رواية الإرهابي وذات النقاب الجزء الثاني الفصل الثالث والثلاثون بقلم ام غايب
هـاا بغداد تعبـاانـةه ؟
هـاا بغداد حزنـاانـةه ؟
لآن حلوه زمـاانچ هيچ خـاان ويـااچ ✨
يوسف هـم حلـو وهم خـاانو خوانه 🌿
محتاجج ميمونه هيج اني مو مهم عندج
ميمونه .. تهددني تخوني خضر هيج صارت خوني براحتك
وسديته بوجهه وكمت ابجي واباوع على المقطع دزيتله رساله
والله اذا ماطلعت هسه اهجم الدنيا على راسك واذا بقيت
تباوع عساهه بالعمى عينك واذا طخيت هاي الوصخه تنساني
للابد مشافهه .
دكيت علي شغلني رجعت اتصلت شغلني فرفح كلبي
حقير ،حقير بسيطه خضر اكتب واحذف اكتب واحذف دزيتله رساله
خضر انساني انتهيت من حياتي بعد للاسف عليك والله اذا وحذفت الرساله
فلك .. شبيج تلوبين انتِ
ميمونه .. باوعت عليهه بحديه كلشي مابيه
فلك .. آيه بعدج تبجين يحظي على شنو البجي سوي دايت
وضعفي وخلي يتحسر عليج
ميمونه .. على شنو تضعف على شنو علمود منو آيه الي يحبج
يحبج النفسج والشكلج مو يتأمر
فلك .. اي بس بحالتهم لازم تسوي اغراءات وتخلي يتحكرص
عليهه انتو جنتو اعداء شلون فجأة انخطبتو
آيه .. حظي المصخم واللملطم
فلك .. ولج ابن خالتي الف وحده تتمنا
آيه .. هو والي تتمنى عساهم بالحرك وانتِ هم وياهم
فلك .. أأه ليش يمه
آيه .. انتو ناس باطلين شكو خطبتوني
فلك .. هلوو احنه كنالج قبلي وانتِ بكد النعال وينج وين الزواج
ميمونه .. كاااافي ان شاءالله راح تتعاركن
آيه .. لا نتعارك ولا نصخم بس كليلهه لتستفزني ولتقلد على جسمي
فلك .. ياااا ولج وين مقلده صدك كلمه قاسم ليش تتبلين
آيه .. طلعت من الغرفه ابجي مختنكه حيل كلشي صار سريع
بالبدايه اول مره شفته مثلي مثل اي بنيه تمر بمراهقه تنعجب
بأي شاب بس من قلد عليه متت قهر بعدها من اجه اخذ علي
وصاح بيه ادخل جوه بيومهه عقلي راح للغيره يغار عليه كمنه
كل مانلتقي بالفرع بالمنطقه من اروح للمدرسه اشوفه يباوعلي
وحده غيري بهذا العمر هم راح يروح عقلهه للحب
فجأة خطبني حسيت بكلبي دك الاول مره واعتبرت روحي
محظوظه جنت فرحانه وطايره من الفرح الاول مره احس
نفسي مرغوبه بالعاده الناس تصنف عليه وقاسم نظراته الي
وشعوري هو يحبني زاد ثقتي بروحي امي وابويه فقره جانوا
فرحانين وياي بدت الخطوبه وفجأة بيبي تخربط وقتهه من
عرف قاسم استعجل الزواج انطاني مبلغ اجهز نفسي ملابس
وهالسوالف وبالفعل جهزت ملابس سيتات نوم وملابس بيت
وبديت انقلهن الغرفتنه جان بيت قاسم غرفه ماخذين لان
ابو البيت قافل غرفه علمود اغراضهم وقاسم من كله كله
اشتري الغرفه البيهه معجبتني بس معترضت مردت اكلفه
وهو ماعنده فلوس بديت اروح وارجع اسفط الاغراض امي
كملت دشاديش اجيت اسفطهن وجان قاسم جاي واني ماادري
فاجئتني خاله وكالت فوك هو ديسوي الكلوبات مال غرفه
جان باقي العرسنه يومين
كتلهه لعد اروح افاجئه وصعدت وانصدم اجتي ترس أذني
من تصيحلهه توته شتحس
قاسم .. احس طيحان حظ اني استعجلت فلك
فلك .. عوفهه لتظلمهه وياك
قاسم .. خطيه اهلهه شنو ذنبهم وهيه هم
فلك .. لعد شلقينه والله لو تسمعك ميمونه
قاسم .. مكاعد اكدر فلك وين جان عقلي من خطبتهه خوش بنيه بس مكاعد اكدر اتقبلهه
فلك .. امداك قاسم اي والله امداك
قاسم .. انوب استغفر الله مو تحجين عليج الله
آيه ..يومين بعد الزواجنا اسمع هاالكلام جانت صدمه الي بقيت
ابجي بمكاني وواكفه واسمعه يجي علي الفرق الي بيني وبين
حبيبته القديمه نزلت وعفته بدون مااحجي مااعرف حتى ام قاسم
مشفتهه من نزلت رحت ال امي حجيتلهه وكتلهه مااريده بعد
جبرتني اكمل الزواج علمود العالم شيكولون عني ويتغير كل
رجال عنده سوالف قبل الزواج وانتِ وشطارتج بيومهه سأل كال
امي كالت اجيتي حاولت أأقلم نفسي واسوي روحي مسمعت
من شفت رد امي تجاه فسخ الخطوبه خيبة امل صابتني كتله
من شفت ماكو احد رحت
اجه العرس بوقتهه جنت حزينه الي درجه كلامه يطن بأذني
الدرجه حسيت ماعندي ثقه بروحي بالفعل حسيت اني محلوه
حسيت بجسمي بشع صرت من امشي اخجل وصار العرس بسيط
ودخلنا الغرفه واني خجلانه من جسمي ونفسي باوعت علي
حزين بجيت ماتحملت وهو اجه عليه
قاسم .. شبيج آيه خايفه مني مو
آيه .. باوعت علي بحزن واني عيوني تجري كلي لتخافين مااتقربلج الي ان تريدين انتِ ومن يومهه ممتقرب مني ابد وامه يمكن تعرف لان اليوم كالتله من بعد متعاركنه امداك هسه اذا طلعت مو ويعرفو بتهم بنيه يكولون مو رجال
صيح على امه وطلع بقيت يم ميمونه كاعده واشكي الي ان
استفزتني فلك وكمت كلامهه يمكن عادي بس اني وجعني تعبت
من نظراتهم الجسمي صعدت للغرفه ونمت واني ابجي حسيت
ايد تتلمس جسمي فزيت مخترعه رد اكوم ماكدرت صدك حسيت
بالفشله لان بسبب سمني حركتي ثكيله
قاسم .. لازم نكمل زواجنا
آيه .. ليش لان امك كالت اكول ممتقربلي ويكولون مو رجال اني لو اريد جان من اول يوم
قاسم .. اني علمودج متقربتلج والله تسونهه هو انتن النسوان
حقيرات كام من فوكايه ودار مثل المخبل انتِ يعني عود تشككين
