رواية احببته لكنني متزوجه الفصل الثاني بقلم مجهول
طلعت من الحمام وحظرت ملابسه وشغلت الصوبة حتى مايبرد واني بكلبي حسرتين وحدة انتي سمينة ليش تركصين والثانية محلوة اشما تلبسين بس بقيت ساكتة وكلت :
سهى : حبيبي الحمام جاهز روح اسبح .
يونس : هالكد ما تباوعين مسلسلات تركية وعربية صرتي تكوليلي حبيبي ؟
سهى : تمام يونس روح اسبح الحمام جاهز .
يونس : اي يالله كبل ما اروح للحمام خلي نروح للغرفة ومارس وياج .
سهى : اليوم كلش تعبانة خليها على غير يوم .
يونس : شنو غير يوم جاي اشتغل يمج لو اجدي منج يالله روحي للغرفة ونزعي هدومج بس هذا الي ناقصني اخذ اذن منج ومارس الجنس وياج .
سهى : تمام رايحة للغرفة .
رحت للغرفة ونزعت ملابسي وهو اجه ورايه ونزع ملابسه ومارس الجنس ويايه وراح للحمام يسبح . واني بكلبي نار ما اعرف شسوي ما اعرف شكول وكل يوم الوضع يتغير وما اكدر احجي اي كلمة لاحد لان راح يكولون انتي السبب وما تعرفين تصيرين زوجة مطيعة وما تملين عيون زوجج ومتخلينه يحبج المهم مر سنة ونحن بهذا الوضع مرات جان يضربني على اسخف سبب مثل :
ليش ما كويتيلي قميصي النيلي ( هو اصلا البارحة جان لابسة واني غسلته )
ليش الاكل بارد ومابيه ملح (اصلا الاكل حار وبيه ملح بس هو راد يطلع ياكل برا)
كافي هالكد تمسكين الموبايل ( اصلا اني امل لوحدي هو بيده الموبايل وما يحجي اي كلمة لهذا افتح الموبايل وتصفح )
ليش الجاي بارد , ليش ماكلتي اجيب هذا الشي , ريحتج مطيبة ليش ما تسبحين , اليوم متروحين لبيت ابوج , ليش تطلعين اصوات واني نايم , ومرات يضربني لان اشخر بالنوم , المهم يدور اي حجه حتى يضربني ويهيني . تعبت هواية واتصلت باخوية الجبير سعود وكتله :
سهى : سعود اشلونك اخوية ؟
سعود : اني زين وانتي شخبارج ؟
سهى : مو زينة سعود تعال اخذني لان حيل تعبت من زوجي ويضربني لاي سبب
سعود : انكسرت ايده انشاءالله بس لازم اكول لابوية اشوفه يقبل اخذج لو لا لان ما اريد اصير سبب المشكلة وتعرفين الوالد من يتعصب شيسوي .
سهى : سعود الله يخليك كوله لبابا يونس ديضربني .
سعود : تمام اختي هسه راح ارجع للبيت واحجي وياه .
رجع سعود للبيت وحجه ويا والدي واتصل بيه وكال :
سعود : سهى هسه جاييج للبيت حظري نفسك .
سهى : محظره نفسي بس تعال فدوة .
