رواية سيرة القدر الفصل الثاني 2 بقلم فجر المساري

سراب... جرني ياسر من ايدي ونزلني من السيارة

وصعدني للعماره ويجربيه وفتح باب الشقة 

ودخلني ودخل دفعني وكعت بالكاع كام يسب 

ويغلط عليه بدون سبب واني ابجي... 

وجر حزامه وراد يضربني كتله عفية عوفني

الله يخليك وهو يصيح عليه شمر لحزام واجه

لزمني بايده من وجهي وكلي اسكتي ..

ولزمني باثنين ايديه من ركبتي وخنكني حسيت

الهوا انكطع عني وهو حس ع نفسه وعافني

واني بلكوه اجر النفس وكعد يمي يبجي

واني بالكاع بلكوه اجر النفس وهو كاعد مكرفص

نفسه ويبجي... 

ابد مو صاحي هذا انسان مريض نفسي شورطني

بي... شفته كام ورجع بايده بطل مي شربني

وغسل وجهي وخلاه ع صفحة... 

واني كعدت ع حيلي وجنت خايفة منه... 

وهو كام يتاسف ويبجي وهو ماراح يعيدهه 

كمت غسلت ورتبت حجابي ونفسي...بالحمام 

طلعت شفته كاعد ع القنفة 

وصاح سويلي كهوة... 

رحت للمطبخ سويتله كهوة وجبتهه اله وكعدت ... 

باوع عليه 

ياسر ... انتي ليش وافقتي عليه.. 

ليش مرفضتيني ..

سراب بجيت وكتله خفت من عمي وجدي 

ومنك... سكتت 

وكام وكال يصير خير وياشر بايده وكلي بالج 

احد يعرف بالي صار حسج عينج تكولين لاحد

هزيت راسي اييي... 

وبكلبي شكول تورطت بيك حظي الاغبر... 

اووووف ياربي ..

ومد ايده خفت منه جنت مدنكه ورفع وجهي 

وباوعلي وكلي... اويلي شلون عيون والله الااحركج

حرك يالغالية... .وضحك 

وبعدهه ضربني راشدي وكعت بالكاع جرني 

وطلعنه من الشقة وصعدنه بالسيارة واني ابجي الطريق كله واشهك ... صاح بيه ولج 

كافي سطرتي راسي... وكام يسب ويغلط ..

سكتت وخليت ايدي ع حلكي وابجي،.. 

بصوت مخنوك وكله الم... 

وباجر عرسي شراح يسووي بيه شسوي ياربي

حظي وكعني بيده ..

واكول اذا كارهني ومطايقني ليش هيج يسوي بيه

ياسر ليش تضربني وتسبني وتغلط لعد بالزواج

شسوي... 

ياسر كافي ولج اسكتي... صاح بيه 

خفت منه ودنكت ابجي بسكوت وصار هدوء 

وصلنه للبيت،..

اريد افتح باب السيارة وانزل ..صاح بالج احد يعرف. 

تعرفين شسوي... مسحت دموعي وفتنه جوه

وهو سوالف وضحك ولا كانما مسوي شي... 

وبقى لوقت متاخر واني كاعده ع اعصابي وساكته

وهو يمثل كدامهم الحب وكلي حبي سراب

التفتت اله واعرفه يكذب وكلي نامي من وكت 

باجر الزفه ورانه قاعه وتعبين وضحك ..

شكد حقير كمت رحت لغرفتي غسلت وبدلت ملابسي لبست تراك لون رصاصي 

وافكر ليش هالكد يكرهني ليش هيج يتصرف ويايه

والليل كله ابجي ع حظي وشنو راح باجر ينتظرني

ومحسيت الا واني نايمه ولصبح بنات عمي

كعدوني كمت تريكت واني اشوف حجية

نعيمة كدامي  حضنتني وكلتلي 

شبيج يمه سراب واني وابجي وهيه تبجي 

وعبالها ابجي ع فراكهم متدري ع حظي ..

وقسمتي ابجي... واستسلمت لامر الواقع... 

وماعرف شلون راح اعيش ويه ياسر... 

بهالاثناء دخل علينه ياسر وشافنه ،صفن 

ورجع كال يله .. اوصلكم ..

مسحت دموعي وكمت غسلت ولبست بنطرون

اسود وقميص اسود وشال ماروني وجنطه ماروني

وحذاء واخذت اغراضي وطلعت،... 

اجه اخذ مني الجنطه وخلاهه بالسيارة... 

واني صعدت ليكدام وبنت عمي شمس واخوات 

ياسر فضة وعبير ورحنه لصالون وصلنه ياسر 

واني طول طريق ابجي والبنات يسكتون بيه 

ويضحكون عليه . ... 

