رواية الإرهابي وذات النقاب الجزء الثاني الفصل الواحد والثلاثون بقلم ام غايب
طلعت اركض واصرخ رحت كبل عليهه سحبني عزوز
فلك .. اختي ، اختي ولكم اختى وج ميمونه ولج ميمووونه
وخرر عوفني اختي شصار بيهه شاااهين اختي ليش بيدك
ودفعت عزوز ورحت عليهه عطتت من شفتهه تكلب بعيونهه
وج ميمونه
سحبني عزوز خل نتلاحكهه بسياره بسرعه ركض شاهين
على سياره واحد من الجيران كبل طبكهه كمت اصرخ مااعرف
منو انطاني عبايه بحيث من حركت كلبي على ميمونه نسيت
علي من صعدت صحت علي علي ابني
عزوز روح شاهين اني راح اجيبه رأساً نزل شاهين
كاعد وره وبحضنه ميمونه اباوع عليهه يمه اختي يمه
سوده عليه شصار بيج ياروحي
شاهين .. استعجل خويه بسرعه الولد خطيه ساق سريع
ومن يشوف ازدحام ينزل للسيطره ويكلمهم بنيه محتركه
يفتحون الطريق الثاني النه الحد ماوصلنه شاهين بسرعه
فتح الباب وركض بيهه وصاح بسرعه محتركه
انخبصوا المستشفى خبص بيهه وشاهين كام يبجي بسرعه
الولد وصلو خالد سلمان علي عزوز
خالد .. شصار شاهين شلون احتركت غمض عينه شاهين
اني اباوع علي دموعه تنزل واني ابجي انتظر اعرف شلون
اختي احتركت خله ايده على راسه ماادري ماادري
ماادري ياخالد ماادري وراح يم الباب
اني صحت اختي يارب يارب احميهه ، احميهه ،احميهه يارب
علي .. فلك
فلك ..علي ميمونه احتركت سحبني علي وحضني ان شاءالله
مابيهه شي فجأة صرخت ميمونه صرخة وجع
بابااااااااا بابا اخخخخ اخ يايمه شاهين ضرب ايده بالحايط
صرخات وجعه جانت تدك بكلبي احس اني كاعد انوجع
ماسكتت بحيث خالد دخل فتح الباب ورحت ورا مقبلوا
يدخل
خالد ..بابا ميمونه كولي ياالله
ميمونه .. ياالله يالله مااتحمل اخخخ اخخ يمه اخ ياعلي
ياعلي كمت اصرخ اني اختي كبالي تتلوى من الوجع صوتهه
راح انبح من كثر ماتصرخ شاهين اجه عليه سحبني تعالي
هنا لتسوين هيج كبالهه
فلك .. شاهين دتسمعهه شاهين دتنوجع متتحمل والله والله
متتحمل شيسوولهه جانت ساكته
خالد .. ديعقموهه طمني الدكتور بس خارجي خفيف
فلك .. اصعب شي يمر بي الانسان من يشوف بشر يتألم
كباله شحال الي يتألم قطعه منك وانت متكدر ولا عندك
طريقه تخفف وجعهه عاجز واكف تنتظر رحمة رب العالمين
يخفف وجعه
باوعت على حمصه وراشد كلهم موجودين صرخاتهه
حتى الزلم بجتهم
خالد .. دير بالكم تكولون الخضر وديربالكم اني رايح اجيبه
خاف يصير شي علي زينه هيه فلك باوعيلي زينه مابيهه
شي كاعد تصرخ لان يعقمون الحرك
خالد يحجي بس بالي مو يمه صافنه صافنه بالدنيا الدارت
ايقنت ايقنت كلام فواز صح والدنيا دارت وصار ب ميمونه
مثل الي صار ب اخت فواز بس ليش تحرك روحهه اختي
حمصه .. اني اكثر بشر بيعرف الميت يحس بوجع القطعه
الي منه وبي بالدنيا ايقنت بأن العداله عدالة رب العالمين
خفت حسيت راح يجي اليوم الي تدور بيه الدنيا كبل طلعت
واتصلت ب رزان البارحه مكدرت اطلعهه لان التهيت بصدمة
الكل وخفت على شاهين اتصلت عليهه
جاوبتني _ شوف طعنت ابويه مره مااطعنه مره ثانيه
عوفني احمد كافي
حمصه .. لازم تطلعين اعوضج والله عن الي سويته
رزان .. مااريد كلشي منك بس عوفني وعوف ابويه وطلكني بعدين
حمصه .. رزان لتسوين هيج بعدين احجي ياج بس لتأذين
روحج لو شيصير رزان اموت اذا صار بيج شي
رزان .. ليش تموت وبعدين خايف عليه تره ميته من اليوم
الي سلمتك بي شرفي
حمصه .. رزان وعديني متأذين روحج
رزان .. بس لا تحبني عود ، احمد انت محبيتني مو والله محبيتني
حمصه .. مجان بيدي شي غير اكول الهه احبج وراح اعوضج
بس وثقي بيه مره وحده مره بس ، روحي هسه بس ردت
اكلج احبج وبس
جنت خارج المستشفى بس اسمع صراخ ميمونه
.............................
