رواية تحت ظل السعف الفصل السابع والعشرون بقلم ميار
يا ليل، كم بابًا طرقتهُ الريحُ بعد رحيلهم، وكم نافذةً بقيتْ مفتوحةً تنتظرُ خُطىً لا تعود.
أمشي إلى الذكرى فتسبقني الدموع، وأجمع من شوارع العمر أسماءً سقطت من دفاتر الأيام.
ـــــــــــــــــــــــــــــــــ♕ـــــــــــــــــــــــــــــــــــــ
عائلة حمدان مسوين حادث
تبارك:: عزااا
ريام:: شلون ومنو گالج؟
مروى:: هسه گبل شويه زياد كال مو جانو
كاعدين بالمضيف داكين على غسان من موبايل واحد من اهله ولج يكولون واحد منهم ميت بمكانه.
ريام:: ان شاء الله هو تطلع بي ولا بغسان وبناته
مروى:: درنه عليها اني ما افتهمت كلامها دحكت
على تبارك اشرتلي ما احجي جاي نريد نطلع طب
جهاد العيون تخوف من العصبيه دحك علينه وگال
جهاد:: وين تردن يابه ظلن
تبارك:: هاا لا والله مو انروح نقره باجر عندي امتحان.
جهاد:: خوش يابه انتبهن على دراستجن
مروى:: هزينه راسنه وطلعنه ردت اروح وسحبتني تبارك ردت احجي واشرلتي اسكت
وكفت يم شباك الهول تتصنت واني اهدد بسكوت بس ما يفيد سحبتني حتى نتصنت
جهاد:: ريام يردون يقنعوني جاسم ما اله ايد
بكتل ابوج وغسان يريدني اقتنع اسجن حمدان
حتى حظرت جنابه يطلعه اسمعيني ما صار الوكت تحجين
ريام:: احجي وتروح تكتلهم و يكتلونك لو تنسجن وهم اني الخسرانه اذا اقتنعت برائي غسان وعمي وكتها احجيلك بس...
جهاد:: لا تخبليني ريامم ولج اشايفتني هاا مو اني
الا اسكت عن حگ اخوي روحي ترخص لحارث
ريام:: عجل ليش تزوجتني ليش خليتني احبل انت
كل عقلك يخلونك وتكتل واحد اثنين جهاد
واني شنو مصيري عبالك صار عندي عمام واهل
اني هم ارجع اضيع ليش علقتني بيك جهاد من
البدايه سألتك زواجك مني حتى تعرف منو كاتل
اخوك شگلتلي هاا انت ليش تخليني بشك حتى بحبك الي
جهاد:: ستين مره گتلج زواجنه ما اله دخل
بموضوع حارث وخالي مو اني الي يتزوج
مصلحه بطلي شكج هذا بس انتي وابوي
راح تجلطوني ابوي اكو امور ضامها عليّ
وانتي تعززين ريحيني رياام ريحيني الله يريحج
من شفتج بالبستان واني ادري بيج عرفتج
تعرفين منو گتل خالي بس صعبه تعبتيني
ريام:: اي واختاريت طريق الحب حتى تصل للي تريده جهاد ليش....
-ماكووو ليشش لا تخبطين تسولفين السالفه وتصدكينها ريااام لا تخبليني لجج لشووكت
تصدكين هاااا حبيي الجج ما اله دخللل افهمييي
-لا تعيط عليه كلامك هو الي يخليني اشك وعدم
اهتمامك للي راح يصير الي وراك افهمني جهاد
جهاد:: وحگ لوعة گلبي الي نفسها بگلبج احبج
ريام حاولي تفهنيني ولج اني احبج من جنت بعدج
اصغيره ويوم الي شفتج بي بعد ما رجعتي للقريه
وحگ ابو الحسنين الي ما يوم نخيته وما وگفلي
انام واني اتخيلج بحضني ولج دخلت الثلاثين
وصرت احلم احلام مراهقين بسببج وتكولين
لعبت بعقلج علمود ثاري حتى اخذ منج معلومه
انيي حبي مصلحه كل هذا حبي واهتمامي تالي
مصلحهه هذا الي الله كدرج عليه..
