رواية الإرهابي وذات النقاب الجزء الثاني الفصل السادس والعشرون بقلم ام غايب
_باوعت احمد
احمد .. توني ردت اتصل عليج اريد اكلج
راح اوصل للباب طلعيلي
فلك .. بقيت صافنه بدون مااتحرك
احمد .. السياره طالبهه كتله ساعه وارجعهه لازم نحجي
وين رايحه
فلك .. رايحه للموت برجلي ورحتله اصلاً جانت
مجرد امنيه لان من كدما امشي بدون وعي رادت
تدعمني سياره بس صاح الولد ديربالج يمعوده وفززني
مشيت واني ابجي .. شكوبيهه لو توكفني مثل كل
مره وتكلي اني وياج جان مغلطت اليوم اول يوم احس
بالضياع الحقيقي وافتقد وجوده رغم مااعرفه ولا تربطنه
علاقه قبل بس من اول مصارت عيني بعينه وراهه
صار ورايه بكل مكان طلعت للشارع امشي
وانتظر بكل لحظه احد يوكفني اجذب اذا مااكول
هم اتخايل شاهين يجي يوكفني ويكلي حسيت عندج شي
من يجي ببالي شاهين يزيد تشتتي وضياعي
احس نفسي انسانه مجرده حتى من العقل كلشي
بيه ضايع
صعت كيه الباب المعظم طول الطريق صافنه اريد اوكف
مو روحي من الروحه اريد اوكف ضياع كلشي بيه
اني شنو منو شنو اريد منو ألي كلبي يريد ويحب منو
مااعرف ليش رحت الفواز البارحه من كد الضياع
ردت اصرخ ردت اخلي ايدي على راسي اوكف كل الافكار
الي بعقلي اخر شي كلت نازل نازل عفيه
اختنكت نزلت وهم مااعرف ليش نزلت واني
بعدني مواصله دكيت على خضر لكيته مغلق
....................
ميمونه .. فزيت اني راسي على صدره وهو حاضني موبايلي
دك تحركت حاضني قوي الموبايلي حبيبي كاعد يدك
خضر .. م اي اي بصوت ناصي وواحد مندمج بالنومه
ميمونه .. شو خل اكوم الموبايل جان حاضني حيل عبالك
راح اطير انسد الخط كتله خلص الاتصال
خضر .. احبج
ميمونه .. بأبتسامه اني هم احبك بس ليش خليت ينسد
خضر .. اكيد واحد من الولد
ميمونه .. موبايلي هذا مو مبايلك
_فتح عينه وابتسم
ميمونه .. ابتسمت ليش تبتسم
خضر .. ام تك وتك كلبي يوجعني تدرين لو متدرين
ميمونه .. ليش تبتسم
خضر .. لان من وراج يوجعني تصدكين اذا اكلج وانتِ هسه
بحضني احس مكاعد ارتوي اريد احضنج بعد اقوى
ليش هيج انتِ شمسويتلي شنو من سحر عندج
بحيث اني هيج شايفه من انتِ ماكو حتى الضحكه بيه وجع والله
ميمونه .. خضر اني هم والله هيج احس ليش احس
اموت بدونك والله احجي صدك احس اتيه واضيع
مو بس احساس اني تهت اصلاً من انت ماكو
بحياتي ومن انام بليل ابجي يوميه ويوجعني كلبي وانتَ
تريد تعوفني ليش اعرف غلطت عاقبني بس لتعوفني ابد
خضر .. انتِ العفتيني
ميمونه .. ردت ارجع تندمت والله بنفس الوقت بس خفت لاتطردني
خضر .. لو جايه ياميمونه لو جايه مستحيل اكدر اطردك غبيه