خضر .. نمت لان جان عندي واجب كعدت من النوم مشتاق
الهه هواي احس صار سنتين مو يومين مسامع صوتهه
كبريائي منعني ادزلهه رساله بس كعدت اباوع بصورهه الاخيره
الي دزتهن الي جانت كلش حلوه طالعه متحملت مااتصل عليهه
دكيت ماكو ماجاوبت كعدت اقره دردشتنا
دزيتلهه ميمونتي روحي ودنيتي انتِ والله اعرف لان خايفه
عليه جاوبي شو احس صوتج مديفارك اذني ماريده بس
صدى اريد تجاوبيني اشتاقيت اسمعه حقيره
مشافتهه كلت لعد شوف شكاعد تسوي اتصلت على شاهين مجاوب
شنو قصتهم اليوم وياي جنت جوعان طلعت من الكيكه
الي سويتهه الي ميمونه مكدرت اكلهه رجعت اتصلت عليهه
هم مجاوبت ويطلع رنين اتصلت على فلك هم زنين ومتجاوب
رجعت اتصلت ب شاهين هم مجاوب معقوله ضغطهه صار
بي شي خفت اتصلت ب عزوز هم ماكو
صرت نار القلق اكلني اكل اتصلت ب علي ماكو لااااا
صاير شي والله رجعت اتصلت على ام شاهين هم مجاوبت
صاير شي والله خره بيكم جاوبوا متحملت رحت الريس
عرفات
احس دخت خايف اكو شي ممعقوله محد يجاوب
رئيس عرفات .. رايد شي خضر
خضر .. اريد انزل لازم انزل هسه زوجتي حامل وضغطهه
مو زين وكاعد اتصل على اخواني محد يجاوب مااتحمل ابقى
_الضابط مااتوقع يقبل
خضر .. مااكدر اصبر بدون مااروح
_انتظر يجوز مسمعوا مكالمتك
خضر .. واحد ميسمع خو ما كلهم رايح اني عسى مايفصلني
توني ردت اطلع صاحني رئيس عرفات
_ خضر تعال الضابط رايدك كله
خضر .. انت كله خويه مااتحمل ابقه بعد والله صاير شي على اهلي
_ هو الضابط هنا شيفرق الوقت كله وروح حرامات
خضر .. رحت بس اني التفكير اكلني وهم اتصلت ومحد
جاوبني توني وكفت بباب الغرفه مال ضابط اتصل عزوز
خضر .. رحمه لدينكم وينكم
عزوز .. موجودين
خضر .. ميمونه صاير عليهه شي
عزوز .. لا
خضر .. احلف
عزوز .. والله شبيك
خضر .. لعد حبوبه
عزوز .. لا والله شبيك انت بيش مفاولنه
خضر .. شاهين حمصه منوا لعد شصاير عزوز ليش محد جاوبني رحمه الدينكم شكو
خضر .. اصر ماكو شي بس من دكيت الباب وفتحته وشفت
خالد كتله كبل منوا خالد الصارله شي احجي
خالد .. ههههه يمعود شبيك صرت اب
خضر .. يا اب هذا ميمونه صرلهه شي مو حتى نسيت الضابط
الضابط .. ها عمي هيج تحب مرتك يابه مبروك مرتك جابت
خضر .. خالد شصاير احجيلي شنو اب ميمونه توهه
خالد .. يمعود فضحتنا ولاده مبكره بسبب الضغط
خضر .. بنتي لعد مو
شكد ماجنت انتظر ولادتهه بس عادي اهم شي ميمونه عندي
خالد .. هسه تريد تشوف مرتك وبنتك عود ردت اسويهه
مفاجئه بس مرهمت
طلعت ويا اكله والله ميمونه صار بيهه شي كلي ميمونه
ماتت خالد لتجذب عليه الحد ماعاط بيه وكال انت مخبل
يعني صاير بيهه شي واجيك
خضر .. هيه جيتك القلقتني
خالد .. هو اني كلب ابن كلب لان ردت اسويهه مفاجئه
