رواية اسود توب الفرح الفصل الثاني بقلم خالد أسامه
فتحت عيوني ع وسعهن
هااااا منتصر محتاج شي
لج انتي ليش متنظفين عايفه رغد وحدها بالمطبخ
لا والله جنت انظف وياها توني دخلت للغرفه
شعندج كاعده وحدج شو ما مرتاحلج
والله جاي ادرس لان باجر عندي امتحان
اي انتبهي ع نفسج
اي صار
ظلينه نداوم اني واختي ويوميه اشوفه يوكف اباب المحل
اوووف يموت عليه الون الاسود واليشمغ الملون اليلفه ع راسه لفه اماراتيه
ظلينه ع هذا حالنه بس نظرات بالعيون ما يقارب شهر
وقتربت امتحانات نصف السنه ولازم اتهيئ الها ابكل جدارتي حتى اكدر استمر بالدراسه لان اذا ارسبت معناها يبطلوني
عالاقل اشويه اطلع من جو البيت المتعب لان لانطلع ولا نروح البيت احد سجن مسجونات بي
والنوب ارسب لا والله حلو
المدرسه هي فرصتي الوحيده بالطلعه واشوف العالم
رغم احنه في قرن ال ٢١ وسنه ٢٠١٢
والتطور الحاصل من نت وموبايل وستايل اشكال الوان والبنات عجائب الكون والدراسه صارت اساس كل انسان صغير وكبير
رغم هذا كله التطور بس اخوتي بعدهم متعصبين ميقبلون ع شي
حتى تلفون ميخلونه نشيل
كنت دائما اتمنى يكون عندي موبايل مثل صديقاتي اخذ بي صور واسمع اغاني واتصل ع كرايبي والصديقات بس حكم القوي بعد
الحمدلله
رغد ..بان اكلج لازم نشد حيلنه حتى ننجح مو اظلين فاهيه وما مهتمه الدروسج تره تخسرين دوامج
بان ..لا شلون يمعوده هي المدرسه نجاتي الوحيد للطلعه وشوفه الناس
انتهاء..بنات وينكم
احنه بالغرفه تعالي انتهاء خيرج
بنات بيت عمكم اليوم يجون ابو خالد
بان ..اهوووووووو بيت الزكه شعدهم جاين ..
عاد بس البنات لو اخوهم الزكه هم يجي
انتهاء ..ماعرف بس هنه او اخوهن الله اعلم
رغد ..زين احنه اله نكعد وياهم ميصير بس انسلم ونطلع نقره
بان ..اي اي انسلم ونتعذر منهم
انتهاء ..ميصير بنات عيب شيكولون عليكم ميعرفن الاصول
بان ..اني اذا بس البنات اكعد شويه بس والله اذا طلع وياهم الزكه خالد ما ابقه دقيقه بس سلام وكبل اعوفهم
انتهاء ..يله خلي اكوم احضر عشه الهم قبل لا يجون
الام ..ماماتي وينكم
اي ماما جايين
رحنه ويه انتهاء انحضر شغلات للعشه
بان .سويت بيتفور عالسريع وسلطه فاكهه منضرهم يجنن
ورغد سوت تبسي دجاج
وانتهاء حضرت الماعين وسوت سلطات متنوعه وشربت يعني جهزنه كلشي
وساعه ٧ العصر ندكت بابنه طلعت عليهم سلمت والحمدلله جان الزكه ماكو
دخلتهم للاستقبال وقدمت الهم شربت وصار سوالف ابينه اني وبنات عمي
عبير ..رغد تكملين لو ترحين معهد
والله ما مفكره الحد نهايه السنه الله كريم لان اتعرفين عقيل خاطبني ويريد العرس بعد ما اعطل وماعرف وراها اكمل لا
عبير .يااااا اصورتج راح اصرين ع دراستج لان الاعرفه اتحبون الدراسه
رغد .احبها اكيد بس محد يعرف الله شكاتبله بعد ساعه ف ليش اسبق وعدي خلي الامور تمشي ع راحتها
بان ..اكلج خطيبج شلونه شوكت زواجكم
عبير ..ان شالله ع نص شهر الرابع نزوج
هااااا الله كريم يعني ما بقالج شي بس شهرين
اي الله بس شهرين بس عاد شوكت اتفض
رغد ..وانتي ليش هيج مستعجله
عبير ..لا والله ما مستعجله بس هوه اربكني منا المدرسه ومنا الامتحانات ومنا موضوع الزواج وتحضيراته
