رواية الضابط فهد ومريم الفصل الثالث والثلاثون بقلم مجهول
نور: دمرت نفسيتي مريم ماجان ب ايدي اسوي شي تحسبت الربي ليل ونهار ع كلل شخص ضلمنة وديحاول لحد هاي اللحضة يستمر بهذا الضلم
مريم: محد يكدر يجبرج ع شي اني وفهد وبابة وياج صح هوة منعنة من احلامنة بس بسالفة الزواج ماجبرني فديوم ع شيي وعرفت ليش جان يرفض كل الاشخاص الي تقدمولي جان يريدني ابتعد من ضلم اخوانة وكرايبة ب اختصار راد شخص يكدر يعيشني الحياة الي ماجان يكدر هوة يعيشنياهاا كل هذاا الي جنة نسمي ضلم جان لمصلحتنة
نور: هوة الوحيد الوكف وياي لو ماجان موجود جان خلونة نخدم ببيوتهم هذولة نااس ماعدهم رحمة
مريم: انسي كل هذا وانتي اكيد مارحتي للسوك لائن فهد خابركم بليل اختاري ايشي يعجبج ولبسي
نور:بس اني احب ابوك ملابسج ماا متعودة تكليلي هيج
مريم: يلاا اني راح اسوي نفسي مادري واعتبريني ماكلتلج شيي وروحي اخذي لتريدي
نور: ايي هيج تمام
مريم:ضحكت ع خبالهة الي مشتاكتلة وراحت فتحت الكنتور وصارت تكلب ب الفساتين طلعت الفستان الي لبستة بعرس حنين وخطبتني خالة سعاد بذاك العرس
نور: ختاريت هذا تدرين لييش لائن هلفستان طلعج من ضلم عمامنة واتمنى من البسة اني الله يفرج عنيي ويحررني من امجد
مريم: يروحي انتي صدكيني اني وياج ومراح اعوفج ولاا اخليج تنضلمين لتفكرين هيج انتي مو وحيدة
نور: صايرة متكلمة وام بيت شوكت اصير خالة
مريم: بعدني صغيرة ماا مستعجلة والرزق بيد الله موبيدنة
نور:نشالله ومتاكدة راح تصيرين احلاا ام وراح تخلين بنتج تعيش الحياة الي ماا عشتيهة وتحقق حلمج وتشوفين نفسج بيهة
مريم: اووف نشالله عوفي السوالف هسة وتعاي اسويلج شعرج شسورت شعرهة وسويتة كيرلي خفيف بلشت اسوي مكياجهة وجانت الساعة 1 الضهر اني سريعة ب المكياج وماخلي بي اي غلط ايدي متعلمة حطيتلهة مكياج خفيف وخفيت الاثار الي بوجهة كون كسر ب ايدك نشالله كملتهة وراحت تبدل نور متعودة ع مكياجي وحيل تحبة ومتعترض ع ايشي اسوي
نور:اووف مشتاكة لمكياجج
مريم: واني مشتاكتلج
نور:يبعدي انتي شعندي غيرج اني
مريم: تاخرت وبعدني مامسوية شيي
نور:لتستعجلين ع كيفج اصلاا دقايق تخلصين انتي حطي مكياج واني راح اسويلج اطراف شعرج كيرلي
مريم: ولله اذا يشوفني فهد مسوية شعري هيج يعلكني ب البنكة
نور:ميلام بيج غير خايف عليج ماما راح اضلل طايرة وراج وتقرة معوذات وانتي اركصي
مريم: شسويلة يعني لاا تخلوني اكصة ولاا تخلوني افلة اسوي ضغيرة ام التعلاكة مثلاا
نور: يبووو ذكرتيني قبلل من جنتي خامس ونروح للمدرسة وهلسوج هناك يصيحون باروكة ومن ذاك اليوم ماما كامت سويلج ضغيرة ام التعلاكة
مريم:لوو ضالين يكتلوني وكلشي يسوون بس ماا حارميني من المدرسة
