رواية أحببت من لايبالي الفصل السادس والعشرون بقلم مجهول
براء : بسم الله الرحمن الرحيم ... عوفني حباب والله مامسويه شي .... سمعت صوت ضحك دارت شافت زين ... خلت ايدها على كلبها هذا انت
زين : لا الجني الجنتي تحجين وياا
براء : حضنته الحمدلله على السلامه حبيبي
زين : حاوطها ... الله يسلمج يروحي
براء : خلت راسها بركبته مستشقه عطره ... تدري وكفت كلبي عبالي جني
زين : أبتسم ... دنك باس فوك صدرها ... اسف حبيبي
براء : احتقن وجها ... ااا ماكتلي تونست
زين : فتح دكم الدشداشه اي
براء : انتبهتله .... لحضه لتنزعها
زين : وكف مستغرب ليش ؟
براء : ابتعدت تباوعله ... لابس دشداشه نيليه مصبوبه صب عليه وحاضنه متونه ... وكاعده ويه طوله بحيث مطلعته تحفه ... رفعت نظرها لوجهه مغير تسريحه شعره مسوي حفر على الجانب ومخففه انخفض تنفسها .... هاي حضرت العرس هيج اشرت عليه
زين : اي؟
براء : واكو بنات
زين : باستغراب لا
براء : زفرت الحمدلله
زين : فهم قصدها ... بخبث ليش تسالين
براء : هااا هيج فضول
زين : تقرب عليها .... هاا كتيلي فضول
براء : بارتباك ... اي
زين : بسؤال ... براء انتي تحبيبني
براء : هاا
زين : جاوبيني بدون الهاا رجاءا
براء : اي احبك
زين : خوش زين ممكن توكفين بطريق سعادتي
براء : اكيد لا
زين : هم خوش شوفي براء راح اكلج شي واتمنى تتفهمين موقفني
براء : اسمعك
زين : بصراحه براء البارحه من وصلنه لبيت شيخ جلال ... سكت احم
براء : كمل
زين : جنت طالع بالبستان وشفت وحده كلش حلوه ولفتت نظري بحيث مااكدر اشيلها من راسي وبصراحه اريد اتقدمها لان حيلل عجبتني واريدج تكليلي تقبلين اتزوجها حتى يكون زواجي برضاتج وتصيرن انتي وياها خوات وصديقات بس اذا متقبلين هاي هي اضحي بسعادتي على مودج
براء : دمعت عيونها ... حجت بانكسار بس انت مو تحبي
زين : اي احبج بس البنيه الي شفتها هناك خربطت كياني مااكدر اتنازل عنها
براء : بجيت خخ لص مادام هيج عاجبتك روح اخطبها واني حطلع من حياتك وهسه اروح لاهلي حتى اذا ماقبلو ابقه بشارع وماارجع لهنا ... دارت وجها تريد تروح
زين : حضنها ... ههه لج كل عقلج صدكتي
براء : بدموع وخر
زين : لج اشاقه وياج يعني تتوقعين اني ممكن ابدلج بمره ... شو باعيلي
براء : بدموع كول والله
زين : والله العضيم
براء : لعد ليش تجذب
زين : اشاقه وياج بس انتي مو مال شقه بس حاجيتج بجيتي
براء : لعد شتريدني اسوي وانت جاي تكلي عجبتني وحده واريد اخطبها
زين : همس مثلا كولي مااقبل كولي احبك ومستحيل اخليك تاخذ مره غيري شو انتي هيج رسن بعتيني
براء : دنكت راسها احبك بس مااكدر افرض نفسي عليك اذا متريدني
زين : رفع وجها براء من يوم الي صارت مشاعري مباحه الج وانتي الهوه اليصعد وينزل عندي مستحيل ابدل اظفر منج بنسوان الدنيا كلها ... لج ثوله اني احبج وحبي الج صادق فوك
ماتتصورين
براء : بدون جواب وكفت على اطراف اصابعها طابعه شفافها على خده
زين : تسارعت دكات كلبه من حس بشفايفها على خده هاي اول مره تبادر هي رفعها صار وجهه مقابل لوجها ... مكان خطأ
