رواية الإرهابي وذات النقاب الجزء الثاني الفصل الثامن والعشرون بقلم ام غايب
البيت خضر هم تساعد ميمونه وهم انتوا افترو براحتكم
جاوبو قاسم بحديه وشكد فرحني بجوابه لان حسسني
احنه ساقطين او هيج شي من كلامه واصلاً اني جايه
المكان بيه عوائل
قاسم .. اعذرني خويه مااكدر اعوف عرضي يروح وياك
حشاك انت بس مهما يكون انت غريب وبعدين اني مااجيب
عرضي المكان مو زين المشاتل عوائل وكاعد نفتر حالنا
حال العوائل
فلك .. درت على شاهين وابتسمت ورفعت حاجبي سكته قاسم
وخلا ميعرف شيحجي خزرني وكله ال قاسم
اولاً عرض خضر عرضي ثانيا اني ممعترض على عوائل المشاتل
اعتراضي بنيه تطلع بهيج وقت ويه ابن خالتهه صعبه وحشه
مااكول بس مجتمع زباله ويأول من هذا الباب حجيت وبعد
انت ادرى يلله بويه علي امشي
علي .. اتوكل انتَ اني عندي شغله بعد مااخلص شغل منا
_ دنك باس علي وراح بعيت اباوع علي
قاسم .. يابه غثيث والله غثيث ابن عمكم
علي .. انجب وامشي لتحجي علي نحبه بمغثته
حنيته فول ماكو منهه
فلك .. مدري شبيه انقهرت وتندمت لان هم باوعتله هيج
مشيت وياهم واني بس افكر اخ لو عقلي عنده لسان على
التشتت الي بي جان صاح
رجعنا بيومهه بليل كلش مرينه على خاله هم جبناهه
وكل واحد راح المكانه
_ دزيت رساله ال ميمونه
_ كاعده جاوبتني رأساً
ميمونه .. اي كاعده توني كملت تنظيف
فلك .. ليش شعندج تنظيف هيه غرفه وهول عجيب
كل مااخابرج لو احجي وياج توج مخلصه تنظيف
ميمونه .. ههههه جاوبج مال وحده عصبيه ولج غير صبغ خضر
جنت اكتب مااحس اله انجر الموبايل من ايدي جان خضر
يسبح من بعد ماكمل صبغ
خضر .. يلله كومي سبحي
ميمونه .. مو كاعد احجي ويه فلك
خضر .. عوفيها كومي سبحي حتى تنامين باجر ورانه كعده
الصبح
ميمونه .. بس خلي اكمل كلام وياهه
خضر .. ساعه هسه تبقين تحجين وياهه
ميمونه .. سد بيانات الهاتف وكال كليلهه الباجر خلص الرصيد
جنت مكنكنه على الرصيد ماعدهه شي هسه تلعب بعقلك
وتفلش حياتنا كتله
_ انت صدك تحجي
خضر .. جذب لعد وتقرب عليه نسيتي وباسني بخدي
انسيتي من ششككج بيه
ميمونه .. على اساس سوالفك ووضعك مو مريب جان
_ عضني بخشمي
خضر .. باجر التحاقي وره ١٢ اريد اشبع من حضنج ولو
مراح اشبع بس اخزن حضن على الاقل منا الباجر
ميمونه .. يبووو يعني راح تروح باجر حسيت كلبي وجعني
من ذكرتني
خضر .. بأبتسامه احبج ميمونتي شوكت تجبين اريد كون
مثل هاي العيون
ميمونه .. شلون بلله اخ ياسالفة العيون المتخلص غير بيد الله
خضر .. كتلج يوميه باوعي على صورتج وركزي على العيون
ميمونه .. انت مجنون
خضر .. اني مجنون عيون ميمونه قابل بس قيس يصير
مجنون بلله بربج اني وانتي مو احلى منهم مفروض يضربون
بينه المثل بس يراد ابدل اسمي فشله خضر يعوفون حبي الج
ويحجون على اسمي
ميمونه .. ههههه
خضر .. اموت على هالضحكه
ميمونه .. وخر خليني اكوم اسبح
خضر .. ها .... ها .. هسه تندرتي على السبح صار ساعه
اكلج كومي
