رواية الطالبة والعصبي الفصل السابع والعشرون بقلم مجهول
دايخ وفكر بيك
ومشوش البال
خابرت بالريموت
حسبالي نقال 📱
————— قرائة ممتعة
تذكير
سرى بلعت ريكهة وكالت : شنو الشرط
سيف : الشرط انج تعتذرينلة
سرى بصدمة : لا والله
محمد بعصبية : وعبد الله وا قاطعة سيف وهوة يكول : محمد اهدة وانتي سرى لو تعتذرين منة لو تنفصلين اختاري
سرى نحرجت وكالت بصوت ناصي : احم اني اعتذر منك
محمد بستفزاز : عيدي مسمعت
سرى عصبت منة بس خفت عصبيتهة وكالت بصوت عالي : اني اعتذر منك
محمد وهوة يفرك اذنة من صوت سرى العالي وكال : شبيج اصرخين اشكالولج علية اطرش
سرى بهمس مسموع : يمكن
كتمو نارين وسيف ضحكتهم وكال محمد وهوة رافع حاجبة : اشكلتي مسمعت
سرى نتبهت علة نفسهة وكالت : لا مكتلت شي يلة نترخص لأن عدنة محاضرة مهمة وسحبت نارين من ايدهة وطلعت بسرعة من مكتبة ومحمد باوع علة سيف وكال
محمد : بشرفك هاي هم عدهة عقل
سيف ابتسم وكال وهوة يكوم: مو هية الماعتهة عقل انتة وطلع من مكتب محمد
محمد بصدمة : اني الماعندي عقل ايل كلب ...
____________________
نارين
طلعنة من مكتب الأستاذ محمد واني اضحك علة خبال سرى الحد ما وصلنة للقاعة وكعدنة علة الستاند واجة عادل سئلني ليش اضحك حجيتلة اصار وهوة سكر من الضحك واني دا اضحك علة سرى وية عادل ما شوفلك غير سيف دخل لمن شافني اضحك وية عادل خزرني اني اول ما شفتة راحت ضحكتي وكفت اني وسرى وعادل رجع المكانة وهوة كلنة انو نكعد نوب حجة بعصبية وهوة يباوع علية ويخزرني
سيف بعصبية : شهل هوسة والضحك صدك ما تستحون اتأخرت خمس دقايق وكلبتو القاعة هاا
سامر ممثل القاعة : اسفين دكتور بس عبالنة ما تجي لأن اليوم متحنتنة
سيف بعصبية : واذا ما اجيكم هيج اتكلبون القاعة بس اني الكم وعلة هل هوسة ناقص منكم خمس درجات من امتحان اليوم
نارين : كل الطلاب اعترضو ورادو يغير قرارة بس هوة وين ابد استاذ شرشبيل ايغير قرارة الحد ما عيط علينة وكال
سيف بصوت عالي وعصبي : قرار ما اغير صار معلوم وصوت ما اسمع الة ابذني وهسة راح امتحنكم امتحان يومي بالسماء
وطلعت السجل وبديت اذيع الأسما وسئل الطلاب وياهو اكومة لو ميعرف ايجاوب لو يتلكئ الحد ما سديت السجل وكلت
سيف بصوت رج القاعة رج : مو اليوم امتحنتو شبسرعة نسيتو المادة ها وياهو اكومة لو يتلكئ لو مياجوب شوفو باجر اعيد المتحان وقسماً بالله الميجاوب لو يتلكئ اخلي يعيد كورس كامل مفهومم
الطلاب بخوف : مفهوم
نارين وهية تهمس السرى : خرب انة والله خوفني
سرى بنفس الهمس : والله حتة اني اجيت اسويهة علة روحي من الخوف
نارين مكترت تتحمل فطكتهة ضحكة قوية وعيونهة دمعن من الضحك : هههههههههه خرب متت
سيف سمع ضحكت نارين وصاح بصوت عالي ودمارات ايدة بينت من العصبية وكال : نارين علاء
نارين انتبهت علة نفسة وكتمت ضحكتهة وكامت وكال : احم نعم استاذ
سيف بعصبية : ليش هل ضحك لأزم كلت نكتة واني ما ادري