خضر .. اتصلت بعزوز وكتله وين انت جر مني الموبايل
خالد .. يابه هذا الخبل خبصنه وميصدك صاير اب انت وين
خضر .. ضحكت واهز براسي يابه اني مو طفل تره كلولي ميمونه شصار بيهه الطريق صار طويل ميخلص واني متاكد ميمونه صار بيهه شي من اصفن واكول معقوله تعوفني ميمونه واني مزعلهه مني اني اذا صار بيهه شي انتهي والله شحال مزعلهه مني
وصلنه للمستشفى قبل لينزل خالد من السياره نزلت اني بسرعه
بدون مااسأل سمعت صياحهه حسيت اسودت الدنيا بعيني
ركضت على اتجاه الصوت شفتهم واكفين فلك وعزوز
عزوز .. خضر
فلك .. حركوهه خضر حركوا اختي حركوهه الميخافون الله
عفت فلك وردت ادخل فتحت الباب منعوني
الممرضه .. مو زين تونه عقمناهه منريد نفس يمهه
ميمونه .. بابااا بابا حركوني بابا ، بابا موجوعه والله اخ يمه ، يمه ابني
خضر .. تربطت ايدي ورجلي والساني ممصدك ولا مستوعب الي كاعد اشوفه والي تحجي عزوز لزمني الدكتور كال زينه
خضر .. هاي ميمونه
عزوز .. اصحى شبيك مابيهه شي باوعلي
خضر .. لك ميمونه تصرخ من الوجع وتكول حركوني عزوز
نزلت دمعتي ميمونه محتركه عزوز لك انجذب عليه وتكلي
مابيهه شي
خالد .. كول يالله شبيك مابيهه اي شي امسح دموعك
خضر .. متحملت ماادخل دخلت الهه مغمضه وتون وتصرخ
ساعه من الوجع تقربت عليهه وهيه مغمضه عيونهه بالبدايه
مقبلوا كالوا كل الي كاعد يدخل يخبلهه ويزيد صراخهه وجانو
منطيهه منوم ومهدأ وهي تعبانه من الصريخ لان ساعات متتاليه
على نفس الجره تصرخ
متحملت اشوفهه بهاالمنظر ومتنزل دموعي ولا امنع
روحي من الكلام
خضر .. اموت والله ميمونتي اذا صارلج شي اموت اني احبج
انتِ مو مجرد بنيه تدخل حياة الي رجال مو مجرد زوجه ولا
مجرد حبيبه انتِ اهلي كلهم انتِ عائلتي انتِ امي وابويه وكلشي
اليه لتيتميني من الاهل مره ثانيه كليلي من سوالج هيج
واروح اشرب من دمه والله منو الي يريد ياخذ عائلتي من
جديد مني
ماريد حتى اطفال ولا اي شي بس اريدج انتِ ميمونتي اني اسف
ميمونه .. الحرك مينوصف وجعه لو شكد ما حجينه عنه وهاي
مجرد نار بسيطه شحال نار جهنم بس الي يمر بهذا الحادث
يعرف ان نار جهنم خطيره ويخاف من رب العالمين بقيت
اصرخ ولو صرخاتي تطلع اقوى هم اصرخ جنت كلشي مااريد
مجرد يخف الالم شويه حتى الموت مخفت منه اريد الالم
يحف بعدين حسيت مو خف بس قابليتي خلصت اريد اصرخ
بس صدري واللساني تعب حتى عيني وشويه ها سكن الالم
لان الدكتور كال هسه شويه ويسكن الالم صدك نعست واني
مغمضه سمعت خضر يحجي هنا تذكرت شلون راح يخف
وجعه من يعرف الحقيقه منو راح يخفف علي شلون راح
اباوع بعيونه واني اعرف هذا السر اللعين
تذكرت اخر شي من جنت بحضن شاهين ودمعته بخده
هو هم جان ضايع بسبب معرفه هذا السر وعرفت خالد
