رواية أحببت من لايبالي الفصل الثالث والثلاثون بقلم مجهول
براء : كاعده بالدرس وبالها مو يم الدرس اصلا .... تفكر بوضعها وبكلام نجمه معقوله اني قسيت بقراري ويه بيج قصص عراقية واقعية دوسو على الرابط
زين .... صحيح اني ماانسه افضاله عليه وحقيقه هو سوالي اشياء ابويه ماسواها الي ماانكر اني ... بس اكو شي بداخلي يمنعني حتى اباوع لوجهه اني تحملت مذله واهانه من الكل بعد كافي لهنا وبس
رقيه : همستلها ... براء انتبهي لا تكومج المدرسه فجاءه
براء : صحت من صفنتها .... و رجعت تنتبه للدرس
المدرسه : يله منو تكوم تشرح
براء : شوكت يخلص الدرس افف
المدرسه : براء انتي ويانه
براء : هزت راسها
المدرسه : باوعتلها بعدم رضى .... رجعت تكمل الحصه ...... دك الجرس اخذت غراضها .... براء تعالي ورايه
براء : كمت وراها
المدرسه : ماما تره ماعاجبني وضعج صايره هواي تصفنين بالدرس واصلا مو ويايه بيج شي
براء : هزت راسها
المدرسه : ماما لا نتاثر بالظروف الي بالبيت هنا احنه جايين ندرس ونحقق نجاح المشاكل والخلافات نعوفها بالبيت ونجي هنا نكون طلاب بس ندرس فهمتي .... انتي شاطره لاتخلين الظروف تاثر على مستواج .... يله وعديني انوب نركز بالدرس ونرجع شطاره مثل قبل
براء : هزت راسها ماكده على كلامها
المدرسه : يله دخلي لشعبتج راح تجيكم مدرسه
براء : دخلت للشعبه ... اجتي رقيه
رقيه : هاج هاي العشبه تكول بيبيتي شربيها ويه ماي دافي كبل لاتنامين واول ماتكعدين
براء : كتبتلها شكرا ... بس شكد سعرها
رقيه : مو عيب اني طلبت منج فلوس
براء : كتبت ... لا مااخذها اذا متاخذين فلوس
رقيه : تره ازعل عليج والله .... اصلا بيبيتي تسوي اعشاب للي يحتاج بدون متاخذ فلوس
براء : كتبت ... بس ميصير
رقيه : لا يصير يله اخذيها
براء : ابتسمت بهدوء .... شكرا
رقيه : ولو تدللين بس سؤال
براء : باوعتلها
رقيه : المدرسه شرادت منج
براء : كتبت ... مرادت شي بس تسالني على صوتي
رقيه : لاتخافين تكول بيبيتي انشالله بس تستمرين عليها يرجع صوتج
براء : هزت راسها .... دخلت المدرسه وبدينه الدرس ..... كملنه الدرس وطلعنه للبيوت .... وكفت بره شويه واجو ... صعدت .... لوحت بمعنى هلوو
نجمه : هلو شلونج
براء : هزت راسها
دارين : ليش هيج وجهج
براء : لزمت وجها مستغربه
دارين : ليش هيج شاحب طالع يخوف
نجمه : باوعتلها ... بضوجه مابيها شي متوهمه
براء : ضلينه ساكتين وبس دارين تحجي ماسكتت ساعه وجهج شاحب ساعه جنطتج تلعب النفس ساعه شالج مخربط جزعتني
دارين : اليوم شفنه اخوج بالكليه ... طلع حلو مايشبهلج جاا انتي عليمن طالعه
براء : لارد
دارين : اعتقد انتي يصيحولج طفره ... لان ما تشبهين اهلج
براء : ياالهي غير تسكت .... وصلنه للبيت سلمنه وصعدنه ... دخلنه للغرفه اخذت ملابسي ودخلت للحمام غسلت وتوضيت .... بدلت وطلعت اصلي
نجمه : من وره خشمها كملتي
براء : هزت راسها ... اجتي تدخل للحمام ورجعت ... مدت اصبعها الخنصر
نجمه : ببرود ... نصاحب
براء : ابتسمت حاضنتها
نجمه : حضنتها حقيره فورتي دمي البارحه وجبرتيني اضوجج بالحجي
براء : راحت طلعت الدفتر ... كتبت اسفه مو قصدي اضوجج بس حاولي تعذريني حالتي النفسيه تعبانه هالفتره
