رواية كان اخي الجزء الثاني الفصل الثاني 2 بقلم مجهول

 

 


رواية كان اخي الجزء الثاني الفصل الثاني بقلم مجهول



باوعنا لكيناه ورانا جان يدك الموبايل بيد هبه
هيثم:-انطيني الموبايل
هبه كامت ترجف وجها ينطي الوان..سحب الموبايل هيثم من ايدها.جان يرد
هيثم:-الوو.....الووو....الكلب سدة هذا نفس الرقم الي اتصل قبل كم يوم منو هذا ...باوعلي :-وانتي ليش تكوليلها سدي هيثم يدورلج شكووو احجن وهذا الرقم المنننن؟؟؟ اثنينه ساكتين ومنعرف شنجاوب
رجع خابر هيثم عالرقم :-احجيي ليشش ساكت بالقران اذا دكيت بعد عالرقم انعل يوومك .....رجع سدة
هيثم:-هبه هاي اخر مرة اكلج هذا منوووو
ملك:-بس على كيفك اهدء
هيثم:-انتي لاتحجين جاوبيني هبه
هبه:- واحد
هيثم:- من وين تعرفيننه
هبه:..........
هيثم:-احجيييييي
هبه:-من رحنه للمدينه هناك عرفته....هبه تحجي وترجف
هيثم:-اي وبكل سهوله انطاج الرقم واخذتي موو
هبه:......
ضربها راشدي كل قوته
هبه:-بس اسمعني 
هيثم:- مااريد اسمع صوتج ادبسسززز ...امشي كدامي انزلي
كامت تبجي وماتقبل تنزل..جان يجرها من شعرها ونزل غصب وهي تعيط
ملك:-هيثم عوفها على كيفك
هيثم:-اليوووم اررربيج واعلمج بعد شون تاخذين ارقام وتحجين ويه ساقطين
نزلها وفوتها للغرفه وكام يضرب بيها
اجت عمتي عالصياح
سميه:-خير شكو ليش هيج تضربها وخر عنها
هو يضرب بيها ولايسمع منه
ملك:-كاافي عااد شبيك موتتها خما هيح اليحاسب
هيثم:-لاتدخلييين انتي حسابج بعدين
سميه:-فهميني ملك شسالفه
حجيتلها عالسريع
سحبتو عمتي منها بالكوووة
هيثم:بعد موبايل ماكووو ممنووع ....انتي الحكيني للغرفه
رحت للغرفه
هيثم:-ليش ماكلتيلي هاااا
:-شنوو اكللك
:-لاتغشمين روحج انتي تدرين لان كتيلها سدي سمعتج
بقيت ساكته
:-يعني تقبين عليها موو وتنطيها الموبايل ...
:-ماجنت ادري من اخذت الموبايل ولاجنت اغطي عليهااا
:-لاتجذذذبين اي انتي تعرفين بالسالفه وساكته والموبايل تنطيها اياه من وراي بس بعد موبايل ماكووو واني الجن بسيطه
:-بالجهننننم ماررريد مووبايل...
:-لاتنترين كدامي وتعلين حسج فهمتي لو افهممج زيين..وهذيج اني الها نوب تسوي هيج اذبحها بيدي
:- بنت وحبت شنو يعني ..ليش انت ماحبيت اني ماحبيتك لو بس نعرف نحاسب الحوالينه
:-لاتقارنين شي مايشبه شي انتي بنت عمتي وعايشه ويانا وتعرفيني زين واعرفج مو واحد غريب جاي من الشارع مااعرف هذا يضحك عليها لو لا..بعدين ديري بالج تكولين هذا الكلام كدامها بعدين تستطمع وتسوي ازود
المهم ماكو موبايل بعد مادام تغطين على سوالفها وتنطيها الموبايل
:-استغفرالله ياربي مو دااكلك مانطيتها ولاغطيت عليها اني كتلهه بعد لاتخابرين الولد وهي كالتلي اي شدراني راح ترجع تخابرة نوووب
:-اهاا يعني تعرفين وتضمين موووو
:-اي ضميت لعد خما اكلك حتى تروح تموتها كااافي عااد هس موكتلتها شتريد بعد
:-العتب عليج انتي والله موعليها
:-هااا صرت اني موووو...خير انشالله
طلعت من الغرفه متعصبه ورحت على هبه باوعت خطيه شحالها
