رواية أحببت من لايبالي الفصل الثاني والثلاثون بقلم مجهول
حسين : صفن صفن .... عرفته
الكل : منو
حسين : يمكن عباس ابو الماي
محمد : باوعله صفح ... وابو الماي ليش يخطفك
حسين : مو صار شهرين اترس دبات الماي منه وماادفعله فلوس ومن طالبني ماقبلت ادفعهن ... فيجوز سوه هيج على مود الفلوس
غيث : وابو الماي يخطفك لان مادافع فلوس الماي خايب ماتسكت شبيك انت
محمد : تلكه الي خطفك مسوي وياا شغله جبيره حتى مسوي هيج بيك
ام حسين : لا يخاله شمسوي المكرود اشو يمشي بحاله ولا ماذي احد ولا ماشي بدرب حرام .... اصلا كلها تمدح بي وباخلاقه بس اني اكلك هذوله يغارون منه لان الناس كلها تحبه
محمد : خرب يومج على هالنفخ ... اي قابل تعلميني بي
حسين : اااااخ .... والله راح اتخبل اني متاكد سامع صوته موغريب عليه بس وين سامعه ماادري
غيث : ليش ما قدمت بلاغ للشرطه
حسين : هااا ... مااريد اكبر المشكله
محمد : زين ماعرفت جم واحد ضربك
حسين : الي خطفوني مجموعه بس الي ضربني بس واحد بس خرب يومه مو ايد شايل حديده ابن المشعول كسرني تكسر الله ينتقم منه
روان : اباوع لحسين اكو شي غريب بوجهه غير شعره بس مااعرف شنوه ... ركزت بي ياا خرب هاي شنو ههههههه
هاله : شبيج
روان : هههه حسين وين حواجبك
بنين : تره ماكو شي يضحك
حسين : خزرها ... بكلبه الله لايوفقكم سويتوني مضحكه
ناديه : انتبهت على حواجبه ماهنه ... خلت ايدها على حلكها ضامه ضحكتها
غيث : احم ... كام يله من رخصتكم
ابوحسين : بعد وكت خويه
غيث : لاوالله عدي دوام باجر ... يله تصبحون على خير ... طلعو بسياره محمد .... بابا روان مو عيب تضحكين على ابن عمج
روان : بابا ماكدرت اسكت طالع شكله يموت ضحك
امير : والله طالع جنه ديج مهلس فوك الكتله الكلاها جماله مزيني صفر حتى حواجبه مطيريهن هههخخخخ
محمد : الله يطيح حضكم كوه لزمت روحي حتى مااضحك كدامهم
غيث : هز ايده والله ماتستحون تربيه سزز
_________________
بعد مرور اسبوع
براء : مر اسبوع على الي صار واني نايمه بالفراش مااتحرك غير للحمام وحتى الاكل يجيني للغرفه ومن اكمل تنزله نجمه وهكذا ... خالو جهاد سوالي اجازه مرضيه لان مااكدر اداوم بهالمنظر ... طبعا طول هالاسبوع وجه زين ماشفته من بعد الصار وهذا افضل .... خاله مريم ماعافتني ولا لحظه من صدوك حسيتها تحبني خطيه كل ساعه داخله عليه بايدها شغله ... ساعه مي حار وهيل ... ساعه يانسون ... ساعه مي وشكر .... بس حتى يرجع صوتي ... بس مارجع ... وطبعا داخذ ادويه حتى اصير زينه .... تقريبا اثار الضرب خفت مااختفت تماما بس خفت هواي عن قبل .... واليوم لازم اداوم بعد كافي هالكورس كضيته بس غيابات اولها من تزوجت وبعدها الي صار ويايه خله الغيابات تزيد .... اصلا حاسه هالسنه خرط لان مداومت بانتظام بس من اليوم خلص لازم اشدي حيلي محد يفيدني بعد لا الاهل ولا الرجل بس الشهاده تفيدني ... كمت بدلت واجتي نجمه مدري شتخليلي حتى تخفي اثار الجروح ... طبعا الي يكول المكياج يخفي الجروح جذاب صحيح يخفف اثرهن بس ميخفيهن
نجمه : يله كملت امشينه
براء : لبست عباتي ونزلت على كيفي لسه رجليه يوجعني من الضرب
نجمه : صباح الخير
الكل : صباح النور
مريم : شلونج يمه اليوم انشالله زينه
براء : هزت راسها
