رواية أحببت من لايبالي الفصل التاسع والعشرون بقلم مجهول
براء : طلعت اريد انزل ومااحس غير انجريت ونحصرت بغرفه امير
حسين : شلونج حبيبتي
براء : لارد
حسين : شهل الجمال كل مابيج جاي تحلين لج انتي شنو .. مد ايده على وجهه
براء : دفعته وخر انت وتالي وياك جم مره حذرتك ابتعد عني مالك علاقه بيه كافيي حلل عني الله ياخذك
حسين : لزم ايدها مااعوفج لحد مااشوفج مدمره وجايه بايسه قندرتي متوسله ياله ساعتها ارتاح
براء : دفعت ايده احترم نفسك وايالك تفكر تلمسني انت انسان حقير وعديم غيره لو بيك خير ماجان فضحت عرضك وتبليت عليه بس انت حيوان والحيوانات ماعليها عتب لان ماعدها عقل
حسين : لوه ايدها ... هاا كح... شو طالعلج لسان الواضح رجلج الكوا... خوش ملقنج
براء : اااخ وخر اذيتني كافييي راح اصيح واكلب الدنيا عليك والله
حسين : ضغط على ايدها ضاحك ههههه ... يله صيحيلهم حتى اكلهم هي صاحتلي بغرفه امير واني اجيت على حسب طلبها واكيد انتي محد يصدكج لان الصار بذيج الفتره خله ابوج اول الناس يركعج بميت نعال ويطردج من البيت ولوما الدكتور محتاجج كاداة ماجان تزوجج
براء : نزلت دموعها روح الله لا يوفقك وعسه حركه كلبي تطلع باعز شي عندك
حسين : لا تدعين هيج تره تضرين نفسج ... تقرب عليها اعز شي عندي هو انتي .... انتي روحي براء بس اطيني فرصه والله اعوضج عن كل الي فات .. بس وافقيني وتطلكي من رجلج واني اعيشج ملكه
براء : وخررر حقيييرر لك انت كل عقلك جاي تحجي هيج ... لك اني عندي زين الهوه اليصعد وينزل بجسمي ولو اموت الف موته ماابدله باي رجال بدنيا شنو شايفني عديمه شرف مثلك
حسين : لزم فجها حيلل .... هااا كحب... تحبي مو
براء : بصعوبه ... مو بس احبه اعبد الكاع الي يمشي عليها
حسين : هاا هسه فتهمت السالفه ... الواضح خوش مريحج حتى هيج متمسكه بي ... جربيني اني هم اعرف اريح صحيح مو بطول وضخامة حيوانج بس عندي طريقه بال .... تخليج طايره ... انتي جربي وشوفي ... ماخسرانه شي
براء : دفعته ... وخرر شنو شايفني بت شارع لو بايعه روحي مثل خواتك ... اني وياك وخواتك واختي نعرف كولش زين انتو تبليتو عليه والي صار كله تلفيق واني ماسويت ولا شي فلتجذب الجذبه وتصدكها ... نزلت دمعه من عينها ليش هيج سويتو بيه بشنو ماذيتكم اني ماخفتو الله من دمرتو سمعتي وخليتوني سيره على كل لسان
حسين : سمعيني براء ماجان عندي غير هالطريقه ... بكل الطرق حاولت اتقرب منج خطبتج ورفضتيني دست على كرامتي ورجعت خطبت مره وثنين وتلاثه وهم رفضيتيني ماخليتيلي حل غير هذا كلت من اتزوجج كلشي ينتهي وتصيرين الي بس شسوي اذا هاي الجلبه مرتي راحت كلت لابوها واخوانها الكواو... طردوني من شغلي سحبوا السياره والبيت الكاعد بي انجبرت اتنازل عنج فتره وهسه اريدتج
براء : بدموع بحياتي ماشايفه بحقارتك ولا حشوف تذب عليه تهمه لان رفضتك ... شنو ذنبي تشوهت سمعتي ونطردت من بيتي بسببكم ... بس لتخاف يجي يوم والله يطلع حقي من عيونك الاثنين وكول براء كالت ومره ثانيه اذا اشوف وجهك باي مكان اكل لزين على كولشي وفهمك كفايه ... عفته ومشيت ... هاا وحابه اشكركم على شي واحد
حسين : شنوه
براء : الفضل يرجعلكم لو ماانتو ماجان تزوجت زين وعشت وياا وصارلي زوج وروح وحبيب وكولشي ... مسحت دموعي ونزلت
حسين : تحبي مو بسيطه
براء : نزلت بوجهي للمطبخ غسلت وجهي
_______________
هاله : اشرت لحلا .... اكول بنات براء وين
حلا : ماادري بس صارلها هواي من طلعت منا كومي شوفيها وين
زين : جاي اسولف ويه علي ابن عمة براء ... انتبهت على كلام بنات عمها ... اباوع صارلها هواي من كامت وين راحت
صفا : يمه وين حسين اريد يفتحلي السياره اخلي هاي الغراض
زين : باوعت حسين ماهوو ... كمت بسرعه
علي : وين
زين : للحمام .... طلعت للصاله صار بوجهي الكلب
حسين : شلونك دكتور
زين : من شفت وجهك تخربط مزاجي ... باوعت ورى وينها معقوله الي بالي لا زين ديربالك تفكر هيج تفكير
براء : زين
زين : شفتها طلعت من المطبخ .. زفرت ... رحت يمها يله تعاي خلي نطلع
براء : اي يله
زين : باوعت للساعه بتلاثه ... فشله هسه نطلع خلي تصير بالاربعه ... تعاي كعدي يمي وممنوع تكومين بعد
وممنوع تكومين بعد
براء : بهدوء صار ... رحنه كعدنه
ناديه : شبيج يمه
براء : ماكو شي حبيبتي
احمد : زين انت تداوم بيا مستشفى
زين : مشتسفى ....