ميمونه .. يا .. وين هو انت خليتني اكوم
خضر .. يلله بس استعجلي
ميمونه .. اخ يا الله والله مابيه حيل بس مااكدر انام كلي وصخ
خضر .. اكوم اسبحج
ميمونه .. ههههه يالله باع السوالف شنو طفله
خضر .. هو انتِ طفلتي
ميمونه .. حكوم اسبح بسرعه واجي ... كمت سحولت
روحي تسحول وسبحت اجيت لكيته غافي جان بيومهه
كاعد من الخمسه الصبح لان راح للنجف هو وشاهين وخالد
واجه بالوحده بلش بالبيت جانن البواري طاكات وكال اريد
اخلص وشغله تجر شغله بدون ماامشط اني هم جنت تعبانه
نمت بصفه وسحبت ايده وخليت راسي عليهه فز هو وحضني
وباسني وكمل نومته
شكد جنت بردانه راساً دفيت بهوا انفاسه اجه الصبح فزيت
على صوت الاذان جان الجامع قريب علينه كلش باوعت
خضر ماكو انصدمت معقوله راح للدوام متت قهر كبل كمت
اتصلت علي رجع سيمكارته القديم الي كسرته وهم بيومهه
تجادلنه على هذا الموضوع بس بنفس الوقت حلينا
توني اتصلت اندك الباب طلعت واني شايله الموبايل
صحت منو
خضر .. اني حبي
ميمونه .. كطعت الاتصال ورحت للباب فتحته ابتسم
خضر .. صح النوم عيني والله خوش مره حضرة جنابج
رجلج طالع بدون ريوك ويجي حتى الغده ماكو وباسني
ميمونه .. اخذ نفس حبي والله عبالي رحت جان خنكتك
خضر .. وين
ميمونه .. للدوام
خضر .. لا شلون اروح بدون مااخذ حقوقي
ميمونه .. باوعت علي باع سوالفك
خضر .. يلله بسرعه ريكيني ورايه روحه
ميمونه .. يااااا شكد متستحي
_ رجع بخطواته
خضر .. ردت ريوك الريوك فحشاء ومنكر واني ماادري
ميمونه .. ههههه عبالي
خضر .. ولج شنو هالتفكير المنحرف لعد انتي صايره
خطر على المجتمع
ميمونه .. خضر اني كصرانه لو انت صاير طويل هواي
خضر .. انتِ قزمه حيل
حياة عاديه مثل اي زوجين طبيعيين عشنه مرت ايامنه
حلوه ساعات خلافات بسيطه تسيطر على حياتنا
بده مشاوره وتعينه بالجيش ساعده هواي وابد منسه
وكفة ولد عمه ويا الي همه جانوا اخوان اله بحق وحقيقه
مو مجرد ولد عم ولا مجرد اخوان جانوا حنان على بعض
بمعنى الكلمه وهذا الشي اكيد زارعته حبوبه من البدايه بيهم
فلك .. مرت الايام وكلشي تغير حتى اني تغيرات هواي
تعايشت وتعلمت على مشاكلي فواز صار كابوسي الي
أقلمت روحي ويا بس الحد الان ممنفذه الي يريده مني
وهو يحاول ويريد ما انطي مراده اختفه بس تعودي على
وجوده صار واقعي وتأملته
فلك رجعنه من الخطوبه جانت بس قراية فاتحه
باوعت على قاسم ضايج
وميمونه وهو يمشي لدمته
ميمونه-ليش ضايج
قاسم-مابيه شي
ميمونه-كتلك قبل الخطوبه وهسه هم راح ارجع اكول الك لتأذي البنيه وياك اذا جانت نيتك بس تقهر ذيج
البنيه مالهه ذنب
لا اني معجب بيهه هواي ال توته
فلك-صدك لو كالو من بعد الكراهيه حب ذاك اليوم تتعاركون بالباب اني انصدمت من قبلت
ام قاسم-البنيه ورده واهلهه من اهل الله بس الي موافقت علي نفس خوف ميمونه
يمه البنيه حبيبه وفقيره ديربالك عليهه وعوف توته ذيج
قاسم-يا توته يمه شبيج خبلتوني بس تحجون بالموضوع
