رواية عشكني ابن شيوخ الفصل الثاني بقلم مجهول
القصايد لوتعبر عن غلاك ...
شابت حروف القوافي...
وانعدم وزن القصيده...㊗️
كعدت صبح ساعه ٧ الكل نايم نزلت شربت مي بعدين صفحت الانستا والسناب محسيت الا صارت ب٩ سمعت صوت عمتي
صباح الخير حبيبتي شعندج كاعده من صبح
هلا عمه صباح نور والله نمت هواي ف كعدت
نوم الهنى كلبي
تسلمين عمه اروح اكعدهم
ي والله واني حسوي جاي
صعدت كعدت البنات بعدين شفت ماما كعدت ومكعده بابا ردت اكعد الولد بس امي كالت خليهم نايمين بعدين كعد ابو حنان حضرنه ريوك وبدينا ناكل ونسولف
ماما اني بقالي بس اشتري كم حاجه خننزل للسوك ليوم ... حنان كالت لعمتي
اي يمه نشالله
كملنا ولمينا البيت وكم شغله عاد حنان خابرت خطيبها هسه خلينا نعرف عن خطيب حنان
" اني فضل عمري ٢٩ سنه اني من بابة عرب شيوخ عمي يصير الشيخ عبد العزيز
ابويه متوفي من اني وصغير ومتربي ويه بيت عمي ماعندي بس اخت وحده عمرها ٣٠اسمها رنا مزوجه عدها ٣ اطفال
ياسين ومهدي وغفران
امي روحي من دنيا لان تعبت عل ما كبرتنا ووصلتنا اني صيدلاني عندي صيدليه خاصه اليه وحمدالله حالتي الماديه زينه وبيت عمي ما مقصرين ويانا ابددد عندي بس هل عم
و٤ عمات عماتي بعدين نعرفكم عليهم
بيبتي هيه الي تلمنا وتجمعنا دائماً بيت عمي شيخ عبد العزيز الله يديمها النا ويطول بعمرها يارب
وبس خلص ......
حنان خابرت فضل واخذت الاذن منه حتى نروح للسوك
رحنا للسوك حنان سوكت ملابس الداخليه وعطور ومكياج وبعد كم حاجه ورجعنا للبيت مرت اليومين واجه يوم الحنه
اجه اليومم الموعوددد لحناننن خطيه كعدتها الصبح جانت حيل فرحانه فدوه لكلبها الله يتمملها ع خير نشالله كومي يلا تاخرنه على صالون حتى يجي فضل ياخذنه
لجج كومييي اليوم يومججج خنشعلها ههههااييي
ههههه يلا يلا
بدينا نغني ونركص ولكل يضحك علينا عاد كمنا بدلنا هاي حجي ب٨ خلصنا واجه خطيبها
ملاحظه: اخت حنان لان صغيره ف متروح وياهم حتبقى جهز روحها بلبيت يم ابوها ولولد لج اجه فضل بره يلاا يي يي عزه مرتبكه وفرحانهههه
هههههه الله يتمم هلفرحه يروحي يلا امشي
طلعنا بره اني وماما وعمه وحنان
صعدنه سياره
سلام عليكم ابني هاي حماتي وبنتها ام سيف وسلار
هلا عمه تشرفت على راسي هلا بيكم
بيك اكثر ابني امي كلتله
انطلقنا وطريق كله فضل مشال عينه من حنان ههههه اوييي الله يتمملهم على خير
وصلنا نزلنا للصالون
جان مركز كلش راقي ومبين مكياجه حلو وراقي
طبينا سلمنا على ام الصالون وراها بنيه استلمت حنان من حف لجسمها ولوجها وووو وبعدين تمكيج حنان وره شويه دخلت بنيه طويله ومتروسه حلو شكلها سلمت على عمتي وحنان عرفت من الحجي هاي حماة حنان
حنان عرفتهم علينا
هاي مرت خالي وبت خالي
هلا كلبي تشرفت بيكم
جتي بوست ماما وبوستني وتعرفنه كلش حبابه وشقندحيه كعدت عل كرسي وبدو يشتغلوها عاد اني هم كعدت على كرسي
حبيبتي ماريد مكياج كلش اوڤر اريد شي نازك وبسيط
تدللين حبيبتي معليج بل باقي بعد استريحي
وره ساعه خلصت مكياجي عاد جتي الكوافيره
شتردين اسويلج شعرج ؟!
