رواية لعبة القدر الفصل الثاني بقلم سلسبيل احمد
- ألف ألف مبروك يا شهيره
" استنيت لما قفلت الموبايل وبصتلها "
= كنتي بتكلمي مين يا ماما؟
- دي مرات عمك.. أسر حدد فرحه يا حبيبتي هيبقي بعد اسبوعين عقبالك يا ليلى يارب و افرح بيكي.
" بصتلها بصدمه كأن جردل مياه ساقعه ادلق على دماغي وصوت زن رهيب ظهر في مخي مش راضي يختفي..! "
= انتي نازله ولا ايه يا ليلى؟
" مردتش عليها و دخلت الاوضة وانا بقفل الباب بسرعه فتحت موبايلي بعدم وعي وانا بحاول اجمع نفسي! "
" واتفاجئت انه باعتلي مسدج "
' لولي.. بنت عمي.. وبنتي.. واغلي حد في حياتي انا بعتذرك عن الايام الى فاتت وإني كنت بعيد بس كنت محتاج فتره اتقبل الوضع عارف ان مكنش بينا حاجه صريحه.. فا تقريبا حصل سوء فهم مني.. لكن دلوقتي فهمت انك لو بتحبيني فا بتحبيني زي اخوكي. وحاليا استوعبت كلامك.. وصدقيني مش هضايقك تاني خلينا نرجع زي ما كنا يا ليلي.. و المره دي بجد.. لأني هتجوز.. اكتشفت ان ساره مناسبة ليا لما اديت نفسي فرصه معاها.. وبعد لما عرفنا بعض حبيتها... فا قررنا نتجوز.. هتخلصي مني زي ما كنتى عاوزة ياستي.. عقبال لما اطمن عليكي انا كمان يا كتكوتة. '
" سبت الموبايل وانا في حالة صدمه تامة..
مش قادره افكر.. بدأت اكتب له رساله "
- أسر انا محتاجه اقابلك دلوقتي.. انا كنت لسه نازله لك قبل ما ماما تبلغني بخبر جوازك من ساره فيه حاجات كتير انا متلخبطه فيها يا أسر.. وحاجات مكنتش اعرفها... بس عرفتها لما بعدت عني.. انا مش عايزه نفضل صحاب ولا اخوات.. عشان انا اكتشفت ان مشاعري ناحيتك مش مجرد اخوات
" بصيت للمسدج الى كتبتها و دموعي بتنزل ومقدرتش ادوس send مقدرتش ابعتهاله. مسحتها بسرعه و سبت الموبايل جمبي.. و حاولت اتقبل الى بيحصل.. لأنه كان غلطتي.. انا الى عملت كده! "
>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| بعد مرور اسبوع ||
" كنت قاعده لوحدي في جنينه في الزمالك.. هاديه ومفيش فيها ناس يعتبر.. لأني مش مهتمه اشوف حد.. بس فجأة ظهر اكتر شخص كنت مهتمه اشوفة. "
- اسبوع بحاله بتتهربي مني ؟
بصتله بتعجب: هي ماما قالت لك اني هنا؟
= لأ.. انا عرفت بمجهودي الشخصي هي قالت لي انك نزلتي لوحدك.. وبقالك فترة مش طبيعيه
- اه هي فكراني اتجننت
" قعد جمبي واتنهد وهو بيبصلي وبيحاول يفهمني "
= حصل ايه قوليلي؟ انتِ مردتيش ولا كلمتيني من ساعه المسدج الى بعتهالك
بصتله بإبتسامه: مبروك يا أسر..
انا حقيقي فرحانه عشانك.. والفتره الى فاتت كان عندي مشاكل.. فا مكنتش قادره اتكلم
- مشاكل ايه؟ قوليلي! من امتى وانتي بتخبي عني اي مشكلة اصلا يا ليلى!!؟؟
= علشان من دلوقتي مفروض حاجات كتير هتتغير..
انت هتتجوز وانا مش هيـ..
