رواية الضابط فهد ومريم الفصل الرابع والثلاثون بقلم مجهول
مريم:سمعنة صوت عياط جوة باوعت الفهد ونزلنة جوة لكينة الكلل مجتمع وام افراح متربعة بلكاع وادك ع رجليهة
يمة من مشاكلل النسوان ولغريبات يمة مندري منين جايبيهن وملفيهن علينة هجمن بيوتنة حسبي الله ونعم الوكيلل
مريم: فوكاهاا تتحسب باوعت الفهد مجتف ايدة وساكت ئشرلي بمعنى لتحجين سكتت بس نور شيسكتهة
نور:خالة اذاا ردتي تتحسبين ع شخص تحسبي ع ابنج مو تتحسبين ع المضلوم حرام عليج
ام افراح: انتي نفس اختج حية ملعبة امهات لسان عرمات شجاج يسعاد شوفي الدوارة مالتج شسوت شوفي الغريبات متدرين اصلهن من فصلهن
سعاد: ع بختج خيتي هوة منو الغلطان المتعدي ع الناس لو المعتدي علي صيري وية الحق حتة لو جان ابنج المفروض تكسري فوك الكسور الصارت بي
ام افراح: يمة اكسرة على شنو علمود امهات الزلم غير هية ادور هنا وهناا
مريم: باوعت الفهد ضغط على ايدة حييل وحجة
ع الاقلل كولي ربج كاعد يباوع عليج شتسوالكم اذا غضبب عليكم الله اكبر كمتو متخافون حتة من غضب الله شوفي اني احترمج وانتي ع عيني وراسي بس كلنة ندري ب امير شنو كلمة الحق تنكال
ام افراح: يمة تضحك عليك شوفو شلون مطيرتة للولد ميشوف دربة
فهد:دربي وياهاا الكلام موجه للكل مريم خط احمر الي ميريدني اوكف بوجهة خلي يبتعد عنهة
ام افراح: ولك شمسوي ب الولد كلة علمود النسوان ضاع ربانة
الحجية: مو كتلكم هذا طايح الحض ماتصيرلة جارة راح يفضحنة دزي البيتج هلمسربت هذا الله لاا يوفقة
افراح: بيبي ترا هوة هم ابن بنتج وفيدج شنو فرقنة احنة حتة هيج دتحجين
الحجية:فرقكم انتو ضالمين كلوبكم سودة ماا تريدون الخير بس النفسكم هذا فرقكم
فهد: حبيب امة اجة يبجي بحضنج خالة
ام افراح: ولكم ضناي هذا تريدوني اموتة هذا ضناي
فهد: عبالكم راح اعوفة يخسى اذا عفتة شغلي ماا اطبقة وانفخ نفسي بس ع الغربة لوو اخوية اسحلة سحلل وماا اباوع بوجهة
همام: فهد هاهية اطلع خلي يفض هلعرس هذا وبعدين تصرف مثل متريد وكلنة وياك بس اهدئ
افراح: اكيد تصيرون وياهاا شفت اختهة موو عجبتك وكمت ادافع
همام: سديلي حلكج لاا اسكطج ولخلقج اني ماا متربي تربيتكم يول لاتخليني اطلع سوالفج
مريم: واكفة واشوفهم شلون كاعد يتعاركون كل هذا صار بسببي من اجيت اني هنا صار هيج ماجان اكو شيي طبكت ادية وسديت اذاني واسمع الهوسة حسيت على ادين لزمت ادية
فهد: مريم ماكو شي لسوين بنفسج هيج صيري قوية وكومي حضري غراضنة حتة نروح
رديت واني ارجف: ويين رايحين
فهد: لبيتنة يلاا
مريم: بس فهد
فهد: لاا بس ولاا بطيخ ماكدر اخليج هناا بعد ماعندي استعداد اخسرج
مريم: يحجي واني عيوني على ايدة الدم جامد عليهة لزم ايدي وحجة
من رخصتج حجية وصلي هلكلام الخوالي هم الله يشهد اعتبرهم مثل ابوية بس ماكدر ابقة هنا بعد