براء : تباوع بعيونه بهيام ... رفعت ايدها لعيونه لامسه رموشه متجاهله كلامه الي تعرف شنو معنى ... زين ليش هيج رموشك طوال
زين : يباوع لشفايفها تتحرك ... مااعرف
براء : شلون متعرف
زين : تقرب عليها ... تدرين شتهيت كرز
براء : همست مو كتلك ماعدنه
زين : لا عدنه
براء : وين
زين : هنا ... دنك مقرب شفايفه من شفايفها ... تلاصقت شفايفهم بدون حركه اجه يبوسها سمع صوت
براء : زين الباب
زين : جرها عليه غلسي رجع ياخذ شفايفها ... سمع صوت الباب يندك اقوى وخر عنها ... استغفر الله شلون بيه ويه هالعائله الكل ساعه كامزيلي بمكان خليج هنا لا تطلعين ... طلع للصاله فتح ألباب .. شاف سجاد ... بعصبيه خير شكو شتريد
سجاد : نسيت سويجك جوه اجيت اصعده الك
زين : ببرود اكو واحد عتب عليك
سجاد : هاي فوكاها
زين : جيبه تصبح على خير يله روح
سجاد : لحضه اوكف
زين : بنفاذ صبر شكو
سجاد : اني جوعان ماعدكم شي منا منا
زين : طب اخذ الي تريده وولي
سجاد : فتح الثلاجه لك شنو هاي زين عدك سوبرماركت كامل بالثلاجه اكول ليش طلعت ثلاجته فارغه طلعتو انتو تاخذون غراضنه وعايفينه جواعه
زين : الله يطيح حظك المسواك الجوه نفسه هنا بس انت لان مفجوع متبقي شي مو مثل العندي جنها فاره بس تنقش كلشي متاكل
سجاد : اي والله اني هم انقش
زين : باستهزاء اي صحيح
سجاد : اخذت الي اريده يله تصبح على خير وشكرا على الضيافه الحبشكلاتيه هاي
زين : وانت بخير سديت الباب ودخلت لكيت براء كاعده ... نزعت الدشداشه ... دنكت بست خدها ... حبيبتي طلعيلي ملابس علما اسبح
براء : صار كمت طلعتله ملابس ... سبح وطلع بالمنشفه وحاط الخاولي على ركبته ... زين ليش تطلع هيج مو تتمرض
زين : كرصها بزندها من مطلعه ذني ماكلتي بارده بس تحسابيني
براء : اوي عورتني
زين : وكف ينشف شعره هاي كرصه بسيطه هيج اذتج جاا شلون بيج بالكرصه الجبيره
براء : يعني تريد تكرصني كرصه جبيره
زين : والله شكلي راح اكرصج هالكرصه هالايام لان بعد مااتحمل
براء : مفهمت قصدك
زين : احسن ... تعاي خلي نام اني مطفي من الطريق وباجر ورايه طلعه للمستشفى وانتي هم عندج دوام ... بدلت واجيت تمددت فتح ايده تعاي حبيبي صار يومين مانايم عدل
براء : نامت بحضنه ... ليش منمت عدل
زين : تعلمت على عطرج صاير اضوج ااذا مااخليج بحضني
براء : باست تفاحه ادم مالته واني هم
زين : باس شفايفها بوسه خفيفه وشد على حضنها
براء : حضنته وناموو
_____________________
صباحا بيت ماجد
ماجد : غسان اليوم نروح لبيت عمك حتى تصالح انت وزين بعد الموقف البايخ الي صار وياكم هذاك اليوم
غسان : شلون شلون
ماجد : مثل ما سمعت
غسان : لا اروح ولا اوصل
ماجد : لك مطي عمك جهاد كال يشغلك بالشركه وياهم ويحطلك راتب مرتب بس اذا ما تصلاح وتعتذر من زين ما يشغلك وياا لو تطلع نخله براسه
غسان : ونعاله شله علاقه
ماجد : تره جهاد يسمع كلأم زين بكلشي وميرفضله طلب تتوقع اذا زين رفض تتعين عدهم جهاد راح يعارضه
احلام : اكو مثل يكول اذا عدك حاجه عد الجلب كله حجي جلب لا تصير غبي انت اعتذر منه حتى يعينك وياهم