هسه برجولتي مو ولان متقربتلج لج بابا علمودج اني بس اني
كلب ابن كلب يالله جهزي روحج هو هذا الي يقدر يطيح حضه
آيه .. اعرف بيك تحب وحده واسمهه توته اعرف واعرف متتقبلني لان سمينه كمت وكعدت ابجي شنو ذنبي اني الي يشوفك يكول اني او احد جبرك عليه ليش دكيت بابي لان اسمي مثل اسمهه اكو الف توته ليش اني كمت وكفت وباوعت على جسمي اعرف صح اني سمينه بس قبل لتطلع حياتي جنت متقبله روحي جنت احب روحي مجنت اخجل من جسمي هسه بسببك حتى الي ميحجي احسه ينتقد بجسمي جسمي الهاي الدرجه بشع
قاسم .. آيه لتبجين جسمج حلو والله اني الحقير
انتِ الف واحد يتمناج واني
آيه .. تعرف شتمنه اتمنى تطلكني وامي متحجي لاهيه ولا ابويه مااكدر اكمل حياتي ويا انسان اناني انت اناني قاسم انانيتك وصلتك لدرجه تختار وحده على اسم حبيبتك هسه من تصيحني باسمي تصيحهه لو تصيحني
قاسم .. اني
آيه .. سكتت لان ماعندك كلام تحجي انتَ دمرتني
دمرت كلشي بيه
قاسم .. لا لتاخذيهه بهاي الناحيه
آيه .. جنت احب واحد
قاسم .. لتلغين هيج
آيه .. اسمه قاسم
قاسم .. آيه
آيه .. تخيل بس اذا جان اكو هيج شراح يصير بيك
قاسم .. اموت واموتج
آيه .. اني متت بس ميحقلي اموتك بس لو اني يحقلك
كلشي يحقلك واني لا
قاسم .. لتقارنين بعد ابد
آيه .. ردت اطلع من الغرفه وكفني
قاسم .. ماكو ولا كلمه من الي حجيتي صح عجبتيني وكمت
كل مااشوفج احس عيني تروح عليج ممجبور اتزوجج وممجبو اكمل حياتي وياج
آيه .. بجيت وكتله (تسوء سمعتك)
قاسم .. صدكيني لتخلين حياتنا تبدي بشي مو حلو خلي
نبديهه صح
آيه ..طلعت من الغرفه من رجعت تمددت على الجربايه
جان مموجود شويه فتح الباب مدرت وجهي مااحس اله
خلى ايده على جتفي درت وجهي
قاسم .. لازم نكمل زواجنا ونطوي كلشي قديم فكرت هواي ولكيت لازم اطوي الي راح سمحيلي ابدي وياج من جديد خليني احبج واتعلق بيج خلي يصير عدنه اطفال يكولون الاطفال يزيدون الحب
آيه .. امي كالت يحبج بالمستقبل
قاسم .. بيدج هذا الشي
آيه .. لتخليني احبك وانتَ متحبني مااريد كلبي يوجعني وانكسر مره ثانيه اوعدني
قاسم .. بابتسامه اوعدج اذا مكدرت احبج اخليج تكرهيني حتى متتوجعين عليه واذا محبيتج معناهه اني اغبى انسان بالدنيا
آيه .. ليش
قاسم .. لان ورده
آيه .. خله شفته فوك شفتي حسيت برجفه وخوف اغرب ترابط
بالدنيا ماكو عروس هيج يصير بيهه وخر مني بدون ميتقرب
كال خل ننزل شوفي امي شمحتاجه حتى نطلع اني وياج راح
اخذج اعشيج بره
..................................
حمصه .. طلعت برا الغرفه فحطان من جفصتي شلون جرحتهه
هيج جرح اني شكاعد اسوي بقت هيه بالغرفه ولا طلعت ومالي
عين اباوع عليهه اتصلت ب خضر ردت اعرف شبيه تخبل مجاوب
دزيتله وين انت راح يكتلوني حاصروني بسرعه اتصل
حمصه .. بضحكه اله واحد يكلك هيج يالله تحجي
خضر .. انت شبيك بابا شهالثقه الطايح حظهه شبيك
حمصه .. وين انت ولك شو صوت ضرب
خضر .. حمصه اني تعبان
حمصه .. خنتهه لازم وضميرك يأنبك لان اول مره
خضر .. مكدرت حسيت نفسي حيوان تذكرت وجعهه
حمصه .. لعد لو سامعهه من اول محتركت
خضر .. اي زودهه عليه ابن الكلب
حمصه .. لعد شو صوت طرب وين انتَ
خضر .. رجعت للبيت وفاتح اللابتوب
حمصه .. اني هم جفصت جفصه اكبر من راسي
خضر .. اني قررت هذا هو باجر اولي
حمصه .. انجب واكعد مكانك
خضر .. شسوي اكعد لا ميمونه ولا شاهين
حمصه .. واني لعد
خضر .. انت واحد عار اساساً لان ماكو احد بحياتي هسه
كاعد اجاوبك
حمصه .. مصلحه يعني
خضر .. انجب حمصه ولي سد الخط بس اوكف اليوم
ضارب بعقلي اشرب اريد انسى
حمصه .. المطلوب مني
خضر .. مطيب شو لعب نفسي بس شميت الريحه
حمصه .. صكه فرد صكه بس اوكف اوكف مفرض هسه
اني اسوي العليه واكلك لتعلم روحك على الشرب وهو من
المحرمات
خضر .. تعرف اكثر شي بالدنيا شنو يستفزني العار من يصير
مصلح وشريف براس الازواج واني المشكله مو زوج
رزان .. جنت اسمعه يتصل بس صوته جان ناصي مااكدر اكول
طبه مرض وماانقهر لان اني هذا المخلوق جنت احبه مااكدر
مااعيش الخذلان ولا اكدر امنع نفسي ابجي
بقيت حابسه روحي بالغرفه قلقه على اهلي على بابا وماما
هم بنفس الوقت الوم بروحي واكول اني سبب بكلشي يصير
بيهم علي شنو هذا الحزن وانتي بعينهم مو مره وحده بقيت
بيومهه حابسه روحي وهو مطلع ابد من كل عقله يفكر انهزم
مثلاً وين اولي واذا رحت الابويه بيا عين اباوعله خلص يا رزان
من يوم السلمتي شرفج انتِ انتهيتي عيشي بعد بالذل والاهانه
ومسلوبه الحياة
اخر شي متحملت اختنكت طلعت من الغرفه باوعت علي
يقرب صور ويبعدهم نزلت دمعتي واختنكت حيل وكمت
اردد بيشفتي فلك،فلك حاولت اطلع صوت هو كبل دار عليه
وارتبك وسد الموبايل
رزان .. احمد اريد اخابر بابا
حمصه .. طبعا لا مااريده يعرف مكانج
رزان .. زين ليش شوكت افهم الي كاعد يصير
حمصه .. مراح تفهمي ابد لذلك افضل الج ماتفكرين بي
رزان .. اذا تحبهه الهاي الدرجه شلون كدرت بذاك اليوم
وليش تزوجتني
حمصه .. سترتج
.............................