نور: هذا قدرنة وهيج مكتوب النة الحمدلله ع كلشي هسة انتي مزوجة ومرتاحة وية فهد احمدي ربج
مريم: هوة فهد من كلت علي منقذي ماا غلطت الحمدلله ورة صبري صار هوة كلشي بحياتي وهوة هم مامقصر وياي
نور:الحمدلله يعمري نشالله ربي يديمكم طول العمر
مريم: امين، بلشت ب المكياج وجنت مندمجة كللش عبالك كاعد اصنع شي كملت نور شعري وجنت اني باخر شي بلمكياج باوعت لنور وضحكت
نور:لجج لييش هيج خطية ارحمي البنات البقية راح تكسرين حتة ع العروس
مريم: خلقت الله نعترض عليهة
نور: الله يساعد صخلان اليوم
مريم: ولج بعدج ماا بطلتي هاي السالفة تروحين تحطينة بحلك افراح
نور:افراح منوو
مريم: وحدة مهزومة من الشماعية وحاطة فهد بالهة
نور: عزااا ولج شكيهة شك بنت الذينة بواكت الزلم امشي شوفينياها الة اسويلهة طبعة براسهة
مريم: هههههه اعصابج ميحتاج زينب سوتلهة طبعة بجتفهة
نور:كفووو منهة ولله عرفيني عليهة عود
مريم: اصلاا انتي وياهاا قبق والجدرية ،ضلينة مندمجين ونضحك حسيت نفسيتهة جانت كللش تعبانة ورتاحت هسة رحت لبست فستاني ونقهرت ع فهد يمكن راح يحبسوني ب الغرفة اليوم اخذنة صور اني ونور جانن يخبلن اول مرة اخذ صور وية نور واني هيج فرحانة نزلت نور يم امي واني ضليت ب الغرفة رتبتهة وعزلت المكياج ربع ساعة وانفتح الباب طب فهد ماباوع اول شي سد الباب التفت ب اتجاهي وضلل واكف ماتحرك حلكة راد يوكع بالكاع
عاندت بي وافتريت وكلت بحماس،، شرايك
فهد: مريم متطلعين مناا فهمتي
مريم: هاي شبيك سجينة قابلل اطلع وغصباعنك شهلضلم هذا
فهد: شلون بلوة يربي وين اوديهة هااي اشوه وجهج لو شلون لجج بابة لتعانديني شمسوية يخلقتج انتي بدون مكياج شلونج انوب مسوية بخلقتج هيج وشهلبس هذاا ماعندج اكصر منة بلة كليلي شساتر منج
مريم: فهد يعني حفلة مال بنات شتريد البس حباب
فهد: وين فساتينج
مريم: لييش شسوي بيهن
فهد: حتة مزعليني ولاا ازعلج تعاي نختار فستان سوة
مريم: وهذا على شنوو اشتريتة
فهد: اجيبلج عشرة غيرة بس عوفي
مريم: تمام بس بشرط
فهد: شنو الشرط خاتون
مريم: انتة هم متلبس الدشداشة السودة
فهد:مريم دتقارنين الدشداشة بهذا الابستة
مريم: فهد راح نتاخر ترا ماعندي وقت توافق لوو انزل
فهد: امري لالله هاهية بوية بس ذبي هذاا الصخام الابستة
مريم: تمام وراح اشككة هم ادلل
فهد: شدي الهمة بعد عيني تسوين فضل
مريم: اني اعلمك فهد وماسوي كلشي كلتلي علي شايف شعري هذا ابقي هيج يلاا روح عن وجهي،
اجة تقدم يمي وئشر علية ب ايدة وحجة
فهد: ربي ديربالك عليهة جلطتني بعنادهاا هااي احفضلياهاا
مريم: رفعت ايدي وئشرت علي مثلل ماسوة وحجيت
ربي احفضلياا من عيونهن هذاا المصكصك مالتي
ضحك علية وتقدم حضني ويمسح ع شعري
فهد: ولجج بوية اعشكج مريمي
مريم: يول غير اتنفسك يبعد عشيرت مريم