ليث : خوش مستشفى وشنو اختصاصك
زين : جراحه
احمد : ماتلعب روحك من العمليات
زين : لا عادي
براء : اباوع لزين مبين ضايج ... ااااه لو ادري هذوله هنا يفلا اجي
سعاد : دكتور انت رجعت براء للدوام لان تريد براء هم تصير دكتوره مثلك
قمر : هه براء ودكتوره شلون رهمتيها
زين : ليش الدكاتره كائنات غريبه مثلا وبعدين ميهمني تكون دكتوره او لا المهم عندي تكون انسانه ناجحه بأي مجال هي تحب تدخل بي
معتز : وعادي عندك تدخلها كليه
زين : ببرود وشبيها الكليه
معتز : مابيها شي بس اختلاط وشباب تعرف يعني
زين : اذا هيج ليش تخلي خواتك يداومن لو مرتك شي وخواتك شي ثاني
محمد : صح لسانك ابو الزون
زين : كام يله من رخصتكم اسمحولنه
غيث : بعد وكت شنو السالفه ابقو لليل
زين : ببرود تعذرني مااكدر عندي شغل ... يله براء
براء : حضنت امي حبيبتي مع السلامه
ناديه : الله وياج بعد كلبي لاتكطعين بيه حتى اذا بس اتصال بس سمعيني صوتج
براء : بستها انشالله ... سلمت على عماتي وطلعت ... صعدت بالسياره وزين بعده واكف يم محمد يسولف وياا ... اجه صعد حرك السياره ومشه ثنيناتنه ساكتين محد حجه شي ... درت وجهي على الجامه
زين : جنتي تدرين بيهم معزومين
براء : بهدوء لا
زين : جاا شبيج كالبه وجهج
براء : مابيه
زين : وكفت يم محل نزلت اخذت جكاير وجبتلها جم حاجه ... اطيتها العلاكه وصعدت ... اخذت جكاره وحركت السياره
براء : اباوعله كام يدخن بشراهه وحده وره الثانيه ... زين ميصير هيج هاي الثالثه موزين عليك
زين : ختنكتي
براء : لا بس موزين هلكد تشرب
زين : ذبيتها خلص لاتاكلين راسي ... وصلت للبيت نزلي دخلي جوه اصف السياره والحكج
براء : نزلت دكيت الباب فتحها سجاد ... سلام
سجاد : وعليكم السلام بروئه شبيج شو وجهج اصفر
براء : بابتسامه مصنعه لا متوهم كولشي مابيه بس يجوز لان جنت ماكله وزين ساق لعبت نفسي
سجاد : دخلي شربي جاي هسه تصيرين زينه
براء : اوك .... دخلت سلمت عليهم
مريم : هاا يمه انشالله تونستي
براء : اي خاله كولش تونست وماما تسلم عليكم هواي
مريم : الله يسلمها بعد كلبي
براء : ترخصت منهم وصعدت لغرفتي اول مادخلت نزلت دموعي ... كعدت ياربي شوكت ارتاح كل ساعه طالعتلي سالفه انكس من الي قبلها ... شلون بيه هسه ... يعني لو شايفني زين اليوم شنو يكون موقفي بساعتها
زين : صفيت السياره ونزلت ... سلمت عليهم وصعدت ... فتحت الغرفه ودخلت شفت براء كاعده تبجي ... رحتلها بسرعه شبيج حبيبتي ليش تبجين
براء : الدموع مغركه خدودها ... تعبت زين والله تعبت
زين : حضنتها ... حبيبي شنو الي متعبج ... اكو احد مضوجح اليوم اكو احد سمعج حجايه سولفيلي اطيح حضه والله بس لاتبجين
براء : دفنت راسها بصدره ... بدموع زين تعبانه حييييل تعبابه وخايفه
زين : غير افتهم شنو الي مخوفج
براء : باوعت بعيونه ... بكلبها خايفه لا اخسرك بيوم من الايام وساعتها حفقد اخر امل بالحياه ... حضنته لتسالني زين بس خليني بحضنك كولشي مااريد بهالحظه بس حضنك
زين : شالها ... دخل للغرفه كعد على الجربايه وخلاها بحضنه
براء : خلت راسها بركبته مستنشقه عطره ... حضنته بقوه ودموعها تنزل على ركبته
زين : يمسح على شعرها كافي يروحي لاتبجين تره دموعج تاذيني حيلل
براء : زين اني احبك
زين : باس راسها واني اموت عليج
براء : شالت راسها زين انت ممكن تعوفني بيوم من الايام
زين : باستغراب شنو لزومه هالسؤال
براء : بصوت مشحرج من البجي جاوبني
زين : مستحيل ... لزم ايدها مخليها على كلبه ... من يوكف هذا واصير جوه التراب بس بهالحاله اعوفج وهم مااعوفج لان راح افكارج كجسد بس كروح اني روحي متصله بيج ليوم القيامه
