رواية الطالبة والعصبي الفصل الرابع والثلاثون بقلم مجهول
لا تغضب
اذا انفجر البالون في وجهك
فأنت من نفخه
وأعطاه أكبر من حجمه
گذالك بعض البشر🖤
———-قرائة ممتعة ———
سيف
كعدت من الصبح وكمت سبحت وصليت ولبست قاط رسمي وخذت جنطتي ونزلت صبحت علة الهل وطلعت بسرعة بلة ريوك ركبت سيارتي ورحت للكلية وصلت وصفيت السيارة بالكراج ورحت طيران القاعت نارين شفت مقعدهة فارغ فسألت ايه علة نارين وكلتلي مأجت للكلية صدك حسيت بكبر كمية من الحباط ورحت المكتبي و اول ما دخلت دخل محمد وراي وكال
محمد ببتسامة : صباح الخير
سيف برود : صباح النور
محمد بضحك : ليش مخنزر من الصبح مصبح بوجهمن
سيف برود : موشغلك
محمد : عمي ماشي مو شغلي بس اجيت اكلك البارح رحنة قرينة الفاتحة وباجر الخطوبة
سيف بستغراب : الله يوفقكم بس مو جنك مستعجل
محمد بنفي: لا بلعكس انسب يوم
سيف : براحتك
محمد : يلة لعد رايح المحاضرتي بس مو تنسة باجر تجيني الصبح للشقة مالتي علة مود اروح للحلاق انزين ونبدل بشقتي وراهة انروح البيت جدي
سيف : ما كلتلي مرت ابوك شكالت لمن سمعت بخبر خطوبتك
محمد بضحك: ههههه ضل وجهة ينطي الوان هية وبتهة الحية والبارحة لمن ردنة اروح البيت ابو عامر دكن رجلهن الة يروحن ويانة ولمن رجعن ما عافلك عيب مطلعنة بيهة بس الحجية تلصمهن وتقصف جبهتهن
سيف : ههه اظاهر العائلة كلهة فيوز
محمد : هههه اي والله صدكت يلة رايح وطلع محمد من المكتب وكمل سيف اشكم ملف لأن ماعندة شي بالمحاضرة الأولة وراهة كام راح المحاضراتة ...
___________________
نارين
كعدت الساعة بالعشرة ونص وكمت سبحت ولبست برمودة لون وردي وصليت واجيت انزل بس دك تليفوني شفت الرقم طلعت سرى فجاوبتهة وسلمت عليهة وراهة طلبت مني اروح وياهة للصالون لأن معدهة احد ايروح وياهة وامهة راح اضل وية المعازيم فلكتلهة اكل الهلي وردلج خبر وسديت التليفون ونزلت جوة سويتلي لفت جبن وكلاص جاي ورحت كعدت يم مامة وكتلهة
نارين : مامة نسيت اكلج باجر خطوبة صديقتي سرى
ام نارين : الله يتمم الهة علة خير
نارين : امين وعزمتني الخطوبتهة وتعرفين هية معتهة اخوات فا كالتلي علة مود اروح وياهة للصالون
ام نارين : ليش وامهة
نارين : غير تبقة يم المعازيم هسة اشكلتي
ام نارين : ماشي روحي
نارين بفرحة : فدوة الكلبج حياتي انتي
ام نارين : اي اصبغي اصبغي بية
نارين : ههه منو عدنة غير ام علاوي حتة نصبغ بيهة
ام نارين : متكليلي اشوكت اخبلاتج ايروحن
نارين : نارين هوة احلة شي بية خبالي يلة هسة رايحة اكول السرى انج وافقتي وصعدت بسرعة فوك وادكيت علة سرى وكتلهة مامة وافقت اروح وياج وهية كولش فرحت وكالتلي باجر اصبح تمر علية هية واخوهة وروح للصالون كتلهة ماشي وسولفنة اشوية وسديت التليفون وراهة كمت نظفت غرفتنة الصاير بيهة انفجار وكعدت كلبت اشوية بالتليفون الحد ما اذن اذان الظهر وكمت صليت ونزلت جوة كعدت وية مامة بالمطبخ ورة خمس دقايق دخل بابة وعلاوي سلمت عليهم وراهة اجت ايه وحضرت