نجمه : عاذرتج بس مااقبل تكولين اكرهه زين واريد اتطلك منه .... اني لو مااحبج مااحجي وياج هيج جاا كتلج يطبج مرض بقيتي ولا رحتي ميهمني .... بس انتي اختي حالج من حال شمس وجميله تردين اصفكلج من ادري تردين تعوفينه ...... لزمت ايدها براء اذا تاخذين الموضوع من وجه نظر الزلم حتكونين انتي الغلطانه ... بس على العموم للنحجي بهالموضوع هذا هسه اهم شي عندي انو منتعارك
براء : هزت راسها
نجمه : يله اروح اغسل واتوضه انتظريني مو تصلين
براء : لبست الجادر وكعدت انتظرها ... طلعت ووكفنه نصلي .... كملنه صلاه ونزلنه جوه
نجمه : يمه شوكت نتغده اريد انام
مريم : صبري خلي يجون
مريم : صبري خلي يجون
نجمه : خلي نتغده احنه وانتو عود تغدو وياهم من يجون
مريم : لا كلت نتغده سوه انتظري هسه ربع ساعه انشالله همه هنا
براء : وكفت احضر المواعين وين البنات
جميله : شفت مريومه دخلت .... نجمه عفيه جاي انظف الخضره .... شيليها طلعيها بره الكدور على النار لاتجي يمهن وتنجوي .... لاتدنين ماما جو اوا
نجمه : شالتها انتي ليش ماتكعدين حيوانه
مريومه : برطمت
نجمه : يبووو لاتبجين
براء : نشفت ايدي من الماي ورحت اخذتها من نجمه وطلعت كعدت بالصاله .... بستها حرامات مااكدر احجي وياها
مريومه : لزمت حنجها .... هاي اووا
براء : هزت راسها
مريومه : باستها ... هسه تسير ذينه ( هسه تصير زينه )
براء : ابتسمت بايستها .... علكت التلفزيون وخلت مريم بحضنها وكعدت تكلب على شي حتى تكعد مريم وتكول تساعدهن ....سمعت الباب تنفتح باوعت خالو والولد دخلو .... شلت مريومه وكمت
جهاد : اكول ليش البيت منور اليوم طلعن حلوات بيتنه كاعدات
براء : ابتسمت بهدوء
سجاد : شمسوين غده
براء : شلون اشرحله اشرت على المطبخ .... دخل حسن وراهم اباوع مريومه كامت تسوي حركات من شافت ابوها يمكن تركص
حسن : هله هله شهاليوم الحلو حبيبيه ابوها كاعده ..... اخذها .... اروح فدوه للي منتظره ابوها بالباب ....بوسها
براء : اباوعلها شلون شابكته تضحك وتسولف وياه
سجاد : خرب يومج شكد لوكيه
حسن : نجب لك
براء : حسن اخذ مريم وصعد هم والولد واني رجعت للمطبخ اصب الغده ويه البنات ... نزلو الولد ونقلنه الاكل وكعدنه نتغده
دارين : جاا وين زين
مريم : يتاخر
دارين : ليش هو مو كل يوم يجي بحدود الوحده او الوحده ونص
خوله : كلتلج يتاخر كافي بعد
دارين : عوجت حلكها
براء : اباوع لدارين ... شكد سخيفه هي شعليها يتاخر لو لا شنو ميته عليه
نجمه : قصي جهازك يدك
قصي : احم ... رفضه ... رجع دك مره ثانيه وهم رفضه
جهاد : منو جاي يدك عليك
قصي : هاا رقم غريب
جهاد : رد شوف منو خاف اكو شي مهم
قصي : غلقه لا عود وره الغده ارد
جهاد : براحتك
براء : كملنه اكل وكمنه شلنه الاكل .... صبينه جاي انطيتهم وصعدت شربت دوايه ونزلت دخلت للمطبخ .... واكفه اغسل مواعين وسمعت صوت تكسير قوي طلعت اركض وجان اشوف .... زين واكف وجار قصي يضربه ويصيح بصوت عالي ومدري شكاسر وخطيه الولد يردون يفكوهم ميكدرون وخاله مريم صايره بنصهم تريد توخرهم بس زين مجلب بقصي
زين : بصياح صار ساعه ادك عليك ليش ماترد هااا كوا....