براء : اسم الله عليك
زين : اكدر أفهم شبيج اليوم
براء : مسحت على وجهه ... بهدوء حبيبي رجاءا لتسالني هالسؤال لان اني بنفسي مااعرف شبيه
زين : خله شفته على شفتها بايسها بهدوء ... وهي بادلته برقه ... ضلو يعزفون بشفايفهم ممتصين غضب كل منهن ... فصل البوسه بايس راسها
براء : رجعت حضنته ... اخذت
براء : رجعت حضنته ... اخذت ايده خالتها على راسها
زين : حرك ايده على شعرها ... سمعي هاي القصه ... بيوم من الايام جان اكو مجموعه من الاشخاص مسابقه لتسلق جبل كلش عالي واختارو شخص واحد من كل بلدان العالم حتى تصير المسابقه عالميه وطلبو من الناس بس تشاهد يعني محد يدخل بالمسابقه ولا يتقرب من المتسابقين المهم تجمعو الشباب بمكان معين متحمسين وكل واحد يكول اني راح اوصل اول شي واخذ لقب احسن متسلق بالعالم المهم صارت المسابقه ووكفو الشباب حتى يتسلقون ... طلقو الصافره وكامو يتسلقون الجبل بسرعه يردون يوصلون اول شي ... الناس بدت تصيح انتبه دير بالك راح تموت ... من الارتباك وكع واحد من الشباب من الجبل والبقيه كملوو وصلو مكان معين كامو يصيحون الناس ديربالكم لاتموتون مثل هذاك المتسابق ووكعو البقيه من الخوف ... بقو ثنين ... وصلو لنهايه الجبل ... كامو الناس يصيحون ديربالك راح يغلبك اسرع اسرع ... مشه المتسابق اسرع ... زلكت رجله ووكع ... بقه واحد يتسلق متجاهل كلام الناس ... كلها تصيح راح تموت راح يطلعلك شي يوكعك مااهتم ووصل لخط النهايه وفاز من نزل .... الكل ساله شلون كدرت تكمل بدون ما تهتم لهتافات الناس وتنبيهم الك ... مالكو جواب ... عادو السؤال عليه مره ثانيه ... مالكو جواب غير الصمت ... بعدين عرفو انو المتسابق اخرس واطرش فماسمع كلام الناس وتاثر بي .... واحنه لازم تكون مثل هالمتسابق منتاثر باي كلمه نسمعها ولا بكل نقد او كلمه جارحه ننسحب لازم نكون اقوياء ونحقق الي اريده ..... من غير ما نتاثر بكلام الناس التافه الي راح يكون عارض يوكف بطريق نجاحنه وسعادتنه ... اعتقد فهمتي معنى كلامي يابرائتي ... باوعتلها
براء : باست ايده فهمت
زين : ابتسم حاضنها بقوه ... يله نامي
براء : حاوطته ونامت
زين : غطيتها وضليت كاعد العب بشعرها لحد ما نامت ... تمددت ورجعتها لحضني ونمت
_______________
مريم : اخذت ستكان الجاي اليوم ماعجبني وضع براء دخلت مدري شلونها
شمس : حتى اني لاحظت
جميله : خاف احد ضوجها هناك
نجمه : تلكين ابوها السخيف سمعها حجايه تسم البدن كالعاده
مريم : تادبي عيب تحجين على الاكبر منج هيج
نجمه : يايمه انتي لو تشوفين براء من تلتقي بابوها شلون ترجع مستهضمه
شمس : هسه يعني بشر وغلط ودفع ثمن غلطه ... بدال ما نسامحه ونحاول نخلي ميعيد نفس الغلط نجور عليه شهالعقليات هاي
جميله : وانتي لسه مصدكه براء مسويه هيج ... تتوقعين وحده مثل براء بهالرقه والادب ممكن يطلع منها هيج شي حقير
شمس : اي والله البنيه حيلل حبابه
مريم : صارلها شهرين عدنه صوتها ماعله على احد حتى من تشتغل شغلها على الساكت بالنسبه الي اني مامصدكه ولا راح اصدك انسانه مثل براء يطلع منها هيج شي
نجمه : تتوقعون يجي يوم وتنكشف الحقيقه
مريم : يظهر الله الحق ولو بعد حين
جميله : ونعم بالله
مريم : يمه هذا الموضوع ديربالجن تحجن بي كدام احد خاصتا دارين وامي خو امي من غير شي شاده وياها مو انوب تسمع هيج
شمس : لاتخافين خاله محد تحجي
خوله : هاا شو مجمعات خير ياطير
جميله : اذكر القط يكوم ينط
خوله : كعدت شتدردمين ولج
جميله : سلامتج حجيه
خوله : جاا وين دارين
نجمه : نايمه هي عدها شي غير النوم والاكل
خوله : ليش شتردين منها خطيه خليها نايمه قابل عدها رجل وعيال حتى تكعد