ريام:: اخاف جهاد اخاافف يكتلونك وتعوفني ما اتحمل ما اتحمل بعد حسوو بيه ابوي عافني
لا تصير مثله علقتني بيك وتالي تعوفني ارحموني..
مروى:: كمنا اثنينه اندحك من الشباك ونبجي
على بجيها حاطه ايدها على وجهه وتشهك وجهاد
كعد گبالها وخر ايدها ويمسح دموعها وگاللها..
جهاد:: هاي هي والله مثل ما تريدين نحاسبهم
بالقانون بس لا تبجيني والله تمردين گلبي عليش هلخوف اني عرفتج شجاعه شصار وصرتي هيج جبانه هاا
ريام:: حبك هو خلاني جبانه اني گبل ما جان
عندي شي اخسره بس هسه لا اتحمل بدونك
-يول يابه اروح فدوه لعيونج اني
ريام:: اسم الله عليك
مروى:: سحبت تبارك ورجعنه لبيتنه متت برد
وهي ظلت ادردم وكفنا يم باب المطبخ وگالت
تبارك:: يعني شنو هسه ريام تعرف منو گتل خالي
ما ادري بس اكو اسرار بينهم وسالفة البستان الي
حجتها النه ناقصه؟
-بعدني ما مجاوبتها جفلنا اثنينه من طلع ابوي
امبين عليه ضايج حيل وواضح سمعنه شحجينه
من دار على تبارك وگال.
احمد:: منين سمعتي هذا الكلام؟
مروى::ندستها حتى لا تحجي بس الغبيه خرطتهن
كلها گبل گالتله.
تبارك:: مو يابه جنه واكفين هاا نتصت على ريام
وجهاد وجهاد هو گاللها شوكت تحجيلي الي تعرفينه و و.
احمد::كافيي بابا امشن طبن لغرفتجن نامن
وهاا اسمعن ممنوع بعد الا اشوفها واكفه تتصنت
الا اشوي على اذانها بصل واضحح يلا على نووم
مروى:: هزينه روسنه وطبينه نركض وبس فتنه
الغرفه ضربتها.. ولج ازماله شلون تگوليله جنه
نتصنت.
تبارك:: خفت والله من الخوف كتيتهن كلهن
-يلا امشي انطمري ورانه دوام
فرشنه ونمنا نسينه حتى سالفة حادث خالي حمدان.
مهى:: فوك موضوع ابوي الي ما ينعرف وين گاعه
انوب چملها عمي حمدان ومن الليل للصبح ما ندري شصار الولد كلهم ويا غسان دكيت على رحاب هم ما يدرون محد يجاوبهن گوه من التعب غفيت ساعه وكعدت على صوت عمر يحاجي امي كمت لكيته واكف بالهول يحسب فلوس سألته.
-هاا عمر بشر شلونهم عائلة عمي
عمر:: شبشر والله مهى ابنه فراس بمكانه
متوفي والصبحعمي توفى ومرته مخطره
مهى:: عززاا وبنته
عمر:: بنته وضعه احسن بس بعدها فاقده
-زين وخطيه غسان شلون وضعه خطيه لا تعوفونه
وحده الله يعينه ويصبره مو سهله ابوه واخوه
عمر:: لا يابه شنعوفه بس شنسوي امر الله
لا اعتراض على حكمه بس يمه انتي ومهاوي
عزلو البيت ودوز على بنات عمي حظرو للفاتحه
عمي راد بيته بس احنه گلناله اهناي بيت ابوه
نسرين:: بكيفكم انتو هسه نخابرهن يجن
عمر:: اي يلا اني رايح هسه عماد وحسين يجون يمكم واي شي تحتاجونه گولولهم ويمه خاف تجي بنته هالله
هالله بيها.
