رواية الإرهابي وذات النقاب الجزء الثاني الفصل الثلاثون بقلم ام غايب
عن ياويل
تبرد نارنه ونضحك ولو بالطيف
عن لاننكسر وتگول عنه الناس مهضومين
______________
فلك-شاهين
شاهين-كلمه وحده بس نطيتي ال حمصه حجل لو لا
فلك-منو كلك
شاهين-جااااوبي
فلك-اي انطيته
سده بوجهي كعدت ابجي وشنو فائدة البجي شتفيد بشنو خسرته واعرف راح اخسره ومستحيل
تأقلمت ويه الوضع يوم يومين تلاثه نفس الحاله شلت سيمكارتي كله وكسرته وخلصت من كلشي
كلت خلص لا اريد حب ولا اي شي بس بقيت برامج بالواتساب بين ميجي خضر كالت ميمونه يجيبلج
كمت اصب اهتمامي بس لٰ علي واعلمه حروف
اسبوع تقريباً ملتقينه ولا اريد التقي ابجي يوميه
مااعرف مقهوره على نفسي لان كلشي حلو يصير الي يروح مني بسرعه
اجتني رساله على الواتساب من رقم فتحتهه
منعت روحي من الاتصال عليج ومكدرت رغم ما خسرت اخويه بس ردت اطمئن عليج واسألج خوما فواز ضايقج بشي
بقيت صافنه احسه احمد واخاف اكول احمد ويطلع شاهين يختبرني مجاوبت غلقت موبايلي
وطلعت
لكيت ميمونه تسوي عشه وتبجي تقربت عليهه وقربت روحي
فلك-شنو كاعد تبجين ،ولج جاوبي
ميمونه-عوفيني فدوه
فلك-دحجي عليج الله شبيج
ميمونه-مااعرف مختنكه
فلك-يعني ممتعاركه ويه خضر
ميمونه-لا بس موضوع الي كاتل اهله هو الي مأذيني مدري بس احلم احلام مو زينه
فلك-ياااا بيج تابعه
ميمونه-لا ولج دااكلج هذا الموضوع واخاف انطي الرقم ال خالد لو شاهين واكله خاف يكولون ال خضر ويرجع يبتعد عني وخضر من يزعل زعله قوي
فلك-كلي الولد عمه وفضيهه رجلج راح يضيعكم عباله السالفه لعبه مشفتي فواز
ميمونه-وانت صدكتي بابا هيج مسوي
فلك-كلشي كمت اصدك الدوامه الي اني بيهه صرت خلتني استوعب كلشي لعد حقده طبيعي دمرني الله ياخذه الله ياخذه
ميمونه-الله ياخذه
فلك-وج ميمونه شنو هاي
ميمونه-شنو
فلك-بطنج صايره تخبل
ميمونه-ابتسمت ولزمتهه صدك اخذيلي صوره
فلك-دلبسي شي حلو ومكيجي يحظي وخل اخذلج صور ودزيهن الرجلج لتخلي يتعلم ينسى خلقتج
ميمونه-صدك يلله بلله صح صار كرمه مدازتله صوره بيهه خير كله بكفشتي
سبحت وسويت كصيبه ومكيجتلي فلك واخذتلي صور
وركزت على جسمي بحيث برزت بطني كلش حبيتهن وجنت فرحانه بيهن رحت كبل دزيتهن ال خضر شويه واتصل
خضر-ولج هاي شنووووووو تخبلين طالعه
ميمونه-ابتسمت وكتله هاي فلك
خضر-يعني هاي صورة فلك ولج
ميمونه-ههههه لا قصدي فلك اخذتلي
خضر-مشتاقلج ميمونتي
ميمونه-اني هم كلش مشتاقتلك
خضر-والله كلبي طكك عليج انتي وبنتي ميمونتي الثانيه
ميمونه-كل متكول هيج احس نفسي راح اموت
خضر-انجبي لتعيديهه شنو تموتين اموتج غير
ميمونه-هههه اذا اموت شلون تموتني
خضر-مجرد تخيل او كلام مااريده
ميمونه-لعد ليش متفكر بينه
خضر-هم رجعت الهذا الموضوع
ميمونه-خضر مناسيته للموضوع وخايفه
خضر-اني عندي شغل هسه بعدين اخابرج
ميمونه-خضررر
خضر-لان ضوجتيني
ميمونه-مضوجتك انت مكاعد تفكر
خضر-اهوووووووو