ياسر... شبيج تبجين كل ما تشتاقين الهم اني

اجيبج وخابريهم كل يوم ..

وصلنه لصالون فاتوا البنات وفتت وياهم 

وبدوا يشتغلون شعر ومكياج اني والبنات لبست بدله بيها حفره مثل سبعه من كدام وشغل كلش

حلووو ع الصدر وقيطان من ورا ردان جانت تول

ومنفوشه وسويت تسريحة ومكياج سموك طلعت 

اخبل كلها تكلي شنوو هالجمال طالعه تجننين 

بحيث ام الصالون كالت عبالك لعابه خلصنه وفضة

اتصلت ع ياسر واجه اخذنه... من الصالون ..

شافني بقه صافن عليه واني مدنكه وفضة تكله 

نحن هنا ياسر شبيك،... كلها هاااا وكاموا يضحكون

عليه هوه جان لابس،قاط لون حبري وقميص

ابيض ورباط مقلم ورافع شعره طالع كلش حلوو

وانيق لبسوني الرداء و كادني من ايدي وطلعنه صعدنه بالسيارة

كعدت ليكدام والبنات صعدوا ليوره وشغل اغاني

والبنات يغنون ويصفكون ويضحكون... 

ياسر ..نروح الاستوديو ناخذ صور وبعدهه للبيت

وراهه نروح للقاعه... 

رحنه لاستوديو واخذنه كم لقطه،... وجان المصور

يطلب منه يقترب اكثر مني او يحضني او يلزمني

من خصري او يبوسني واني كلش خجولة

واستحي كلما يقترب مني وهو يكلي اشتعلوا 

اهلج شطالعه اليوم كمر ويتغزل بيه واني بيني وبين نفسي... كلش 

فرحت وكلت يحبني... خلصنه الصور وطلعنه

للبيت عمتي نسرين وكال نص ساعه ونروح للقاعه وهوه راح كال عنده شغله يكملها ويرجع... 

وفتنه جوه اني والبنات والكل موجودين وهلاهل 

و فرحانين، كعدت وبعد نص ساعه سمعت صوت

سيارات خفت ،... 

فات ياسر وهو مبتسم... باسني من راسي،وكعد

بصفي،بقينة شويه،وطلعنه للقاعه... طلعنا للسيارة

وياسر كاعد بصفي ويباوعلي ويتغزل من وصلنه

للقاعه جنت كلش متوتره وخايفه ... هو لزم ايدي

ودخلنه ..

جانت الدخولية اغنية... 

لا اله الا الله والف السلام ع الرسول 

وايده بايدي كعدنه ع الكوشه والكل اشوفهم 

فرحانين ويركصون وياسر كام وركص هوه واخوته

وكرايبة ابد مكعد واني اجتي اخته فضة وكومتني

وركصت شويه ويه البنات  

وياسر يقلد ع هذا وذاك ... ويضحك 

وجانت الحفله حلووه كلش خلصت الحفلة وصلونه

للفندق ونزلوا ويايه امه وفضة وحجية نعيمة وصعدوا ويايه ... 

وحضروا ملابس وصوني عليه ..

واني بكلبي اكول وصووو هو عليه مو اني... 

و خلونه عشا وصووو عليه وترخصوا وطلعوا

بقيت كاعده ومدنكه وعيوني دمعت وخفت من

ياسر ودعهم وسد الباب واجه اخذ ملابس 

وفات للحمام سبح وطلع واني حضرت العشا

وخليته ع الميز... 

ياسر .. سراب طلعت تجنن خلصت الحفله وصلنه

للفندق واخذت ملابس ودخلت للحمام غسلت وطلعت لكيتها بعدها بالبدله صحت بيها دمعت عيونهه وبجت وتباوعلي وهي طالعه اتخبل

دوختني .. 

سراب،.. اجه ياسر اخذ ملابس وفات للحمام غسل

حظرت العشا هو طلع من الحمام جان لابس برموده

وفانيله كيمونه ومخلي الخاولي ع جتفه وينشف

بشعره شافني كاعده صاح بيه وكلي ليش مغيرتي

ملابسج ستنتظرين... دمعت عيوني

ياسر... ليش تبجين

سراب... البدلة بيهه سحاب من ورا وايدي متوصل

لسحاب ومااكدر افتحه وبيهه خيوط دانتيل 

قيطان لازم احد يفتحها... 

ياسر... اجيت كعدت يمهه وبديت افتح القيطان

وفتحت السحاب وهيه دايره ظهرهه كمت اتلمس

جسمها حسيتها ترجف... .خايفه... وبوستها من ركبتها ..