نسرين:: ان شاء الله يمه
مهى:: طلع عمر وخابرت رحاب حتى يجن واني انخبصت
ما اعرف وين اصد جن البنات وعمتي ونبجي على حال
غسان وخواته خطيه مو هينه يدفن اثنين بنفس اليوم
وامه ما ينعرف وضعها وكفنا نشتغل نحظر بالمي والجاي
وصوت حديد الچوادر يقبض ألفاد لل9الصبح بيتنه انترس
نسولن وصوت الزلم بالجول ضيفناهن وكعدنه وبالنه كله
يم غسان واخته الي ما عرفها شصار بوضعها.
وسام:: من الليل للصبح على وكفتاً وحده المستشفى انگلبت گلاب وكلها بصفحه وحال
غسان بصفحه خطيه يحير وين ينطي وجهه على ابوه
على اخوه لو امه واخته وره ما اخذو عمي وابنه للجامع حتى يغسلوهم بقيت اني ويا غسان الي ظل
حاير شلون يروح للدفنه ويعوف امه واخته جيت يمه گتله.
-يابه روح انت اني اظل هينه يمهم واي شي يصير ادك عليك ما يصير ما تروح وخليك قوي اكوم من
يحتاجك وهذا امر الله يلا ياخوي توكل لا يظل بالك.
غسان:: ما انسالكم وكفتكم هاي وفدوه وسام اي شي يصير اتصل عليه لا تخليني بالي مشغول.
-لا تشيل هم توكل يا خوي
غسان:: تمام رايح اني وما اوصيك
وسام:: هزيت راسي من شفته دموعه تجري ويحاول
يظل ثابت وقوي بس والله صعبه شنو من مصيبه مصيبته توه يريد يطلع صار بوجهه جهاد جيت وكفت
يمهم وجهاد طيب خاطره بكلامه الحلو ويصبر بي.
جهاد:: البقيه بحياتك يا خوي الله يصبرك لا اتعراض على حكمة الله كلنه على هذا الطريق ولا اتكول ما عندي احد احنه كلنه اخوتك وظهرك شوكت ما تحتاج تلگانه كلنه يمك.
غسان:: صعبه جهاد ادفن ابوي واخوي بليله صعبهوالله صعبببه اخ يا بوياا انكسر ظهر جهاد نكسر ظهري.
جهاد:: كول ياالله غسان خواتك وامك بحاجتك هسهاذا انت هيج منكسر هنه شلون هذا امر الله الحمدلله على كل حال يلا يابوي ينتظرونك بالبابوامك واختك اني اهناي و وسام روح اكرم موتاك وتعال اكو من يحتاجك وانت ما زالنه بظهرك ما تحتاح بس رحمة الله يلا يا خوي يلا توكل.
وسام:: طلع غسان وتمشينه اني وجهاد لغرفة
البيها اهل غسان طبينه لكينه الممرضين يمها
وحدهم وهو من شاف ماكو احد يمها دار عليه
خازرني ادري اني شكو يأشرلي بسيطه خرب حظي بعد شيسكته هذا راح وكف يمهم يسألهم
جهاد:: شنو وضعها؟
الممرض:: لا البنت وضعها زين بس كسر بيدها
وخيطنه راسه اربع نفذات وعدها رضوض بسيطه جدا
-والأم وضعها ان شاءالله زين
-لا والله الام وضعها حرج كلش ليش نجذب
عليكم ما اعتقد بيها امل هواي وحتى اذا عاشت
فشلل الموت ارحم الها.
جهاد:: يا ستار يارب زين من شنو متعرضتله
-والله دكتور جهاد وضعها صعب كلش يعني
شكولك عدها 6اضلع مكسوره ورقبتها زاله
الفقره ضاربه النخاع الشوكي ما بيها امل
جهاد:: الامل بالله ياخوي بارك الله بيكم تعبناكم اني موجود تكدر تاخذ راحتك ريسان.