ميمونه-لان اني متأكده انت من خطبت بس علمود تقهرهه البت عمك واليوم من شفت البنيه صغيره وفطيره متت قهر اتمنى صدك يا قاسم زواجك مو علمود تكول الذيج اني تزوجت وبعدين تأذي بالبنيه هاي علمود سمنهه
فلك-اي والله اني هم مثل ميمونه اكول لان انت تقلد عليهه جنت لان سمينه
قاسم-اني اطلع احسلي راح تخبلوني غير لحيتووو شبيكم رحمه الدينكم طلع وطبك الباب حيل
ميمونه-تفلو بوجهي اذا متندم وأذه هاي البنيه ويا
ام قاسم -يجوز تنسي توته
ميمونه-اي كلش الدرجة اليوم دلعهه توته ،يمه من يمي كلبي وجعني
فلك-هيه المشكله بس لو تضعف شويه تصير جنهه لعابه ملامحهه تجنن والله
ميمونه-عوفج من الملامح خضر اليوم كلب الدنيا
من كتله انتي مصره تروحين الذاك البيت
فلك-شعليه ب خضر اني حره مشاكلي انتهت وراح أأجر البيت وأأجر بمكانه بيت قريب عليكم
ميمونه-تعالي عيشي يمنه
فلك-لا طبعاً ميمونه خضر رجال غريب ممضطر يكعدني يمه ولا اني اريد. اصير ثكيله وهم راح أأجر قريب عليكم مو بعيد
باوعت خاله غلست محجت شي ،وحاولت تغير الموضوع اجتي بزونة علي وبهالوقت اندكت الباب خضر وكام يصيح
خضر- يا الله يا اهل الدار يا حريم تسترن
ميمونه-ضحكت وكتله تعال متسترين
خضر-ولك علي ولك شو ولا عبالك اجيت
ميمونه-رفع راسه وابتسم وكال ميووونه
فلك-هههه اله يسميهه ميمونه
دنك علي خضر وكله ولك ميمونتي هاي
علي-ميووووتي اني
خضر-ميمونتي
علي-ميوووونتي
فلك-كله عيني عيني
علي -ميونتي عيني عيني
خضر-شاله وهو شايل البزونه وكام يبوس بي
اسكطك
علي-ايكطك اني
خضر-اه ولك
فلك-هاي سوالف قاسم
خضر-يلله ميمونتي شنو مو كافي
ميمونه-صدك
خضر-من البارحه هنا انتِ مشبعتي
ميمونه-عليك الله بس اليوم فلك تريدني اروح وياهه للدكتوره خطيه
باوعت علي ضاج كال يلله براحتج محتاجين شي
طلعت ويا للطرمه
ضجت مني مو
ميمونه وسكت
خضر
اتمنى تحبيني مثل مااني احبج
اني مااحبك خضر اني احبك اكثر منك اصلاً
صح الدليل هم تريدين تباتين وانتي تعرفين يومين بعد والتحق براحتج
ميمونه-حجي وياك والله مو قصدي
خضر-متجين والله شنو اله انبهج رايح اني
ميمونه-خضر اريد اجي
خضر-مع السلامه ميمونه دخلي لتبردين وطبك الباب
ضجت من نفسي شكد عديمة احساس
دخلت ميته قهر
فلك-شبيج تريدين تبجين
ميمونه-زعل خضر
فلك-ههههه والله انتي كارثه
ميمونه-شببببيج فلك
فلك-ووجعه شكلت والله ياربي
ميمونه-اتصلت مجاوب متت قهر دزيتله عل خط
فدوه لتسوي هيج خضر والله منتبهت الروحي
مجاوبني وين للوحده ونص واني اتصل وميجاوبني بحيث متت قهر وتنزفزت حيل
فلك-شبيج تلوبين
ميمونه -مابيه شي ودرت وجهي غمضت عيني ،طلعهه من خشمي بقيتي هنا حتى بجاني
فلك-بين فتره والثانيه يدز شاهين صباحيات لو كل جمعه اتخبل منهن بس هو من يدزهن غير
كعدت الصبح دازلي صورة صباح الخير وورود ماعندي دزيتله
صباح النور وخليت ورده
دزلي رأساً الورده احسهه للبنيه تندز
فلك-ابتسمت انت رجال وسيد كل الرجال
شاهين-شكرا.