نجمه : تفاجاءت دارين مبدله وكاشخه بهالوقت هاي
وكاشخه بهالوقت هاي شعدها ... دارين شعندج كاعده من هسه
دارين : عندي دوام بالجامعه
نجمه : جعدت وجها .... وبأي جامعه راح تداومين
دارين : ابتسمت ويااج
نجمه : بكلبها يبووووو
دارين : ضيفي انو راح اروح وياج انتي وبراء وارجع هم وياجن
نجمه : بكلبها جانت عايزه والتمت
دارين : عينها على براء ... اكول خاله زيوني وينه شو مااجه يتريك
براء : منزله راسها تراجع بالكتاب الي بحضنها
مريم : باوعت لبراء ماكو اي ردة فعل ... طلع من السبعه الصبح
دارين : ياا ليش كام يطلع بهيج وقت
مريم : احسن
نجمه : كملنه ريوك طبعا براء كلشي مااكلت ... يله دارين كومي راح نتاخر
دارين : اوكفي خلي اكمل الكوفي
نجمه : عوجت حلكها ... كووفي .... ديله فضيها
دارين : اجيت
براء : اجينه نطلع
مريم : اوكفي يمه ... هاج هذا مصرفج
براء : اشرتلها متريد
مريم : بكلبها ولج يمه اخذيهن غير زين يخزيني اذا مااخذتيهن ... لايمه اخذيهن تره ازعل عليج
براء : اخذتهن
نجمه : طلعنه .... كلت للسايق يوصل براء بالاول
دارين : وليش يوصلها بالاول خو احنه بالبدايه وهي تنتظر
نجمه : والله بكيفي السايق سايقي ويمشي بكيفي ... وصل براء بالاول واحنه وراها
السايق : حاضر
براء : وصلوني وراحو .... دخلت للمدرسه بوجهي للصف نزعت العبايه وبقيت بالحجاب
رقيه : هلوو براء شلونج سمعنه بيج مريضه واخذتي اجازه
براء : هزت راسها
رقيه : تدرين اليوم عدنه امتحان مو
براء : هزت راسها
رقيه : شبيج تهزين براسج ماتحجين
براء : اشرت على حلكها ونفت
رقيه : ليش راح صوتج
براء : بكلبها ... ااااه شكول وشحجي .... طلعت دفتري كتبتلها تمرضت مرضه كولش قويه روحت صوتي
رقيه : خطيه حتى مبين بوجهج .... حبيبتي عندج العافيه
براء : كتبتلها شكرا الله يعافيج .... شويه واجن كل البنات تحمدلي على السلامه ... شكد حبابات ... دك الجرس ودخلت المدرسه
المدرسه : يله طلعو اوراقكم ... عدكم عشر ثواني يله
براء : طلعت ورقتي ردت الاسئله وبديت احل ... طبعا ماجاوبت ولاسؤال كلهن على النص واوكف ... كمت سلمت الورقه ورجعت ... ااااه رحمتك الهي
________________
اسراء : دكتور راح نفقد المريض
زين : بتوتر ... لاتحجين هيج حاول يسيطر على النزيف ماجاي يركز باله يم براء .... سمه باسم الله وحاول مره ثانيه يالله دخيلك
اسراء : دكتور المريض وكف كلبه
زين : رجفت ايده باوع للجهاز وصرخخ .... اسكتيييي وترتيني خلينييي اشتغلللل مثل الاوادم ... جيبو جهاز الصدمات الكهربائيه بسرررررعه..... زين انت كدها ... تكدر تنقذه تكدر .... صدمته مره وثنين وتلاثه .... ياربي ساعدني راح يروح من ادينه ... لحد ما حسيت بكلبه يرجع يدك
اسراء : دكتور رجع كلبه ينبض
زين : نزل الكمامه والعرك مالي وجهه .... غمض عيونه متنهد ... الف الحمدلله ... كدرنه نوكف النزيف ورجعنه النبض لوضعه الطبيعي
اسراء : الحمدلله
زين : نقلو للعنايه المركزه من يستقر وضعه ساعتها ننقله لغرفه خاصه
اسراء : صار دكتور
زين : طلعت طمنت اهل المريض ورحت للمكتب ... لكيته فارغ همزين .... كعدت مطلع موبايلي ... خابرت امي ... الووو يمه
مريم : الوو هاا يمه شلونك
زين : الحمدلله .... تنهد راحت للدوام
مريم : اي
زين : اطيتها المصرف
مريم : اي بس كوه خذته
