رواية الشيخ والعشق الفصل الرابع والثلاثون بقلم مرج البحر
مرات الغضب ايخليك تقرر قرارات غلط خالي عرف وكال لو كل واحد اول متعارك ويه مرته سوها طلاك جان من ليله الدخله كلها اطلكت العصر دك تلفوني مجاوبته ساعه 10بليل هوه ابيت خالي
قيصر: ضيعت حكها بيدها لان ردت وضربتها لان كسرت كلمتي كلت يومين ترتاح وارجعها رجعت للديره طبيت لغرفتها اريد انام ماكدر الصبح كمت للبستان ماريد اشوف احد رجعت تغديت الليل كله منايم اني صعدت لغرفتها تعبان نمت ساعه كعدت عله التلفون الو
الله يساعدك خويه
هلااحمد
كلي شي صدمني دعوه طلاك بهل رخص اني عدها ادك عليها ماكو مترد رجعت لبغداد خاله كال اني مراضي عله هل تصرف بس هيه ماخذت رائي احد
ناي: طلعت هوه بصاله من طبيت طلع خالي
قيصر: شتسمين هل تصرف
مجاوبين
-ماعندي حجي وياك
-ناي انتي غلطتي بدل متعتذرين ازيدين الطين بله
-مواني الي انضرب كافي ست شهور ساكته ومتحمله ومحسستك بشي تالي تضربني كدامهم
-لان ماسمعتي كلمتي
-واني مو خادمه عندك حته انفذ اوامر اني الي شخصيتي كتلي شغل ماكو وعفتك ع راحتك انوب تهيني
-واني بهل رخص عندج ترحين تسوين دعوه
-اني ماريدك بعد
-ناي ليش هيج تسوين
-لان خلص طابت نفسي منك وماريدك بعد
-وربج اطلبج بيت طاعه اكسر ضهرج بيه
-وانت سوي واني اسوي وخل نشوف اني لوانت
-هيه شنو تحدي ناي
-والله انت تكول اسوي بيت طاعه
-اي اذا متردين اكسر خشمج بقانونج
-والله ماضن يتسمه رجال الي يغصب مرته عليه ضربني انوب تخبلت اكثر كمت اصيح عليه حط ايده عله حلكي
-اشششششش اششش لج مو قيصر الي ينذل وكايلج لوتصيرين نفس ومن دونج اختنك استغني عن النفس ليذلني لااخر مره ياناي رجعي لبيتج وكسري الشر
-دفعت ايده ماريدك خلصني منك شنو ابتليت بيك ان….
-لتكملين ولاتعبين روحج وترحين محاكم باجر ورقتج يمج
اجه خالي ع عياطنه كتله ماريده خلصوني منه ماريده كال كافي كتله موكافي اطلع من حياتي يامصيبه الي جابتك عليه عيونه من ايعصب يحومرن ويخزر خالي واكف كالي ناي انتي طالك ورقتج توصلج وطلع
من كال الكلمه شهكت ها ناي مو هذا الي ترديه خالي اندار عليه كال طبج مرض صارساعه ايقنع بيج وانتي ماتعرفين تلزمين لسانج انتبهت ان بالفعل زدت اني ودست بس لاهوه ضربني واجه مره ثانيه انوب ضربني خلي خل ايفيدوه همه الصبح ساعه 9ورقه الطلاك بالباب وهوه جايبها بعين صلفه اطاها لخالي وكاله يومين وغايبها عدكم طلعت كتله اطلع بره ومتنازله عن كل شي خزرني وطلع وراه عمتي وخالي رزلوني يحجون ويايه ومعدتي كلبت فرفحت روحي طبيت بغرفتي مطلعت حته اكل مااكلت خابرت سرى كالت لج هجم البيت عله نسوانه وامه يصيح ارتاحو ويكسر شصار
طلكني
شنو عزه بعينج ليش
اني ردت
كبرتيها ناي هوه اعصاب وكلها تعرفه من ايعصب يعوفوه هوه اعصاب وكلب خالي ابيـض ليش هيج