فلك-هاي حقيقه مو مجامله
مجاوبني راح اتصاله بالانترنت هنا حسيت بأحساس وواثقه منه احب شاهين ،كم مره جذبت هذا الاحساس
كم مره كلت اني متوهمه بس مستحيل اكدر اوهم روحي بگلبي ،كل مره اشوفه بي الكه نفسي ارتبك وكلبي يدك
دكاته مااكدر اتحكم بيهن وعيوني كل ماابعدهه الكاهه تباوعله
انتظر خطوه منه تجاهي كلمه منه تخليني اتجرأ اكله
انت فاهم غلط اني ماعندي اي شي ويه احمد
بس هو ميبادر يوميه على امل مبادره منه بس ماكو
اعرف مستحيل ننجمع لان اني مره ارمله وهو ممتزوج
بس اتمنى افصحله عن مشاعري
كمت من فراشي وكل بالي يم شاهين واعترافي اله
وقررت اليوم احاول محاوله بسيطه
كلشي اتأمله خير وعدت رب العالمين اذا كاتبلي شاهين زوج الي مااخذله وامشي ورا
هو من امنيات اي بنيه تلكه انسان يحبهه ويخاف عليهه وتحس ويا بالامان
هذا هو الي اريده من الدنيا وبس ماعندي غير هاي الامنيه ولا اريد غيرهه حتى ويه حسين مجنت اريد فلوس جنت كل الي اريده رجال اكون بظله
فواز عديم الضمير بس اخلص من الخايفه منه ،
اذا صرت تحت سد رجال مستحيل يتقرب مني يخاف جبان عقلي من كد ما شرد بالتفكير جنت امسح نسييت شباك الهول مفتوح كمت والفززني ركعة راسي صحت اخخخخخخ
ميمونه-شبيج
لك-كمت وخليت ايدي على راسي ،يا يمه اخ راسي
ميمونه-غير تديرين بالج يمعوده
فلك-بجيت وكعدت تربعت بالكاع
ميمونه-شو ،،تأذيتي حيل مو
فلك-لا
ميمونه-لعد شبيج تبجين شو خل اشوف راسج
شفت راسهه مابي شي
حخليلج ثلج حتى متعنجر
رحت جبتلهه ثلج وخليته صاحت من راسهه كتلهه مابيج شي يمعوده خل اخليلج ثلج لتعنجر
فلك-ههههههه ولي وخري سوالفج مال عجايز
ميمونه-يااا تخبلت البنيه ساعه تضحك وساعه تبجي
دكومي يلله خل نروح للدكتوره
فلك-اي مو هسه بعد وره ال٢
ميمونه-رحت الموبايلي هم ممتصل متت قهر وفوكاهه الكا متصل بالنت كبل دكيت علي ماشي خضر
خضر-الوووو
ميمونه-بعد وكت صدك هيج خضر
خضر-توني كعدت من النوم
ميمونه-والبارحه مشفت مكالمات شكد وهسه من اتصلت بالنت مشفت مكالماتي
خضر-شبيج انتِ
ميمونه-ليش هيج خضر
خضر-هو شنو ال ليش شمسويلج اني البارحه نمت من وكت وموبايلي سويته صامت وهسه كعدت
ميمونه-أأأااااااا نمت من وكعت وتوك يالله كعدت هاي من شوكت
خضر-غير تعبان مشتاقلج
ميمونه-خضر
خضر-احبج والله
ميمونه-خضر احجيلي الحقيقه
خضر-الحقيقه هيه كتلج احبج والله
ميمونه-اي صح تحبني والدليل اتصل عليك ومتجاوب والله مشتاقلي
خضر-حسيتي هسه شفتي شلون تضوج السالفه
ميمونه-يعني متقصد
خضر-سدي السالفه هسه كليلي شسويتي مسويتي شوكت تروحن ومنو ياخذجن
ميمونه-تكسي غير
خضر-وحدجن
ميمونه-شعلينه لعد
خضر/لا والله شعلينه لعد شنو تعرفين مااقبل وتحجيهه ولا عبالك خالتج لو قاسم وياكم اي غير هذا الشي جهزي روحج اجي اخذج
ميمونه-خضر ،،قاطعني
خضر-ميمونه اذا الج نيه تناقشين لتناقشين لان موضوع منتهي منه كلش بس تسوين مشكله الج جبيره هسه شنو حتى افتهم اجي لو لا
ميمونه-خاله تودينا