ميمونه-خضر اني اعرف فواز هو الي كاعد يساعدك من كتبت رقمه طلعت صورته
خضر-شنووو شنووو اخذتي رقمه
ميمونه-اي
خضر-وكتبتي رقمه انتِ شنووووو وتحجيهه عادي
ميمونه-اي عادي شنو يعني
خضر-شنووو العادي شنووووو وعلى اي اساس تاخذين رقم من جهازي روحي ميمونه هسه عني
ميمونه- خضر لتسوي هيج دومك تحولهه عليه انت ملزم تجاوبني فواز دمر اختي
خضر-شنوووو قصدج متفق على فلك
ميمونه-كام يكفر ويسب ويغلط وسده بوجهي اول مره يسبني انهضمت حيل خضر شكد يحبني بس من اواجهه بشي يهجم عليه بس سبني اول مره يسويهه
انقهرت حيل واتصلت على شاهين واني ابجي
الووووو شاهين
شاهين-خيرج ميمونه خوما بيج شي
ميمونه-اي بيه خضر
شاهين-شسوالج هذا الناقص جايج هسه
ميمونه-صدك خطيه بسرعه اجاني عبالي بالمحل بس طلع بالبيت
فلك-جنت اغسل بالحمام والحمام قريب عل باب من اندك رحت صحت منووووو
شاهين-اني
فلك-سكتت وتقربت كلت خاف متوهمه كلت شاهين
اجتي ميمونه وعيونهه حمر وتبجي كالت علمودي
فلك-شبيج
ميمونه-خل افتح الباب دخلي
فلك-اي اي شبيج غير اسأل رحت دخلت بغرفة خضر وميمونه بقيت الباب مفتوح حتى اسمع
شاهين-شنو القصه شصاير اني خابرته ومجاوب
ميمونه-اني تعبت وتخيل خضر يسبني فوك ما هو غلطان
شاهين-اطيح حظه دتعالي ام دميعه اهدئي وسولفيلي
ميمونه-دك موبايل شاهين كال هسه اطيح حظه كدامج
كتله لااا لتجاوبه انت مفاهم اني مو على هاي
شاهين-لعد
ميمونه-شاهين مدتفهمني هسه اسولفلك المسأله وليش خابرتك
دخلت للاستقبال وسولفتله عن فواز وعن مكالماتهم ويساعده بشنو وكتله وحده غيري تشك بي وره كلشي يصير بأختهه واني اتوسل بي توسل مقبل علي وكام يحجي وكلي مالج دخل بالسالفه بعد اني اشوفلهه حل
ميمونه-خايفه علي والله كلبي يوجعني
شاهين-خل يولي مو يسبج هو
ميمونه-لا هو مو هيج بس متغير هالفتره
شاهين-لا خل يولي طايح حظ وابتسم
تعرفين ميمونه انتِ حالج حال رسل عندي وراح احجي وياج مثل مااحجي ريه رسل ولو انتي تختلفين لان ماشاء الله خشمج مو يابس احنه زلم ونسوان خشومتنه ماشاء الله
بس الرجال بحالة عصبيه كلشي يحجي وانتِ كلتيهه بس هالفتره متغير خضر يحبج وانتِ تستاهلين هذا الحب بت اصول وماكو منج ولتقلقين ام تك وتك على كولته
بعد مطلع مني شاهين شويه واتصل خضر اول مجاوبت عاط بيه.
خضر .. انتِ شكايله الشاهين
ميمونه .. خابرتني علمود تصيح عليه وتغلط
خضر .. واكسر راسج صار كم مره تسويهه
ميمونه .. خايفه عليك وانتَ تسب بيه
خضر .. ماشي ميمونه ماشي
ميمونه .. سده بوجهي
اجتني فلك شكو شبيج انتِ صدك فواز ديساعد خضر
ميمونه .. باوعت عليهه
فلك .. خضر هذا شيطان يريد يهجم حياتج شكد مريض مياخذه الله ويخلصنه منه مبينه عرف خضر شيريد ونقطة ضعفه الحقير
ميمونه .. ساعة السوده على راسه الله ياخذه
فلك .. باع الوجه تصخم
ميمونه .. كل منج صوجي دزيتله خلقتي بقه بيومهه ولا اتصل عليه ابد
...........................
