رواية عشكني ابن شيوخ الفصل الثلاثون بقلم مجهول
هلو بنات عذروني بس مجنت بلبيت رحت للمضمد ويا امي ف مصار عندي مجال اكتب وانزل الضهر نشالله لبارت يعجبكم ويلا نبدي......
جاوبت سلطان
.. ماشي
بدلت ملابسي ونزلنا سلمنا على كلهم وبوست ابن زينب وطلعنا صعدنا بسياره سلطان وجهه معقوج ومرام غفت منايمه اني ضليت اباوع عل شارع مر وقت ونفس الهدوء بعده كطع عل هدوء سلطان وهوه يكول
.. ستغفرالله سلار يعني مو نسيت سالفه وجيت اراضيج ليش سوين هيج وتخلينه متعاركين يعجبج هيج!؟
.. اني سويت هيج حتى تبطل من حركاتك ويايه واعصابك الزايده اني مو اكرهك او زعلانه منك بس انته متريد تخلي الي قدر كدام اهلك وحتى وان ما انتبهو او ما صار شي كدامهم بس ماريد اي شي اي شي يصير بينا بلغرفه نحجي بي فرضاً واحد من اخوتك اجه وشافنا وانته عصبي وتتعارك هل شي حيقلل من قيمتي كدامهم وكدام اي شخص ثاني حتى لو اهلي فلهذا صديتك
.. شجاي تحجين ما عاش ولا رح يعيش الي ينزل من قدرج وانه راسي يشم الهوه سلار مو انه الي انزل قدرج لان قدرج من قدري والي صار ليوم ما متقصد بس بعد حاله شيطان وانه جيت فوك وماحبيت لزعل يبقى واحنا على ابواب زواج
.. اي يا حبيبي بطل عصبيه اوف منك ، كلتها بدلع حتى الطف جو ومرام متسمع نايمه بسابع حلم
.. اي فري عقلي بذن سوالفج اوف منج
.. ههههههه شعندي غيرك احبل اجيب
.. لا هوه رح اخليج تحبلين وجيبين بس دصبري عليه اخ الله لطلع كل هدلع من خشمج، كالها وعض اصبعه
.. ياه سلطان متوب من حجيك مو مرام ويانا
.. ديلا واذا مرام على اساس ما تسولفيلها علينا اعرفج زين بنيتي ، كالها وغمزلي
اني خجلت عزا شمعرفه اني اسولف لمرام معقوله تحجيله؟ بس لا هوه لوتي يجوز يعرف بعلاقتنه قويه
.. ها وين سرحتي تره مو مرام سولفلي انه اعرف
.. عزا يمه سلطان تره بديت اخاف منك شنو كاعد بعقلي ، كلتها وفتحت عيوني بدهشه
.. ههههههه خرب يومج يسلار على خبالج ، ضحك من كل كلبه على رده فعلي
... وصلنا للبيت جان. ب9 طبينا توسلت بسلطان ينزل يتعشى ويروح مقبل كال تعبان بس اريد انام عاد ودعنا وراح
طبينا للبيت سلمنا وتعشينا وسولفنا هناك شصار وكل من ورا العشى راح لغرفته .......
...
.. سلار كومي يلااا ولج ساعه 7 ورانا شغل
.. ها يمعوده شعدنا
.. ياهه وج ليوم حنه ماتج ثول
.. واذا يعني نعسانه عوفيني ما وتعبانه
.. كومي ولج ورانا شغل كوميي
.. اي اي كمت ،
كمت سبحت حتى اصحصح لان تعبانه بارحه هم من صبح رحت للمركز نضفو جسمي كله وعنايه بشره وقدم وحمام مغربي بحيث رجعت للبيت هلكانه ونوب خاف اني قليل بيضه صرت مرايه من كد ما عتنو بيه ،وليوم حنتي ومتوتره وباجر العرس صح فرحانه بس بعد اي عروسه بهيج يوم تتوتر ، خلصت وطلعت عسريع بدلت ومشطت لميت شعري ولبست حجابي واخذت الفستان مال حنه ماتي بعدين اشوفكم يا ونزلت جوه اني وماما ومرام حنروح للصالون وبعدين نرجع لبيتنا حتى يبدلون همه وبعدين نروح للقاعه ياخذنا يوسف اهل سلطان يرحون كبل للقاعه مال نسوان ولرياجيل لقاعه الرياجيل ،
صعدنا بسياره ورحنا فتحت فوني شفت سلطان داك مرتين
دزيتله ،، .. حبيبي رايحيين للصالون
.. ماشي يبت گلبي شيصبرني لباجر
.. يوه سلطان قليل اني متوتره
.. عليش التوتر يبعد كلبي
.. مادري
.. سلار مثل ما تفقنا ولا شي يبين منج
.. اي اي فهمت والله شكمره عدتها