نارين بحراج : ها لا ب قاطعهة سيف وكال بصوت عالي : تعالي اكعدي علة الأستاند الأول وبعد بكل المحاضرات اتكعدين اهنا مفهوم
نارين : مفهوم وكامت وخذت جنطتهة وملازمهة وكعدت علة الأستاند الأول ورفعت راسهة السيف شافتة يبتسم بستفزاز عصبت ودنكت راسهة وسيف كام يفتر با القاعة بين متخلص وكت المحاضرة وراهة تجة ظهرة علة الميز الحاطينة با القاعة وكام ايباوع علة الطلاب تحديدن علة نارين الحد ما كال واحد من الطلاب
احمد ( طالب ضحوك ومحبوب بالقاعة ): دكتور منطول عدنة بعد نص ساعة يلة اتخلص المحاضرة ليش ما نلعب لعبة
سيف رفع تك جاب وكال : وشنية العبة
طالبة بنعوصة : نعلب اسئلة احنة انسئلك وحضرتك اجاوب والعكس انتة تسئل واحنة انجاوب
سيف عجبتة الفكرة وكال : اوكي عادي بس بلة هوسة
احمد : لعد خل اني ابدي واسئلك
سيف وهوة يباوع النارين الي تحمست للعبة ابتسم علة طفوليتهة وكال : ابدي
احمد : لو جنت مو دكتور جامعي شنو جانت راح اتكون وظيفتك
سيف : دكتور قلبية
طالبة بنعوصة : طيب شنو مواصفات فتاة احلامك
سيف ابتسم وباوع علة نارين وصفن عليهة وكال بدون ميحس علة نفسة :
يستحي ياسمين الدنيا
من جمالها
ولا يليق بجمال عينيها سوى الغزل
كمل سيف وبدو الطلاب ايصفكوم وقسم منهم صوفرو وباوع سيف علة نارين الي جانت منزلة راسهة وراح اطك من الخجل ابتسم علة خجلهة وكال بصوت عالي
سيف : يلة كافي اسكتو مو كلت بلة هوسة
سكتو كل الطلاب اول ما سمعو صوتة العالي
سيف ببتسامة : هسة اني اسئلكم
الطلاب بحماس : حاضر دكتور
سيف : شنو اكثر مادة تحبوهة
الطلاب : مادة كيمية
سيف بضحك : اي من درجاتكم الزينة كلهة اصفارة هسة كل واحد يسئل زميلتة او زميلة
الطلاب : حاضر
وبدو الطلاب ايسئلو بعض الحد ما سئلت وحدة من صديقات ايه وكالت
البنية بخبث كدام كل القاعة: نارين هم يوم حبيتي او انعجبتي ابواحد
سيف اول ما سمع سؤال البنبة باوع علة نارين وتحمس الجوابهة
نارين بحراج : اي حبيت واحد
البنية بمكر : منوة
نارين ببتسامة : اتوقع هل شي ميخصج انتي سئلتيني احب وكتلج اي احب فماكو داعي اكولج اسمة
ابتسم سيف علة جوابهة وكال : احم يلة هسة اسكتو لأن دوختوني ورة خمس دقايق خلصت المحاضرة وطلع سيف من القاعة وراحت نارين السرى وضربتهة علة جتفهة وكالت
نارين بعصبية : كلة من وراج ضحكتيني وهوة غير مكاني
سرى بضحك : ههه واني اشدخلني قابل اني الكتلج اضحكي
نارين : اوف طكت روحي تعالي خل انروح نتغدة احسللنة
سرى : اوكي بس اصيح عادل
نارين : ماشي
وراحت سرى صاحت عادل واجت هية ويا وراحو للسنتر وتغدو وسولفو اشوية وراهة اجت الخطوط ورجعت نارين وايه للبيت ....
____________
سيف
خلصت من المحاضرة وطلعت من القاعة ورحت لمحمد عزمتة علة الغدة ورحنة اتغدينة بمطعم قريب علة الجامعة وراهة راح هوة الشقتة واني رحت للبيت دخلت السيارة بالكراج وسديت الباب ودخلت سلمت علة امي وابوي وكلتلي امي اذا متغدي لو لا كتلة تغديت وية محمد وترخصت وصعدت الغرفتي سبحت وصليت وكبل نمت .......