والكل حقه هذا السر مو مجرد سر عادي هذا تفكك عائله
كامله ودفع العائله للهلاك
يمكن الالم سكن شويه وبعدها نفس الوجع رجعلي مدري
خلص مفعول المسكن عطت رأساً خضر انفعل بالكلام والخوف
خضر .. ها ميمونه تسمعيني دكتوره موجوعه تعالي فدوه شوفيهه
الممرضه .. موجوده اني طبيعي هذا تره البنيه محروكه
طلعت واني ميت وممستوعب وفلك اول مشافتني حركوا اختي
منو حركهه خضر وليش جنت دايخ شلون يعني ميستوعب عقلي
فلك .. جانت ببيت عمك ابو شاهين راحت تقيس ضغطهه سمعت صراخهه
خضر .. الدنيا وعقلي افتر شنو يعني بيت عمي هو منو غير
عمتي ام شاهين وشاهين وام عزوز وعزوز باوعت على عزوز
ساكت صفنت اتصلت ب شاهين ومجاوب ، اجه خالد صار كبالي
خالد .. ردت احولهه للمستشفى العسكريه افضل بس كال
الدكتور ماكو داعي مادام الحرك مواصل مرحله يعتبر من
الدرجه الاولى بس سطحي حتى الطفل
خضر .. منو حرك ميمونه
خالد .. شنو منو حركهه انتَ تخبلت
فلك .. صار ساعه تصيح حركوني
خضر .. بتيهان ونظرات ضياع شاهين ليش مموجود
خالد .. توه قبل لااروح موجود
فلك .. من كامت تصيح حركوني اتصل على امه صار نار كلهه
ميمونه تكول حركوني منو حركهه انتِ يمه مو منوا يحركهه
سمعته هيج حجه وراح والولد ويا راحو
خضر ..الدنيا افترت بيه عمتي ام شاهين ليش طلعت بسرعه
بلا وعي بحيث خالد لزمني دفعته اريد اعرف ليش حركوا
مريتي واني مخليهه امانه
سمعت خالد كال بصياح ابقه هنا انتَ لتتحرك
خضر .. اخذت تكسي وتوجهت على البيت واتصل عليه
علي كال وين وصلت
خضر .. يعني تعرف جاي شصاير احجيلي مااتحمل بعد الحد مااوصل
علي .. نتظرك كلنه هنا بيت عمي جان صوته يخوف اني
علامات الاستفهام وتصرفاتهم هيه الي ضيعتني بهاي اللحظه
بحيث احس دماغي يريد ينفجر من التفكير
من وصلت للفرع كبل طلعت الكروه ماعولت يطبك بالباب جان
حمصه واكف يدخن
شصاير حمصه كلي انت راح اتخبل شكو شديصير يمعود
حمصه .. دتعال ادخل وانت تعرف
خضر .. الهاي الدرجه شي قوي ليش محد ديكلي بينكم
دخلت وعفته كبل رحت على الاستقبال لكيت شاهين كاعد
ومقدم جسمه ويدخن وعيونه حمر والولد كل واحد ماخذ
ركف واكف
خضر .. شاهين شصاير ليش هيج شكلك
شاهين .. بأبتسامه هو بالحقيقه مفروض يوم احتفالنا
سلمان ..شاهين
شاهين .. اتذكر خضر من جنا اني وياك وسلمان نكعد شنكول
وشنقصم على كتال عمي وعائلته
خضر .. شلون مااتذكر
شاهين .. اني اكطم راسه بعد ماانت تكطم ايده الذبحت عمي
وسلمان كال اني كلبه بيدي اطلعه
شاهين .. ليش تباوع هيج مستغرب كلامي لو شنو فلمك
خضر .. ممرتاح ودرت وجهي على وجوهم واحد واحد
شاهين .. ثار ابوك راح تاخذه خضر افرح
خضر .. درت وجهي علي طلع السلاح وجر ايدي
شاهين .. الزم الزم اعرف ماراح تكدر تجذب وتذبح هاي
