رواية اعداء عيلة الحاوي الفصل الثاني بقلم سلسبيل احمد
" ادهم قرب منها ومسك دراعها بقوة و بكل الغصْب الى جواه شدها ناحيته"
" بصتله بصدمه من ردة فعله"
= اقسم بالله يا ملك لولا الظروف الى احنا فيها دي كنت عرفتك ازاي تتكلمي معايا انا كده
ملك حاولت تفلت من ايده و زعقت جامد: انت
اتجـ ـننت ابعد عني واياك تفكر تمد ايدك دي عليا تاني انت فاهم اوعىٰ بقولك سبني !!!!!
" ادهم كان مازال ماسكها بقوة وصْغط على دراعها بتحدي لحد ما قاطعه صوت عزت من بعيد "
- انتم هنا؟
" ادهم رفع ايده من عليها بسرعه و بخفه ولفو هما الاتنين بصوله ملك كانت ساكته وبتتنفس بعصبيه مكتومه و صدمه اما ادهم فا ابتسم ببرود "
= اه يا جدو.. مستنين حضرتك اصلك اتأخرت.
- اه كنت بجيب المأذون
ملك بصدمه: مأذون ليه؟
مش حضرتك قولت هنرتب لسه ونتكلم!
عزت بصلها: احنا مش اتفقنا و قولتوا موافقين؟ نكتب الكتاب دلوقتي وبعدين نتكلم في باقي الحاجات ونحدد الفرح دي مجرد شكليات
" و في اللحظه دي سكت وانا بتخيل حياتي وهي بتدمر قدامي وانا واقفة اتفرج مش لاقيه حاجه اعملها.. معنديش حلول.. و مفيش اختيارات.. "
عزت دخل: المأذون هيكتب الكتاب دلوقتي.
ماجده بهدوء مزيف: ايه؟ دلوقتي؟ مش لسه لما نتكلم الاول
محمد بصلها بمعني اسكتي واتكلم:
الى تشوفه يا حج.
يحيى: اه طبعا ماما متقصدش
يا جدو هي لس اتفاجئت
ماجده بكدب: انا بس بقول عشان كل حاجه تبقي واضحه من البداية ونتفق
امينه بتمثيل: احنا عيله...
وأكيد مش هنختلف كفاية اننا هنبقي اهل وكمان نسايب.. هو الواحد هيعوز ايه تاني..
عزت بتصديق على كلام امينه: بظبط.. ده المهم..
ادهم: الى تشوفه يا جدو..
" الكل اتكلم.. ولكن انا فضلت تايهه وساكته وكأني بتسحب في دوامه ومش عارفه اتحرك.."
" حاولت احبس الدموع في عيني.. دموعي عمرها ما نزلت قدام اي بني آدم خلقه ربنا.. ولا هتنزل."
عزت: اتفضل يا شيخ تعالي..
" و فعلا الشيخ دخل و كتب الكتاب.. و بكده رسمي بقت ملك خالد عزت الحاوي زوجة ادهم محمد عزت الحاوي.. و كان عزت وقتها مبسوط.. وكأنه عمل اكبر صفقه في حياته.! "
" اليوم انتهي على كده وطلب ملك و ادهم بس الى يبقوا موجودين معاه.. و دخلوا التلاته المكتب الخاص بيه "
عزت: طبعا انا عارف ان انتم لسه مش متعودين على بعض.. والموضوع بالنسبالكم كان مفاجئ وحاجات كتير من دي
بص لـ ملك: شوفي يا ملك يابنتي انتي تبقي البنت الوحيده لعيلة الحاوي.. وصعب جدا ياحببتي ندخل بينا راجل غريب يتجوزك.. وانتِ عارفه وزن عيلتنا في البلد عامل ازاي.. و العيله مليانه رجاله زي الفل اهي.. مش هنلاقي احسن منهم نستأمنهم عليكي.. ومكنش فيه انسب من ادهم.. انا شايف انكم مناسبين لبعض وبينكم بس شوية خلافات بسيطه.. تتحل بسهوله و كمان انتم تقدروا خلافات العيله كلها
مش بس خلافاتكم.
ملك بهدوء مليان كره: مشاكل العيلة الى حضرتك بتتكلم عنها انتهت من وقت ما بابا اتوفى.. عشان من وقتها واحنا بعيد عن الكل وبنتجنب اي مشاكل!