زين : خو ماكتيلها مني
مريم : لا ماكتلها
زين : خوش يله من رخصتج
مريم : الله وياك حبيبي
زين : سديته منها .... رجعت راسي على الكرسي .... اااخ شسويتي بيه من وراج راد
شسويتي بيه من وراج راد يموت الرجال بايدي اليوم وجان خسرت عمليه ولاول مره خاص بصفحتنا بيج قصص عراقية واقعية دوسو على الرابط وانضمو خاص بصفحتن
بشغلي ... غمض عيونه مريح ظهره على الكرسي
اسراء : دخلت للمكتب شافته منتجي ونايم ... ضلت واكف تتامله ... دخيل الله شهالجمال هذا بس كلي الله شكد خالق بيك
زين : فتح عيونه
اسراء : بكلبها خررب طلع كاعد .... باحراج ددكتور مبروك بفضلك نجحت العمليه
زين : ببرود الفضل لله كام طلع من المكتب ماله خلكها تضل تحجي وهو روحه واصله لخشمه
اسراء : معقوله يكون سمعني يبوو شكد فشله هسه يكول هاي ماشايفه زلم ... ولوو هو اني وين شايفه هيج واحد بهالرجوله
_____________
المدرسه : كومي براء جاوبيني على هالنقطه
براء : كامت
المدرسه : ماتحجين
رقيه : ست ماتكدر تحجي صوتها رايح
المدرسه : باوعتلها مستهزئه وشروحه
براء : صافنه شلون تشرحلها ... كتبلتها
المدرسه : قرت الورقه ... ومنو كال انتي صدك فقدتي صوتج يجوز تجذبين حتى ماتحظرين الواجبات وتخلصين من التحاضير
براء : كتبتلها ... سالي المديره اني ماخذه اجازه مرضيه
المدرسه : دكعدي والله مااعرف ليش تداومين اصلا مو تزوجتي اكعد واسكت بالبيت لو اله تجربن الاثنين
براء : بله هاي شجاوبها هسه ... كعدت
المدرسه : نرجع للدرس
براء : كملت وطلعت ... اجتي رقيه يمي
رقيه : لاتضوجين منها هالعانس المخرفه
براء : هزت راسها
رقيه : شوفي اني بيبيتي تعرف بالاعشاب اليوم احاجيها تسويلج عشبه ترجع صوتج بس اطيني رقمج حتى تتفاهم ويه امج مدري مرت عمج
براء : كتبتلها رقمي
رقيه : اليوم بحدود السبعه او التسعه اخابرج خوش
براء : هزت راسها
رقيه : خلي اكوم راسي وجعني كد ماهزيتي راسج ههه
_______________
نجمه : كاعدين بالكليه وهالدارين ماسكتت ولاكعدت بكاع الله لعبت روحي فترت على كل الاقسام وبعد تريد تروح تتعرف والله عدها قابليه
محاسن : ولج هاي منين جبتيها من الله لايوفقج
نجمه : ولج بت خالي
محاسن : والله دنعل ابو خالج على هالخلفه الزفره
نجمه : ضربتها ولجج
محاسن : ولاجه بسنج ... ولج جوعتني اني جايه ماكله وجبه وحده وهاي فرتنه الجامعه كلها فرغت كل طاقتي المخزونه
نجمه : شسوي مصيبه وابتليت بيها ... اصلا علساس زين ياخذها لاربيل تجيب مستمسكاتها حتى تداوم ... بس الحظ الطايح حظه بيبي دزت ابن خالتي قبل هالاسبوع يجيبهن ويجي وسجلوها وياي
محاسن : جاا شعجب بطلت على زين حسب الاعرفه هي حاطه عينها على اخوج من زمان مو انوب تصحلها طلعه وياا وتبطل
نجمه : مو صار اكو ظرف جبرها تعوف زين بحاله هالفتره بعدين اسولفلج عليه
دارين : هاا شو كاعدات كومن خلي نفتر بباقي الجامعه
محاسن : بهمس والله راح انزع الحذاء يكرم طاري الله
نجمه : وليش تنزعيها
محاسن : اريد ادك بيها بت خالج المايعه هاي تره لعبت روحي ويمكن انتي هم اخبزج وياها لان انتي ساس البله لان جبتيها
نجمه : دنجبي قابل هو بايدي غير خوله تشرني على الحبل
محاسن : عاد انتي كلشي وحطيتي خوله بالنص .... المهم اني جعت كومن للنادي