شمس : استغفر الله هم رجعت علينه
جميله : قصدج على براء ... صبري هسه تسال عليها
خوله : تباوعلهن ... ثالثتجن وين
جميله : شكلت اني ... بغرفتها حجيه
خوله : جاا ماتنزل لو اله واحد يدز عليها
مريم : عوفيها يمه اليوم اجت مالها خلك
خوله : احد كلها طلعي سفي بهالبرد اكيد تتمرض انتي شايفه الجو شكد بارد اكعد وانجب بالبيت
نجمه : جا دارين راحت اليوم الصبح للمول ومارجعت غير وكت الغده ماحاسبتيها لو هاي ماتعتبر سفافه
خوله : دارين طلعت تشتري ملابس للجامعه ما راحت تتونس سوده عليه كعدت معلعله نومتها حتى تطلع تشتري ملابس لدوامها ... ماطلعت معزومه مثل بليه
نجمه : عود صدك تصيحين لبراء بليه
خوله : جاا هي التجيب راس اخوج شتسمه غير بليه
مريم : شهالمصطلحات يمه
خوله : باوعتلها صفح عمت عين البانيه
جميله : شنو يعني
شمس : ههه ماادري بس اعتقد جاي تستهزء
__________________
براء : فتحت عيوني مباوعه للوحه النايمه كبالي ... ياربي دخيلك لا تبعدني عنه ولا يوم بعمري لمست لحيته مشيت اصابعي على شفته ... حسيت ببوسه على اصابعي
زين : بصوت خشن من اثار النوم ... هاا حبيبي شوكت كعدتي
براء : بهدوء هستوني
زين : شوفي خليتينه انام بملالسنه
براء : حضنت خصره ... اسفه
زين : باسها ... اشاقه وياج
براء : هزت راسها
براء : هزت راسها
زين : كومي لبسي ملابس متقيد بالحركه ولحكيني للصاله الرياضه بسرعه
براء : ليش؟
زين : دكومي لبسي وتعاي وهناك تعرفين ... كمت اخذت فانيله علاكات وياها بجامه لبستهن وصعدت للطابق الثالث ... دخلت لصاله الرياضه ... شويه واجتي طبعا مبينه ماعدها واهس ولا الها خلك ... كمت ... نزعي الحجاب والصايه
براء : خاف واحد يدخل فجاءه
زين : محد يدخل واذا يردون يدخلون يدكون الباب يخافون لا اكو وحده من البنات هنا
براء : نزعت الصايه والحجاب
زين : اباوعلها لابسه ستريج اسود وبدي علاكات احمر
براء : وهسه ليش جبتنه هنا
زين : عينه على جسمها ... احم بما انو انتي ضايجه اليوم ... فكلت نلعب رياضه شويه لانها تطلع الطاقه السلبيه من الجسم وهم تنشط العضلات ... يله تعاي
براء : مشيت ورى ... وكف يم جهاز الركض
زين : يله صعدي
براء : اخاف اوكع
زين : لا ماتوكعين صعدي
براء : صعدت وهو شغله بديت امشي ويااا
زين : خليت ايدي على ظهرها وبطنها لا تنحنين خليك مستقيمه وامشي ... صعدت بالثاني
براء : اباوعله شغله بالبدايه مشه طبيعي وانوب كام يركض ... هاي لو اني اركض على هالسرعه يمكن اوكع ويتفلش وجهي ضلينه سبع دقايق نركض ... وكفه ... نزلت .. زين اريد مي ... راح طلع من الثلاجه بطل انطاني ياا شربت منه
زين : اخذت منها البطل شربت
براء : اني شاربه منه
زين : واذا ؟
براء : انت مو تقرف
زين : كل عقلج اني اقرف منج ... همسلها لو اقرف منج ما ابوسج واعض لسانج ... يله تعاي
براء : حكت راسها ... رحت ورى
زين : تعرفين تسوين ضغظ
براء : شنو ضغط
زين : يعني شناو
براء : هاا لا مااعرف
زين : خوش جاا تعاي اخذت حديد ... تكدرين تشيليها
براء : استحت تكله لا ... اي اكدر
زين : اخذيها خليتها بايدها ... وكعت هي والثقل ... الله الله
براء : هاي شلون تشيلهن
زين : شالها جاا انتي تجيبين وزنج لوزني طبعا ماتكدرين
براء : تكدر تشيل هذاك الثقل
زين : قصدج اخر وحده
براء : اي
زين : شلت ثنين نفس الوزن ... هاا
براء : فتحت عيونها هاي شلون شلتها
زين : جيبيهن اخذتهن رجعتهن لمكانهن ... شنو رائيج اتمرن بيج
براء : شلون يعني
زين : هيج ... شالها
براء : لا زين نزلي راح اوكع
زين : رفعها ونزلها مثل الثقل
براء : ضحكت زين راح توكعني
زين : ماتوكعين رفعها لفوك