ماجد : وعلى فكره كل الموضفين العد جهاد يمدحون بي رواتبهم عال العال وعدهم حوافز وارباح يعني جهاد يدر عليهم فلوس مو انوب يعين ابن اخو اكيد يطلعلك راتب اعلى من كل الموضفين
غسان : وشنو الي يضمنلي اذا اعتذرت منه راح يشغلوني وياهم
ماجد : اني حاجيت جهاد من رحنه لامي وقبل يعينك .... بس انت تعاركت ويه زين وبعد مالتقينه
احلام : هاا شكلت حتى نروحلهم اليوم
غسان : ماشي
نور : صباحووو هاا العائله الكريمه متجمعه بدوني
احلام : اليوم نروح لبيت عمج
نور : صدك
احلام : اي فحضري روحج
نور : بفرح ياييي بس شوكت نروح
احلام : بالليل
غسان : هسه الي يسمعج يكول رايحه لقصر الملك فيصل
نور : بالنسبه الي بيت عمو جهاد احلى من قصر الملك فيصل
ماجد : هم راح تتناكرون كاافيي
___________
زين : وكفت كبال مدرسه براء .... يله خلصت كروتج
براء : ابتسمت بيباي
زين : بسؤال ما نسيتي شي
براء : اخذت جنطتها ... رجعت باسته حيلل بخده باي حبيبي
زين : رجع باسها .. الله وياج .... نزلت واني توجهت للمستشفى .... صفيت السياره ونزلت
الموظف : صباح الخير دكتور
زين : صباح النور ... دخلت لمكتبي لكيتهم خالين مكتب جديد ... نزعت سترتي ولبست لبس المستشفى وكعدت ... اشوف جدول العمليات
اسراء : هلاوو
زين : وعليكم السلام
اسراء : اوك سلام عليكم ... كعدت على مكتبها اليوم عندي عمليه اني وياك
زين : اعرف
اسراء : ما خايف
زين : ببرود ... من شنو اخاف
اسراء : العمليه بالكلب ونسبه نجاحها ضئيله جدا خاصه الرجال كلش جبير بالعمر
زين : احنه العلينه نسوي والباقي على الله وانشالله منطلع اله والعمليه ناجحه
اسراء : انشالله زين اكلك
زين : بكلبه نفتح حلكها بعد شيسده ... تفضلي
اسراء : بصراحه كم عمليه فشلت بايدك
زين : ولا عمليه وانشالله بالمستقبل هم متفشل ولا عمليه
اسراء : معقوله
زين : من تحسين الشخص النايم بالعمليات اخوج او ابوج راح تكونين حريصه عليه شغلنه كله يعتمد على الانسانيه يعني مو بس تاديه واجب
اسراء : احييك على تفكيرك السليم
زين : كمت لبست ملابس العمليات ودخلنه اني واسراء ... وكفني واحد من عائله المريض
ابن المريض : دكتور الله يخليك احجي الصدك شكد نسبه نجاح العمليه
زين : باذن الله 100%
ابن المريض : يعني يعيش
زين : طبطب على متنه .... لا تخاف انشالله يكوم بالسلامه ... عفته ودخلت ... لبست الكمامه ... بسم الله بديت العمليه
_______________
مريم : يمه خابرني جهاد كال لكه بيت بمنطقه .... كلش حلو ترحين تشوفي
خوله : لا مااريد بهاي المنطقه خلي يشوفلي بيت يمكم
مريم : يايمه خليج كاعده عدنه شعندج بهالبيت اشو راح تكعدين بي بس انتي دارين خليج هنا على الاقل احنه يمج موجودين
خوله : لا اريد بيت وحدي بس كون يم بيتكم لان عجبتني المنطقه هادئه ومرتبه
مريم : يعني هسه صرفتي نظر عن البيت الي كلج عليه جهاد
خوله : اي مااريده
مريم : براحتج
خوله : اكلج تعاي عدي سالفه وياج
مريم : خير
خوله : ابنج صارله شكد متزوج بالضبط
مريم : تقريبا شهرين
خوله : زين ما كلتي لابنج ياخذها للدكتور خاف اكو مشكله او التهابات حتى تعالجها احسن ما تبقه