البيت الي بي ناس ميحترمون حتة الخلقهم ماا طالب منهم يحترموني بس الله شتكلولة عبالكم غافل عليكم وميعرف شنو بداخلكم ولاا يعرف شتسوون صدكتو بيهة او لاا متهموني ماراح ينقص من وزنهة ولاا ينقص حبي الهة فخلوني محترم لحد هاي اللحضة اني ساكت ولازم اعصابي
الحجية: يمة الله يرضة عليك فهيد اخر طلب الية يمك ابقة بس اليوم الخاطري اذاا عندي خاطر يمك
مريم: هد ايدي وراح كعد يم بيبي باس راسهة وكال،
فهد: ميكون خاطرج الة طيب
الحجية: هذولة التسميهم اوادم اروح فدوا الطولك وليدي
افراح: وهاي الخخ تبقة هناا فوك اختهة ضرة وياهاا
فهد: ضرة؟ تحلمين وكائن من يكون غيرج تصير فوكاهاا مرة مو مريمي التصير فوك راسهة ضرة
نور: عاشت ايدك فهد من رخصتك عندي كم حجاية، اول شي احنة تربينة تربيت خير وعيونة متروح يمين وشمال نرضة بلشي العدنة ونحمد الله علي مهمى جان رخيص وعادي عمرنة وحياتنة ماحطينة عيونة على شي مو النة وهلشي يكفي اني ميهمني اذا انتي او عشرة مثلج حجو علية بس اكلج شي واحد
انتي متعرفيني ومصارلج كم ساعة من شفتيني وشلتي هلحقد كلة بكلبج علية بدون متحجين وياي حرف واحد تكرهيهة لان يحبوهة كرايبج صيري نفسهة انتي شناقصج شيلي هلحقد ولخبث ولكل راح يحبج
افراح: ماصير نفس احد وليش حتة اصير نفسهة خلي توصلي وبعدين كليلي صيري نفسهة
فهد: سدولي السوالف احسن ماتصرف تصرف ميعجبكم
همام: يلاا كل واحد يلتهي بنفسة تجمعات الغوهة وصوت ماريد وانتي افراح حسابج بعدين الله كريم
مريم: تقدمت يم فهد وسحبتة على صفحة وحجيت ،فهد تلفون افراح بي صور نور اخذة منهة وحذفهن هاي مينوثق بيهة
فهد:معليج لديرين بال
مريم: صاح الافراح واخذهة برة ربع ساعة وطب فهد طبت ورا افراح بس مبين عليهة جانت تبجي اجة سحبني من ايدي وصعدني فوك سد الباب واجة وكف يمي لزم خدي بحنية وحجة
عادي ترجعين عيونج القوية ونضراتهاا الحادة
مريم: فهد خلي نفسك بمكاني انت مصدكني بس غيرك شنو انت تعرفني بس الباقيين منو يدري شنو كاعد يفكرون منو كال مصدكين بية مجتمعنة يصدكون ب الولد فقط بس احنة الي عدنة شرف همة ماعدهم ماحب سالفة تجي علية اول مرة انحط بهيج موقف مكاعد اتقبلل
فهد:انتي شعليج بيهم انتي مسجلة ب اسمي اني محد الة دخل بيج حجو او ماحجو مراح ياثر بشي وراح تعيشين ويعيشون لان صدكي كلام الناس ميخلص حتة لو يدرون امير الغلطان راح يكولون انتي هم غلطانة وبدون سبب
مريم: كل هذاا لائن تزوجتك ماجان اكو اي مشكلة عدكم
فهد: ايي ولله بوية جانت حياتي ملل وانتي مليتيهة
مريم: فهد مو وكت سوالفك هسة
فهد:عادي تنطيني جدول الحجي هذا مريمي
مريم: شلون راح افاركك
فهد:وليش تفاركيني ثاني يوم اجي اخذج
مريم: هاي شنو فهد انت اصلاا بعد متخليني اروح وماشفت اهلي نكلب علينة مصيبة العرس ولازم ابقة وية نور هاي الفترة محتاجتني
فهد: لييش شصاير
مريم: امجد ابن عمي ناهي عليهة وابوية يريد منة يسحب نهوتة