براء : هههه زييين والله راح اوكع
زين : ماتوكعين ... يله عدي
براء : واحد ... ثنين
زين : نزلها بايس شفتها ... يله كملي
براء : تلاثه .... عشره ... اربعه وعشرين ... هههه تلاثين
زين : نزلها ... دنك بايس خدودها ... شفتي شلون الرياضه غيرت مزاجج
براء : تباوع بعيونه بس انت الي تكدر تغير مزاجي
زين : عض شفته متنهد ... تعاي ... ضل يتمرن وهي وياا
براء : كاعده بحضنه وجها مقابل لوجهه وهو يتمرن ... اكول زين
زين : كولي حبيبي
براء : مشت اصابعها على عضلات بطنه هذني شلون كدرت تسويهن
زين : العب حديد
براء : هاا زين شوكت بديت تبني جسمك هيج
زين : من طلعت من المصح بديت اعتني بجسمي
براء : اسفه تره والله ماقصدي اذكرك
زين : وكف تمرين ... اني ماناسي حتى تذكريني ... و اني اكو هواي شغلات غلط جنت اسويها بذيج الفتره ... شوفي اذاناتي جانن مثقبات والبس حلق بيهن
براء : ادري
زين : شمدريج
براء : خاله مريم كالت جنت تحب تلبس حلق .... خلت ايدها على وشم الجناحات والشفه ... بس تدري اني احب هالوشوم ... نحنت بحيث صارت نايمه فوكه ... باست وشم الشفه
زين : غمض عيونه ... حاوط وجنات خلفيتها بايده
براء : تحركت تريد تكوم
زين : وين
براء : احم اريد اكوم
زين : ضربها على خلفيتها انتي مو تتحارشين وبعدين والله هاا اريد اكوم ... انتي جبتيها لنفسج اذا تحملي
براء : تحركت مامرتاحه للوضع
زين : عض شفته براء لا تتحركين هواي تره جاي تاذيني
براء : يااا اسفه مو كتلك اني ثكيله تتاذه اذا اكعد بحضنك
زين : دخيل رب الغباء ... شعليه الثكل ... انتي شفتي روحج وين كاعده
براء : باوعت جواها ... كامت بسرعه ... باحراج اسفه والله ماانتبهت ... لزمت ايده يله كوم مااريد اتمرن خلي نرجع للغرفه
زين : جر ايدها مرجعها فوكه ... تردين ترجعين للغرفه
براء : اي
زين : خوش ... راح احزرج حزوره اذا جاوبتي عليها صح اخليج تطلعين واذا ماجاوبتيها منطلع هاا
براء : اوك
زين : اكو تمرين حلو ويونس اذا سويتي يحرك كميه كلش جبيره من السعرات الحراريه واني واحد من الاشخاص الي يعشق هالتمرين
براء : الشناو
زين : لا
براء : الركض
زين : لا
براء : الحديد
زين : جججج لا
براء : لعد شنو
زين : هذا ... خله شفته على شفتها ... بايسها بعمق
براء : غمضت عيونها
زين : اخذ ايدها مشيها على ركبته منزلها لصدره ... ويحرك شفايفه على شفايفها
براء : بادلته محركه شفتها على شفته بهدوء
زين : قربها عليه اكثر محاوط خصرها ... محرك شفايفه بسرعه ... جر شفتها بسنونه مستطعم طراوتهن ... نزل ايده معتصر خلفيتها معتصر خلفيتها
براء : تحس جسمها ساح من حركاته ... حاوط ركبته ورفعت جسمها مبادلته بشكل اعمق
زين : فصل البوسه ... اعتقد ماخسرنه هواي سعرات تعاي نخسر كميه اكبر ... رجع يبوسها واديه تستكشف جسمها ... الهدوء عم المكان ومينسمع غير صوت ارتطام شفايفهم صانعه صوت رائع .... ضلو يتباوسون لفتره مو قصيره متجاهلين العيون الي تباوعلهم بنظرات مليانه حقد وكرهه
دارين : تباوعلهم ودموعها ينزلن ... تسمعه بهمسلها بكلمات هي تحلم تسمعين منه حتى لو بالجذب ... تباوع على ايده ألحاضنتها بقوه عبالك تريد تطير ... ركزت عليهم شلون يتباوسون بطريقه رومنسيه بحته .... ضلت واكفه تباوعلهم بدون خجل
زين : وخر عنها ... مخلي راسه على راسها ... احبج
براء : واني اعشقك زين
زين : حضنها مبتسم ... شنو رائيج بهذا التمرين خوش يحرك سعرات مو
براء : دفنت راسها بركبته ... كااافي
زين : هههه يله كومي وخرت عنه وهو كام ... كافي تمرين وحرك سعرات ... غمزلها خلي الباقي لليل
براء : زيييين
زين : دمغلها ضاحك صوتج ... لبست ملابسها وطلعنه ... دخلنه للغرفه سبحنه ونزلنه جوه
