رواية الضابط فهد ومريم الفصل الثاني والثلاثون بقلم مجهول
فتحت الباب لكيتهة كاعدة ب الكاع وساندة راسهة ع الجرباية حطيت الاكل ب الكاع ورحتلهة رفعت راسهة حطيتة بحضني ايدي اذتني حيل بس ماهتميتلهة سحبت الصينية علية جان بيهة مي غسلت وجهة
بدت تصحى فتحت عيونهة بتعب وكالت
فههد
يبعد عيونة الفهد
مريم: مابية شي سندي يمي
فهد: وراح ابقة ساندج طول عمري
مريم: كمت من حضنة ورجعت سندت راسي ع الجرباية وحجيت
بس اريد منك وعد
فهد: عيوني
مريم: الدنياا متتئمن وكلشي يصير بلحضة محد متوقعهاا ف الاريدة منك اذا صارلي او رحت عنك ب اي طريقة ماريدك تنكسر وراية
فهد: مريمي شهلحجي هذا دوامي كاعد يصير علية سبع سنوات مو اسبوع وشوفي انتي شتحجين اني انتهي وراج موو بس انكسر
مريم: واني ماريد هلشي ماراح ارتاح هيج وين ماا جنت
فهد: مريم لتخوفيني عليج ميصيرلج شي يبعد عيوني انتي وعسة سدي الموضوع واكلي
مريم: مالي نفس فهد
فهد: مريم هبط ضغطج وتخربطتي عندج علاج ومحد ياخذ عايفتة للحايط ياخذ بدالج
مريم: هسة شبيك تعيط شحجيت ،ماحجة جاب الاكل وكام يوكل بية اخذة الواهس يريدني اكمل الاكل كلة
هاهية فهد شبعت
فهد: سدي حلكج واكلي
مريم: اووي لتلح ماريد ماكدر اكلل بعد
فهد: تراا ما طالبلج مندي
مريم: ايي شبعت شلون غصب يعني
فهد: انتي مريضة متكدرين تروحين وياهم للحنة ابقي هناا
مريم: وانتة تريدهة حجة شوف لوو مكسرة اروح وهلموضوع سدة ولتفكر بي
فهد: اعصابج عيني كل هذا علمود تهزن
مريم: شنهز فهد لتنرفزني اطلع برة
فهد: ليش متبطلين هاي السالفة مال اطلع برة
مريم: مابطل يلاا اطلع برة حبيبي
فهد:اروح يم افراح يعني
مريم: ياربي فهد اسمهاا لتنطقة يمي احركك واحركهاا تفهم ليش تحب تحرك كلبي
فهد: شرايين كلبي مريمي ام خدود شعندي غيرج اني حتة احرك كلبج بس شسوي اذا غيرتج تضحك
مريم: وتجي تضحك ع حساب كلبي الاغبر الحبك
فهد: ليش ماا استاهلل يعني
مريم: اريد انام شوية
فهد: رتاحي واذا ردتي شي دزيلي رسالة
مريم: تمام، كمت وصلني للجرباية نمت غطاني وباس راسي وطفة الضوة واخذ الاكل وطلع ونمت.