جنت تعبان رجعت البيتي باوعت على بيت شاهين تمنيت ادخل اصيح اكسر كلشي موجود بالبيت
وادخل ال شاهين ارزله اكله على اي اساس تكلي منو كاتل اهلي
ليش كتلي ليش كسرت شكو شي بالبيت وكعدت جنت جايب شرب وياي رحت اريد انسه اي شي ينسيني
مكدرت اشرب
اخذت موبايلي وطلعت بقيت واكف كبال البيت اباوع على شباك وادخن وابجي مثل الطفل الضايع ويدور اهله
اخر شي شمرت الجكاره ومشيت بخطواتي
ورجعت بخطواتي ووكفت بباب بيت عمي واني واكف انفتح الباب بدون ما ادكه كبل كال عزوز
عزوز-خضررررررررر ررجعت واخيراً وتقرب شبكني
شبكته حيل ماكدر بدونكم عزوز مااكدر والله
عزوز-انت مخبل طبعاً متكدر غير احنه اخوان
شاهين منتهي هم
دخلت اني ويا جان مشغل اغاني وجكاير وبفالينه وشعره كوشه ويدخن
من توكف بنص درب الدنيا تبقه تدور تدور
المي صعد للجرف الفضل للناعور
من توكف بنص درب الدنيا تبقه تدور تدور تدور
وعينك على صاحبك تغفه ويظل ناطور
ولتكول مو بيدي الوكت مو بيدي لا الوكت مو بيدي
رحلة قطار العمر سفره بمرابع خضر
وشتريد سميهه
خضر-كملتهه وكتله وشتريد سميهه عينك على صاحبك تغفه ويظل ناطور
كبل دار وجهه وابتسم خضرررر
خضر-شاهين اني ضايع بدونك
شاهين-مو دليتك الدرب طلقه
خضر-قاطعته من عمري على عمرك اضيف واتخلى عل دنيا كلهه اذا انت مابيهه والله ضايع شاهين
اسف
شاهين-مطي اني المفروض اعتذر منك ابويه هو ال******
هواي خالد كلي عوف الموضوع لو ادري عايفه
ليش لا بلعكس عل اقل بعد مااثوب ال كتال عمي ظال اثوب اله ميستاهل طلع
وحت علي حضنته كال عزوز راح يسافر شاهين انصدمت كتله صدك تحجي انت
شاهين-مااكدر خضر اعيش واكابلك وابويه كتال اهلك
مسألتني ليش كتلهم
خضر-ماريد اعرف كلشي عن القديم كل الي اريده نرجع
شاهين-بعد مترهم
خضر-لك شاهين انت كلشي بالنسبه الي حتى امي شتحجي انت اكلك ضايع
عزوز-بعد شوشه هيه والنعم منهه شاهينووووو باوعله جنه مره تتوسل بحبيبهه
خضر-شاهين مااتشاقه اني احجي صدك اني اضيع بدونك انت حزام ظهري انت تجوتي
شاهين-شتنتجي يمعود هو اني كلبي خلصان
خضر رحت علي وكتله شاهين متسافر
خويه ابقه اذا رحت اني هم اروح
شاهين-كلاوانك هاي وميمونه
خضر-راح نتطلك
شاهين-مرررررره ثانيه ساقط عبالي اموت واخلص منك اله ميمونه اسكطك والله
ميمونه طيبه واعتبرهه اخت واكثر والله بس للاسف ماعندي عين حتى اتصل عليهه
خضر-ميمونه تحبك اخ الهه ومتغير هذا الشي ابد شاهين
شاهين -صدك صعب بعد
خضر-مخليته يحجي احس برود بخوتنا حتى من تصالحنه وهو ماكو شي زعل نتصالح علموده اكو شي مكسور صعب يتصلح ابد كمت اعض الاصبع ندم لان دورت وبحوشت مجنت اعرف الكه امنيه وحلم بعيد واخسر اعز مااملك بالدنيا وهيه عائلتي
بعد مطلعت من شاهين رجعت اتصلت ميمونه اول مجاوبت جانت منهاره وتصيح وتغلط
للاسف للاسف عليه حبيتك دمرررررتني اناني والله اناني هذا هو خضر طلكني
شكووووو
شكوووو شكو تخابرني تكلي بالملهه وتروح وياهه وتكلي شكووووو اصلا كلشي ماكو بعد بينه مجنت اعرف الهاي الدرجه مااعرفك والله
خضر-مخنتج باباااااااا ورجعت الصوتي العادي
مخنتج بعدني يعني جنت يم شاهين
ميمونه-جذاب والملهه الي دزيتلي منه
خضر-اي مو دطلعت اخذتلي فره وهسه راجعله هناك اكو من يفهمني
ميمونه-هااااا يفهمنك روحلهن خضر روحلهن بس اذا
خضر/افتهمت انساج زين المختنك وين يولي
ميمونه-يجي المرررررررررررررررررته مو يروح ملاهي
خضر-لك لك انت شنووووووووو لعد اني المن اجيت
اوكي هسه يعني اجي المرررتي
ميمونه-تعال خضررررر تعال اني اعرف هسه خنتني لو لا
خضر-عندج كاشف واني ماادري
ميمونه-خضر وين جنت بالملهه وشارب مو
خضر-بابا شبيج جنت يم شاهين اجي هسه لو لا
ميمونه-تعاااااال خضر واستعجل
صدك نص ساعه واجه اني فتحتله الباب لان الكل طش المكانه قاسم ومرته وفلك دتتفرش فراش يمي كتلهه خضر جاي نامت بالهول يم خاله
وكف ويبتسم باوعت علي بغضب
خضر-احبج والله
ميمونه-خنتني
خضر-متحله ولا اتقبل وحده اشاركهه احساسي ومشاعري وشهواتي غيرج
ميمونه-شلون اتأكد
خضر-كدامج اني شنو الوسيله الي تخليج تتأكدين
ميمونه-خضر خنتني لو لا
خضر-الله يحرمني منج للابد ويخليني اتحسر على ساعه
وياج اذا جذبت عليج
ابتسمت كال شنو نبقه بالباب واكفين
دخل وسد الباب شو هدوء
ميمونه-خاله نايمه والباقين طاشين بأماكنهم
حلووو يعني اني وياج بس
دخلت للغرفه قفل الباب جنت احس لازم انطي الي يريده لان مااتحمل يروح الغيري حتى اذا اتأذه
دخلت للفراش وهو نزع قمصلته وسحب الغطه وكال اريد اشوف الحرك
جنت متمدده شوفتهه الحرك جر ايدي باسهه
يأذيج الحرك بعده
لا يعني
خله راسه على صدري وجسمه مخلا يطخ جسمي بصفي نام خليت ايدي على راسه وكمت العب بخصلات شعره
غمض عينه وكال حضنيني بعد ميمونه حضنيني
ضميني من كلشي
اضمك بعيوني والله انت روحي وتاج راسي وعمري كله
حضني اقوى وكال خوما تتأذين
لا
احبج
كمت ابجي ،خضر مااتحمل اشوفك هيج
اني هيج من انتٍ تبعدين عني
اني موجوده
لتعوفيني من احتاجج بعد
اني احبك خضر والله
اني اتنفسج رفع راسه وابتسم جان بحنجي حرك
حتى الحرك ضايفلج جماليه انتِ شنو
ميمونه-اني احبك رجع خله راسه على صدري وغمض عينه
مر شهر تقريباً رجعنه البيتنا وخالد والولد كلهم اجوي ال خضر واعتذروا منه على الي سوته امهم
احس صارت فجوه بينهم مو مثل قبل
بس علي لا بقه واصلاً اجه زعلان من خالد
لان ميقبل يروح يخطبله غدير وحقه جان خالد لان رجع راح ومقبلو ينطوهه حجه ويا خضر هم زعل
وراح من بيتنا واجه بيومهه عزوز يكول ال خضر يحجي ويه شاهين يقنعه لان شاهين يأثر على خالد
خضر -شتحجي انت بابا اذا اني ممقتنع شلون اقنع شاهين هيه كوه مينطون واني عن نفسي هاي الامور مااتدخل بيهه بعد
عرض ناس هذا مو لعبه وراح تجيني بنيه اذا تسوي هيج
ااااخ حتى مااريد اتخايل هذا الشي
بعد ما طلع عزوز مااحس اله خرعني ولزم بطني ودنك