قصي : وخرررررر شبيبييييك تخبلت
زين : ضربه على وجهه لك سافل حيوان تروح تضحك على بنات العالم وتستغلهن يالماعندك غيرره ولك مافكرت يعملون بخواتك وبناتك مثل ما جاي تعمل بالبنات ولك انت حرررام تسمه رجال حالك من حال الكواو..... والي...... وين ما اكو نسوان يسبلون ويتعرون
لؤي : نجر بي ماينجر ...... شبيك زين ولك صدك تحجي وخررر عنه مردت وجهه
زين : ولك هذا واحد حيوووان وطايح حظه وماعنده شرف
لؤي : هسههه غير نفتهم شكو
زين : دفع قصي ... اسأل الشفيه الكدامك هو يحجيلك شمضخم
مريم : ولك شمصخم احجبيي
قصي : لارد
زين : صدره يصعد وينزل بسرعه من العصبيه .... ماتحجي ليش ساكت
قصي : ماكو موضوع تافه بس زين مكبر الموضوع
زين : دفره حيللل ... بصياااح لو الموضوع يخصك جاا كلنه يطبك خاص بصفحتنا قصص عراقية واقعية دوسو على الرابط وانضموو h
مرض ومحد يدخل بس من تسبب مشاكل لغيرك وتسوي مصايب وتشوه سمع هناك لازم واحددد يوكفك عد حدك و يوكلككك تبببن
حسن : جرينه زين موخري عن قصي ... لخاطر محمد احجو عليمن هالعركه وانت زين كلامك كله مبهم ... اجيت ضربته واخذتنه بصوتك العالي دفهمنه عليمن هالهوسه
سجاد : اي احجي يمعود مو وكفت كلوبنه
زين : يباوع لقصي بنظرات حقد .... سمعو .......
قبل ثلاث ساعات
****************
زين : طلعت من العمليه ودخلت للمكتب حتى ارتاح .... كعدت اشوف بعد جم عمليه عندي اجتي رساله على حسابي .... من وحده
: كاتبه هلووو حبيبي بعدك زعلان مني والله اسفه اليوم ادزلك الصور بس لاتزعل ....
زين : عقج وجهه .... هاي
زين : عقج وجهه .... هاي شبيها .... مارديت خلي تولي عايزني اني
:حبيبي جاوب ليش تشوف الرسائل وماترد .... والله نشلع كلبي ياله لكيت حسابك لان ماقبلت تنطيني ياا .... شايف شكد دورت على حسابك والله طاحن اديه ياله لكيتك بس ليش تشوف الرسائل وماتجاوب
زين : باستغراب هاي شبيها شنو شاخطه ... سديت الموبايل مالي خلها
: حبيبي زين جاوب ليش ماترد
زين : زهكت منها .... كتبت ... شتردين منو انتي ؟
: شنو ماعرفتني .... اني حبيبتك نازك
زين : باستغراب نازك منو .... عفتها ماجاوبتها هاي مبينه وحده بايعه روحها وتريد تجرب حظها .... اجيت اكوم دزت صوره شفتها تفجاءت .... هاي سبحتي النيليه ملفوفه على ايدها شلون اجت لايدها .... منين جبتي هاي السبحه
نازك : مسوي روحك ماتعرف
زين : هاي شجاي تحجي .... احجي منيلج هاي السبحه
نازك : زين شبيك شنو ضربك زهايمر لو لان زعلان مني هيج تحجي لا تحرك كلبي الله يخليك تذكر من دزيتلك رساله بايد عماد ابن اخويه وبالعلامه من رجعت من عرس اخويه قائد مباشرتا خابرتني وضلينه نتواصل لحد ما صارت بيناتنه علاقه .... هااا
زين : انصدم .... هاي وحده من بنات شيخ جلال ...زين منين تعرفني ومنو اطاها رقمه ويحجي وياها على انو هو اني .... يالله انوب طلعتلي هالسالفه جماله .... خلي اجاريها بالكلام ذكريني ليش دزيتيلي الرساله