روحي سرى باي
ثاني يوم اجه خالي كالي قيصر خابرني كال رجعتها ع ذمتي
شنو هيه لعبه بيده اني ايطلكني ويرجعني
قيصر: مكدرت احكم اعصابي وناي تعدت عافت كل الحدود وصعبه الكلام الي نحجه اذاني سويت الي تريده بس من هديت ندمت والاعتراف بالغلط فضيله تمشيت لسيد كال ردها غيابي رديتها واطيت خبر لخالها
ناي: هوه بكيفه ماريده هيه مو كوه اكل مماكله احجي ويه. خالي وساحت روحي وكعت عمتي اتذب مي وعطر تشممني كومتني كالت هسه اخذج لدكتوور يجوز ضغطج نازل اخذتني هيه وخالي لدكتور جان قريب علينه جيك ضغطي عندي هبوط كتله اول مره تقيئت جسمي نحلان واحس عندي صخونه سئلني مزوجه كتله اي وفهمته ان اكثر من مره يطلع حمل كاذب كال منخسر شي حللي دزني مختبر يمه حللت طلع بوزتف الحمل كل مره نيكتف يطلع كال اكو حمل وفارز بدم بصفي دكتوره ايلاف الطائي روحي سونار اخذت سونار عمر الطفل 18اسبوع ونبضه زين وحالته تمام شبعت بجي جنت خايفه احجي لايتشمتن بيه صار كم مره طلعت صدك حامل اتندمت ع حجي وياه بس كبريائي يمنعني اندك بيه خالي ينتضرنه بسياره صعدنه وعمتي كالتلهه ضحك كلي طلاكج اصلا باطل ياحلوه بس انتو مخابيل بزواجكم خبلتونه ركضتونه وهسه ركضتونه اريد احد يكول حكوله حبلغه دوده تحوص صارت عمتي كالت كولي لرجلج
ماكوله معليه بي
الخال: خبالو خشم يابس اني اكوله طبج مرض انتي لتكوليه
بعدنه بسياره وخابره كله التلفون عالي يكوله الله يبشرك بالخير الحمدلله الحمدلله
سده من خالي دك عليه مجاوبته دز رساله كاتب بيهه يابت كلبي مبروك الحمل الله يكومج بسلامه ولج احبج بس انه مخبل من اتعصب وانتي تعرفين وياما امتصيتي غضبي ولج والله عيني مماخذه نوم ردي
دك مجاوبت ثاني يوم الصبح اجه مرضيت ارجع حاول كتله علمود الحمل جاي هسه موطلكتني كال رديتج بنفس الساعه
بس اني ماريدك بعد
جرت هل هوسه 13يوم بضبط بيوم احنه ع غده واندكت الباب عمي اجه عليه كال متسوه وراح يصير عدكم طفل تهدو برحمان واني جايج بنفسي خايبه الزلمه بس جكارته بحلكه لااكل ولاشرب رجعت وياه جان جاي هوه وحمايه سورير ميدري قيصر بسياره كالي حظ ابني مثل حظ ابوه انه هم الشيخه نوال لعبت بكلبي لعب وصلنه اتلكتني الشيخه ورقيه امل ماكو بعدين سولفتلي سرىانه سامعهه تكولها لرقيه اطلكج منه مثل مطلكت ناي وكاتلها وموديها لهلهه الشيخ كلهم لحد يكوله هوه يجي ويشوف مرته حضرت نفسي لبست كلبيه حلوه ومكياج والشال شمرته شمر عله شعري كاعده بالصاله يم الشيخه انسولف وطب حاط غترته عله جتفه وبيده لازم لعكال والعباه طب كال السلام عليكم
وعليكم السلام
انصدم اني كاعده يم الشيخه
ناي
الشيخه: عجل خيالها ناي هياتهه بلحمهه وشحمهه وحبلها هههه
كدام الشيخه حضني يصيح اووووووووف ياهوه الله الترس ريتي ميدري ناويتله نيهه كشره يصير خير شيخ قيصر كعدنه وسولفنه والشيخ والشيخه حجولنه ايامهم صعدنه لغرفتنه اول مصعدنه حضني