خضر/ماشي من ترجعين انطيني خبر حتى اجيج
فلك .. جنت محتاجه روحة ميمونه وياي لان حتى اذا تعرف
متحجي واشرحلهه بعدين الموضوع اجتي وكالت خضر
ميقبل اروح وياج الخاله كتلهه قاسم لان اعرف قاسم يذبنه
يم الدكتوره ونروح وبالفعل ذبنه يم الدكتوره كعدت ميمونه
ودخلت وحدي للدكتوره وكتبتلي تحليل دم كتلهه فوك
المختبر ابقي كاعده هنا بالفعل حللت والحمدلله تأكدت
من وضعي مابيه اي شي جنت خايفه خاف بيه مرض لان
اوجاع قويه عندي من بعد الحادث
ميمونه .. هابشري
فلك .. كلشي تمام يلله كومي
ميمونه .. خوب هيج اجيت وياج مكمت بقيت كاعده
وعفتج وحدج خابرتي قاسم
فلك .. لا
ميمونه .. يمعوده هسه يسويلي خضر مصيبه خابري خل
يرجع النه
فلك .. ميمونه لازم تجين وياي الشغله مااكدر اكولهه ويعرفهه غيرج
ميمونه .. شكو ولج غير افتهم
فلك .. امشي واني افهمج
ميمونه .. اجرت تكسي واني مثل الاطرش بالزفه اكلهه شنو
متحجي صعدنه بالتكسي ضربتهه على رجلهه باوعتلي وين
موديتنا الغي
فلك .. هسه شبيج تفهمين
ميمونه .. قلقت كلش واحس كلبي يريد يوكف من الخوف
واعرف حتصيرلي مصيبه نزلت من التكسي اول منزلت عطتت
بيهه شكاعد تلوصين انتِ تخبلتي وين مودينه
فلك .. ماعندي غيرج مااريد ادخله وحدي هذا الحيوان يهدد بيه
ميمونه .. عزا بعينج واني شنو انتِ تخبلتي
فلك .. بعدين اكلج شنو بس لازم تجين وياي واوكفه عد حده.
ميمونه .. هو منو فلك تخبلتي انتِ
فلك .. اول مره اطلب منج طلب واكعه بشده
ميمونه .. تريديني اصعد وياج الشقه الي يهددج انتِ تخبلتي
هاي شغل زلم سحبتهه امشي فلك لتتخبلين وتضيعين حقج
لو بشنو يهددج لتخافين احنه نكول للولد ويشفوله حل
فلك .. اذا ماغلطانه بس هالمره اني غلطت وهو يهددني
ميمونه .. شهكت عزا بعينج شمسويه شلون غلطي حتى
صوتي انبح وخفت فلك رح يوكف كلبي احجي
فلك .. رحتله برجلي
ميمونه .. بخوف اي
فلك .. واخذلي صور
ميمونه .. خليت ايدي على صدري عزا بعيونج شلون يعني
الصور فلك نزلت دمعتي
ميمونه .. عطت بيهه احجي بعدني اسولف كالت لازم
تساعديني سجلتله مين يهدد بيه وهسه رجع يهدد ويكلي
مااخاف خل اصعد وانتِ وياي حتى خاف يفكر يهددني
لو يسويلي شي
ميمونه .. لو يبقى اخر يوم بعمري مااصعد واخسر خضر
امشي فلك
فلك .. والله لج اني بمصيبه وانتِ متقبلين توكفين وياي
ميمونه .. المصيبه انتي تروحيله امشي نرجع فلك
فلك .. روحي ميمونه وعوفيني
ميمونه .. تجين واذا مااجيتي هسه اخابر على خضر
واخليهه يسووهه ويا كاتل ومكتول
فلك .. اي ويشوفهم وانفضح اكلج اني رحتله برجلي
ميمونه .. وتريدين مني اروح واعوف خضر وره ظهري
واكسره واكسر رجولته لو شيصير مااسويهه بعد اني رايحه
بس راح اخابر على قاسم والله بعدني احجي صوت طن باذني
_ حلو ، جايبتلنه ضيفه وياج
درت وجهي باوعت علي ورجعت على فلك صحت بيهه
امشي
فلك .. خل احجي ويا ونولي
ميمونه .. متوكفين امشي لا اكلب الدنيا على راسج
فواز .. اعصابج عيني اول مره اعرف انتِ عصبيه
ميمونه .. فلك امشي ولزمت ايدهه