عزت: و هو مش مفروض نكون بعيد عن بعض من الاساس يا ملك....وبعدين متنسيش عمك جمال الى خرج عن طوعي وسافر هو ومراته و اولاده.. احنا عاوزين العيله كلها تبقي ايد واحده مش كل واحد في ناحيه
ملك بصت لأدهم واتكلمت: حضرتك عارف هو سافر ليه.. عشان عمي محمد اتخانق معاه.. زي بظبط ما عمل مع ابويا الله يرحمه.. عمي محمد عايز يبقي مسيطر على كل حاجه هو و عياله
أدهم بحده: ما تحافظي على كلامك !
انتي بتتكلمي عن ابويا و اخويا !!!!
- والله انا مقلتش حاجه غلط ! ده الى حصل !
عزت: يبقي كفاية كلام لحد هنا..!
احترموا وجودي انا مش عايز حد يفتح في القديم
ولا انا عايز اخلق خناقات جديده!! انت وهي مسؤلين تخلوا الجوازه دي ناجحه.. مش هقبل بغير كدا مفهوم؟ خدوا فرصتكم! متبقوش جيل متسرع بالشكل ده! وعاوز يمشي الي في دماغه وخلاص
أدهم بصلها بأستفزاز: الى تشوفه يا جدو طبعا.
- الفرح بيتجهز له هيتعمل فى خلال اسبوع و كمان الفيلا بتاعتكم بتجهز ولحد ما تخلص.. هتفضلوا معايا هنا انا كدا كدا قاعد لوحدي
أدهم ببرود: انا معنديش مشكلة نقعد مع حضرتك علطول..
ملك: وانا مش هقدر اسيب ماما لوحدها
عزت: هكلمها تيجي الصبح
ملك بضيق: انا محتاجه ادخل الحمام..
" دخلت و سيبتهم وانا ماسكه دموعي بالعافيه! بصيت لنفسي في المرايا وقررت ابقي قوية ! عمري ما هبين ضعفي قدامهم.. ولا هخلي حد يشوف دمعه مني! خصوصا ادهم! وهخليه يدفع تمن كل حاجه "
" غسلت وشي ونشفته وبدأت اتنفس بهدوء عشان كل حاجه كانت ضاغطه عليا.. "
عزت: انا مش عايزك تعمل اي مشاكل مع ملك انت فاهم يا ادهم ؟
ادهم بخبث: إطلاقا.. مش عايز حضرتك تبقي قلقان خالص مني.. هكون في منتهي الادب والاخلاق تربيتك يا جدو..
" ملك رجعت و وقتها عزت مشي على شغله "
- افردي وشك ده ياحببتي ده انتِ بقيتي متجوزة أدهم محمد عزت الحاوي
" ضحكت بسخريه على غروره وبصتله بنفس النبره"
= وانت متجوز ملك خالد عزت الحاوي.. البنت الوحيده في العيله.. جدو لسه لافت نظري للنقطه دي! متخيل بقا لما ابقي الوحيده وسط عيله كلها رجالة؟ اكيد لازم يتعمل لي ألف حساب !
ولما ابقي بفهم في الشغل احسن منك.. جدو هيكون فخور بيا اوي..
" أدهم مكنش عاجبه غرورها المعتاد "
- الأيام هتثبت.. انا ايه وانتِ ايه.. ولحد ما ده يحصل.. فا عاوزين نتفق على كام حاجه.. عشان نعدي الفتره الحلوة دي على خير يا قطه
= احنا مش هنتفق ولا عمر هيكون فيه بينا اتفاق يا ادهم حاول تستوعب ده و تفوق
- ياستي كويس و ده الى انا عايزه! محدش فينا له دعوة بالتاني كل واحد يعمل الى على كيفه.. بس قدام العيله.. وقدام جدك هنبين اننا متفقين! وحبينا بعض.. زي ما قولتلك قبل كده هنمثل مش اكتر
" بصتله بتفكير وابتسمت ابتسامه صفرا "
- و ده هنبينه ازاي انا مش بطيقك ولا عايزه ابقي معاك لمده ثواني حتي
= جربي تبقي زي البنات ياحببتي.. تدلعي زيهم.. تلبسي زيهم كده يعني
" فتحت عيني ومكنتش متخيله كميه البرود والسماجه الى طالعه منه! دي ! "
- انت قليل الأدب على فكره واياك تتكلم عني ولا تعلق عليا ده مش من حقك انا مطلبتش رأيك اساسا!