فهد: هية نور رايدتة؟
مريم: اكيد لاا مشوف شمسوي بوجهة لان مارضت تزوجة
فهد: وانتي شلون رضيتي بية
مريم:وليش مارضة بيك يعني اصلاا هنيالي الف مرة
فهد: يعني ب البداية من شفتيني مامهتم
مريم:كل مرة اتعوذ من الشيطان احط راسي على مخدتي ابجي وانام
فهد:اسف على كل دمعة نزلت منج بسببي ماجنت اعرف شنو رايد ب الضبط جنت امشي ورة كلبي
مريم: ردت ارد وندك الباب رحت فتحت الباب طلعت نور
صيحي فهد هاي ام كفشة ومادري منو انوب تعاركن
نزلنة بسرعة ونشوف زينب وافراح وحدة تملخ ب الثانية
زينب: ولجج كايمة تهددين عفريتة انتي واخوج الدايح دقيقة وحدة متبقين هناا فهمتي منريد حثالة ابيتنة وجهج اشوهة اذاا شفتج هنااا
افراح: انتي الردتيهة يزينب تحجين علية منوو يراسلل بحبيب الكلب احمد ومريم تشجع بيج هاي المصدكين بيهة تضحك عليكم
فهد: انتووو ناوين ع المصايب اليووم شكاعد اسمعع اني زينب صح هلحجييي
مريم: فهد خليني افهمك اول شيي انت كلت انو خطبهة منك صح ف هوة راسلهة راد يعرف موافقتهة لاا اكثر
زينب: افرااح سديلي حلكج احسن ماا اخلي دمج بطولج وصلت حدهة خالة اخذي بنتج عااد ملينة فكونة شركم يبشرر
سميرة: احترمي وللججج زنيبة راح اكوم اكسرج وين جانت مضمومة هلمصايب يبوي راح يفضحونة بين الوادم
فهد: زينب احمد متحجين ويااا فهمتي الرجالل الي تصيرين على ذمتة بشرع الله الجج حق تحجين ويااا غير هييج ماكوو تعبتونيي فجرتو راسيي
مريم: ضلل يعيط وصعد فوكك انتضرت يهدئ واصعد مرت نص ساعة ماتحملت صعدت لكيتة مفرغ الكنتور ومطلع كلل ملابسة وحاطهن بجنطة
فهد شنو هااي ويين ،ماحجة بقة مستمر يحط الاشياء اليي يحتاجهن صرت وين ميروح اوكف بوجهة ويطلع تعبت وكعدت بلكاع اراقبة ودموعي تنزل باوعلي وحجة
كافيي بجي
مريم: شصااار هسة وينن رايح وعايفنيي صدكت مو صرت وياهم جنت تقنع بنفسك كم ساعة فههد
فهد: شنو التصرف السويتة يخليج تفكرين هييج وروحة الابوية مصدكج بعد
مريم: ويين رايحح وعايفني لعد
فهد:ارييد ارتاح مريم تعبت قضاياا الدنياا كلهاا علية مصايب البيت مصايب المحاكم شصيرر اني كليلي حديد لوو عضام عندي
مريم: زين ع الاقلل كول ويين راح تروح
فهد: راجعع للبصرة
مريم: لييش البصرة منو عندك هناك اخذني وياك
فهد: مريم لييش تشجعيهة على الغلط زينب بعدهي مراهقة انتي اكبر منهة المفروض متخليهة تسوي هييج
مريم: فهد ماسوت شي غللط شبيدي عليهة انت تدري بيهة تحبة بياا حق اجي اني وامنعهاا منة
فهد: راح اسئلج سؤال وجاوبيني بصراحة
مريم: اكيد كول
فهد: انتي حاجية وية زينب بموضوع زواجنة
مريم: ايي بس لييش
فهد: يعني اني وصلتج لمرحلة خليتج تدعين علية
مريم: ادعي عليك شنوو فهد شدتحجي انت
فهد: شخص سامعج وبسس لتهتمين واضح ماكو هيج حجي انسي بوية
مريم: فهد لتخبلني لتحجي الغاز وتسد الموضوع فهمني تعببت ورب