فواز .. شنو فلك
ميمونه .. عطت حتى اسكته فلك امشي بسرعه هسه
فلك .. اوكفي شبيج
ميمونه.. جنت لازمتهه عفت ايدهه ورحت كتلهه انتِ حره
عفتهم ومشيت بس احس جسمي كله كام يرجف من العصبيه
والتوتر الاول مره ادعي على فلك الله ياخذج فلك الله ياخذج
على هاي المصيبه
وكفت محتاره درت وجهي لكيتهه واكفه ويا باوعت عليهه
اوف اوف يافلك شكاعد تسوين خفت الاول مره اخاف الهاي
الدرجه شراح يخلصني من خضر هسه امدايه امدايه البقيت
وياج اروح للدكتوره
فلك .. عوفني كافي فواز كافي انتَ شنو من بشر ماعندك
ضمير عوفني اعتقني
فواز .. مو بكيفج اني مضحكه عندج كتلج الي اريده
فلك .. انطيتك الي تريده بذاك اليوم وكتلي تطلعني ينتهي
وطلعت حقير وصورتني وهسه سجلتلك انت هم تخسر
فواز .. مو اني الي تهددني مره
فلك .. شتريد اعتذر اسفه بس اعتقني وعوفني الله يخليك
كافي ارحمني
ميمونه .. استفزتني وكفتهه تقربت شويه وصحتلهه يلله
بسرعه
فواز .. ولي هسه نتخابر بليل اني هم صار عندي شغل مستعجل
فلك .. كافي فدوه
فواز .. كتلج ولي هسه روحي الاختج تنتظرج
فلك .. حسيت بي امل يعوفني كلت اجرب ويا التوسل بلكت
الله يهدي عليه رحت ال ميمونه
ميمونه .. الله لايوفقج فلك على هاي الورطه الي راح تورطيني بيهه
فلك .. اول مرة اطلب منج شي وللاسف عليج ميمونه
هيج مااهمج
ميمونه .. انوب تحجي تحجي يالله ، وصلت وكتلهه هسه
تسولفيلي حتى ملحكت اعرف كل التفاصيل خضر اجه متت
قهر على هالمصيبه والحيره الي خلتني بيهه وكتلهه متروح
متولي بعد وتغلق موبايلهه وكلت بعدين اخابرهه على خاله
وتكملي التفاصيل
بقيت .. طول الطريق ابجي امسح بدموعي وينزلن جان خضر
جاي بتكسي وصلنه اول موصلنه وفتح الكلوب حاولت اوخر
عيني منه حتى ميشوفني جنت ابجي
خضر .. تعالي تعالي شبكه بوسه هيج مشتاقتلي وسحبني
ميمونه .. خضر
خضر .. ميمونه تبجين
ميمونه .. باوعت علي مخنوكه هيج ماكو شي قبل لتسألني
خضر .. شصاير ليش هاي الدموع
ميمونه .. جنت مختنكه حيل كتله احضني خضر
خضر .. شبيج حبيبتي
ميمونه .. حضني وكام يمسح على ظهري جنت مختنكه
مصدومه من الي سوته فلك شلون يسوي هيج مااعرف
وشلون مااكول الخضر واني مجربتهه كلشي يصير واصله
يطلع عليه بالسوء
حاولت اتحجج باكثر من شغله ، وهو يلح عليه الي ان كتله
لان شكيت بيك البارحه خنشني عاد هو علط بيه وكال ليش
هيج ماعندج ثقه بيه وطلع زعلان مني
اني كبل اتصلت على خاله وخليت فلك تكملي وكتلهه لازم
متجاوبه وتعوفه ميتصل يفضح روحه هو صليت وره مسديته
منهه وكمت ادعي رب العالمين يسترنا
واني اصلي فتح الباب خضر بدون ميحجي ولا حرف ودخل
للغرفه جنه جايبين غرفتنه الي ببيت خالد وهولنا خالد
وشاهين جابولنه هديه واحد نص تخم وواحد بلازما علكناهه
وخضر اشتره كاونتر صغير وعلي ميز طعام صغير وسلمان
وعزوز هم كل واحد شغله كلهه ساعدت خضر بوقتها بس
هم هواي نواقص يبقه البيت هواي احتياجات
شلت السجاده ورحت وره خضر للغرفه كعدت كباله هو متجي