----------------------------------------------
فهد: ورة ماطلعت من يم مريم طلعت للمركز بعد ماا اجاني اتصال من عماد اخذت مهيمن يوصلني وصلت للمركز طبيت واجوي جماعتي سلمو علية وتحمدولي ب السلامة واني بالي مو يمهم يم الحقير اريد اشوف اعترافة اجة عماد خلصني منهم توجهنة لغرفة التحقيق
انتة متريد روحك مو
الشخص: مثلل مانهيت ودمرت حياة اخوي اخذ حياتك تريدني اعوفك تسرح وتمرح واخوي يتعذب ب السجن
فهد: ديتعذب من ورة اعمالة دياخذ عقاب السوا القانون فوكاك وراك وراك وين متروح ياخي انتة ليش متعب نفسك وانتة اكثر واحد تعرفة شسوة بحياتة هذا انسان مريض فاقد عقلة
الشخص: لو شاهد ويا وطلع جان اخذتة للخارج وماشفت وجهة بعد بس انتة شسويت
فهد: تريدني اشهد زور انتة تعرف عقاب هلشي واحلف قران تريد تهجم بيتي انتة
الشخص: ب الحالتين راح ينهجم بيتك هسة او بعد الف سنة ماخليك ترتاح مادام خشمي يشتم الهوة
فهد:ومنوو كلك راح اخليك تشتم الهوة هجمت علي ضرب وعماد يسحب بية فقدت من حجة هيج تخيلتة يئذي امي لو مريم صاح عماد الجماعة البرة سحبوني وطلعوني برة كعدوني ونتبهت ع ايدي اذب دم
عماد: ارتاحيت هسة لكك ولله صوجي خابرتك مو اني اعرفك شنو
فهد:عماد هذا واحد كوا..وصاقط تريدني اسمع واضحكلة يعني
عماد: ولسويتة حلو فهد فتحت خياط ايدك كوم خلي دكتور يشوفك
فهد: عماد روح عن وجهي
عماد: كوم ياخي خلي دكتور يشوف ايدك ورجع الاهلك لتخوفهم عليك يومية مصيبة جديدة خليهم يخلصون من مصايبك شوية
فهد: كمت وياا راح اخذ اجازة زمنية يعني ساعة لو ساعتين واخذني للمسوصف شاف ايدي وكال يرادلهة تعقيم للخياط وسبب هذا الدم حركة قوية نضف الجرح وعقمة كملل وطلعنة وصلني للبيت طبيت للبيت ورحت للباب الصاير ورة البيت طبيت من عندة وصعدت حتة محد يشوفني وشيخلصني من الاسئلة طبيت للغرفة وتمنيت لو مريم بعدهي نايمة بس للاسف جانت كاعدة اجتي وكفت يمي تباوع ب استغراب
شبيك
فهد: شبية يروحي
مريم: وين جنت فهد
فهد: يم عماد
مريم: شنووو هذااا الدم فهد وين جنتتت
فهد: اشش ليسمعوج تعاي اكعدي احجيلج
مريم: اخذني وكعدت، يلاا احجي
فهد: تذكرين من كلتلج بموضوع اعتراف شخص بس ماا متاكدين اليوم عماد خابرني وكال هوة نفسة اخو الشخص الي ماا شهدت وياا اني وسمعني كلام وتلاغينة وصار الي صار
مريم: فهد هية مو مال سباعية ترا ايدك بعدهي ما مشيول منهة الخيط وجانت راح تنشلل انتة ليش متفكر بينة
فهد: مريم الكاعد اسوي هسة ومو عاجبج حتة بس متتئذون وبلاخير اطلع اني مافكر بيكم هلشي كاعد اسوي علمودي يعني
مريم: فهد اعرف ولله بس متدري شكد اخاف عليك ولاا تدري الرجفة التصير بكلبي من تكول غدنة واجب وتفقل تلفونك ماعندي استعداد اخسرك
فهد: محد راح يخسر احد مريمي
مريم: كلبي ماا مرتاح فهد رجفة بية بس ماعرف من شنو خايفة وشنو راح يصير