بابا لتسويهه بيهه ابد هااااااا مااتحمل مو تسوين مثل البنات الباقيات حتى مثل امج لتسوين
باوعت علي لاااا والله
خضر-اي لعد شنو
ميمونه-يعني اني مو زينه بعيونك
خضر-انت اصل الاصل كله بس منو كال الي تلتقي بي شريف مثلي
ميمونه-ضحكتت من كلبي ضربني كام وكف على حيله
خضر -ليش تضحكين
ميمونه-مااعرف
خضر-ولج جذب لعد طخيتج والله مطخيتج لان اخاف الله يارب انت شاهد عليه خوب مره انتي بين ايدي ذبتي
ميمونه-جذذذذذذذذاب
خضر-ولج شو تكولين جذاب ميمونتي تذكرت ذيج الايام
ميمونه-ارهابي جنت بعيوني
خضر-ام النقاب متكعد راحه ذابت بين ايديه بسرعه الهاي الدرجه جنت وسيم
ميمونه-هههههههه وخر
خضر-بابتسامه متخليني اعيدهه الايام واخطفج
ميمونه-علساس اني وين هسه تقرب عليه
خضر- اريد احبسج واخطفج ومحد يشوفج ابد بس اني
ميمونه-هيج انانيه
خضر-اخاف عليج حتى من الهوى وتقرب باسني بعيوني
صادف وره يومين التحق جانت ايامنه صافيه وبدت تصير تخبل جان رمضان مصادف واني مااصوم بس هو وفلك جان مبقالي شي واجيب والجروح مال حرگ صارت زينه لان الحمدلله الله ستر كانما معجزه بس من اتذكر الوجع روحي تنسحن وضغطي يهبط بيومهه جان عازم الشباب شاهين وعزوز وسلمان وعلي على سحور ويانه
سلمان-شكوووو كعدتي انت ام ثرب مو متصومين
ميمونه-باوعت على بطني ثوبي طافر من وره بطني كتله شسوي بت اخوك جوعيه
سلمان-اي لوتيه انتِ خوش عندج حجه اكلكم شاهين وين شو ماكو الحد الان
فلك-جنت كاعده وياهم واحس كلبي يرجف
بعده من ينذكر اسمه يمي اندك الجرس جان علي بحضن خضر ياكل
خضر-كوم علي افتح الباب
علي-مالي علاقه اني
خضر-هذا شبي
عزوز-لان انهج من شاهين
علي-لتخليني هسه اغلط
عزوز-انجب انجب
ميمونه-كمت اني فتحت الباب اول مفتحه ابتسم
شاهين-يا هلاااا بأم كرش يابه الريحه وصلت الهناك
ميمونه-تره تأخرت
جنت اخابر حمصه صدك ليش ممخابره خضر
ودخل
شاهين-السلام عليكم يابه شنو هاي حاره حيل
فلك-باوعت علي ذب سبحته وصار كبالي رفعت راسي باوعت علي ابتسملي دنكت راسي وجر ايد علي ابني
ولك عليوي شمكعدك الحد هسه
خضر-علي جنه عمه علي هم شاذي لا ينام لا يمل ولا يجل
شاهين-اي والله كل علي يشلع الكلب وحشه امير الموؤمنين عليه الصلاة والسلام
علي-هااااا هيج صارت
شاهين-اللهم صل على محمد وال محمد ولك اني مو كتلك ماريد اشوف وجهك
علي-تره ببيت خضر كاعد
شاهين-علي اذا فتحت سيرة تغريد مدري رغيد مدري شسمهه اطشر راسك
سلمان -عوفكم من هاي السيره شاهين المحل وين وصلتو بي
شاهين-صح النومه صارلنه شهرين من مخلصين المحل
سلمان-لا بربك شو ماادري
شاهين-طبعاً انت من وره ام المراده تعرف بالدنيا طشت رشت
عزوز-اللعب حتى انت وكعت بالحب شو بس اني
كلهه عباد الله حبت
علي-بعد شاهين ولو هو موده اغاني يخوف هالايام والكراده اووويلي كلهن صاكات مدري منين جايات وهو هم من استغفر الله للمحرمات وين واح حمصه عنك شعجب ممخابري
باوعت على شاهين باوعلي وكال والله ولا مكلبهن
خل يولن مشلتحات
سلمان-لا لا ممكلبهن ومشلتحات
علي-شاهين حاله حال اليطلع من الملهه ويركع
ههههههه
فلك-ضحكت اني هم
علي-يا مشاء الله والله عبالي خرسه بس اني منتبه على فقره من يجي شاهين البنيه تنخرس
تره شبيج بس يفيك بالسبحه مالته
عزوز-همزين قبل شويه انسحلت منه
علي-اكلكً انت شنو محامي مو كليك لو مدير اعمال ال شاهين
عزوز-انجب لك اعوج
شاهين-اكووول راح يأذن وانتو ممتزقنبين
ميمونه-كمت شلت المواعين خضر ويايه شالهن هو وعلي لان فلك تستحي تدنك كدامهم دخلت للمطبخ وهو ورايه
خضر-اشو اليوم احس مشتاقلج حيل
ميمونه-ليش انت مو دائماً تشتاقلي
خضر-بكل وكت والله بس هسه احس اريد اضمج بين ضلوعي
خضر
عيونه
راح يأذن روح اشرب مي
ارويني انتِ
بعدته من بطنه دفعته وخر هسه واحد من الولد يدخل لو فلك وانت سوالف تعبانه
شمسوي قابل
لا ابد
اكول شنو مبدله عطرج لو شنو هاي الريحه
مطيبه موورو بيه ريحة تكلا مووووو
شووووو تقربي خل اشمهه
تقربت علي باسني بوسه سريعه بشفتي بهاللحظه دخلت فلك وكبل كال هاااااا
خضر -هاااااااا
ميمونه-ها خضر شفت
فلك-كلشي مشفت وطلعت
ميمونه-شفت سوالفك
خضر-صار ساعه نحجي مدخلت فلك طرهه لعد على هالعمله
فلك-خجلت من يمي هنا حسيت بثكلي عليهم احسه مماخذ راحته ويه مرته بس شسوي اكثر الوقت ابقه بالغرفه من شفتهم طرت للغرفه هم
احس هواي نقاط تغيرت بيه من يوم الي حبيت شاهين الهذا اليوم
كمت كل خطوه احسب حسابهه صدك هو مبتعد عني بس عيونه من تلتقي تشرح كل الحب الي بيناتنه
فجأه سمعت صوت شاهين يصيح فلك فلك
اتخايل لو شنو بالضبط خضر وين لعد والولد طلعت بسرعه بعد ما لبست الشال واني امشي سريع
فتحت الباب شفته بالممر وخضر ورا وميمونه تبتسم
شاهين-بويه شنو رأيج بيه
فلك-شنوووً
شاهين-شنو رأيج بيه
فلك-ابتسمت يعني مفهمت
عود احترمت هذا الطويل الورايه واكف الي مامنه فايده وكتله اريدج بالحلال كال متقبلين واني ما اشوف بعيونج رفض
فلك-حسيت الدنيا افترت بيه وكلبي يدك اني شنو كاعد احلم لو شنو بالضبط
شاهين-ها بويه شكلتي
ميمونه-موافقه طبعاً
شاهين-ام كرش اني طالبج لو طالبهه سكتي انتِ
فلك-شلون تريدني اجاوب
ميمونه-ضرب خضر بالسبحه توكل انت مرتي تستحي تجاوب كدامك
خضر-مرتك
شاهين-المستقبليه بعد ال اي اقصد
ها يمعوده
فلك-شنو طبعاً اي
شاهين-بابتسامه وخري الحظر مني حتى نتفق اقرا الفاتحه بويه
فلك-ابتسمت واني اباوع علي وهو هم يبادلني الابتسامه غمزلي نزلت عيني بخجل
ميمونه-اهلهل
شاهين-بس جفينه شرج كلشي منريد منج
خضر-يعني صدك عود
شاهين-لتخليني اطلك ميمونه منك
فلك-كلشي جان غير ويختلف الفرحه وكلشي حلو
شي ماكو منه ابد فرحه مفرحتهه عمري كله
شاهين حلم بالنسبه الي صعب تحقيقه
منمنه بيومهه وبقينه نحجي للصبح وكال ميحجي الاهله بهذا الوقت اله يخلص من كل المشاكل والتعقيدات
ثاني يوم هم اتصالات اني ويا
................................