الغدة وية مامة وتغدينة واني غسلت المواعين وايه صبت جاي وسئلتهة اذا تروح وياي الخطبت سرى بس هية رفضت نوب صعدت دورت بكنتوري علة فستان مناسب للخطوبة بس ما لكيت عندي ولا فستان فدورت بكنتور ايه ومشألله كلهن قصيرات الحد ما لكيتلي واحد طويل بس مكشوف من فوك يلة يمشي هوة بس بنات وراهة رحت سويت كيك وجاي ونجمعنة جمعة حلوة وضلينة انسولف ونضحك وراهة بابة راح البيت عمي ومامة راحت اجهز اكلات للعشة وعلي طلع يلعب طوبة وية اصدقائة واني كعدت اشوية بالحديقة الحد ما اذن اذان المغرب واليوم خميس تقريبن هذة احلة جو عندي فأتت توضيت وصليت وقرأت قرأن ونزلت كملت العشة وية مامة وتعشينة واية غسلت المواعين واني صبيت جاي المامة وبابة وكعدت وية علاوي باوعنة علة فلم جديد الحد اثنعش يلة خلص الفلم فصعدت فوك وقريت روايه حلوة ونمت ......
_______________
سيف
كمتل كل محاضراتي وركبت سيارتي ورجعت للبيت سلمت علة امي وابوي وصعدت فوك سبحت وصليت ونزلت جوة اتغديت وشربت جاي وصعدت نمت ساعة تقريبن وكمت لبست قاط رسمي وخذت اسويجي وتليفوني من الشحن ونزلت ركبت سيارت ورحت للشريكة وصلت ودخلت للشريكة وسلمت علة الموضفين وصعدت المكتبي وبديت شغلي بين الملفات والأجتماعات الحد الدعش يلة خلصت وطلعت من الشريكة وركبت سيارتي ورحت للنهر لأن حسيت روحي مخنونك وكعدت علة حافة النهر واخذت نفس من الهوة البارد وزفرت ابتعب الحد ما صارت بل وحدة يلة رجعت للبيت وصعدت فوك سبحت وصليت قضاء وحاولت ادك علة نارين وهم ماكو الحد ما نمت من التعب ....
_______________
نارين
كعدت الصبح وكمت بسرعة سبحت وصليت ولبست صاية سودة وحطيت فستاني بجنطة اصغيرة وخذت تليفوني ونزلت صبحت علة مامة وبابة وكعدت وياهم اتريكت ودك تليفوني شفت الرقم مال سرى وجاوبتهة وكلتلي هية بالباب فكمت وكلت الهلي سرى اجت وبست مامة وطلع وصعدت بسارة اخوهة من ورهة وسلمت عليهم ورحنة للصالون نزلنة اني وسرى ونزلت هية فستانهة وكالت الخوهة بتلاثة تعال ودخلنة للصالون شفنهة اهواي عراسي وكعدنة نتظر الحد ما وصل دورنهة وسوينة ثنيناتنة عناية بالبشرة وتنظيف وحف وبدو ابسرى حطولهة مكياج وتسريحة بسيطة طلعت اجنن وراحت تلبس فستانهة واني هم مكيجت بس مكياج بسيط وسرحت شعري علة طولهة ورحت لبس فستاني وطلع شفت سرى جنهة اميرة بفستانهة جانت لأبسة
وكلت السرى
نارين : لج صخلة طالع اجننين
سرى : ههه مشكورة وانتي هم طالعة حلوة بس اني اكيد احلة
نارين : هههه خبلة مو بيدج يلة خل نلبس الصايات قبل لا يجي اخوج
سرى : ماشي
نارين : رحت لبست صايتي وسديت طباقاتهة ولبست شالي وسرى هم للست جبتهة وشالهة وحطت شال علة وجهة لأن حاطة مكياج واجة اخوهة واني وسرى طلعنة ورحنة البيت سرى دخلنة وبدت الهلاهل والجكليت وصعدتنة ام سرى الغرفت سرى ونزعنة اني وياهة الصايات ورتبنة روحنة ونزلنة جوة كعدت سرى علة الكوشة واني وام سرى بدينة انقدم الكيك والعصير للمعازيم الحد ما صاحو الجهال اجو اهل العريس...