نازك : خفت لاتروح وبعد مااشوفك لان عرفتك كاعد بمحافظه بعيده ومو منا فماجان عندي غير حل انجبرت اخاطر واكتبلك رساله مااعرف منين اجتني الجرئه او شلون هيج سويت بس والله حبيتك من اول ماشفتك ... ومتتصور شكد فرحت من رديت عليه وهسه فرحانه اكثر لان صارت بيناتنه علاقه بس انت مااعرف شبيك هالايام
زين : دزيلي الرقم الي تراسليني منه
نازك : ليش
زين : مالج علاقه دزي
نازك : يله راح ادزه واروح مو تنسه خابرني بالليل منتظرتك حبيبي محح
زين : دزت الرقم ... نسخته واجيت اخابره اريد اعرف منو لاعب هاللعبه الحقيره هاي .... دخلت الرقم ... طلع من ضمن جهات اتصالك ... "قصي " ..... عيونه صارت براسه ... لا يا سافل ياقصي .... دكيت عليه ... مايرد ضليت ادك وهو مايرد ... بسيطه اذا مااطيح حضك اطلع كلب ابن كلب .... كمت بقتلي عمليه وحده واكمل .... جايك قابل وين تطير
****************
زين : وهذا الي اخوكم مسويي ..... الحقير يضحك على اعراض العالم ويذب السالفه براسي
قصي : لاتجذب ماكو هيج شي
زين : ضربه بوكس .... اكل تبن حيوان البنيه قابل تجذب حضرت جنابك متزاعل وياها على حساب صور .. و لان حظرتك تحاجيها على انو انت اني ... راسلتني على حسابي الشخصي تعاتبني لان زعلان منها
مريم : لطمت على وجها .... ولك صدك هذا الحجي
زين : يمه وعافيتي ما جاي اجذب هاي الرسائل اقريها اذا ماتصدكين
مريم : بجت ولك ليش هيج مو حرام عليك ... شمسويتلك البنيه وتضحك عليها ولك ليش تورط اخوك
لؤي : جره من هدومه ولللك مافكرت اذا اهلها درو شراح يسوون خاصتا ابوها يصير صديق ابونه ولك الى متى تضل تركضض وره غريزتك مثل الحيوووانات
سجاد : ولك ماغزر بيك ضيافه الرجال النه ومعاملته الطيبه ويانه تروح تضحك على بناتهم مااستحيت
قصي : بعصبيه هي دزت الرساله اني شعليه قابل اني كتلها دزي رسائل
حسن : لك انت غبي لو تستغبي .... تكدر بكل بساطه تمزك الورقه وتذبها بالزباله حتى ماتجيب حجايه لا الك ولا للبنيه .... مافكرت بموقف البنيه من تدري بيك مو زين ليش ضحكت عليها تقبل تجي وحده تجذب عليك
قصي : لارد
براء : ضليت صافنه .... هاي شنو ماتوقعت قصي بهالحقاره شلون يكدر يسوي هيج بعملته راح يسوي مشاكل الها اول مالها اخر .... خطيه اباوع لخاله مريم تبجي وتكول هسه الله يطلع حوبتها ببتي .... خالو جهاد واكف يباوع مانطق ولا كلمه
جهاد : كوم مريم .... كومي مريم لاتسوين هيج بروحج ... كومها .... وكف كدام ولده .... الموضوع هذا متحجو حتى ويه خيالكم مفهموم
الولد : حاضر
جهاد : دار على قصي مااريد اضربك اخوك خوش مشتغلك ... بس هي كلمه وحده وماتصير ثنين .... البنيه تحضرها وماتراسلها بعد ومنا لنهايه الاسبوع راح اسوي المفروض ... والي اكوله يتنفذ بدون اعتراض اي واحد بيكم والي يعترض اطيح حظه وكلامي غير قابل للنقاش وانت ياقصي اقسم بالله اذا سمعت بيك مراسلها لو محاجيها اسحب منك كلشي واخليك مثل الجلب بالشوارع فتهمت
قصي : بس