منمنه بيومهه وبقينه نحجي للصبح وكال ميحجي الاهله بهذا الوقت اله يخلص من كل المشاكل والتعقيدات
حسيت خضر ضاج من موافقتي ومااعرف السبب شنو
ومكدرت اسأل ميمونه بنفس الوقت
سدينه الخط بالخمسه الصبح رجع بالسته دك عليه جاوبته جنت منايمه من الفرحه
شاهين-فلك اني احبج
فلك-دمعت عيوني وابتسمت بنفس الوقت
اني اتنفسك
شاهين-اتمنى اضمج بحضني اتمنى هسه اجيج واخذج نعقد واخليج بين ضلوعي وكلبي
فلك-صار فتره انتظرك تحن عليه مايوم نمت اذا منرسم وجهك كبالي
شاهين-من وراج حتى مبادئي غيرتهن
فلك-شلون
شاهين-جنت مستحيل اسمع اغنيه هسه بكل اغنيه اسمعهه لحنهه انتي ومشاهدهه عيونج
فلك-اني خايفه تعرف خايفه متصير الي
شاهين-مااعوفج لو شيصير راح اعوضج
فلك-بلله امك متقبل وخيرتك بيني وبينهه
شاهين-خليني اعيش هذا اليوم بفرحته وياج ماريد افكر غير بيج
فلك-بس اني سمعت راح تخطب البارحه حتى من سألتك مجاوبت
شاهين-مراح اخطب ولا اتزوج غيرج يلله راح اتأخر
اكلج راح اجي
فلك-ياااا
شاهين-جذب راح اطلع هسه من الباب بس اشوفج
فلك-فتحتله الباب وهو واكف بباب بيتهم اباوعله وابتسم لازم السبحه خله ايده بجيبه والسبحه نزلت شويه وغمزلي وشال الموبايل وأشرلي ادخل
جاوبته
شاهين-يلله كافي دخلي نامي
فلك-دير بالك على نفسك
شاهين-نفسي عايفهه يمج وبس جسد طالع
فلك-ههههههههه
شاهين-احبج فلك يلله دخلي ذولي شباب دخلو الفرع واني هم راح اتأخر بضاعه جايه جديده علمود العيد
هذا العيد راح يكون احلى عيد
---------------
ميمونه-جنت فرحانه من شاهين خطب فلك ممصدكه هذا الشي اول مراح شاهين دخلنه للغرفه كام يستغفر خضر
درت علي واني اطلعلي ملابس شبيك حبيبي
شبيه يعني فرحانه وحلكج شعرضه صار من الضحك
ميمونه-غير فرحانه الشاهين والفلك انت ليش ضجت ليش يعني بس لو افتهم
خضر-لان اخوتي راح يتخاربون من وره هذا الموضوع
حمصه وشاهين تعرفين يعني شنو هذا
انت مو كتلي حمصه تزوج شكوووو بعد عوفهم فرحانين شفت شاهين شلون فرح اول مره اشوفه هيج
خضررررر بس احنه محلو زواجنه والله ياربي اريد زواج اني
رفع حاجبه ولج تتزوجين منو
انت منو يعني اريد عرس اني عوفك من العرس اريد شي حلو
يعني قصدج ككو اجيبلج لو نستله لو مشتهيه حلا معينه
خضرررر اريد شي حلو يعني خطوبه حلوه
هههههه لج بابا راح تجي بتنه واجه عليه جرني وكعد على الجربايه جنت لابسه بجامه واريد انزع دشداشتي رفعه وطلع بطني
مكملت كلامي ويه بنتي باس بطني
تره باقيه ببالي السالفه مو تخذليني وتحبين واحد خل يولون مااتحمل تروحين مني وتبجين من وره واحد اموووته والله
ميمونه-هااااااا لعد كم مره بجيتني وحد بتك
رفع راسه وكال موقصدي ابجيج هيه الدنيا تعكس ويانه بس بعد ماخلي دمعه منج تنزل بس على جثتي
جريت شعره كم مره كتلك لتحجي هيج غطيت بطني جرني ولج بعدني ممكمل ويه بتي اشوفج من هسه تغارين
لا بس احس راح تبدي سوالفك المنحرفه وانت صايم
دك موبايله كال حمصه يا ستار شبي هذا بهذا الوقت
اكيد لان معزمته ليش معزمته
اكلهه هيج تكلي هيج بابا فهمي ماريد اخسرهم كله من وره اختج فلك وتزعلين من اكول فلك طرهه
جاوبته اول مجاوبته كال
حمصه-عار ومتصيراك جاره لو يجي الحمزه
خضر-بابا انت مو خاطف مرتك وابوهه العار يدور عليك
حمصه-تنجمعون بدوني شلون انطاك كلبك
خضر-بروح ابوك لتصير دراما باجر عازمك على سمج والله لا ينطيك سحور وفطور هجمتو بيتي
حمصه-ولك شو انت صاير جلف امداك ومدا اليجيك
خضر-اتشاقه وياك بابا باجر بمزرعة ابوك نشوي
حمصه-واني اجيب السمج ان شاء الله
خضر-بابا اني اجيبه بس اسكت ويكول عني جلف ابن المسموط هو غير السلفه طبحت حظي
حمصه-الله اكبر لك غصيت غصيبييييييت واني بعدني مماكل السمج
خضر-ههههه امشي لك تعرفني هيج باجر اغركك سمج
حمصه-كلشي ماريد منك بس اريد شغله وحده
خضر-شنو هاي الشغله
حمصه-اذا سويت لمه مره ثانيه لتفصلني عنكم لان مااسامحك ابد
خضر-لك بابا احنه الموت بذاته ميفصلنه لتسويهه هيج اكلك خاف مرتك حامل وهرمونات الحمل اشتغل وسوتلك عدوى لان مكابلهه وكاعد
حمصه-احجي صدك وعوف العزيمه اصلاً سلمان خابرني باجر نروح للكراده هناك نلتم يم الولد
خضر-بيش الساعه
حمصه-وره الفطور
خضر-لك مو عندي روحه للمدينه شاهين كال مابيه حيل اروح اودي فلوس علمود البضاعه ويه عزوز
حمصه-هسه الله كريم للباجر
خضر/مر اليوم عادي صيام وقت متأخر اكعد قبل الفطور بساعه من اتواجد بالبيت
كعدني سلمان يذكرني بلمتنا كلت خوش لعد راح اروح اجب الفلوس قبل الفطور بدلت بسرعه ورحت اني وعزوز
اتصل عليه علي
جاوبته كتله خيرك
اكلك شنو ميمونه
رسل-انطيني انطيني اني افهمه
الوووو ها خضر البارحه جنه نتخابر اني وميمونه وكالت تريد تشتري ملابس لبنوتتكم وهسه رايحه اشتري للجهال علساس خالد يذبنه ويكمل شغله عنده ويرجع بس انطه ال سياره ال علي يوصلنه وهناك اصلاً راح افطر لان صديقتي هم خوش بنيه والله
خضر-لا يابه وهسه الله كريم
رسل-هيه من ذاك اليوم كالت اجي وياكم محتاجه شغلات
خضر-يعني متفقات
رسل-يعني مو متفقين هيه كالت تشوفك بس نست يمكن ردلي خبر عود حباب
وضعي وياهم بأول يوم رمضان خالد كال اذا متسامح رسل اطلكهه وبوقتهه عزمني ببيتهم اعتذرت مني مرت عمي بس مااكدر اصفي نيتي ناحيتهه
