رواية الطالبة والعصبي الفصل الثاني والثلاثون بقلم مجهول
الدنيا ما توكف علة احد
للجرح نلكة دوه
العافك الخانك اتركهة
لأن مو بيدة الهوه
الشمس 🌞واليل🌚 عركة
والضلمه متحب الضوه 💔
—____ قرائة ممتعة _____—-
تذكير
سيف : الو
نارين بتوتر : الو سيف احم بس ردت اكولك شغلة
سيف بستغراب: كولي
نارين بتوتر: قبل اشوية كولت البابة علة مود اروح البيت سرى لأن مريضة وافق بس كلي انو اتصل بيك وكلك راح اطلع
سيف رفع حاجبة وكال : يعني لو مو ابوج كلج انج تتصلين بية مجنتي راح تتصلين واطلعين بلة متكليلي
نارين بصراحة : للصراحة اي لأن ما متعودة اخذ اذن من اطلع بس من بابة ومامة
سيف بحدة: لعد ماكو روحة
نارين: ليش
سيف بستفزاز: هيج بكيفي
نارين برجاء: سيف فدوة خل اروح ومبعدين اخوية علي راح يوديني يعني حتة ما راح اروح الوحدي
سيف : هم عوزهة ترحين الوحدج وكلت لا يعني لا
نارين بتوسل : فدة اريد اروح
سيف : كلت متروحين
نارين بدلع : سيوفي
سيف : لا
نارين بدلع : حبيبي
سيف : لا
نارين : كلبي
سيف: لا
نارين : عيوني
سيف : لا
نارين ملت وكالت بطفولية : اووي مليت منك صارلي ساعة احجي وياك وادلع وانتة كولشي ماكو والله لو حجيت هيج وية لولو جان اقتنع من زمان
سيف بعصبية : اصدكين جنت راح اوافق انج تروحين بس من طول دخلتي خرة لولو بالموضوع لو مدري ياهو يجي ما اقبل بعد ترحين
نارين : لا الله عليك خلي ايولي لولو اني منو عندي غير سيوفي حياتي ادلع علي فدوة وافق
سيف برود : اشوف
نارين : ششوف غير اتكلي لو اي لو لا
سيف برود : بالخمسة حضري نفسج واني اجي اخذج
نارين بفرح : لا ماكو داعي تج قبل لتكم كلتمهة سد التليفون سيف بوجهة ونام ونارين اجت ادك علي مرة ثانية وترزلة لأن سد التليفون بوجهة بس ما خابرتة وفتحت انستا وضلت اتكلب بتليفونهة الحد ما صارت بتلاثة وبدت اتحضر بمحاضراتهة مال باجر ....
______________
سيف
بعد ما سديت التليفون من نارين نمت وكعدت بتلاثة ونص وكمت لبست قاط رسمي لون نيلي وقميصة ابيض ولبست اويا حذاء ابيض ولبست ساعة فضية ورشيت عطر ونزلت ركبت السيارة ورحت للشريكة وصلت وصفيت السيارة ودخلت للشريكة سلمت علة الموضفين وصعدت المكتبي كملت اشكم ملف بسرعة وحضرت اجتماع مهم وكملتة وشفت ساعتي صارت بالخمسة الة ربع فطلعت من الشريكة وركبت سيارتي ورحت البيت نارين وصلت وكفت السيارة كدام الباب ودكيت هورن ورة خمس دقايق يلة طلعت .......
________________
نارين
كملت كول محاضراتي مال باجر وشفت الساعة طلعت بل اربعة ونص فكمت سبحت ولبست
هذة البس وحطيت مسكارة ومرطب شفة ورة خمس دقايق سمعت صوت هورن مال سيارة رحت باوعت من الشباك شفت سيارة سيف موجودة فا نزلت وشفت مامة وكاعدة بصفة ايه فكلت المامة
نارين : مامة اجة سيف وهوة راح يوصلني البيت سرى
ايه بتفاجئ: سيف يوصلج
نارين : بلي
ايه بحقد : لعد ليش ما كلتيلي اروح وياج وهم اطمن علة سرى
نارين : عبالي متردين ترحين
ام نارين : هسة روحي لأن عيب من الولد صالة ساعة واكف بالباب
نارين : اوكي باي
وطلعت من البيت وركبت سيارة سيف وباوعتلة وكتلة : هلو
سيف : وعليكم السلام هيج السلام يصير وساق السيارة
نارين : ( خرب علة كولشي ايدقق مو صوجك صوج اليسلم عليك ) الطريق كولة وحنة ساكتين ولا واحد حجة وهوة بس ينافخ بعصبية وصلنة البيت سرى وصف السيارة بابهم واني درت علي وكتلة
نارين: تدخل اوياي لو تروح وتجيني
سيف برود : لا ادخل وياج اريد اسلم علة عامر صارلي اهواي مشايفة
نارين : ماشي ونزلنة اني وسيف من السيارة وسيف دك الجرس طلع عامر اخو سرى وتفاجئ بينة وسلم علة سيف وحضنى واني سلمت علي سلام عادي ودخلنة للبيت سيف دخل للستقبال وية اخو سرى واني دخلت للصالة شفت ام سرى وسلمت عليهة وسئلتة علة سرى كلتلي فوك تكدرين اصعديلهة فكلتلهة شكراً وصعدت الغرفت سرى وفتحت الباب علة كيفي مال غرفتهة وشفتهة صافنة علة الشباك مال شارع فا رحت وحطيت ايدي علة عيونهة وكتلهة : منو اني .......