فهد: لتخافين ميصير شي اني يمج وهسة كومي انزلي يم البنات لضلين حابسة نفسج ب الغرفة اني طاب اسبح
مريم: تمام انتة هم انزل من تكمل، كمت لبست شالي ونزلت البنات جانن ب المطبخ طبيت وهجمت زينب علية
شرفت المدام مريم شلون جانت السفرة متكليلي وين جنتي طامسة لاا صوت ولاا نفس منج
مريم: اهدي خليني افهمج كعدت مصخنة وضغطي هابط ماكدرت انزل
شهد: شفتي زينب توقعاتج جانت مو صحيحة
مريم: ليش شنو توقعاتهة
زينب: سوالف كبار متنكال للجهال
مريم: لجج اني اكبر منج زنيبة
زينب: ع نفسج مو علية المهم عقلي اكبر من عقلج
مريم: انتي ميفيد الحجي وياج وين خالة سعاد ولبقية
زينب: راحو يجيبون ملابس وجهاز العروس حتة يرتبو ب الغرفة
مريم: اهاا تمام شسويتو ماا سويتو
زينب: اني ماعندي شي اكعد الصبح وللصالون كفيلج الله ماسك ماحط لوجهي ماحتاج يمهه قل اعوذ برب الفلق
مريم: ههههههه احلف عليج مخبلة
شهد: فديوم شفتي واحد كال عليهة عاقلة
مريم: لاا ولله ولاا راح اسمعهاا بحياتي
زينب: صدك لو كال همام انتو مو وجوه نعمة
مريم: لاا زعلت زنيبة هسة وين نولي
زينب: شوفو منو يركص وياجن باجر
شهد: يمكن افراح
مريم: اكلج هسة هاي تفضحكم حتة لبنية اهلهة يبطلون ونجيب عليوي ونجي
زينب: ههههههههه يمهه ويجي عليوي يكتلل افراح ويبرد كلبي
مريم:قصدج يبرد كلوبنة كلنة دنحجي وطبت افراح وجهة اصفر مو احمر من العصبية
افراح: انتي شتريدين مني ب الضبط احجي شوفين انتن الثلاثي لتشوفني ساكتة عنجن ضامتلجن شي راح تندمن بكد شعر راسجن ع كل كلمة حجيتوهة علية وكولن افراح ماا كالت وانتي ب الذاات مريم اكثر وحدة راح تبجين
زينب: هية حجت هيج فورت دمي مشيت الهة ولزمتهة من شعرهاا وعضيتهة من جتفهة التمو ع عياطهة وسحبوهاا مني
ام افراح: ولجج زينب انتي صايرة ابد متحترمين ولاا عبالك ماخذة تربية شهلتصرفات السزز
زينب: من بنتج تشوف تربية كليلي هلحجي لوو بيهة خير متحط عينهة ع رجال متزوج
افراح: ولجج انتي لتحجين بهاي السوالف احسن ماطلع سوالفج
زينب: لجج حقيرة ديربالج اجيبين اسمي ع لسانج لاا انتي ولاا عشرة منج يكدرون يحجون بشرفي اني ماحطيت عيوني ع واحد مزوج وتتغزلين وتسوين اغرائات عينك عينك مابقت عندج ذرة مستحى وانتي محد معترف بيج لحالج حاركة حمامج
الحجية: زنيبة وافراح تسدن حلكجن لو اجيجن وتعرفوني شنو اجيب وياي
زينب: بيبي تعاي احطج بعيوني وع راسي بس ماخلي هلحية تهددنة
سميرة: ولجج يمة انتن مو غريبات ليش هلعداوة هاي هسة شتكول العالم علينة
زينب: ماماا تكول المريم انتي اكثر وحدة راح اخليهة تبجي شنو قصدهة
مريم: زينب عوفيهة شتكدر تسوي يعني لتحطين عقلج وياهاا، داحجي ونزل فهد وشعرة مبعثر يمكن سامع العياط وطالع
فهد: شصاير هنااا شهلصوت هذاا وين كاعدين حاطين ضراير بلبيت وانيي مادري
سعاد: يمة ماكوو شيي بنات بيناتهن روح استريح ماكوو شيي