قاطعني: عرفيني الى حصل دلوقتي مش عاوز اسمع كلام ملوش لازمه ومش مهم
- خناقة في الشغل اتخانقت مع المدير و سبت الشغل وانا الى غلطانه
= يعني ايه انتي الى غلطانه
- يعني بوظت له حاجات .. كان مطلوب مني شغل في وقت معين مقدرتش اعمله والعميل كنسل كل حاجه.. تفاصيل كتير.. ولما اتكلم معايا مكنتش في احسن مود عندي.. فا سبت الشغل
= في داهيه يا ليلى! شوفي حابة تكملى فين وملكيش دعوة.. ومش هقولك نشتغل سوا عشان بتضايقي بس انا هعملك اي حاجه انتي عاوزاها
"بصتله و عيوني بتلمع بالدموع"
- انا عاوزاك متبقاش زعلان مني يا أسر
انا اسفة على كل حاجه..
بصلي بستغراب: ده مش موضوع شغل بقا فهميني مالك فيكي ايه؟؟
"مسحت عيني وانا بحاول اتحكم في اعصابي"
- مفيش كل الموضوع اني حسيت انك بتبعد عني
ومكنتش مستعده لـ ده
بصلي بندم: حقك عليا والله بس حقيقي كنت مضغوط في كل التجهيزات الفترة الى فاتت دي وعارف اني قصرت معاكي بس لو كنتي كلمتيني اي وقت كنت هجيلك في ثانيه.. انتي عارفه انتي بالنسبالي ايه يا ليلى.
" ابتسمت بحزن من جوايا! وحاولت ابقي هاديه عشان ميلاحظش اكتر من كده "
- خلاص بقا.. على فكره انا هربان من ساره بالعافيه..
قوليلي تتصالحي بإيه؟ ايس كريم مانجا؟
ضحكت وبصتله: تؤ.. عاوزاك تيجي معايا نشتري فستان احضر بيه فرحك الى فاجئتنا بيه ده ومش عارفه هاروح بإيه معنديش حاجه
ابتسم بهدوء: عنيا تيجي نروح دلوقتي لو تحبي
= ماشي يلا بينا
- اهم حاجه مش زعلانه؟
= تؤ تؤ.. خلاص..
- طب يلا يا لولي.
>>>>>>>>>>>>>>>>>>>>>>>>>>>>>>>>>>>
' اللهم اغفر لنا ذنوبنا وارحمنا برحمتك يا أرحم الراحمين'
- ده مش فستان ده استعباط هو فين كتافه اصلا !!!
= ماهو توب يا أسر
- توب يا أصر! غوري يابت رجعيه مكانه مش هتقسيه حتي بلاش سفاله
= يا أسر ده رابع فستان تقول عليه لاء يارتني
ما اخدتك معايا
- يارتني ما اخدتك؟؟ الله الله !!! ده انتي شكلك عايزه خناقه يا ليلى!
= أسر احنا قدام الناس
- وهو ده فستان يتلبس قدام الناس؟ طب اقولك؟ انا ممكن اللغي الفرح عادي جدا و اقولك ؟؟ انتي مش معزومه من اساسه يا ليلى
"ضحكت وانا رايحه ارجع الفستان مكانه"
" وبدأت ادور بعيني على فستان تاني يكون مقفول شوية عشان اخلص من صياح أسر.. "
" و خبطت في بنت ولما لفيت اشوف مين اتفاجئت بـ بنتين وساره معاهم واضح انهم صحابها. "
" انا من المفاجئه بلعت لساني. "
- ايه ده ليلى! ازيك عامله ايه بجد مبسوطه اني شوفتك!
"بلعت ريقي وانا ببص لها هي وصحابها"
= انا الحمدلله كويسة يا ساره..
- انتي هنا لوحدك؟
= احمم.. ءء انا..
" مكنتش عارفه اهبب ايه في الموقف ده ولا عارفه أسر قايل لها انه معايا ولا لاء!! "
" لحد ما جه هو بنفسه قدامنا "
- لقيت فستان كويس.
ساره بصتله بتعجب: اسر ؟
" نزلت علينا كلنا حالة صمت لكن ساره قربت ناحيته بهدوء "
- هو ده الشغل الى قولت عليه!
" البنات الى معاها بصولي وانا مكنتش عارفه اعمل ايه.. روحت خت شنطتي بسرعه وانا بنزل من المكان وبتمنى الارض تنشق وتبلعني! "
= ساره الموضوع مش مستاهل كل ده! انتي عارفه ليلى وانا مش مخبي عليكي حاجه !!!
- لا مخبي يا أسر!!! لما تضحك عليا تبقي مخبي ! كان هيحصل ايه لو قولت انك نازل معاها عادي ليه تكدب
= والله مكدبتش !! انا فعلا كان عندي شغل و اجتماع وخلصت بدري مكنتش اعرف اني همشي بدري و بعدين كان فيه مشكله عشان كده قابلتها!