دارين : اووي تره صرعتينه شكد تاكلين شنو هاي اني اخلص من سجاد ونكه تطلعيلنه انتي اوووي
محاسن : شوفي ولج الاوي ما اوي سويها على الشباب مو يمي تره تلعب روحي من المياعه المصطنعه هاي ... صدكي هسه اخبزج هنا اذا ماتسكتين اوووي وجوعوي التوجعج
دارين : اووع شكد بيئه انتي
محاسن : شالت جنطتها اني رايحه للنادي اكل لان جعت اذا شفتج هناك تره مااستحي اخلي راسج بالماعون والله .... عافتها ومشت
نجمه : بكلبها بعد حلكي فوختي كلبي
دارين : انتي شلون مصادقه هاي شكد همجيه
نجمه : باسف مصطنع مو كتلج لاتمشين ويايه اني صديقاتي مخبلات ومسترجلات مو مثلج هيج كلج انوثه وحبشكلات مخربطه
دارين : باستغراب شنو حبشكلات مخربطه
ننجمه : هيج كلمه مااعرف معناها يله من رخصتج ... لحكت هاي الخبله ... دخلت للنادي لكيتها منزله اربع لفات وببسي ولج هاي المن
محاسن : ثنين الي ووحده الج
نجمه : كعدت والرابعه المن
محاسن : للجواعه
نجمه : قسم بالله انوب اصيحلج سجاد
محاسن : هههه
____________
براء : دك الجرس وطلعنه للبيت ... طبعا اليوم لاكيت صعوبه كولش جبيره لان مااكدر احجي وحتى بالاشارات محد يفهم فضليت لازمه الدفتر بايدي وشيسالوني اجاوب ... ضليت فتره واكفه وين صارو ... اباوع منا منا همزين حسين مااجه بعد بلكي عباله بطلت وميوصل لهنا بعد ... وكفت سياره السايق ... فتحت الباب ماهنه البنات اشرتله وينهن
السايق : مدام ... البنات عدهن محاضره بعد الساعه بالثنتين يطلعن فكلتلي الانسه نجمه اوصلج للبيت وبعدين عود اخذهن
براء : هزيتله راسي وصعدت .... الطريق كله هي صافنه بالها مو يم احد تفكر لو ماصار الي صار جاا زين هسه جاي ياخذها مثل كل يوم ... هربت دمعه من عينها ... مسحتها بسرعه ... لتبجين محد يستاهل دموعج .... وصلو للبيت ونزلت شافت زين كبالها نزل من سيارته
زين : يباوعلها عبالك بس هي موجوده بالدنيا
براء : دنكت راسها ومشت متجاهلته
براء : دنكت راسها ومشت متجاهلته
زين : ببرود وين نجمه وليش جايبها وحدها
السايق : الانسه بعدها بالجامعه فكلت اجيب زوجه حضرتك بالاول وبعدين ارجع اجيب البنات
زين : خوش ... دخلت للبيت ... سلمت وصعدت بوجهي للغرفه ... دخلت رسن تمددت على الجربايه البارحه الليل كله مانمته لان هي مو بحضني ... صارلي اسبوع ماانام بالليل غير مجرد ساعات معدوده اضل كاعد بس بالنهار كد ما اتعب اجي بوجهي انام ... شلت دشداشتها بايدي صار اسبوع اخليها على مخدتي واضل اشمها ياله تكدر تغمض عيوني يمكن كد ماشميتها خلصت عطرها ..... كمت سبحت وبدلت ووكفت اصلي ... كملت ورحت نمت
______________
براء : كملت صلاه وطلعت كتبي حتى اقره
جميله : هلوو
براء : لوحتلها ... هلوو
جميله : يله تعالي تغدي
براء : اشرتلها على مخده نجمه
جميله : تتاخر ماعليج بيها يله تعاي تره خاله مريم تكول نزلي وتكول هذا امر مو طلب
براء : اشرتلها على الحلقه
جميله : زفرت مايكعد ويانه كال مااريد غده راح ينام يله كومي لبسي وتعاي ..... يمه منج شكد تسالين
براء : لبست حجابها ونزلت وياها لكتهم متجمعين على الطاوله راحت كعدت بمكانها
مريم : خلت الاكل كدامها هذا كله تاكلي يله وراج دوه
براء : هزت راسها ... اخذت الخاشوكه وكعدت تاكل بدون نفس
جهاد : جاا وين نجمه
مريم : عدها محاضره تتاخر