مريم : يمه خليهم براحتهم واصلا ما صارلهم هواي
خوله : دحسبيها بهالشهرين جم مره نام وياها خنكول مره وحده باليوم يعني ستين مره معقوله كلهن ماحبلت بيهن
مريم : شمدريني يايمه شايفتني دكتوره
خوله : جاا ابنج مو دكتور معقوله مايعرف
مريم : يمه اكيد يعرف بس اني مااكدر اروح اكله اخذ مرتك لدكتوره وهو حتى سنه ماصارله من متزوج
خوله : ولج خاف العيب منه
مريم : شسالفه يمه انوب كلبتي على زين ... خلص اني من اشوف فرصه اسالها
خوله : زين جناينج الباقيات شوكت حبلن
مريم : شمس وره اسبوعين بين بيها وجميله اربع اشهر حبلت
خوله : هزت راسها
__________________
بعد تلث ساعات
زين : نزل الكمامه ... الحمدلله
اسراء : ابتسمت نجحت العمليه
زين : بفضل الله ... طلعت بشرت اهله
ابن المريض : هاا دكتور
زين : الحمدلله الحجي عال العال وهسه راح نقله لغير غرفه وانشالله بس يكعد تكدرون
تشوفو
ابن المريض : حضنه من الفرحه ... شكرا ورحم الله والديك دكتور ما قصرت
زين : ابتسم ماكو داعي للشكر هذا واجبي .... عفتهم ومشيت كل عمليه ادخلها احس روحي داخل امتحان يحدد مصيري والحمدلله ولامره فشلت بهذا الامتحان .... دخلت للمكتب لكيت ولد يطلع عمره سبع سنوات كاعد على مكتبي ... علاء منو هذا بيج قصص عراقية واقعية علاء : ههه اسفين هذا ابني عامر اليوم مستولي على مكتبك كوم بابا تعال اكعد هنا
زين : لا خلي كاعد لا تكومه رحت جبت كرسي وكعدت يمه شلونك يابطل
عامر : زين وانت
زين : تمام مسحت على شعره ... دخلت اسراء
اسراء : ياا هاي عموري هنا يا اهلا وسهلا رحت بوسته
زين : طاحت للولد تكرص وتبوس اني من يمي لعبت روحي ... لبست نظاراتي وكعدت اسوي تقرير للمريض
عامر : انت مثل بابا
زين : اي
عامر : اني هم اريد اصير مثله
زين : ابتسم انشالله
علاء : لا تطي وجهه بعد مايسكت غلس عنه لا تحاجي
زين : ليش تحجي هيج مو بكلامك هذا ما تخليله شخصيه
علاء : يمعود هواي يحجي
زين : هز راسه مستنكر ... شهل الابهات المخربطين هذوله ... عفت التقرير وكعدت اسولف ويه عامر صغير بس يفتهم
اسراء : سانده ايدها على خدها ... تباوع لزين وعامر ... زين تحب الاطفال
زين : اي
اسراء : ماعندي شك انت راح تكون اب رائع
زين : ببرود اعرف وواثق من هالشي
علاء : يا غرورك يا اخي
زين : لبس نظارته ورجع يكمل التقرير ... تصحيح ثقه مو غرور
_____________
براء : خلص دوامي وطلعت انتظر زين ... يارب كون يطلع ماجاي ويحل عني دخيلك الهي لتعيد نفس الموقف .. طلعت باوعت سياره زين واكفه الحمدلله الله يكفيني شره وبعد مااشوفه ... صعدت ... بابتسامه هلوو
زين : باس خدودها ... يا هله شلونج
براء : تمام حبيبي وانت
زين : هسه صرت زين
براء : انتبهت على ايده من حرك السياره لزمتها شبيها ايدك
زين : انشكت
براء : ياا غير تنتبه
زين : جاي اعدل مكتبي جريت اداه حاده بدون ماانتبه فانشكت ايدي
براء : توجعك
زين : لا
براء : باستها .. ديربالك مره ثانيه
زين : يامر الحلو
براء : وصلنه ونزلنه ... سلمنه وصعدنه بدلنه ونزلنه ... دخلت للمطبخ .... الله بنات شنو هالريحه