فهد: وصلتني كم حجاية بس انسيهة متهمني ولاا الي كالي ثقة حتة اصدكة ومامفكر ب الموضوع
مريم: تفكر متفكر مو مشكلتي فهد اريد اعرف كلشيي وهسةة هم
فهد:مريم الحجي انتي من اختفيت ب الواجب جنتي فرحانة وتكولين الزينب شكد جان ساد نفسي ويخنكني وجودة
مريم: لحضة لحضة اني احجي هيج وعليك هم الله اليدري بية من جنت ماا طايقني وتضربني وتهيني مادعيت عليك ولاا حقدت عليك حتة اجي هسة من حبيتك ادعي عليك
فهد: اعرف كلشي ولو مصدك جان كلتلج من البداية
مريم: راسي راح ينفجر مكاعد اتحملل كل هذاا النفس صار حسرة علية
فهد: اخذتي علاجج
مريم: ماريد علاج ولاا شيي عوفوني وحدي وبسس ماريد شي ماسويت شي ليييش هييج طلعني مناا
فهد: مريم هدي نفسج ماكوو شيي لييش هلعصبية بوية
مريم: هسة صرت انيي العصبية موو فهدد وانت شنو شتريد اسوي مو رايح من ورة عصبيتك
فهد: مريم انتي رايحاا لبيت اهلج ماتحملل ابقة هناا مراح تاثر عليج بشي روحتي
مريم: ماريدك تصير بعيد عني هيج جنت حاسة راح يصير شي انتة راح تروح ومترجعلي مرة ثانية
فهد: رايح لابوية مريم محتاج احاجي صارلي فترة مزايرة ولهذا السبب مخنوك ليش مارجعلج لتفكرين بهاي الطريقة تفكيرج بية اريدة ايجابي لان هذاا الصح
مريم: انطيني وعد ترجعلي ومتعوفني
فهد: وعد يبعد طوايف هلي
مريم: حضنتة وماتحركت مرت خمس دقايق واني على حالتي حسيت نفسي اخر مرة راح اشوفة حسيتة رايح يريد ينهزم مني واني تعبتة ماردت ابتعد عنة بس قاطعني
مريمي تعبانة تنامين
مريم: رديت والخنكة واصلة لاعماق روحي، ياريت انام ماحجة راح جاب علاجي اخذتة ورحت مددت باوعتلة وكلت
عادي تبقة يمي لحد ماا انام
فهد: العمرر كلة يمج اتمنى مريمي
مريم: اجة يمي حطيت راسي ع جتفة وبتسمت عكس وجهي ب المراية تنهد وحجة
فهد، اني اطلع الساعة 9 الصبح اوصلكم اني لو ابوج يجي
مريم: ماحجيت ضليت اشهك من البجيي كام من مكانة وكومني مسح دموعي وكالل
فهد: تقبلين احترك هلدموع كاعد تحركني لتبجين هاهية
مريم: عوفني اريد احضر ملابسي حتة تخلص من مريم
فهد: اوووف شخلص منهة معلكة بروحي
مريم: من اروح تتعود على غيابي لتخاف مو صعب
فهد: بوية مريمي صعدن هرموناتج تعاي نامي عوفي هلسوالف المابيهة حض
مريم: ماحجيت كمت طلعت حطيت ملابس وكثرت مادري لييش حطيت كل الاغراض الاحتاجهة ، باوعت الفهد جان يباوع علية ونايم بدون ميدري
رحت دفنت راسي بحضة وحسيت الدنيااا صارت اماان وماحسيت على شيي بعد
---------------------------------
زينب: جنة منتضرين هليوم الي المفروض يتم بدون مشاكلل العرس الي انكلب مصايب بسبب الحية نكلب اليوم نكد بشكل مو طبيعي
بحيث رجعت لزمتهة دكيتهة هية متعودة من جنة صغار الة تنكتل يلاا تسكت لوو الله طاخهة ولاا هلعيشة العايشتهة
رجعت للبيت ورة ماا خلصت الحنة دكيت افراح رحت سبحت وعفتهم بدون حجي حتة تلفوني ماا شغلتة تعرفت على نور وجانت محبوبة نفس اختهة بس توالمنة نفس التفكير ضليت احجيلهة كلشي وشنو افراح وقصتهة وقصتي وية احمد ضلينة نحجي فد ساعة ونص فقدنة من النعس ونمنة