سجاد : اكول ليش الله منزل الهدوء والسكينه بالبيت طلعت مصدر الضوضاء ماهي
لؤي : لاتحجي عليها هيج اصلا هي ونست البيت
حسن : يلوكلك ماكو مصدر ونسه بالبيت غير بتي مو بباتي
مريومه : تضحك ... يي
حسن : دشوفو هي بس الضحكه تشيل الهم من الكلب باسها
جهاد : تره كل اب يحس جهاله مصدر سعادته بالدنيا
براء : حست بغصه ... بكلبها لاوالله خالو مو كل ابو ... كملنه غده كمت اساعد البنات ماخلني ... صعدت لغرفه نجمه دخلت اخذت دوايه وكعدت اقره دروسي عيني متاخذ نوم ... ضليت حوالي نص ساعه اقره دخلت نجمه
نجمه : سلام شلونج ... تمددت ولج متت اليوم كومه محاضرات وانوب طلعتلي دارين جماله ولج ماكعدت بكاع الله فرتني الجامعه كلها ... انتحبت هسه مالكو غير جامعتي يحطون دارين بيها
براء : تباوعلها
نجمه : باوعتلها انتي وياي
براء : هزت راسها
نجمه : شلونج اليوم
براء : رفعت اصبعها بمعنى زينه
نجمه : دومج انشالله
براء : بدلت نجمه وطلعت تتغده واني رجعت اقره ... وره ساعه كملت بقت بس ماده وحده همزين ماعندي امتحان لان المدرسات كالن راح يحسبلي الشهر شهرين مالهن خلك يعيدن .... كمت تمددت تغطيت ونمت
________________
زين : نايم وسمعت الباب يندك وخرت الدشداشه عن وجهي كمت ... فتحت الباب شفت صخمان بوجهي ... ببرود شكو
دارين : تباوع لجسمه .... هلوو زين شلونك
زين : زين
دارين : ههههه اسمك زين وانت زين
زين : باوعلها ببرود
دارين : باحراج ... اليوم الصبح ماشفتك واجيت اسال عليك لان ضل بالي يمك خو مابيك شي
زين : كلشي مابيه .... اكو شي بعد لو ارجع انام ؟
دارين : احم ... امانه زين اي شي تحتاجه تعال كلي لاتتردد انت هسه ماعندك مره تلبي احتياجاتك فاي شي تحتاجه تعال كلي تقربت اي شي اياً كان اني حاضره وبكلشي تطلبه
زين : حقيقتا اني محتاج شغله وحده وبس انتي تكدرين تنفذيها الي
دارين : بفرح اكيد اامر
زين : ياريت تطلعين بره لان اريد انام وصوتج يزعجني بس هذا الي اريده
دارين : هااا ... اسفه على الازعاج يله من رخصتك
زين : سديت الباب وراها ... انوب هاي طلعتلي صفح جماله عليه ... دخل للحمام فتح الماي الحار ودخل بالبانيو يرخي عضلاته
___________________
نجمه : دخلت للغرفه لكيت براء نايمه .... ياربي شكد تنام طبعا براء صايره حياتها عباره عن صلاه ودراسه ونوم اي نشاطات ماكو .... طلعت من الغرفه صار بوجهي زين ... هلوو زيوني شلونك
زين : الحمدلله ... يباوع للغرفه
نجمه : تره نايمه
زين : هز راسه
نجمه : يله اني نازله تريد شي
زين : لا روحي .... نزلت واني فتحت باب الغرفه ودخلت ... اباوعلها نايمه حبيبتي مبينه تعبانه ... تقرب منها كعد يم راسها وخر شعرها عن وجها ... لمس خدودها مدنك بايسهن .... شيصير لو هسه انتي نايمه بحضني وبغرفتنه ... كام ميريدها تشوفه وتنفر منه بالزايد ... اجه يطلع رجع خال شفته على شفتها بهدوء يشفي الم روحه وخر عنها مغطيها عدل ...... طلع لغرفته اخذ مفاتيحه وطلع من البيت صاير ميطيق اي شي بالبيت .... طلعت من البيت اريد ابقه باي مكان يريح نفسيتي ... حاير وين اروح .... طلعت للشط اريد اكعد وحدي واحتاج هيج مكان .... وصلتله وكفت السياره ونزلت كعدت بمكان بعيد شوي اشتم هوه