قيصر لتوصلي لتمد ايدك عليه
هههه لعد وين امدها
والله ياقيصر اذا لمستني هسه اعوف لبيت واطلع رجعت لان عمي اجاني بس مالي غرض بيك بعد
يومين من يطب للغرفه اطب وراه اني مباشرتا اروح ع مرايا افتح شعري وانثره واذب دشداشتي واتمشه للكنتور اطلع سيت نوم والبسه كباله وارجع لفراشي انام ايخاف يقرب لان كل مره ماخلي واحلف مابقه ثالث يوم هستوني ذبيت دشداشتي جرني سد حلكي
مااحجي بيومها ع كولتهم وكع الحطب بينه ماكو شي صفت اعتذر عن تصرفه واعنذرت اني هم
صار عليه 4شهور اخذت سونار كالو كاعد بسادس كذلك لحد اخرشهر والدكتوره ياتكول كاعد ياتكول ساد رجله طبعا لمشاكل منتهت بس ع خفيف واني معتزله عنهن
كعدنه الصبح تعبانه اني خلصت شهري صاريومين وماكو شي اتحددلي عمليه بعد اسبوع طلع قيصر واني عندي الام بس تروح وتجي كتلهم كالو تشاليع عمي طب صرت كباله كالي شلونج
زينه شيخ الحمدلله
بويه اني حلمت بيج اليوم
صدك
اي بالله
الشيخه شحلمت ابو قيصر
والله حلمت انه لابس محبس فضه بي فص ازرك شحلاته ومسصرات نسوان قيصر كدامي وانه حاير المن انطيه كلت اخليهن يكدر والي يصير عليها تاخده مطب بيد لاامل ولارقيه يوكع منهن بس باايد ناي كعد شحلاته كان مفصل تفصال ع اصبعها
الشيخه: هههه بشاره خير ان شاءالله
ده يحجون احس الم قوه عندي الشيخه يمي لزمت ايدها كل قوتي
ها يمه شبيج
دموعي مااسيطر عليهن كتلهه يمه لحكلي بطني ده تتكطع عبالك ركضو بيه لبسوني جبه وطب قيصر يركض 🏃 اخذني انه والشيخه والشيخ لااول مره يحضر ولاده وحده من جناينه سبحان الله ياهي الي تجيب يكون عنده شغل لو مايدري بيومها كلششي ماعنده وطلكت كدامه اني اجه ويانه كالو ولاده مرت ساعه الم يموت اعيط منه جبت والله سئلت الدكتوره شنو جنسه
ضحكت كالت ولد جنه فلعت كمر
اني ع سديه دموعي غركن وجهي ربي رحمتك غطت كل شي صار الحمدلله ياربي صدك جنت متمنيه افرحه لقيصر طلعو يجيبون هدومه سبحوه كبالي اسمع الهلاهل ترست المستشفى
قيصر: عذبتني يله رضت وحملها جان شويه صعب لاتاكل ولاتشرب بيه صارت نص من الضعف كالولي ده تطلك خابرني الشيخ اخذته ولشيخ صعد وياي كاعدين بره اني والشيخه نوال وابوي وطلعو هابويه بشرو
الحمدلله جابت ولد جنه كمر
شجابت بويه
ولد ولد شيخ يتربه بعزك رفعت ايدي لسمه ربي شكول الف حمد ولف شكر الك الشيخ حضني يصيح والله لااخلي ام الشيخ تطلب وتتمنه الشيخه هلاهلها ترست الجناح مال الولاده طلعوه حطو بيدي بويه كل هل سنيين انتضرك الحمدلله اشكر ربي شفت جيتك من الغاليه اطيته لبوي ايأذن بااذنه ايدي ترجف كالي شتسميه كتله بويه سميك هذا داود سماه داود طلعوها للغاليه تبجي وجهه اصفر ارتاحت وخذيتها للبيت ابوي سوه عزيمه ذبح ذبايح