فهد: يلاا بوية لتتحرشين امشي ذبي الصخام هذا ولبسي غيرة
مريم: تمام، رحت للكنتور وطلعت فستان لون ماروني جوة الركبة ومخصر حييل ردانة جانت تول ع طول ايدي ومن يم الجتف نازلة ماحب الفستان الهوسة والثكيل دائماا احب البس المريح ولنازك اجة فتح كنتورة وكفت كبالة ورفعت الفستان بوجهة
هيج زين
فهد: هاهية بوية لبسي اليعجبج بس لتزعلين علية
مريم: اخذ دشداشة لون نيلي وفصالهة خليجي وراح يسبح حسيت نفسي انانية ب التصرف السويتة وياا هوة خايف علية وديسوي هيج واني نكدت عيشتة كلت ميطلع هسة قفلت الباب ولبست الفستان الختاريتة رحت اعدل شعري ومكياجي طلعت حذاء لون اسود وصاية سودة وياهاا شال اسود
طلع فهد بس مبين زعلان طلع الشسوار وسوة ونشف شعرة ورتبة لحيتة جانت مابيهة شعراية وحدة طالعة عن الخط الي راسمة كعدت انتضرة يخلص خلص وماباوع بوجهي اخذ العطر وكمت سحبتة منة ورجعة لفيت ادية ع ركبتة وحضنتة وكلت
اسفة حبيبي اخر مرة، بادلني الحضن وحجة
فهد:هية هاي مريتي شوفي هسة شحلوج طالعة اووف لوو اكدر اخلي بس عيوني تشوفج وماريد من الدنياا شيي ثاني
مريم: وانتة شايف نفسك يول راح يخلص كلبي اليوم من النغزات شلون راح تنزل هيج كدامهن
فهد:اكمز من الشباك يعني
مريم: شبيك غير تتكسر
فهد:ولله ماجنت ادري همزين كلتيلي
مريم: تصنف علية حضرتك
فهد: امشي ننزل مو وكت النكد هسة ماضلل وكت
مريم: تمام رحت حطيت عطر وهوة يباوع صفح لزمت ايدة وطلعنة وكفنة يم الدرج قبل لينزل كال
فهد:من تريدون تطلعون خابريني اني اوديكم لتصعدين وية ناس غربة
مريم: تمام،نزلنة ايدي ب ايدة طلع والساعة والسبحة الجبتهن الة جان لابسهن مشة وهوة مدنك راسة فديت الثكيل وجانت اكو وحدة اكيد افراح مفلفلة مانزلت عينهة لو ماا عيب جان لزمتهة ومسحت الكاع بيهة ذرة خجل ماباقي عدهة منتهية هااي رحت كعدت يم امي ونور وحاطة مروان بحضني شوية وطبن نور وهدى خوات فهد اني شفتهن رحت اركض عليهن حضنت هدى ونور شاركت ويانة ب الحضن
سعاد: التمن بناتي
مريم: وخرن مني وراحن سلمن على خالة سعاد
نور:عزاا مشتاكتلكم ارجعوو
سعاد:يمة واني طاك كلبي عليجن
مريم: نرجع وتجين تسلمين وتروحين علساس تبقين يمنة رجلج يوكف اصطفام ب الباب
هدى: بعيداا عن هاي المواضيع لجج شطالعة
مريم: عود لتتغزلون فهد ميقبلل
نور:ايباااااه خلوني ساكتة يوادم لاا تحجوني
مريم:هههههههه اشاقة نويرة بس لتحطيني سالفة بلسانج ،رحنة كعدنة نحجي ونضحك ماحسينة ب الوقت صايرة ب 4 العصر كامت العالم تطلع ب السيارات خابرت فهد حتة يجي وكال من اوكف ب الباب اخابرج كتلة تمام خمس دقايق وخابر اخذت خالة سعاد وامي وهدى اخذهاا رجلهة هية ونور هم راحت وية رجلهة طلعنة خالة سعاد صعدت يم فهد واني وامي ونور ورة مشت السيارات ومشة فهد شغلل اغاني وصار يصفك ويركص هوة وخالة سعاد من الصدمة طلعت تلفوني وكمت اصور اباوع للتلفون وارجع اباوعلة ونور تضحك علية فضحتني