ريسان:: لا هذا واجبنه عدها العافيه واي شي تحتاجونه اني موجود.
وسام:: بارك الله بيك ما تقصر
بس طلعو الممرضين استلمني رزايل
جهاد:: انتو عقول ماكو هسه اخوتك ولد عمك
مضروبين على روسهم انت شبلاك شلون تعوفون النسوان وحدهن غير تجيبون حرمه يمهن هي ناقصين غيره اجلاب امشيي خابر
واحد من الزمايل يجيبون حرمه يم البنيه.
-يابه على كيفك غير جنه مخبوصين وهو ظل
براسنه راي هسه اخابر حسين يجيب امي
جهاد:: خلي يجيب فاطمه عمتي خليها بالفاتحه
عيب هسه الناس تلتم ومرتك عمك هم شاخطه
وسام:: ضحكت عليه راح هو لان يشتغل بالعنايه
واشرلي اظل يمها بين ما تجي فاطمه كعدت
على السديه الي بسدها ادحك عليه خرب حظك
حمدان على هلخلفه ولو هو غسان عيونه تخبل
ادحك عليها البنيه الله يستر عليها وجهه بس
عيون وبيضه تكول گطن وزلع جوه عينها وهو عمي شحاله بس ولو يابه امها كرديه
عليمن تطلع وين يلا انتبهت على روحي شكو صافن
بيها وكفت من طبت فاطمه دنكت وهي تقربت
على البنيه وتسأل عليها
فاطمه:: هاا وسام شلونها
وسام:: لا زينه وضعها احسن ماكو شي خطر
فاطمه:: الحمدلله روح خويه اني اظل يمها
وجهاد گال كل شويه يمر علينه يحتاجونك
وسام:: خوش واذا احتاجيتو شي انطوني خبر
يلا مع السلامة
فاطمه:: الله وياك
طلع وسام واني كعدت يمها وگلبي يوجعني عليها
احنه واحد وصارلنه اسنين ما ناسينه همه شلون والله يعين اختها ما صارت ليلة عرسها
الا نگلبت مصيبه على روسهم ظليت للعصر
جهاد كل ساعه يجيني وفرات هم كل شويه مخابر كاعده وجدامي مي وشربت واكل بس
ما الي نفس بدون كل شي لاعبه نفسي انوب
تشوف المصايب كل شويه يجيبون مريض شكل
سديت البرده انتظر تكعد وحايره اذا كعدت شگوللها.
-كاعده وصافنه بوجهه شحلوه يربي الله يستر عليها
فزيت من فتحت عيونها تقربت عليها وهي گوه تحجت.
مسره: وين اني؟
فاطمه:: بالمستشفى عيوني لا تخافين ان شاءالله خفيفه يوجعج شي اصيح الدكتور هاا عيوني
مسره:: راسي وجسمي ما اكدر احركه هواي يوجعني.
-هسه اخابر اخوي يجيب الممرضه تشوفج
مسره:: منو انتي؟ ما شايفتج
فاطمه:: ابتسمت اني فاطمه بنت عمتج ابتسام
وحماة ريام هسه عرفتيني.
مسره:: اي زوجت فرات عرفتج شفتج بفاتحة جده
-اي صح
سكتت تاخذ نفسج واني خابرت جهاد حتى يجي
كعدت على كرسي وهي ادحك عليه وتريد تحجي
واضح الخوف عليها گوه حجت وعيونه انترسن دموع.
مسره:: باوعي فاطمه احجيلي اهلي وين
فاطمه:: حرت شريد اگوللها وعيني على الباب من
طب جهاد و وراه وسام ما عبالي اهنا تقرب جهاد
يحاجيها.
جهاد:: يابه الحمدلله على سلامتج
مسره:: شكراً وين غسان اهلي بيهم شي
جهاد:: شنو الي يوجعج هسه
مسره: بس راسي وجسمي احسه تعبان ما دا اكدر احركه ايدي بيها شي هاا هاي كاطعين ايدي يمه عفيه اريد اهليي وين امي وغسان
فاطمه:: توه انتبهت لايدها مجبسه ومن الخوف
ما انتبهت لاصابعها عبالها كاطعين ايدها كامت ترجف وتبجي وجهاد لا يكدر يلزمها ويريدها بس تهدء عاط بيها.