انتهاء ..الله كريم كلها تدبر بس اتكلي ع الله
البنات ..ونعمه بالله
الام ..بنات وينكم حضرو العشه
اي ماما
كمنه نحضر العشه كلنه وبدينه نصب قبل العشه اخوتي جوي وجانو جوه كاعدين
وندك الباب
باوعت من الشباك ومن دخل بدون ما انتبه ع وجود خواته كلت
اهوووووو
غدير ..منو اجه
التفتت ورايه شفتهن موجودات استحيت لان سمعن صوتي
لا لا مو عالجاي كلت
عالبزونه وكفت عالمهملات وراح اطشهن
وبحجه البزون طلعت من المطبخ عود اكشها
عبير ..اكلج رغد شنو هالخبر السمعته
خير اي خبر
كالو ردتن تندعمن صحيح
اي واحد اثول ماجان منتبه وراد يضربنه بس اراده الله كانت قبله وانقذنه
عبير ..الحمدلله ع سلامتكم
ربي يسلمج عبوره
حسين ..بنات همتكم وصل خالد ومنتصر يله صبن
رغد..اي العشه جاهز
رحت صحت امي
ها بان شرايده
ماما ماريد افوت اتعشه وياكم وهذا الزكه موجود
وانتي شلج بي عوفي وكعدي يمي
ماما متعرفين كل كعده يفتح موضوع المدرسه ولازم نبطل للن جسمنا ضخمه والشباب تباوع وتاكل البنيه اكل ويخلي اخوتي تقنع من هذا الكلام الماله طعم
ماماتي اجاهلي ولتهتمين الكلامه
بان ..اوووف هسه اله اكل وياكم كافي انتوا كلكم موجودين والله تشلعون الكلب
انتهينه والكل راح وكعد عالسفره علمود نبدي ناكل
اني اخر وحده فتت للاستقبال لان جبت ترمز الماي واريد اكعد عود يم امي وحظي امي ماكو يمها مكان
خالد ..تعاي اهنا بان اكو مكان يمي
لا شكرا هسه اكعد يم البنات
حسن ..اكعدي بان بعد الكل كعد منو يغير مكانه
بان ...اهوووو هسه انت شحجاك في كلبي هاي صدك كذب
حظي جابني يمك وكعدني يا لزكه ياحموضه انت طبعا كوه طايقته سوالفه كلها تلعب النفس
بان ..كعدت اكلت كم لكمه
خالد ..شلونج بنو
زينه شكرا
اشو مختفيه ليش
لا موجوده بس تعرف منطلع
اي صح اعرف
بنو صايره كمر
شكرا
اكلك وين زوجتك لعد
عفتها يم اهلها لان فاتت ابشهرها واريدها ترتاح
اي بيها الخير ان شالله تخلفلك ولد
بنو اني اريد منج الولد
😱😱😱اني غصيت وشهكت شهكه قويه وعفته وكمت
طبعا هذا الكلام كله الدار ابينه جان بصوت ناصي محد يسمعه
الله الله بنتي شبيج شهكتي اضربها ع ظهرها خالد
لالا شكرا بس اريد مي
شربت المي وكمت
عمي ..هااا بابا وين كايمه
عمي شبعت والله الف عافيه
رحت للغرفه بس ارجف هذا صدك يحجي شو عبالك يحجي وهوه ما مزوج
خرب بس لا حظي يسويها البخت لا لا ياربي لتكولها وخالد يصير زوجي غير معناها اكتل روحي خلاص
ونص ساعه وجتلي رغد
هاي شبيج كمتي مخروعه من السفره
بان ..اسكتي رغد بعدين احجيلج
اي
كومي خلي انصفي الماعين كومه بالمطبخ
بان ..لا عفيه فدوه رحتلج خلي وحده من البنات اساعدج
رغد ..كومي لج عوبه هنه جايات خطار شلون اشغلهم متستحين انتي
بان ..فدوه ماريد اطلع واشوف هذا الحموضه
لا لا مشوفي لان بعد كعدو بالاستقبال والنسوان بالهول
اي زين .لعد سبقيني واني جايه وراج
يله لا تتأخرين
اي جايتج
طلعت واني ظليت الوب ماريد اشوفه او المح شكله اوووف مين اخلص حتى اخلص
طلعت ورحت للمطبخ اعزل وياهم
انتهاء ..هاج بان صينيه الجاي فوتيها للاستقبال
بان ..ما افوتها اني دزيها بيد رغد او انتي وصليها وصيحي ع واحد من الولد ياخذها
ليش يمعوده مو عندي كومه شغل
ميخصني اني ..