اكلج بس اضعف بي
_شنو السر
خضر .. يمكن مراح تصدكي بس والله هذا الشي سر ونقطة ضعفي
ميمونه .. شنو
خضر .. عيونج والله لج شكد نذله انتِ وياي
بس بعيونج اضعف مدري شيصير بيه من اباوع
عليهه ادري لان تك وتك ميمونه اريد بنتنه
تك وتك لو ابنه بس اريد بنيه اني وتك وتك بس ها
مو تسون حزب عليه وتغلطن والله اقلعهن الي اضعف كدامهم
ميمونه .. هههه شكلك تندمت لان كلت
خضر .. اي والله تندمت باعي مو اكلج ساحرتيني اعترفي
بيش السحر ووين اريد افكه شو كتلج نقطه ضعفي
ميمونه .. احبك خضر
خضر .. هو هذا الي الله قدرج علي بعد كل هاي المشاعر
ميمونه .. هههه اعشقك
خضر .. ووجعه كومي كومي عبالي راح تلزكيني ببوسه قويه صخام
احبك خضر كأنما عبرت عن شي جديد حتى مغيرت الكلمه
ميمونه .. هههه والله احبك شبيك اموت عليك واموت
بدونك واضيع وانتهي بدونك كل ذني ممكفياتك
خضر .. لا طبعاً انتي كلج الي فهمتي كليلي كلي
الك بس الي وها خاف يصير شي ميمونه
خضر .. كبل خليت ايدي على شفته لتحجي هيج
اموت والله ... وخر ايدي
خضر .. خليني اكمل تبقين بس ال خضر حتى اذا ميت
ميمونه .. اموت بدونك
خضر .. محد يموت بدون احد بس موتي كلبج واحساسج
خلي يبقه بس الي ميمونه مااريد احد يشاركني بيج
حتى اذا ميت اني حتى اذا اموت راح ابقه وياج مثل
امي هسه احسهه وياي شايفه جنت صغير من ماتت وكبرت
هسه خوب وهيه باقيه بنفس شكلهه تجيني هواي بلاحلام
اني هم اجيج بلاحلام
ميمونه .. خضر ليش هيج تحجي صدك تحجي ليش تأذيني
وتخوفني عليك ، خضر اموت بدونك لتعوفني ابد ولتحجي
هيج ابد عليك الله
...........................
فلك .. اتصلت على خضر مغلق ورجعت ميمونه هم
مجاوبت باوعت على الساعه ب تقره ١:٤٥م باوعت
على السيارات والشارع طلعت موبايلي
مسحت دردشة فواز وصورتي الدزهه
وطلعت صورة حسين وعلي سوه بجيت اكثر اثنينكم
متستاهلوني احبكم والله راح تبقه انتَ اماني وبس ياحسين
وراح تبقه انتَ اكثر واحد ماظلمني بالحكم جنت مثل
محكمت عليه بس هسه لا تهت وصرت مو ذيج فلك القديمه
بست علي الافضل اله
ومشيت كبل باتجاه السيارات كلشي صار سريع محسيت
بالسياره ضربتني رغم مااني رحت باتجاهه
جان وجعي وجع كلبي صعب وصفه صعب القذاره
صعبه الي اني دخلتهه مااكدر اعيش بيهه
شفت امي بعيوني واكفه لابسه اسود وجهه كله نفسه بس
اكو شي ظهرهه مالي مثل الحدبه ودموعهه تنزل وتباوع
عليه ووجعي بعز نومتي بالشارع واني بس احس بالضياع
وبس الخوف من الموت رغم مااني رحتله برجلي بس
جنت اريد اعيش بس مو بهاي الحياة اكرههه
...........................
