورجع گال 

-عوف: انه چانت عندي هواي حلول اگدر اساعدج بيها حتىٰ تتخلصين من موضوع الفصلية بس كلهن ما راح ترتاحين بيهن وما راح يحمنج مثل ماتردين انتِ 

            

              

                    

باوع لقاسم الي هز اله راسة وگال 

-عوف: خلي قاسم يعقد عليچ حتىٰ بعد محد يفك حلگة وياچ بكلمة وحدة ولو واحد فك حلگة وياچ وراچ ظهرين انه وقاسم ..

فتحت عيوني مصدومة ماچنت متوقعة هذا الشيء درت وجهي الها هزت راسها وبچت بصوت وغطت عيونها بأيديها گالت وهي تشهگ 

-منار: بس انيي ماا اريد اتزوج لا فصلية ولا قاسم ولا غيرة 

لفيت أيديه علىٰ كتفها أمسح عليه رد عليها قاسم وگال

-قاسم: منار انه مقدر ظروفج ووضعج الي انتِ بيه بس لا تعتبرين هذا زواج لا تتقدين بيه لا تخافين مني هذا مجرد حل حتىٰ بيه تسدين حلگ الي يحچي

-جُمان: يعقد عليج قاسم وتبقين معززة مكرمة ولا ترحين فصلية منار 

-منار: بسسس افهمووونيييي انييي شنو ذنبي ليش الا زواج بالغصب اثنينهن بالغصب 

-عوف: انتِ ماا الچ ذنب وهذا مو زواج اعتبري ارتاحي بيه ومثل ما گال قاسم لا تتقيدين بيه علىٰ ابو انتِ متزوجة انتِ چبيرة وفاهمة وواعية وتعرفين شنو قصدي 

تقربت منها حيل وهمست بأذنها 

-جُمان: ماكو وقت حتىٰ تفكرين منار لتخلينهم يحققون الي يردونة انتِ تعرفين قاسم ومسولفلتلي عنة وشلون ساعدج وهاي أجت من الله 

باوعت الي وعيونها مغورگة دموع نزلت عيونها وعصرت اصابعها بقوة وگالت بصوت ضعيف واهن 

-منار: ميخالف موافقة 

-قاسم: ياا الله 

حچاها بصوت عالي وباوع اله العوف وهو مقلص عيونة 

-قاسم: يعني يا الله أكو احلى من اسم الله ؟

-منار: وأمي شلون 

باوعت الهم وگلت 

-جُمان: خالة هنا موجودة جوة 

هزوا روسهم وگاموا گال العوف 

-عوف: شوفيها حتىٰ نفوت منار 

شوية واجت گالت تعالوا دخل قاسم واني چنت داعدل الكُرسي وگف يمي باوعت اله ميل راسة وگال

-عوف: وعلي فد مشتاقلج 

رفعت حاجبي بدهشة مُصنطعة 

-جُمان: اگول فوت فوت قاسم فات قبلك 

-عوف: وين فايت للجنة قابل ماتگليلي 

            

              

                    

دار وجهة وراح فات انرسمت علىٰ وجهي ضحكة غصب ورحت وراه فتت اول مادخل سلم علىٰ ماما چانت مستغربة منه متعرفة منو لحد ماا گلت الها اني اكلتة اكل بالسلام عوزها شوية وتبوسة تموت عليه وتحبه حيل من سولفت الها عليه من ساعدني 

وخالة ام منار چان سلامها طبيعي وياهم گعدوا وفتحوا الموضوع وياها وهي اتخببببلت وكلمة الـ لا موگعت من لسانها 

-ام منار: عمتت عينييي وعين گلبيييي بنيتي هيج يصير بيهاا 

-قاسم: خالة والله وداعتج شنو الي تردينة انتِ وياها يصير انه هنا جاي علمودها علمود أساعدها منار مستحيل تروح فصلية

بعدين خالة لا تخافين كل شيء مايصير بدون موافقتها وبدون رضاها بس اقبلي انتِ أعقد عليها حتىٰ اخلصها واطلعها من هاي المشكلة

بقينة هواية نسولف وياها وماما تحچي وياها واحنة ماخلينا طريق ماا اجيناها منه ومنار من شافت أمها هيچ رافضة تعبت وبين عليها 

رخت وبدت تتقبل الفكرة من شافت منار شلون دموعها توگع علىٰ خدودها بدون صوت حضنتها وگالت 

-ام منار: يابعد امچ ليش شناقصج انتِ وماتفرحين حالج حال البنيات ليش الدنيا هيچ شدت 

-منار: ماا أريد أفرح ماما بس اريد أخلص من عمامي ومن ظلمهم عفية مَاما ماا أريد اروح فصلية والله اقتل روحي اذا صارت 

هزت راسها ووافقت بألف يابو علي وحسيتها ارتاحت من سولف وياها العوف وشلون چان يوعد بيها اتقبلت وضحكت شوية من كلامة ارتاحت علىٰ منار ..