اسرع الي والك ثار ابوك وكتال ابوك واخوتك اكبالك واكف
خضر .. انت شكاعد تحجي
شاهين .. وعدتك اذا عرفت مااظم عليك تتذكر من تكلي
خالد يعرف وظم عليه وانت هسه هم من تعرف تظم عليه
علمود ماادخل سجن شلون تريدون اكمل حياتي واعيش
وابويه مذبوح هو وامي واخواني
جنت اني هم محترك كلبي واكثر من مره حجيت ويا وكلي
مااعرف منو ابد مخطر ببالي ابويه رغم ماجانوا يكولون ساقط
دون اخوانه بس متوقعت يصيرله يد وارجع هم شنو الي خلاني
ميخطر مع العلم جنت حاس خالد يعرف ليش مصار عندي
شك بواحد قريب لان جدي علمك وعلمنه وربنانا لازم ناخذ
ثار عمنا زين اذا يعرف ليش مطلعني خارج دائرتكم
خضر .. شبيك شاهين باوعت على الولد اكلكم خوما مشربيه
شي هو انت كمت بتدريج جنت متسمع اغاني وسمعت وهسه
شرب اصحى شكاعد تلغي يمعود
شاهين .. ابويه هو كتال اهلك خضر وسحب ايدي وخله بيهه
المسدس مره ثانيه وسدهه على المسدس الزمه عدل واخصم
السالفه وريح ابوك وارتاح انتَ مو كلنا اذا ميت ابنه واذا ابنه
ميت حفيده اخذ ثار ابويه اخذه
باوعت على المسدس احس كلبي مو بس نغزه وحده بي نغزات ودماغي صار صعب الاستيعاب والخنكة استولت على صدري بحيث النفس صار صعب
تمنيت توكف بيه الدنيا هنا ،عاط بيه شاهين يوعيني ويكلي اكتلني بحيث ضحكت بكل علو صوتي
احلف مكاعد تتشاقه
شاهين-فديوم تشاقيت وياك
خضر-هههههههه دومك تتشاقه هههههههه والله ياربي يمعود لتضحكني وميمونه تتوجع دتوكل توكل
شاهين-شتوووووكل مطي ابوي كتال ابووووووك
خضر-ايدددددك وخرررررر وااااانت منو كلك اريد اعرف منو كاتل ابوووويه بطلت بطلت ماريد اعررررررف
كلشي ماريد اعرف كلشششششششي
طلعت واني بيدي المسدس كمت افرك براسي بيد والايد الثانيه لازم المسدس لميت خالد واكف كبالي ثاري واكف بس يسمع
خاالد-مطي ،مطي شكددددددذ كتلك عوف السالفه ارتاحيت هسه ردت اطلع وكفني وحضني جنت ميت واعصابي مشدوده
خالد-مردت حاجز يبقه بينك وبين شاهين مردتك تبعد
شي صار ومنكدر نغيره صير قوي خضر لننسه هذا شاهين
جنت فاتح عيني بكل وسعهن حتى رمشه مابيهن اخذ المسدس من ايدي ردت اشد علي ومااعوفه ردت ابقي بيدي ومكدت الزمه
كلي وين رايح
مختنك اريد اطلع
عافني طلعت گبل واني امشي خطواتي ثكلت مااعرف وين رايح شريد بالضبط فاقد حتى الاحساس والتوازن
كلشي اظلم صار
اختنكت واني امشي خليت ايدي على رگبتي وفتحت القميص بالاحرى القمصله مال زي العسكري
كمت امشي واخذ نفس سريع والدنيا اشوفهه مو ثابته تدور بيه تدور رجلي كامت تشمر بخطواتهه وكفت متحملت مجنت اعرف ورايه الولد اول واحد من ردت اوكع استندت علي حمصه
الاول مره اوكع وافقد ومتماسكت نفسي لان متعود همه كلهم تجوه الي ماكدر انسند على واحد بس من صغرنه واحنه هيج واني امشي سمعت حمصه يصيحني مااحس اله وكفني جرني