بس سرحيلي يا ومن كدام لمي وطلعيلي كدلتين رفاع وباقي شعري خلي مفتوح
تمام عيني
صارت ب ٢ خلصو حنان اني من ساعه ١١ خلصت لان اكثر شي شعري طول اما مكياج وحف لا مطولت لان حافه جسمي بس وجهي رتبته
عزهه جننين عين النبي مشالله ربي يتمملج على خير كتلها لحنان
حياتي امين يوم لالج كلبي
سكتي لج
ههههههه نشوف
اللهم صل على محمد وال محمد عروستنه تخبلل اليومم فدوه لله الله يهنيكم ولا يحرمكم من بعض. ، اخت فضل كالت
حياتي صليتي ع نبي غير مثلج اني اخبل فدوه لكلبج نشالله ،حنان كلتلها
مشالله عليج تدرين سلارر اذا ليوم ما نخطبتي من بيت جدي شتردين انطيج هههههه ليوم نتي لواحد من لولد تنخطبين .رنا كالت
هههههه الله يحفظها من العين ، امي وعمتي كالو
امين ، رنا
هههههه حياتي فدوه لكلبج يااه هاي شبيكم نتي وحنان تره حصير مغروره بسببكم هههههه
ههههههه نغري تستحقين الغرور ، رنا كالت
فدوه لكلبج ههههههه
خابري رجلج خل. يجي بعد مو خلصنا ، مره خالي كالت
ي صدك نسيت ههههه من القلق وتوتر
دكت على فضل وره ربع ساعه اجه
اجه يلا بنات ، ماما كالت
اييي يي
حنان لبست شال وعبايه ولفلفت نفسها عبالك جفن 😂 اسم الله عليها بس فدمره تلفلت تكول اذا فضل شاف شعره يكلب دنيا واني مبيه حيل مشاكل بيوم عرسي
هههههه شون سالفه هاي هههههه
صعدنا بسياره ورنا اجه زوجها اخذها لبيت اهلها حتى يجون العصر كلهم سووه
ملاحظه: بيت جده لفضل رايحين لغير مركز تجميل كلهم بس هذا قريب ع بيت عمتي ف اجوي هنا لان يعرفون شغلهم واما رنا حتكولون ليش مراحت ويه بيت جدها وليش مجتي امها هم وياها لان رنا ميصير تعوف العروسه لان هيه بمقام اخته الجبيره اما امهم لان مره جبيره متكدر تجي هيج مكان ف راحت بيت جدهم
طريق كله تغمز بين حنان وفضل وفرحانين وهوه فرحان بيها وكلشويه يخزرها ضم نفسها بلعبايه وشال واني ميته ضحك ههههه ماما وعمتي يعرفون بس ذابيها عل تغليس
وصلنا للبيت دخلنا
عسريع صعدنا اني وحنان حتى نبدل لان فد ساعه يبدون يجون لازم نحضر كلشي
قصير وراقي وبسيط بنفس الوقت
بما انو بس نسوان ف اكيد عادي نلبس هيج حتى لو مو مححبه بس هيج شي بمجتمعنا ممنوع
لمهم لبسته طلعت اجنن وضبيت من يم الصدر ف صار بارز صدري وشعري رجعته ليوره وعدلت نفسي اجتي حنان
عزههه عزهههه شطالعه راح انجلط اني من كميه الاناقه داشوفها بلعباس ليوم نايمه بلفراش من العين
ههههههههه يمعودهه كافي حتخجليني تعاي يلا لبسي ولج مبقى وقت حيجون ورانا شغل
يي يي يلا
لبست حنان فستانها واني ساعدتها بي
هاي تسريحه ولبدله ولمكياج مال حنان :
كلش نازكه طلعت باربي 🥺😍