_________________
دارين : دخلت لغرفتها تركض ... وكفت كدام المرايه تبجي ... شنو الي ببراء وماموجود عندي اني احلى منها واغنى منها واحسن منها بكلشي ... زين ليش محد يحبني مثل ما يحبوها شنو العيب الي بيه .... بالبدايه حاولت اتقرب من سجاد ورفضني رفض قاطع وزين حاولت وياا وطلع اتعس من سجاد حتى قصي ماتقبلني ... باوعت لروحي اني كامله ليش محد يحبني اهلي عافوني عد بيبيتي ولا واحد سال عليه ... شوكت احس نفسي شي مهم بحياة احد شوكتت الي متى ابقه اني الي اعرض نفسي حتى اعيش الحب والاهتمام من احد ... مسحت دموعها كافي اني تنازلت عن روحي هواي وهاي براء اني اعلمها لو اني اخذ زين لو محد تاخذه .... ضحكت والله لسوي بيج سوايه يابراء تسوى حياتج
__________
هاله : اكلجن شفتن براء شلون صايره تنعثل وماتتحاجه
روان : كافي بنات لحد تحجي عليها تره المقصوده اختي ومااقبل بعد تجيبن طاريها بالموزين
صفا : هاا شو طولان لسانج روونه
روان : اي يطول ونص لان تماديتن كافي بعد سويتن الي تردنه عوفنها بحالها تره مصختنها
هاله : شكلج نسيتي شسويتي باختج قبل لو اذكرج فلاتجين هسه تعيشين دور المثاليه بروسنه
روان : انتن تعرفن كلش زين سبب شهادتي ضد براء بالاجبار وبسببجن لاتسون نفسجن غبيات واني لو ما الشغله الي صارت مااشهد ضدها لو على كطع ركبتي
حلا : روان انتي ماتحبين براء شنو الي غيرج هسه
روان : ولحد الان مااحبها بس الي سويته وياها غلط لو مهما يكن تبقه اختي ومن لحمي ودمي وانتن لزمتني من ايدي التوجعني وجبرتني اشهد ضدها ... وكله بسببج صفا بعمري ماراح اسامحج
صفا : احد كلج روحي سوي علاقه ويه ابن المدرسه ... وبعدين انتي اجيتي كتيلي ماجبرتج اني وانتي تعرفين اني مااضم عليهن شي
هاله : هسه عوفن هالحجي ... لاتتعاركن منريد تصير مشاكل بيناتجن وتخرب علاقتنه
روان : لاخير بهيج علاقه بعد لاتحجن وياي ... اصلا اني بعد مااخاف منجن تردن تروحن تسولفن يطبجن مرض ... عافتهن وراحت
حلا : هاي شبيها
هاله : صحه ضميرها الاخوي فجأءه
صفا : ههه يمعودات هي لو بيها خير تشهد ضد اختها
حلا : اكيد لا
_______________
براء : واكفه ويه البنات نسوي العشه
جميله : اكول بنات شنو رائيجن نروح للصالون صار هواي مامغيره شي احس شكلي ممل وهم اريد اغير على مود حسوني
شمس : اي والله يراد شويه تغيير
نجمه : اني مااروح قبل اسبوع جنت هناك روحن انتن
جميله : وانتي منو عزمج اني جاي احجي ويه تسوان حمويني
نجمه : طاحضج ياسخيفه
جميله : لاتغلطين ادبسزز اكبر منج
نجمه : لزمني بنات رجفت من جميله
شمس : ههه خرب يومجن كافيي
جميله : المهم هسه ترحن باجر ألصبح
شمس : اني اروح
جميله : وانتي براء
براء : شعندي رايحه
جميله : ماتردين تحفين تصبغين غيري شويه اذا مو الج لزين
براء : خلي اكوله اذا قبل اروح
جميله : خوش
براء : كملنه العشه وكعدنه نتعشه
قصي : اكلكم خلي نطلع لبيت المزرعه باجر صار هواي ماطالعين
جهاد : ليش لا شوفولكم يوم واحنه اروح
حسن : اي والله ياريت اني لعبانه روحي من الشغل
شجاد : حتى اني
زين : ببرود اني عندي دوام مااكدر اروح
لؤي : شسالفه زين هو يوم
زين : عندي دوام باجر هي لعبه
حسن : يعني ماتكدر تغيب
زين : شي اكيد لا هو بكيفي
جهاد : خلص براحتك احنه باجر رايحين
زين : بكيفكم بعد
زين : بكيفكم بعد
براء : كملنه عشه وكمنه لمينه الاكل ووكفنه نغسل مواعين
دارين : وخري اريد اغسل
براء : داغسل مواعين روحي غسلي بالمغسله
دارين : كلتت وخرري ثوله انتي
جميله : انتي هيي ليش تجاوزين شكلتلج هي
دارين : انتي لاتدخلين ... وانتي الثانيه وخري يللله
جميله : لج ..