على الجرايايه ويباوع بموبايله بقيت كاعده واباوع عليه
خضر .. رايده شي
ميمونه .. اريد اعترفلك بشي بس وعدني تفهمتي كبل
سد الموبايل وكعد عدل
خضر .. تعترفين ، شنو ميمونه
ميمونه .. احلف تفهمني
خضر .. احجي ميمونه
ميمونه .. مااحجي والله اذا متحلف احلف بالقرآن الكريم
تفهمني الي راح اكوله غلط اكوله بس مااريد اجذب واخسر
ثقتك بيوم من الايام
خضر .. ميمونه خوفني كلامج احجي بسرعه
ميمونه .. احلف
خضر .. شتريدين ليش احلف الهاي الدرجه شي راح يأذيني
احجي بدون مااحلف
ردت اكوم وكلت مااحجي لعد جرني بحيث كعدني حيل
خضر .. احجي
ميمونه .. كتلك ، قاطعني وعاط بوجهي
خضر .. ااااحجي لا اهجم البيت على راسج احجي بسرعه
ميمونه .. ايدي خضر وجعتهه ليش تخليني اتندم لان كتلك
عندي شي اعترف بي
خضر .. شايفه لو بيوم من الايام اكتشف انتي ضامه عليه
شي وروح اهلي كلهم متصيرين مره الي بعد لو شي يصير
احجيلي ميمونه لو شنو الموضوع احجي
ميمونه .. اليوم بس وروح ابويه ووداعة الطفل الي ببطني
مجنت اعرف ومقبلت اوكف
خضر .. وين
ميمونه .. كلبي كام يوجعني وحرت وتندمت لان حجيت
بس اعرف الي يهددهه يريد صيده علينه خاصه من عرفت
شنو سبب لحكتنا وهجومه معناهه اني هم فضلت اكول
ال خضر حتى يعرف احسن ما يتهمني اجذب علي
عاط بيه احجي
ميمونه .. اي .. اني كتلك اريد احجي ليش تصيح عليه
اني مغلطت بس شوف انت حتى قبل لتعرف هيج تسوي
خضر .. مو قلقت تعرفين شديصير بيه احجي بسرعه
ميمونه .. اي اي راح احجي اني اليوم من رحت وياه فلك
تفاجئت قاسم وصلنا بس بعدين مااحس اله كالت واحد
يهددني واخاف اروح وحدي
خضر .. ورحتي وياهه
ميمونه .. لا والله لا مقبلت اروح او هو رحت بس قبل لااعرف
اكو احد مهددهه لان بعدني احجي واسأل على قاسم اجرت
تكسي وصعدت ورحت
خضر .. كملي ، كملي ميمونه لتخافين
ميمونه .. ورزلتهه والله كتلهه مالي علاقه يهددج نكول
ال خضر وداعة طفلنا اني ماادري وموكفت حتى من ،
خضر .. من شنو احجي
ميمونه .. من حجه عفتهم ورحت
بيومهه كلب البيت كلاب واني مكايلتله تفاصيل كامله كتله
مااعرف كل الي اعرفه واحد يهدد بيهه وصورهه الي نفسهم
جانن يهددوهه بيهن منعني بعد مااتصل ب فلك ومقبلت
تحجيله شي منعني حتى من الكلام وياهه
تندمت لان كلتله راح للدوام وهو ميحجي وياي بوقتهه وحلف
يمين اذا عرف متصله ب فلك لو شايفتهه يطلكني مكدرت
افتح حلكي انقهرت من كلي اطلكج يهدد بيه
٣يوم مفكر حتى يتصل عليه ومن يروح عزوز بنفس الفرع
هو وشاهين يجوني من الباب يسألوني ومرات يدخل شويه
شاهين ويروح
دزيتله رساله بليل خفت سمعت اصوات كتله خايفه حيل
وكاعد اسمع اصوات رأساً اتصل
خضر .. شنو اصوات راح اخبرلج شاهين يجيج
ميمونه .. مشتاقتلك
خضر .. يعني جذب ماكو اصوات
ميمونه .. اكو والله وخفت بس مشتاقتلك هواي ليش هيج
مردت اضم عليك جنت اكدر مااكلك
خضر .. كتلج اني لو مااحبج لو ما اطفال بيناتنا اطلكج
وماارحمج والله تعرفين اني ليش ضجت جان مفروض
متصعدين وياهه بالتكسي