اتصلت بميمونه وتعاركت وياهه لان تتفق من ورايه بدون متاخذ رأيي
كملنه مشوارنه واتصلت ب شاهين كال راجع للبيت هو عود بليل امرلكم بعد الفطور خطيه امي احسهه مدري شبيهه اليوم من اول مكعدت احسهه مريضه افطر وياهه واكعد يمهه واجيكم عود
فلك-اول مرجع من المحل جان يحجي وياي بالطريق
مااحس اله اندكت الباب
الباب مدري منو اجه يمكن خضر
شاهين-لا اني فتحي الباب
فلك-مكتلي
شاهين-استعجلي اريد انطيج شغله
فلك-فتحت الباب واني ذابه الشال على راسي جان لازم علاكه دخل
فلك-شنو هاي
شاهين-جبت ال علي ملابس للعيد
فلك-اخذته منه واني ابتسم كلي قياسين جايب شوفي الي يوالمه ياهوه وانطيني الثاني
واني اطلعهن طلعله جكاره باوعت علي يباوعلي ويبتسم
واكو شي الج لتفتحي هسه عيب يعني ميصير بس من شفته تخايلتج تلبسي الي
فلك-خجلت وكتله لا شاهين جان مجبته
شاهين-يجوز اليوم من ارجع اجيب السيد وياي وتلبسي الي
فلك-باوعت علي دمعت عيوني كلي لزمي انطاني السبحه والموبايل والجكاره بحلكه بقاهه وطلع الملابس الجايبهن ال علي هذا يمكن صغير علي
فلك-اي الثاني
وتراكسود بس حذاء بقاله هسه من ارجع اجيبله بس اريد قياسه
اني من ارتباكي خليت السبحه ويه الاغراض كال اغراضي انطيتهن اله
شاهين-عود شوفي من اروح ودزيلي برساله شنو رأيج بي
فلك-هزيت راسي بـ اي وخجل
شاهين-يلله رايح اني تأخرت على امي
فلك-وهو ديطلع كتله شاهين
دار وجهه جلاوي وكلب وروح شاهين
فلك-الله يحفظك الي خيمه يارب اني احبك حيل
شاهين-باسني بوسه هوائيه وغمزلي وكال يوم الي تنطبع هالبوسه بيج
فلك-ضحكت واني اسد الباب
طلعت القاط ماا علي باوعت سبحته ومحفظته
بالعلاكه فتحت الباب اخل البيتهم كلت شبسرعه
اتصلت علي شغلني باوعت ميمونه ضايجه كتلهه شكو
ميمونه-كلشي ماكو علي وين
فلك-ديوكل ميمونه
ميمونه-راح تنتفخ البزونه من ورا كد ميوكلهه
يلله رجلج وين حتى نفطر
هسه راح يجي
فلك-اتصل عليه شاهين سأل على محفظته كتله اي هيه والسبحه كلي دفتحي الباب كلبي راح بيهه الوصل مال ملابس الي اليوم استلمتهن
فتحتله الباب انطيته المحفظه ولسبحه ابتسم جان الباب شويه مفتوح واباوع علي اتصلو علي جاوب وكال اوكف اليوم مدري شبيه يمعود عل ميز عفتهه يمك راشد شوفهه
اي والله راح اجي شبيك
فلك-شكو
راشد يريدني اروح لان يريد يرجع للبيت هاي طليقته الحقيره من شافته مرتاح بدت تنغص
فلك-انوب هو ضعفان وتزوج ماتت علي هسه السعلوه والله لو من مرته لروح اكفشهه وادفنهه
شاهين-ههههه الهاي الدرجه قاسيه انتِ يعني اني
فلك-الي تحاول تتحارش بيك امووووتهه وادفهنه اعلسهه علس والله
شاهين-اموت بالعالوسه خل اروح افطر ولج اليوم شنو السالفه كل مااروح الكه شي يرجعني الج وكل مااباوعلج
اشتاق اكثر الج
من راح م لكيت سبحته واكعه كلت لا هاي من نصيبي بعد لبستهه بركبتي كلت بعد اسبح بيهه من اصلي
/....____________________
حمصه-جنت ابدل اريد اروح للولد حياتي جحيم وبلا معنى ومشاكل متنوصف جنت محتاج هاي الطلعه بدلت اجتني رزان
احمد
درت عليهه
اتصلت ب بابا اليوم
انصدمت منهه درت وجهي ااااانت شتحجين
رزان-اطمئن هو مجاوب تبره مني بعد
حمصه-صورجي اني منطيج موبايل وواثق بيج اااانت شنوووووو بابا شبيج
رزان-ابووووويه هذا ابريه تبره مني تعرف يعني شنووو هذا الشي
حمصه-رزان
رزان-كافي احمد انت لا تريد تكمل حياتك وياي ولا تخليني اولي ليش هيج اناني تباوع بصورهه يوميه وتحاول من يجي وقت شهواتك تتقربلي انت مريض والله كااافي عوفني مو اني غلطه صلح غلطك
حمصه-يوميه نفس السيررره رزان يوميه
رزان-مكاعد اتحمل والله مكاعد اتحمل احبك بعددددني مكاعد اكدر اكرهك
حمصه-اني رزان انتي مو تريدين طلاك راح اطلكج ارتاحي بس موووو هسه خل تخلص المده اعتبريني مموجود ابد
رزان-لعد خليني احاول اصلح مووووقفي ويه ابويه وين اولي وهو تبره مني
حمصه-مو هسه واطمئني ماخليج بالشارع اله اوصلج الاهلج
رزان-الهاي الدرجه متكدر تشوفني ابد
هيج تحبهه لعد متتزوجهه وتخلصني
حمصه-مالج علاقه انت بحياتي لتددخلين بيهه اني تزوجتج وسترتج وصلحت غلطي بعد مالج علاقه بيه
ولتحاولين ماريد اجرحج رزان لتحاولين تقربيني الج راح تنجرحين لان احبهه
رزان-عفته كمل تبديل جنت منهاره من درجه بابا عافني
ومن جهه ثانيه الي جان يوهمني يحبني حبيته واشوفه يوميه يباوع صور ويقرب احس لحظات انهيار تصيبني مو طبيعيه اريد اصرخ اريد كلشي اسوي جانت شقتنا بالاحرى شقة واحد من كرايبه مدري اخوانه
اتصلو علي كلهم هو اني كلش قريب هسه اطلع اللتمو انتو واني جايكم صارت عندي شغله أأخرتني باوعت من راد يطلع وكفت كبال الباب
حمصه-شكووووووو رزان تره زهكت
رزان-متطلع
حمصه-هاي شبيج بابا
رزان-متطلع اذا متطلكني هسه
حمصه-كتلج اطلللللللكج من اصخم بعيني
رزان-هسه تطلكني هسسسسسسسه
تقرب عليه جرني من ملابسي كاااافي بابا كافي والله اطلكج بس مو هسه
رزان-اني مكاعد اتحمل مرتين تستغلني الاولى علمود تنتقم من ابويه وهسه تحمي نفسك هيه هاي رجولتك
حمصه-نفسي اني متهمني نفسي بس ابوج ساقط وماعنده عرض لان عرض العالم لعبه عنده
رزان-كاعد تحمي منو غير نفسك بيه احمد
