رواية لست غجرية الفصل التاسع والعشرون بقلم روز الحيدر
شهكت شهكة خفيفة جسمي وگلبي رجفوا... وقبل لا اوكع سندني بحضنه بسرعة
محمد : يابعد روح أبوچ... بنتي
هنا نهاريت رديت بصوت يرجف
وردة : شـ..شنو أبوي لو مو ابوي؟
وردة : بابا... بابا
ضمني بقوة
محمد : ياروح أبوج ...بنيتي
أمي ماكدرت تتحمل نزلت حضنتني من ضهري تبچي
تبوس وتشم بية
سناء : يابعد سنين عمري گلها ... والله عرفتج بنيتي
بابا حضنا ثنينه.. باست راسي
سناء : سباح من گلبي شلون ماعرفج!
مسحت دموعي
وردة : شنو گلت 99؟
بتسم
محمد : لا حبيت العب عليج لان نصظمت بنسبت التطابق عالية كلش
ميسر : يابعد أخوج ...
ضحكاتنا نخلطت بدمعت فرح...نزلني لزمت وجهه
بثنين بأيدي
وردة : الله يحبني هوااي ...هواي يحبني من نطاني
أهل مثلكم
ميسر : نزرعج بروحنا ورد جوري وشموخنا
ضحكت ورجع ضمني.. عيني وكعت على أمير واكف
مبتسم وعيونه تلمع بالدمع ...بتعدت عن ميسر
قربت من أمير وبدون كلام فاجأته بحضن من الصدمه
رفع ايده وردد بأذني بهمس
ضحك
محمد : بنت عمك وغصبن على الدنيا كلها
رفع عينه إلي... هاي المرة مو نظرة خوف ولا قلق نظرة شخص أخيراً حس إن الإنسانه اللي يحبه صار إله رسمياً
بصوت مليان حنية
محمد : عمي شلون أجازيك؟ شلون اردلك هل معروف؟
نظرلي وبتسم رجع رفع عينه لبابا
نسر : أريدها ...
لتفت عليه بصدمة ...كلنا نصدمنا، بابا رفع حواجبه بدهشة ماعرف يرد
نسر : تعرفون روحي تعلقت بيها قبل لا اعرفها من
دمي
بابا مارد بس نظرلي وعيونه ممزوجه حزن وفرح
محمد : يابعد عمري... يابعد هالعمر كله
نزل راسه يبتسم بحرج
نسر : عمي والله ما آخذها... بس أحجز دوري
بابا بتعد مسح طرف عينه وضحك غصب عنه وشدني لحضنه أكثر
محمد : هاي بنتي... وتبقى مدللة بيت أبوها لحد ما هي تكول أريد
نظرت لأمير بخجل... كانت أول مرة أحس كلمة "أريد"
مو خوف... مو هروب... مو نجاة أول مرة أحسها حياة
أمير باوعلي بنظرة هادئة كلها وعد
وكال بصوت
نسر : مستعد أنتظرها العمر كله
مسحت دموعي واليوم الله در علية... الرزق، الأمان
والحُب، العائلة، السند، نطاني شي ماكان عندي القدرة
اطلبة ولا عندي الجرأة اتخيلة...من حلم واحد صارت أحلام
لزمت أيدي
محمد : يله باباتي... بيتج ينتظرج
وردة : عادي تاخذني ازور حبوبتي؟
بتسم وهز راسه
محمد : تأمرين ...يله
بتسمت
ومشينا وقبل مانصعد للسيارة ماما لزمت أيدي
همست
سناء : زين ماوافقتي ولو موافقة امي ارفض
سناء : امه جانت مموافقة على زواجكم
وكفت بمكاني والتفتلها بصدمة خفيفة
وردة : ليش؟
تنهدت ومسحت على أيدي بحنان
سناء : لأنج جان ببالهـم بنية غجرية... لا أصل معروف
ولا أهل يسندوهـا، وخافت عليه من حچي الناس
تنهدت وهزيت راسي، نزلت عيني على خاتم
وردة : توقعت
لفيت الخاتم والغصة رجعت تدگ بگلبي بنفس المكان القديم
وردة : فهمت شافتني انسانة ماتليق بأبنها وهل شي
حقها
سناء : انتِ الله امتحنج بالحياة وطلعتي بعدها
أنظف من هواي ناس بقيتي ورد محافظة ؏ عطرها
بس المشكلة نزرعت بمكان مو مكانها
نزلت عيني وسكت...
بس الغصة بعدها بگلبي
وردة : بس تبقى الحقيقة...
اني تربيت بين الغجر
مو مثلهم
سناء : لا حبيبتي... انتِ مو مثلهم، انتِ أقوى منهم
لاتسمحين لماضيج يقنعج إنج أقل من أحد،..الإنسان
مو بالمكان اللي تربى بي، الإنسان بروحه وأخلاقه
تنهدت وباوعت لأمير من بعيد
وردة : أخاف يجي يوم يندم أو يحس اني مو بمقامه
ابتسمت بثقة وكأنها تعرف شي أنا ما أعرفه
سناء : الرجال الحقيقي إذا حب امرأة... يشوفها مقامه
كله
سكتت ثواني بعدها همست
سناء : وبعدين لا تنسين...أمه رفضت لأنهم مجان يعرفونج... ولو يعرفون گلبج من البداية جان محد
وگف بوجه هالحب
لفيت الخاتم بأصبعي مرة ثانية بس هالمرة بهدوء
أخف وسحبته
وردة : يمكن...
لأن حتى أني ماجنت أعرف نفسي زين
سحبت المحبس من أصبعي نزعته وضميته بجف
أيدي بقوة
غرگت عيني دموع والتفت مرة ثانية لأمير يضحك
ويا ميسر وبابا يحجي اتصال... بعدما سد الاتصال
قربوا يضحكون بكل راحة، بكل فخر...أمير نظرلي
كأنه طول عمره منتظرني أدخل هالعائلة
نزلت عيني على خاتم ورجعت رفعت راسي لماما
وردة : الحُب وحده مو كافي
سناء : لاتخافين ولاتزعلين كلشي يتصلح
بتسمت وضميت الخاتم بالجنطة
وردة : مو مهم يتصلح او لا ... المهم أنتم
لتفتا على صوت بابا فتح حضنه
محمد : جاهزة أميرتي
وردة : دائماً دام وياك
لزم وجهي باس راسي
محمد : يله لكل منتظرج
سناء : يله حبيبتي
لزمت ايدي وصعدنا السيارة متوجهين للمقبرة
طول الطريق ساكته بس امي ياعة تلمس شعري
او تبوس أيدي
لزمت قميصه وأشهك
وردة : والله مشتاقتلها والله
نسر : أرحمي حالج تعرفيها متقبل تشوفج حزينة
بقيت أبجي اجت أمي
سناء : كافي يروحي ادعيلها
بتعدت عنه وهزيت راسي قرينا الفاتحة وبوستها
وردة : والله ماانساج لأخر يوم بعمري...
مررت أيدي على تراب قبرها
وردة : ارجعلج جدة
اخذت صم تراب خليته بجنطتي
نسر : يله...
نهضني عنها اجه سندني ميسر صعدنا بالسيارة وهل
مرة للمطار صعدت بنص امي وابوي
ضمني بخفة
محمد : چنج على حُب وحنان
غمضت عيوني اني بحضن بابا مطمأنه ميهمني شنو
يصير ومن يتقبلني او يرفضني اهم شي همَ والباقي
يتعوض
ميسر : جوري... ولج خاف صدك جوعانة مااكلتي
الصبح!
وردة : لا والله جان كلتلكم
محمد : يله هسه نوصل اخذي شي من المطار لان
مجهزين غدا يلوك بأميرتي
بتسمت... بعد ما وصلنا المطار رجعوا السيارة واخذلي
اكل اكلت شوية وبعدها رحت للحمام غسلت وطلعت
شفت أمير منتظرني
مشيت لزم أيدي رد بقلق
نسر : حبيبي بيج شي؟
مابيتله بس رفعت كتافي
وردة : متوترة ...حياتي راح تتغير
بتسمت بحزن
وردة : وماعرف اذا راح يستقبلوني ڪ بنت محمد لو ڪ غجرية!
نسر : اسمعيني زين
رفعت عيني اله...
نسر :خلي كلام الناس أخر همومج وبعدين إذا واحد شافج غجرية؟ خلي يشوف... المهم اني شفتج ورد
جوري
نزلت عيني
نسر : شفت البنية اللي حاربت الدنيا كلها وحدها.. وما انكسرت
نسر : ورد جوري... الإنسان يندم على الشخص الغلط
مو من النعمة
دگ گلبي بقوة... وعيني ثبتت بعينه
نسر : وانتِ أكثر شي حلو صار بحياتي
كلامة ونظرت الحُب توترني.. هو كمل بهدوء
نسر : تدرين شنو التعب الحقيقي؟
هزيت راسي بالنفي
نسر : التعب مو ويا الإنسان اللي نحبه... التعب بالحياة بدونه
حاولت أنزل عيني بس منعني بصوته
نسر : باوعيلي
بتسمت مد كفه
نسر : يله بنت عمي
لزمت كفه تشابكت أصابعنه مشينه سوه
وردة : شلون تكدر تحبني هيچ؟
لتفت علية بنظرة مستغربة وكأن الجواب أبسط شي
بالدنيا
نسر : لأنج انتِ
نزلت عيني على أيدنه المتشابكة... وابتسمت بخفة
وردة : لا صدك... شف بيه يخليك متمسك بيه لهل
درجة؟
تنهد بخفة... بعدها قرب مني وإحنا نمشي ببطء
وردة : هاي سوالفك تخبل وردة
ضحك بخفة وضغط على أيدي
نسر : خلي أخبلها أكثر دامها حلالي وأم جهالي
ضحكت وشفت أهلي منتظرين بعدها توجهنه للباب
صعدت متوجه الحياة... نسرقت منا ماعشنـاها سوه
دفعنا ثمنها، وجع روح وگلب وفراك
ماشبعت من حنيتهم، دلالهم ولا من حضن ابوي وأمي ماصنعت ذكرى وياهم
مابينا مواقف نتذكرها ونسوالف بيها، أريد اصنع ذكرى
واحفرها بأعماق ذاكرتي ...