براء : غسلت ايدي واخذت جميله امشي عوفيها
جميله : لج ماسمعتيها شتحجي شنو نشتغل عدها همزين هي الضيفه هنا لا وفوكاها تجقل علينه
براء : خلص تجاهليها اعتبريها ممجوده هي هاي متمشي غير باللبس
جميله : حقيره
براء : كافي امشي ... طلعنه كعدنه بالصاله
زين : شبيج حبيبي
براء : مابيه شي حبيبي
زين : شنو رائيج نكوم نسوي شويه رياضه حتى نخسر السعرات مال العشه
براء : ابتسمت .. كافي
دارين : طلعت من المطبخ ليش طلعتي وماكملتي المواعين شنو تردين اني اغسلهن شهل الاستغلال
نجمه : واذا غسلتيهن شنو ينقص وزنج
دارين : اني ماحاجيه وياجج فسكتي
سجاد : لاتصيحين طرشتينه
دارين : انت لاتدخل
خوله : ولجج شهالسان تادبي لا اطيح حضج
دارين : بجت يعني مايصير هيج بيبي مرت زين حاطه دابها من دابي كلشي اسوي تحاربني بي اي والله لو ضرتها ماتسوي هيج وياي ... تخيلي اجي اكلها خلي اغسل تكلي امشي روحي منا جاي اغسل مواعين خو تكدر تكلي حبيبتي روحي غسلي بالمغسله لا وجميله كامت تغلط عليه يعني اني لان احترمهن واعاملهن بطريقه لطيفه يعاملني هيج
حسن : اباوع لجميله فاتحه حلكها ... ولج شبيج
جميله : قسم بالله لو مااني جنت بالمطبخ جان صدكتها
براء : انتي ليش تجذبين انتي اجيتي تصيحين وتغلطين بدون سبب واني ماجاوبتج عفتج وطلعت وهاي جميله شاهده على كلامي
جميله : اي صحيح
دارين : انجبييي لج جذابه
زين : بصوت عالي لاتصيحين عليها
دارين : انت ضل دافعلها لحد ما يجي يوم وتتندم على عدد شعر راسك
زين : احترمي نفسج ولزمي حدج لاتخليني اتعامل وياج بغير اسلوب تره تجاوزتي هواي واحنه ساكتيلج
دارين : سمعتي بيبي
خوله : تستاهلين لسانج بطول النعال ويه الاكبر منج ماتستحين تجاوزين على ولد خالج شنو همه بكدج
دارين : حتى انتي وكفتي ضدي
مريم : خلص بنتي روحي لغرفتج احسن ماتصير مشكله
دارين : قصدج يعني اني مصدر مشاكل بالبيت خلص اني طالعه وبعد ما اراويكم وجهي
جهاد : تعاي بنتي
دارين : وكفت كدامه
جهاد : ماكو طلعه هذا بيتج مثل مابيتهم وانتي بنيتي عادي سوء تفاهم وصار ماكو داعي تاخذين موقف مسح على راسها مفهوم
دارين : نزلت دموعها ... بكلبها عود ليش اهلي مو مثلكم ليش ابويه مو مثلك ... مسحت دموعها وراحت لغرفتها ... شويه وانفتحت الباب داخله خوله ... كعدت يمها ... شبيج حبيبتي ليش تبجين
دارين : روحي زعلانه منج ليش تصيحين عليه
خوله : مسحت على شعرها لان غلطتي والي غلط لازم يتعاقب
دارين : اسفه بيبي
خوله : دارين احجي الصراحه اكو سبب شخصي من تعاملج ويه براء هيج
دارين : هاا لالا
خوله : احاول اصدكج
دارين : نامت على رجلها ... بيبي اني حلوه
خوله : تخبلين
دارين : ياهو الاحلى اني لو براء
خوله : طبعا انتي شجابج على هاي البلكه
دارين : جاا ليش محد يحبني مثلها
خوله : فهمت قصدها ... اني احبج يعني هذا مو كافي
دارين : هو بس انتي تحبيبني
خوله : باس راسها ... ومستحيل يجي واحد بمعزتج
________________
ثاني يوم صباحا
براء : اليوم الكل راحو لبيت المزرعه من الساعه بالسته لان البيت بعيد راح يبقون يومين ويرجعون ... اني ضليت كاعده وزين رجع نام لان البارحه تاخر بالنومه ... صعدت اكعد ... حبيبي كوم صار وقت دوامك
زين : كعد شبسرعه خلصت الساعه
براء : بعد شته نهاره يمر بسرعه
زين : كام ... باس شفايفها صباح الخير حبيبي
براء : صباحك حياتي
زين : حضريلي ملابس لبين مااسبح
براء : صار .... دخل سبح وطلع .... انطيته الملابس بدل ووكف يمشط ... اليوم تتاخر
زين : اخذت الساعه ... احاول مااتاخر
براء : كمل ونزلت ورى ... طبعا بدون حجاب لان البيت فارغ
زين : وكف يم الباب ... اخذ شفتها حبيبي خوما تخافين وحدج
براء : لاحبيبي مااخاف
زين : قفلي البيبان زين وخلي موبايلج يمج ولاتصعدين فوك خليج جوه واني احاول مااتاخر
براء : صار
زين : باس شفتها يله باي
براء : باسته باي ... طلع سديت الباب ودخلت للمطبخ نكعت فاصوليه حتى اطبخها للغده ورحت ... تمددت بالصاله وقتت موبايلي على العشره حتى اكعد
موبايلي على العشره حتى اكعد اسوي الغده
زين : وصلت للمستشفى بدلت ملابسي ودخلت لغرفه العمليات
_________________
جهاد : البيت صاير يخبل خوش مشتغله ابو سعد
لؤي : اي والله عاشت ايده خوش زارع مزروعات مخلي البيت تحفه
حسن : هسه لو زين هنا جاا طلع عيب بالحديقه وكعد يسويها
سجاد : والله لو جاي مكانه خالي
مريم : خلي يرتاح هو ومرته من دوخه الراس والهوسه
قصي : هله اشبع زين اليوم محد يمك