ميمونه .. خلينه نكوم يلله حبيبي مو علساس مدري وين
تريد تروح كلت ال علي لو هم جذبه علمود البارحه
خضر .. لا هسه باع سوالفج ولا تخلص صدك عندي شغله
اريد اروح ادور على بيت بس اريد اروح قبل البيت اكمل
اوراق طالبيهه بالجيش مني
ميمونه .. فرحت من تعينت واخيراً
خضر .. بعد وكت اني هم الحمدلله رهمت خطيه خالد
مبقه واحد مخابره
ميمونه .. دتشوف شلو يحبك وانت دوم
خضر .. بس يضوجني ويحملني منيه لذلك مااحب
يسويلي شي
_رجع دك موبايلي
ميمونه .. اكيد خالد لو فلك لان قبل شويه من اتصلوا
مجاوبت كمت جان من جهة خضر مديت جسمي باسني
من بطني ضحكت كتله فلك شوف مخليتني اجاوب اكيد
هيه الي اتصلت فتحت خط وهو يتحارش بيه من جسمي
سمعت صوت رجال انصدمت رأساً سديته
خضر .. ها
ميمونه .. وخر شبيك هاي شو صوت رجال ومو قاسم
باوعت فلك هاي رقمهه رجع دك الموبايل
خضر .. انطيني شو
ميمونه .. انطيته الخضر جنت قريبه علي كلش سمعت
الرجال كله
بلا زحمه هذا موبايل بنيه خطيه هسه سوت حادث
خضر .. وين الحادث
ميمونه .. كبل نزلت دمعتي كام خضر عدل كعد واني
اباوع علي وابجي اختي اختي شبيهه فلك شبيهه
خضر .. ماشي رحم الله والديك جاي
ميمونه .. فلك شبيهه يمه اختي جسمي كله كام يرجف وابجي
خضر .. مااعرف حادث سياره
ميمونه .. كام بسرعه واني عطت اختي مات مات ، مو اختي
خضر .. ميمونه شبيج مو كدامج كال حادث
ميمونه .. لا لا اختي ماتت ماتت والله يمه فلك كمت اصرخ لزمني واندكت الباب ام شاهين على بجيتي وراهه ام عزوز
ام شاهين .. شكو شصاير من وره الباب
خضر .. دخلي عمه دخلي
ام شاهين ..خير يمه شصاير ياستار شبيهه ميمونه
خضر .. دتعالي خاله لزميهه لازم اروح
ميمونه .. اروح وياك دير بالك تكول لا اموت روحي والله
خضر .. كومي يلله لبسي خل نروح ماكو شي بيهه يلا كومي
ميمونه .. حيلي راح اجه شاهين هم دك الباب وكله خضر
شاهين .. شكاعد تحجي انت وين وشوكت
ميمونه .. مااعرف شلون كمت وشلون بدلت واني كلبي
مفرفح وخايفه خاف اختي صار بيهه شي وام شاهين
تهدي وتطمن بيه بدل خضر بسرعه وطلعنه شاهين ويانه
جان ورجع اتصل على رقم فلك وجاوبوا ماخذين موبايلهه
الشرطه الى ان وصلنه للمستشفى روحي رادت تطلع نزلت
وياهم بسرعه هنا الاول مره احس بشاهين فعلاً اخ خوفه
على فلك كأنما واحد منا وبينه وخضر لازم ايدي ويكلي
مابيهه شي والله مو كدامج شاهين من اتصل
وصلت للردهه الي علساس هيه بيهه ماكو من خضر
سألهم اني ارجف كالوله بالانعاش طلعنه لكينه شاهين
يحجي ويه الدكتور خفت اني خضر ،خضر اختي يمكت
ماتت
خضر .. كولي يالله
ميمونه .. وصلنه يم شاهين والدكتور يحجي خضر كال ها بشر
شاهين .. اختهه وزوج اختهه
الدكتور .. ماكو شي خطر اطمئني بس الطبيعي تفقد
وعيهه الحد الان بس كسور عدهه من فحصناهه بس