طول الطريق أسولف ألهم من أمير رجعني بطيارة اول مرة اصعدها وشلون خفت... بحد مانزلنا
باوع لأمير
أيسر : خفت انفهم غلط
رجع باوعلي مبتسم
أيسر : بس هسه وردتنا رسمياً
بتسمت خله أيده على كتفي حضني وطلنا سيارتين
منتظراتنا صعدوا غراضنا وطلعنا
دخنا بشارع طويل كله أشجار ونهر صغير يرافقه للنهاية
اكو بيوت متباعدة،قربنا من البيت كدامه كوم ناس وسيارت صافه حتى سيارة شرطة
لتفت لأمي
وردة : شكو؟
سناء : ماكو شي بس الناس تأكدت من خبر رجوعج
بخير وسلامة
هزيت راسي وسكتت وصلنا بالباب واشوف كدور طبخ
مصفوفه، بابا واخواني نزلوا بس اني وماما بقينا نفتح
الباب وأمير دخل السيارة وتوقف بالباب جابوا خرفان
ذبحوها
وردة : ليش؟
سناء : فدوتج ماما
بعدها دخلنا
البيت ماشاءالله جبير، من بدايته اكو مضيف ؏يسار
كلش جبير، والجهة الثانية حديقة من الباب الآخر للبيت وبنصه ممر للسيارات.
نسر : لاتنزلون..
نزل دقايق... ورجع فتح الباب من يمي، واخواني حاوطوني مثل سد عن الناس.
استغربت... بس من نزلت واستوعبت كمية العيون
اللي تباوعلي، فهمت ليش سووها
هزيت راسي، واجه شيخ ماشاءالله هيبته تسبقى... لابس غترة وعكال، وصاية شيوخ وبشت، والفرد معلك بحزامه
بابا وكف يمي، لزم أيدي وباوعلي بكل فخر
محمد : شيخ...
هاي وردتي وأميرتي، بنتي شموخ محمد.
ابتسمت من كلامه وطريقة تقديمه إلي... نزلت عيني بالكاع أول مرة أحس بفخر حقيقي
واخواني؟
فعلاً سند قولاً وفعلاً واگفين بظهري وبظهر بابا مثل لسد الماينهار
الشيخ وگف مقابيلي بنبرة حادة وهيبته
:: الحمدلله على سلامتج بوية
هزيت راسي بتوتر
وردة : الله يسلمك
بعدها صاح بصوت عالي
:: تعال!
اجه رجال يسحب ذبيحتين ونيمهن گدامي.
:: فدوتج هاي بوية.
بابا واخواني شكروه، وذبح وحدة گدامي.
يسار كال وهو يأشر للطريق
يسار : يله خوية تعدي.
عبرت ودخلنا البيت...
كله نسوان.
اخواني وبابا رجعوا للمضيف، واني وأمي بقينا خفت لا إرادياً، قربت ولزمت أيدها
اجت وحدة هلهلت ونثرت الجكليت علينا، وكلها تنظرلي بفضول تشوف شلون شكل البنية اللي رجعت بعد عشرين سنة.
هاي المرة فرحتها مبينة بعيونها ولهفتها.
هزت راسها.
:: شلونج يبعد عمتج؟
وردة : الحمدلله.
اجه صوت من بين النسوان
:: شوو شوو... سولولي مجال خلي اشوف بنت أخوي!
طلعت من بينهم مرة حلوة، عيونها وضحكتها تخبل
وكفت مقابيلي وضربت إيدها بإيدها
:: ياءء ولكم صدگ على عمتها!
ضحكت وسحبتني، واني بقيت بصدمة... شنو السالفة چنهم يعرفوني من زمان.
بتعدت عني وباوعتلي زين
:: بس لا...خوينسة مثل أمها.
اجن النسوان يسلمن على أمي وعليه، وحدة تبارك
وحدة تبوس
ماعرفتهن... كومه أقرباء، وحتى ناس بعاد اجوا، من ضمنهم مرت الشيخ، كعدت يم أمي وصارت تسألها بفضول ولهفة
:: شلون؟ وين لگيتوها؟
أمي سولفتلها عن الصور وشلون وصلوا إلها
سناء : وبعدها رحنا... عرفنا مرة بدوية مربيتها وقبل لا الله ياخذ أمانته حجتلها الحقيقة.
هزت راسها بإعجاب
:: والنعم... الحمدلله ربج مانساج.
سناء : ونعم بالله.
المرأة باوعتلي بابتسامة
:: خالة متزوجة؟
البنات واكفات يتهامسن ويباوعن عليه بفضول.
أمي حست بتوتري... ماتركت أيدي أبد.
وأني؟
چن متعودة عليها من سنين مو من هسه لزكت نفسي
بيها أكثر.
سناء : كلهم أهلج وناسج حبيبتي.
اجن بنات ثنين، جمالهم وأناقتهم تصفن، وثنينهم حوامل
سلمن على أمي، وبعدها بوسوني بحنية.
سناء : هاي حرة مرت ياسر، وهاي فطوم مرت يسار.
ابتسمت بلطف
وردة : أهلاً وسهلاً.
حرة : لج عيني، الولد من رجعوا لحد هسه ما نزلتي من لسانهم.
ابتسمت بخجل، وكعدن يمي.
بقيت صافنة عليهن... جمالهم مريح للنظر، وضحكتهم
بيها ألفة غريبة.
سناء : وردة حبيبتي، مثل خواتج لاتستحين.
ابتسمت أمي وراحت، عافتني بينهن.
حرة : ياسر أول مارجع أخذ علاوي يكله ولك بابا
صارت عندك عمه
ضحكت
حرة : اي كتله خلي اسلم عليها واشوفها كال لا من
تجي شبعي شوف وسوالف
فاطمة صفنت بوجهي مبتسمة.
باوعتلها وابتسمت
وردة : وانتِ؟
حرة : نهاية الثامن... اشوف الدكتورة شوكت تكتب العملية.
فتحت عيوني بدهشة
وردة : ها؟ عملية!
هزت راسها بتعب
حرة : إي والله... تأذيت من أول ولادة، ردت طبيعي.
وردة : لأول شنو؟
حرة : هم عملية.
عقدت حواجبي
وردة : صعبة تصير بالثانية طبيعي إذا جسمج مايساعد.
حرة : هم كالت الدكتورة... بس اني عاندت أريد طبيعي.
وردة : إي... حبوبتي جانت تولد نسوان، واني اساعدها.
اتبدلت نظراتهن بسرعة
حرة : صدوك؟!
فاطمة : يعني تولدين تعرفين؟
هزيت راسي بهدوء
وردة : إي.
حرة قربت أكثر وكأنها لكت كنز
حرة : هااا هسه اني أريد ولادة طبيعية.
ضحكت بخفة
وردة : عليمن تخربين منطقتين!
باوعوا البعض بصدمة خفيفة، واني كملت بكل عفوية
ضحكت غصب عني... ولأول مرة من دخلت البيت حسيت نفسي كاعدة وي ناس مو غريبة عني فجأه
اجت بنية تركض وتصيح
:: وينها
وكفت كبالي وشهكت
:: وردت أمير
فتحت عيوني بدهشة اجت حضنتني بلهفة وتبوس
:: شلونج الحمدلله على سلامتج ...نورتينا
بتعدت عني مبتسمه
:: اني غزا بنت عمج أخت نسر
بتسمت
وردة : تشرفت بيج
باوعتلي ولمست شعري بخفة
غزل :أكول أخيي مسطور ومدوهن مايعرف الليلة
من نهاره!
