رواية الطالبة والعصبي الفصل الثاني بقلم مجهول
نارين رحت اشوف الأسماء ما القاعت ونصدمت
نارين :لا يربي شنو هاي طلعو حاطين الاسماء حسب الحرف واية وسرى بقاعة وحد واني وحدي لأن حرفي يالخير صدك انقهرت ورحت السرى
نارين : اهى اهى لج سرى لحكي
سرى : ولج شبيج تبجين حبيبتي وحضنتهة
نارين من بين ادموعهة وشهكاتهة : سرى حاطيج انتي واية بقاعة واحد لأن اسمأجن با البداية واني بقاعة الثالثة لأن اسمي با الاخير
سرى : ضربتهة على راسهة وكالت
كبر حتة كبر وكفتي كلبي عبالي مدري شكو
نارين : يعني عادي عندج كل وحدة بقاعة
وتعوفيني ها
سرى : ادري انتي حبيبي وعوفج ههههه بس لا تخافين انحاجي مسئول القسم علمود اينقلج ابقاعتنة ها اشكلتي
نارين : اي فدوة هسة روحي حاجي وتعاي وراي للسنتر لأن اية موجودة اهناك
سرى : اوكي يلا رايحة
وراحت سرى اتحاجي مسئول القسم ونارين راحت الأيه ولكت اية كاعدة علة وحدة من الطاولات وشكلهة معصبة اول مشافت نارين كعدت حجت ابعصبية
ايه : لج غبية صاريلي فوك الربع ساعة منتظرتج وين وليتي
نارين : شبيج عصبية جنت ادور على القاعات وفنج منو شفت
ايه : بالله منو شفتي
نارين : لج شفت سرى
ايه : مو علة اساس تدخل قسم تربية انكليزي
نارين : اي بس علة مود انكون سوة دخلت قسم الأفيزياء
ايه : هسة معلية اني بيجن كليلي رقم القاعة
نارين : انتي وسرى رقم واحد واني لأن اسمي بأالخير حطوني الثالثة بس سرى راحت تحجي وي مسئول القسم على مود انكون بنفس القاعة
ايه: ماشي راح اروح للقاعة مالتي وانتي انتظري سرى اوك
نارين : حاضر وراحت اية للقاعة وراهة بخمس دقايق اجت سرى تركض كتلهة بسرعة
نارين : ها بشري حاجيتي لو لا قبل مو
سرى وهية تاخذ نفس : شبيج انهديتي علية اهدي
نارين : لج فدوة احجي ما بقة عندي صبر
سرى : هههه راح احجي اشبيج لج رحت سئلت علي ودلوني ورحتلة و كتلة انو عادي تنقل صديقتي من قاعة ثالثة للولى اول شي رفض نوب لمن لحيت علي كال ماشي بس بعد اسبوع مو هسة
نارين : لج اشون انتظر اسبوع
سرى : نعل هسة مو زين اسبوع ولا سنة كاملة انوب شافت اساعة وعاطت
سرى : ولج اتأخرت عندي محاضرة مال كيمياء اول درس وانتي رياضيا ت
نارين : لج وين شفتي
سرى : با الجدول جان امعلك علة الحايط وشفتة ولج يلا خن ولي هسة وكت اسئلة
وراحن كل وحدة على قاعتهة .........
________________***
سيف :
وصلت للجامعة وصفيت سيارتي با الكراج واني جاي اسد باب السيارة صفت سيارة صديقي واخوية واعز من روحي سيارة محمد وسد باب سيارتة وكال
محمد : هلاة بصاك الكلية هلاة با المخبل البنات
سيف : ادري انتة ما اتوب بعد اجكد
ايصير عمرك وتعقل
محمد : اعقل من ازوج
سيف : وشوكت تزوج
محمد : من اعقل
سيف وهوة يمشي للدارة ومحمد ورى :لا والله ما ايصيرلك جارة خبل
محمد : هوة احلة شي بية اخبالي
سيف : ياهو الضحك عليك وكلك هيج
محمد : هههههه تتعال خل ندخل للدارة علىة مود انسلم على الأدكاترة عيب وبلكي نلكة دكتورة سارة اجكلت وهوة يغمزلة ( دكتورة سارة هية ادرس انكليزي وتحب سيف كلوش واكثر من مرة صارحتة وهوة يرفضهة وعمرهة ٢٧)
سيف : ما تنجب كتلك اني وياهة بس زملأ عمل لا اكثر
محمد : بنسبة الك زملأ عمل بس بنسبة الهة غير شي
وسكتو وهمة ايدخلون للدارة ويشوفون دكتورة سارة جاية اتلهم ببتسامة وجانت لابسة بنطرون ضيق وتيشيرت وية الكمر لون احمر ومكياج صارخ وشعرهة فاتحتة قصير لون اصفر على اشكر هية مو محجبة لأن البنية الوحيدة الهلهة يعني المدللة
سارة : هاي شباب اشلونكم
سيف رد بدون نفس : هلا
ومحمد بعد ما شاف الجو متوترحب ايلطف الجو فأ كال
محمد : هلا والله زينين الحمد الله انتي اشونج
ردت سارة بشوي من الحراج : احم لا الحمد الله بخير اي سيوفي اشلون
قاطعهة سيف / اني رايح عندي محاضرة اول درس رايح اشوف ابي قاعة
شاف الجدول الي هوة ابقاعة واحد مرحلة اول وراح للمحاضرة مالتة كل هذة صار تحت نظرات سارة المصدومة ومحمد المنحرج من تصرف صديقة وقاطع صدمت سارة محمد وهوة ايكول
محمد : ههه شكلة مستعجل لأن اتأخر علة المحاضرة مالتهة لا تحطين ابالج
سارة وباين عليهة الحراج : ههههه لا ولة يهمك
محمد : احم يلا اني رايح اشوف الجدول لأن هم عندي محاضرة اولى اترخص
سارة : لا مرخوص
وراح محمد لقاعة رقم اتلاثة بعد ما شاف الجدول ....
