رواية انا والمكتئب الفصل الثاني بقلم اية موسي
طب اهدى بس .. لو انا وافقت .. حتساعدني ونتعالج ؟
هز راسه ب اه
- موافقة
قلتها واانا ببص بعينيه وشفت فيهم بصيص امل .. وتاكدت انه حيتعالج
طلعنا والكل اتبسط حتى شفته هو مبتسم
وده بالنسبالي اكبر انجاز
طلبت اننا ما نعملش خطوبة دلوقتي .. بس يتعالج علشان ابقى بجد مبسوطة
باليل جالي بابا وهو بيقولي
- رنين .. متاكدة ؟
- اه يا بابا .. ده اكتر قرار متاكدة اني موافقة عليه
تاني يوم اخدت احمد بالاجبار على الدكتور
قلناله كل حاجة .. واخدني على جمب يكلمني
- بصي استاذة رنين احنا مش حنوقف المهدئ .. احنا حنخفف الكميات لحد ما نقطعه خالص .. وبما ان الاستاذ احمد كان بيااخد جرعات خفيفة في السابق .. فحيكون الموضوع اسهل .. وعاوزين نعمل فحوصات قلب وكبد وكلية .. ونحطه تحت العناية 48 ساعة في المستشفى
وافقت فوراً .. وطبعا احمد لازم يعاند ولا ومش حدخل ومن الكلام ده ... بس حالته فعلا صعبة و انا اوفرت شوي علشان يقتنع .. وفعلا اقتنع
قلنا لاهلنا ان احمد مسافر يومين لشرم يغير عن نفسيته
وفعلا قعد بالمستشفى
كنت كل يوم اروح .. اعمل غداء .. احاول نتكلم .. كان كلامه قليل كانه بدات ترجعله حالة الاكتئاب
يوم خروجه رحت اقابل لدكتور
- لا تحاليه كويسة جدا .. جسمه مش متاثر اووي .. بس في نقطة بسيطة
- ايه ؟
- بما انه خفضت النسبة الي بياخدها من علبة لحبيتين باليوم ... ف حيحصله حجات غريبة
- زي ايه
- حالة صرع .. ممكن يغمي عليه .. ممكن ما يقدرش يقف على طوله .. ممكن يتخيلل ويسمع حجات مش موجودة .. فاهمني ؟
- اه طبعا .. تمام .. شكرا يا دكتور
طلعت ورحت لغرفة احمد
- ها .. قال ايه
- قال انك زي القمر و صحتك كويسة جدا .. بس في اعراض جانبية حتظهر لايام و بعدين حتكون تمام .. ممكن طلب ؟
- اكيد
- ارجع عيش عند بيت اهلك
- واسيب بيتي ؟!
- معلش الفترة دي بس
- حاضر
ابتسمت ومشينا
بقيت ازور احمد كتير في بيت عمي .. انا تقريبابقيت اقضي الاسبوع عندهم .. احمم
- هو انتي يا بنتي مبلطة عندنا اووي كدا .. لدرجادي بتحبيه
ضحكت على منذر وكنت بغسل الاطباق وهو واقف في المطبخ
- بساعد خالتي .. بما انها عندها ولدين باريين بيها اووي وبيساعدوها
- اه .. قولي كدا .. عاوزة تكسبيها في صفك من اول يوم
- ما تزعلش البت يا منذر
- اه .. ده انتي كسبتيها وخلاص
ضحكت عليه
- اخوك فين
- قاعد في اوضته
- طب خد كدا
اعطيته بكل احترام الليفة والصابونة ومشيت
- تعالي هنا يا بت .. بت
رحت غرفة احمد .. دقيت الباب ودخلت
- عامل ايه ؟
اتنهد وقال
- كويس
- مالك بس
- بقالي من الصبح بتجيني خيالات وبسمع اصوات
- اه .. زي ايه ؟
سكت شوية وقال
- نفس المشاهد والاصوات الي خليتني اخد المهدئ
- طب ممكن اعرف هي ايه ؟
هز راسه ب لا .. فابتسمت ابتسامة خفيفة وقلت
- الا ما يوم اعرف .. صح ؟
هز راسه ب اه
- طب حقوم اروح انا .. عاوز حاجة ؟