ندستني وهمست
غزل : قصدي ذايب بحبج
اجو بنات ثنين سلموا علية
غزل : هذني خواتي هاي رشا، ورنا
وردة : أهلاً وسهلاً
رشا : نورتي حبيبتي
بتسمت
رنا : ورد جوري مو؟
هزيت راسي
غزل : أي اني شايفتها
اجت، سحبتني من بينهم
حرة : خلوها ترتاح بنات عدنا وكت ونسولف وياها
كعدت والبنات حاوطوني اجت أمي يمي وشوية
وصاحوا
:: طريق راح ينزل الغدا
البنات مدوا السفرة على طول الاستقبال أخواني
ودخلوا الاكل وعيونهم بالكاع
حرة وافاطمة اخذوني عنهم للمطبخ دخلت وأباوع المطبخ جبير
ومقسوم قسم كعدة بيها قنفات وطاولة طعام وقسم
المطبخ
حرة : كعدي هنا اكلنج بعيوهن
ياسر : وردتنا لاتذبلوها
حرة : كُل شوي وحدة هاجمة عليها
ياسر : حقهم منو يصدك
دخل يسار بأيده بلم
يسار : تعالوا تغدوا بنات
فاطمة : يله كومي
خجلت ارفض
وردة:بس اريد اغسل؟
فاطمة :تعاي وياي
رحت غسلت أيدي ورجعت كعدت اخوني خلوني
بنصهم وثنينهم يخلون كدامي
وردة : اكلكم ترا والله اكلت بالمطار مااشتهي عدكم
نسوان كل واحد يوكل مرته
ياسر : نوكلهن معليج هاج حراير
خله كدامها
حرة : اني بس اشم الأكل اشبع
ضحك
ياسر : يله بس هسه دورج
يسار : لگمه ألج ولكمه الفطم
وردة : والله العظيم بعد مااكدر معدتي تشنجت
ياسر : اخر لگمه من أيدي
اخذاها بلكوة بلعتها ونهضت منهم ويسار يصيح
يسار : تعاي اخر وحدة من ايدي
ماكدر احجي اشرتله بـ لا.. غسلت ورجعت كملوا اكل
وطلعوا بقيت بالمطبخ عن زحمت الناس محد اجه
بس امي اجت ملهوفة
ضحكت
وردة : مااضيع لاتخافين
ضحكت وحضنتني
سناء : اكلتي؟
وردة : اي الحمدلله
سناء : خاف معجبج؟
وردة : لا والله كلش طيب اول مرة احس بطعم الاكل
هيج نكهه خاصة
سناء : الف عافية
وردة : منو طبخ؟
سناء : ولد عمج علي وكرار وخوانج ساعدوهم
وردة : عاشت ايدهم والله طيب
سناء : عافيت على گلبج ... تعاي يله نسوان يشوفوج
حتى نصلي
هزيت راسي رحت وياها اجو سلموا عليه وبعدها نهضت
وي امي توضيت وطلعنا دخلتني الغرفة حلوة بيها طاقة
مختلفة تهدء النفس
سناء : هاي غرفتنا أني ومحمد
بتسمت وصرت اتفرج عليها
وردة : حلوة هادئة ومرتبة
سناء :صارت ألنا اني وياج
لتفت عليها
وردة : ااااعععع...ومحمد وين يروح
ضحكت
سناء : كافي نطردة
سناء : هههههه ...مأمنه من ناحيته ميشوف غيري
وردة : بس خلي يفكر ويشوف الامهات شتجيب
ضحكنا نطتني الجادر لبسته وكفنا نصلي بعدما كملنا
طلعت ملابس طفلة صغيرة وعيونها تدمع
سناء : هذني بعدهم لسه حتى مالبستيهم
اخذت اشوفهم قطع صغار يخبلن
وردة : هسه صرت بعيرة
مسحت دمعتها وضحكت
سناء : وهاي كلادتج المحمدية وهذني حجولج
اخذتهن اشوفهن المحمدية تخبل
وردة : ألبسها؟
هزت راسها
سناء : منيتي لبسيها هي ألج
لبستها بركبتي امي مامصدكة عين تضحك وعين تبجي
اخذت الحجول
وردة : حريمة ميصيرن
سناء : خليهن البنتج
ضحكت وبقيت اهز بيهن احب صوتهن يرن نزلت
كركته تجنن
سناء : هذني كلهن البنتج
وردة : هههههههه فدوة تخبل
بقت تراويني ونضحك وتسولفلي بعدها صاحوارجعنا للاستقبال وخوات امير حاوطني، للمغرب ناس خفت
بقوا الاقارب يتعشون
لفيت عيني ألهن اتمعن بيهن وحدة تحجي وتصمصم
بحلكها ذكرت افعالهن وي أمي قربت من حرة
همست
وردة : منو اكبر وحدة؟ ومنو اكبر من أمي؟
حرة : جميلة الجبيرة ونزيلة اكبر من عمتي
همست
وردة : تكدرين دليني عليهن بدون ماينتبهن؟
نزلت راسه تهمس
حرة : جميلة لابسه حجاب اسود ونزيلة لابسه حجاب
زيتوني
هزيت راسي وسكتت بس عيني عليهن وگلبي يفور
كاعدات سوه وامي مقابيلهن صاحت
نهضت وياها
وردة : أساعدج؟
فاطمة : لا هو چاي يمعودة
وردة : عادي
فاطمة : تعاي
رحت وياها للمطبخ جهزت الچاي وصفنت شلون ممكن
ازيد الأذية!
قربت يم باب المطبخ اللي يطل على حديقة...اكو حاجز بردات موقته وماكو أحد.
رجعت أحوم بالمكان وأعصر أيدي بتوتر... روحي مو يم فاطمة ولا يم الچاي، روحي هناك يم الخاينات الكاعدات يم أمي.
لفيت راسي للصالة... وشفتها
تضحك ...
شكد يكولون علية عرمة وكحة بس ولا مرة بحياتي
فكرت مجرد تفكير اخذ زلمه من مرته وعياله ...وهاي
تخيل على رجل اختها ...أختها من دمها ولحمها ومن
بطن وحدة!
حسيت بوجع أمي لأن عشت ألم الخيانة واعرف شنو
يسوي بس اللي يقهرني أكثر أمي ولاكأن تحجي وتسولف
عادي!
ذكرت كلام اخوتي
"خالتي جانت حاطة عينها على أبوي"
رجع گلبي يغلي...
رجعت للمطبخ بسرعة... وفاطمة ترتب الصينية
وردة : سمعت وحدة من بنات عمي يمكن مدري
عمتي تصيح فاطمة
فاطمة : يله هسه أروح... بس عينج على الچاي.
وردة : دللي.
طلعت وبمجرد ما اختفت سكت كلشي بداخلي له
صوت الانتقام فتحت الغطى ببطء... وإيدي ترجف
مو خوف قهر
فرغت بطل الزيت بالچاي.
رفعت النار أكثر... صار يفور وگلبي يفور وياه
كلشي براسي چان يصيح:
أرد الصاع صاعين وثار الخدج أخذة لو بعد أربعين
سنة مثل ثار البدو ماتطفي ناري
شلت القوري وي الاستكانات وحطيتهن بالصينية
طلعت بيهن للاستقبال.
تلگتني
فاطمة : شبسرعة صار!
وردة : شبيج غلطت... قصدي صار رتاحي أني أخذه.
تعديتها ومشيت مبتسمة.
الحياية مكابلات أمي، يضحكن ويسولفن وكأن ماكو
شي مايعرفن أذا أمي نست أني ماانسى
وكفت مقابيل أم دوده ...
ولويت رجلي عمداً
شهكت بصوت عالي والچاي الفاير انكَب كله على نص وجهها وصدرها، وأني وكعت بحضنها
صارت تصيح
:: يبووووو! حتركت!
دفعتني عنها هي ترفرف بأيدنا جنها طير مذبوح صوتها يعلى أكثر وأكثر.
كلها كامت أمي سحبتني مرعوبه
الاستكاين انكسر ... والكزاز شگ إيدي الدم ترس الگاع أمي بسرعة سحبت كلنگسي ضغطت على جرح
سناء : سودة بوجهي ولج ماما سويتي
بس ما حسيت.
قسم بالله ما حسيت بألم
صياحها چان مهدء ألم الروحي وجروحي برد نار سنين كاملة بگلبي
دخلت الزلم يركضون، والبنات بسرعة نسحبوا بعيد، هي بعدها تصيح وتتلوى جنها سمجة طالعة من الماي.
رفعت إيدي... الدم ينزل منها بغزارة.
بابا شافني وركضلي فوراً، بينما ولدها أخذوها للمستشفى
واختها وياهم
محمد : ولج بابا شلون هيج صار؟!
رجفت وماكدرت أحچي.
فتح عيونه بعصبية وقهر.
محمد : سناااء! شلون صار هيج؟ وليش تخلوها تشتغل من أول يوم؟
لزمت إيده
وردة : يروحي والله مابية شي...
محمد : شلون مابيج شي وإيدج تنزف؟
بهاي اللحظة دخل أمير يركض هو وباقي أخواني.
نسر : جوري شبيج؟!
وردة : جرح بسيط... ماكو شي.
أخذ إيدي، ومن شاف الدم تبدل وجهه
نسر : يله للمستشفى... خاف تحتاج خياط
وردة : لا-
قاطعني بعصبية.
نسر : مو وكت عنادج، امشييي!
محمد : بس فهموني شلون صار؟ شلون انكب عليها؟
سناء : والله ماعرف... فجأة رجلها ألوت.
محمد : وليش هي شايلة الچاي أصلاً؟! بعدها أول يوم
إلها بالبيت!
رفعت عيني له
وردة : حبيبي ...يعمري والله مابية شي اني اخذت
الچاي ورجلي نلوت
هز راسه
محمد : أهم شي تكونين زينة
صعدنا بسرعة أمير شغل السيارة وطلعنا وياسر ويسار بغير سيارة وصلنا للمستشفى، نزلوني للطوارئ بسرعة.
الدكتورة غسلت الجرح... ومن حطت المعقم شهكت غصب.
يسار : ممنوع بعد تلمسين شي... فهمتي؟
هزيت راسي مثل الطفلة
ياسر : صدك جذب خوية... شلون صار هيج فجأة؟
رفعت عيني إله بخوف بس ماحجيت طلعت الدكتورة
هنا أمير قرب أكثر... وكعد بصفي
نسر : هسه تحجين؟
باوعت لأمي بسرعة
وردة : ماما أريد ماي
محمد : روح يسار جيبلها
وردة : لا.. أريده من إيدها
سناء : صار يروحي دللي
يسار : على كيفكم شباب.
ما نزل عينه مني قرب وجهه أكثر
نسر : ست جوري... اسمعج.
نزلت راسي... وكلبي يدگ بعنف.
وردة : متقصدة.
سكتوا يردون يعرفون، سمعوا صح لو اكو شي غلط
ياسر عقد حواجبه بعدم استيعاب
يسار : شنو يعني متقصدة؟
رفعت عيني ببطء...
وردة : أني...متعمدة ذبيت الچاي عليها
بصدمة
يسار : ولج شتحجين انت؟!
ياسر : ولج خوية قصة صارلها سنين والتراب غطاها
وردة : واجيت اني نفخت التراب
ياسر : بس مو لهدرجة تحرگينها!
صحت
وردة : وأمي؟! محد شاف شكد گلبها شكد نحرك؟!
سكتوا كلهم.
شهكت وبديت أبچي بحرگة
وردة :مو تكولون أمي صارت جثة؟ مو تكولون بابا
منعهاوطردها بس بقا تحوم على رجل اختها!
سكتوا محد بيهم نطق
أمير رفع إيده ومسح دموعي بإبهامه... بس عيونه
بعدها مصدومة
نسر : انتي تعرفين شنو سويتي؟
هزيت راسي بخفة.
وردة : إي.
نزل عينه على إيدي الملفوفة... بعدها رجع باوعلي.
نسر : وأذا صار بيها عاهة؟
سكت.