زينب: لاا خالة اكوو الزركة هااي تكول المرتك انتي اكثر وحدة بيهن راح ابجيج
مريم:حجت زينب وتحولت انضار فهد لافراح الرادت تنفجر من الخوف اني صرت ورة زينب لان صار يباوعلي ويباوع الافراح تقدم يمي اخذ ايدي وراح وكف بوجهة افراح رفع اصبعة بتهديد وحجة
هلحجاية الجج وللكل الي يحاول يمس شعرة من شعر مريم امحي من الوجود سمعتيني
مريم: حسيت نفسي اسعد انسانة ب الدنياا لاولل مرة اتأكد عندي سند ب الدنياا وجان يستاهلل هلاسم(سندي) ضغطت ع ايدة باوع بوجهي وابتسمتلة وهوة هم ردلي الابتسامة
زينب: يعني مادري شكول غير ربي يحفضكم لبعض ومحد يخرب هلحب اووي فدوا الكبلز مالتي
فهد: زنيبة نصي صوتج المرة الخخ اكتلي العالم ع الصامت خووش
زينب: تدلل من عيوني
مريم: ضربتة ع صدرة، فهد شنو انتة كاعد تعلمهة ع الغلط
فهد:اني مو كايلج الانسان اليغلط يستاهلل الضرب
مريم: انتة جنت تقصد المجرمين
فهد:الي يريد يبجيج مجرم هم
مريم: احبك سند عمري
فهد: اعشكج شرايين كلبي
الحجية: ولكك فهيدان شكاعد تتهامسون اخذ مريتك واصعد فوك ادبسز
فهد: ادبسز ع شنو حجية غير مريتي وحلالي
سعاد: يمة الله يسعدكم ويحرسكم من عيون العالم
فهد:امين يمة امين
مريم: فهد راح تضل لازم ايدي عندي شغلل
فهد:احنة هم عدنة شغلل
مريم: منو،ضحك وكال
فهد: احنة
مريم: اووي فهد وخر، سحبت ايدي ونهزمت يم زينب
زينب: شلون طلابة هااي هسة انتي مزوجتني اني لو فهد
مريم:چاا غير اليوم السهرة يمج
زينب: شلكيتو حضي
مريم: منتاخر لان ورانة كعدة الصبح
زينب: اكره كعدة الصبح يمهه لجيبين طاريهة اروح للصالون اني وفراشي غير هيج ماكوو
مريم: محد كلج روحي صالون
زينب: ليش انتي متروحين
مريم: لاا شناقصني قابلل واني اضوج اذا خرب المكياج وماطلع نفس ماريد احب اني اتفنن بوجهي وماحب الهوسة احب المكياج الهادئ يبرز الملامح اكثر
زينب: ولجج غير عليوي خبصني الة انتي تروحين وياهاا فلك يطرك كون
مريم: ولجج لسان لو رشاشة
زينب: تعاي انتي شو وجهج اصفر شبيج مصطورة بكصتج
مريم: مادري كعدت ضغطي هابط ومستبردة الة اكلت واخذت علاجي صرت احسن
شهد:ولجج خاف حاملل لتاخذين علاج متعرفي
مريم: عزاا منين حاملل لاا
زينب:ويكلولي ليش تحجين اذا اكوم اركع صماخج ب الحايط احد يكلي لييش منين شنو چاا فهد شنو بياع خضرة فوك
مريم: لاا بس يعني ادري بنفسي ماعندي اعراض حملل
شهد: ايي ميخالف تاكدي انوب
مريم: نشالله بس مو تشهروني
زينب: سرج ابير مزرف
مريم: ادري بيج زنيبة، هذني عايشات اللحضة واني انوب بس اجفص جانت الساعة 5 العصر بلشنة نسوي العشة ولبيت مخبوص وعلي يمشي ويركص اجواء البيت اجنن تمنيت ميخلص هليوم وقررت اليوم بليل اخابر امي حتة اعزمهة ولو تاخرت بس ملتهية حتة مجال اخابر امي ماعندي استوة العشة جانت الساعة 6 ونص طفيناا وجنة محضرين كلشي كعدنة نحجي بين متصير الساعة 7 لان بعد وكت للعشة التهينة ب الحجي شفناها راح تصير سبعة ونص كمنة بسرعة صبينالهم العشة