_______________
سرى
جنت نايمة وسمعت صوت رسالة اجتني شفت التليفون طلعت من نارين تسئلني ليش ما رحت للكلية وعبالهة اخوي مقابل فا اني كولتلهة انو اني اشوية مريضة لهيج ما داومت فكلتلي انو راح تجي العصر فكلتلهة تنورين ودعتهة وسديت التليفون وكمت غسلت وجهي وشفت وجهي بالمراية ايخوف وعيوني حمر وشعري مكفش فا اخذت ملابس ودخلت سبحت وصليت ونزلت جوة شفت امي اسوي غدة وابوي واخوي طالعين محجيت شي بس شربت مي وصعدت ضليت اقرة قرأن الحد ما اذن اذان الظهر فصليت ونمت مرة ثانية كعدت بالربعة ونص ضليت افتر بالغرفة احس روحي مختنكة وما دا اكدر اتنفس فوكفت كدام شباك غرفتي وضليت صافنة علة الجهال اشون تلعب بالشارع ابتسمت عليهم وتمنيت ارجع ابكدهم وما حسيت الة ايد انحطت علة عيوني وصوت يكول منو اني ابتسمت وكلت : الخبلة منو غيرج ودرت عليهة وحضنتهة جني اسنين صارلي مشايفتهة مو يومين وكتلهة : اشتاقيتلج خبلة
نارين ببتسامة : واني هم
سرى : تعالي خل نكعد وكعدنة علة الجرباية وضلينة انسولف ونارين كلتلي انو اوافق علة محمد احسن ما ازوج ابن عمي السكير وللصراحة اقتنعت بكلامهة الحد ما صاحت امي نارين وكالت انو سيف يكول يلة فكامت نارين وباستني وحضنتني ونزلت جوة واني اتخذت قراري النهائي وكلت اليوم باليل اكول البابة بقراري...........
____________
سيف
بعد ما سلمت علة عامر وحضنتة دخلنة للستقبال ونارين دخلت جوة كعدت وية عامر وضلينة انسولف ونذكر ايام الدراسة وسولفنة علة الشغل شفت اساعة صارت بالستة ونص فكتلة اريد اروح هوة ما قبل واصر نبقة علة العشة بس رفضت وكتلة علة الجايات انشألله وشفت ام عامر وسلمت عليهة وباركتلي علة الخطوبة كتلة الله يبارك بيج ونشألله يوم زواج عامر ومن رخصتج صيحيلي نارين ابتسمتلي وكالت امين وراحت صاحت نارين ورة خمس دقايق نزلت نارين واني اترخصت منهم ودعناهم وطلعنة ركبت نارين سيارتي واني حجيت اشوية وية عامر وراهة سلمت علي وركبت سيارتي وسقتهة شفت نارين مبتسمة ومبينة فرحانة ابتسمت علة ابتسامتهة نوب كالت
نارين ببتسامة : كولش اشكرك لأن وصلتني السرى
سيف برود: العفو هذة واجبي وانتي زوجتي
نارين لمن شافت برودة وياهة حبت تغير الجو فكالت : لعد منطول هيج زوجتك محابة ترجع للبيت وتريد زوجهة الصاك والعصبي ايوديهة المطعم ويتعشون سوة
سيف ابتسم بس اخفة ابتسامتة وكال
بهدؤ : غير مرة اوديج ما اكدر اليوم اعذريني
نارين انكسرت ابتسامتهة وكالت : لاعادي مو مهم ودرت راسي علة الجامة وضليت اباوع علة الشارع
سيف باوعلهة اشون راحت ابتسامتهة ودارت راسهة علة الجامة صدك كرهت نفسي بوكتهة لمن شفتهة زعلت وكلتلهة
سيف : بس اذا تردين باجر معندي شي عادي نطلع
نارين بهدؤ: لا شكراً ما اريد اعطلك
سيف سكت معرف بعد شي يرد ونارين رجعت دارت علة الشباك وكملو الطريق وهمة ساكتي وصل سيف البيت نارين وكف السيارة وكالت
نارين بهدؤ: اسفة لأن ضوجتك اليوم لأن نسيت اخذ اذنك ونشألله ما تتكرر واجت تنزل بس سحبهة سيف من ايدهة وقربهة علة صدرة وكال وهوة يمرر ايدة علة عيونهة : زعلتي
نارين توترت وخجلت بنفس الوقت لمن قربهة سيف الصدرة فكالت : لا مزعل قاطعهة سيف وهو يلتهم اشفايفهة بقوة ويستمتع بطعم العسل مثل ما يسمي ما تركهة الة لمن حس بيهة اختنكت وكال بخدر : مو كلتلج كل مجذبين علية راح يكون هذة عقابج
نارين خجلت وكالت بهمس: عوف ايدي اريد انزل
سيف بنفس الهمس : ما جاوبتيني علة سؤالي زعلتي لو لا
نارين دمعت عيونهة وكالت : اي زعلت ارتاحي وسحبت ايدي بقوة ونزلت من السيارة وفتت للبيت سلمت علة مامة وبابة وصعدت فوك ودخلت للغرفة وبدت ادموعي تزل واني امسح بيهن وراهة رحت غسلت وهديت نفسي وصليت وصاحوني علة العشة بس كتلهم ما اشتهي وراجعت محاضراتي وحضرت ملابس للكلية ودكيت علة سرى ....