وردة : ...أن شاءلله تستاهل
اجو أمي وأبوي فتحت بطل الماي تريد تشربني قبل
مااشرب بست أيدها
سناء : عمت عيني عليج ولج گلبي فرفح
وردة : أسم الله عالگلبج يروحي مابية شي والله
بس خطية أختج خومابيها شي؟
ضحك
يسار : اخذت ثار منسي بلحظة وحدة
أبوي فهم عليهم نزل راسه وطلع وأمي مامستوعبة
الصدمة
بابا صاح من خلف البردة
محمد : نسر تعال عمو
طلعوا كلهم
أمي لزمت أيدي
سناء : أللي فهمته صح؟
رفعت كتفي بخفة
وردة : ماعرف شفهمتي؟
ضحكت
سناء : فدوتج أهلي ومالي
حجيت بهمس
وردة : وحدة حشاج بـ*** لمفروض احرك****
سدت حلگي
سناء : ولج ... ولج
بعدت أيدها
وردة : ياء شبيج! عمي خلي تحب عشرة ولاتخلي
عينها على فحل غيرها ام **
هزت راسها تضحك
سناء : هسه اني أضحك لو انقهر؟!
هزيت جتف وبتسمت
وردة : ضحكي بيعد بيتي جعل محد غيرج يضحك
حضنتني تبوس براسي واخذت ايدي تبوس بيها
وردة : خو حميد ماحجى عليج؟
سناء : لا بس خايف عليج
باوعت لأيدي لمفوفه بتسمت
وردة : يمعودة بالريش مااحجيلج عن البالعضم دگن
سناء : اعرف بس خلاص ماضي ونتهى
وردة : يمج نتهى بس يمي ماينتهي له يبرد گلبي
مسدت على شعري
سناء : هسه برد؟
رفعت كتفي
وردة : ماعرف بس رتاحيت
سناء : لاتهتمين ولاتخافين أمج عدها يقين بعدالة
الله سبحانه
وردة : ونعم بالله بس الله هم يكلج ليش مادافعت
عن حقج
تنهد
سناء : يمكن صح بس وقتها عف الطير گلت لو طار
هذا موألي ولو بقى وتحمل يعني ألي
بتسمت
وردة : حميد خوش حميد؟
ضحكت بقهقه هزت راسها
سناء : أي كُلش خوش
وردة : ماتشوفين الزلمه واكع على راسه حتى لكلمة
تضميها
ضمتني الصدرها وتضحك...دخل بابا ملامحة هادئة
محمد : شلون صرتي حبيبتي؟
وردة : زينة
محمد : يله باباتي كومي
نهضت طلعنا من المستشفى اخواني بالسيارة وحدهم
واني واهلي صعدنا وي أمير يسوق
محمد : نسر من باجر تاخذ الملف وتستلم القضية
لان انت أعرف بيها
نسر : تأمر ان شاءلله
باوعلي بالمراية وكال
نسر : جوري... تتذكرين يوم رحنا للمصرف وعرفنا التحويل من رجال؟
وردة : إي... منو طلع؟
هز راسه.
نسر : أخوها... موصيه يحول إذا صارلها شي.
محمد : إي... وبابا راح يطلع حقج من عيونهم، كل دمعة نزلت من عين أمج وعينج أدفعون ثمنها بغلات أرواحهم.
وردة : الله ينصركم إن شاءالله.
أمير باوعلي من المراية، وغمز بخفة إني كاعدة خلفه مديت إيدي وكرصته من خاصرته.
رفعت عينيه علي بسرعة
بس قبل لا أسحب إيدي، لزمها وضغطها بخفة بلكوة فلتتها منه
ضحكت وسندت راسي للجامة لحد ما وصلنا البيت
دخلت السيارة،... تلكانا رجال بطول وضخامت بابا
:: ها محمد بشر شلون صارت؟
محمد : الحمدلله مابيها شي جرح سطحي
لتفت الـ بابا
محمد : عمج أبو علي
سلمت عليه واخذت أيده بستها سحبها وباس راسي
:: الله يحفظج عمو نورتي بيتج
ماعرف ارد بس بتسمت بوجهه دخلنا كعدوا بالاستقبال
خالي من النسوان بس امي ومرت عمي والولد اجوا
أيسر : حمدلله على سلامة
وردة : الله يسلمك
ميسر : بشري خو ماكو شي خطر؟
وردة : لا جرح بسيط
أيسر : خيطوه؟
كعدو منزلين راسهم ماخلوا عينهم بعيني أمير كاعد
بينه وبيني امي
ميلت نفسي له
وردة : اموري تعال
لتفت وامي باوعتلي بصدمة خفيفة
لتفت عليها
وردة : ماما سدي أذنج
رفعت حواجبها بدهشة
امير تقرب همستله
وردة : ولك شو اخوتك مؤدبين مو مثلك سـ***
عض شفته بخجل وضحك أمي فتحت عيونها علية
سناء : ياء! جوري!
يأشر يريدني اسكت امي نهضت كالت بصوت مسموت
سناء : كومي ... كومي رتاحي ماما تعبتي
محمد : اي باباتي روحي رتاحي
امي تعذرت منهم وطلعنا من الاستقبال تلكوني البنات
تحمدولي ودخلتني للغرفة
سناء : ولج ماما عيب شلون هيج تغلطين علية
كعدت على سرير
وردة : الله وكيلج أني ويا صايرين مكافش من روس
هد واني اهد
سناء : هااا ...اشو مااعرف
وردة : هسه عرفتي
سناء : عزاا... ولج شمصخمة ويا!
جفلت ورفعت عيوني بسرعة.
وردة : شنو؟ والله ما مسوية شي!
سناء : وليش ابتسمتي؟
نصدمت، وعقدت حواجبي.
وردة : معقولة تفكرين بهالطريقة؟ أني أحچي بسرعة
وما أفكر، بس مو لهالدرجة حتى تنحسب علية قلة
أخلاق
سناء : لا والله مو قصدي...
نزلت راسي بأنزعاج
وردة : قصدج لو مو قصدج... هذا اللي وصلني أني بنية وحتى من أتعرضت لهجوم وانظلمت، رحت سويت فحص وطلبت ورقة من الدكتورة لأن أعرف الدنيا ما بيها أمان
هزيت راسي وتحسرت
وردة : وحقج تفكرين هيچ... لأنج ماربيتي بنتج ولا تعرفينها...غير عايشة وي الغجر وطبعت بطباعهم
سكتت أمي ثواني وباوعتلي بنظرة طويلة مو زعل بس انكسار خفيف بعينها.
سناء : جوري...
ما رديت، بس نزلت عيني.
سناء : مو قصدي عليج... والله مو هيچ.
هزت راسها وقربت مني شوي، وصوتها صار أهدأ.
سناء : بس أني خفت من طريقتج، من كلامج
تنهدت ومسحت على شعري.
سناء : أنتِ بنتي... بس مرات ما أعرف شنو يدور ببالج
رفعت كتفي بخفة
وردة : صار لازم أبطل اتصرف بسرعة واحجي كلشي
كلام أمير صح مو لكل يتقبلني ويتقبل اسلوبي وكلامي
وردة : مو مهم...
لمهم كلامج أجاني مثل الكف صحاني
فتحت عيونها وبسرعة نترست دموع
سناء : جوري!
وردة : تعبانة أريد ارتاح
سناء : ماما!!
لفيت وجهي عنها
وردة : تعبت أريد انام
نهضت وردت بصوت مكسور
سناء : تمام
طلعت وسدت الباب ضميت وجهي وبجيت كتمت
صوتي حتى محد يسمع بعدما كملت مسحت دموعي
واخذت الجنطة طلعت مبايلي وأيدي ترجف وايد
الثانية توجعني
نسر : الو
وردة : أميري...
سحب نفس قوي
نسر : يبعد عيون گلبي
ضحكت واني امسح دموعي
نسر : كول حبيبي
وردة : زعلت مني؟
بأستغراب
نسر : ليش أزعل؟ لحظة صوتج شبي؟
نهضمت وبجيت
نسر : جوري لاتخبليني شبيج؟
رديت واني ابجي
وردة : خلي أكمل بجيتي واسولف
نسر : لاتبجين ماكو شي يسوه دمعتج غالية
سكتت امسح عيوني
نسر : حبيبي ...يبعد عيوني فهميني عليمن هل دموع؟
وردة : أمي
نسر : شبيها؟
وردة : من حجيت وياك هيج قبل شوية كالت عيب
شلون تغلطين كتلها الله وكيلج اني ويا صايرين مكافش
من الروس
نسر : اي
بلعت ريكي
وردة : جان تكلي اي وبعد مارديت عليها سكتت ضربت
خدها تكلي شمصخمة ويا
بصدمة
نسر : هااا؟ عمتي هيج كالت؟
وردة : ابد والله مافهمت غلط قصدها واضح بس يمكن
لازم اغير تصرفاتي واخلي حدود
نسر : حبيبي اني شنو كتلج مو كلها شافت اللي شفته
بيج
وردة : والله ماتوقعتها هيج تحجي وحتى لو نفرض
صاير شي مالهم حق يحاسبوني على فعل سويته واني
ماعندي اهل
تنهد
نسر : لاتزعلين
وردة : هواي زعلت مدري اول مرة هيج گلبي يوجعني
من كلمة ماتوقعتها تطلع من أمي
نسر : كافي الخاطري حبيبتي
وردة : وين أنتَ؟
نسر : بالحديقة
وردة : خو ماكو احد؟
نسر : جؤ... تعاي بسرعة
وردة : اجيت
سديت الخط ونهضت فتحت الباب طلعت البنات
متجمعات بالصالة
:: شموخ تعاي
وردة : لا اريد اشم هوى
ستكوا عفتهم وطلعت من باب المطبخ باوعت امير
واكف بالحديقة رحت بس شافني فتح حضنه
نسر : هلا بروحي
بدون كلام حضنته وخليت راسي على صدره ضمني
بقوة يشهگني بتعدت عنه اخذ ضفيرتي يشمها
نسر : مشتاقلج
لمس وجهي خليت خدي على كف ايده وغمضت
لمسه بخفة
نسر : خدودج ترفه
فتحت عيوني بتسمت
نسر : ضحڪي ولاتزعلين
بتعدت
وردة : والله زعلت
سكتت ثواني رفعت عيني له
وردة : معقولة بابا واخواني هيج مفكرين؟
نسر : لا حبيبي حتى عمتي مو قصدها والله اني اعرفها
هزيت راسي
وردة : مااقتنع
نسر : نفرض قصدها من حقها تسألج
وردة : لا مو من حقهم...و اي شي صار وياي وهمَ مو بحياتي ومو مسؤولين عني مألهم هذا الحق
نسر : يمكن سالت من باب الفضول
وردة : المهم كلامها نگر بگلبي ومن هل ساعة هاي هسه
بيش الساعة؟
بتسم ورفع ايده شاف الوقت
نسر : الساعة بالعشرة
وردة : خلي يشهد التاريخ من الساعة بالعشرة هذولة
راح يشوفون وجهه ثاني الجوري
رفع حواجبه
وردة : ليكون مامقتنع؟
نسر : أنتِ ام گلب الطيب
وردة : خـ** بگلبي
نسر : لا حشا
وردة : أسمع ترا أشملك بالقانون
رفع ويده
نسر : لااا... دخيلج كملي
وردة : اي من الساعة بالعشرة راح اتعامل وياهم بوجهه
ثاني واطلع العشرين سنة من عينهم يصرفون ويدللوني
غصب عنهم وعن الخلفوهم
سكتت وگلبي مقهور
وردة : حتى زواج مااتزوج ابقى نايمة على گلبهم
نسر : لا حبيبي تعاي نامي على گلبي معليج بيهم
رفعت عيني احجي بقهر
وردة : خو انت عسى ماحجيت كلمة ستغليتها
ضحك
سكتت ورجعت تنهدت رفعت عيني له
وردة : معقولة تصرفاتي وأسلوبي غلط؟
هز راسه
نسر : لا بس كل واحد بينا يشوف الحياة من زاوية
مختلفة خاصه هنا يربطون كلشي بالشرف
نزلت راسي
وردة : بس صدك راح اتغير عبالي صدك يحبوني ومتقبليني بس طلعت لهفة البدايات
نسر : لا ورد لاا مو من اول كلمة تاخذين موقف هل شي
غلط عتبريها مثل حبوبتج وحجت هيج ليش صايرة
حساسه زيادة؟!