________________
نارين
وصلنة اني وايه للبيت ودخلنة سلمت علة مامة وبابة وكتلهم لا يصيحوني علة الغدة لأن متغدية وصعدت سبحت وصليت ولبس اتراك خفيف وردت انام بس ما كدرت فا اخذت تليفوني وضليت اكلب بي الحد ما صارت بل اربعة فكمت اخذت كتبي وملازمي ونزلت سويتلي كهوة وطلع با الحديقة مالتنة صحيح اصغيرة مو كولش جييرة بس حلوة ضليت كاعدة بيهة واقرة الحد ما صارت با الستة وكمت دخلت شفت مامة دا اسوي بورك وكبب للعشة وايه كاعدة تقرة كيمة للمتحان مال باجر فكتلة
نارين : ادري متملين وانتي تقرين با الكيمية ترة عدنة هواي تحاضير غيرهة
ايه بحقد : ليش ترديني ما اقرة علة مود سيف يعيط عليةويرسبني بالكورس
نارين : لا بس ميرادلهة شي واحنة اليوم امتحنة بيهة اصلاً
ام نارين بعصبية: نارين عوفي اختج تقرة لأن محد يفيتهة غير اقرايتهة قابل هية مثلج تجيهة الدرجة علة الحاضر
نارين بستغراب : ما فهمت اشون تجيني الدرجة علة الحاضر
ام نارين : يعني انتي خطيبتة وراح ينطيج درجة زينة وينجحج بلا ما اتعبين بس ايو خطية منو ينجحهة لأزم تقرة
ايه بكره: عادي مامة خل انجح بذراعي احسن ما اتكل علة الناس
نارين بستهزاء: لا والله لعد منية جانت اتكلي ساعديني با المتحان واني انطيج ورقتي علة مود اتنجحين وهم مامة ترة خل انكون واقعيين انتي واني نعرف شنو مستواي الدراسي وشون جنت قبل لا اروح الي امتحان اتكليلي ساعدي اختج وذا رجعت ومساعدتهة تكلبين البيت علية ومرات اني ما الحك احل النفسي بس المهم احل الأيه صح لو غلط
ام نارين سكتت لأن متعرف اشتحجي اما ايه فبارعت النارين بحقد وضلت ساكتة
نارين ما اهتمتلهن وعافتهن وصعدت توضت وصلت وقرت قرأن وكامت راجعت اشكم مادة وطلعتلهة فلم حلو وضلت اتابعة وما نزلت ابد جوة الحد ما نامت وهية اتابع الفلم ........
__________________
سيف
كعدت الساعة بتلاثة وربع وكمت غسلت ولبست قاط رسمي لون رصاصي ولبست ساعتي وحطيت عطر ونزلت طلعت السيارة من الكراج وسديت الباب وركبت السيارة وتوجهت للشريكة وصلت وصفيت السيارة ودخلت سلمت علة الموظفين ورحت المكتبي دخلت للمكتب وكعدت علة كرسي وبديت اشتغل ووقع صفقات وملفات مال موظفين الحد ما دك تليفوني شفت الشاشة طلع محمد فتحت خط وجاوبتة وكلت
سيف : الوو
محمد ببتسامة : الو وين انتة هسة
سيف برود: وين يعني غير بشريكة
محمد : اكلك اشرئيك تجينة هسة مشتمعين اني والولد بيتي ومسوين احلة جو
سيف : هسة بثماتية ونص بالتسعة اني يمكم
محمد : ماشي منتظريك
سيف : اوكي وسديت التليفون وكملت اخر ملف وطلعت من الشريكة وركبت سيارتي ورحت الشقت محمد صفيت سيارتي يم العمارة البيهة شقتة ونزلت من السيارة ودلخت للعمارة ورحت الشقتة دكيت الجرس وطلعلي محمد سلمت علي وفتت سلمت علة الولد وضلينة كاعدين انسولف ونشاقة ونشرب نراكيل الحد ما صارت با الدعش ونص اني اترخصت من الولد وطلعت ورحت ركبت سيارتي ورجعت للبيت دخلت السيارة للكراج وسديت الباب ودخلت جان البيت اظلم وهادء فا صعدت الغرفتي وسبحت وصليت وردت اتصل بنارين بس شفت الوقت اتأخر فا ما اتصلت وكلبت اشوية بتليفوني ونمت ....