جميله : شيخ محشي تحبي
براء : اموت عليه
نجمه : ليش هذا مو نفس الدولمه
براء : لج لا الدولمه تصير حامضه حلوه لو بس حامضه بس هالاكله تصير مالحه تختلف نكهتها عن الدولمه
نجمه : هااا بس بالحالتين اني ماعندج ذوق لان الدولمه لاتوصف مدري شلون متحبيها
براء : اخذت الماعون لولا الاذواق لبارت السلع
نجمه : ههه لك هاي صايره تحجي مثل زين هاا ولج نعديتي
براء : ابتسمت طلعت خليت الاكل على الطاوله وكعدنه نتغده ... طبعا اليوم مدري شبيه يمكن لان مرتاحه شهيتي مفتوحه ... اخذت خاشوكه وضكت الاكل ... اممممم يجنن
زين : اباوعلها شلون تاكل مبينه جوعانه ... بس ااخ من صوتها ... بهمس براء صوتج راح احط راسج بالماعون
براء : شلت راسي ... شتكول
زين : جم مره كايلج من تستلذين لا تتاوهين
براء : شربت مي اسفه ما انتبهت والله
زين : دكملي اكلج
جهاد : اكول اليوم يجون بيت ماجد بالليل حتى غسان يتصالح ويه زين
زين : كلب عيونه ... ببرود ادري هذا كرامته سالب واحد بعد الاهانه الي كلاها جاي يريد يدخل لهلبيت مره ثانيه
قصي : صراحه زين انت الغلطان يعني ضربته على مود سبب تافه
زين : بحده تافه شنو كاعد يحجي حجي اكبر من راسه على مره هي اصلا ماتخصه لا وبعين صلفه كدام رجلها شتريد اطكله تحيه
قصي : تكدر تجاهله بلا ما تسويلك مشكله
سجاد : هالمره اني مو وياك غسان يستاهل اكثر من مره يجاوز بالحجي ويه البنات وخاصه براء وزين حذره هواي بس مافاد بي لمن كلاله كتله ياله ارتاح
قصي : لك شهل الهمجيه الي انتو بيها...
لؤي : كافيييي شباب سدو الموضوع
زين : ببرود لا لحضه خلي يكمل تمسلت اريد اسمعه
قصي : اني ماجاي امسلت انت عنفواني وانسان همجي ومتتقبل واحد يكلك انت غلطان تريد بس انت رائيك صح والباقين كلهم غلط
زين : ركعه بالخاشوكه لك منو الهمجي حيوان ... كام
براء : لزمت ايده زين كافيي حباب
حسن : شبيكم لخاطر محمد ... صدك تحجون
قصي : وخر لا تلزمني ... وانت منو وتضربني شنو واحد من الحرس لو من الخدم الي يشتغلون عدك
جهاد : شبيكم تخبلتوو عليمن علكت هسه موضوع ونتناقش بي عليمن كلبتوها هوسه هو هذا احترامكم للكبار
زين : بصياح انت سمعت حجيه ابنك ذره غيره ماعنده كاعد يدافع لواحد ساقط وكواد ولو لو ماهو مثله ماجان دافعله
قصي : اشرف منك اني على الاقل شكو شي اسوي اعترف بي مو اضمضم مثلك ولابس قناع الاخلاق .... هاا نسيت لو اذكرك شصار وياك قبل عشر سنوات
براء : من حجه قصي زين رخه بايدي ... اباوعله يباوع ... لقصي بنظرات ماكدرت افسرها .... دمارات ركبته بينت من العصبيه ... دفعني وطلع من البيت اباوع لخاله مريم ونجمه يبجن ... ليش قصي هيج حجه وشصار كبل عشر سنوات
جهاد : جره من هدومه لككك حقيررر شلون تكله هيج
سجاد : صدككك تحجي انت شلون تفتح هيج موضوع وياا وتدري بي يتحسس منه
حسن : مطيي وتبقه طول حياتك مطي دفعه روح خلي غسان يفيدك
مريم : لك انت وتالي ويه جفصاتك
قصي : كعد يمه بدون قصد مااعرف شلون طلعت مني
براء : الكل ضل يحجي على قصي وزين طلع بهالظهريه مااعرف وين راح صعدت لغرفتي دكيت عليه ميجاوب مره ثنين عشره هم ميرد ياربي وين راح ... دزيتله رسائل ميرد ... نزلت خاله ادك على زين ميجاوب وين راح بهالظهر