= هدي نفسك ياقطه بس انتي مضايقه اوي كده ليه؟ هي جت على الجرح
" ضحك فا فهمت انه بيحاول يرد لي اني برضو جيت له على الجرح و فكرته بموضوع البنت الى كان بيحبها "
- مش هضيع وقتي مع واحد زيك اصلا
" سيبته و طلعت اقعد في اوضة وقفلت عليا الباب.. وانا عارفه اني داخله على حرب.. بقلمي سلسبيل احمد ولا كنت عاوزاها.. ولا عارفه لو هقدر ابقي قدها حتي ! "
>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| في الشركة | مكتب عزت الحاوي ||
" كان قاعد على مكتبه بيعمل مكالمه "
- ايوه يا جمال.. فرح ادهم و ملك بعد ست ايام.. ولازم الكل يحضر
رد بتعجب: ملك بنت اخويا؟ و أدهم؟
- ايوه.. مالك متفاجئ ليه؟
= لا ابدا يا بابا
- تيجي انت ومراتك وعيالك قبلها بتلت ايام وتعمل حسابك انكم هتقعدوا فتره.. اظن احنا في اجازه والدنيا هاديه
= حضرتك عارف ان شغلي صعب اخد منه اجازه طويلة
- خد الاجازه الى تقدر تاخدها.. و انا هتكلم مع عيالك يقعدوا هما و مراتك..
= تمام يا بابا ان شاء الله نيجي وربنا يسهل.
- هنستناكم يا جمال فاهم؟؟
= حاضر..
" عزت قفل معاه.. وبكده يبقي بيجمع العيله كلها حواليه.. جمال ابنه و هدى مراته.. و عيالهم شريف وطارق.. وابنه التاني محمد ومراته ماجده وعياله طبعا ادهم و يحيى واخر حاجه.. ملك بنت خالد ابنه الى اتوفي.. وامها امينه.. "
" كان عزت يعتبر عزم كل الناس لأن معارفه كتير بسبب شغله المتوسع.. "
>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| بعد مرور تلت ايام ||
" وفات تلت ايام.. و كان رابع يوم متوقع وصول جمال و اسرته لفيلا عزت الحاوي عشان الفرح.. ملك كانت مستنيا يجوا "
امينه: مالك يختي فرحانه كده ليه عشان جايين
ملك بصتلها: عشان بقالي فترة كبيرة مشوفتهمش يا ماما..
امينه: الى يشوف كده يقول هما كمان ملهوفين عليكي
" ملك سكتت بزهق من الخناقات "
" خرجنا انا وماما قعدنا و كانت طنط ماجده موجوده هي و عمي محمد و يحيى وطبعا ادهم "
" سمعت صوت عربيات وصلت فا خرجت بسرعه و اول حد نزل كان عمي جمال "
" حضني بحب وانا حضنته وانا بفتكر ابويا بيه! بفتكر قد ايه كانت علاقتهم قريبة و الايام وقتها كانت هاديه وجميلة! وكنت فرحانه ! "
- كبرتي يا ملوكه! بقيتي زي القمر ماشاءالله
بصتله بأبتسامه واسعه: وحشتني اوي يا عمى
"هدى سلمت عليها هي كمان بحب"
" وبعدين شريف وطارق نزلوا "
طارق: اووووه احلويتي يا لوكا!
" ملك سلمت عليهم بفرحه وبصت لشريف"
- شكلك اتغير ! ربيت دقنك كده ليه!
طارق: سبيه ده مكتئب بقاله 900 يوم تقريبا
" ضحكت وبعدين دخلنا كلنا الفيلا على وصول جدو ورانا وبدأو العيله يسلموا على بعض.. ولكن العلاقات بين عمي جمال وعمي محمد طبعا مش احسن حاجه.. يعتبر ملهمش علاقه كويسه في العيله غير معايا انا وجدو بيدج الفيس بوك بتاعتي سلسبيل احمد"
" كان عمى جمال قاعد جمبي وباصص على ادهم وبيهمس عند ودني بهدوء "
- الواد نظراته تنحه متغيرش هتتجوزيه ازاي ده
= لا ما اتجوزت خلاص والى حصل حصل ياعمي
بصلها بدهشه: هو انتي موافقة يا ملك على الجوازة دي
حاولت ابتسم: ده كان أمر من جدو
جمال اتنهد: كنت عارف.. ابويا وانا عارفه..طب ليه متكلمتيش معايا يا حبيبتي؟
بصتله: متخافش يا جيمي.. انا تربيتك..!
" جمال حاول يبتسم لها ولكنه مش راضي عن الى بيحصل خصوصا انه بيحب ملك زي بنته "
هدى: مبروك يا حبايبي.