طفيت التلفون واخذني الواهس اني ونورة كمنة نركص باوعلي من الجامة وخزرني ضحكت ورفعتلة حاجبي وستمريت ب الركص هوة ضل يخزر وبطلل ما ركص بعد عبالة بس هوة يعرف يركص ربع ساعة وصلنة للبيت نزلت خالة سعاد وامي ونور تعمدت ابقة ب الاخير ضليت اعدل بشالي ب المراية وهوة يباوع ومخنزر ضحكت وكلت
ابوس حواجبك المطبوكة
فهد:ادللي اذا ماطلع هلركص من خشمج
مريم:ضحكت بصوت عالي وكلت
اكول لخالة سعاد عليك
فهد:مريم انزلي ولتخليني احجي هسة وديربالج ع رجليج
مريم: يدلل الحلو ، نزلت شو هذا نزل وياي
ويين تريد
فهد:شوفي النعول الولد الي واكفين ب الباب
مريم: شوف الصخول الراح تاكلك توصلني للباب وترجع تقفل ع نفسك ب السيارة خووش
فهد:اللهم طولج ياروح شوف اني وين وهاي وين
مريم: باوعتلة صفح ردت امشي لزم ايدي ومشينة وصلني للباب هد ايدي وطبيت
ومثلل ماجنت متوقعة نور املخة نفسهة من الركص رحت جريتهة من ايدهة واخذتهة ع صفحة
ولجج اثكلي فضحتينة شيكولون عليج العالم هسة حتة نفسج مكطوع
زينب:هلاا هلاا شوف منوو اجة لكك هاي شنو اني الرايحاا صالون لو انتي
مريم: حياتي انيهم ام صالون
زينب: جاا باجر اتربع يمج
مريم: ادللي العشيرة كلهة راح تتربع يمي وتجي الزفة وانتو روحوو واني لصيح صلاوات واطش وراجن مي وحصو
زينب:هههههههه تنفسي تنفسي
مريم: اخذتهة عرفتهة ع نور اختي رحت سلمت على فرح طالعة اجنن ومبينة حبابة
الف مبروك حياتي شايفة كل الخير
فرح:حبيبتي الخير يصيبج
زينب:وهاي الشيخة الكدامج مرت فهيدان
فرح:تشرفت بيج حبيبتي علي دائماا يحجي سوالفة وياكم
مريم:حجينة شوية وسحبتني زينب نركص وكامت نور ولبنات كلهن وكعدن كرايب فرح وتوجهت الانضار
زينب: اليوم اركص ركص واكسر الكاشية اني اخت الولد موش اخت البنية
نور :يرجلي حيل دبجيله عليوي معرس اليلة
زينب: سمعوو هااي جبنالك برنو ماملعوب بسركيهة
مريم: ضحكنة كلنة على زينب ماقصرنة للمغرب واحنة نركص رحت كعدت ارتاح لائن نفسي صار سريع واني ميصير اتعب
ام مريم: يمة مريم راح تموتين اكعدي شجاج
مريم:يمة اروحلج فدواا متنعاد بعد
ام مريم: اسم الله يمة لييش تفاولين
مريم: يمة مادري هية حجاية وحجيتهة ،مادري شبية كايمة اجفص بسوالف تخوف لبست الصاية ورحت للمطبخ اشرب ميي شربت مي وكفت شغلت الفيديو مال فهد واضحك علي طلعت وراية افراح وفززتني
افراح:اويي خوفتج حياتي ماكو شي بس اجيت اكلج حضري غراضج اول متوصلين للبيت لان اليوم اخر يوم الجج هناا
مريم: انتي شدتحجين تخبلتي
افراح:فوك ماوصيج يعني مو صوجج روحي بدون ملابسج توفرين فلوس متستاهلين كلشي