واني طلعت للمطبخ انتبهلي فهد طبيت للمطبخ واجة وراية
فهد: مريم ليش هاي الفترة متكعدين ويانة تاكلين
مريم: فهد ماا اكدر اخذ راحتي ماا متعودة بوحود امير
فهد: مريم صاير شي امير محاجيج غاثج بكلمة احجي
مريم: لاا فهد شسالفة تضلم الولد بكيفك حاسبني اختة وماا مباوع بوجهي اصلاا بس هذا طبعي وهسة راح اكلل ارجع اكلل انتة
فهد: ماشي اكعد اكل وياج هناا شكو بيهة
مريم: شنو لاحكني وين ماروح حبيبي يعني ادري فراكي صعب بس مولهدرجة
فهد:لهدرجة واكثر مريمي
مريم: ابتسمتلة ورحت اصب الاكل كملت وكعدنة ناكل فهد صاير ابد ميستحي واني اصير طماطة من احد يباوعلي واني اكل
فهد بطل سوالفك واكلل حباب لتباوعلي هيج
فهد: خليني اباوع شضارج ب الموضوع بويه
مريم: ماكدر اكل وشخص يباوعلي
فهد: يلاا بوية اسفين اكلي
مريم: لتزعلل اني مو مريمك ومريتك
فهد: وعيوني الثنين وشمعتي ودنياي
مريم: جعل محد غيرك يتغزلل
فهد: شحدة اليتغزلل بوية غير اشلخة ثنين
مريم: هاا مو جنت اني العنيفة
فهد: وبعدج
مريم: خالك يكول حرام نحجي واحنة ناكلل اسمع كلامة واسكت، ضحك ع حجيي ورجع ياكلل شبعت وكمت خدرت جاي فهد كام يغسلل ورجع للصالة اجتي زينب وشهد وجايبات المواعين غمزتلي زينب وحجت
هاااا غدرتونة ونهزمتوو تتعشون وحدكم
مريم: اوي انتي منين اطلعين سوالف ترا انتي اكثر وحدة تدرين ليش ماكعدت وياكم
زينب: ايي نتلاطف وياج شوية ميصير يعني
مريم: لاا عمي يصير تلاطفي براحتج كللش تحبين اللطافة انتي كيوت
زينب: لك خالي اني كلشي
مريم: هههههههه ديلاا المواعين ينتضرنج
زينب: اعرف حضي اني
مريم: نشتغلل ونضحك جنة كللش فرحانين وماا محسبين ورة هلضحك شنو من مصايب صبيت الجاي وصحت لهمام اجة
همام: اكللكم شسالفة حاطيني ع الجاي اني لو لان كلبي طيب وتستغلون طيبت كلبي
مريم: ليش متبيع جاي اباب الشرجي
همام: خوش مشروع وانتي تخدرين الجاي
مريم: دروح مصدك وكام يخطط شكد فطير
زينب: ولجج هذا لو تكليلة انطيني كلياتك ينطيج ولله
مريم: عرفت طبعة كللش حنين وماعندة حقد ع احد ونقطة ضعفة انتي
زينب: اووي حبيبي شعندي غيرة اني
مريم: احمم متاكدة ماعندج
زينب: متاكدة مريوم لسانج
مريم: ضحكت عليهة وكملنة شغلل والبيت كلة نضفناا للساعة 11 بليل يلا كملنة حملة محد مسويهة قبل الكل طردناهم ب الحديقة كملنة يلاا طبو وانوب انطونة غراض فرح حتة نرتبهن واني جنت منتهية من التعب بس ماعفت البنات وحدهن غراضهة جانن هواي بحيث نرتاح ونرجع نرتب
زينب: اوف يمة ضهري شدعي عليك علييي
مريم: كلبي اشنج اني وكلش نعسانة
شهد: روحي رتاحي عمري احنة نكمل موزين تتعبين هسة تتخربطين
مريم: ليش مكبرين الموضوع مابية شيي نكمل سوة يلاا اروح انام