مخليهه بالانعاش لان فاقده الوعي ومن تصحه نحكم
على وضعهه
ميمونه .. بلله بقت
الدكتور .. لا انشاءالله ماكو هيج شي لان مشفت
اي شي براسهه لو اكو شي جان خفت
_بقيت ساعه ساعتين اريد اعرف اختي وضعهه شنو
كل شويه اكول ال خضر ويروح يسأل ويكول الدكتور يكول
طبيعي اجوي علي وعزوز وام شاهين وخالتي واني اباوع
على المشتشفى احس جسمي كام يرجف الى انه شاهين
كال راح احولهه من هاي المستشفى
ميمونه .. فلك شبيهه
شاهين ..مابيهه شي بس المستشفى ممرتاح الهه
ميمونه .. جذابين جذابين
خضر .. ميمونه
ميمونه .. اختي وين اختي ماتت مااعرف من طلعوهه
عبالي بيهه شي من شفتهه نايمه بالسديه ومالهه حركه
بجيت لزمني خضر وخرته وعطت فلك فلك فلك
وعطت جرني خضر
خضر .. مابيهه شي حبيبتي
ميمونه .. وين ماخذيهه وين فهمني اختي
خضر ..بالمستشفى كافي شبيج
ميمونه .. وخر عوفني ردت اروح وراهه جرني وين ماخذيهه راح تدفنوهه اجه علي
علي .. ميمونه مابيهه شي والله للمستشفى راح نحولهه
لان عدهه نزيف داخلي وعمليه بسيطه بس شاهين
ماقبل هنا
_ حولوهه المستشفى ثانيه كرهت روحي العمليه طولت
اباوع على الباب اكول هسه تطلع هسه تطلع لزم ايدي خضر
خضر .. الي اعرفه انتي قويه
ميمونه .. من وراك ما جاوبتهه هيه جانت خضر ليش مخليتني اكوم
خضر .. جنت نايم والله
ميمونه .. يلله ماتت واني مااعرف شتريد جانت اموت خضر
اموت والله ماعندي احد بالدنيا غيرهه مااتحمل
خضر .. متموت ليش تفاولين ميمونتي ياروحي لتخافين
ميمونه .. اخاف ياريت لو اني بمكانهه
خضر .. اسم الله عليج مخبله مابيهه شي
ميمونه .. وكف كبالي علي اخذ منه خضر اللفه والعصير
خضر .. اكلي ميمونتي وجهج اصفر
ميمونه .. صدك تحجي شأكل اختي راح تموت واني اكل
خضر .. راح توكعين من طولج
علي .. منيلهه طول هو كل طولهه شبر
ميمونه .. مااريد باوعت انفتح الباب رأساً كمت خضر هم
توجهه علي وشاهين بالاساس واكف بالباب
شاهين .. طمنه
الدكتور ..نزيف جداً بسيط كلشي مابيهه مشافاه ان شاءالله
ميمونه .. اخذت نفس
علي .. ها ام تك ارتاحيتي هسه
خضر .. تعالي على جهه اوكفي متشوفين جوكه مال شباب
_باوعت ثاري مارين من يمي ومشفتهم خزرني اني بيا حال
وهو وين نزلنه للغرفه اني وخضر وعلي شاهين بقه فوق اول
مدخلنه للغرفه علي بقه بالممر يخابر وخضر طبك الباب
خضر .. بربج مشفتيهم
ميمونه .. منو
خضر .. النعال الي شويه ويطخج
ميمونه .. هو منو ، خضر فدوه عوف هاي السوالف
خضر .. ماكو اشكال بس ركزي من توكفين ومن تمشين ماشي ميمونه
ميمونه .. فتح الباب علي باوع باستغراب
خضر .. نزل شاهين
علي .. ماادري وتثاوب وهو يحجي
خضر .. هو انتَ يا يوم تدري رحمه الدينك
ميمونه .. باوعت استغفر الله
علي .. شكو شبيكم رحمه الدينكم خوب على وزن كلمته ، شبيه هذا