ميمونه .. خاني التفكير وشلون ممتوقعه هذا الشي
خضر .. عوفج من هاي السالفه هسه الصوت شنو صدك لو جذب
ميمونه .. والله صدك بزونه بس خفت وكمت اتخيل وبنفس
الوقت راح اموت لان انتَ هيج وياي صار كم يوم خضر هيج
عادي متسمع صوتي وتطمئن عليه
حلينه المشكله بس كالعاده خضر من يطنكر عليه بقه ثكيل
عليه لفتره الى ان مره ثانيه اني من كد مازهكت كتله امدايه
اذا حجيتلك شي بعد وهم لزمهه الكلمه عليه لزمه وزهكني
بيومهه وكتله طلكني اروح يالله ها شويه فك
فلك .. فواز اخر شي مااحس اله اطلع افتقد علي ماكو بعد
ماسمعت صوته صاح ركضت الكه فواز يمه قرب على الباب
كتله خاله جوه تريد تبليني كلي رح تخليني انفذ الي اهددج
بي صبرتلج هواي
شتريد مني
كتلج الاريده
شنو الي يثبتلي متصورني لو تسويلي شي
نروح اني وياج وانتي اختاري المكان جان قبل ايام بلشنا
نحجي اني وشاهين ووضحتله احمد ماعندي شي ويا
شاهين الصح الي بحياتي بس اجه بالوقت الغلط
الي لو شيصير بعد ميصير بحياتي كتله باجر بس روح عني
صح تونه اني وشاهين حتى ممتطرقين المواضيع تونه بدينا
نحجي حتى كلامنه احب هيج واكره هيج رغم
خيبه امل من نفسي ومن حظي بس مراح استسلم ال فواز
قررت اتصل ب شاهين اعرف راح اخسره وبالحالتين خسرانه
جاوبني بارتباك لان محاجين صوت من اخر مره بيوم راشد
شعجب خوما اكو شي
فلك .. اول مره اعرف تسمع اغاني
شاهين .. هاي مو اني
فلك .. اني احبك شاهين وسكتت هو محجه بقينه ساكتين
ماكو جواب واستحي احجي اخر شي سديت الخط رجع
هو اتصل كال سديتي انتِ
فلك .. اي لان ماادري
شاهين .. انصدمت صراحه وكلت خاف متوهم
فلك اني عندي مشكله الي هيه حمصه مكاعد اكدر وكل يوم
احجي وياج بي احس نفسي اخونه
فلك .. ردت اكلك وبس لان اعرف مستحيل نصير كلتهه
هواي النفسي وراح اكولهه هسه انت الصح الوحيد الي
بحياتي صار بس بالوقت الغلط
اني لو مو حمصه ميهمني احد اتزوجج
مااتوقع العارض بس احمد من راح تعرف مراح حتى تباوع
بوجهي راح اكلك لان اني مقرره اليوم اعترفلك بكلشي
واخلص مااعرف ليش احس لازم اعترف الك
شاهين .. اني اعرف عندج شي مضموم ومنتظر اليوم
الي اعرفه بس ممتوقع منج ريحيني وكليلي كلبي حبج
هواي وانتي الغلط الكلبي لان اخويه وحزام ظهري طرف
لتتوقعين حمصه بس ابن عم اخ الي
فلك .. بحيث تطلب مني اخليك تكرهني تدلل شاهين
هو راح تكرهني
رحت ال فواز برجلي تعبت وردت انهي رحتله البيته
شاهين .. جذابه غبيه انتي مو هيج تشوهين سمعتح
مو هيج تخليني اكرهج كليلي احب احمد واضحك
واتلاعب عليك مطيه شرفج هذا شنو هاي اللغوه
والله ارميج اذا عدتيهه
فلك .. كمت ابجي وخرت الموبايل من اذني
شاهين .. فلك وين رحتي جاوبي وكولي اجذب مو هيج
مو هيج تحجين
فلك .. والله احجي الحقيقه عاط عيطه قويه وراهه اتصل
بعد ساعه كال طلعيلي فلك راح اجيج لازم اشوفج راح اتخبل
فلك .. وخاله هنا
شاهين .. طلعيلي فلك مااكدر اتحمل الباجر لازم اشوفج
فلك .. شاهين تريد تفضحني
........