حمصه- خضر باوعلي مو هيج صير قوي هذا شاهين مو حي الله
خضر - عيني كامت تفتر والدنيا وياهه الاول مره احس بنفسي صدك خسرت اختنكت حيل حسيت نفسي انازع للموت واريده جنت لان ماتت الدنيا بعيني
وكعت من طولي مشفت شي ولا سمعت غير لكيت نفسي بالمستشفى وفوك راسي الولد دورت بينهم على شاهين
اباوع بالوجوه شاهين ،،ماكو
شاهين اخويه الجبير وابويه مااكدر بدونه
اموت اتيتم هم من جديد جنت اتمنى اني كل الي سمعته حلم
ياريت ميت بس طلع
مابيه شي بس كلبي كالو تعب صدمه قويه مبين سبب الخنكه يا صدمه يا هدة حيل
حاولت اكوم واقوي روحي كتلهم مابيه شي كابرت اريد اكول انتهت السالفه كانو مصايره ولا سامعهه ماريد اعيشهه موضوع ماريده ينفتح بس نار بگلبي تجوي ومو بس جويه غليان
رحت من كثر وجعي بس سألت على ميمونه شلونهه احس اكتفيت وجع العندي ثكيل كلش
حمصه-وين رايح خضر شبيك شو ماادري شكلك وضعك شكاعد تفكر احجي
خضر-اريد اكعد وحدي حتى اعرف
حمصه-ماكووووو شي تعرفه اكو شي واحد بس اني انت ماعدنه شي حلو بحياتنا غير خوتنا لتتوقع الشي العرفته بس أذاك كلنه اذانه احنه واحد تعرف اكثر شي دمرني من عرفت احس خوتنا وايدنه الوحده تجزئت
عندك طريقين لو متجزء هاي الايد
لو تخلينه نكعد بمكان واحد واروح ابوك رمانه من اخويه الماعنده ضمير وننهي كلشي سوه ونروح ننجمع بالنار سوه
بس تعالو ها نوقع اتفاقيه مو اصير اني المجرم الكاتل ارواحكم واروح للنار وحدي انتو نغوله والله لن فايتين للجنه وعايفيني بالنار وحدي لو مو يكلك النار طبقات
اني باعلى نار كلشي مسوووي واخرهن شرف اللعب انشوووي شوووي
بس اذا سلمان وراشد انضمو ويانه عادي ذولي ويايه بكل نار تلسعني
بس عندك شاهين هواي يصلي ويستغفر ويسبح
يحتاج الاتفاقيه وياااا احنه شنسوي نفخخه ويانه بدون ميدري حتى يصير شاهين شهيد ويكلك الشهيد يشفع ال ١٠
١٠موووو
خضر-بربك حمصه وضحكت دخت واني دايخ
حمصه-انت دخت لعد لو تدري شكد دايخ اني منين ماجيبهه منين ماخليهه بالنار ممسوي شي واحد بي خير
ملكيت غير نفخخ شاهين ويانه بدون ميدري
خضر-لك حمصه كعدني من هذا الكابوس
حمصه-صيح
خضر-شصيح
حمصه-طلعهه الخنكه الي بصدرك وانت تصحى وتعرف بروحك شتريد
خضر-متطلع الخنكه شيطلعهه
حمصه-نسيت تعال وياي بروح اهلك بس هالمره
خضر-دعوفني خويه عوفني
جايك هسه لتتحرك من مكانك بقيت واكف واني تايه بالدنيا جاب دراجه مدري مالمن صعدت ورا
خضر-وين موديني
وكفنه بمكان تريد تطلع خنكتك بخمسين دينار بس مو مثل قبل خاف ياخذونه للشماعيه
ضحكت رجعت ذكرياتي الطفولتي جنت كاعد اواسي حمصه مكتول من اخو وشاهين اكبر من عدنه
اجه يفر بسبحته
شاهين-اكو زلمه يبجي
خضر-اخو والله بي طلقه بمسدس جدي