جهاد : لا تخافين هسه شويه ويرجع
براء : زين هو ليش ضاج شصار
مريم : بارتباك مم ماكو شي حبيبتي بس تعرفين زين شكد عصبي وميتحمل حجايه بسرعه يضايق لاتخلين السالفه براسج هسه شويه ويرجع ... روحي يمه لغرفتج هو شويه وتلكي يمج
براء : ماصدكت كلامها زين لو مالموضوع ياذي ماجان صار عصبي لهدرجه ... دخلت للمطبخ كعدت اغسل مواعين وكل شويه انشف ايدي وادك على زين وهم ميرد ... هسه غير يطمني عليه .... دزيتله رساله حبيبي الله يخليك رد عليه على الاقل بس طمني عليك ... لارد ... افف ... عزلت المطبخ وصعدت صليت وضليت اتصل عليه عسى ولعل يرد ... ضليت كاعده بمكاني منتظرته وافكر بالي صار هواي افكار اجتي على بالي شنو الي صار بماضي زين حتى هيج انتفض من ذكره قصي بالي صار ويااا ..... ااااه يازين كل ما احل لغز بيك يطلعلي الف لغز ثاني .... ضليت بحدود الساعتين كاعده وهو ماكو شويه ونفتحت الباب شفته دخل ... كمت زين ليش مترد صار تلث ساعات ادك عليك مترد عليه خوفتني عليك ليش طلعت بهالظهريه
زين : براء وخري عني مالي خلك احجي اصلا ابتعدي عني لا تتقربين مني تره روحي واصله لخشمي
براء : هسه غير اعرف شبيك
زين : بصياح كتلجج عوفيني غبيه انتي ماتفهمين
براء : مااعوفك انت شايف وجهك شلون مكلوب شلون تريدني اشوفك هيج واغلس
زين : عافها بدون ما يجاوب دخل للغرفه خله راسه على المخده ودار وجهه عنها ميريد يطلع عصبيته عليها
براء : عفته براحته مااريد الح عليه ... كعدت اقره دروسي وامتحاني .... افف مااكدر اركز بالي كله يم زين ... كمت دخلت للغرفه شفته نايم اول مره اشوف واحد مزاجه ينعكس عليه حتى بنومته غطيته وبسته وطلعت اكمل دراستي
________________
مريم : نجمه تعاي
نجمه : هاا يمه
مريم : الي صار ويه زين لاي واحد لاتسولفي حتى لبراء
نجمه : ليش ما كايليها زين
مريم : لا مااعتقد لان مثل ما شفتي تفاجاءت من سمعت كلام قصي
نجمه : شفتي شلون صار عصبي الحمدلله مافلش وجهه قصي
مريم : والله هاي عركتهم مو خاليه قصي بداخله شي بحيث انفعل اليوم وزين هم ضربه بدون سبب يعني المشكله تافه ومالها معنى اكو شي اني متاكده
نجمه : يمكن
مريم : الله يستر
________________
بيت ماجد
نور : واكفه اخلي حمره .... شكد فرحانه لان راح اشوف زين ... هالزين شسوه بيه من اول ماشفته حسيته وقع على كلبي باسمه صحيح سويت هواي علاقات ويه شباب بس ابد ما رغبت احد بكد ماراغبته
احلام : ولج يله وين صرتي كل هالوكت واكفه تلبخين
نور : هاي خلصت ... بس اخذ جنطتي
احلام : يله تعاي
ماجد : يله مو تاخرنه
احلام : اجينه اجينه
ماجد : غسان وين
غسان : موجود يله .... طلعنه لبيت عمي المهجوم .... وكفنه يم بيتهم ... نزلنه اباوع الحرس تارسين البيت والله بطرانين ولو هو هذا الشبعان مايعرف وين يخلي فلوسه اهم شي يصرف ... دكينه الجرس وانتظرناهم يطلعون فتحو الباب ودخلنه
جهاد : اهلا وسهلا خويه تفضلو
ماجد : شلونك خويه
جهاد : الحمدلله
غسان : شلونك عمي