وردة : تعرف شنو أكثر شي وجع گلبي
نسر : شنو؟ يبعد گلبي گلبج
تنهدت
وردة :أمي هيج تفكر بية! وعبالي أخر وحدة تشوفني
بالنظر هاي من سمعتها حسيت گلبي نكسر
نسر : لأنها ام وتخاف وحريصة عليج هيج فكرت لا من
موقف او كلمة تغيرين سلوبج همَ حبوج وتقبلوج مثل
ماانتِ
صعبت علية احجي احس غصيت بكلمة
وردة : احس أمي ممتقبلتني رغم اني فتحت گلبي
الها وسولفلها كلشي ماضميت عليها والله
سكتت رفع ايده مسح دموعي
نسر : كافي لاتكبرين الموضوع
هزيت راسي
نسر : عمتي وين؟
وردة : ماعرف كتلها تعبانة أريد ارنام
فتحت عيونه
نسر : شنوو؟ شلون هيج تحجين وياها؟
وردة : خفت احجي وياها كلام يزعلها
بسرعة طلع مبايله وتصل
وردة : شكو؟
نسر : ألو يسار عمتي وين؟ لا مويمها بسرعة شوفها
ٍ... ماكو شي بس شوفها وخابرني
سد الخط
نسر : امشي
وردة : مافهمت؟
نسر : من تزعل تعزل نفسها وتكوم تبجي
نصدمت وركضت بسرعة دخلت للبيت أصيح
وردة : مامااا ...مامااا
اجه ياسر يركض
ياسر : شكو امي وين؟
وردة : ماعرف
رجعت صحت
وردة : مامااااا
سمعت صوت اجه
ميسر : هاي
ركضت وكفت باب الغرفة
هزت راسها بس دموعها تنزل رفعت عيني لميسر وجهه
مطعون قهر
وردة : شبيها؟
ميسر : مابيها شي خليج يمها هسه تصير زينة خلي
طمنهم
عافني وطلع
قربت لمست وجها ودموعي تنزل
وردة : احجي متحبيني صح؟
هزت راسها بنفي
سناء : والله احبج والله قطعة من گلبي انتِ شلون
ماحبج وروحي تعذبت بعدج
نهضمت وحضنتها
وردة : سامحيني ...سامحيني
واني حاضنتها تبوس راسي
سناء : أنتِ سامحيني والله موقصدي وعيونج وغلاتج
سحبت وجها ابوسها وابوس راسها
وردة : لااا ماما أسم الله عليج
بتعدت اباوع بعيونها
وردة : اني حجيتلج كل شي والله ماضميت عليج شي
وأمير قبل ماحبه عندي ميانه ويا متعود على أسلوبي
ويعرفني
هزت راسها
سناء : وأني هم أتعود مثله ... والله اتعود
اخذت ايدها بستها
وردة : سامحيني والله أسمع كلامج ومااحجي شي بعد
واغير حتى أسلوبي
سناء : لا... لاتتغيرين خليج مثل ماانتِ
مسحت دموعها
وردة : كافي ...حبابة لاتبجين گلبي مايتحمل تبجين
بسببي
هزيت راسي
وردة : ليش ضربتي نفسج؟
نزلت راسها
سناء : لان غلطت وياج وزعلتج
اخذت أيدها بستها
وردة : تعاي أضربيني ولاتضربين وجهج الحلو
سناء : تنكسر أيدي اذا امدها عليج
وردة : اوعديني ماتسوين هيج حتى لو اني وياج
تعاركنا
سكتت
وردة : ماما أوعديني
سناء : مااكدر موبأيدي
وردة : لا بأيدج المفروض من كتلج عوفيني انام
ماتقبلين تعوفيني وتبقين يمي حتى لو تنگلب
الدنيا بينا ماتعوفيني
وردة : وعديني لو مهما يصير ماتسوين بنفسج هيج
هزت راسها
سناء : وعد ...وعد مااسويها
رجعت حضنتها بقوة
وردة : لاتحرميني منج
سناء : يمج والله
بتعدت عنها
وردة : تدرين ليش زعلت من كلامج؟
سناء : ليش؟
نزلت راسي وبصوت مكسور
وردة : لأن طول عمري الناس تحكم عليه قبل لا تعرفني
وكل واحد يشوفني بصورة غير شكل ...بس انتِ؟
وردة : حتى باهر...
رغم كل اللي سواه بيه عمره ماجرحني بهاي الطريقة.
لأن هو يعرف ورد جوري شنو ...بس لمن سمعته منج
حسيت كلشي انكسر بية.
شهكت وكأن الكلام طعنها
سناء : لا... لا يمه، لا تكولين هيچ.
لزمت وجهي بين إيديها وأجبرتني أباوع بعينها.
سناء : والله لو أعرف كلمتي راح توجعج هيچ جان
گطعت لساني ولا حجيتها.
نزلت دموعها أكثر.
سناء : أني مو الناس... ولا يوم إصير مثلهم أني أمج
وانتِ روحي ونظر عيني أنتِ مو بنتي وبس...أنتِ
عمري اللي رجعلي بعد عشرين سنة.
هزيت راسي ودموعي تنزل.
وردة : بس وجعتني
وردة : يله
اخذت ايدها ودخلنا غسلت وجها بأيدي ونشفته
وطلعنا لميت شعرها وعدلت حجابها طلعنا شفت
بابا واخواني منتظرينا وكأنهم اعرف بحالها
محمد : سناء شبيج؟
سناء : مابية شبيكم؟
سكتوا
محمد : امشي رتاحي تعبتوا اليوم هواي
اخذنا للغرفة
محمد : دخلوا باباتي
بتعدت عن امي وبتسمت
وردة : تعال نيم بنيتك
بتسم وقرب على امي لزم راسها باسها
محمد : شبيها حبيبتي
بتعد عنها
محمد : حقج والله
لتفت
محمد : بابا أيدج شلون صارت خو متأذيج؟
بتسمت وباوعتلها وقبل مااحجي الكلام حجيه بگلبي
وردة : جعل كل اوجاعي هيج ولا بالگلب
محمد : باباتي!
رفعت عيني له بتسمت
وردة : مابيها شي متوجعني
محمد : يله بيتي رتاحي ونامي
هزيت راسي شفت الجنط بلغرفة طلعت منهم تراك
واكو حمام بالغرفة دخلت بدلت وطلعت
ضربت على مخدة بنص
سناء : هنا تنامين
بتسمت
محمد : بنيتي خو ماحتريني؟
وردة : لا البيت بارد والغرفة مثلجة
قربت ونمت بنصهم خليت راسي على وسادة بس ابد
مارتاحيت
سناء : من باجر ميسر يبلش يصمملج غرفتج حتى
تاخذين راحتج
بتسمت غمضت عيوني امثل النوم بس داخلي صاحي
والف حسبه تجيبني وحسبه توديني
طولت واني على فد نومة ماتحركت جسمي ساكن بس
عقلي عبر قارت ...عبالهم نايمة سمتعت يتهامسون
محمد : تدرين احنا مانعرف شي عنها لا شلون تنام
شنو تحب؟ وشنو تكرة؟ شلون من تعصب؟ حتى
اذا زعلت مانعرف شلون نراضيها
سناء : اليوم عرف هي حيل حساسة وتزعل بسرعة
محمد : لا مااتوقع بنتي قوية
سكت وبعدها كمل
محمد : نسر سولفلي عنها وكال عندي استعداد اخلي
بفيلق زلم تصير قائدهم من ذكاء واللسان كال واجهت
اشياء أكبر من عمرها وعاشت بيئة غير صالحة للعيش
وطلعت وردة محافظة على عطرها ونقاوتها
صوتها نكسر
سناء : اليوم اول يوم ألها بينا وأني زعلتها
محمد : صدك تحجين؟!
سناء : صوتك!