شاهين-انجب انت الثاني كم مره كايللكم اليبجي فوك بجيته أَبجي
حمصه-محد يحبني كلهم يكرهوني مخنوك منهم
شاهين-انطيني خمسين دينار واوخر خنكتك
خضر-اني هم مخنوك
شاهين-حلو انت هم انطيني خمسين حتى اشتريلي باكيت جكاير
جان عطال بطال ويدخن وياخذ يومياتنا
ويكول تطلبوني من اشتغل ارجعهن
انطينا كل واحد خمسين دينار
كناله يلله ومصدكين
شاهين-حمصه انت اكبر اوكف كبالي
وكف كباله واني كتله اوكف ورا
شاهين-بكيفك ورا كدامه واحد اهم شي سوه
يلله صيحووا
شنصيح
بكيفكم اهم شي تصيحون وتطلعون الي بداخلكم
صدك والله صيحنه ويكول علووو علووووو علووووو الموجه كل ماتعله كل ما يخف الوجع
ضحكت من تذكرت جنه مصدكين وننطي خمسين دينار
حمصه-اني بس اسأل روحي دائماً ليش ننطي الخمسين خو نصيح والخمسين بجيبنا
خضر-لان مطايه
بس صدك جنت ارتاح من اصيح
وطلعت كل الطاقه الي بجسمي
باوعت عل سما مختنك حيل تذكرت كل الوجع وصرخت بعلووووو صوتي ومتوقفت واني مغمض عيني الحد ما بده العد التنازلي لصرختي
يهبط
حمصه-خوووووو بلاش هسه
خضر-لك اخووووووويه هذا اخوووووويه
حمصه-اي لعد اني شحجي من الصبح سحبته عليه شبكته وبجينه اثنينه الحد ماضحكت عبالك اطفال كتله
خل نبجي ليجينه شاهين ويبجينه صدك
خضر-ماريد اخسر واحد منكم مااكدر
حمصه-ساقط لعد ليش مجيتني بالسجن
رجع شبكني وعاط
ااااااااااااه
حمصه-ووجعا طرشت اذني عبالي بس تبجي
ضحكت يمكن سبب خنكتي جانت هي الخوف من خسارة خوتنا
توني رجعت للمستشفى اريد اشوف ميمونه وحمصه كال رايح للحمام شفت فلك تهف
رحت وراهه ملحكت صعدت تكسي اتصلت مغلق تلفونهه اخذت تكسي وراهه واتصلت على حمصه
روح يم ميمونه
حمصه-شصاير الولد عزوز يمهه باقي وين رايح
خضر-ابقه يمهم جاي هسه
حمصه-خضررررر
خضر-شبيك هسه اجي
شفت اتجاه بيتنا راجعه بس حتى اذا ماارتاح اله تدخل للبيت واريد اكلهه شلون تطلع وحدهه شفتهه دخلت فرع بيت خالد
وكفت السياره كبال البيت ودكت الباب حيل
نزلت بسرعه
فلك شصاير
شصايرررررر شصايرررررر
فلك-من كالتلي ميمونه حركتني ام خالد متت مكدرت اكعد ليش يحركون اختي عبالهم مالهه احد انفتحت الباب ابن خالد هفيت ودكلت اركض ووووووينكم متخافووووون اللله
عبالكم ماعدنه احد و
والله لشرب من دمج والله خالد سحبني
خضر-شكووووو
خالد طلع وكلهن ورا عاط شكوووووووو
شكوووووو شكووووو اختي ليش ليش تحركهه امك
خالد-اللصمي انتي مخبله
لا موووو مخبله امك حرررركت اختي
سحبني خالد دخلي جوه هم تتهمين وهم بصوت عالي
خضر/عطت ب خالد شنو يجرهه هيج
خااااالد سالمين
وخررررو انت هم وخر خضر اختي تدمرت من وراكم تاليتهه تحترك ليش ليش انتوووو شنوووو متخافون الله
ام خالد -لعد شتريدين اخليجن تخربن الخوه
خضر-يعني انتي حركتي ميمونه