جهاد : هله وليدي
احلام : شخبارج عيني ام لؤي
مريم : حبيبتي ام غسان انتي شلونج
نور : خاله جاا وين البنات
مريم : هسه ينزلن
نور : شلونج بيبي
خوله : حجيه
نور : شنو
خوله : حجيه خوله مو بيبي
نور : باحراج ااوك شلونج حجيه
خوله : الحمدلله ...... نزلن البنات والولد سلمو عليهم وكعدو
ماجد : جااا وين وين زين
جهاد : بويه شمس كومي صيحيله
شمس : صار
غسان : وبراء وينها
سجاد : بخزره هسه تنزل هي ورجلها
غسان : هذا شبي يخوزر
___________________
براء : كاعده على التلفزيون وزين نايم من العصر لسه ماكعد واخاف اكعده ... ندكت الباب ... تفضل ... دخلت شمس
شمس : بروئه تعاي نزلي انتي وزين اجوي بيت ابو غسان
براء : بهدوء اي هسه دقايق واحنه جوه ... طلعت واني دخلت للغرفه كلعت الاضويه ... زين زيني اكعد الدنيا صارت ليل وراحت عليك الصلاه
زين : بنعاس عوفيني براء
براء : كوم زين اجوي بيت خالو ماجد ويكولون نزلو هسه يله اكعد
زين : كام ... روحي لبسي شي عريض مفهموم
براء : راح غسل وبدل وكف صله كمل ونزلنه ... سلام عليكم
الكل : وعليكم السلام
ماجد : شلونك دكتور
زين : ببرود الحمدلله ... راح كعد يم براء
نور : شلونك زيوني شخبارك
زين : الحمدلله
احلام : جاا غير عدكم خطار كون تنزلون تنتظروهم من زمان
زين : ببرود يعني انتو خطار
نور : لا اكيد احنه اهل ومابيناتنه هاي الرسميات بس ماما تحب تشاقه
احلام : شلونج براء
براء : بهدوء الحمدلله
احلام : لسه تداومين لو بطلتي
براء : لا اداوم
ماجد : خويه اني جايك حتى ننهي سوء التفاهم الي صار بين الشباب وغسان غلطان واجه يعتذر من اخو الجبير وزين هم غلط من رفع ايده عليه على العموم همه اخوه وتصير بيناتهم
جهاد : وهذا المفروض
ماجد : واني لو ما معزتي الكم ولزين خصيصا ما جان اني بادرت بالصلح بس تدري بيه شكد اعزكم
جهاد : الله يحفظك خويه
ماجد : كوم بويه سلم على ابن عمك وتصالحو
غسان : كام مد ايده لزين شلونك زين اني اعتذر عن الموقف الي صار ذاك اليوم واجيت ابادر بالاول لان احنه اخوه وولد عم متسوه نبقه متزاعلين بيج قصص عراقية واقعية
زين : خله ايده بايد غسان ضاغط عليها بقوه .... ببرود اعتذارك مقبول ماصار شي واتمنى تركز على كلامك حتى ماينعاد
غسان : حس ايده راح تنكسر ... يجرها بس ميكدر يفلتها
زين : ضغط على ايده اكثر وتركها ورجع كعد
غسان : بكلبه الله يكسر ايدك انشالله كسرت ايدي
براء : كمت للمطبخ اصب جاي .... دخلت نور
نور : شجاي تسوين
براء : اصب جاي
نور : جيبي اني اصب وانتي روحي كعدي
براء : لا شكرا هاي داصب اني انتي روحي استريحي
نور : براء هاي تلبسين كدام زين هيج
براء : باوعت لملابسها صايه بيتيه ... ليش شبيهن
نور : اكو وحده متزوجه تلبس دشداشه
براء : اسمها صايه .... و ليش وين المشكله
نور : يعني بغرفتكم هيج تلبسين هم
براء : اسفه هذا شي شخصي مااحب احجي عنه من رخصتج ... طلعت وزعت الجاي وكعدت يم زين
زين : جر ردن الصايه خازرها ... انتبهي