رفع جهازة قاسم وچان يگول اي وصلت وطلع برة باوعت بأستغراب منو هو الي وصل وجهت نظري لعوف الي هز الي راسة بخفة وابتسم بمعنىٰ أطمئني ..

مرت دقائق واجة گال هذا الشيخ وصل باوعت لمنار الي حسيتها تنهدت بوجع وغمضت عيونها وگامت ... 

نطقت الكلام وراه وبچت بصمت مسحت دموعها ورجعت كملت كلامها وامها لازمتها وتحچي وياها وتقوي بيها عقد الهم الشيخ وكمل .... 

صح چانت منار منهارة ومتأذية بس أحس بيَه شيء أرتاح اگدر اريح عقلي من التفكير بموضوع الفصلية وعمامها

طلع الشيخ ودخل عليها قاسم گالت اله خالة ام منار بصوت مبحوح تعبان 

-ام منار: مبروك ... وبچت 

هز راسة بقبول وباوع لمنار الي ماخذة ركن وتبچي بصمت بقىٰ يباوع الها لفترة ونظراتة حزينة گال بهدوء 

            

              

                    

-قاسم: منار باچر أجي عليچ نروح نعقد محكمة 

رفعت عيونها بعيونة وهي تباوعلة بدون كلام ...

نزلتهم وهز راسها بخفة ربت علىٰ كتفة العوف وأبتسم اله 

طلعوا وطلعت وراهم سبق قاسم عوف وصعد بالسيارة ينتظرة التفت عليه وگال 

-عوف: هذا أحسن حل وهي تعرف قاسم وقاسم يعرفها اتخبل من فتحت وياه الموضوع راد يجي قبلي لبغداد

كتفت ايدية وهزيت راسي وحچيت بتعب 

-جُمان: ماا أعرف شنو اگول بس يبقىٰ كُل شيء أهون من موضوع الفصلية 

صار وجهة قريب من وجهي وهمس 

-عوف: بس الخير يلوحها منه صدگيني اذا اشتكت منه فد يوم أنه إلي أتحمل مسؤولية الاختيار بس واثق من قاسم وحاس عندة شيء تجاهة 

باوعت اله بقلق وتوتر 

-جُمان: يبقىٰ شيء داخلي ما مرتاح لأن هي ما مرتاحة وما متقبلة فكرة زواجها بهيچ شكل !

ثبت نظرة وباوعلي وهو مبتسم وگال

-عوف: والله نسويلهم احلىٰ عرس بس خلي يعدون هذي الفترة وترتاح هي البنية وتخلص مشكلتهم وكل شيء سهل وداعة عيونچ 

انرسمت علىٰ وجهي شبه ابتسامة قلص عيونة وگال

-عوف: شو ماگلتيلي انتِ ما مشتاقتلي ؟ 

هزيت راسي وجاوبتة بأستنكار مُصطنع 

-جُمان: لا بمناسبة شنو اشتاق الك ؟ 

-عوف: ميخالف سوي زين وذب بالشط 

ضحكت بصوت عالي راد يطلع وگال

-عوف: احترگ گلبي دسدي الباب 

-جُمان: راح ترحون فندق ؟

هز راسة بأستنكار وگال 

-عوف: لا يابة رايحين يم جماعتنة الي هنا 

بقيت اباوع اله وبللت شفتي بحيرة داحاول اتشكر منه بس داخجل مد أعرف شلون اتشكر منه أعرف بس اعارك بيه 

طگ صبعة وفزيت بأنتباه گال 

-عوف: الباب ياحبابة سدي وفوتي راح نروح

-جُمان: اوكي يا حباب روح واني اسدة 

ضحك وراح صعد رفع أيده يسلم عليه سلمت عليه وسديتة وفتت جوة بقينا بين السوالف عنهم وسولفت الهن من چنت عندهم شلون ماحسسوني اني غريبة وشلون ساعدوني 

            

              

                    

حسيت خالة ام منار لعب گلبها من عرفتهم ضباط عرفت خافت علىٰ أولادها لأن گالوا القانون طالبهم همة وأبوهم نزلت عيوني بحيرة ومرت الليلة واجة صباح اليوم الموعود 

گعدنا الصبح وخابرني العوف گال فد نص ساعة وجايين صدُگ نص ساعة واجوا وراحت منار حتىٰ تعقد محكمة ماگدرت أروح وياها هي وخالة واعوف ماما وحدها 

ومرت كم ساعة واجت منار الي صارت شرعاً وقانوناً زوجة قاسم ... 