____________________
سرى
بعد ما راحت نارين كمت توضيت وصليت ونزلت سويت عشة وية مامة وتعشينة وراهة سويتلهم جاي وصبيتة وديتة للصالة اخذ الجاي وشربو بهدؤ واني كعدت يم مامة وكلت
سرى بصوت مبحوح من كثر البجي : احم بابة
ابو سرى : نعم
سرى بهدؤ: فكرت بموضوع الزواج وافقت علة الدكتور محمد بس بشرط
عامر بعصبية : لا والله وفوكاهة ت قاطعة ابو سرى وهوة يكول : اسكت انتة وكملي ابنيتي شنو شرطج
سرى بتوتر : شرطي انو اكمل الكلية حتة لو ازوجنة
ابو سرى هز راسة وكال: شرطج سهل ومكدور علي عامر انتة بلغ محمد بموافقة سرى وشرطهة
عامر : حاضر يابة وطلع برة علة مود يتصل بمحمد وسرى تدعي بداخلهة انو ميوافق بس خابت كل امالهة لمن شافت عامر يدخل والبتسامة علة وجهة وكال
عامر ببتسامة : يابة حاجيت استوني محمد وافق علة شرط سرى وكال باجر اني والعائلة يمكم
ابو سرى : الله يقدم البي الخير والف مبروك ابنيتي
سرى بهدؤ: الله يبارك بيك يلة اترخص تعبت اريد انام
الكل : مرخوصة
سرى : صعدت فوك ودموعي بدت تنزل وصوات شهكاتهة بدت تعلة مسحت ادوعي بسرعة وهفيت بيدي علة وجهي وكلت : كافي ضعف لازم اكون قوية ورحت غسلت وجهي بمي بارد يلة ارتاحيت وسمعت صوت تليفوني يدك رحت شفت ارقم طلعت نارين جاوبتهة وسولفت وياهة اشوية وكتلهة علة موافقتي وشرطي وهية ايدتني وطمنتني اشوية وكامت تضحك بية وتحشش واني ضحكت وياهة وغيرت نفسيتي بس مدري ليش حسيتهة مقهورة بس ما ردت اسئلهة وضايقهة نوب نعسنة ثنيناتنة فكلتلهة باجر وعكبة ما اجي ودعتهة ونمت لأن الحل الوحيد حتة اهرب من تفكيري هوة نوم ....
__________________
سيف
بعد ما نارين سحبت ايدهة مني ونزلت من السيارة ودخلت البيتهة لمت نفسي لأن اتعاملت وياهة بهل طريقة وسقت السيارة بسرعة ورجعت للشريكة دخلت المكتبي وبديت اشغل علة مود الهي روحي وما افكر بالي صار الحد ما صارت الساعة بل دعش يلة رجعت للبيت ودخلت السيارة للكراج ودخلت للبيت وصعدت الغرفتي سبحت وصليت واخذت تليفوني ودكيت علة نارين اشو رفضت المكالمة دكيت عليهة مرة ثانية طلعت خارج نطاق الخدمة شكلهة زعلهة قوي ضليت افكر بيهة الحد ما نمت ....
_______________
نارين
بعد ما دكيت علة سرى وسولفتي الصار طمنتهة وكمت احشش عليهة واضحك علو مود تتغير نفسيتهة وهي همين دخلت بالجو وضلينة انسولف وراهة نعسنة اثنيناتنة فكالتلي هية انو باجر متيج ولا عكبهة ودعدتني واني هم ودعتهة وسديت التليفون منهة وكلبت بل انستا ورة ربع ساعة دك علية سيف رفضتة ورجع دك مرة ثانية فطفيت التليفون من اساسة ونمت ...
_____________
محمد
جنت كاعد اكمل اشكم سجل مال طلبة وفجئة دك تليفوني شفت الرقم طلعت عامر جاوبتة وبعد السلام والكلام كلي علة موافقة سرى وعلة شرطهة واني وافقت عليهن وكتلة باجر العصر اني والعائلة يمكم وهوة كال تنورون وسولفت اويا اشوية وسدت التليفون منة وابتسمت بمكر وكلت : والله وكعتي ابيدي يا سرى ومحد راح ينقذج...