حمصه .. خلصت السجن وصار الوكت الي اتزوج رزان بي كل هذا الان كلت ال فواز اذا بنيتك تزوجهه وتخلي غيري يستر عليهه اخلي القضيه بيوم العرس وادز التصوير جنت احمي الكل على حساب رزان اعرف نذاله مني بس نذاله فواز اقوى يعني ميهمه احد
فلك الحب الوحيد الي صار بحياتي على الرغم ميجمعنه شي بس افكر بيهه طول الوقت ومحتاجهه بكل وقت وياي احسهه مثل امي من اشوفهه اتذكرهه
اليوم هو يوم زواجنا اني ورزان مااريد احد يعرف لذالك وفواز شرط عليه هم اتزوجهه واعوفهه ٣ اشهر واطلكهه وهالقرار افضل الي اكيد لان يحميني كال وراح يعلنون زوجهه بالخارج وتسوي حنه هيه ببيتهم واليوم حنتهه بعد الحفله اروح علمود نعقد اخذت وياي شاهين وصلنه اني ويا للبيت
شاهين .. تعرف شتمنى
حمصه .. شتتمنى
شاهين .. ارميك انتَ وفواز كاعد تلعبون بالشرف عبالك لعبه
حمصه .. فواز نذل
شاهين .. انت نفس نذالته لك بابا شرف بنيه حتى اذا سلمت روحهه وغلطت انت الله وين راح عنك والله مااعرف شكول اني انت تلعب من جهه فواز من جهه اخره فواز كاعد يقنع خضر يطلع كتال أبو
حمصه .. شفت انت حجيتهه فواز شيطان هذا شيطان
شاهين .. تتوقع راح يعوفك
حمصه .. لا ميه بالميه راسم يكتلني ويسوي بنته ارمله الشي الوحيد الي ميمس الشرف حلهه بس ما اتزوج رزان
شاهين .. حتى هسه اني اكتلك مو فواز
حمصه .. لتخاف اعرف شلون ارهمهه
شاهين .. تزوج البنيه وشتسوي سوي حمصه اله الشرف مو لعبه
حمصه .. اعرف شبيك
شاهين .. دك الباب وخلصني
حمصه .. دكيت الباب طلعلي هو فواز يخزر بيه باوعت على شاهين عبالك فواز كاتل ابو على النظرات
فواز .. اهلا شاهين تفضل
شاهين .. مجبور ولد ناس الشرف مسويته لعبه ميشرفني ادخل بيتهم خطيه بنتك بركبتك انت قبل احمد وخطيه الي انتهكت عرضهن دتشوف لعبك كله بالعرض
حمصه .. شاهين خل نفضهه
فواز .. الي يسكت عن شرفه خل يلبس فوطه وعبايه احسن اله
شاهين .. وهسه اخذت حقك اني اكول الي ياخذ ويدور حق من مره يلبس عبابه وفوطه احسن
فواز .. احترم نفسك
حمصه .. شاهين خل نفضهه كافي دخلنه اني وشاهين وجان جايب سيد سأل على التفاصيل الي راح تتدون كال الغايب شكد
حمصه .. ٣٠ مليون سجل
فواز .. قرآن الغايب شيخنا سجل
حمصه .. اني حر
فواز .. يلله براحتك اذا انت طاك هيج
السيد .. جيبوا لبنيه مادامكم متفقين على كلشي
حمصه .. جنت كاعد ومسولف اني وشاهين لان اعترض
شاهين ..ليش خليت هذا المبلغ اذا متفقين على الطلاق
حمصه .. بعدني منو كال اطلك
شاهين .. هو كاتلك بالحالتين
حمصه .. انفتحت الباب درت وجهي على الباب هيه وره ابوهه جانت مدنكه رفعت راسهه شويه وباوعت عليهه تبجي رأساً دنكت متحملت اباوعلهه واني كاسرهه وخاذلهه هيه نظره وحده بس عساني انعميت ولا شايفهه
ارتكت الاول مره بحياتي كام يردد السيد بالكلام بالنيابه عنهه وبعدين سألهه كالت نعم بس مبين من صوتهه البجي بسرعه راحت بس كمل العقد والسيد طلع رجع دخل فواز