ميمونه .. مابي شي شنو فلك منزلوهه
علي .. هسه اكيد
ميمونه .. توني اطلع دخلوهه رأساً بجيت اخ ياروحي
اخ ورحت عليهه درت شو هم مكعدت
شاهين ..البنج بعده وهم منعرف بس ماكو شي كلشي زين
ام قاسم وين وعلي الصغير مشفته
ميمونه .. راحت خاله لان علي يم جارتنه مخليته
خضر .. منو ذولي انوب شبسرعه صارو عدكم جيران تأمنون بيهم
_خليت ايدي على راسي
خضر .. شنو قصدج بهذا التصرف
ميمونه .. والله مو قصدي بس راسي يوجعني حيل
خضر .. لان مماكله امشي خل اشتريلج شي تاكلي
ميمونه .. لعبانه نفسي
خضر .. مو بكيفج حبيبتي راح توكعين بابا
علي .. الله الله عل الرومنسيه والحب هو انت رفعت
ضغط المره ويكلهه الاكل عمي بس عوفهه والله كلشي
ميصير الهه
خضر .. انت شبيك بابا
شاهين .. يابه شنو سالفتكم ميصير
ميمونه .. اجتي الممرضه تخليلهه مغذي باوعت فوك راسهه
شاهين بجيت مكعد ابد جنت مامنه علي وخضر يحجون
على كيف اني مجنت مركزه وياهم بس من كال تره مبين
كلش يحبهه
درت عليه باوعت همه جانوا بصفي شويه بعيدين بس
اني اباوع على فلك
علي .. يمه اسم الله اول مره اشوفج حوله وتخوفين
خضر .. انت الحلو الله يسلمك تقرب عليه ميمونه خل
اخذج للبيت باعي وجهج شلعتي كلبي
ميمونه .. مااريد
خضر .. اني ارجع اخذج بس تكعد
ميمونه .. مااريد
خضر .. عناد يعني
ميمونه .. دنكت راسي عنه كعد بصفي
خضر .. اخاف عليج مو قصدي اضوجج تره او مشي
ميمونه .. خضر مااكدر اروح للبيت واختي هنا
خضر .. خضر
ميمونه .. لعد
خضر .. بدون حبيبي
ميمونه .. ابتسمت بس اضحك على سوالفه وبيا وقت
خضر .. تره احجي صدك اضوج
ميمونه .. خضر فتح عينه حبيبي كافي
خضر .. ميمونه صدك احجي اضوج بكل الوقت حبيبي كولي
ميونه .. طلع شاهين وخضر راح ورا بقه علي تمدد بالقنفه
الي موجوده باوعت علي مجتف ايده وفاتح حلكه وهو
نايم اول مره اشوفه هيج ينام مثل خضر من ينام وحده
بس خضر ميفتح حلكه كمت تقربت على فلك ونزلت
روحي عليهه بستهه
فلك اني احبج والله اسفه لان مجاوبت مااعرف شلون
مجاوبتج
فلك .. رغم وجعي ورغم العمليه الي طلعت منهه شكد
صعبه بس كرهت روحي لان اكره هاي الحياة ومجلبه
بيه الحياة جنت اسمع ميمونه واعرف شاهين فوك
راسي مااريد افتح عيني
بس من بده البنج يفتحني توجعت حيل بس مااريد
افتح عيني مااريدهه اكرهه
حسيت على ميمونه من خلت ايدهه على ايدي
ميمونه .. فلك طمنيني عليج
فلك ..بجيت متحملت
ميمونه .. فلك حبيبتي روحي طمنيني كليلي شتحسين
موجوعه مو
فلك .. بقيت ابجي مااكدر احجي
ميمونه .. موجوعه مو اخ ياروحي عساني اني بالوجع
مو انتِ هسه اخلي خضر يصيح للدكتور
خضر .. بعد مطلعت من الغرفه لكيت شاهين واكف يدخن
روحوا اني هنا
شاهين .. البارحه خابرتني واني الغبي
خضر ..شنو مفهمت