ماجده: الله يبارك فيكي... وانتم بقا ناويين تقعدوا في مصر قد ايه؟ ولا هتمشوا بعد الفرح علطول.. اصلي عارفه انكم مش بطيقوا تفضلوا هنا ههههه
" وطبعا كلامها الى زي السم بيخلي القاعده فجأة تسكت! عشان جوزها يكمل جرعه السم لأنهم شبه بعض "
محمد: جايين عشان الفرح بس طبعا
جمال: الاجازه الى عرفت اخدها اربع ايام بس يعني يادوبك بعد الفرح نمشي
عزت: وانتى يا هدى.. انتي و شريف وطارق مش ناويين تقعدوا؟
طارق: ما حضرتك عارف يا جدو ان شغلنا وكل حاجه هناك
عزت: وهو يعني مفيش شغل هنا.. ده احنا محتاجين ناس نثق فيها تشتغل معانا.. دي فالاخر فلوسكم ومحدش غيركم مفروض يبقي رقيب عليها
" شريف مكنش مستحمل كلام استأذن منهم بحجه وخرج قعد في الجنينه "
" فا خرجت وراه ملك "
- ايه يا توتو؟
"اتنهد من غير ما يبصلها فا قعدت قصاده"
- مالك يا شريف فيه ايه ؟
= مفيش حاجه
- انت لسه كتوم ومش بتحب تتكلم يا توتي
= يخربيتك انتي والاسامي بتاعتك دي انتي لسه شيفاني توتي حتي وانا مربي دقني وقد الباب ؟
ضحكت: انا عارفه ان انت الكبير بس من وانا صغيره بشوفك توتي كده عشان كنت اكتر حد حنين في العيله وبتلعب معايا بالعرايس و اللعاب الطبخ
ابتسم وبصلها وهو سرحان: كانت اهدى فتره في حياتنا يا ملوكة.
= طب قولي حصل ايه؟ مالك
" شريف بصلها وقاطعهم دخول ادهم و ملك قلبت وشها اول لما شافته.. و شريف اوردي مش بيطيقه "
شريف: طيب انا هطلع اريح في الاوضة شوية..
" طلع وسابهم و أدهم بص لـ ملك "
- هو انتى بتقومي ليه من غير اذني..
= نعم يحبيبي؟ نعم ؟
- يعني قومتي وسبتي القاعده وبتتصرفي بطريقه غريبة من وقت كتب الكتاب وانا متفق معاكي على اسلوب معين لما نبقي قدام الكل
ملك بصتله بعدم اهتمام: وانا جربت ومعرفتش الشغل والاونطه الى بتعملوه ده والتمثيل انا معرفش اعمله وانا بعمل الى عاوزاه يا أدهم جوازي منك ده ولا كأنه موجود من اساسه مش عاجبك تقدر تطلقني
" نهيت كلامي وانا ببتسم له بتناحه شبه تناحته "
" بصلها بنرفزه "
- انتي عارفه انا ممكن اعمل فيكي ايه؟؟
= تؤتؤ خد الجديد انت عارف اني ممكن اروح اقول لجدك على اللعبه دي كلها؟ و اقوله على انك رافض تعلمني الشغل وبتعمل شغل من وراه انت وابوك
- تقصدي ايه بظبط ؟
= انت بتحور؟ ولا فاكرني غبيه معرفش ؟ جرب يا ادهم تدوس لي على طَرف وانا اقسم بالله العظيم هقلب الدنيا كلها عليك.. بيدج الفيس بوك سلسبيل احمد انا بس سيباك عشان مليش خلق ادخل نفسي في حورات ومشاكل بس لو المشاكل جاتلي.. مش هقف اتفرج
" ملك رمت كلامها و سابته و دخلت و ادهم مكنش مصدق الطريقة بتاعتها! وفكره انه مش قادر يسيطر عليها كانت بتجننه !!! خصوصا بعد لما اكتشفت انها تعرف حاجات كتير.. مش عبيـ ـطه زي ما تخيل! "
>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| يوم الفرح الصبح ||
" العيلة كلها كانت في البيت.. وكذا ميكب ارتسيت! وناس بتجهز و خدامين جوه و بره اليوم كان زحمه وكأنه حدث تاريخي.. و امينه كانت فرحانه جدا خصوصا لما عزت طلب منها تفضل في الفيلا زي ما تحب جمب ملك .. وبقت تروح وتيجي في عربيه خاصة.. "
- حبيبة ماما.. قاعده بتعملي ايه ؟ وليه خرجتي الناس كلها بره؟
ملك بصتلها وهي بتحاول تبين القوة: مفيش.. برتاح شوية ممكن تسبيني لوحدي؟
باستها: زي ما تحبي يا حبيبة ماما
" خرجت و ملك كانت مستنيا طارق بعد لما بعتتله مسدج على موبايلها "
- ايه يا ملك محتاجه حاجه؟
" ملك قفلت الباب و بصتله "
- قبل ما اقول اي حاجه اوعدني يا طارق محدش يعرف بكلامنا.. ولا حتي عمى جمال
بصلها بستغراب: فيه ايه يابنتي؟
" ملك بدأت تحكيله على كل حاجه
تخص الجوازه دي وكل التفاصيل "
- انتي اتجننتي يا ملك؟ ليه توافقي اصلا!