مريم:قبلل ماا احجي عافتني احترك بدمي هاي شدتحجي شنوو اخرر يوم الجج يارب سترك اكفيني شرهاا وشر عائلتهة كلهم رجعت يم امي ونتبهتلي صافنة
ام مريم: شبيج وجهج صاير اصفر ترجعين للبيت
مريم: ايي يمة ارجع حييل دايخة
ام مريم:يلاا يمة خابري فهد حتة نرجع
مريم:هزيت راسي وخابرت فهد مارد ضليت اخابر المرة الثالثة رد قبلل ليحجي كلت
تعال اخذني للبيت
فهد: شبيج مريم صاير شي ليش ارجعج للبيت
مريم: مابية شيي شوية تعبانة
فهد:دقايق وجايج تحضري
مريم: تمام، سديتة ورحت لبست شالي تعذرت من البنات وطلعت باوعت لافراح وابتسمت وراحت اني ليش خايفة منهة وشلون ماخاف منهة هاي خية وكلشي اسوي حتة تاخذ فهد مني يارب اوكف وياي خابر فهد وطلعنة صعدت ب السيارة بدون ماحجي اي كلمة ولاا اباوع لفهد ضليت اباوع للجامة وادعي وصلنة وطبيت قبلهم سمعت صوت واحد يغني ب البيت ماهتميت صعدت للغرفة نزعت الشال ولصاية وكعدت طب فهد وراية
شبييج شصاير
مريم: مابية شي حبيبي بس تعبت وكلبي تدري بي
فهد: مريم اني شكتلج ليش هلعناد تحبين جيبين الاذية النفسج مو الة تموتين من الركص يلاا تكعدين ترا
مريم: فهد الله يخليك مو وكت هلسوالف ولعركات هسة
فهد: ماشي مريم راح للكنتور اخذ ملابس وراد يطب للحمام
مريم: شنو مراح ترجع للحنة باوعلي ومارد طب للحمام وطبك الباب حييل ضليت صافنة وافكر بعدين ذكرت امي ونور جوة كمت نزلت جانو كاعدين ب الصالة
ام مريم: يمة اروح فدوا الطولج كلاص ميي
مريم: ايي يمة ادللي ،طبيت للمطبخ فتحت الثلاجة جان المي ثلج عفتة ورحت جبت دولكة وحطيت قوالب ثلج بيهة وكاسرتهة بمي حار
حسيت بشخص واكف وراية ماهتميت كلت اكيد هاي سوالف فهد لحد اللحضة الي نطق بيهة
كلولي الحلوة راجعة
مريم: جمدت بمكاني صديت بسرعة اباوع النفسي واكفة ب الفستان صار يتقدم يمي
شدتسوي انتة صدك واحد حقير اطلع احسن ماصيحلك فهد
امير: اوف شهلجمال هذا كلة الفهد عمي هنيالة بس ماراح يتهنة
مريم: انتة مو مال واحد يسكتلك اذا ماخليهم يكسروك وتشوف
امير: احجي وشوفي منو راح يصير الضحية لجج اني مرة تهيني واسكتلهة مثلل ماكالت بيبي اني واحد مسربت واختي نفسي صورتلي اختج الحلوة نفسج اي كلمة تطلع منج الصور توصلل لاهلج
مريم: الله يخليك روح اختي معليهة عوفهة بحالهة ماناقصة مصايب مشكلتك وياي اني هسة يجي فهد ماريد مشاكل، ضحك بقرف وتقدم لزم ايدي وشال الحلقة منهة وشمرهة ب الكاع قبلل ماحجي طب فهد وصااح
شديصيررر هنااااا مريممم
مريم: سحبت ايدي وعاط بوجهي اميرر
ارتاحيي راح تخلين العائلتين تدمر حذرتج وكتلج عوفيني بحالي يبنت الناس انتي وحدة مزوجة بس ماا سمعتي مني استلمي هسة شكول الفهد
مريم: يحجي واني مصدومة وبس دموعي تنزل ماكدرت انطق ايشي من الصدمة اجتي امي ونور ع العياط