شاهين .. البارحه فلك خابرتين
خضر .. من شوكت تتواصلون انوب اني يمكن اخلي
كرون من وراهه احسن ال فلك
شاهين .. الصم وسد حلكك شكاعد تلغي انت
خضر .. شرادت منك
شاهين .. مااعرف بس جانت تبجي حسيت بيهه شي
خضر .. شبيهه شتتوقع واليوم ، اتصلت منو هذا الي دعمهه
شاهين .. هيه الي شامره روحهه على السياره
خضر .. لا بشرفك خاف جذاب هذا وينه خل اشوفه
مااحس اله ميمونه كالت خضر فلك كعدت بس موجوعه كال
شاهين .. ها خير ان شاءالله روح خضر صيح للدكتور ودخل
_ باوعت على خضر
خضر اسألك سؤال شاهين قبل لا اكمل كلامي
خضر .. اي للاسف
ميمونه .. باوعت علي انقهرت من كال للاسف عافني
وراح متت قهر بس فرحت شاهين احلى شي
بالدنيا هذا اذا يحب فلك شويه واجه خضر
_ شو بعدج واكفه هنه
ميمونه .. يعني خاف يريدون يسولفون
خضر .. شلون هسه استغفر الله دخلي للغرفه ميمونه
يريدون يسولفون اي مو انتِ ×××× مالتهم
فلك .. بعد ماراحت ميمونه مااحس اله شاهين دخل ارتبكت
وهو هم وكف قريب مني ويباوع بدون ميحجي ولا كلمه
شاهين .. ماادري شكول ،تعرفين لو صاير بيج شي
جان شلون بيه
فلك .. تفاجئت باوعت علي نزلت دموعي خرب حظي
من ارتكبتلي غلط يالله حجه كال بدون مااجاوب
شاهين .. جان مكدرت حتى اعيت طبيعي من تأنيب الضمير
اسف لان كتلج باي وقت اني موجود من تحتاجيني ومن
احتاجيتيني عفتج
فلك .. غمضت عيني جنت عبالي يحبني اخ ها يا فلك
رجعتي للضياع والتشتت
شاهين .. مراح تكولين شصاير وياج
فلك .. ماكو شي
شاهين .. اكو
فلك .. ماكو
شاهين .. ليش اتصلتي لعد البارحه كولي فلك وريحيني
قبل لا احد يدخل
فلك .. ردت اكله متردده وخايفه خاف يشوفهم فواز الصوره
والله اعلم شعنده بعد واخسر كلشي بالزايد شلون اباوع
بوجه ميمونه وابني رجعت كلت خاف فواز وصلت الكلمه
للساني كتله
فلك .. اني
شاهين .. اي احجي اسمعج اطمئني وسولفيلي شصاير وياج
فلك .. احس نفسي ضايعه
شاهين .. ليش واحنه وين رحنه
فلك .. رأساً لمحت خضر دخل وعينه عليه
الحمدلله على السلامه وباوع الشاهين بحديه
شاهين .. الدكتور وينه اني راح اروح اصيحه واجي
ميمونه .. ابتسمت وباوعت الفلك دار خضر خزرني
كتله شكو دار على فلك
خضر .. شتحسين وضعج شلونه
فلك .. الحمدلله ، ميمونه ابني
ميمونه .. يم خاله صدك خلي اخابرهه خطيه اطمنهه
خابرت خاله طمنتهه شويه واتصل قاسم كال محتاجين
ارجع كتله الولد موجودين جان ملتحق خطيه علي كام
متكسره ركبته يحرك بيهه كتله فلك كعدت
علي .. ها هيج صار هواي نايم لعد شاهين وين
ميمونه .. ماادري طلع
علي .. لا عافني وراح
ميمونه .. لا هنا بعده كام تحمد الفلك خضر احسه ضايج
مااعرف ليش شويه واجه شاهين وخضر عينه عليهم ويخزر
علي .. شبيك متكلي دومك ضايح
خضر .. اكو شغلات هواي كاعد تضوجني
علي .. مثلاً