جهاد : وهم الك عين وتحجي اشششش سكد حلكك صوتك مااسمعه .... تعاي مريم ... خذاها وصعد
لؤي : بس خلي اكلك شغله ... المايخاف الله بعراض العالم لاخير البي تفف عليك .... عافه وراح
براء : البنات صعدن ويه الولد وقصي طلع من البيت ..... اباوع المزهريه كلها مكسره بالكاع ... رحت جبت مكناسه وكعدت اكنس الكزاز .... كنسته وشلته ذبيته .... طلعت تريد تصعد .... غمضت عيونها متالمه .... شالت رجلها دخل كزاز بيها هاي منين اجه مو كنست الصاله كلها .... تحركت على كيفيها راحت كعدت على القنفه رفعت رجلها شافت الكزاز مجرح رجلها .... بالم شلون اطلعهن هسه كله كزاز ناعم
زين : طلعت من الاستقبال اريد اصعد لغرفتي شفتها كاعده بالصاله ورجلها كلها دم ... راح بسرعه شبيها رجلج
براء : لارد
زين : كعد كبالها شو اشوفها
براء : اجتي تكوم
زين : دفعها .... وبحده كافييي كعديي خلي اشوفهااا
براء : كامت
زين : بعصبيه ... كافيييي كلتتت لاتتحركيييين
براء : خنسكت
زين : راح جاب الاسعافات من المطبخ .... طلعت ملقط ومعقم ولاصق جروح .... اخذت رجلها ... بديت اشيل الكزاز الناعم من رجلها ... اباوعلها تعض شفتها متالمه ... ببرود لاتعضيهن
براء : تباوعله باستغراب
براء : تباوعله باستغراب
زين : سحب حنجها محرر شفايفها .... ورجع يطلع الكزاز كمل مسح رجلها من الدم وعقمها ولفها .... رفع راسه شافها تباوعله صفن عليها .... تنهد تكدرين تمشين
براء : كامت ماشيه على اطراف اصابعها .... صعدت اول درجه وحست نفسها نشالت باوعتله
زين : ببرود خلي اساعدج اذا تضلين تصعدين درجه درجه ماتوصلين لباجر
براء : تحركت بايده تريد تنزل
زين : بعصبيه وتالييييي
براء : تباوعله بنظرات عدم رضى
زين : صعد بيها للغرفه وصل لغرفه نجمه .... فتحي الباب
براء : لارد
زين : خزرها
براء : بسرعه فتحتها
زين : دخلت للغرفه ماهي نجمه .... خليتها على الجربايه
براء : طلع .... وصل للباب ورجع
زين : تقرب عليها هامس .... مره ثانيه اذا تعاندين وداعت عيونج اتصرف وياج غير تصرف .... خله انفه على خدها ... صحيح اني غلطت وماانكر هالشي واستحق الي صار بس مال تتبعين وياي اسلوب العناد والتجاهل ... لا ساعتها راح اتعامل وياج بغير طريقه .... باس خدها مفهوم
براء : تباوع بعيونه ... وعيونها مدمعه
زين : حس على روحه .... كام اسف ماقصدي اتقربلج او احجي هيج بس جانت غايتي اساعدج يله اخذي راحتج .... عافها وطلع
براء : نزلت دموعها .... اجه على بالها كلام نجمه .... " زين يسكت يسكت ويتحمل بس تالي يفقد وساعتها يضل يمقت وجودج
نجمه : دخلت اني والبنات .... شبيج براء
براء : مسحت دموعها .... هازه راسها ... نافيه .... كعدن البنات
نجمه : اففف شلون سالفه طلعتلنه صفح
جميله : ماتوقعت قصي يطلع منه هيج شي
شمس : خطيه البنيه شنو ردة فعلها اذا عرفت قصي ضاحك عليها
دارين : براء شنو ردة فعلج لو خطبها عمو جهاد لزين
نجمه : عادي عدها لان اصلا هي ماتحبه