فهد: مريممم هذا شديحجي فهمونيي شديصيررر الشفتة شنووو
مريم: ماحجيت ضلل يعيط ويهز بجتفي وهم ماحجيت امي هم ويااا مارديت باوعت النور وبكلل نضرة يزيد سكوتي عافني وراح الامير لزمة من ياختة ونهاا من الضرب سحبني وجرني فوك حسيت ايدي انشلعت فتح الباب دفعني للغرفة وكعت ب الكاع واجة تقدم يمي وكعد ب الكااع #ڪــڔٰا̍ڕ
فهد: مريمي كليلي جذب كولي حجية جذب احجيي بردي كلبي انتي متسويهة متخونيني ادري بيج كلمة وحدة منج كولي ماسويت شي وراح اوكف وياج
مريم: صرت ابجيي بصوت عاليي باوعتلة كاعد وحيلة مهدود ايدة تذب دم من الضرب الضربة الامير صفن بوجهي وصارت دموعة تنزل اول مرة اشوفة يبجي تمنيت امسح دموعة واحضنة تمنيت وكفتة وياي بس اختاريت اضحي علمود اختي خليني اموت او كلشي يصير ولاا يصير شي النور
مسحت دموعي وحجيت، فهد ايدك ضرب الكاع ب ايدة الي تذب دم وعااط
مريم لتخبلينييي احجيي الشفتة شنوو فهمونيي راح اتخبللل لييش ساكتة شنو معنى سكوتج هذاا
مريم: فههد عوفنيييي عوفوني بسس تعبتتت عوفونييي صرت املخ بوجهي وبشعري لزم ادية واخذني الحضنة صرت ابجي بكلل قوتي وهوة يحاول يهدي بية
فهد: مرييمم ماتحمل بردي كلبي احجي ماا اذيتج لو واحد غيري تعرفين شيصير تدرين لييش اريدج تحجيلي انتي وراح اصدك بيج بدون دليل لائن عندي ثقة بيج انتي بنيتي ومستحيلل تسوين هيج انتي تحبيني ومتفكرين بواحد غيري احجيي الشفتة شنوو ولتخافين محد يكدر يئذيج واني وياج
مريم: من حجة هيج نسيت تهديد امير وكل الحجاا وقررت احجي الفهد ونوكف بوجهة سوة وخرت من حضنة ومسحت دموعي
تمام راح احجيلك باوعلي بتركيز وبلشت احجيلة كلشي من اول ماا اجة امير لهلبيت ولحد اليوم شرايين ايدة رادت تنفجر من العصبية
صدكني هذاا كللشيي فهد
فهد:هذاا الحقيررر السكط اليوم تطلع جنازتة
كام وراح للكنتور طلع سلاح رحت ركض قفلت الباب وركضت يم للشباك قبل ماا افتحاا اجة لزم ايدي يريد ياخذ المفتاح
مريم: فههد لخاطري لتسوي شيي اهدئ لخاطري حبيبي
فهد:مريمم انطيني المفتاح لجج اني الاحقق وية المتحرشين والمبتزين واطلع عايش وية واحد حالة حالهم سكط
مريم: اول شيي خلينة ناخذ تلفونة ونمسح الصور وبعدين شتريد سوي
فهد: ماشي راح اخذة انطيني المفتاح
مريم: انطيني السلاح اول شي تعوذ من الشيطان وانطاني السلاح شمرتة ب الكاع وحضنتة وحمدت ربي لان عندي هيج شخص واثق بية وماا جذبني ماجنت متوقعة ردة فعلة هيج مو لان فهد عصبي بس اي واحد غيرة جان جنزهة المرتة