جهاد:: شجاججج اصبري انفهمج هاي مو ايان
اصابعج ما بيها شي ايدج بس مكسوره وجبروها
اسمعي يا خوي
مسره:: الحمدلله الحمدلله خفت عفية گولي اهلي وين گلبي وجعني بس طمني اهلي خما بيهم شي.
فاطمه:: ظلينه واحد يدحك بوجهه الثاني وما ادري
شبيهم وجوهم ما اطمن وهي خافت من شافتهم
ساكتين تالي جهاد گاللها.
جهاد:: خويا كلنه بهلدنيا خطار وهل روح امانه
وانتي انسانه مؤمنه بقدر الله وكلنه على هلدرب
-بدموع گالتله
مسره:: منو مات فدوه گولي هاا ما تحجون
جهاد:: والدج واخوج انطوج عمرهم البقيه بحياتج
- اخخ ياا يمه اثنينهم
وسام:: اي البقاء لله هذا امر الله خليج قويه غسان يدحك عليجن انتن خواته ومثل هو مصبر روحه لخاطرجن انتن هم لازم تقونه
مسره:: وامي امي زينه اني شفتها انضربت
بقوه صوتها بأذاني والله صرخت متوجعه
جهاد:: ما انضم عليج امج هم وضعها تعبان
فاطمه:: خطيه حطيت ايدها على عيونها وتشهك
الولد انمردت گلوبهم عليها واني جيت بسدها
وسحبتها لحضني ودموعي ويا دموعها تجري جهاد
عافنه وطلع ما تحمل بس وسام ظل يدحك عليها
ظليت تبجي اريدها بس تسكت ماكو رجع جهاد
يمنه من شافها بعدها تبجي جيه وكف يمها وگاللها
جهاد:: هاا خويه كولي يا الله وادعيلهم بالرحمه
وامج هم بحاجة الدعاء وغسان يتقوى بيكم
اذا جيه وشافج هيج منهاره شيصير بالحاله
مسره:: مو بيدي گلبي يوجعني ابوي واخوي
هذولي عزاز گلبي بابا جان يحبنه اني وميسون
ومدللنه هواي والله اني البارحه جنت وياهم
واليوم همه جوه التراب وبعد ما اشوفه
-راحن عيونها من البجي وحرنه بيها تالي گاللها جهاد.
جهاد:: خويا اجيبلج ريام يمج هاا شتكولين
فاطمه:: دحكت عليه وتمسح بعيونها مثل الطفله
وكالتله.
مسره:: يعني عادي اشوفها تقبل انت
-ابتسم هو اصلا ما يرفع عينه عليها وكال
جهاد:: ليش ما اقبل خويه هسه اخابرهم يجيبوها يمج بس لا تبجين يلا وسام امشي وياي
فاطمه:: راح جهاد وكعدت يمها وهي خطيه ما
تسيطر على دموعها ولا على عبرتها بس بقت
عينها على الباب وللمغرب رفعت عيني من انفتح
الباب ودخلت ريام جت ركض شبكة مسره واثنينهن يبجن ريام امبين عليها الخوف والحزن
ريام:: جنت كاعده وگلبي عاصرني على وضع غسان
وخواته صح ما انقهرت حمدان بس على البنات يبقى ابوهن وجان زين عليهن ويحبهن حيل حتى
اخوتهن ما يقبل يحجون عليهن عكس معاملته
هو ومرته الي فزيت على صوت زياد يصيح بالحوش
طلعت لكيته واكف بالحوش جيت يمه اسأل
-هاا زياد اكو شي خوفتني
زياد:: لا خيتي بس خابرني جهاد حتى اوديج يم
فاطمه بنت خالي حمدان رايدتج بس لا تتأخرين
ريام:: لا لا خمس دقايق بس اجيب عبايتي انتظرني
ركضت اخذت عبايتي ومفتاح البيت والموبايل وطلعنا ادحك على مضيف عمي منصوب الجوادر
وصوت القران وجعني گلبي الله يعينك يا غسان
صعدت بالسيارة ومشينا ادحك حتى زياد مقهور
وصلنا المستشفى وامشي وزياد يمشي وراه من
شافني امشي جدام ظل يحجي عليه وكلمه والثانيه
وگال
زياد:: والله وكت الزلم تمشي وره النسوان
اني اني امشي وره مره حسافه المنهدس زياد
يمشي وره مره بس شنسوي حكم القوي على الضعيف.