زينب: ربيي ليش متكلب افراح طلي ونوفرر اكلل للعرس شمستافدين منهة احنة
شهد: تريدين العالم تموت بسمهة
زينب: اي ولله هم صدك صايرة ذكية ماعرفتج ولج
مريم: اذا تعاشرج شيصير شبيهة
زينب: ايي اخليجن فويسدات
مريم: كملي عزيزتي، ضلينة هيج للساعة 2 بليل طلعت للغرفة مثل السكرانة فتحت الباب وكعدت ب الكاع رجلية صارن خيوط فهد منتضرني منايم شافني هيج وبسرعة اجة يمي
شبيج مريم جنتي بحرب
مريم: يمهه تكسرت فهد بعد مابية حيل اوكف ع رجلية
فهد: سودة علية يعيوني انتي كومي اسبحي ورتاحي يلاا
مريم: الله مي دافي واطلع انام بفراشي
فهد:مريم لتموعين حبيبي ماثر عليج التعب يلاا كومي
مريم: مغمضة عيوني وامشي رحت للكنتور طلعت تراك خفيف وطبيت للحمام بدون ماحجي سبحت ع السريع وطلعت رحت للجرباية ولمنشفة براسي مددت ونمت بدون مانشف شعري او اشيلهة حتة اريد بس اغمض حسيت المنشفة نشالت من راسي فتحت عين وحدة واشوف فهد ينشف بشعري فتحت عيوني ثنينهن وصفنت بوجهة
فهد: اذا بيج هذا الحيل للصفنة ليش مهملة ومديرين بالج ع نفسج شفتي اليوم شصار بيج مريم
مريم: فهدد تعبانة تفهم عوفني انام
فهد: نامي نوم العافية يلعافية
مريم: احبك
فهد: اعشكج يماي عيني
مريم: انتضرتة يكملل وانام بس هوة عبالة نمت جاب المشط وحط شعري ع رجلة وصار يمشط شبر شبر واسمعة يحجي بصوت ناصي ويقرة معوذات وايات قرانية هذا صدك خايف من العالم ابتسمت وكملل شعري وعافة راح ضم المنشفة ولمشط واجة مدد وسحبني لحضنة وكلت هسة اكدر انام .
----------------------------------------
فرح
اليوم احلا ايام عمري بداية جديدة بحياتي الشخص الحبيتة صرت ام بيتة صرت ع ذمة الرجال الي حبيتة وراح نكملل حياتناا سوة ع المرة قبلل الحلوة
كملت وجهزت نفسي وجهزت كلشي بس مكاعد اكدر انام من التفكير دزيت رسالة العلي واني ادري بي نايم #ڪــڔٰا̍ڕ
- اني اعلمك اذا ماطلع هاي النومة من عيونك ادلل، سديت التلفون ونمت.
----------------------------
مريم: حسيت ع شخص يسحب بشعري عن وجهي ويكعد بية فتحت عيوني واشوف الوجه الاحبة كدام عيوني
فهد:الساعة 10 يحلوة كرايبنة بلشو يجون
مريم: كرايبكم؟
فهد:ايي شبيج شنو الغريب
مريم: ذكرت اهلي وكمت من مكاني وحسيت غصة بصدري صارت ليش هيج اني غبية لييش نسيت
فهد: مريم شصاير
مريم: فهد نسيت ماخابرت امي ليش اني غبية هييج ولله مشتاكتلهم
فهد:اهدي مريم وداعت عيونج خابرتهم من صعدت البارحة ورة العشة وحجيت وية ابوج وقبلل وهسة همة ع جية
مريم: سمعتة حجة هيج وكمزت لحضنة
فهد: ايباااه لو ادري احصل هيج حضن جان من زمان جايبهم
مريم: شكرا فهد متدري شكد فرحتني
فهد: ماسويت شي يعمري يلاا كومي حضري نفسج شوفي شغلج بس لتتعبين كفيتي ووفيتي البارحة واني محذرج بس انتي مهملة ع صحتج
مريم: حاضرر تدلل
فهد: اكويلي الدشداشة رايح اسبح