- تمام
= ساره استنى متكبريش الحوار
" نزلت وسابته و اتفاجئت بـ ليلى مستنياها تحت "
- ممكن اتكلم معاكي!
= مش قادره يا ليلى معلش
ردت بإصرار: ساره بس اسمعيني!!
" أسر شافهم من بعيد وفضل مكانه
لما ليلى بصتله وهي بطمنه "
- صدقيني ده كل الى حصل.. ماما بتحب تكبر المواضيع.. وقالتله اني مضايقه وكل ده.. وانتى عارفه علاقتي انا واسر هو يعتبر اخويا الكبير.. وكان عايز بس يطمن عليا لأن حصل مشكلة في شغلي وسبته وانا الى قولتله نروح نشوف فستان للفرح بدل ما أروح.. هو حقيقي مش قصده و انا فاهمه ان حقك تزعلي.. بس صدقيني أسر مش كداب هو بس مش بيركز فالتفاصيل لكن اكيد كان هيعرفك
برمت شفايفها بصمت: تمام يا ليلى.. علشان خاطرك انتي المره دي
- طيب ممكن تخليه يوصلك بقا؟
= انا جايه مع البنات بعربيتي مش هينفع..
- طب انتوا تمام؟!
= متقلقيش.. هعديها بس مش هيمنع اني
هنكد عليه شوية
ضحكت: براحتك بقا في دى.
" الموضوع يعتبر خلص و كنا مروحين في العربية انا و هو والهدوء بيعم في المكان.. وكأن احنا الاتنين عارفين ان الى حصل غلط.. فا مفيش حاجه ممكن تتقال في الموقف الى زي ده "
" كنت بحاول ابصله وكأني دي اخر مره هشوفه.... او يمكن عشان بعد كده مش هيبقي من حقي اعمل الى كنت بعمله زمان.. واكلمه اي وقت ونتقابل اي وقت.. "
" وصلني عند البيت و نزل من العربية و كانت عيونه مركزه عليا "
- ما تطلع تطمن مدام هناء بنفسك
ابتسم بهدوء: بلاش تقلقيها عليكي يا ليل انتى عارفه انها بتحبك..
"بصتله وانا بفتكر ذكرى الأسم! و ضحكت فا هو فهم انا ضحكت على ايه وضحك "
- يا ليلى.
= حاضر يا اسور.
"ابتسم لما رديت بنفس الرد الى كنت برده زمان."
" وطلعت.. و زي ما توقعت كانت اخر مره هنبقي قريبين فيها بالشكل ده.. لأنى خلاص واقفة في فرحه.. وبعد ما كتب كتابه.. كنت شيفاه وسط صحابه.. و معاها! كانت مناسبة اوي معاه.. هما الاتنين كانو حلوين سوا.. بيدج الفيس بوك بتاعتي سلسبيل احمد ومع ان كان فيه دوشة كتير.. لكنى كنت مازالت سامعه صوت قلبي وهو بيتألم بصعوبة.. "
" بس خلاص.. كل الحلول متنفعش.. ومكنش ينفع ياخد حد مقعد زيي وجبان.. مش عارف هو عاوز ايه بعد لما فكرت اكتشفت ان أسر ميستاهلش يتعب معايا.. كفايه السنين الى فاتت.. وهو متحمل مسؤوليتي.. عشان ابويا رماني انا و أمي قبل ما يموت.. "
- ليلى.. يا ليلى.. ليلى!
= ها؟ نعم يا ماما
- مالك يا حبيبتي ايه الى شاغل بالك
= مفيش حاجه انا بس محتاجه ءءء أروح الحمام
" روحت الحمام و انا دموعي سبقاني.. لكنى دخلت بسرعه وقفلت على نفسي دموعي فضلت تنزل فات دقيقه واتنين وتلاته.. معرفش ليه مبقتش بقدر اكتم العياط لكني حاولت اهدى ومسحت دموعي و فتحت باب الحمام و لقيت ساره قدامي فا بصتلها بفرحه وابتسمت بسرعه "
- مبروك يا صرصور! محتاجه مساعده في حاجه
بصتلي بتردد: لا انا تمام انتِ كويسه؟
= ايوه ايوه مفيش حاجه يا حبيبي
كله تمام بعد اذنك.