ريام:؛ وكفت ودرت عليه وهو استغرب وگال
زياد:: شو وكفتي خير مرت اخوي تذكرتي شي
ريام:: شبيك صارلك ساعه تحجي عليه عمي يلا
هاك تفضل امشي جدامنا يا حظرت المهندس
نفخ صدره ورفع الحاجب ومشى جدامي ولا يكعد
راحه بس وصلنا الغرفه البيها مسره واني شفتها
ما تحملت ركضت حضنته واثنينه نبجي وفاطمه
لازم تشاركنه وخرتها من حضني وكعدت بسدها احاول اصبر بيها ظلينه اني وفاطمه
يمها لليل جيه جهاد وسام جايبين اكل وياهم
اخذت فاطمة الاكل واني وكفت على صفحه احجي ويا جهاد خايفه عليها لا بيها وما يحجون
جهاد:: لا كل شي ما بيها الحمدلله وباجر
بس يتأكدون منها يرجعون يعيدون الاشعه
لل10 لل11الصبح يطلعونها
ريام:: اي الحمدلله وامها جهاد حيل متأذيه
سعيده
جهاد:: اي والله وما بيها اي أمل ولو تموت ارحم الله ولضناها اتظل بس تتعذب يابه
منتهيه هي الضربه من جهته هي وفراس
المهم تبقين وياها لو اخابر زياد يجيج
-لا وين ابقى اريد يمها ومن تطلع اني ارجع
لبيتنه لان ما اروح لفاتحة حمدان وعمي هم
ما قبل احد منه يروح للفاتحه زياد شويه راح
ورجع.
جهاد: احسن عجل ظلي واني ادز واحد من
الولد ياخذولجن اجازه خوش واكعدي مو زين
عليج التعب يلا اني اروح وبس تحتاجين دكي
علي.
ريام:: هزيت راسي اي هو كرص خدي وراح رجعت
يم البنات فاطمه كوه تلح عليها حتى تاكل كعدت
اني الكرسي واخذت الاكل الي بالعلاگه وكمت اكل
من حبلت لهسه ما اتحمل الجوع اكلت الا ما شبعت ما منتبهه للبنات رفعت عيني فاطمه تخوزر بيه ومسره دحك عفت الاكل وهنه ما حجن مسره
اكلت شويه ونامت وبس نامت كرصتني فاطمه وتحجي عليه
فاطمه:: ولج مو عيب البنيه ادحك عليج تعلفين
ولا يمج وهي اللكمه من غصتها ما تكدر تبلعها
ريام:؛ شبيج فاطمه غير جوعانه ادري ما اكل
فاطمه:: اكلي بس مو تكول مفجوعه طالعه من
مجاعه شكد عيب هسه شيكولون اموتينج من الجوع.