صار يسكت بية اهذ المفتاح وطلع لبست صايتي ونزلت ورا راح يدور الامير شافة كاعد برة سحلة وطببة للدوانية وسد الباب شوية شوية اصرلتهم جانت تصير اعلى كلت هاهية راح يموتة ويبتلي كعدت ب الزاوية وامي ونور يهدن بية ويحاولن احجيلهن بس مانطقت ب اي حرف طلع فهد لازم امير من ياختة وحلكة يذب دم الحمدلله مبقي بي روح طلعة برة البيت وصعد فوك صعدت وراا بسرعة طبيت للغرفة واجة وكف مبالي ولزم ايدي ونطاني التلفون
فهد:هذا تلفون امير كسري احركي بقت يمج
مريم: حسيت جبل ونزاح عن صدري اخذت التلفون وجبت عطر كزاز حطيت التلفون بلكاع وكسرتة بس ماعفتة صرت اضرب ب التلفون وابجي اجة فهد سحبني
فهد:هاهية كلشي انتهى روحي اسبحي ورتاحي
مريم: انتة مصدكني موو
فهد: بوية روحي كل هذاا وماا مصدكج
مريم: لتتخلى عندي ماغلطت بشي وغلاتك فهد
فهد: مريمي بس موزين البجي راح تتخربطين روحي اسبحي حتة تاخذين علاجج وتنامين بسرعة
مريم: اريد اروح لبيتنة الصبح
فهد: يخلص العرس واخذج
مريم: كتلك اريد اروح اليوم ولله اذا مارحت اسوي بنفسي شيي ماتحملل اشوفهم ماريد اشوف احد منهم ماااريددد تاخذني اليوم يعني تاخذني
فهد: شلون وية عصبيتج اني هاهية بوية اخذج اهدي هسة اني شمسويلج
مريم: رايحاا رايحاا، رحت للكنتور وادية ترجف كعدت بلكاع ونفسي صار بطيئ اجة طلعلي تراك ودا للحمام وكومني
فهد: صيري قوية مريمي انتي مو تكولين اني سندج تتوقعين اعوفج وماا اوكف وياي انتي هم صيري قوية ترا من تنكسرين انكسر وياج
مريم: سكتت بس الشهكات ماا راحت مشيت للحمام وجسمي ماا بطل رجفة سبحت وطلعت فهد جان كاعد ب الكاع ومدنك راسة رحت كعدت يمة وحضنتة
مريم: ارفع راسك اني مانزلتة ولاا بعمري راح اسوي هيج
فهد: ادري بيج مريمي ثقتي بيج اكثر من نفسي
مريم: ربي ليحرمني منك يروحي
فهد: اهههخخخ ولاا منج مريمي
مريم: لييش هلحسرة
فهد: بلحضة سكوتج كلت راح اخسرج حسيت روحي فرفحت ماكدر اخسرج مريم لتعوفيني
مريم: منو عايفك يكلبي ليش اني اكدر اعيش بدونك
فهد:راح تعوفيني اليوم
مريم: فهد معايفتك صدكني انتة حط نفسك بمكاني شوف ادية شوف جسمي شلون يرجف اني ماا متعرضة لهيج موقف ولاا جنت متوقعة بحياتي راح اتعرض لهيج موقف حتة من اشوف هيج حالات اكول جذب بس بلاخير صارت وياي
فهد: ماشي المهم راحتج بس مطولين ومن تجين نروح كبل لبيتنة خووش
مريم: ابتسمت براحة وكلت، ماشي
فهد: كومي اخذي علاجج
مريم: اول شي رايحاا افهم امي لتروح تتخربط عفتهة بحيرتهة
فهد:اخذي علاجج وياج
مريم: تمام، اخذت العلاج ونزلت طبيت للصالة كعدت يم امي وحجيتلهم عدى موضوع صور نور لان ادري ب امي تخاف من هيج سوالف واصلاا ماحجيت كلشي ب التفصيلل وكلتلهم اليوم نرجع ما حجو شيي كلتلهم شوية واجي صعدت فوك طبيت للغرفة فهد جان يدخن كعدت كبالة وحجيت
عادي طلب صغيرون ،تنهد وحجة
فهد: عيوني
مريم: نسيني الصارر مداتحملل
فهد:مريمي عمري ماكوو شيي كلشي خلص وراح
مريم: ردت احجي وسمعنة عياط جوة ..