ناي :فرحتي متعادل فرحتهم من ايد لاايد كلها تصيح الشيخ هوه بكماطه وسموه شيخ طب عمي شايل علبه فتحهه ست بتوت ثكال وكلاده زنجيلها فوك صرت بطني بيهه قران جبير لبسنياهن
الشيخ: ولدي الحمدلله كلها عيلت وعدهم ويلاد وكلهم عزاز لكن قيصر يختلف لانه من بعدي
من يوم الي اجه داود صرت خطر ممنوع الاقتراب لا امل ولارقيه يندكن بيه باامر من الشيخ داود الجبير عمر داود سنه وسمعت نجم طلك مرته واخذت بتها وهوه سافر اخر اخباره عرفت انه بجورجيا ماعرف عنه شي ولااكو تواصل بينه والدي عايش اسمع اخباره من بعيد لبعيد مره سمعت مريض رحتله واديت الواجب مثل لغريب امي نفس ماهيه عندي اخوه من امي وعندي من ابويه بس اذا شفتهم بشارع ماعرفهم شفت مرتين اختي من امي نسخه ثانيه من امي عدهه قانون اني وسويت وعملت سرى صار عدها 3ولد وبنيه الله بحفضهم وزيد ابن خالي اخذناله سميه بت قيصر ورقيه علااقتي بحمويني زينه يحترموني واحترمهم اخذقيصر كاع قريبه ع بيت الشيخ داود وبناها 3مشتملات فلوس سيارتي جانت عد خالي كلي اخذي بيهن ذهب فلوس مره مااحط بيدي اني امل ورقيه طلعن بمشتملات بس مشتملي فارغ تالي كعدت بي سرى ومحمد لان الشيخ مارضه اطلع اني متعلق بالولد اي ولد هههه ولدنه ولله الحمد اني وقيصر صار عدي 4ولد داود وابراهيم وسلمان واخر العنقود عمره شهرين هسه سميناه صهيب
ضرايري مصار عدهن بعد وقيصر ممقصر بشي لاوياي ولاوياهم بس اكثر وجوده يمي لان هوه ابيت الشيخ طبعا الشيخ داود تعب وسلم الديوانيه كلها لقيصر هيه من زمان اله بس جان يساعده شوي هسه كله بعد انت اني ماكدر اما
نهاية قصة شيخ العشق
اني فتحجبت لاقصدي اتجفنت هههههه جفوف وجواريب وعبايه راس واخر شي كلي لبسي بوشي
اي عادي ماعندي مانع بس البس هذا الي تطلع منه لعيون
-هههههه شسوينه لعد لابويه كله
حاولت وياه مفاد لبسني بوشي نسوانه عادي عباه وحجاب بس اني بهاي فرق بوشي لبسني شغله لمحكمه ومهنتي ممنوع احجي بيهه بس من تصير شغله ايدوخ بيهه يسئلني بشغلات قانونيه ازوجته ب2010صار 8سنين الحمدلله راحت خبالات الاوليه ماكوبينه شي تعلمت ع طبعه وهوه مامد ايده بعد عليه نهائيا ومافاتت ليله وهوه منايم ع فراشي يروح ونص الليل يجي يمي ولليوم اخاف اخلي بيه غلط ونفس اهتمامي بنفسي وبي
هذي قصتي ونهايتهه
اتمنه للكل الخير والتوفيق والسعاده مرات تحرمنه الدنيه من اشياءهواي بس تعوضننه بلي يكون افضل واحسن منهن لحمدلله صرت ام واخاف جدا ع اولادي تعلمت من تجربت امي ومستحيل اعوفهم وقيصر صارلي سند وحزام ضهري ابويه واخويه وزوجي ومرات حته احسه ابني الله يحفضه ويحفظ ولدي
كالعاده قصص تحملنه بطياتها لنعيش معهم احداث مشوقه ومغامرات اتمنه السعاده لاابطالنه الحلوين والسعاده لكل متابعيني احبكم في الله
----
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