———————————-
سيف
وهوة يمشي للقاعة رقم واحد يحجي بينة وبين نفسة ( اوف اجكد لزكة ما شايف هيج وحدة ما عدهة اي كرامة وسكت وهوة يدخل للقاعة وكل الطلاب وكفو احتراماً الة بعد ما جانو امخربطين ليشوف بنظرات الطلاب الغيرة والحسد
والطالبات العجاب والخجل والصلفات مثل ما يسميهن فأ اشرلهم بيدة حتة ايكعدون وكال
سيف : صباح الخير
الطلاب : صباح النور
سيف : اول شي احب اعرفكم ابنفسي اني الدكتور سيف دكتور لمادة الفيزية ثاني شي اكره التأخير يعني حتة لو تجي وراي بدقيقة انتة مطرود وثالث شي احترام الدرس يعني مر اني جاي اشرح وانتة كاعد تلغي وتشوش علىة زملأك انشأ الله اتكونون فهمتو الكتة مفهوم
الطلاب : مفهوم
سيف : طيب هسة يلا عرفو علة نفسكم بين ما اسوي سجل الأسماء وبدو الطلاب ايعرفون على نفسهم ومن بيناتهم سرى ويه الي انعجبت با سيف وما شالت اعيونهة عنة حتة سيف انتبهلهة بس طنش لان يكره هيج نوع من البنات
وبعد تعارف الطلاب بدت المحاضرة وكام يشرحلهم تحت انظار العجاب من ايه والنعاس من سرى .........
———————-/————-
نارين
بعد ما راحت سرى القاعتهة رحت القاعتي ودخلت سلمت جانو الطلاب كولش حبابين حتة صارت عندي صداقة بي ابنيتين حبابات اسمهن بنين و هدى
وكعدت علة السداند البنص وسكتنة بعد ما كالو اجة الدكتور
ودخل الدكتور وكنة وكفنة احتراماً الة انوب كعدنة وسلم علينة وراد يعرف اسمأنة وكام كل واحد ايكول اسمة لحد ما وصل الي كمت
نارين : اسمي نارين علاء سجل اسمي با السجل وكلي حاشت الأسامي كتلة شكراً وكعدت كمل تسجيل الأسماء وانتهة التعارف وكال انو هوة دكتور محمد دكتور المادة رياضيات وان اليوم راح ايخلي تعارف بس من باجر ندرس وطلع جان دكتور كولش لطيف وحباب وي الطلاب و طلعنة اني وبنين وهدى للسنتر نشرب كهوة وهم نتعارف ............
_____________________
سيف
خلصت المحاضرة الولى وطلعت طبعاً اكو بنية نظراتهة كلش وقحة وصلفة ( يقصد اية ) حتة صرت اكره جنس حوى من ورة هيج نماذج رحت للدارة ولكيت محمد كاعد كتلة
سيف : ترة اليوم معزوم يمنة علة الغدة
محمد : منك من الشيطان تعزمني
سيف : انجب اصلن مو اني العازمك الوالدة عازمتك لأن امسوية دولمة وتعرفك مفجوع
محمد : هههه والله بس هية التذكرني كلهة با ١٢ اني يمكم
سيف : ههه ما كلتلي اشونهة اول محاضرة الك
محمد : والله الصراحة الطالبات والطلاب كلش مؤدبين حتة حبيتهم
سيف : هية وين القاعة الزينة اتكون انتة مرشدهة بس اني وين الطايح حضهم
محمد : ليش اشبيهم قاعتك
سيف : اكو بعضهم مو محترم والطالبات صلفات وقحات بس لا تخاف الة امشيهم على الصراط المستقيم
محمد : ههههه ما ينخاف عليك لعد يلا خل اروح للمحاضرات علة مود انكمل من وكت
سيف : يلا مشينة ودخلو محاضراتهم وختمو يومهم بعزيم غدة ام سيف وبين الضحك والشقة بأجوا عائلية ....
______________________
نارين
بعد ما سولفت وي البنات با الكافتيرية وطلبنة كهوة تصلت ابسرى علة مود تجي تتعرف علة البنات اتصلت عليهة وكالت هسة اجي ورة خمس دقايق اجت سرى وعرفتهة على البنات وسلمت عليهن وكعدت كتلهة
نارين : لعد وين اية هية مو وياج
سرى ؛ واللة كتلهة تجي بس رفضت لأن اتعرفت علو شلة مال بنات
نارين : ها اوكي وكعدنة اني رسرى وبنين وهدى نشاقة ونضحك ما جنة اليوم متعرفين يمكن لأن على فطرتنة اني وسرى وبعد التصنيف والضحك اجو الخطوط صفو با الكلية سلمت على البنات ورحت للخط اجني وياي بنات الخط هم حبابات هنة من مراحل مختلفة وركبت ورة تقريبن دقايق اجت اية سلمت عليهة وكتلهة اشونة يومج جاوبتني بلا مبالا انو جان عادي بينما اني ضليت اسولفلهة علىة يومي وصديقاتي الجديدات الى ان وصلنة للبيت الي جان نايمين لأن عائلتنة ما ايعرفون اذا ما اينامون الضهر فأ صعدت الغرفتنة اني واية سبحت وتوضيت ونمت الى ان اسمع صوت امي وهية اتكعدني
ام نارين : ولج بنيتي اكعدي ........