سراب ..بده ياسر يفتح قيطان البدلة والسحاب 

واحس بلمسه ايده يمررها ع جسمي كزبر وخفت

ونزعني بايده البدله وكام يبوسني من ركبتي 

وووووو..... تاذيت كلش اخذ النيشان كمل كام مني وكمت وفتت للحمام غسلت ولبست ثوب نوم ابيض

كلش قصير،وحلوو... 

طلعت وكعدت امشط بشعري وهو فات للحمام وطلع

شفته بالمرايه يباوعلي فتح التلفزيون وكعد

يتفرج ع فلم عربي كملت ورحت اتمددت ع سرير

ياسر... تعالي اتعشي 

سراب ..مااريد نعسانه وتعبانه واريد انام ..

نمت ومحسيت الا ع حركته وهو نايم بصفي كمت

حسيت نفسي جوعانه... شفت باقي من الاكل 

كعدت اكل ..

ياسر سمعت صوت وكعدت شفت سراب كاعده تاكل 

مثل الحرامية كلت خلي اخبث شويه وياهه... واضوجهه ..

ياسر... هااا شبيج ولج تاكلين مثل الحرامية 

سراب سمعته غصيت بالكمه فشلني 

ياسر مو كتلج تعالي اكلي... كام للحمام غسل وطلع

واجه كعد ..

ياسر... مخلصه الاكل كله ممبقيه منه شي 

مجاعة... 

سراب... دمعت عيوني من كلامه وبجيت 

والله ماكلت شويه ... 

ياسر... .هههههههه ضحك كافي تبجين مثل الاطفال

باجر عكبه من يصير عدنه اطفال تبجين انتي وياهم

ابتسمت...

مسح دموعي، وكعدنه ناكل وسوالف

وضحك خلصنه وراهه هم أخذني وناديت

كلش منه شافني تاذيت وكمت ابجي عافني وكام

ونمت بحضنه للصبح كعدت لميت ملابسنه 

ورحت للحمام  وطلعت لكيته نايم 

كعدته... وهو يكول عوفيني نايم... 

ياسر... اكعد هسه يجون يجبولنه الريوك كوم عيب

وجرني عليه... واندكت الباب... 

ياسر... هسسه وكتهم... ههههه اييي ضحكي 

كام فتح الباب... واجتي عمتي وامه جابوا ريوك

خلوا وراحوا كعدنه اتريكنه بقينه يومين بالفندق

مثل كل زوجين ومرت هاليومين وجان ياسر فرحان

او يمكن هو هيج يتظاهر... 

ثالث يوم... رجعنه للبيت حظرت الجنطة ... 

واهله ينتظرونه من وصلنه هلاهل ودبحوا خروف

جوه رجلبنه واغاني وكعدنه وسوالف وضحك

واني ساكته صعدت لغرفتي فوك الطابق الثاني

فتت للغرفه كلش جبيرة وحلوووه 

وجانت مقسومه قسمين والغرفه اخشابها صاج وحلوه... 

بيهه نص تخم وثلاجه وتلفزيون وبيها طباخ وكاونتر

وغسالة بيها جناح مفصول والاخشاب صاج وحمام

ومكتب صغير عبالك شقة صغيرة ... 

طلعت اغراض من الجنطة وكمت ارتبها  

طلعت من الحمام بالملابس الداخليه نسيت 

الدشداشه فتحت الكنتور اريد اطلع دشداشه

وفات ياسر...🙈 وشافني ضل يباوع... 

ياسر .. احم احم يمعوده وين انطي وجهي هسه

اني اخذت الكلابية وركضت للحمام حته الكنتور

مسديته عفته مفتوح... 

لبستها وطلعت ملكيته طالع... 

اتمكيجت ولبست  ونزلت جوه نتغده 

سراب... عمي صاحني وباسني من راسي وطلع

كلاده ذهب ولبسها الي... 

وكلي انتي بنتي وشتحتاجين كولي بابا اريد هالشي

واذا ياسر حاجاج او ضوجج كليلي... 

الله يحفظك... 

كعدنه اتغدينه وشربنه جاي...

ورحت وياهم للمطبخ ومقبلوا كالوا بعد السبعة 

اشتغلي عمي صاحني  

نعم عمووو… 

هااا بنتي عجبتج الغرفه... سراب اي شكرا

حلوووه عموو بس ممكن اطلب منك طلب بعد

اذن ياسر طبعا...

واشوف وياسر باوعلي ويخزر بيه 😒

احجي عمووو خير شبيج ..

سراب ماكو شي عموو بس اريد ابقئ وياكم اكل 

مااريد اعزل وحدي اني وياسر... 

لان اضوج وحدي واني احب العائلة واللمه 

كام عمي،... واجه وباس راسي عفيه عليج بنتي

ياغالية... بنت الغالي...

وياسر محجه شي يباوعلي😒

وصار لليل اترخصت وصعدت لغرفتي... 