حنصه-رزان متواعد ويه الولد وتوني متزقنب ومشارب جاي راسي راح ينفجر وانتي دتطلعين سوالف من جوه الكاع شتررريدين بابا
رزان-مكاعد اتحمل بدون اهلي اهلي متبرين مني
تعبت من الوحده العايشتهه من يوم الغلطت هاي الغلطه الكشره من يوم الي صدكت بيك رجال
جرني ودفعني من الباب ووووخري زهكت والله زهكت
تأخرت عل ولد
رزان-اني كلبه وحيوانه واستاهل
فتح الباب وركعه حيل وطلع بقيت بمكاني كاعده شويه واندكت الباب وهو صوته يخابر فتحته اله وباوعتله بحقد وهو يخابر
يابه راح اطلع والحسين شبيك قلقتني
راشد-خابر شاهين شوفه وين اجه اريد ارجع للبيت
حمصه-يعني متبقه ويانه مو كلنه بالكوفي
راشد-بالحالتين مااتستفاد مني لازم بالمحل واحد منا يبقى لو اني لو شاهين لو عزوز
حمصه-هاااا لعد نجيك للمحل ونكعد كباله للمحل حتى منأثر عل زبائن
راشد_دتعال استعجل سالفة شاهين طويله اريد ارجع للبيت
حمصه-شعندك بالبيت بابا
دخابر شاهين سأله وين كلبي مطكك على ابني مشفته البارحه رجعت لكيته نايم وهو مريض واليوم من غيشه طالع
حمصه-هسه اخابر شاهين وعلي هنا عنده سيارة خالد
هاي صعد بس يدخل للحمام نطلع
رزان-جان واكف يم الباب ولازمه ويحجي اول مسد الموبايل كلي دخلي جوه علي راح يدخل
هو اني ممحجبه
ووجهج الكله دموع شيكول هسه كاتلج
لا ابد مماد ايدك عليه
اللسانج طويل وتلحين وتضطريني امد ايدي
مااحس اله واحد لزم الباب وكال ايدك تمدهه رجلك بس وخر من الباب راح انفضح
دخلت اركض من راد يدخل علي وسمعته يصيح لحمام وين الحد مطلع كال
علي-يايابه تعرف كم مره اليوم احتاجيت حمام مدري شبيه
شاهين راح يوصل بس ابعد من عدنه وراشد يريد يرجع روح انت للمحل اسبقنه اني راح اجيب نركيله لان الشيشه كسرتهه
خوب هو من الكوفي مطي ناخذهه
مو. راح نصخم نكعد يم الولد
اي واذا ناخذهه من الكوفي
لك مطي مو سويت خبطه مال معسل ممطروقه بس فحم مناك انطيني السويج اذبك يم راشد واروح اجيب حتى براحتي
خالد اخذهه للسياره توه وصلني وراح
شقتك حلوه عود فرغهه الي وال غدير من نتزوج
حمصه-هههههه بعدك دمشي يلله بس اصبرلي خل اروح للحمام وارجعلك
رايح قبلك راشد يتصل عليه الف ترميشه من يلطش يلطش
حمصه-دخلت للحمام وطلعت لكيت رزان متمدده اول مدخلت للغرفه مسحت دموعهه
تقربت عليهه
رزان اني صح بالبدايه فكرت علمود احمي الداير مدايري
بس
رزان-شو سكتت
حمصه-مو متقصد اهينج وروح امي
رزان-درت وجهي واني ابجي هو واكف ورايه باوعتله
شلون تكدر تجذب بمشاعرك تعرف احمد
اني اعرف راح يجي اليوم الي راح تعرف بي ولا وحده راح تحبك بكد محبيتك ووثقت بيك الحد هاي اللحظه انطيك تبريرات هنه جذب بس من كد مااحبك اصدكهن
حمصه-من اجي عيب من الولد نحجي اريد اكلج شي
راح اجيب الدراجه خطيه هذا دفع فلوس التصليح وماعنده ومناك للولد من ارجع نحجي
..............
ميمونه-رجع خضر بسرعه اكل وطلع مقبل اروح واني محجيت ويا. زعلت منه وجنت عصبيه اخاف احجي واجفص ففضلت اسكت
كعدت فلك تتبسم وتحجي بالموبايل بخجل بتسمت اني
فلك-اني شعليه هو انت
شاهين -كولي حبيبي واروح يلله
فلك-خجلت من ميمونه كبالي كاعده كمت شاهين من طلع من البيت الى ان راد يوصل يحجي وياي
يحجي بمستقبلنه اخر شي كال هاي ابتهال ذاك اليوم اتصلت بيه ونسيت اتصل بيهه خطيه خل اشوفهه شرادت
فلك-ماشي
شاهين-ماشي حبي
ميمونه-ولج شكد حجتو كل شويه تتخابرون
فلك-هو يتصل واني طايره خليني متونسه وفرحانه اول مره هيج احس
ميمونه-فلك شاهين ماكو منه مو تتعبي اللسانج طويل وخشمج يابس جان علي مجلب وهيه تحجي يجر بالسبحه من ركبتهه وتوخر بيده
اخر شي دك موبايلهه كامت يبووووووو موتتني علي رادت تنشلع
باوعت شاهين ضحكت يبوووو باعي شاهين هم
ههههههههه
ميمونه-دجاوبي ولج
فلك-طبعاً اجاوب بس مصدومه كون يبقه هيج يارب مو من نتزوج يختلف
ميمونه-احجي وخل اخابر خضر بلله اشوفه يكل من اخابر
فلك-ضحكت اول مجاوبت
شاهين-ضجتي من اتصالاتي
فلك-لا والله بس
شاهين-هو غير احس
فلك-اخر كلمه ال احس بعدهه سمعت صوت وانكطع الاتصال شنو الصوت مااعرف بس صوته راح اختفى
شاااهين شااااااااااااهين الووووووووووووو وبعدهه سمعت صوت مو صوت واحد بس جان بعيد
ميمونه اجت مخروعه
سمعتي شي
فلك-يعني سمعتي انتِ هم يمه شااااااااااااهين
ميمونه-كمت ارجف دكيت على خضر ماكو
بعدهه الناس كلهه طلعت بحيث سمعنه صوت الانفجارات بس منعرف موقعهن
ام شاهين وام عزوز لكيتهن سابقاتنه وبالباب وفلك ترجف وتكول مغلق مغلق انلق شاهين موبايله
ميمونه-الكل يركض بعدهه صار الكل يكول انفجار بالكراده اني جنت حافيه بس ذابه شالي على راسي فلك جانت جوه تتصل وتلوب واني دخلت الهه
لج فلك بالكراده بالكراده الانفجاررررر لج راح خضرررر مني دكيت على وجهي وطلعت اركض
فلك-يمه شاهين وج شاهين وهو يحجي وياي راح مني جنت منومه علي نسيته طلعت اركض حافيه بس اخذت العبايه من الباب وركضت عفت كلشي واركض
مثل المخبله وكفت براس الشارع
ابجي واشوف الناس تتراكض يتسابقون ويه الوقت الكل عنده عزيز ميعرف وينه اذا جان بالانفجار لو لا
ام شاهين-يمه ابني ابني بالكراده ابني يمه وليدي لتعوفني تبجي وتتوسل تسبق الاحداث
ربي لتحرمني من ابني بجاه كل واحد عنه جاه يمك