فواز .. تكدر تتوكل بعد
حمصه .. وين اروح غير صيح زوجتي
فواز .. كتلك تعقد وتولي من خلقتي ومن يصير ٣ شهور طلكهه
حمصه .. طلعت موبايلي من جيبي وخليته كباله ، اعرف تفكيرك فواز تره نفس النذاله اني وياك فأعرف تفكيرك
فواز .. اتفقنه الطلاك وره ٣ شهور ومتشوفهه
حمصه .. ٣ شهور اطلكهه تدلل بس بأي حق تمنعني من زوجتي وهيه على ذمتي هسه
فواز .. زوجتك شنو توكل على الله
حمصه .. اريد اشوفهه ال رزان
فواز .. اطلع بره لا هسه طلقه بمكانك هذا انهيك والله وتوقع انت نهايتك بأي لحظه
شاهين .. خل يحجي ويه زوجته واني اريد احجي وياك فواز ضروري
حمصه .. قبل بسرعه واني فرصتي جانت كال لحظه تأخر فواز سألت شاهين شيريد من فواز
كال اريد ابعده عن خضر واشوف صدك يعرف كتال عمي لو جذبه منه اني اصبر ب خضر بس اتمنى اليوم قبل باجر اعرفه واخذ حق عمي وعائلته وطفولة خضر الضاعت من خشمه
حمصه .. معقوله خالد مكلك جنت عبالي تعرف وانت هم متكول
شاهين .. من كل عقلك اعرف الكاتل ومذبح بيت عمي واكعد
جنت كاعد ادخن وداير على شاهين اسولف انفتحت الباب كلي تعال بالهول الثاني
عفتهم وطلعت اول مفتحت الباب لكيتهه واكفه بالباب تباوع بحقد
رزان .. جنت متدمره هذا اليوم
حمصه .. رزان ورحت عليهه تفاجئت امهه هم موجوده
رزان .. ماما خلينه نحجي
ام رزان .. ابوج كال ممنوع يبقون وحدهم احجوا يمي
حمصه .. اريد احجي وياهه خمس دقايق مو اكثر
ام رزان .. ابوهه يهجم البيت على راسي
حمصه .. خمس دقايق مو اكثر طلعت بشلعان الكلب درت على رزان ، رزان شتحجين حقج بس باعيلي اليوم اذا متطلعين بالليل وتجين وياي ابوج اكدر اسجنه طلعت الموبايل وشوفتهه
رزان .. ايا حقير يا نذل انت شتريد لك اني ولا اعرف انتَ الهاي الدرجه بلا ضمير جنت عبالي
حمصه .. رزان اعرف غلطان بس لتنسين انتِ سلمتي ورحج الي بسهوله واحد غيري ميتزوجج
رزان .. شكد نزل وحقير صح والله اني حيوانه واستاهل
حمصه .. بلا حجي هسه
رزان .. شتريد مني بعددد شتريد
حمصه .. راح تدخل امج الاختيار الج والله اسجنه الابوج هاج شوفي حتى رتبته يخسرهه بدون الكامرات ولا اي دليل الطلعتج فهمتي وهاج هذا الموبايل انطيتهه موبايل صغير خابريني من تصعدين
رزان .. انتَ شنو من بشر
حمصه .. ضمي الجهاز اني افهمج من نتخابر
رزان .. تفووو عليك
سحبني من زيجي وعاط بيه ررزززززان
رزان-دموعي كمت مااتلاحك الهن ،انت شنوووو من بشرررر فهمني دمرتني شتريد مني بعد ليش هيج سويت بيه
حمصه-بلا ضمير وماعندي رجوله ستريدين بعد
رزان-مااعرف انت شنو نوعك بين البشر وخرت ايده الي جار بيهه زيجي
شفت شيطان مو بشر بلا احساس متجرد من الضمير
ليش سويت بيه هيج الخد الان ادور عل جواب جاوبني
حمصه-من اخابرج جاوبيني ،طلعت وعفتهه اعرف ظلمتهه ظلم جبير شفت رزان ثانيه تختلف مبين عليهه الخزن والكسره ذبلتهه بيدي والمشكله مراح اكدر احييهه من جديد