هز راسه ب لا
خرجت وقلت بصوت عالي لمنذر
- سلام يا منذر .. good luck مع الجلي
ضرخ ب صوت عالي
- حسبي الله و نعم الوكيل
ضحكت وخرجت
بعد فترة كنت قاعدة انا واحمد في بلكونة بيتنا
- حلو الايس كوفي ؟
- اه
- طب قول شكرا
ضحك ضحكة خفيفة
- شكرا يا ستي .. حقوم اجيب التلج علشان ذاب عندي
- هاتلي معاك
- حاضر
قام يجيب وفجاء سمعت صوت وقعة
قمت اجري لقيته بين المطبخ والبلوكنة واقع على رجليه
- ايه الي حصل ؟
- حسيت رجليا مش شايلني خالص
- معلش ..ده الاعراض الجانبية
قومته .. وانا بجد زعلانة عليه
رحنا عملناا تحاليل اضافية .. وخخفنا الجرعة لحبة واحدة .. وبعد فترة حنقطعها خالص
- دلوقتي يا دكتورة رنين لازم نبدا بالمرحلة التانية
- ايه هي ؟؟
- مرحلة العلاج النفسي .. لازم استاذ احمد يبدا المرحلة دي .. لانه اكيد ماا كانش ياخد االادوية من فراغ .. انتي عارفة السبب ؟
- لا والله
- لازم يروح لدكتور نفسي .. يعرف مشكلته ويساعده ويتخلص منها
- ايوه بس المرة الي فاتت بس راح انهار ورفض يتكلم لمدة ساعتين
- يروح تاني مرة باجبار .. غصب عنه مش بمزاجه
مش عارفة اقول للدكتور ازاي انه كان بالغصب برضو
- ححاول
- لازم يا دكتورة
هزيت راسي وشكرته ومشيت
كنا ماشيين وبقوله
- شاايف يا احمد .. الدكتور بيقول انه لازم تروح لدكتور نفسي
- لا مش لازم
- لا لازم .. وحنروح يا احمد
- ان شاء الله
قولت بنرفزة
- على فكرة لازم نغير مفهوم كلمة ان شاء الله الي زرعوه فينا امهاتنا
- مش فاهم
- كانو دايما لما يقولوا ان شاء الله نعرف انه مش حيحصل .. مع انه المعنى مش كدا خالص
اخدت نفس وكملت
- إن شاء الله معناها إن الفعل صار مرهون بإرادة رب العالمين.. يعني أنا عملت اللي عليّ وجزمت بالنية، والباقي على اللي بإيده كل شيء. لما تقولها يا أحمد، المفروض أحس إن الكون كله صار بصفنا عشان الخطوة دي تتم، لأننا استعنا بصاحب المشيئة، مش أحس إنك بتقولها عشان تنهي النقاش وتضيع الموضوع
بص ليا وقال بابتسامة
- كل يوم نظرتي بتكبر فيا يا رنين
- حنروح الدكتور .. وحخطفك زي المرة الي فاتت
مسكني من ودني
- متفكرنيش بالموضوع ده احسن ليكي
- حااضر ... سيب ودني بقا
بعد 3 ايام كنت رايحة متحمسة
انهاردة حروح لاحمد واخده غصب عنه على الدكتور
دقيت الباب بحماس .. بس سكت لما سمعت صوت زعيق
فتحت ليا مرات عمي
- ادخلي يا رنين شوفي مالهم .. دول اتهبلوا خالص
- فيه ايه بس
دخلت وكنت رايحة ناحية اوضة احمد بس الكلا الي سمعته لجمني
منذر : خلاص بقا .. اسكت .. انا زهقت من كمية المشاكل
احمد : لا مش حسكت والي قلتلك عليه حتعمله
منذر : طب بس بس يا مجنون .. يا بتاع المهادئات
احمد صرخ جامد وهو بيقول
- ما هو ما بقيتش كدا غير بسببك وبسبب صاحبك الزفت مؤمن
ايه !!.. يعني منذر السبب !!
فتحت الباب بقوة وقلت بصوت منخفض وحاد
- دلوقتي عاوزة اعرف كل حاجة
وهنا بقا في سكون تام بالبيت