لبست دشداشه نوم خفيفه واتمددت وفات ياسر

اجه يمي وحضني حيل وكام يبوس بيه 

من شفايفي وركبتي وووو... نمنه مكعدنه للصبح 

كام غسل ورا اني بدلنه ونزلت تريكنا بقى روتينا

للسبعة سوولي حفله سبعة ورحت لصالون ولبست

بدله لون زيتوني وبيهه شغل ذهبي من الصدر

للخصر كلش حلووه واجوي عماتي وخوالي 

وحجية نعيمة شكد جنت مشتاقه الها... صح يوميا

اخابرهه واحجي وياهه ..وحجية نعيمة لبستني حزام ذهب وانطتني ذهب امي الله يرحمها كله 

ومقصروا ويايه باي شي... 

وخلصت... صعدت ابدل حته البس كلابية ... 

فات ياسر وحضني من ورا ياسر عوفني منه الناس

عيب... بلكوه فلتت منه ونزلت جوه... وخلصت

السبعه .. 

وعزمتنه حجية نعيمة ثاني يوم بدلنا وطلعنا 

اني وياسر وعمي وزوجته وفضة... 

وللعصر يله رجعنه .. 

وعمي جاب اكل من برا مسوينه عشه... ونمنه

لصبح كعدت ملكيته طالع يمكن 

ونزلت جوه شفت فضة تنظف بالبيت سالتها

ع عمي وعمتي كالت عمتي عدهه موعد يم الدكتور

وراحوا... والولد طالعين لدواماتهم... 

رحت اتريكت وحضرت للغده ..

سراب ..فضة ..شتحبون اسوي ع الغده طلعي من الثلاجة

دجاجة وسووي برياني وعدنه كبة كلي 

ورحت بديت احضر الغده حضرت الدجاجه وخليتها

بالفرن وسويت برياني وكليت الكبة وسويت زلاطة

وكالت الخبز عمي وعمتي يجيبون وياهم من 

المخبز من يرجعون من الدكتور... وياسر ماكو... 

اتصلت عليه مره مرتين مارد عليه... عفته 

اجوي عمي وعمتي صبينه غده وتغدينه غسلت

مواعين ونظفت وصعدت لغرفتي 

ونمت وياسر مااجه للعصر... 

جنت نايمه وماحس الا وايده حضني ويبوس بيه 

فتحت عيوني شفته... ابتسم،... 

ياسر... مشبعتي نوم كومي... ابتسمت 

ياسر ..جوعان اريد غده 

نزلت حضرتله الاكل وصعدته اله فوك لغرفه 

لكيته طلع من الحمام... ،..

حطيت الصينية ع الميز واجه كعد ع القنفه وياكل

ياسر... تعالي اكلي... 

سراب اتغديت،... 

ليش تاخرت وين جنت من لصبح... صاح بيه

وكلي معليج وين اروح ومنين اجي... 

كتله ليش اني مو زوجتك من حقي اعرف وين

تروح...  ..

كمل اكل وراح غسل اخذت الصينية ونزلت جوة

غسلت لمواعين وصعدتله جاي ..لكيته نايم 

ياسر... نمت لا مغمض كاعد تعالي 

سراب اكعد اشرب جايك خليته ع الميز 

صاحني ياسر وكلي تعالي يمي 

سراب جيت،..

وحضني حيل بثنين ايديه وراسي بصدره وباسني

بعدهه محسيت غير اني ضعت ويا بدنيا ثانية

ونمنه وكعدت للمغرب ملكيته  نزلت شفته كاعد بالهول

ويكلب بالفون ويضحك... عبالك يحجي ويه احد

من شافني تفاجا وكام... 

صعد فوك اني لكيت عمي وعمتي كاعدين بالحديقة

كعدت وياهم سولفنه سالوني ع ياسر كتلهم

يمكن نام نص ساعه صعدت لكيته مغسل ومبدل

ونايم سديت الباب ونزلت اساعد فضة بتحضير

العشه ومرت الايام عادية... 

وبدا الدوووام بالمعهد والبنات يداومون صار اسبوع

واني جنت خايفه من رده فعل ياسر لا مايقبل

وميخليني اداوم رغم هذا جان شرطي قبل زواج 

اداوم وميمنعني...و اكمل دراستي وقبلوا ..

فكرت احجي ويه عمي... اول مره ..

نزلت جوه يم عمي جان كاعد بالهول سلمت وكعدت

وياسر جان كاعد يمه ويلعب بالفون ويضحك 

مبين يحجي ويه احد... 

سراب... عموو بده الدوووام صار اسبوع واني

بقتلي بس هالسنة واتخرج واريد اكمل دراستي 

ياسر... كام صاح بيه وكلي دوووام ماكووو…