_________________
سيف
كعد الصبح الساعة بالتسعة وكمت سبحت وصليت ولبست بنطرون اسود وتيشيرت رصاصي وخذت قاطي الي راح البسة اليوم ونزلت جوة صبحت علة امي وابوي وكتلهم اليوم خطبة محمد وترخصت منهم وطلعت علكت قاطي بالسيارة وركبت سيارتي ورحت الشقة محمد وصلت الشقتة ودكيت علي علة مود يطلعي ورة خمس دقايق طلع وركبت السيارة ورحنة للحلاق حقل محمد شعرة ورتبة اما اني فا خففت لحيتي وحددتهة ورجعنة الشقة محمد لكينة اصدقائنة جايين بالشقة ولبسنة علة مود اروح البيت اهل محمد وكملت لبست
القاط ومشطت شعري وحطيت عطري ولبست ساعتي وطلعت شفت محمد لابس
هذة القاط وراهة طلعنة وكل واحد ركب سيارتة ورحنة البيت جد محمد وصلنة ودخلنة للبيت ومحمد سلم علة جدة وجدتة وباس راسهم واني هم سلمت علة جدة وجدتة وكعدنة اوياهم وراهة كال جد محمد ان اروح البيت البنية قبل لصير ازدحامات فكمنة وركبن النسوان بسيارة كوستر علة مود اتكفيهن وركبنة كل واحد بسيارتة ورحنة البيت ابو عامر وصلنة ودخلن النسوان اول شي وراهة احنة دخلنة للستقبال سلمنة علة الزلم وعلة عامر وابو عامر وبعد السلام والترحيب طلب جد محمد ايد سرى رسمي وصاحو البنية وبدة العقد والحمد لله تم العقد وراهة دخل محمد علة مود ايلبس خطيبتة الذهب ورى ربع ساعة اجة بس شو وجهة ينطي الوان وعركان حسيتة جان بحرب وراهة اترخص جد محمد علة مو نروح وبدت الزلم تطلع واني سلمت علة عامر وطلعت اجيت اركب سيارتي بس صاحتني بيبة محمد جانت واكفة يم الباب مال بيت سرى فا رحتلهة وكلت .....
_______________
نارين
واجو اهل العريس وبدن النسوان ايدخلن ويهلهن وجه سرى بدة ينطي الوان من الخوف رحتلهة وكتلهة اهدي واقري المعوذات علة مود ترتاحن هستلي ابراسهة وبتسمت واني بديت اوزع العصاير والكيك علة اهل العريس الحد ما وصلت المرية جبيرة بالعمر بس امبن من شكلهة نوراني شافتني وكالت
جدة محمد ببتسامة: صلاوات علة نبي انتي بتمن
نارين ببتسامة : صليتي علة نبيج اني صديقة العروس
جدة محمد : مدليني علة بيت اهلج واجي اخطبج الحفيدي الثاني
نارين خجلت من كلامهة واجت اترد بس قاطعتهة ام سرى وهية اتكول
ام سرى : يا خالة يا تخطبيهة هاي اصير خطيبة سيف
جدة محمد :يا سبحان الله هاي خطيبة سيف تعالي يمة خل احبج
نارين :ابتسمتلهة وقربت عليهة وباستني نوب اترخصت منهة ورحت وكفت يم سرى ضليت اهدي بيهة الحد ما صاحوهة علة مود تعقد وجابت ام سرى شال ابيض ولبستهة يا وكرمتهة اني وام سرى وكعدناهة علة كرسي يم باب الستقبال وحطت ام سرى بيدهة قرأن وفتحتة وبدة الشيخ يقرة ايات الحد ما سئل سرى اذا موافقة شفت سرى وكعت ادموعهة علة القرأن فا لزمتهة من ايدهة وهزيتلهة براسي وهية وافقت الحمد لله وراهة رجعنة كعدناهة علة الكوشة واني مسحت ادموعهة وراهة صاحو راح يدخل العريس فا اني رحت لبست صايتي وشالي وفات استاذ محمد وبدت الهلاهل وباس راس بيبيتة وراح كعد يم سرى الي جانت منزلة راسة وخذ المحبس من بيبيتة ولزم ايد سرى يلي اجت اتموع من الخجل ولبسهة الحلقة وهية همين لبستهة حلقتة وخذ الكلادة ولبسهة ياهة وهمس يم اذنهة