-لا هي حبابه بعدين غير حامل ولازم اتغذه زين
صايره جنج فرات بس ترزلين بينه ولا ارتاحلكم
فاطمه:: دمشي امشي تمددي عليش ظليتي اهناي
انتي وكرشج بس ما احلف كله اكل هسه يجي
الطفل بكد الچف لا ربيان ولاش بس دهون من الاكل
ريام:: شبيج فاطمه تحسسين مانه عليه بالاكلات
غير الحامل لازم تاكل يلا خلي امدد ارتاح تعبت
فاطمه:: حگج يمه دمدد عمي شنريد منج
ريام:: ضحكت وتمددت على السديه واني دماغي
كام يودي ويجيب هاي السديه اكو شخص مات
عليها وهسه روحه تتلبسني كزبر جلدي من الفكره
كمت سريع وصاير تقلص قويه وصحت جت فاطمه
خايفه.
فاطمه:: شكو شكو
ريام:: كمت سريع وصاير تقلص قويه ااخخ يممه
-على كيفج شكو مستعجله شو وراج
ريام:: ردت اكوللها خفت من لا روح الميت تتلبسني بس سكتت غير تكتلني كمت اتمشى حتى يروح الألم
طلعت بالممر جاي نتمشى وجيه فرات وجهاد وغسان وياهم مدري ليش گلبي عصرني خاصه من
شفت غسان وجهه احمر دم وكفو سلمو واني وفاطمه عزينه غسان خطيه شكد ما متأذي ما كدر حتى يرد عافنه ودخل يم مسره وفاطمه دارت تسأل
فاطمه:: شكوو فرات شبي غسان وجوهكم ما اطمن تره وكعتو گلبي والله صاير شي
فرات:: ام غسان دخلت بغيبوبه
ريام:: يعني شلون
جهاد:؛ حالتها حرجه منا للصبح اذا ما عدت
مرحلة الخطر ممكن والله اعلم ما تعيش
فاطمه:: يا ستار خطيه وين يتحملون انوب امهم
الله يساعد گلبه خطيه من هذا وجهه مختنگ
فرات:: مو سهله يابه الله يكون بعونه
المهم البنيه شلونها وضعه زين
فاطمه:: احسن من العصر نامت گبل شويه
فرات:: تعالو ننزل جوه بالحديقة غيرن جو
فاطمه:: اي والله اني اختنكت من ريحة المستشفى ومن جيت لهسه ما طلعت
ريام:: روحو انتو اني ما بيه حيل هسه وهم
خاف مسره تحتاج شي اني اظل يمها.
جهاد:: روحو بس لا طولون
ريام:: راحو فرات وفاطمه وظلينه اني وجهاد
كعدنه على الكراسي الي بالممر حطيت راسي
على جتفه نعسانه كوه مفتحه وهو حس عليه
جهاد:: ليش ما نمتي جوه اكو سرير وسدي البرده
-دحكت عليه مو جهاد خفت الصراحة
جهاد:: من شنو؟
ريام:: من مددت تخيلت هذا السرير جان عليه
ميت وروحه ظلت بالمستشفى وراح تتلبسني
جهاد:: هههههههه خرب يومج على هل افكار
منين تجيبيهن ولج شنو المستشفى مهجوره
حتى بيها ارواح وهلسوالف كلها خرافات وين
اكو هيج
ريام:: بكيفك لا تصدك المهم الصبح من ارجع
انام بيتي وفراشي احسن ونرتاح اني وابني جوجو
جهاد:: استلم جوجو لا ربحنه
ريام:: ظلينه كاعدين بالساعتين انوب ظهري
احسه نكسر كمت من انفتح الباب وطلع غسان
العيون حمر حتى ما كدر يحجي عفته ودخلت
جوه يم مسره لكيته تبجي ما اعرف شلون اواسيها
شويه وجت فاطمه وثلاثتنه للصبحوما غفيه لحظه
ريتاج:: يومين الفاتحه الناس ما انطو مجال ناس رايحه ناس جايه واحنه همزين عماد راح واخذلنه
اجايز كعدتنه امي من الصبح حتى نشتغل كمنا
محد اله نفس يأكل جاي امسح بالاستقبال وادحك