سميه:-يابنتي ميصير هيج تسوين يجوز يطلع الولد موخوش وبعدين ياذيج الناس خربانه يايمه لاتصدكين اي واحد
هبه:-كافي يوم عفيه ماريد اسمع شي كافي
حيل انقهرت عليها ووضعها حيل تعبان وبس تبجي
ونوب طلعت اني السبب والي اغطي ومدري شنو حلفت كلت  اليوم والله فلا انام بغرفتي اله اخلي وحدو ينام بيها
فرشت فراش ليه وجبت الهزاز مال فجر وخليته يمي بغرفه هبه
سمعت صوت هيثم يصيحني رديتله بس ماسمعني جان يفتح الباب مال الغرفه وشافني....باوع عليه طكلو صفنه كام يهز بيدو
هيثم:-هااي شنوو متحوله هين
مادرييت علي
:-كل عقلج هااي تريدين تنامين هين
:-اي كل عقلي
:-عيب ملك انتي جبيرة وهاي مال زعاطيط السوالف يله امشي لغرفتج
.
:-مااجي روح انت نام 
:-شنو كتلج حتى تمزعلين هاا 
:-لا ماكلت شي ابد بس خليت كلشي براسي
:-يله كومي لغرفتج ولاتكررين هاي الدكه لان عيب انتي متزوجه وعندج غرفتج موبنت حتى بكيفج تنامين بالمكان الي يعجبج
:-كلت مااجي
اجه سحبني من ايدي 
ملك:-وخررر مااجي وخررر
اخذني للغرفه غصب وسد الباب
هيثم:- هاي شبيج انتي تخبلتي لازم ..ادري بيج تسوين هيج حتى تمسكيني من ايدي التوجعني
ملك:- مايهمني 
هيثم:-انتي تعرفين ماكدر بدونج ليش سوين هيج هاا
ملك:-.............
هيثم:-يله حياتي روحي جيبي فجر وتعاي 
رحت جبت فجر ورجعت للغرفه تمددت عالتخت وتغطيت ودرت ضهري لوه وسويت نفسي نايمه
كام يخلي رجلو تطخ برجلي ..ماهتميت اله رجع نوب كل شوي يقرب رجلو عليه ادري بي يسوي هيج حتى يراضيني..كل مايقرب رجلو اوخر رجلي صرت تقريبا بطارف التخت وهو يقترب واني ابتعد اخر شي وكعت من التخت
ملك:-اااااااخخخخ
هيثم:هههههههههههه
ملك:- عليش تضحك
هيثم:-هااي تاليتج من تبتعدين عني تكعين ههههههه لازم ترجعيلي بالاخير....يله حياتي كومي 
انطاني ايدوو
ملك:- مايحتاج هس اكوم وحدي...كمت ورجعت تمددت
هيثم:-هسس شون يعني تضلين هيج
ملك:-اييي
هيثم:لااله الا الله...شوفي ترى اني موبقصدي الومج او اخلي العتاب عليج بس اني اخوها ولازم ادير بالي عليها وابعدها عن هاي السوالف هواي بنات ضاعن من ورى هاي السوالف 
ملك:-اي صح
هيثم:-فأنتي لاتلوميني اذا بوقتها تعصبت وحجيت عليج ولعلمج هذا تصرفج  من تروحين تنامين بغير مكان لو غير رجال مرته تسوي هيج وياه يضربها  على هذا التصرف..بس اني مكبر عقلي وياج وحاسب حساب لفرق العمر بينه 
ملك:- شون يعني
هيثم:-يعني مثل قبل شوي انتي معاندة متقبلين تجين لو اضل اني اعاندج وانتي تعاندين راح نضل للصبح متعالكين لازم واحد يتنازل للثاني حتى تستمر العلاقه ويستمر الحب بينه. 
ملك:-صحيح
هيثم:-انتي كلشي بالنسبه ليه ملاكي وحياتي كلها ولو شيصير بينه ماتنامين خارج غرفتنه لان الغرفه والبيت كله ميسوى شي عندي ااذا ماجنتي موجودة بي
من يكوم يحجي وياي هيج انسى كلشي واروح بغير عالم واحب بس اسمعو يسولف ارتاح حيل واحس بأمان
حضنته قوي ونمنا
ندك الباب علينه الصبح فتحت عيوني باوعت الساعه7ونص.....

تعليقات