________________
براء : كعدت المغرب .... وخرت الغطه وكمت غسلت وجهي وتوضيت حتى اصلي ... لبست الجادر وكعدت منتظره الاذان ... رحت اشرب مي ... شنو هاي اكو طعم غريب بحلكي .... صفنت هذا طعم جكاير مخلوطه بنعناع بس اني مااكلت شي بي نعناع ... رحت تمددت شميت عطره بالمخده .... معقوله جان هنا .... دخلت نجمه ... كمت بسرعه
نجمه : شبيج خرعتيني
نجمه : شبيج خرعتيني
براء : اشرتلها على الحلقه والغرفه
نجمه : بغباء شتقصدين
براء : كتبتلها زين جان هنا
نجمه : هااا لالا
براء : باوعتلها بنظرات عدم تصديق
نجمه : شبيج تباوعيلي هيج ... جاي اكلج مااجه اصلا هو طالع من زمان
براء : بكلبها ... لعد شلون اجه عطره للغرفه
نجمه : صدك تعاي وانتي ليش عبالج زين هنا
براء : ماردت راحت شربت ماي وعلكت التلفزيون مخليته على قناه الاذان تشوفه اذن
نجمه : غلسي غلسي
براء : لارد
نجمه : رحت توضيت واذن وكفت اني وبراء نصلي ... كملنه وهي كعدت تقره قران اخذت قرآني وكعدت اقره وياها على الواهس ... ضلينه نقره قران صدك راحه نفسيه .... اكلج شنو رائيج نسوي ختمه
براء : هزت راسها
نجمه : 15 جزء الج 15 جزء الي ماشي
براء : رفعت اصبعها دلاله على الموافقه
نجمه : خوش جاا مادام قبلتي باجر نبدي الختمه
براء : هزت راسها .... دخلت خاله مريم
مريم : اللهم صل على محمد وال محمد ... هاي منو وين نجمه
نجمه : شبيج يمه
مريم : شنو يمه الله هداج اليوم
نجمه : شنو هاي يمه احد كلج اني كافره لو اول مره اصلي
مريم : ضحكت لا مو اول مره بس تفاجاءت صار هواي ماشفتج قاريه قرآن
نجمه : باوعتلها مو فشله من براء طلعتينه كفره كدامها
مريم : هههه .... ديله تعالن ساعدني بالعشه ... وانتي هم براء اليوم تنزيل تساعدينه لان صرتي زينه واذا تضلين كاعده بالغرفه تتكابين يله تعالن
براء : نزلنه ويه خاله
شمس : يااهلا وسهلا
براء : ابتسمت بخفوت
نجمه : شراح تسون عشه
شمس : نواشف كبه وكباب ومقبلات
جميله : تعاي سوي زلاطه
نجمه : شنو يمه خو ماتسويها انتي
جميله : اشتغلي لا اصيح لسجاد اخلي يفر البيت بيج
نجمه : علساس اني اخاف من سجاد حتى اخاف منج امشييي لج بعد عليه المفاجيع
سجاد : هااي عليمن ولج
نجمه : عليك شنو خايفه منك
سجاد : جرها من شعرها ماسمعت عليمن
نجمه : ااااخ عووف شعريي
سجاد : شنو
نجمه : مو عليك والله بس هد شعري
سجاد : دفعها تادبي مره ثانيه مو بكدج اني
نجمه : هنه كلهن ست سنوات
سجاد : باوعلها نجبي ... شلونج بروئه
براء : هزت راسها
سجاد : شوكت يرجع صوتج تره ملينه نريد نسولف وياج
براء : اشرتله مااعرف .... وكفنه نكمل العشه وسجاد واكف يحجي ويه جميله طبعا علاقته بيها كولش قويه حتى اقوه من علاقته بنجمه .... كملنه العشه .... نقلنه الاكل وكعدنه نتعشه
خوله : شلونج بروئه انشالله زينه
براء : بتفاجاء ... هزت راسها
خوله : جاي تاخذين الادويه وتشربين الاعشاب
براء : هزت راسها
جهاد : اليوم شلونها الجامعه وياج دارين
دارين : تجنن كلش حلوه بس صديقه نجمه خربت واهسي ماخلتني افتر بالجامعه
نجمه : ولج ماخليتي قسم ما رحتيله طيحتي رجلينه
دارين : غير اروح اتعرف على جامعتي
نجمه : اا ... ندك الجرس كمت اريد افتح الباب
حسن : كعدي اني كايم .... كمت فتحت الباب ... هاا الله يساعدك شنو جنت بالمستشفى