" خرجت ولما هديت شوية روحت
باركت لـ أسر بفرحه.. "
- بس الفستان حلو خدي بالك
= انت حطتني قدام الأمر الواقع على فكره انا كنت هنزل اشتري لوحدك
- مانا عارف عشان كده جبت فستان على مزاجي
اتنهدت وانا بصاله: طيب انا هرجع اقعد مع ماما
= ماهي ماما معاها.. خليكي معايا شوية معرفش ساره راحت اختفت فين
" مبقاش ينفع.. ومينفعش اعود نفسي
ابقي قريبه منه "
- هي في الحمام.. هتلاقيها شوية وجايه.. انا مرهقه حبه فا هرجع الترابيزه.
" وكانت دي اخر جملة بينا.. "
>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| بعد مرور شهر ونص | في بيت أسر ||
- ده اخر كلام عندي يا أسر صدقني.. دول مش شوية زعل ولا انا بهول الموضوع انا عايزه اطلق
= هو جنان ؟؟؟ صاحيه من النوم عايزه نطلق !
ساره بصتله بهدوء: مش جنان يا أسر انت بس الى مش عايز تصدق انك غلط
- ساره لو سمحتي انا فعلا مش فاهم حاجه!!
= انت عارفني.. احنا بقالنا سنين بنشتغل سوا ومش اغراب عن بعض وانا عمليه يا اسر و صريحه.. مبعرفش اجمل الكلام.. انت مخبي عني حاجه في علاقتك بـ ليلى.. مش عايزه اعرفها.. الى كنت عايزه اعرفه خلاص متأكده منه.. انت بتحبها و من ساعه لما العريس اتقدم لك ومعاد الخطوبة اتحدد وانا كل شوية بتأكد اكتر
بصلها بتعجب: ساره.. انتي مكبره الموضوع و
قاطعته: انا عايزه اعرف الصراحه
اسر مسح على وشه بتعب: طيب.. لو كنت صريح معاكي هتشيلي فكره الطلاق دي من دماغك؟
- ايوا
= تمام.. انا كنت بحب ليلى و قولت لها وهي رفضت و قالت لي اني زي اخوها.. فضلت احاول ومفيش حاجه كانت نافعه كنت حاسس انها بتحبني وبتكابر بس اكتشفت اني كنت غلطان.. يوم الخطوبة بتاعتنا.. انا غصب عني قولتلها تاني.. لكن هي قابلت ده بغضب و أكدت لي اننا مجرد اخوات فا تقبلت الوضع واكتشفت اني عايز اكمل معاكي واننا متفاهمين انتي عرفاني زي ما قولتي وانا عارفك.. وخلاص اتجوزنا.. لكن فكره العريس دي.. انا بس مش قادر اتقبل فكره ان حد تاني هيدخل حياتها عشان هي تهمني ومش واثق فيه وحاجات كتير.. ليلى عمرها ما دخلت حد حياتها.. ممكن بقا تهدي اديني شرحت لك كل حاجه بصراحه.. و صدقيني انا فعلا كنت غلطان
" ساره ضحكت بسخريه وبصتله "
- انت فعلا غلطان يا أسر
= يعني ايه
- يعني هي بتحبك ومكنش لازم تستسلم بالسهوله دي.. و تصدقها.. احنا بنعرف نمثل كويس اوي يا أسر
اسر بصلها بعدم استعياب: انا مش فاهم حاجه
= انا آسفة اني كدبت عليك.. بس انا مش هرجع في قراري.. اتمنى تحترم رغبتي انا مش عايزه اكمل و هكلم بابا بتصل بالمأذون ونطلق.
>>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| يوم خطوبة ليلى ||
" كنت في اوضتي.. مستنيا ماما تناديني.. قلقانه و لوحدي معرفش لو قراري صح! بس جزء كبير مني وافق على الخطوبة عشان زن ماما.. او يمكن عشان ابطل تفكير فيه! لأني خايفه ابوظ حياته الى بناها! مكنتش عارفه حاجه.. و قاطعني خبط الباب "
- ادخلي يا ماما
" الباب اتفتح واتفاجئت بـ ساره "
- انا لحد اخر لحظه كنت مستنيا انك تلغي الخطوبة يا ليلى.. مكنتش اعرف انك هتكملي فيها
بصتلها بستغراب كامل: اللغيها! ليه؟
هو خالد عمل حاجه؟
= خالد!؟ انا مش بتكلم عن خالد بتكلم عن أسر
- انا مش فاهمه حاجه ماله أسر هو لغى الخطوبة ولا فيه ايه
" قعدت قصادي "
= انا مشكلتي اني مبعرفش اجمل الكلام ولا اقول مقدمات.. انا مدب.. ما علينا.. خليني نبدء بـ انتي ليه بتتخطبي لواحد.. و انتي بتحبي حد تاني
" حسيت جسمي سخن وبصتلها بتوتر "
- بحب مين!