على بنته ميسون ما غفت ولا نشفت دمعتها لحظه
تكسر الخاطر بس ما بيدنه شي كملت مسح البيت
وكفت ويا البنات جاي يسون بالريوك وطبت ميسون وكفت باب المطبخ وتسأل بينه
ميسون:: بنات ما كالو شوكت يجيبون مسره
-وكفت رباب يمها وگالتلها
رباب:: بله هسه گبل شويه خابر وسام كالو راح يجون انتي ارتاحي بس تجي اني اجي واكولج حياتي
ريتاج:: مسحت دمعتها وهزت راسها ورجعت لمكانها واحنه وحدتنه غده نار عليها شصار بحالها
لل9 وره ما فضينه الريوك والتمت الناس ادحك
من باب المطبخ طبت فاطمه وتكود بنيه ووسام
وفرات وراهن طلعت امي تلگتهن فوتنها من باب
الاستقبال الخارجي وكبت صوت النعاوي والصريخ
شويه وجت فاطمه تركض نريد نفتهم شكو بس سحبت كلاص المي ورجعت الاستقبال تركض
واحنه وراها لكينه النسوان ملتمات على مسره
خطيه خربانه كوه كعدنها وهي بس فتحت كامت
تشهك تشهك وتصيح واختها بسدها وحده اضرب
من الثانيه بس مسره فد نوب حاضنه اختها وتصرخ
مسره:: لجج عيني لج ميسون راحو كل اهلنه
لج ماما حبيبتي ماتت امي يا يمه گلبي كلهم
عافونه اخخخ يا گلبي ماظل عدنه اهل ماتوو
يمااا صفينه بلا اهلل انهدم بيتناا لج ميسوون
ريتاج:: تفاجئنه من كالت امها ماتت خطيه وضعهن يبجي الكافر كعدهن على الفراش
وهنه يلوبن ملخن ارواحتهن انوب من گابلتهن
حرمه من بيت ابو جبار جوارينه تنعي وخاصه
كامت تنعي على الاهل كلتها كلها تبجي
يا بويه من غبت ضاع الدرب من عيني
وصار الحمل ثگيل وماكو إيد تسندني
چنت السند للروح وچنت باب الأماني
ومن بعدك العمر كله صار يتعبني
-يااا يمه يوليي..
ويا يمّه من رحتي انطفه الضوء بالدنيا
وصار الضحك غريب، وصارت الفرحه منسيّه
أمشي بين الناس لكن روحي وحدانيّه
أدور حضنچ بكل وجه، وما ألكه الحنيّه
يا يمّه شكثر محتاج صوتچ إذا ضگت عليه
وشكثر محتاج دعواتچ من تثكل عليّه
يا يمّه/يا بويه، من بعدكم البيت مو بيت، وصوت الفرح ما عاد يمر بيه.
فقد الأهل مو وجع يوم، وجع عمر كامل.
ريتاج:: طلعت ما تحملت كلامها وبجيهن يعصر الگلب انوب زادت من جت ريام وكل وحده منهن
تبجي على وجعها..
مرت ايام الفاتحه ومحد من بيت خالي احمد جيه
غير ريام وجت علمود البنات بس بعدين عرفنه
حالته عمتي هم مدهوره وتعبانه مرن الايام بصعوبه
الحزن خيم على بيوتنا بيت عمي جاسم الي ما خلو
مكان ما دورو على ابوهم وما لگو إله اثر ولا بيت عمي حمدان بناته حالهن يمرد الگلب واخونهن
مگابلهن امي تروح وتجي عليهن وگوه قنعت ميسون ترجع للبيتها بعد ما مر على وفاة اهلها
اسبوعين وره ما راحت كل يوم نلتم ونروح يم
مسره وريام ما خلتها ابد وهي بدات تتحسن
جاي نريد نروح لبيت غسان ويما نريد نطلع
طلع ابوي مستعجل ما افتهمنه وكفنه اندحك
كلهم ركبو السيارات وطلعو توه عماد يريد يركب
بسيارتهم چلبت بي امي تريد تفهم شكو جان يگول
-جهاد اخذته الشرطه.....