مشالله عين نبي جنينن بلقران نزاكه فدشيي
صدك عفيه يعني ماكو شي مخربط
لاععع اني حنزل اعدل الاشياء
تمام اني هم انزل
لاااااا وينن ابقي هنا بعدين نزلي لا يتخربط شي يمعوده مبينه حيللل اعجاب للصفحه ومتابعه لتصل جميع القصص التي ننشرها دوسو على الرابط وانضمو 👇
قصص عراقيه واقعيه
وك حب نزلت شفت الاستقبال مفتوح علهول ومرتبين الكوشه ابوحنان وره مطلعنه جاب كادر متخصصين بسالفه الكوشه والاعراس ف طلعه كلش جنن ولخطار شايلين القنفات حاطيهم بل مخزن ومصفطين كراسي حلوه بمكانها والاناره وكوشه فدشي جان
نزلت الولد كلهم طالعين للحلاق وابو حنان وبابا رايحين عمود الفات والببسي والكيك
رحت حضرت الحنه وماما وعمتي جابو شكر وسوالف الحنه
'''''' اكلكم شي 🤭 ماعرف بعد شنو يحطون بلحنه ف لهذا كلت سوالف الحنه بس اعرف الحنه والشكر وتمن يمكن 😂🌚 ف اي غلسو ماعرف🤦🏻♀️.......
حطيناهن بصينيه الحنه الي متناسقه ويه الكوشه
خلصناها مهم بدوو يجون المعازيم شويه شويه وماما وخاله يستقبلوهم الولد سوو الحنه بيتهم بيت الجد اما نسوان بيت الجد حبو يحتفلون بلحنه بيت العروسه بيت اهل بابا جدي وبيبيتي متوفين الله يرحمهم وعندي عم واحد عايش بره اكيد ميكدر يجي وثنين وحده باربيل وحده بسليمانيه مكدرو يجون اما اهل زوج عمتي ف حيجون اخته وبتها ولباقين ميجون يمكن ماكو صلح بينهم مهم احنا قليلين مابينا ٢٠ نفر ويه الجيران طبعاً بما انو علاقه عمتي ويه الجيران قويه ف حيجون عدد منهم عمتي وصت اكو مره بلمنطقه تشتغل منضفه ف عمتي جابتها حتى تشيل الماعزيم من اكله شربه لان احنا وحدنا منكفي عاد جتي اسمها ام جليل سلمنا وهاي عاد بدت تحضر ويانا
مرر الوقت بدو يجون المعازيم اني صعدت فوك لان امر من امي وعمتي من يجون اهل العريس ننزل زين حنان حنتها اني شكو صعدتوني 🤦🏻♀️
مهم صعدت فوك
ها منو اجه
اجو الجوارين
هااا
تعاي ناخذ صور يلا
اخذتلها صور واخذنا سويه كومههه شكد تونست هاد نص ساعه ودكت امي
ها ماما
يلا عسريع نزلو جوي اهل العريس بلباب
هاا صدك يي يي جايين يلا امشي ننزل جوي اهل عريس
عزه باعي كلبي شون يدك
لج دمشي عاد
نزلنا علكيف لزمت بدلتها طبينا للاستقبال عين النسوان الجوارين علينا بديت اقره اية الفلق من عينهم عاد كعدتها عل كوشه ورتبتها ثواني ودخلواهل العريس بهلاهل وجكليت ماحجيلكم فيلق كامللل عشيره كامله هههههه مشالله عليهم كومه خطيه عمتي وامي حايرين على منو يسلمون طبو كعدو واكو مره جبيره يطلع عمرها ب 70مبين عليها الكبر بس مع ذالك شكلها مبين هيبه وحنينه وطيبه بنفس الوقت