.. اي دانبهج اعرفج ابد مو فاهيه
.. فاهيه هسه صرت مو ماشي
.. هههههه اروحن فدوه للفاهيه لخذت گلبي
.. اممم سوي ذني سوالفك على غيري
.. شعندي غيرج انه
.. طبعاً وشحدك اصلاً عندك غيري
.. ههههههه حبيبي انه جماعتي يمه وهوسه اروح وراها للحلاق حتى ارتب نفسي وراها اشوفج اوف يساعه التجي واشوفج
.. نشالله حبيبي احبك
.. وانه بعد احبج الله وياج
.. الله وياك حبيبي
ورا شويه وصلنا طبينا حجينا ويا لرسبشن وصعدنا فوك قسم النساء اخذو الفستان مني علكو واني كعدوني وراحت مرام كعدوها وماما هم واجتي الماكيره اتفقت وياها مكياج نازك مو هوسه وهواي لان ماحب كالت تدللين غمضت وبدت تشتغلي وره ساعتيين خلصت فتحت عيني يعني مشالله رح احسد نفسي ههههه فدشي المكياج ونازك وعجبني مثل الاريده ابتسمت وهيه مبتسمه
.. ها عجبج؟ ، كالت الكوافيره ومبتسمه
.. اي عاشت ايدج نفس ذوقي الاريده
.. تدللين مشالله انتي حلوه بعد احلى صرتي و اني خلصت بعد رح تجي هسه لكوافيره تبدي بشعرج لان مشالله شعرج طويل وينراد وقت ،
.. ماشي حبيبتي تسلمين من ذوقج
امي اجتي يمي وكفت حطولها مكياج بسيط وسوو شعرها هيه شعرها لنص ضهرها لون جكليتي رفعولها يا وشسورو كولش حلو ولايكلها ابتسمتلها وهيه كالت
.. اللهم صل على محمد وال محمد عين لبارده عليج ويبعد الحسد نشالله هاي بس مكياج بع جمالج لو الشعر والفستان الا تخبلين سلطان ، كالتها ومبتسمه وعيونها تلمع
.. اروحلج فدوه يا احلى ام هههههه غير جمالي عليج كله
.. ههههه حبيبتي انتي ، باستني بلهوه واني جريت ايدها بستها بايدها
عاد جتي الكوافيره شوفتها صوره التسريحه كالت اوك
شعري غاسلته ف بس شسورته وبدت اسوي التسريحه واني تعبت راسي صدع ومرام جتي مدح وسوالف شعرها سوته ويڤي ومكياجها ناعم ويا فستانها لونه ماروني جوه ركبه بشويه ومن يم صدر والجتف طالع ونص ردن كلش نازك ومنا بطنها بارزه هههه
بعدها دك عليه سلطان حجيت ويا وهم حذرني اوف من غيرته
.....
خلصت وساعدوني بل لبس باوعت فدشي طالعه ومرام يمي تقره معوذات وتصلي عل نبي امي راحت. ب 3 للبيت بدلت ومناك للقاعه حتى تستقبل المعازيم ف بقت يمي مرام ،كادر لبنات ونسوان الكاعدات تعجبو عليه واني خجلانه رادو يسوولي صور بس كتلهم زوجي ميقبل
لبسوني شال على راسي ونزلو شويه على وجهي ولبسوني شال جبير غطو شعري وجسمي من فوك سلمنا وطلعنا يوسف خابرنا واجه نزلنا بلكوه كعدت بدلتي جبيره هههههه
وبعد اطول لان تدرون شعري طويل
... وصلنا للقاعه كومه سيارات وهوسه نزلنا بسرعه صعدنه طبينا للغرفه مال قاعه مال عروسه طبينا اني ومرام نزعتني شالات وعلكت فستاني الثاني امي جابته ومخليته بغرفه ، رتبت شعري مرام كالت اني حطلع حتى من تكمل القاعه اخابر سلطان حتى يجي وتفوتون انتي ويا كتلها اوك وبقيت كاعده شويه وجان يطبون ريم ورغد
.. اللهم صل على محمد وال محمد ولج شطالعه تخبلين ، كالوها ثنينهم
.. الله جابكم متوتره وخجلانه
.. ههههههه هسه يجي لحب اويلييي
.. نجبو هههههه طالعيين تجننون
.. عيني انتي العروسه ضربتينا ولا شي يم جمالج مشالله ، كالوها ومبتسمين
.. يلا شوكت بعد مو تعبت ما انملت القاعه ؟
.. اي ديجوون عالم واهل سلطان اجوي مشالله كومه بيهم ما مرتبين يمكن كرايب لان خواته مرتبات
.. اي صح ، حجيت وفاتت مرام كالت يلا كومي حيجي سلطان
....