محمد بهمس السرى : كتلج اكسر خشمج اكسرة
سرى ما حجت شي بس باوعتلة بغضب بس هوة صفن عليهة ولمن شافت سرى انة صافن علة صدرهة الظاهر من الفستان حطت ايدة علة صدرهة وكالت بهمس بس هوة سمعهة : ماتستحي
محمد بهمس : صرتي مرتي ليش استحي
وكملو الذهب وشربو بعض حصير وكيك وطلع استاذ محمد ورى عشر دقايق راحو اهل الأستاذ محمد واني ردت ادك علة بابة علة مود يجي ياخذني بس اجت ام سرى وكلتلي سيف بالباب ويريدج اتفاجئت وماردت اطلع بس عيب من ام سرى لهيج رجعت لبست صايتي ولفيت شالي ودعت سرى وبستهة وطلعت من بيت سرى وشفت سيارة سيف بالباب فارحت وركبت السيارة.....
____________
سيف
بعد ما صاحتني بيبية محمد رحتلهة وكلت
سيف : نعم حجية
جدة محمد : طلعت خاطب چا متحجي لا تخاف منحسدك
سيف ببتسامة : ههه لا والله بس عبالي محمد كالج
جدة محمد : وين اني شايفة محمد بس شفتهة قبل اشوية والله وعرفت اتنقي وطلع ذوقك بي خير
سيف بستفهام : مفهمت شفتيمن
جدة محمد : غير شفت خطيبتك اشبيك
سيف بتفاجئ: نارين
جدة محمد : اي نارين بس شنو طالعة جنهة فلكت كمر فوك الخمس نسوان خطبوهة واني منهم بس ام سرى هية كلتلي هاي خطيبتك
سيف صرت عصبي من كلام جدة محمد بس كتمت عصبيتي وصعدت جدة محمد بسيارة محمد ورحت كلت العامر يصيحل نارين وصعدت بسيارتي انتظرتهة واني علة اعصابي ورى خمس دقايق طلعت واول ما ركبت السيارة سقت السيارة بسرعة ورحت الشقة عندي بس بعيدة اشوية وهية لمن شافت الطريق اتغير كالت
نارين بخوف : وين ما خفني هذة مو طريق بيتنة
سيف : ما رد عليهة بس ساق بسرعة اكثر الحد ما وصلو للشقة ونزل من السيارة وسحب ايد نارين ودخلو للعمارة البيهة الشقة ونارين جانت ايدهة ترجف من الخوف حس بيهة سيف بس ما اهتم وصلو للشقة وفتح سيف الشقة وسحب ايد نارين ودفعهة بالشقة وسد الباب ودخل وكف كدام نارين الي جانت واكفة ومبين عليهة الخوف ونزع السترة وشمرهة علة الكرويتات الجانت موجودة وفتح ارباطة وشمرا بالكاع وفتح اول دكم من قميصة وكال بصوت حاد ومبين علي العصبية : شكلت اني
نارين بخوف : اشكلت
سيف وهوة يقرب منهة : مو كلتلج بعد ما اطلعين اليمكان اذا ما ماخذة اذني
نارين بتوتر : اي كلت بس قاطعة سيف وهوة يوكف اكبالهة ويكول : انزعي
نارين بصدمة : هاا
سيف بحدة : نزعي هاي الصاية لا اني اعرف اشون انزعج ياهة
نارين دمعن عيونهة وكالت : ........