شاهين .. لتلغي زايد
خضر .. شاهين
ميمونه .. جنت يم فلك واكفه وابتسم
فرحانه لان صارت زينه ومصرلهه شي
فلك .. شوكت اطلع
ميمونه .. ماادري باوعت على الولد شاهين مبين
ضايج ويحجي بنرفزه توقعته ضاج من خضر
بس مااعرف الكلام الي بينهم
شاهين .. يلله اترخص اني اي شي تحتاج اتصل عليه
وكال ال فلك ام علي خاف تحتاجين شي كل احنه اخواتج
ميمونه .. اخوتج واني بنيت امال امدايه كلبي احجي
شاهين .. ميمونه اكلي حتى تبقين يم اختج تعينيهه
واذا تخلين خالتج تجي بعد احسن
ميمونه .. لا هسه اكل ما بيه شي
علي .. اني هم اروح بعد خضر مااوصيك بس اتصل
عليه انطيك بلوك وانام
ميمونه .. هسه استغفر الله انت مثل حمصه طبعاً هم من
اشوفه بس يتشاقى
شاهين .. يلله علي تصبحون على خير
ميمونه .. اجه الدكتور ويه طلعتهم بقوا واكفين كلهم
الدكتور يطلعون
شاهين .. ليش نطلع
الدكتور .. فحص
شاهين .. اي افحص موجودين
فلك .. باوعت علي هو باوعلي ابتسمت لا ارادي بس
تعبانه جنت حيل
الدكتور .. داخلي
شاهين .. انت تفحص
خضر .. الممرضه شاهين ميمونه ابقي انتِ يمهه
ميمونه .. بعد مطالعوا الممرضه فحصت فلك والدكتور
جان يقيس نبضهه وكلهه عندج كسر بايدج بس سهل نجبسهه
ميمونه .. بعد ما خلص فحص رحت يم فلك كتلهه
ولج شو مكايلتلي
فلك .. على شنو
ميمونه .. اكو شي مو
فلك .. شنو ، خفت منهه بس لا عرفت شي عن فواز
ميمونه .. مم شاهين وانتِ هم نظراتكم
فلك .. مسمعتي كلنه اخوانج
ميمونه .. سمعت بهاللحظه دخل خضر باوع عليه ورجع
كال شكال الدكتور كتله زينه كلش
خضر .. دوج كال عادي تاكلين شي راح اروح اجيب
اكل وانتِ هم ميمونه شتريدين اجبلج بما ان سمعتي
كلام شاهين
ميمونه .. بكيفك حبيبي
خضر .. تعالي اكلج
ميمونه .. جيت حبيبي طلع بره الغرفه
خضر .. اكلج
ميمونه .. ها حبيبي
خضر .. لا تكولين هاي الكلمه ابد
ميمونه .. ليش
خضر .. لان اله كتلج يالله كمتي تكوليهه وبعد شغله
وره العشه هسه راح اخابر عزوز يروح يجيب خالتج
تبقه هنا وانتي تجين وياي لان ميصير بس نفر واحد يبقه
ميمونه .. اني ابقه
خضر .. لا مخبله انتِ
ميمونه .. خضر مااكدر اعوفهه
خضر .. لا والله لو يبقه اخر يوم بحياتي ابقيج هنا وحدج
اي وكل شويه يجي الدكتور بحجه يكشف على فلك
ياخذله جم نظره
ميمونه .. لا اعتذر خضر مااكدر
خضر .. شنو ميمونه اني مكاعد اخذ رأيج متباتين
هنا ولا تلحين بالموضوع لان لو للصبح تحجين مراح
اغير رأي اي انوب تريد تبات وحدهه كافي عليه اليوم
الي شفته منج وساكت على تصرفاتج اكول اختهه مريضه
ليش تباوعيلي هيج
ميمونه .. مااريد اعوف فلك
خضر .. كلت العندي شتريدين تاكلين مشتهيه شي
اجيبه الج
ميمونه .. كلشي مااريد ودخلت متت قهر مليت من
قراراته اختي مريضه وهو ميحس بيه
.........................