تعاي غدير عفيه اخذي الصينيه وفوتيها للاستقبال
اي جيبوها
ابرار ..بنات صدك عاشت يدكم ع هالاكل اليجنن
رغد ..بعدج ما اكلتي شي وراج الحلويات صنع يدي ويد بان
البنات ..ديله طلعوهن خل ناكل ونضوك الطعم وبعدها نحكم
بان ..اي تعالي عبير اخذي هاي للهول واني جايه وراج
كملنه المطبخ كله ع حسب الاصول واخذنه الحلويات ورحنه للهول
وصار سوالف وضحك وشقه وامي وام خالد يسولفن عن ايام قبل شلون جانن عايشات
يعني كعده حلوه جانت حيل
الام ..بان الصوبه مخلصه نفط يمه بساع ترسيها قبل لا ادخن علينه
اي صار ماما
طلعت من الهول .خرب اني اموت من ريحه النفط وامي ادزني اني
اووووووووف يحظي😤😤😤
خالد ..من رخصتكم دقايق وراجع
طلعت من الكعده لان اريد اروح لصحيات مال بيت عمي هي خارج البيت
مشيت ولمحت بنيه جاي تعبي الصوبه نفط تقربت منها
هاي شجاي اسوين 🤨🤨
بان ..يمه اسم الله تف تف تف هاي شبيك فززتني 😮😮😖😖 والله جمدت بدمي
خالد ..ليش اشفتي كبالج جني لو وحش
بان ..لا بس المفروض اطلع صوت تحم حم مو تجيلي بالسكته وتفززني والدنيا لليل
خالد ..ما ادري بيج هيج رهيفه وخوافه
بان ..اني ما اخاف بس من الخلقني 🤨 زين
يله لو سمحت روح كمل شغلك خلي اكمل شغلي
خالد ..لدفعين بكلامج لج تره متعرفيني زين انتي اذا خليتج براسي ادمر وجهج هذا الحلووو
بان ..خالد انت شنو الرايده هسه يا اخي عوفني الحالي شجلبت
خالد ..اولا اني مو اخوج وثانيا اني رايدج الي الوحدي وما اخلي احد يطولج غيري
بان ..واني مو الك انت ولا راح افكر بيك فد يوم نجوم السمه اقربلك مني
جان يلزمني من ذراعي ولزكني عالحايط حصرني بين صدره والحايط صار ماعندي مهرب من قبضته وما اكدر اعيط
ظليت ادفع بي واني متعصبه
خالد وخر عني لتتقرب تره والله اعيط ولمهم عليك
خالد ..اي عيطي سمعيهم حتى يكون زواجنه رسمي وع يدج
خرب وخررررر😠😠😠 عني هد يدي وجعتها
خالد ..صرخي خليهم يسمعون بان وحق الخلقج انتي الي ومصيرين الغيري لو للموت واليتقربلج والله ما احسبه عايش بالدنيا ولا الله خالقه
بان ..تقرب عليه حيل وراد يبوسني صارت انفاسه قريبه حيل عليه حسيت نخطف كلبي وشعرت بالغثيان والغيبوبه
دفعته من صدره ابقوه هدني وركضت للبيت دخلت
رغد ..هاي وينج ليش تاخرتي ..وين جلكان النفط متحجين
بان ..اااااي بنرفزه😡😡 بالكراج الجلكان روحي جيبي انتي
رغد ..نصدمت من رده فعل بان 😳😳 وشفت عيونها باجيه وجسمها يرجف عاطت بيه وراحت تركض للغرفه
ظليت اباوع الها وبعدها
طلعت اخذت الجلكان ودخلت للهول
البنات ..وين بان لعد
رغد ..يمكن دخلت للحمام ..لان ش تحجج الهم واني اصلا ماعرف شبيها
ابرار..يعني تغسل
رغد...اي يمكن هيج ..يله يله ماعلينه منها اول وتالي تجي يمنه تكعد
بان ..رحت اركض للغرفه من الخوف عفت رغد تصيح بسمي بس اريد ادخل للغرفه غرفه الامان والهدوء لان احس روحي صرت عاريه لمجرد تقرب خالد مني
يارب خلصني منه ومن شره يارب خلي ينساني ويطلعني من راسه وضليت ابجي ع حالي وتوسل ربي بالدعاء
وبعد فتره من الوكت جتلي انتهاء
بان بيت عمج راح يرحون تعاي سلمي عليهم
اي جايه
طلعت لفيت راسي بالشال بحجه اني غاسله وماريد اتمرض
سلمت عالجميع
البنات ..ولو ما شفناج هواي بس ميخالف من تجون علينه نعوضها
بان ..😳😳 بصدمه نجي عليكم
عبير ..اي بابا عزمكم ع خطوبه موفق الاسبوع الحاي
بان .اي عالخير ان شالله
بس من هسه اكللكم يمكن منكدر نجي اني ورغد
لان تعرفون قربت امتحانات نصف السنه ولازم نقره
البنات ..هاي مو حجه كلنه طالبات وعدنه امتحان بس هي ساعه ازمان وكلمن يرجع البيته
رغد ..الله كريم الوكتها حبيباتي
تباوسنه واهلي طلعوا وره بيت عمي بس اني ظليت بالمطبخ لان ماريد اشوف الزكه
مشوا واني رجعت الغرفتي مددت ع الجربايه وتغطيت اريد انام
رغد ..اليوم تصرف بان ماعجبني ابد شلون تعوف البنات وتفوت للغرفه وبعد متطلع رحت للغرفه شفتها امدده وصلت يمها وكعدت وخرت البطانيه عنها شويه
رغد ..شبيج بان اشو وضعج معاجبني اكو شي احجيلي
بان ..لا ماكو
رغد ..اكو احجي ولتخليني اروح اصيح امي وخليج تحجين كوه
بان..ليش تلحين رغد مالي نفس احجي
رغد ..مو بكيفج اني اختج الجبيره ولازم اعرف شنو هذا تصرفج مال اليوم شكو شنو صار
بان ..رغد تحجي واني كلبي محصور وعيوني مدمعه
رغد ..شفتها دمعت
راح احجيلج بس اترجاج ساعديني فدوه
اي احجي
الفصل الثالث من هنا