= أسر
- ساره انتي مجنونه؟
= انتم الى مجانين يا ليلى.. انتي كنتي جدعه معايا.. و احترمتي مساحتي مع أسر.. مشوفتش منك حاجه وحشه.. حقيقي انتي قلبك ابيض.. هو له حق يحبك..
فتحت عيني بدهشه: هو مين!!!؟؟
- من اول يوم خطوبتي انا وهو وانا حاسه.. وانا احساسي مش بيكدب اكيد عارفه احساس الستات لحد المره الى شوفتك بتعيطي فيها في الحمام وقتها اتأكدت.. واتأكدت اكتر.. لما بدء يتعرفت هو عشان اتقدم لك عريس.. أسر بيحبك يا ليلى وانتى كمان بتحبيه
بصتلها وعيوني فيها دموع: الى بتقوليه ده غلط اسر بيحبك انت و اتجوزك انتي كل ده كلام فاضي ملهوش اي لازمه يا ساره صدقيني
- انا و أسر اطلقنا من تلت ايام و دي كانت رغبتي
بصتلها بصدمه و دموعي نزلت: اطلقتوا !!!! أطلقتوا يا ساره عشان اوهام في دماغك !!! حياتكم باظت بسببي !!
ساره قربت منها بسرعه: ليلى اهدي !!! انتي شيفاني ؟ انا كويسه قدامك ! وهو هيبقي كويس لما الخطوبة دي تقف بطلوا الى بتعملوه ايا كان هو ايه ! واجهوا بعض متصعبيهاش عليه! مش انتوا الى اخوات احنا الى تقريبا طلعنا اخوات.. او صحاب شغل مش اكتر من كده.. وجربنا حظنا ومنفعش انا اتسرعت وافتكرت اني حبيته واننا شبه بعض ومتفاهمين بس الى بينا مجرد تعود من كتر ما بقالنا سنين شغالين سوا.. لكن الى بينا مش حب حقيقي
بس انتم.. بينكم حب حقيقي يا ليلى.. بلاش تضيعه لو هو غلط و دخل علاقة متعمليش زيه.. فكري يا ليلى واتكلمى معاه.. انا هناديه
بصتلها بسرعه: لاء يا ساره !
طبطبت على كتافها: اهدى وفكري..
" خرجت وسابتني وانا بحاول استوعب الى بيحصل انا كأني بحلم !!! هو الى انا فيه ده حقيقي !! "
" بعد دقايق الباب خبط وانا مردتش ! صوتي مكنش قادر يطلع.. الباب اتفتح بهدوء وأسر بص عليا "
- انتي كويسه؟ فيه ايه؟
انتي بتعيطي !
= انت طلقت ساره يا اسر !!
- هي قالت لك!
= ليه يا اسر ليه!
- هي الى طلبت يا ليلى
= مكنتش توافقها
- كويس انها جت منها.. الموضوع كدا كدا مكنش هيكمل.. من الأول هو قرار غلط وانا الى كابرت
= يعني ايه !!!
- يعني كفايه يا ليلى
"بصتله وانا دموعي بتنزل ورا بعض"
= انا مش عايزه اتخطب اعمل ايه!!
" اسر بصلها و قعد "
- والناس الى بره.. هو مش ده اختيار سيادتك وصممتي عليه واتكلمت معاكي لما زهقت !!!
بصتله بنرفزه: هو انت بتزعقلي !
= اه بزعق لأني تعبت !! انا مش فاهمك !! انا فعلا مش فاهمك انتي عايزه ايه بظبط؟؟ هو صعب اوي كده تقولي الى عايزه !!! صعب عليكي تخدي قرار واثقة منه وتمشي ورا مشاعرك؟؟
" قعدت بعيد عنه لكنه قرب "
- تمام.. انا هخرج اعتذر لهم.. وهلم الموضوع.. بس فاكره زمان؟ لما كنت بحوش عنك مصايب عشان هناء متعجنكيش؟ وقتها كنت بطلب منك تعمليلي حاجه قصادها.. فاكره
بصتله وانا بمسح دموعي: فاكره.. هعملك الى عايزه
= تمام جدا..