رزان .. جنت متمدده ومتغطيه بالبطانيه وابجي حياتي
تدمرت من ذاك اليوم انتهت موتني بأيده الحقير الي
بلا ضمير جنت اشوفه شي وصار شي ثاني حيوان
والحيوان افضل منه رفضت حتى يتزوجني وصلت
مرحله مااتحمل بعد مااكدر يومي كلهه بجي وبابا مايحجي
وياي خسرني كلشي يوميه ادعس علي وارجع اكول
استاهل وثقت بي النذل كمت من الفراش بابا اسمعه
جوه فاتح الاخبار وماما جانت رايحه البيت اهلهه نزلت
من نزلت جنت اسمعه يحجي بالموبايل
فواز .. يعني زينه ماشي طمني عليهه كل شويه وانطيني
خبر من يروحون اكيد راح تبقه اختهه يمهه لان ممنوع
رجال يبقه وانتبه
باوع عليه من كاعد انزل ونهه الاتصال
رزان .. بابا
فواز .. نعم رزان اكو شي
رزان .. بابا وبجيت
فواز .. رزان مااريد اشوف خلقتج كم مره كتلج
رزان .. خليني اسافر يم بعدني ممكمله كلامي
فواز .. اااانجبي حيوانه تسافر تعرفين لو بيدي لو اكدر
اذبحج والله على عملتج خليتيني بيد واحد حيوان سافله
تسافر اني بعد شلون أأمن من ناحيتج مااعرف بس خلي
هذا السافل يتزوجج وازوجج
رزان .. بابا والله
فواز .. رززان لتحجين وروحي من خلقتي
صعدت انهاريت گمت ابجي بصوت عالي ميحن گلبه عليه ويسامحني اعرف غلطت بس گاعد اموت يوميه موته شكل تعبت مااعرف النهايه شنو
اه اه اه لو اشوفك ياأحمد اكتلك والله والله اكتلك ومااتردد
ماعندي موبايل اتصل بأي احد مليت وكرهت روحي من اتذكر كلامه گلبي يگوم يوجعني فكرت انتحر مگدرت مگدرت شگول لرب العالمين هم زانيه وهم انتحر حسبي الله عليك احمد حسبي الله عليك
______________________
حمصه.. اخذت نفس مختنگ حيل ومليت من السجن وتعبان لان ماعندي احد كلشي ثگيل ومايمشي خسرت كلشي خسرت الي اعتبرهم اخوتي خسرت مثل كل مره
ناصر.. شبيك
حمصه.. مابيه شبيه واحد محبوس شتريده
ناصر.. متعودت
حمصه.. متعود بس هالمره بدون اخوتي
ناصر.. ليش كل مره جماعي
حمصه.. حتى إذا وحدي بس جنت احس وياي هما
ناصر.. يمعود هيا كلها هيج بس اول ايام تشوفهم بعدين كلها تغطي راسه
حمصه.. متعرف انت اخوتي شنو
ناصر.. هه كلامك متناقض
حمصه.. مو متناقض بس اني غلطت بحقهم هواي
ناصر.. لو شيصير المفروض ميعوفوك اذا اخوان اخوان وحنان
حمصه.. تچيت راسي ماعندي غير ابتسامتج بعيوني شوكت اطلع منا والله يافلك لو الدنيا كلها متقبل لتزوجج اصلاً ماعندي احد غيرج هسة
گبل صارت رزان بعيني اختنگت من تذكرتهه غلطه غلطه غلطه اخ لو يرجع الوكت امداك ياحمصه امداك وخليت راسي على الحايط وغمضت عيني
ناصر.. هاك تشرب
حمصه.. أخذت منه جگارته وگتله الوكت ميخلص احسه ميمشي ثكيل كلش
........
فلك-جانت ميمونه تعدلني مااحس اله اندكت الباب كالت ميمونه تعال خضر
انفتحت الباب تفاجئت بـ......