مريم : تادب
قصي : اكلج اني ماعولت اخلص من زين تطلعيلي انتي
جهاد : تادب لك لسانك ويه امك لزمه لا اكصه
قصي : اسف يابه ضوجنه مريمتك
جهاد : انت عليمن طالع ساقط
قصي : توارث جينات غير
جهاد : لا يا ابن الكلب
الكل : هههه
___________
براء : كعدت الساعه بالعشره كمت دخلت للمطبخ خليت الفاصوليه بكدر الضغط حتى تستوي وطلعت اللحم وكعدت الكط تمن ... افف شوكت يرجع زين ... كملت التمن وكمت اطبخ الغده ... وره ساعتين كملت اباوع صارت 12:30 اذن الاذان رحت توضيت وصليت ... كعدت اقره قران شويه ... كملت اباوع صار وحده ونص .... خابرت زين ... الوو حبيبي
زين : هاا يروحي
براء : وين صرت حبيبي منتظرتك
زين : مابقالي شي بقت بس عمليه وحده فد ساعه ساعه ونص اني يمج
براء : برطمت مو تتاخر منتظرتك
زين : لا حبيبي بس اكمل اجي ... سديته منها ورحت دخلت للعمليه .... وره ساعه كملت وطلعت ... صعدت بسيارتي وطلعت خلص اليوم راح اتمم زواجي من براء ماكو داعي للادله اني مصدكها وخلص موضوعها صفحه وراح اطويها ... وكفت يم محل نزلت عجبني اخذلها بوكيه ورد جبير وعلبه ككو غلفتهن ... اخذتهن وطلعت ... دك موبايلي .... الوو
الحرس : الوو سيدي تذكر الموضوع الوصيتنه عليه
زين : اي
الحرس : احنه لاحظنه شي بس حبينه نتاكد منه ... وهسه تاكدنه
زين : لا تحجي بالالغاز ادخل بالموضوع بسرعه
الحارس : هسه يوصلك كلشي
زين : سديته منه .... دقيقه واجتني رساله فتحتها ... انصدمت ... براء وحسين واكفين يم مدرستها وباكثر من مره اكلب بالصور اكو صوره الها واكفه وعلى وجها ابتسامه ... صعد الدم براسي .... تاليتك صرت مضحكه للزعاطيط يازين ضغطت على المحرك ومشيت بسرعه اريد بس اوصل
براء : افف وين صار اخابره ميرد ... اندك الجرس ... كمت ركض فتحته ... هلووو حب
زين : جرها من شعرها سحل
براء : بالم ... اااااه زين شبيككك
زين : بصياح .... سكتي كحب.... لج ليش هيج سويتي شنو الي بدر مني حتى تسوين هيج
براء : شسويت بس فهمني
زين : هسه افهمج مو تدللين ... جرها للمخزن ... فتح باب المخزن وذبها جوه
براء : شكو زين
زين : صفكها راشدي .... بصيااح لاتسمعيني صوتج ... شفتها نشكت جرها من شعرها ... لج شسويت بشنو قصرت وياج حتى تخونيني ... ليش تخونيني ويه حسين لييييييييش
براء : فهمت قصده ... بدموع زين والله هو الي اجههه مو اني وكتله لاتجي بعد والله بس خفت اكلك
زينن : بصياااح لج لاتجذبين لاااااا تجذبين ....طلع الصور شوفي شلون واكفه ويااا وتضحكين شووووووفي
براء : والقران ض...
زين : ضربها على حلكها ... سكتيييييي لاتحلفين القران بريئ منج شلون عندج قابليه تحلفين جذب لجججج شلوون ... شوفي شكد اني احبج هسه راح اعاقبج على كد حبي الجج .. نزع حزامه
براء : ببجي .. ز ين .. حبيبي بس سمعني
زين : ضربها بالحزام اني مو حبيبج انتي وحده نكسه وحقيره متستاهلين تكونين حبيبتي ... ضربها على بطنها بالحزام
براء : يصريخ .... ااااااااه زين والله ماعندي علاقه بح....
زين : صفكها راشدي لاتسمعيني صوتجججح يا حقيره ... ضل يضربها بالحزام وهي تصرخ من الالم ... ككافي زين الله يخليك كافييييي .... لج شسويت اني حتى الله يعاقبني هالعقاب حبيبتج بكل جوارحي جنت مستعد اضحي بروحي على مودج ... تغاضيت عن كل الي سمعته والي صار وياجج ... تمنيتج مره وحبيبه وام لجهالي بس ماغززز بيججح لان كحبببببببه .... ضل يضربها وهي تتوسله يوكف بس يزيد ... ادري بروحي غلطت وسويت هواي اشياء غلط بس مااستحق هذا العقاب ... ضليت سنين مغلف كلبي ... تاليتها احب وحده خاييييينه .... ضل يضربها ماخله مكان بجسمها صاحي ... من شافها ماعت روحها ... عافها .... قفل الباب وطلع ... طلعت بوجهي للشط ... وصلت لهناك كعدت ... دمعت عيونه هاي اول مره تدمع عيونه بحياته ماباجي حتى باسوء فتره بحياته ما بجه .... ضل كاعد للمغرب ... اجا اتصال ... الوو
ادم : شلونج زين ... ولك عندي الك بشاره يمكن تطيني عليها سياره
زين : احجي فضني تره مالي خلكك
ادم : لك اليوم صار الي تريده ... طلع التقرير مال فحص الموبايل الي اطيتني ياا .... ولك الصور مفركه ومرتك برئيه ولا اكو علاقه ويه حسين ولا ويه غيره لك وجان تطلع برائت مرتك عمره الظلم مايستمر ... ولك طلع كلشي مزور وجذب وهاا ابن عمها جان يجيها هالايام بس مااعرف شيريد منها ويمكن خافت تكلك فدير بالك عليها انت عندك جوهره
زين : انصدم بالكلام الي سمعه ... لك شسويت اني
******************