باوعت عليهه واني ابجي ام عزوز تتصل ماكو تكول ميجاوب ابني
وشاهين شاهين
ام عزوز-مغلق ماكو
ام شاهين-مااات ابني مات موووو مغلق مو مات ابني. راح مني يعني
ميمونه-ركضت وراهم بنص الدرب اريد اوصل للشارع حسيت شي وكع مني من الهبطه ومن الخوف ومن الركض والرجع صار مو طبيعي بحيث مكدرت امشي والحكمهم دنكت من الوجع واني اتخايل خسرت خضر كمت اصرخ لزموني خضررررررر
خضررررر لتسويهه بيه خضررررر
ابشع احساس مينوصف وجعه وكفني الوجع اكمل خطواتي واركض اشوف خضر وين
وبنفس الوقت اخاف اروح وخلص اعرف خضر مات وينتهي حبنا وحياتنا واندمر
فلك-صعدنه تكسي من كثر خبصة الناس ازدحامات بس وصلت النقطه قريبه ركضت حالي حال الناس
باوعت كلشي دمار كلشي دمار ومتفلش والدم وين مالتفت
بنيه شابه تصرخ وتبجي ماما ماما ماما امي وين
ورجال شايب -ابني ابني لابس مناظر طبيه وابيض محد شافه
اخويه ولكم اخوووووووووويه وين محله مكاعد اندل شي وينه
لك رافد خوووووووويه وينك وينك
ااااااابني ابني هنا توه خابرني كلي اختاري يالون اجيبلج جنطه ماررريد جنطه لك يمه اريدك
وخررررررو خلوني اموووووت تعالي اخذيني ويه اخوتي يانار
علي
احمد
صلاح
سامر
منى
رؤى
ماما
بابا
ابني
اخويه
مرتي هنا
منو شايف ازهر
توه خابرني زوجي
خطيبي هنا
كل واحد يدورله على عزيز بين الدم والانقاض
كل شويه واحد يسأل مشفت عدنان
مشفت طفله لابسه هيج
مشفت ابويه لابس قميص لونه ازرك
ناس تركض منا وناس تجي منا الكل يلوب والكل يخاف ويتأمل بنفس الوقت فلان مو من ضمن هاي الانقاض
صوت الوجع صوت الفقدان وويا صوت صريخ الناس الي تنحرك وتشوف الموت بعيونهه شلون وصلت اني مااعرف
شلون خطواتي جابتني هنا اركض منا ومنا حالي حال الي يدورون على اثر الي يخصهم لكيت سبحه بالكاع
لكيت جداحه
لكيت رجل مشموره بالكاع
لكيت بقايا ايد كم اصبع موجود بيهه
لكيت جنطة مره لكيت حذاء طفل لكيت ممة طفل
لكيت خرزه بس موواضح لسبحه لكيت ثوب ابيض مال نوم مبين جان العروس تجهز نفسهه العرس بس صارت للتابوت
لكيت حمره
لكيت سيارة طفل بين الطابوك
ولكيت سبحه ولكيت مكص
ولكيت واحد محترك ممبين كلشي منه غير بس حلك مفتوح يصرخ جان من الوجع
ادور حالي حالهم على لمحة امل بيهم لكه اثر لعزيز كلبه وبيهم ميقبل يصدك ويستوعب بعده واني مثلهم ادور بالوجوه
من وصلت الحالة اليأس وفقدان الامل رجعت ادور بالانقاض من بين الطابوك ادورله اثر عل اقل يصير بالتابوت
الحد ماكعدت عل رصيف
اتأمل المنظر
حريق دماء صراخ اسمع كم حلم انطفه
كم امل خاب
كم وجع صار
كم يتيم صار
كم حبيب راح
كم بيت انهار
كم شمعه انطفت غمضت عيني واستمع واستذكر كلامه
شاهين-شنو رأيج بيه
فلك-شنوووو
شاهين-اريدج بالحلال كال متقبلين واني ما اشوف بعيونج رفض
فلك-غمضت عيني اكثر
شاهين-ها بويه شكلتي
فلك-حلم حلم حلم حلم
انت حلم بالنسبه الي مو كتلك حلم كمت اباوع عل سماء واصرخ بداخلي اااااااااااااااه كتلك حلم
----------------
حمصه-وتوني طلعت بالدراجه من الولد سمعت الانفجار جاي من جهة الكراده من جهة المحل
مااعرف شلون وصلت لمكان الانفجار ناس تركض تروح منا ومنا تريد تحمي نفسهه والخوف مسيطر عليهم وناس بعدهي النار مشتعله بيهه وتصرخ
اباوع المكان يفتر بيه اروح منا اريد اطفي هذا يصرخ الثاني ادور الكه مره تكمز وتصرخ
ادور من جهه اشوف انفاس اخيره لولد شاب ممبين منه اي شي من ملامحه
راشد وين صحت رااااااشد
زين شاهين هم
علي سبقني وراح
خضر خابرني وكال راح اوصل
سلمان سلماااااااااان -عزوووووووووز خضرررررررر
اخووووووواني كلهم هنا
منو منكم كاعد يصرخ واني ماااسمعه
منووووووو بيكم كاعد يتلووووووه من الوجع وميلكاله مفر
منو بيكم مشتعل ويدور على شي يطفي
ليش مكاعد اندلكم ااااااني اصيح باساميهم واحد واحد
ولازم الموبايل اتصل عليهم واحد واحد وادور بعيوني والي يصرخ ومشتعله بي النار حتى متكدر تروحله من كد ما ملتهبه بي النار ومن كاعد ما موجوع روحه مفرفحه يروح منا ويجي منا بسرعه وانت الواكف تدور على حزام ظهرك متعرف تدور لو تنقذ لو تطمئن همه مموجودين
راشد جاوب بعد اخوك جاوب وكلي يم ابني اني
علي وينك دير بالك ديربالك بعدك حلمك تتزوجهه والله لزوجهه الك
شاهين خويه جاوب ليش مغلق مو وكتك مو تضوج من تخابر وتلكانه مغلق وتكول المن صنعو الموبايل
خضر جاوب خضر بنتك راح تجي
خضر-تفتر تفتر الدنيا واذني مااسمع بيهه غير الدوي اريد افرزن صوت اخواني اركض منا ومنا كلشي مفلش الدنيا حمره
راشد شاهين حمصه حمصه وينك لك راااااشد لكم ياناس اخوتي كلهم هنا لكم ديربالكم تسووووهه وتعوووووفوني
صوتكم وين وووووووووووووووووووين وينكم وين عفتووووني موووووووو عفتوني اركض وادورهم واحد واحد بالوجوه
لمحت واحد يركض ركضت علي لزمته من جفته عبالي راشد شفته مو هو هم يدور على ابنه نزلت دمعتي
راشد كلي
مشفت ابني
لا زين مشفت اخواني واحد مثل جسمك
بدموع جاوبني لا مشفت كلشي مكاعد اشوف ولا كاعد الكه
زين شاهين وينك شاهين
لكم وينكم حمصه عزوووووووز علي خليت ايدي على راسي
الدنيا سوده بعيني اخذو ناس بالاسعاف واني اركض بلك?
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