رجع همس
محمد : شلون هيج تحجين وياها سناء ميصير
تفرضين سيطرتج وتتحكمين بيها من اول يوم؟
سناء : ماتوقعتها تزعل
محمد : طبعاً تزعل ومألنا حق نحاسبها على شي صار
وياها وهي وحدها جانت تواجهه الشين قبل الزين هل
تصرف غلط منج
سناء : ماعرف شلون طلعت من اللساني
محمد : لهذا حبستي نفسج بالغرفة؟
سناء : اهمم
محمد : سوسو حبيبتي بنيتنا عاشت بغير عالم ورغم
كلشي صار وياها أني جداً فخور بيها لان أشوفها مثل
الطفل مايضم شي شنو يصير ويا يسولف احب هل
صفه بيها
سحب نفس قوي
محمد : والمفروض ماتمنعيها وتخليها تنفر منج وهي
بعتبارها اليوم اجت على دنيا ونورت حياتنا
سناء : غلطت وياها شسوي؟
محمد : لاتسوين شي ولاتحاولين تغيريها خليها مثل
ماهي احنا ماصدكنا نلگاها... خليها تعيش مثل متحب
لاتتحكمين بيها
سناء : بس من خوفي عليها والله خاف الناس تحجي
محمد : سناء ...انتِ سمعتيها الخايفة تسمعه من الناس
سكتت
محمد : نامي بوية وعوفيلي بنيتي تعيش مثل ماتحب
كافي بينا فجوة عشرين سنة... خلينا نعوضها ونتعرف عليها مو نحرمها ونحاول نغيرها بين يوم والليلة
حسيت بأيده لمست شعري
محمد : عاشت عمرها وحدها ودافعت عن نفسها ماينخاف عليها هاي بنت محمد ينخاف منها
امي ماردت بس حسيتها خلت راسها على وسادة
وتباوعلي
بس كلمات بابا نزلت مثل الماي بارد خمدت نار گلبي
وأيقنت من أكول سند هيج بأفعاله وأقواله ... أيده
بقت بشعري هنا حسيت براحة بسرعة غفيت..
فزيت على صوت لمسات وهمسات
سناء : وردتي ...
صحيت بس مغمضه عيوني طبعت بوسه بجبيني
سناء : دعوتي المستجابة
وردة : هممم
سناء : تصلين؟ الملائكة منتظرتج
ضحكت وفتحت عيني
وردة : عود صدك؟!
بتسمت هزت راسها
وردة : هاي يرادلها حظ وبخت
لمست شعري
سناء : وانتِ عندج الحظ والبخت
كعدت وسحبت راسها طبعت بوسه قوية بخدها
وردة : مممممح
ضحكت ورجعت بوستني
سناء : خوومو زعلانة؟
وردة : جؤ ...نتعود على بعض شوية شوية تدرين
اني حجيتلج عن حبوبتي الله يرحمها اني وياها مانستحي چن صديقات ومااضم عليها ولا حرف
هي تفهمني وافهما.
نزلت راسها
سناء : أكدر اصير مثلها
رفعت راسها.
وردة : لا...
انكسرت ملامحها شوي
وردة : لأن حبوبتي وحدة وماكو منها اثنين.
سكتت ثواني ومديت إيدي لمست خدها
وردة : بس تكدرين تصيرين أمي...وأني أتعلم أحب
سناء مثل ما أحب حبوبتي.
دمعت عيونها.
سناء : صدوك؟
ضحكت
وردة :صدووك
رفعت كتفافي
وردة : تتحمليني؟ واذا غلطت تعلميني!؟
ضحكت وسط دموعها.
سناء : أتحملج؟ مستعدة أتحمل الدنيا كلها علمودج.
ضحكت ودفنت وجهي بحضنها.
وردة : زين لأن عندي هواي سوالف وهواي إزعاج
سناء : جيبيهن كلهن... عشرين سنة سوالف أني
أسمعهن
وردة : اووو عندي سوالف وقصص من الغجر تشيب راسج
هزت راسها
سناء : ياريت والله
وردة : أي والله
نهضنا
وردة : حمودي وين؟
فتح الباب طلع من الحمام يضحك
محمد : هلا بهل صباح الحلو
ضحكت اجه باس راس
محمد : صباح الخير حبيبتي
حضنته
وردة : انت الخير واهله وناسه
سناء : شنو هل كلام كله لأبوج!
بتعدت وفتحت حضني
وردة : تعاي ...تعاي سوسو كلشي ولازعلج
حضنتني وراها توضينا وكفنا ورا بابا نصلي بعدها
رجعت لفيت نفسي بالبطانية الغرفة باردة ضلمتها
ونمت
وفزيت على صوت رج البيت طلعت أركض
وردة : شكوو!
فاطمة : اسم الله لاتخافين ماكو بس ميسر شتغل
مهندس من هسه
وردة : شنو؟
فاطمة : ديسوي غرفتج
اشرت رحت للغرفة شفته الغرفة يفلش بالحايط
وردة : ياااءء
لتفت وترك من ايده
ميسر : هلا بورد جوري...راح اصمم ألج الغرفة
على ذوقي بس اللوان واخشاب غرفتج اني وياج نختارها
وردة : غير فلشت البيت يمعود!
ميسر : لا تعاي شوفي
دخلت
ميسر : هاي الغرفة تخليهن بيها غرفة الاخشاب
وهاي الغرفة لي فلشت الحايط صغيرة اسويلج
بيها كعدة وترتيباتها
بتسمت
وردة : الله يقوك حبيبي
خله أيده على صدره صاح بتمثيل
ميسر : اخ گلبي رجف ...
ضحكت هزيت جتفي ونزلت
وردة : ارجف للكاااااع
ضحك
ميسر : يله روحي لاتدمرين
رجعت طلعت رحت لأمي بالمطبخ
وردة : أساعدج؟
سناء : لا ماما رتاحي بعدين ممنوع تشتغلين شوفي
أيدج
نتبهت على ايدي
وردة : اختج شلونها؟
هزت راسها
سناء : مو زينة نص وجها وركبتها متاذيات
وردة : تموت؟
سناء : لا بس الحرگ قوي احتمال يبقى أثر
بتسمت
وردة : اي هاي الاخبار الحلوة
سناء : شنو تحبين اسويلج ريوك؟
وردة : مااشتهي ...
سناء : شلون ماما
وردة : لا اني ماحب اتريك و مااكعد جوعانة
سناء : تمام من تجوعين كولي
وردة : صار ...
منو هنا؟ شفت باب الأستقبال مسدود
سناء : بيت عمج ...جوري حبيبي خوالج حيجون
اليوم يشوفوج
وردة : البارحة مااجو؟
سناء : لا طريقهم بعيد
هزيت راسي وطلعت اريد ادخل الاستقبال سحبنتي
حرة : مو ميصير دخلين يعني ممنوع الزلم ونسوان
تكعد سوا
رفعت كتافي
وردة : واني حاسبة نفسي زلمه
عفتها ودخلت سلمت عليهم عمي كلش حباب والولد
هم محترمين امير أشرلي اكعد يمه
اخذت علاوي من ياسر وكعدت يم امير بينا كرسي
فارغ بس امير لطش عيونه بوجهي
همس
نسر : شلونها جوريتي
وردة : زينة بس عينك نزلها فضحتني
نسر : وهيج تسوين بية الليل كله مانايم من وراج
نسر : روحي شوفي اريد احجي وياج
وردة : تأمر ابن عمي
ضحك
وردة : سد حلك فضحتني الله يفضحك
لف وجهه واني ابوس بعلاوي عمي بقى يسولف وياي
ويضحك لحد مااجوا ناس اخذت علوش وطلعت شفت
مبايلي كومة داز صوتيات ومتصل
رجعت اتصلت بي حجينا شوية وطمن علية ويهونها
وشوية شوية يتعودون عليج ...واني هم حسيت
كبرتها وهي صغيرة بس لان ماتوقعتها من أمي بعدها
ناس رايحة جاية خوالي وخالاتي واقاربهم ومعارفهم
طش الخبر
وميسر كرس كل وقته للغرفة يشتغل بيها لليل ونهار
هو واخواني واحلى موقف شافته عيني
وكفت باب الغرفة أباوع...
اخواني اربعتهم وكل واحد بيهم يصبغ ركن من اركان
الغرفة
بابا واكف بالنص يراقبهم وينطي ملاحظات مثل القائد وهو أساساً قائد بكلشي..
أمي يمه تباوع عليهم وتبتسم أباوع للمشهد وكأنه مو
إلي لأول مرة بحياتي أشوف ناس يتعبون علمودي
مو لأنهم مجبورين...
مو لأن عندهم مصلحة...
بس لأنهم يريدوني أفرح.
يمكن هسه هي مجرد غرفة...
بس بعد فترة راح تصير مكاني.
راح تصير الركن اللي أنام بي، وأضحك بي، وأبچي بي، وأخزن بي ذكرياتي الجديدة وياهم
طلعت وي ميسر وأيسر ختاريت غرفتي وميسر اختار اكسسوارت ورجعنا وخلال اسبوع واحد كلشي جهز
والغرفة نصبت ونفرشت وبابا يصيح
محمد : لكم بنيتي ماتتحمل الحر نصبوا السبلت قبل
كلشي
ياسر : جبتلها عمودي اخليها تجرش
ضحكت وحضنته
احلى شي بيهم ماحسسوني اني ضيفة ولازم اتقيد
خاصة بابا واخواني رغم عدهم تشدد له وياي وهل
شي خله علاقنا تكون اعمق واقوى
اني وماما علاقنا صارت افضل من قبل بهواي احجي وياها بدون خوف وبدون تفكير اذا صح او غلط هي
بدت تنصحني بطريقة افهمها
خواني جهزوا غرفتي وفرشوها بأيدهم صارت تجنن
حتى صوري وصور حبوبتي طبعوهن خليت صورتها
على ميز يمي
امي جابت ملابسي وكفنا نرتبيهم سوه بالكنتور نسولف
ندستها
وردة : صارله أسبوع حمودات محروم منج
ضربتني بخفة على كتفي
سناء : ولج عيب
وردة : لا والله موعيب خطية الزلمه اكيد مشتاقلج
وتعاي اجهزج له
فتحت عيونها
سناء : شنو ولج!
