رواية عشكني ابن شيوخ الفصل الثاني والثلاثون بقلم مجهول
حسيت على حركه بصفي بس عيوني ثكيله بلكوه فتحتهن شفت سلطان كايم مشغل ضوه الخاف
.. سلطان ، كلتها بصوت مبحوح وتعبان مال نوم
.. عيونه بيج شي ؟ محتاجه شي ؟ ، كالها واجه تقرب عليه لزم وجهي بهدوء
.. لا حبيبي بس جوعانهه ، كلتها بطفوليه هوه ضحك على رده فعل وجهي
.. ههههههههه يول حركاتج ماتخلي عقل براسي
.. مااا جوعانه اكولك ساعه شكد ؟
.. ساعه وحده
.. ياه شكد نمنااا وشون ناكل هسه نوب اني جوعانه وهسه فايت وكت من ارجع انام حينام على كلبي
.. خل ناكل الا انه الي ينام على گلبج اكلي براحتج حبيبي ورانا جهد ، كالها ويبتسم بمكر ويغمز
.. هههههه يمه منك
خابر سلطان على ضيافه الفندق وصاهم تكه وكباب وبيتزا وببسي ومقبلات
كمت طبيت للحمام غسلت وطلعت سلطان كاعد على كرسي ويكلب بفونه مشيت تقربت هوه رفع راسه ابتسملي وكام وكف حضني وراسي بصدره حضنت بايدي من بطنه وهوه لزم شعري يمسح بيه وباس راسي
اندك الباب بهل اثناء راح فتح الباب جاب الاكل خلا عل ميز رحت رتبتهن على ميز وكعدنا سويه بدينا ناكل وهوه يوكلني بيده كل شويه واني اضحك خلصنا ....
..سلار حبيبي كومي ، يحجي بهدوء
.. اممم عوفني نعسانه ، كلتها بنعاس وتذمر
.. كومي حبيبي جايين الاهل جايبين الريوك
.. تعبانه سلطان ، حجيتها بثكل
.. يول تعبانه وهل جمال
.. ههههه هوه انته انطيت مفكه
.. يول كميه جمال كدامي وابقى ساكن ما احد كلج انه حايط ، حجاها ويضحك ويغمز ويدغدغ بيه
.. ياهه عههههه سلطان وكف بطني بطني ههههههههه
.. يلا يلا صحصي عفيه هيج اريدج، كالها ووخر ايده ويضحك باس خدي وكام
اني كمت لفيت نفسي بلروب بسرعه ركضت للحمام وهوه يضحك عليه
.. عليش الركض يول شفت الخالقه ربج كله ، كالها ويضحك ضحكته الرنانه
ضحكت على سوالفه وسبحت بسرعه حتى الحك ابدل
خلصت وطلعت من الحمام لابسه البرنص وسلطان عيونه داير مدايري
.. دربالك اكعد عاقل اريد ابدل
.. ههههههه خوش بعدين اراويج الادب بأصوله ،
.. اي بعدين
بدلت بسرعه لبست قفطان ابيض
وشعري نشفته وشلته مبيه حيل اسرحه ومكيجت مكياج خفيف
وشعري نشفته وشلته مبيه حيل اسرحه ومكيجت مكياج خفيف
.. يول على كيفج ويا گلبي
.. ههههه شون يعني ما اكشخ؟
.. كشخي يابعد گلبي شحلات الكشخه عليج يل ترفه ،
.. اويلي هسه افتهم منك هذا شعر لو غزل؟ حدد ، كلتها واني ابتسم
.. شتفهمي افهمي ، كالها وتقرب باسني بخدي وديبوسني بشفتي ندك لباب
.. نعلى علىى
.. هههههه افتح خاف اجوي
راح فتح الباب سلم واني دخلت هلهلت هيه ومرام جانو شايلين صينيه بيها كل انواع الريوك حطوها عل ميز وبوسوني واني حضنت ماما ودمعت عيني
.. الف مبروك يا وحيدتي وفرحتي الله يسعدكم ، كالتها وباست خدودي
بست ايدها وحضنتها واني اضحك
بعدين باركتلي مرام وبوستني وبوست اخوها وباركتله
وسلطان باس راس امي وامي باركتله
مكدرو يتاخرون لان احنا نتريك وراها نروح لبيت اهلي اسلم عليهم وبعدها نطلع للبصره ، سلمت عليهم وراحو
.. يلا نتريك حبيبي ورانا طريق ، كالها سلطان ولزم ايدي كعدنا تريكنا وخلصنا
غسلنا ورحت لميت غراضي
مجان عندي هواي شغلات بس جنطه وحده مال سفر مو كولش جبيره حطيت كل غراضنا عطرت نفسي ولبست حجابي لون اوفوايت ويا القفطان لان القفطان مستور صح تجادل سلطان ويايه علموده انو يغري وابيض بس كتله انو مستور ومرتب عاد قنع بلكوه البدله حطيتها بعلاكه جبيره مالت البدلات والطرحه وكلشي حتى من اروح لاهلي اذبها هناك ويرجعوها للمحل سلطان لابس دشداشه خليجيه بيضه وساعته الفضيه الضخمه وشعره رتبه ليوره لان خفيف وعطر نفسه واخذ موبايله والسويج وشال العلاكه والجنطه جرها طلعنه من الغرفه اجه الي مسؤول عن خدمه تنزيل الغراض اخذهن من ايد سلطان ونزل كبلنا لزم ايدي سلطان وحضن اصابعه باصابعي ومشينا نزلنا بلمصعد .....