طلعت اول مدخلت للاستقبال سكتو اثنينهم بس شاهين منهار طلعنه بسرعه شاهين مو طبيعي حتى من احجي ويا ميحجي ولا يجاوب
حمصه-شصار شحجه هذا وياك
عرفت منو كاتل عمك متحجي رصلني مرحله جريته ووكفته شاااااهين احجي شبيك
شاهين-شحجي شحححححجي حمصه
حمصه--عافني وراح بدون ميحجي ولا حرف
اخذنه تكسي وصلنه البيت خالد نزل بسرعه حسيته مو طبيعي مكدرت ماادخل
علي-واني فتحت الباب مال كلدور انفاحت الباب شاهين جنت اتصل ب غدير من تقرب شاهين باوعته مو طبيعي
شاهين-خالددد هنا
علي-شكووو
شاهين-خالد وين
علي-يم حبوبه كاعد
علي-شفت حمصه سألته شبي شاهين
حمصه-مو طبيعي مدري شكله فواز سألته وميجاوب
سمعنه صوووت شاهين عالي جان يكول جاااااااوووووووب صح لو غلط
خالد-لتتتتتتتتعلي صوووووووووتك بووو جهي
شاهين-جااااااااااااااوووب
خالد-اااااااااااي هوووووووووو الكتل عمك ارررررتاحيت
حمصه-بقينه اني وعلي واحد يباوع عل ثاني جان صدمه ابد ممتوقععهه
..............
ميمونه-خضر مخابرني وبقه على موقفه كعدت ضغطي مو طبيعي رحت ال عمه ام شاهين فتحت الباب الخارجي لان بس اسحبهه شويه جانبي ينفتح اعرفله دخلت لكيت
محد جوه كلت اكيد فوك صعدت لان سمعت احد بالحمام مدري يغسل بالحمام
جان مطبوك باب الحمام وصوت عالي الجو متوتر ليش مااعرف
تقربت واني امشي سمعت كلامهم
ام شاهين-سنين وووواني عايشه بهذا الخوووووف
ام خالد-شيسوووي يعني ياخذ ثاره من منوووووو ممعقوله يكتل ابن عمه بس كله من وره جدهم يعرف المشترك ابنه يعلم حفيده عل ثار
ام شاهين-ساعة السوده ساعه سوده ومصخمه اذا مات ابني شراح استفاد هسه اني منين اجيب جدهم واكله كله منك
كله من وره ذني البرابيك الجابهن خضر لو موهلي ال.*****فلك فواز يبحوش مبقت واحد ملعبت ويا
لتبجين ليش البجي شيسوي خضر مهما يكون هذا اخو
وشاهين هسه لان مصدوم مصيره يفهم ويبقه السر هذا هم بينا
ميمونه-انصدمت صدمة عمري خليت ايدي على گلبي معقوله ابو شاهين شلون يعني شلون اخ يكتب اخو ومنو الي يدور علي خضر كل هالسنين عمه
ولا منو ابو شاهين الي هو شاهين كلشي بالنسبه اله وكفت عاجزه حتى خطواتي ميسعفني اتقدم زين اني شلون بعد اباوع على خضر وشاهين شلون راح يتقبل مبين توه عرف وبسببي لو مكايلتله يمكن مجان واجه النذل فواز جان ضغطي هابط حسيت بعدهه الدنيا تفتر بيه اكثر بحيث لزمت المحجر الى ان طلعت ام خالد انصدمت من شافتني واني هم انصدمت فزيت
كبل طبكت الباب واجتي عليه سحبتني للسطح
اني امشي بلا وعي الشي الي سمعته مكاعد يستوعبه عقلي
ام خالد-الي سمعتي هسه مسامعته ابد تنسسسسي
ميمونه-باوعت عليهه واني رافعه نقابي جنت سحبت ايدي منهه ومسحت دموعي
ليش شلون يعني اخ يكتل اخو
ام خالد-مكاتله ماكو هيج شي متحجي فهممممتي جاااااوبي فهمتي انفتحت باب السطح باوعت رسل هم تباوع علينه وام خالد كملت كلامهه وكالتلي