زين : ويساعدك ... لا جنت طالع شويه ... دخلت لكيتهم كاعدين يتعشون صارت عينه على براء فرح لان شافها نازله صار اسبوع هي حابسه روحها بالغرفه ماتطلع ...... السلام عليكم
الكل ماعدى براء : وعليكم السلام
مريم : يله يمه تعال تعشه انت باقي بلا غده اكيد جوعان
زين : اجه يكعد شاف براء كامت ... كام خليج كاعده كملي عشاج اني كايم .... عافهم وصعد فوك
براء : رجعت كعدت
نجمه : باوعت لبراء ماراضيه على تصرفها
مريم : كومي يمه اخذي عشه لاخوج
نجمه : كمت اخذت صينيه خليت بيها الاكل وصعدت دكيت الباب ودخلت
______
دارين : ليش سويتي هيج شنو معناتها هالتصرفات
قصي : انتي لاتدخلين
دارين : والله انت الي لاتدخل هالمره جاي احجي من صدك تصرفها غبي
جهاد : شبيكم كافي انتو الاثنين لاتدخلون هذا شي بيناتهم فسدو حلوككم وكافي حجي زايد
براء : مدنكه راسها وماردت على احد ... رفعت راسها باوعت على نجمه نزلت وبايدها نفس الصينيه
مريم : ليش رجعتي نزلتيها
نجمه : مايريد
مريم : من الصبح لسه بدون اكل شنو مايريد
نجمه : صعدتله كال مااشتهي نزليها وطلعي بره
مريم : تنهدت ... كعدي كملي عشاج
براء : شربت مي وكمت
جهاد : وين بنتي
براء : اشرتله فوك
مريم : ماكملتي عشاج يمه
براء : اشرتلها شبعت ... عافتهم وصعدت
دارين : عوجت حلكها لاهي الاكلت ولاخلت زين ياكل
خوله : داررين
دارين : سكتنه سكتنه
__________
براء : دخلت للغرفه لكيت مكالمه ورساله من رقم غريب ... فتحتها .... " هلوو براء اني
فتحتها .... " هلوو براء اني رقيه هذا رقمي سجلي يمج " .... كتبتلها "هلوو "
رقيه : "اسفه نسيت اراسلج وهسه تذكرت"
براء " لاعادي "
رقيه : " اكلج حاجيت بيبتي سوتلج العشبه باجر اجيبها الج بس تكول كون تنتظمين عليها وتاخذيها قبل النوم واول ماتكعدين "
براء : " اوك "
رقيه : "يله اني اروح اقره باي "
براء : " باي " ... دخلت نجمه
نجمه : كعدت ... عادي احجي وياج بموضوع بس لاتضوجين مني
براء : هزت راسها
نجمه : انتي تحبي
براء : اشرتلها منو
نجمه : زين
براء : هزت راسها ... لا
نجمه : ضربتها لاتجذبين
براء : نزلت راسها
نجمه : جاوبيني براء
براء : اخذت القلم ... كتبتلها احبه بس الي سواا بيه مو قليل .... تره اني مضايجه لان ضربني خاف عبالج موقفي هذا لان ضربني لا بس هو ما وثق بيه ولا اجه تفاهم ويايه كبل اتهمني بالخيانه بدون ما يفكر
نجمه : زين ما ناويه تسامحي
براء : كتبتلها شوفي نجمه اني كرامتي فوك كولشي وزين هان كرامتي وهان حبي اله فشبه مستحيل اسامحه وهسه اني منتظره تهدئ الاوضاع حتى اكدر افاتح خالو بسالفه الطلاك اني خلص اريد انفصل عنه مااريده
نجمه : باوعتلها يعني الي ينوكل ينسي
براء : كتبتلها شنو يعني
نجمه : لاتضوجين مني براء ... بس انتي نسيتي كل الي سوى وياج زين وركزتي بس على موقف واحد بدر منه بحاله عصبيه وتهور
براء : كتبتلها حتى اذا ما من حقه يعاملني هيج ... بتصرفه هذا خلاني اكرهه وامقت وجوده حواليه
نجمه : باوعتلها براء انتي ماتحبين زين ... هذا مجرد فراغ عاطفي بحياتج وملا زين لو تحبي جان ما كلتي اكرهه واكتفيتي انو تبعدين عنه لفتره تريحين اعصابج وتعلمي درس بس لا انتي كبل رحتي على الطلاك ... واني وياج لازم تنفصلون لان حرام زين يضل يبني امال عليج ... روحي شوفي من صارت شغلتكم ولليوم وهو عازل روحه حتى جوه ماينزل خاف تشوفي وتضايقين ... كل هذا حتى مياثر على حالتج النفسيه تاليتها تجين تريد تنفصلين عنه ... وعلى فكره زين يسكت يسكت ويتحمل تالي يفقد وياخوفي ساعتها يضل هو الي يمقت وجودج مو انتي ... عافتها وطلعت