سلمنا على اهلي وودعتهم وطبعاً لازم دموع ههه وطلعنا اني وسلطان توجهنا للبصره مو للبصره بس راح اتوجهه الى حياه جديده ناس جديده مكان جديد غير عن العشت بي الله يسهل الي واتأقلم بسرعه ونشالله تكون حياتي حلوه وسعيده واعيش براحه ويا الانسان الاحبه ، كلهاي جنت احجيها بيني وبين نفسي وصافنه نززني من صفنتي لزمت ايد سلطان لوجهي
.. وين صافن الحلو ؟
.. ها حبيبي لا بس دادعي انو الله يقدرني واسعدك وتسعدني ونعيش براحه ، حجيتها واني اباوعله وابتسم هوه هم ابتسم وجر ايدي باسها
.. الله يقدرني ويطيل عمري حتى اسعدج لاخر العمر
.. امين حبيبي
..... وصلنا لبيت اهل سلطان طبب سلطان السياره بلكراج نزلنا واجوي كلهم بيتهم هواي ناس بي جان نرلنا اني وسلطان لزم ايدي جوي كلهم ركض يم الباب طشو جكليت وهلاهل واني مستحيه حيللل وصرت حمره كولش جتي ام سلطان بوستني وبوست سلطان وتهلهل طبينا جوه وخواته والبنات لتمو عليه سلام وبوس ومباركات واني متت تعب هههه هوايه بس ملكاهم حلو
بيبته اجتي ضلت تبوس بخدودي ابتسمت وبوست ايدها وراسها ضلت تبارك بعدين الشيخ ابو سلطان سلم وباركلنا
خلص سلام الكل واني خجلانه كومه جانو رياجيل ونسوان بعدين اجتي مره ووياها بنيه شويه متروسه حنطيه طويله عيونها صغار بس بيها لون خفيف وملامحها عاديه مو بشعه لابسه عبايه مرتبه. وحجابها لافته محاطه مكياج جتي هيه والمره وياها تقدمو عليه سلمو عليه بس البنيه حجت ويايه بهدوء ومثل غصه بحجيها بس حاولت ما تبين صدمتني حجايت الي بصفها المره
.. بل مبارك يمه انه عمت سلطان وهذي بنتي نور زوجت سلطان الاولى ،
اني جمدت بمكاني بس بسرعه بتسمت ومديتلها ايدي ل نور
.. اهلاً حبيبتي تشرفت بيج ، كلتها وبتسمت
هيه مدت ايدها وبتسمت بهدوء وتباوسنه
.. الي الشرف حبيبه بل مبارك
.. الله يبارك بيج ، بهاي اثناء اجه سلطان وعيونه هادءه سلم على عمته باسها براسها وسلم على نور وكأنو بت عمته فقط وهيه كذالك سلامها نفسه جان اني ماعرف احساسي بهل وقت صار مخربط لا هوه غيره لا هوه شفقه على نور يعني ماعرف اوصف احساسي بهاي اللحظه
كطع صفنتي سلطان وهوه يكول
.. نزلت الغراض خلينا نصعدها فوك عل ما تتحضر السفره
.. اي عيني اوك ، كلتها وابتسمت للموجودين وترخصنا منهم وصعدنا
طبينا للغرفه وحط الجنطه بلكاع وتقرب باسني من خدي وحضني
.. بيج شي؟ ، حجاها بهدوء
.. لا حبيبي
.. يول لا تنكرين اعرفج زين
.. لا حبيبي والله مو شي بس اكو شغله
.. يول اعرفج زين بكلبج كلام طلعي لا طكين ، كالها وهوه يضحك عود يستفزني
.. هههه لا بس نور ليوم اولمره اشوفها هيه مبينه حبابه وهادئه بس سلطان اني انقهر خاف مثلاً اذا تشوفنا سوه تنقهر او شي او غصه بكلبها تصير وذنبها بركبتك يصير اني من هاي اعرف انو هيه الي جانت تكولك تزوج وهيه راضيه بس ماعرف ماحب اكون سبب تعاست احد