ام خالد-اي لان سمانيه
رسل-ماكو هيج شي هاي تتبله على عمه
ام خالد-لا متتبلى لان مرتك رادت تكلك واني علمودكم اغبياء
خضر-علموووووودنه شنو
خالد-يمممممه انتي حررررركتيهه
ام خالد -علمود متتخاربون ضحيت باخرتي
خضر- اني هنا مشفت بعيوني دخلت للبيت اركض رحت لسلاح علي عنده سلاح جان واعرف وين يضمه
فقدت قبل اخذو اهلي ونفسهم مرتي لزمت السلاح وخليته بوجه ام خالد الاول مره خالد ميحجي ويعترض
كامن يتعايطن حتى حبوبه
حبوبه-وبك يمه خضيره
حبوووووووبه جنتي تعرفين لو متعرفين عمي حرمني من اهلي
وهسه انعادت وياااااي ليش انتوووووو شنوووووو انتووووو شنو
فلك-وتحجي بزود زين تريدين تحمين عائلتج واني تاخذين اختتي ليش ليش فهميني والله لشرب من دمكم
وهجمت على ام خالد جرتهه من حجابهه اني الدنيا سودت بعيوني
فلك -صارت هوسه خالد دفع امه دخلهه انهار البيت كله انهار ولزم رسل هم دماهه تدمي لان جانت موجوده ويصيح عمي احنه مجرمين واني ليش بالدوله ماادري خضر حتى خالد تجاوز وطلع واني هم طلعت رحت البيتي ودكيت الباب طلعت ام شاهين عديت وصفيت عليهم واخذت ابني ناس مجرمين بعد ما اأمن على روحي يمهم ولا اخلي اختي ترجع اني اكرم رجلهه بعد
اخذت ابني وديته ال خاله وكتلهه على ميمونه تخبلت
بس كتلهه تبقه حتى علي يمهه
مشفت خضر يومين احنه بالمستشفى وهو ماكو ماله اثر
استغربت والي خلاني استغرب ميمونه مسألت علي
وقعنه على مسؤليتنه تطلع ميمونه وقاسم هم اجه من الجيش من سمع ويانه جان
دخلنه للبيت وفرغنه الغرفه ال ميمونه وجهزناهه
وتصرخ ساعات من الوجع وماعدنه غير بس ندعيلهه
جانت تون من الوجع كعدت يمهه الحد ما هود وجعهه
ميمونه-بيوم الي كلت ال فلك اجه خضر اول ما حجه وياي كتله طلكني خضر ماريدك بعد حدنه الهنا
بقه صافن عليه
اني حبيتك بس من يوم الي انجمعنا الهذا اليوم كلشي صار تعبت
خضر-حقج طلبتي شكول اذا الحركوج اهلي
ميمونه-طلكني وبس
خضر-تدللين ميمونه
ميمونه-مااعرف خضر تخلى عني رأساً وراح يمكن هو هم اقتنع احنه من نجمعنه لليوم كلشي سيء صار
بقيت فتره طويله الحرك أذاني حيل وفلك جانت تخلي وحده تجي تعقمني كل ميعقمون الحرك اني اشوف الموت
صادف زواج قاسم سريع لان بيبيتهه كالو مواته سوو عرس بسيط هو احنه اصلا ماعدنه احد ماشاء الله واصلا قاسم فرح
اني من كثر مووجوعه من الحرك كل همي يخف الحرك بس هم يجي ببالي خضر بس وصلت هذا هو احنه مو مال سوه نبقه
امنع نفسي عنه وعن التفكير بي بس شلون وهو روحي
واكو قطعه منه بأحشائي رغم الي صار بقت متمسكه بالحياة
...............
خضر-ابتعدت عن الكل وماعندي عين اكول ال ميمونه ابقي مكدرت احميهه
صدك بس الوجع سببت الهه
توني افتح بالجكاره دخل حمصه وكال مااااااات