وردة : عليج الله قبلي
سناء : نجبي ماما
وردة : والله ماانجب له الزمج وأمكيجج
لتفت
وردة : حتى شعرج أصبغه ألج
سناء : ياااء!!
وردة : هسه تشوفين نكمل ونطلع أني اريد اسوي
تغيرات..
سناء : يفترسني
فتحت عيوني ضحكت
وردة : هااااا...خايفة؟
ضحكت وشمرتني بالملابس بأيدها
وردة : لا يفترسج شنو! بس من يشوفج بعد هالأسبوع
كله اخلي ينسى اسمه
ضحكت وهزت راسها باستسلام
سناء : والله إنتِ ما تخليني بحالي
وردة : لأنج مو بحالج أصلاً اليوم يوم دلع ودلال
ضحكت
سناء : ماكدرلج
وردة : يلا خل نكمل ترتيب الغرفة وبعدها نطلع
بقينا نسولف ونضحك ونرتب الملابس بعدها طلعنا للصالون
طلبت من الماكيرا
وردة : اريد اليوم طلعيها عروس
ضحكت وباوعت لأمي
:: بنتج؟
بتسمت
سناء : وقطعة من گلبي
:: هنيالج على هيج بنية
وردة : مو بالله!
:: الله يحظها ألج
بتسمت
سناء : حبيبتي ربي يحفظلج اعزازج
:: مبينة بس هل وحدة صح؟
سناء : أي والله... الحمدلله
بقينا نسولف وبلشت بأمي واني بس خليت وحدة من البنات تسرح شعري بين ما كملت أمي جمالها تضاعف صارت تلمع
قربتلها
وردة : اويلي عليك حمودي اليوم يرعطج رعط
عضت شفتها بخجل ضحكت
وردة : شني هاي اول مرة اشوف ام تستحي من بتها!
كامت ضربتني واني خربت ضحك بعدها وبقيت كل
شوية اسمعها كلمة ... كملنا رجعنا للبيت وأمي لزك الحجاب براسها
وردة : ألمن صبغتي؟
حرة : عمه عليج الله خلي نشوف
وردة : لااا...تريد حميد يرفع البركع
سناء : ولج راح اجي امرد حلگج
حرة : اي اي لازم اول واحد يشوفها
ضحكنا
سناء : يااء عمه حتى انتِ!
وردة : خلي الأسد يستمتع بالغزالة اليوم
نزعت من رجلها تريد تضربني واخلي واشرد لزمني
طلع أيسر بوجهي
صاح
أيسر : تعال ميسر خلي نسويلها هيلا هوب
طلع ميسر من غرفته يضحك أيسر لزمني من أيدي
واجه ميسر لزمني من رجلي
وردة : يااا ولكم لااااا ادوخ
صارو يهزون بيه
أيسر : هيلا هووووب
ميسر : تعال يسااااار ألكفها
أبوي طلع على صوتنا شافنا وضحك
محمد : شمروها بحضني واذا صارلها شي اكسر
روسكم
وردة : لاءءءء ...بابااا ...حباب
ضحك واجه فلتهم عني نهضت وكفت مقابيله عدل
شعري
محمد : اميرتي
وردة : عيونها
بتسم
محمد : جهزي نفسج داومين
فتحت عيوني
وردة : كول والله
محمد : اي والله شدي حيلج حتى سنة اريدك تكملين
والبعدها تمتحنين سادس ابتدائي خارجي
وردة : اشد حيلي واشد ابو هم
ضحك
ميسر : بس الوياج كلهن عجايز
بتسمت
وردة : اموت عليهن وعلى سوالفهن حلوة اني وياهن
اتوالم
ضحكوا
ايسر : ابدي اقري من هسه اجيبلج كتب
ميسر : وريدة باجر اخذج على وحش نطلع نتسوك
شنو تحتاجين
محمد : لا بابا ممنوع تصعدها على دراجة اخذ سيارة
وله اكلك نطلع كلنا سوه نزور ونتعشا
ميسر : هاي هي
كمزت حضنته
وردة : هنيالي بيك تاج راسي
باس راسي
محمد : اني هنيالي بيج ياروح ابوج مدللتي
بتسمت وبتعدت عنه تعشينا ولكل والبنات صعدو
الغرفهن واخواني خفار وايسر وميسر برا رجعت
اخذت امي للغرفة
سناء : شبيج ماما؟
وردة : اريدج بشغلة خاصة
بقلق
سناء : كولي؟ شبيج لاتخوفيني!
قفلت باب الغرفة وضميته بصدري بدون ماتشوف
اخذت ايدها كعدتها مقابل الميز
وردة : أسمعي ...تقبلي ماتقبلي والله امطلج هنا
واخليلج مكياج
سكتت
سناء :والله خوفتيني!
وردة :يعني موافقة؟
بتسمت وهزت راسها
سناء : بس لاتخليلي احمر وازك
وردة : خليها علية اصدمج
سناء : ليش اكدرلج؟!
وردة : هههههه لا أبد
فتحت شعرها، لون يجنن وهي بيضة بديت أخليلها
ميك أب خفيف وكل شوية تكلي
سناء : ولج ماما والله عيب
وردة : أكلج ترا رجلج، شنو عيب؟ عيدوا أيام شبابكم
سناء : لا... الله لا يعيدها مارتاحيت بشبابي بعدج
حضنت راسها لصدري بتعدت عني باستغراب
سناء : شنو هاي ولج؟
طلعت المفاتيح
وردة : خفت تشردين.
سناء : لا، بس أول وآخر مرة
وردة : صار... لأن بعدها إنتِ تجين بنفسج
ضحكت واني أكمل لمساتي الأخيرة وكلما أباوعلها أحس السنين رجعت لورا حتى هي بقت صافنة بالمراية تلمس خدها وتبتسم وكأنها تشوف نسخة قديمة منها
فتحت الباب وصحت
وردة : باباتي حبيبي!
طلع من الغرفة لأن غرفتهم قريبة من غرفتي وميسر وأيسر هم بنفس الممر، بس المتزوجين إلهم الطابق الثاني.
اجه بسرعة
محمد : ها باباتي؟
فتح الباب ودخل قبل ما ينتبه لأمي
محمد : أكو شي ناقصج حبيبتي؟
ابتسمت وأشرت براسي
وردة : باوع
التفت على أمي... أول ما شافها فتح عيونه
محمد : سناء!
سناء : هاي مدللتك هيج سوت
ضحك
محمد : زين ماسوت وشوفتني هالجمال
لمس شعرها وهو يتأملها
وردة : احمم... احمم.
التفت علية وضحك
محمد : تدرين؟ ماشايف أمج هيچ من سنين طويلة
ابتسمت
وردة : ظالمتك.
محمد : جعل محد غيرها يظلمني
أمي جان ودها تذوب من الخجل
رفعت إيدي وأشرت للباب
وردة : بس ها... ديربالكم تسولي أخت.
محمد : ليش؟
هزيت نفسي بخفة دلع
وردة : لأن مدللتكم وحدة... ومشاركة ما أقبل
ضحك بابا، وأمي غطت وجهها من الخجل وبقوا
يباوعون علية وكأني طفلة صغيرة تغار على لعبتها المفضلة
خله ايده على كتفها ضمها له
محمد : ها سمعتي سناء مدللتنا غيورة!
وردة : مو غيورة بس مااريد احد يشاركني بحبكم
سناء : معزتج تزيد كل يوم وماتنقص اطمئني
بتسمت
وردة : يله ...عوفوني انام مرتاحه من شخيرك
محمد : هاا...اني اشوخر؟
وردة : هسه شنو تنامون هنا؟ روحوا!
باوع لأمي رفع حاجبه
محمد : نطردنا؟
بتسمت
سناء : شفت قائد محمد ستولت عليك!
محمد : اي بالله هاي خطيرة
بتسمت ألهم، قرب وباس راسي
محمد : تصبحين على خير باباتي
وردة : وانت الخير
قربت وباست جبيني
سناء : نامي زين ماما وشنو تحتاحين تعاي
وردة : تمام
التفتوا حتى يطلعون، بس قبل لا يسد الباب صحت
وردة : هااا!
باوعوا علية
وردة : أحبكم.
سكتوا لحظة...امي غمضت عيونها وابتسمت.
محمد : واحنا نعشگ التراب اللي تمشين عليه
ضحكت
وردة : يله برا... لا تخربون اللحظة.
ضحكوا وطلعوا وسدوا الباب وراهم بهدوء... رجعت
اباوع الغرفتي اشوف بيها تعب اخوتي وحنيت أمي
وسند أبوي ...
كعدت على سرير واخذت صورت حبوبتي ابتسمت
إلها رغم الغصة.
وردة : شفتي؟
لمست الصورة بأصابعي
وردة : وردتج صار عدها بيت...
وصار عدها أهل مدللينها ويحبونها
سكت ثواني وصارت العبرة تخنكني
وردة : بس بكل لحظة أتمناج وياي
بست الصورة.
وردة : مشتاقتلك يابعد روحي...
مشتاقة أشم عطرج
مشتاقة أنام بحضنج
مشتاقة لسوالفج
دموعي نزلت غصب مسحتها بسرعة
وردة : محد ياخذ مكانج بگلبي ولا أحد يعوضني
عنج
حضنت الصورة لصدري
وردة : بس هسه كدرت أطمنج...
وردتج مو وحدها بعد.. صار عدها عشيرة تسد عين
الشمس
رن مبايل رديت
وردة : هلا بروحي
ايسر : يابعد روح اخوج شنو رأيج نطلع من اجيتي
لليوم ماطلعنا
وردة : مااكول لا
ايسر : يله جهزي نفسج ميسر يطلع ويانا
ايسر : احنا بالحديقة
وردة : خمس دقايق واني يمكم
سد الخط ونهضت بسرعة بدلت ملابسي لبست فستان
وهو شعري مفتوح خليت عطر وميك أب خفيف طلعت
لكيتهم كاعدين
وردة : ها شباب!