" و طبعا.. انا عمر ما كان هيجي في بالي الى هو هيطلبه.. ولا بعدين ده هو مطلبش اصلا.. الى حصل بعدها.. اني واجهت جبهتين.. او تلاته مرات عمي شادية و ماما و هو.. التلاتة اتكاتروا عليا.. "
" والنتيجة؟ انا و أسر فرحنا بعد شهر ! "
" ده حصل ازاي؟ معرفش!
طب هل انا موافقه؟
محدش اخد رأيي اصلا!
طب هل ينفع اهرب او حاجه؟
اسر بيعاملني معامله الاسرىٰ
وامي سلمتني له! "
" لحد ما فجأة.. كنا انا وهو في بيتنا..
لوحدنا..!
تحت سقف واحد
انا مستخبيا في الحمام
وهو واقف على الباب يجعر.. "
- يابت هتغابى عليكي
هدغدغ الباب يا ليلى !
" فتحت الباب بغضب "
- هتلم علينا الجيران
بصلها بصدمه: يا نهار ابيض ومنيل عليا !!
انتي لسه بالفستان؟؟ لسه لابسالي فستان
ده انتي بقالك ساعتين جوه
كنتي بتعملي طقوس مع الجن؟؟
- مش كفايه متجوزني بالعافيه عايز مني ايه تاني
= عايز ايه تاني !!! هو انا كنت خدت اولاني !
- هو انت عايز تاخد ايه؟ فيه ايه ناقص مختهوش!
انت حبستني يعتبر واتكاترت عليا انت وهناء و شادية !! ومدتنيش فرصه افكر مدتنيش فرصه احكيلك الى جوايا وتسمعني
أسر بصلها بجديه: انتي كنتي هتحكيلي الى جواكي فعلا؟ ولا ده كان كمين عشان تديني محاضره من بتوعك وتقوليلي فالاخر احنا مجرد اخوات!
" ليلى اتنهدت وبصتله "
- كنت هقولك الحقيقه.
" و من هنا بدأت احكي له كل حاجه جوايا كل مشاعري وتفكيري.. و مخاوفي.. اعتقد اننا قعدنا نتكلم ساعتين او انا بس الى اتكلمت..! والصدمه كانت لما تقبل كل ده بهدوء مكنش حتي بيلومني.. بقلمي سلسبيل احمد
ولا شاف خوفي هايف.. ولا شاف عقدتي من الجواز والرجالة بسبب ابويا تافهه.. كان فاهمني.. فهم كل حاجه.. أكتشفت ان اكتر حاجه كنت خايفه منها..
لما خرجتها.. كانت اكتر حاجه فرحانه اني قولتها..
وشاركتها معاه. "
" اليوم ده طمني.. و اخدني في حضنه و هو بيحكيلي حدوتة.. "
- و أكتر حاجه خوفت الأمير.. ان الاميرة تكون مش بتحبه بجد وحس انه هيخسرها.. و هيبوظ كل حاجه حلوة بينهم.. وقتها قرر يتجوز اميرة تانيه.. وحاول يقنع نفسه ان ده الصح.. وانه يشوف الأميرة الى بيحبها اخته و بنته وبس و لكن القدر كان له رأي تاني.. و رغم كل حاجه.. دلوقتي الأمير بقا مع الى بيحبها بجد..
رفعت عيوني وبصتله: وهو مش زعلان منها خالص؟
- هو فيه حاجه واحده مزعلاه
قامت وبصتله بأهتمام: ايه هي قول!
= لحد دلوقتي.. الاميرة مقالتش للأمير الكلمه السرية..
"بصتله بصمت لتلت ثواني وبعدين حضنته"
- انا بحبك يا أسر..
" اسم ابتسم بسعادة غامرة..!
وكأنه ملك الدنيا كلها.. وشد على حضنها "
= و انا بحبك اوي.. يا سمو الاميرة.💗✨️
" يمكن العيب فيكم.. او في حبايبكم..
انما الحب ياروحي عليه!♥︎ "
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