رجعت لواقعي وبين وجوهم الي لهسة مصدومة عاط عمها بصوت وگال

-ولجججججج ااااانتِ تضحكيييين علييينااا شنو متزوجة يمتىٰ اتزوجتيييييييي !!!

جاوبتة خالة ام منار بثقة تامة وگالت 

-بنتي من زمان حاچين بيها وبخطوبتها بس امس عقدوا وكملوا زواجهم 

وگف واحد منهم دگ علىٰ راسة وگال

-وشنگوووووول للناس ولكم انطيييينا حچايةة

جاوبتة وگالت 

-بنتي مو دجاجة وتنطيها ياابو رفعت بنتي مالها ذنب بأبوها وفعايلة مو كافي ولدي انهدمت حياتهم وضاعوا وي ابوهم تردون تظلمون بنتي هم ماتخافون الله انتم !!

صارت مشاددة بالكلام وعياط وعوزهم بس يبچون وكل شوي ودعوا عليها تقدم عمها بعصبية يريد يضربها وگفت خالة ام منار وگالت اله

-زوجها ضابط حدك يا ابو رفعت والله محد يوگف بعيني واشكيكم اله واحد واحد اذا مديتوا ايدكم علىٰ بنتي 

من العصبية والصدمة الي مروا بيها واحدهم عيونه نطت براسة حمررر طلعوا برا وهم يعيطون بأصوات عالية

ومرت الأيام وسكتت هاي السالفة وچانت زمن من تخابر تگول انوا حچايتهم رجعت عليهم وصارت گعدة ثانية وهسة يردون فلوس 

گالت خالة ام منار 

-بالطگاك الي يطگهم عساهم بأبو زايد چنت أروح الهم اتوسل بيهم واحد واحد عليه وعلىٰ مشاكلة چنت بس اريد واحد بيهم يگعد يحاچية 

يگلة خاف ربك بعائلتك واحسن تصرفاتك چنت خايفة من هيچ أيام بس وين چانوا مايسمعوني ومرة طردوني بنص الليل لأن رحت الهم عليه 

اني مايهموني عندهم حلال وأملاك خير من الله بس ميردون يبيعون شيء ويسدون سالفة اخوهم يردون يضحون بينا بعد ولدي الي عمت عيني عليهم اراضيهم وين ما ادري ااااااخ يا روحي ااخ 

وبيوم گاعدين بالطارمة اندگ بابنا حيل گمت فتحتة وطلع أخوها لخالة وگف گدامها وگالت 

-شنو گعدتج انتِ هنا بعد رجلج وولدج شاردين بيتج ماتطبينه بعد ومحد يفوتة لأن صار بيت مطلوبين

باوع لمنار وگال 

-بنتج وطلعت متزوجة انتِ گاعدة ببيت غرب شكو بعد امشي وياي 

فتحت عيونها علىٰ وسعهن وگالت اله 

-لااا خوووية وين تاخذنييي وبنيتي وولدي ماا ادري بيهم وين ماخذنيي

-امشيييي وعووفي بنتج وولدج امشيييي گدامييي

عتها واخذها ركضت منار لزمته من أيده تبوس بيه وتبچي 

-منار: خالووو ارووح الك فدوه ابووس أيدك لا تسوي بينه انتَ هيج هم خالو لا تظلمنا منهم لا تفرقني عن امي 

دفعها حيل وماا اهتم الها وگال

-سكتييي لج ماا النا خلگ مشاكل ابوكم لحگتنا احنة هم ناخذ اختنا وناركم تاكل حطببببكم

ركضت عليه احجي وياه قبل لا ياخذها بس ماا اهتم لأي وحدة بينة وصار يدفع بينة اخذ خالة ام منار عتها صعدها بالسيارة وهي تبچييييي وتأشر علىٰ منار

رفعت منار أيديها وصرختتت بصصوووووت عااالييي

:- لاااااااااا لاااا تعوفيني وترحين ييييييييمهه