مريم: فهووود
فهد: عيونة لفهوود بس لتحجين هيج
مريم: يعني راح يشوفوك ب الدشداشة السودة الطلعت تشك بيهة
فهد:بويه غير ذوقج هذا
مريم: ايي اني اعترف ذوقي مو حلو ف مازعلل شوف غيرهة اصلاا كلشي يلوكلك
فهد: يمة من سوالفج بويه البسهة وبطلي غيرة شوية اني ماراح افوت هناا لتخافين
مريم: تمام براحتك اصلاا انتة الراح تتحمل سوالفي
فهد: اي اتحمل شعندي قابل
مريم: اخذ ملابس وطب للحمام كويت الدشداشة وعلكتهة لميت شعري ولبست شالي حطيت عطر ونزلت جان البيت هوسة نوعاا ماا شفت نسوان رحت سلمت عليهن وكعدت يم خالة سعاد وكلتلهة راح يجون اهلي
سعاد: الف هلاا بيهم يمة الله يديم هلفرحة ع وجهج بنيتي
مريم:ويديمج النة خيمة فوك روسنة وميحرمنة منج
زينب جانت رايحة للصالون طبيت للمطبخ عود داساعدهم شفت جيش مال بنات سلمت وساعدتهم شفت فهد نزل ورحت وكفت يمة وحجيت
ويين استاذ فهد مشوف الجيش الي صاير هناا
فهد: وشعلية بوية غير اطلع
مريم: غطي وجهك وامشي
فهد: مريم كل عقلج شبية استحي واغطي وجهي
مريم: زين امشي وياك اوصلك للباب وارجع
فهد: امشي امري لالله
مريم: لزمت ايدة ومشينة وصلتة لباب الكندور وهوة يضحك علية طلع وسديت الباب ورجعت للمطبخ اباوعلهن كلهن يضحكن علية لهدرجة اني اضحك، تعبت من الوكفة واني مو ماكلة شيي من البارحة صعدت فوك شسورت شعري وكويتة حطيت مرطب الوجهي حضرت الملابس الردت البسهن جنت كللش متحمسة اجرب الفستان لان شكلة كيووت وبسيط كللش حطيتهن ع الجرباية ولميت شعري بس رفعتة كلت يخرب الكوي نزلت بعدني ع الدرج واشوف خالة سعاد وبيبي يسلمون ع امي لحضة متنوصف ماعرف كم شهر صارلي مشايفتهم انتبهت النور وتغيرت ملامح وجهي هاي مو اختي مستحيلل شصاير بيهة وشبي وجهة نزلت ورحت حضنت امي وبجت بجيت وياهاا لوو تدري شكد مشتاكة لحضنهة وعركاتنة وسوالفنة صح ماحسيت نفسي غريبة هناا بس جانت صعبة علية افارك اهلي مو دائماا اخذ راحتي خاصتاا هلبيت مو بيتنة اخذت اخوي مروان منهة الي عمرة راح يصير 3 سنوات اني الي ربيتة جنت اعتبرة ابني جان كللش متعلق بية حسيت نفسي نولدت من جديد من شفتهم بس ضلل بالي يم نور انطيت مروان الامي وحضنت نور بس اول مرة نور تبجي هيج استغربت سحبتهة وصعدتهة فوك سديت الباب وحجيت
نور حبيبتي شبيج شبي وجهج احجي منو مسوي هيج بوجهج
نور: مريم شخص تقدملي ولحقير امجد نهة علية واني اصلاا ماوافقت ع الشخص الي تقدملي دافعت عن نفسي وحجيت وكتلة اني لاا اريدة ولاا اريدك وشوفي شسوة بوجهي
مريم: هذا الحقير امجد حاط عينة عليج ابو النسوان وانتي بعدج صغيرة مو مال تتحملين مسولية زواج
نور: وهوة هذا الاريدة من نرجع راح تصير كعدة وابوية ولشيوخ يخلونة يسحب نهوتة
مريم: هذاا عبالة العالم بعدهي ع التخلف مالتهم شوفي افشخي راسة ولتخلي يسوي البالة لهناا وبس ضلمونة هوااي .....