براء : صارت عصبيه .... بكلبها هاي شتحجي شنو يخطبوها لزين
جميله : بخبث .... اي اني سمعت من حسن يجوز عمو جهاد يخطبها لزين لان خطيه هي عبالها الي يحاجيها زين
شمس : صدك تحجين
جميله : اي وداعه دارين قابل اجذب
دارين : يعني عمو جهاد صدك اباله هيج شي
جميله : اي .... لان يكول البنيه خطيه شنو ذنبها
براء : بكلبها ... شنو هو بكيفهم
نجمه : الله كريم منا لنهايه الاسبوع نشوف شيصير
شمس : انتي شايفتها لهاي نازك
نجمه : لا والله ماشايفتها بس امي تكول تخبل
شمس : زين هو الشيخ عنده جم بنيه
نجمه : حسب الاعرفه نازك الجبيره وسرى الوسطانيه وحور الصغيره
جميله : هاا
شمس : بنات اني حاسه باحساس مو حلو احس راح يصير شي موزين
جميله : اسم الله انشالله ماكو شي
دارين : براء تقبلين زين يتزوج هاي الاسمها نازك
براء : بسرعه نفت
نجمه : ليش انتي مو تردين تنفصلين عنه خلال الفتره الجايه
دارين : بفرح صدك
براء : خزرتها .... وكامت تعرج
نجمه : وين رايحه وشبيها رجلج
براء : اشرتلها ماكو شي .... دخلت للحمام وسدت الباب .... بكلبها حقيره كلبه شلون فرحانه .... معقوله زين يقبل يتزوج عليه ... بجت زين اني ليش ضايجه مو كلت مااريده واريد انفصل عليمن ابجي .... زادت بالبجي انوب طلعتلي هاي البنيه جماله مكفاني نور ودارين لاحكاتني عليه وهسه راح تجي هاي ..... يارب كون ميتزوج هاي البنيه معقوله يتزوجها ويضل يحبها لعد واني .... لا مو بكيفه والله اكلب الدنيا ومااخلي يتزوج .... زين مالتي والله الي تدناله اشرب من دمعها .... صحيح اني زعلانه منه هسه بس مااقبل اي وحده تدخل حياته غيري .... كمت غسلت وجهي وطلعت لكيت البنات طالعات بس نجمه موجوده .... تمددت على الجربايه
نجمه : باوعتلها مبينه باجيه .... نقهرت عليها ادري بيها ضاجت من الموضوع بس شسوي لازم تحس شويه زين يحبها وهي تحبه اكبر غلط انو تفضل كرامتها وتفكر بالانفصال .... وهو اصلا الحب مابي كرامه .... اكو حكيم يكول من يضع كبرياء في الحب فهو احمق
براء : ضلت تفكر بالموضوع لحد مانامت
_________________
جهاد : كاعد كبال مريم الي ماسكتت بس تبجي ... كافي يامريم
مريم : تبجي ... شلون تريدني ماابجي واني اشوف ولدي يتكاتلون جنهم عدوان لو ابني المدللته طلع يضحك على بنات العالم
جهاد : يعني قصي جديد عليج من زمان هو ابو بنات
انا فتاة بسيطه انقل رواياتي ليس لاكون مشهوره بل ! لاؤثر بقلوب قرائي🍂🍁
مريم : ادري بس ما توصل ..... يروح يسوي علاقه ويه وحده ويكلها اني فلان .... ويورط اخو .... الكاتلني البنيه فد فقيره مرت جلال دائما تسولفلي على بناتها .... انت ماشايف نازك .... جهاد تخبل ومبينه فد حبابه .... اني الاحجي على الولد الي يلعبون على بنات العالم تاليتها طلع ابني مثلهم
جهاد : ااااخ اني صوجي من البدايه خليته على راحته يطلع ويطب ويه الي يريده ماحاسبته مثل اخوته لمن تاليتها نطعج وطلع عن الصح
مريم : مسحت دموعها ..... وهسه شراح شراح تسوي
جهاد : راح .....