شافني سلطان فهه
.. وتالي يسلار دومج شالعه كلبي هسه يطخ براسي اخذج وانعل ابو العرس لج شنوهايي شطالعه
.. سلطان لا تخجلني امشي يلا ندخل
تقرب باس راسي ولزم ايدي ومشينا
، جان لابس دشداشه والعبايه ولشماغ خليجي والساعه التارسه ايده والعطر اليدوخ طالع فدشي خفت علي من عيون لبنات ،
بدت الاغنيه ويا خطواتنه ، لا اله الا الله الف صلاه وسلام على حبيب الله محمد ، الاغنيه فوك سمعوها
وبده التصوير المصوره كدامنه ،وشتغلت الشعالات والاناره والهلاهل شعور يرهب بس حلو اني خجلانه وابتسم وهوه عيونه تلمع ويمشي بشموخ ورجوله والعالم حارو وين يباوعون عليه لو عليي لان ثنينه مرتبين ومتناسقين لبعض وصلنا للكوشه كعدنا
شغلو نسمع احلى هلوله لحسام الرسام
ام سلطان كامت تركص وتهلهل وكامو خواته ولبنات يركصون وسلطان لازم ايدي حيل وباوعلي نزل عينه على صدري اني متت خجل جان يشاورني
.. صار هواي ما شايف الگيمر مو صدر تكول حلقوم غير يجي باجر ، كالها بهمس وصوته الخشن قشعر جسمي ومتت خجل ابتسمت ونداريت وهوه يضحك محدد لحيته ، وشواربه الثخينه ووجه الاسمر بوجناته حمار شويه وعيونه لمجروره ورموشه وحواجبه الثخان الي دومهن مكعودات هههههه كطع صفنتي من ام سلطان جتي كومتنه نركص نزلنا من الكوشه وشغلو اغنيه مابعرف كيف بنضره وعلكو اضويه خافته الوان وبدينا نركص سلو حط ايده على خصري وايدي على جتافه ونركص بهدوء وهوه يباوع لعيوني واني اباوع بعيونه وخجلانه قرب راسه بكصتي ونركص ومندمجين ويا الاغنيه محسينا شوكت خلصت بس سمعنا صفكات وهلاهل بهل اثناء اجه قالب الكيك ووحطو كدامنا وسلطان اخذ السچينه وخله ايدي على سچينه وايدي فوكا ضلينا بيدنا السچينه و نركص ثواني وكصيناها من فوك لجوه جابو ماعون بي كيك وجطلات والعصاير وكلني كيكه ووكلته الكيكه واني خجلانه وايدي ترجف نوب العصير بلكوه شربته وشربني همزين موكع هههههه سلطان حط الكيكه بجطل واحد قرب راسه وقربت راسي وصارت الكيكه بين شفته وشفتي اكلنا شويه واني خجلانه وهوه يباوع ويغمز ويضحك....
خلصت هاي المراسيم وراها شويه ركصنا اني وسلطان ويا اهله واهلي وراح طلع للقاعه مال رياجيل واني كعدت وحدي بدو البنات يجون ويركصون ويركصوني واني شويه اركص لان استحي
....
طبيت للغرفه وماما ويايه هيه وزينب اخت سلطان ساعدوني ابدل حتى البس الفستان الثاني
لبسوني وعدلو شعري وشربت مي عطشت وطلعنا سوينه دخله ثانيه بس بدون سلطان اني بنص وبنات ورايه على طول الاغنيه كملنا الممر ووكفت بنصهم وهمه داير مدايري يركصون ويغنون طبت نرمين تركصني واني وياها نركص وبعدين رغد وريم طبو ولبنات مستمرين يدورون حوالينا واني اضحك على حركات رغد هههههه كملت هاي لمراسيم وراها حنوني وهم ركص واغاني وسلام وبوس وهلاهل ........
خلصت الحنه ورجعنا للبيت
بابا واخواني باسوني وباركولي واخذنه صور وراها ترخصت وصعدت فوك نزعت وطبيت سبحت جلفت نفسي ساعه وراها طلعت بدلت حتى ما مشطت كبل تمددت تعبانه حيلل بس اريد انام كمت مشطت وتعطرت ورجعت تمددت طفيت الاضويه دانام ودك موبايلي
فتحته بدون ماشوف
.. ها يبعد هلي
.. امم حبيبي ، حجيتها بصوت ناصي ونعسان
.. شبيج بنيتي ؟
.. نعسانه حبيبي
.. اوف شيجيب باجر نامي زين تره باجر ماكو نوم گلبي ، كالها بصوت ثكيل وبحه
.. هههه اممم ، جاوبته بدلع ونعس
.. ها حبيبي خد.... شبيج ، كالها بمكر هوه يعرف نعسانه بس حتى يحجيني اني متت خجل
.. ياهه سلطاننن عفيه
.. هههههههه يبعد سلطان والعفيه باجر ما وصيج هم كولي عفيه لا تبوسني عفيه لا تتقرب اويلي اذا كلتيهن شيخلصج مني
.. ههههه الله كريم
.. الله كريم يلا حبيبي نبقي الخط وانتي نامي وانه هم تعبان انام ،
.. ماشي حبيبي تصبح على خير احبك
.. وانتي من اهله احبچ....
بقينا الخط مفتوح ونمنا محسينا ....