براء : بهمس لتفتح عيونك هيج ادري بيهن حلوات ... لاحظت شبه ابتسامه ظهرت على ثغره ... ابتسمت لابتسامته .... شويه واجت مريومه كعدت بحضني هالايام مااشوفها لان ارجع من الدوام اتغده وانام واكعد العصر الكاها نايمه ... بستها وكرصتها ... وينج هالايام كاضيتها بس لعب ليش متجين يمي هااا
مريومه : العب بالحديكه
براء : ابتسمت ... مدغدغدتها ... شنو هذني هاا شهالجمال ولج كامت تضحك
سجاد : هههه شوفو شلون تسنكر من الضحك
احلام : ماشاءالله جميله بنتج متفحه شتوكليها
جميله : بكلبها اللهم صل على محمد وال محمد ... قل اعوذ برب الفلق من عينج يااحلام .... ميلها تره سمنها بس بوجها حتى لحم ماعدها
احلام : ياا خاله شوفي اديها شلون مطبكات وكل لغد هالكبره
حسن : بكلبه لا يا بت الكلب راح تمرضين بتي
خوله : خايبه شجاج راح تموتين الفرخه صلي على نبيج
احلام : اللهم صل على محمد شبيج حجيه شكلت اني
نور : ياجماعه تره امي قصدها انو اذا توكلون مريم نوع معين من الاكل عوفو موزين عليها ... لا تروح تاخذ نفس قالب براء من تكبر
احلام : اي والله اتذكر براء من جانت صغيره جانت بكد مريم مرتين خطيه ناديه هواي تعذبت ياله جابتها كد ما سمينه كوه طلعوها حتى كلولها ممكن تموتين اذا جبتي هالطفل وحرامات ضلت ماخذه هالقالب للكبر
جميله : وشفايتلي مريم تطلع تشبه مرت عمها اشو تخبل وياريت لو تاخذ شخصيتها هم يكون هذا يوم سعدي
زين : اني دكتور وماسامع مره تموت لان الطفل سمين هاي جديده السالفه لو بس عدكم هالمبالغه الزايده اصلا بالعكس كلما جانت صحه الطفل زينه كلما جانت الولاده احسن
احلام : عوجت حلكها
براء : ضلو فتره كاعدين وطلعو ... الولد صعدو واني البنات بقينه نعزل البيت ... كملن وصعدن بقيت بس اني رتبت الصاله ورجعت المواعين لملمت المطبخ وصعدت لغرفتي ... فتحت الباب ودخلت مالكيت زين دخلت للغرفه والحمام هم ماهو ... رجعت نزلت جوه دورت عليه بالبيت وطلعت بالحديقه مالكيته ... وين راح قبل نص ساعه صعد ويه الولد ... افف اكيد هسه اذا ادك عليه ميرد ... صعدت ..مريت من غرفه نجمه باوعت للمرسم ... اي اكيد الكا هسه جوه ... دكيت الباب ودخلت ... لكيته كاعد يرسم وظهره الي ... تقربت منه زين
زين : براء طلعي بره
براء : ماا
زين : ببرود ... براء مااريد ااذيج تره اعصابي تلفانه طلعي وعوفيني
براء : تقربت حضنته سانده راسها على ظهره ... بهدوء ميخالف اذيني اضربني سوي الي تريده بيه بس لتكلي عوفيني ... باست ركبته ... انت مو تكول احنه روح وحده وميصير نضم شي على بعض لعد شلون تضم عليه الي مضوجك لا وتريدني اعوفك براحتك ... زيني حبيبي عمري انت احجيلي الي بداخلك اعتبر نفسك دسولف لروحك واني صاغيه الك بكل جوارحي
زين : ذب الفرشاه ... واخذ ايدها مكعدها بحضنه ... اااه براء اكو اشياء يستحسن منحجي بيها لان هواي تاذيني
براء : لزمت وجهه حبيبي احجيلي اني اريد اشاركك بكولشي حزن فرح الم كولشي بيك اريد احس بي
زين : تنهد شوفي براء الي راح احجي هسه بس طلعنه بره هالغرفه ممنوع ينحجي بي مفهموم
براء : صار ... وهسه اسمعك
زين : تنهد براء اني جنت مدمن مخدرات
براء : فتحت عيونها ... شنو
*********************