براء : نزلت دموعها .... حتى انتي صرتي ضدي ... ياربي ليش محد يفهم انو الي صار مو قليل ... صعبه عليه اسامح زين بعد كل الي سوى وياي ... اصلا هي شلون بكيفها تحجي شنو فراغ عاطفي شنو بطيخ اني اعشقه اصلا شنو اعشقه ..... زين الهوى اليصعد وينزل عندي بس على كد مااحبه متاثره على الي سوا بيه لو مااحبه مجان درتله بال جان اعتبره حاله حال اي شخص اذاني ... مسحت دموعي وكعدت اكلب بالتلفزيون اعرف اذا اضل كاعده وساكته ابجي
______________
زين : كاعد اشتغل اندك الباب كمت فتحتها
خوله : هاا شلونك
زين : الحمدلله تفضلي حجيه
خوله : دخلت كعدت ... تعال اريد احجي وياك
زين : كعد خير
خوله : ليش عازل روحك وماتنزل يمنه
زين : ببرود احسن
خوله : لا مو احسن بس كول على مود مرتك
زين : حجيه شتردين مني اني مااريد اشوف احد هي جبر
خوله : جايه اصحيك على شغله انت ما منتبهلها
زين : تفضلي
خوله : تره المره بالاهتمام الزايد تشيخ وماتكدر تسيطر عليها لا تبين الها انت غلطان خليك مثل ماانت طب واطلع واكعد واكل وسولف واضحك تره من تشوفك مهتم بيها اكثر تنغر عليك
زين : حجيه اني مالي خلك هالحجي الله يخليج وبعدين اني ماانزل مو على حساب شي بس اني وعدتها مااخليها تلتقي بيه ولا اتقربلها وهاهي اني جاي انفذ كلامي لا اكثر ولا اقل
خوله : تدري من اجيتك مريت من غرفه نجمه وسمعتها تكل لنجمه اني اكرهه
زين : ببرود وشلون سمعتيها وهي ما تحجي
خوله : ما سمعتها بس صار نقاش حاد بينها وبين نجمه والي فهمته منه انو براء كايله لنجمه هي تكرهك وماتريدك بعد ونجمه تعاركت وياها
زين : حس اكو شي بداخله انكسر ... تنهد خلص اني قابل خلي تكرهني بس المهم هسه تصير زينه
خوله : خاف عبالك اني جايه حتى احرضك عليها لا وروح ابويه بس اجيت انصحك يا بيبي النسوان ما ينعطن وجهه هسه اني مو مره وحالي من حالهن والله جان جدك اذا ما يعيرني بال اضل اكل بروحي لان احسه مامهتم بس اذا اهتم واجاني يتوسل راح اشيخ عليه فياا بيبي لاتنطيها وجهه ومجال تفكر تعوفك بالعكس خليها تفكر انو هي الغلطانه لان ما كلتلك لزمت ايده مطبطبه عليها خلي هالمشكله الصارت تكون درس الكم ثنينكم انت تتعلم منه بعد ماتتهور وتسيطر على نفسك وهي راح تتعلم ماتضم عليك شي بعد
زين : هز راسه
خوله : امشي على كلامي اني احبك واريد مصلحتك ... كامت يله اني اروح ارتاح بغرفتي
زين : كام وراها ... براحتج حجيه
خوله : رفعت راسها تباوعله بيبيتك اني مااقبل تصيحلي حجيه
زين : صار بيبي
خوله : حبت تلطف الجو ... ولعابت لهطول انكسرت ركبتي من وراك ماتكلي شطولك انت
زين : 190 سًـمِ
خوله : يبوو الله يساعد كلبج يا براء اكول البنيه ليش خاتله عد نجمه تلكيها منصدمه من حجمه
زين : ضم اديه حجيه لسانج تره رحتي زايد
خوله : ولك مو الي اباك طاح عقلك اقصد على طولك بس انت عقلك دومه كاعد يسار وتفكيرك مو نظيف يله اني رايحه وانزل اكل لا تضل بدون اكل تره تضعف ويخرب جسمك
زين : ابتسم ساد الباب وراها ... رجع يكمل شغله