و ازاي متعرفيش بابا انتي عارفه هو بيعتبرك ايه؟ واحنا بنعتبرك اختنا!
= طارق ممكن تفهم ؟ انا مكنتش هقدر ارمي كل حاجه ورا ضهري واسافر معاكم واسيب امي وهي رافضه تسيب مصر وحاجات كتير منعتني ابعد عن العيله.. كنت مضطره افضل قريبة منهم ومكنش ينفع ادخل عمي في مشاكل معاهم.. هو اصلا سافر وسابهم عشان هو مش بيحب المشاكل ولا قدر يتحملهم.. صدقني انا كنت ببقي مبسوطه اوي وانا عارفه انكم بعيد عن كل حاجه.. وعن عمى محمد ومراته تحديدا
- وانا عمري ما هبقي مبسوط ومرتاح بعد لما عرفت كل ده.. وانتي غلطانه يا ملك اوي غلطتي لما وافقتي تتجوزيه ليه !!
= انا مش عاوزاك تقلق عليا.. انا مسكت عليهم حاجات كتير يا طارق... انا بقولك كل ده عشان لو في يوم حصل اي حاجه مش عامله حسابها.. يبقي فيه حد عارف الحقيقه.. كمان الفلاشة دي عليها حاجات كتير تخص الشغل زي ما قولتلك..
- ملك.. انتى مش محتاجه كل ده صدقيني لو فكر حد يقرب منك هقتـ ـله
ابتسمت وبصت له بحب: من زمان وانا عارفه انك في ضهري والله يا طروق.. وعارفه اني مش وحيده.. انتم اخواتي.. بس معرفتش اقول لشريف لأنك عارفه ممكن يروح يقـ ـتل ادهم بجد
ضحك: انتي بتقولي فيها..
" الباب خبط و طارق فتح وكان شريف "
بص لطارق: هو انت هنا يا حبيب قلبي؟
ملك بدهشه: اوبا انت حلقت! كده رجعت شريف الحقيقي شكلك تحفه
ضحك وبصلها: انتي شكلك احلي.. خساره فى المعفن الى تحت ده
" ملك و طارق ضحكوا جامد "
ملك: طب ايه فترة الاكتئاب خلصت؟
شريف: تقريبا اه.
طارق: طب انا هنزل بقا حصلني ماشي
ملك بصت لشريف: مش ناوي تحكيلي برضو يا شوش كان مالك؟
شريف: مشكلة عبيـ ـطه.. مشروع خطوبة كده ب ظ هحكيلك بعدين.. بس بحاول احل الدنيا وكده لسه
ابتسمت له وغمزت: بتحاول تحل.. امممممم
- الحب بقا المهم خلينا فيكي.. انتى متأكده انك هتتجوزي البنى ادم ده؟
= ما انت لسه قايل الحب بقا
- مستحيل تكوني بتحبيه ! متحوريش
قولي الحقيقه
بلعت ريقي وبصتله: عادي يعني بتكلم جد
" وللمره التانيه قاطعهم دخول ادهم من غير ما يخبط الى اتفاجئ بوجود شريف مع ملك "
- انت بتعمل ايه هنا ؟ اظن انا عديتها لك مره !
شريف: نعم مش فاهم؟
ادهم بحده: مش فاهم ايه؟؟ بتعمل ايه في اوضتها؟؟ انت مش واخد بالك اننا متجوزين؟؟ وحتي لو مش متجوزين بتسمح لنفسك تدخل اوضتها ليه؟
شريف بصله: انت دماغك تعبانه!! بطل تفكيرك المتحْلف ده ياحبيبي
" ادهم كان هيتنرفز ملك وقفت بينهم بسرعه عشان خافت يشدوا مع بعض خصوصا ان ليهم سوابق!! "