نهض
ميسر : وردة وتمشي والعطر فواح
ضحكت
وردة : حلوة؟
ايسر : تخبلين
وردة : زين يسوي
أيسر : اي رغم هنا محد غريب كلها اهل واحد يعرف
الثاني عمامي واقاربنا كلها هنا
وردة : احلى وافضل هيج ملمومين
أيسر : اي هاي بساتين جدي
وردة : صدك اجدادي كلهم ميتين؟
أيسر : اي
طلع السيارة وميسر رجع سد الباب هستوا اجه يصعد
صفت سيارة امير راجع من الدوام
سلم عليهم وصاح
نسر : خير وين طالعين؟
أيسر : نريد نفر لأميرة
ضحنا صف سيارته ونزل منها گلبي ستخف من شافه
لابس زي أسود والرتبة على جتفه اجه
ميسر : تعال هنا اصعد
نسر : لا ...ميصير مكانك
بتسمت فتح الباب وصعد يمي عطره طغى على مكان فهموا وضحكوا
سد الباب التفت علية
نسر : جوريتـ.ــي
فتح عيونه لمس اطراف شعري بخفة مبتسم
قرب وهمس
نسر : ترا گلبي وروحي مشتاقين
نزلت عيني حرك السيارة وأمير مانزل عينه واصابعه
تلعب بطراف شعري
ميسر : ليش اكو زعل؟
تنهد
نسر : لا والله بس كلت خلي ويا اهلة بعدين اسحبه
ميسر : لا وداعتك سحبته صارت صعبه بعد ستقر
كملت غرفته وراح يداوم يكمل دراسته
نسر : واني؟ شنو موقعي من لأعراب
ميسر : بعد ماعرف يمكن فعل ماضي
نسر : احرك الدنيا مو اني اللي أصير ماضي
ضحك
أيسر : لا حبيبي... إنت مو فعل ماضي، إنت فعل ناقص بعدك تحتاج تكملة.
نسر : غلطانين
نسر : كولي؟
وردة : بابا كال راح اكمل دراستي واداوم
باس ايدي بخفة محد نتبه
نسر : عفية عليج واني وياج
وردة : فرحانه اداوم وي حجيات تخيل اشوف بيهن
حبوبتي
صفن بوجهي مسد على شعري
نسر : اكيد حبوبتج تفرح من تشوفج هيج سعيدة
تنهدت
وردة : سعادتي تكمل بيها ...هواي تمنيتها تكون وياي
رجع ضغط على كفي
نسر : هي وياج وتشوفج وتدعيلج
هزيت راسي وسكتت ثواني
وردة : وهاا اليوم غرفتي كملت على اخر
نسر : تعاي يمي اني اسويلج بيت وحدج مو بس غرفة
بتسمت بخجل واحس روحي ذابت
أيسر : لا حبيبي ماعدنا نسوان للزواج نريدها تكمل
دراستها
نسر : عادي تكمل يمي
سكت وأيسر رفع صوت الغنية وأمير ماترك أيدي قرب
همس
نسر : روحي تعلگت بشعرج
بتسمت
وردة : عجبك؟
باوع الشعري
نسر : سحل روحي وگلبي تعلك بي
نسر : لا هذاك الاساس شلون ماحبه... بس هذا له طعم ثاني
اخذ خصله شمها بسرعة وبتعد
نسر : احمم...
رد بصوت مسموع
نسر : بس ورد لو تلمين شعرج خاف ينحسد
ميسر : اي خيتي شعرج طويل وثخين
وردة : زين اريد اكلكم شي؟
أيسر نصى الصوت
نسر : كولي؟
وردة : اريد ألبس حجاب
ميسر : هدايتك يالله
أيسر : احسن خطوة
بثقة
وردة : كلش
نسر : حجاب ينلبس بضغط والخاطر شخص هذا مو حجاب تعرفين!
هزيت راسي
وردة : اعرف بس اني ألبس الحجاب الخاطر الله مو الخاطر بشر
بتسم
نسر : احسج داتكبرين وتعقلين
وردة : ليش جنت مخبلة؟
ضحكوا وايسر صف السيارة
ميسر : وين؟
نزل وصاح
أيسر : دقايق
فتحت عيوني
وردة : شني مامصدك؟!
بتسم
أيسر : لا والله
نسر : الصراحة كلها تتمنى هل خطوة بس محد عنده
الجرأة يكول
لتفت عليه وضحكت
وردة : ليش؟
أيسر : منريد نجبرج على شي مترديه...وخاف تحسين
أنو ممتقبلينج أو دا نحاول نغيرج على كيفنا
سكت لحظة وكمل.
أيسر : بعدين إنتِ مو جاية حتى نعيد تربيتج... إنتِ
جاية حتى نعيش وياج
نسر : مو صدك... كلش
ضربته بكفي على كتفه بخفة
وردة : اسكت.
ضحكوا
أيسر : المهم إذا لبستي نريد ناخذ أول صورة.
ميسر : لا صورة ولا شي... نرجع للبيت ونخلي أمي تشوفج أول وحدة
ابتسمت لا إرادياً.
وردة : لاااا لا خلوها باجر من نطلع افاجأهم
أيسر : أي والله تستاهل تعبت هواي
لميت شعري واخذت الحجاب من أيده لبسته، امير
فتح عيونه مامصدك
نسر : ما شاءلله
باوعت بالمراية ستغربت نفسي بقيت اضحك
وردة : والله ميلوگ لل تجذبون
ميسر : لا والله حلو بس ممتعودة
رفع أيده عدلي الحجاب
نسر : شوفي والله حلو
ضحكت وبعد ماكو تراجع طلع بنفسهم نوب كربسو
براسي من اول كلمة لبسته وسكتت ...رجع كملنا
طريق وامير مارفع عينه احس كومه باللسانه حجي
بس سكت
نزلنا للمطعم والبسي جان مستور واني دائماً هيج له ما
ندر ...احلى وكت خلص وياهم ضحك وسوالف ماتنسي
تاخرنا يله رجعنا للبيت
ثاني يوم الصبح ميسر جاب درزن أحجبه ودرن شال
ضحكت من الصدمة
وردة : يااا
ميسر : ماعرفت يا لون يعجبج جبت الوان مختلفه
فتحت أيدي وحضنته
وردة : بعد روحي
باسني وبتعد
ميسر : دللي
كملت أجرب الأحجبة واحد ورا الثاني، وكل لون أحلى
من الثاني
بعد صلاة المغرب جهز الكل نفسه حتى نطلع واني هم لبست الحجاب وطلعت
أبوي جان يحجي وي ياسر وكف نص كلمة وبقى يباوعلي
أمي فتحت عيونها وابتسمت لاارادياً
سناء : ما شاء الله...
حرة : أوووو... شهل جمال!
وردة : صدك لو تجاملوني؟
نهض
يسار : لا والله... يخبل عليج
تقرب مني باس راسي
ياسر : والله العظيم زادج جمال
أيسر : حجاب وشخصية قوية... خطير الوضع
ضحكت
بابا تقرب مني عدل طرف الحجاب بخفة
محمد : احلى بنية شافتها عيني
ابتسمت وأني أشوف الفرحة بعيونهم اجت أمي لدمعه
تلمع بعينها
سناء : الله لايحرمني من هل وجهه
حضنتهم بوسوني وبتعدت
وردة : ترا راح ابجي
ميسر : لااا كافي دموع يله ترا تأخرنا ع حجز
ضحكنا وكلنا طلعنا طلعة عائلة ولأجواء والضحك
وسوالفنا ماينشبع منها ...بعدها رحنا اني وبابا لمكتبة
اخذلي كتب ومستلزمات وكراسات ورجعنا
وفرحتي ماتوسعها الدنيا هل شي بنفسي من الطفولة
بس ماجان عندي القدرة افكر بي او احلم بتحقيقة بس
الله نطاني اللي بنفسي ومو بنفس على طبق من ذهب
بعد كم يوم كعدت الصبح وسمعت هوسه بالبيت طلعت
اشوف البنات واكفات وعمتي تتحركن
مهجة : يعني هيج صلافة ماشفت والله
بأستغراب
وردة : شكو؟
مهجة : خوات الشريفة أجن
وردة : منو؟
مهجة : محمد رفع القضية وسحبهم كلهم للتحقيق واخوها طلع يعرف وهو جان يحول الفلوسقصص ماي هوبس
هزت راسها
مهجة : اي خواتها وسناء طببتهن
وردة : وبابا؟
مهجة : تصلت بي بالطريق لان زلم هن كعدو بالمضيف
وردة : شلون طببهن هل مرة راح تموتني
حجيتها ومشيت للأستقبال دفرت الباب بقوة كلهن لتفت
سفتهن واحس الدم صار يفور براسي أمي بسرعة نهضت
صحت
وردة : عين الـڪـ****مو مثل عينجن سـ***
نهضن بوجهي
سناء : ماماا عيب
وحدة منهن
:: أسمعيني...
قربت عليها
وردة : طرمة ماسمع
وأكفشها من راسها وأمطلها بالكاع واصعد على صدرها
گبت البيت بصياحها والثانية تضرب بيه بس ماهتميت
شبعتها راجديات وغلط
سناء : ولج شموووخ يمه حتموت المرة عوفيهاا
دفعت امي وصحت
وردة : عوفينييي
اجت عمتي لزمت امي وبعدت المرة الثانية عني
مهجة : حيل بعد أيدي...
هاي موتت روحها عبالها تمشي علية كلاواتها عفتها
ورجعت للثانية شافتني وركضت تريد تشرد واركض وراها
سحلتها من شعرها
وردة : تعاي ولج بـ*** اليوم *****انعل ابوج لابو
الخلفج
امي صارت تضرب وجها، وعمتي تشجعني وامطلها
ولزمها خرمشت وجهي وركبتي صعدت على صدرها
ولزم راسها وأعضها
وماحس له أيد لفت خصري ورفعتني منها ماشفت منو
بس بقيت ملزمة بيها يسحبني واسحبها وياي
...