.. سلار حبيبي احنا هذا لشي متفقين عليي انه وهيه وكتلها اي قرار تردي يجرالج كالت انته اختار القرار وانه اوافقك عليي كتلها خوش حاجين الوالد بموضوع طلاك كال بت عمتك وماعدها سند غيرك ويتيمه ولا تكسر بختها ومن هل حجي ما محبيت اغضب الوالد وكعدنا انه وهيه اتفقنا كالتلي ان اتزوج واشوف حياتي واكون بيت وعائله رفضتها الفكره وكتلها ما بالي زواج كالت براحتك بس لا توكف حياتك وتشفق عليه انه اي قرار تاخذه عادي عندي واحنا تزوجنا اجبار وهواي مثلنا تزوجو هيج بس اكو الي تلائم ويا الزواج واستقر واكو الي بينهم مشاكل وحياتهم ما مستقره واكو الي مثلنا الله ما قسملنا نكون عائله لان عندي مشاكل بلرحم وماكدر اخلف بس نكول لحمدالله على كلشي وابد لا تفكر بيوم اذا زوجت او كونت عائله انو راح اخرب عليك او اضوج او اكرهك لان انته ابن خالي كبل لا تكون زوجي وخاف بيوم من الايام تزوجت وزوجتك رادت انو تنفصل عني ماعندي اي مشكله وتبقى عزيز عليه والعشره الي بينا كانت كفيله بهل شي ،
ف يا حبيبتي سلار نور طيبه ولا تصورين بيوم تكون حقوده او غيوره او من هل شي وانه كتلها بأي وكت تريد نتطلك انه موافق وبأي وكت تريد اوفرلها حقوقها الزوجيه امامها وامام الله حتى لا تكون اثم بركبتي وحتى لا اضلمها همين موافق
هيه وافقت على كلام ابوي بس تفاهمت وياي انو نكون بس على ورق وانه نفذت مطلبها وشلت اثمها عن ركبتي حتى لا اكسرها واشمرها لانها بنهايه بشر وعدها حوبه فلا تفكرين يا سلار ولا تحسين بتأنيب ويلا نبدل حتى ننزل جوه حبيبي
.. اهاا ماشي حبيبي ، بسته بخده وكلت بداخلي ماطول متفقين هيج لعد ما داعي افكر بسالفه
رحت غسلت ولبست كلابيه نازكه لونها وردي فاتح بيها فصوي بيضه ناعمه ولبست حجابي وعدلت وجهي وعطرت وسلطان غسل وبدل لبس دشداشه ثانيه لون كحلي عطر ومشط ولزم ايدي ونزلنا جوه
جانت لسفره جبيره ممدوده وبيها خير من الله اشكال وانواع اكل كعدنا وسمينا بالله وبدينا ناكل .......
ترخصنا وصعدنا فوك جانت ساعه 8 لان احنا دخلنا ساعه 5 ف وكت عشى
طبيت للغرفه نزعت حجابي اجه سلطان حضني من وره باس ركبتي بهدوء قشعر جسمي
.. حبيبي نعسانه ، كلتها بهدوء
.. بس شوي خل ارتوي يبعد سلطان
.. بس ابدل
رحت للحمام بدلت بعدني استحي هههه
غسلت ولبست تراك احمر تيشرت نص ردن وبرموده واني حجل لابسه الي شترالي يا سلطان ناعم ونازك ولابسه السوارات الناعمه الذهب وشعري فتحته وتعطرت وحطيت مكياج خفيف وطلعت جان سلطان بس بل فانيله ولشورت وعضلات جتفه البارزه والضخمه باوعت علي بخجل سديت باب الحمام بهدوء هوه اجه تقرب يمي لزم خدودي بخفه وباسهن
.. يولي اكلج لو ادخلج بضلوعي لو وين اخليج بلضبطط
.. ههههه ليش
.. ليش ؟ وتسئلين وج ربج خالقج من شنو بس اريد افهم شو تعاي
.. سلطان حباب تعبانه عفيه خل انام شويه شويونه شويونه، كلتها بدلع واشرله بايدي شويونه واصغر عيوني واسوي مثل اطفال
.. اي سلبي عقلي بسوالفج ذني امشي امري لله
.. ههههههه ، ضحكت ومشيت للجربايه
.. اي ضحكي شعليج لخلينج بعدين من صدك تضحكين ، كالها واجه ورايه طفى الاضويه وشغل التيبلام الخافت واني كبل جوه لاحال طبيت خاف لا يغير رأيه ههههه اجه تمدد بصفي و كبل سحبني لحظنه ضل يبوس بوجهي وبعدين حط راسي بركبته ونيمني على ايده وحضني واني استرخيت على ريحه عطره وعلى بروده الغرفه دفنت راسي بركبته كولش وحضنته ماعرف شون غفيت بس جانت احلا نومه ......