_______________
براء : كعدت بالليل .... كمت صليت وكعدت اقره نجمه اجتي كعدت يمي تقره .... وره ساعه راحت نامت لان الظهر مانامت ..... واني رجعت اكمل دراستي .... وره ساعتين مليت اخذت كتابي ومحفظتي ونزلت اريد اشم هوه اختنكت من الغرفه نزلت جوه اعرج رجلي توجعني ..... طبعا البيت صنته محد طالع من غرفته لان الجو كله موتر وبس واحد يحجي نص حجايه تكب العيطه .... فتحت الباب وطلعت للحديقه اشششه بارده بس احسن من كئابة البيت .... تمشيت اريد اكعد على المرجوحه اكمل دراسه .... شفت
زين : كاعد بره ادخن مخنوك من البيت وموضوع هالبنيه ماجاي يطلع من راسي وخايف من عواقب هالسالفه الي الله يستر منها .... رفعت راسها شفت حبيبتي تمشي بتجاه المرجوحه .... شافتني .... كمت .... تعالي كعدي اني داخل جوه .... مشيت .... اجيت اعبرها صارت بوجهي ... وخرت للجهه الثانيه هم صارت كبالي ..... بهدوء شتردين
براء : لازم احجي وياا .... اشرت على الدفتر
زين : شنو
براء : لتروح اريد احجي وياك
زين : راح كعد على المرجوحه .... اجت كعدت بعيد عنه بشويه ..... كتبت اريد اسالك سؤال ..... تفضلي
براء : منو نازك
زين : تنهد على حسب علمي بنت الشيخ جلال
براء : انت شايفها
براء : صدوك خالو جهاد راح يخطبها الك
زين : طبك حواجبه مستنكر .... منو كلج هالحجي
زين : لا
براء : صدوك خالو جهاد راح يخطبها الك
زين : طبك حواجبه مستنكر .... منو كلج هالحجي
براء : كتبت يعني صحيح
زين : طبعا لا .... هذا ياغبي ضاحك عليج
براء : حست براحه مبدئيا .... كتبت زين واذا خالو جهاد كلك لازم تخطبها تقبل
زين : اكيد لا شتحجين انتي .... معقوله تفكيرين ممكن اقبل على هيج شي
براء : كتبت .... وليش متقبل
زين : تقرب لازم ايدها بهدوء .... تتوقعين ممكن اخلي انسانه غيرج تدخل لحياتي .... اصلا شلون تدخل وحده لحياتي اذا انتي هي حياتي سبق وكلت وارجع اكول ماابدل اظفر منج بنسوان العالم كله .... ماانكر باخر فتره غلطت بحقج بس كتلج ما كدرت اسيطر على نفسي براء حطي نفسج بمكاني لو لنفرض ماكو دليل انو قصي محاجي هاي البنيه باسمي وهي عبالها اني الي اراسلها ودزلتلج صوره السبحه مالتي بايدها كدليل على كلامها وتاكديها لعلاقتي بيها شنو راح تكون ردة فعلج ممكن تتقبلين هالشي لاتكليلي اجي اسالك واتاكد من الموضوع بحاله العصبيه كلشي ينمحي وميبقه غير نار شابه بداخلك جاوبيني يله ممكن تقبلين
براء : كتبت لا
زين : بهدوء شفتي شلون ماتقبلتي الموضوع جااا اني شكول من اشوف صورج ويه واحد .... انتي خلي نفسج بمكاني خاصه اني رجال وتدرين بيه شكد معقد وصعب وخاصه بيج تذكرين شكتلج ... كلت اني اناني بيج براء ارفض وجود اي شخص بحياتج غيري
براء : نزلت دموعها .... كتبت بس هالشي ميبررلك الي سويته
زين : ضغط على ايدها ... اعرف وما جاي ابرر بس جاي اوضح موقفي الج .... حبيبتي اني مااريدج تسامحيني ولا اريد ترجعين مثل قبل بس كل الاريده تبقين كدام عيني وماتجاهليني واني مستعد اسوي اي شي حتى لو اضل منتظرج طول عمري لحد ما تجين انتي وتكليلي سامحتك ... اني كل الاريده هسه ماتفكرين بموضوع الطلاك ولا تفكرين تبعدين عني خليج بس كدام عيني هذا الشي الاريده
براء : كتبت شكد مستعد تنتظر
زين : انتظر لحد ماانتي تجين تكليلي حبيبي سامحتك حتى لو بعد سنين يصير هالشي هم انتظر ..... دنك بايس ايدها بعمق ... تكدرين تعتبريني صديق لا اكثر لحد ما تحسين نفسج كادره ترجعين برائتي القديمه ...شوفي براء اني عندي كبرياء مستحيل اكو مثله بهاي الدنيا ... بس من يوصل الموضوع يمج ماعندي مانع اقدم تنازلات حتى عن روحي الج .... انتي حب حياتي والانسانه الوحيده الي مجرد وجودها كدامي يخربط كياني ... ضغط على ايدها هاا
براء : تباوعله وعيونها يجرن
زين : تنهد ... خلص لا تضغطين على نفسج اعتبريني ما كلت شي اسف بعد مااتعرضلج .... اهم شي تسوين الي يريحج ... اجه يكوم لزمت ايده
براء : كتبت اني ....