كعدو كلهم
عمتي: الحجيه ام عبد العزيز جده فضل ام فضل ام العريس ام سلطان ووو
بدت تعرفهم على امي واني بس سلمت سلام ابتسامه وحجي مباوستهم لان ماعرفهم ف ضليت يم حنان ف هيه بدت تاشرلي بعيونها عليهم وتعرفني بيهم طبعاً هاي الحجي وره مكامت حنان باوستهم وباوست ايد الحجيه الجده وام العريس احتراماً الهم
بدت تاشرلي بعيونها وتشاورني عليهم
هاي عمتي وهاي عمه فضل ام سلطان لج هايي ابنها الجبير يموتت شيخ متاكده حتاخذج الا😆
نجبي عاد وكملي
هههههه وهاي البصفها بناتها ال٣ وجنتها ذول ورده مال الله فد حبابات. هلبنات اما البصفهم ام الحيه هم عمة فضل شكد اكره بتها لازكه ب فضل مدري شتريد منه تغار مني وبس تباوع بحقد امها حبابه بس هيه لاع عدها ابن واحد وحيه
ههههههه خربيومج ختولي لا تهتميلها
ي اوي شسويلها مهم حبيبي الي حلالي ختموت قهررر يي مهم ولي بصفها ام حميد عدها ٤ ولد و٣ بنات هذول بناتها بصفها مزوجات وجناينها ال٣ عدها بس ولد ما مزوج
ولبصفها هاي صير ام مره سلطان بعدين اسولفلج قصه مالها مو مال هسه عيب كافي وبعد عمه لخ
....
بدت مراسيم الحنه واغاني وركص وفرحانين وره ساعه كالو اجه العريس
الكل لبس حجاباته ودخل وبدت الهلاهل لبسها ذهبها وباس راسها وشربو العصير وكيك اكلو وطبعاً شنو كله هاي اني مصورته اكيد اصور شون لعد ف كعدو العرسان وبباوسوهم وصور وهاي ف بدو اخته وبنات عماته وعماته يركصن وفرحانين عاد اني كلش تعبت وعطشت
ف رحت للمطبخ فتحت ثلاجه ومدنكه شويه داطلع مي نداريت
شفت رجال طول بضخامه بجمال بحيث جمدت بمكاني من الجمال الداشوفه والهيبه والدشداشه ولشماغ ولحيه يعني مدري شوصف من الرجوله
كلهاي وهوه صافن وعاكد حواجبه ومبين من شكله عصبيي جان يكول بعصبيه
.. منو انتي ؟ وشهل لبس هذا ماعدنا حرمه تلبس هيجج!
.. ااا اني بت عمتها للعروس وبعدين شعليك انته وانته منو؟
.. روحي جوه لا يجون زلممم ومره ثانيه احجي بهل طريقه حتى اسوي بيج شي عمرج مشايفته امشي طبي ماعدنه بنات يطلعن بهلبس امشي يلا " حجاها بعصبيه جمدني بمكاني هذا ليش هيج نفسيه واعصاب
" وانته شعليك بيه بعدين بناتكم مو اني اني ماقربلك شي تريد تحاسب حاسب بناتكم مو تحاسبني مالك دخل " جاوبته بطريقه منرفزه
" تدرين لو وحده غيرج حاجيه هيج ويايه وبهاي صيغه وعلي جان دفنتها بمكانها بس زحمه اسويها لان ماعرفج بس الايام جايه نشالله " حجاها وهوه صاك على سنونه ووجهه احمر وركبته شرايينه شويه وطك من العصبيه
" اويي عفيه " كلتها وطلعت من المطبخ واني متنرفزه صح شخصيته ورجولته وكلشي بس كلش اعصاببب .......