ام خالد-باااعيلي وركزي وووياي والله اذا حرف واحد يطلع اذا عرف خضر بهذا الحجي وتصيرلنا مصيبه من وره هذا الموضوع ونخسرلنه واحد بيدي اني اموتج
ميمونه-بجيت شلون تريديني اباوع بعيونه بعد واني اعرف هذا الشي
رسل-تباوووعين بعيونه عادي لعد تريدين تسويهه كاتل ومكتول يالله ترتاحين لاعبالج هاي المصيبه سهله
ام خالد-ماكو شي انتي سمعتي بالغلط
رسل-خضررررر اخوووونه تفهمين مو لعبه هالكلام
هذا بي دم والدم بين الاخوان
ميمونه-شاهين وخضر خليت ايدي على كلبي وغمضت عيني
جانت عيني على رسل مااحس اله انرش عليه شي بلحظه كلشي صار بحيث بس درت وجهي باوعت عليهه اعرف بالسطح دوم يشوي عزوز وشاهين بس السرعه صدمتني يمكن لو مو اني جايه برجلي علمود الضغط جان كلت متخطط الهه
رسل-عمممممه وخلت ايدهه على حلكهه هاي شسووويتي
ام خالد-لعنه عليك يا خضر من يوم مدخلتي مرتاحيتلج والله كلت هاي تخرب الاخوان وجبتيلنه اختج الحيه جرت رسل من ايدهه وطلعتهه من السطح اني الصدمه من السمعته ومن الي سوته ام خالد وضغطي الهابط بالاصل
احس ممستوعبه شديصير واللساني مثل الي انعكد مااحس اله تقربت مني شعلت النار وكالتلي ماخلي مصير عائلتنه بيدج لو تموتين مااحس اله النار التهبتني
كمت اصرخ واكمز اني قبل لتفتح النار حاولت اصرخ واستنجد بأحد بس النار كبت بسرعه بحيث مااعرف شلون عقلي ميستوعب كمت اصرخ شكد جنت احس ببطني ثكيله من امشي بس كمت اكمز بكل خفه ونار مشتعله بيه روحي صارت عزيزه والخوف والرهبه ان النار مشتعله وانت متكدر تطفيهه صرخت بحيث احس روحي تريد تطلع
شمرت عبايتي بس ملابسي الجوه جان تراكسود بي لايلون قماشه بحيث كبل لكف وهيه بكل وحشيه طبكت الباب واني اصرخ وروحي شاغت مااعرف وين اروح وشلون تنطفي النار المشتعله مفكرت بشي حتى انسيت اني حامل نسيت الي سمعته
كل همي هو شلون اطفي النار الي راح تلتهمني انفتحت الباب هواي اصوات وهواي وجوه من كثر ما اكمز ماافرزن بس اسمع شاهين يصيح بطاااانيه بسررررعه بطانيه الى ان صرت بين شاهين ولفني ببطانيه شلون مااعرف
باوعت علي واني بحضنه الاول مره اشوفه يبجي
ميمممونننه لتخافين ابد ماكو شي الدنيا حسيتهه افترت بيه وانفاسي سريعه حسيت علي من شالني بس احس عيوني كامت تسورب واحس واحد يركض بيه مااعرف حتى موجوعه لو لا اسمع اصواتهم وشاهين يصيح
البااااااب بسرعه عزوز
فلك-جنت اوكل علي سمعت صرخات بس عبالي اتوهم بس حسيت هوسه صارت حالي حال الناس فتحت الباب شويه انصدمت شاهين مدري ملفلف منو بالبطانيه فتحت الباب اكثر جنت توني افكر اركض اجيب شال لان منو من بيت شاهين صارلهه شي
وعزوز مخبوص والكل بس شفت ام شاهين ورسل وام خالد وام عزوز طلعت كلبي وجعني فتحت الباب واني خايفه وعيني عل يطلعون بلكت المح ميمونه من ايدهه عرفتهه من ايدهه جانت لابسه سوار وايدهه مدندله بحيث حتى ابني نسيته ومنتبهت الروحي بلا حجاب كبل ركضت وصرررخت
يمه اااااااختي
...