-------------
مريم: حسيت على شخص يكعدني فتحت شفت فهد كبالي بس مو مثلل كعدة كليوم صرت اتذكر شصار البارحة ورجع كلشي احساس البارحة والي راح يصير اليوم ،كمت باوعتلة مبدل ومكمل
مبين حييل فرحان لهاي الروحة هلكد كاشخ متواعد يعني حتة المتواعد ميسوي نفسك ،باوع النفسة ورجع باوعلي وحجة
بوية شتريدين البس يعني هذا لبسي كلة هيج ماعندي لبس للمناسبات والموعد اليعجبني البسة حسافتهة فاتحة
مريم: اعصابك شحجينة، كمت نزلت بدون ماحجي لكيتهم كاعدين ومتريكين
ام مريم: هلاا يمة تعاي اكليلج لكمة من البارحة مو ماكلة شيي
مريم: يمة ماريد وترا شوية نوب راح نروح للبيت
سعاد:لييش يمة خليهة باجرر
مريم: لاا خالة فهد عندة شغلل وراح يطول ميكدر ياخذني غير بهذاا الوقت #ڪــڔٰا̍ڕ
سعاد: براحتج يمة توصلون ب السلامة
مريم: الله يسلمج خالة، رحت لغرفت زينب جانت نور هناك كعدتهة ماا كامت جانت اكو دولكة مال مي ع الميز اخذتهة وصرت ارش شوية ب البداية مافاد وكبيت الدولكة كلهة بوجهة
نور: يماا اختنكتت صخاام بعينج
مريم: سدي حلكج انتي مو ابيتج وكومي ماضلل وكت راجعين للبيت
نور: روحي وسدي الباب وراج
مريم: نور كوميي حييل مابية الله يخليج، كعدت زينب ونور باوعلي ب استغراب
زينب: مريمم شبيج لييش هيج صوتج مخنووك
مريم: باوعتلهن حجيت والغصة خانكتني
فهد راحح يروحح للبصرة وحتة ماكال شوكت يرجعع
زينب: مريوم وليش زعلانة انتي رايحاا لاهلج عوفي هوة هم يطلع شوية مو احسن ميبقة يم العفريت
مريم: اكيد احسن بس انيي ماا مرتاحلة لكلشي كاعد يصير وراح يصير
نور: لضلين حزينة انتي اكيد مبدلينج ب المستشفى مستحيل اختي نكدية هييج
مريم: مححد رااح يحس بيكم اعرف من الاساس متحسون لييش كاعد احجيلكم انتو نفس الشيي، طلعت من الغرفة صعدت فووك شفت فهد كبالي عفتة ورحت طلعت ملابسي طبيت سبحت طلعت مشطت شعري بدون واهس حتة نفسي اباوعلهة بدون واهس راح حماس قبلل للمراية اليوم نضرات ماعرف سببهة وشنو راح يصير من وراهاا ،فتح الباب فهد وحجة
يلاا بوية كملتي
مريم: ايي كملت
فهد: غراضج نزلتهن امشي وياي
مريم: عفتة ونزلت سمعتة يستغفر ماهتميت انتضرناا برة وجانت خالة سعاد وبيبي وخالة سميرة وزينب واكفين همم
ام مريم: اعذرونة ع الازعاج وشايفين كل الخيير نشالله
الحجية: هلا بيج يبعد كلبي الخيرر يصيبج يمة
مريم: اجة فهد سلمت عليهم كلهم وزينب اجتي اعتذرت مني رغم اني الغلطانة وماتحملت حجاية طلعت وحسيت الدنياا وكفت ردت ارجع وينتهي كلل هذاا بس للاسف طلعت وصعدت وتوجهنة لبابل الطريق كلة واني اباوع للجامة ومانطقت بحرف والكلل نفسي راسي ع الجامة تعبت من التفكير ومادري بنفسي نمت
مادري شكد مر من الوقت كعدت اباوع الفهد وباوعت وراي ماكو اححد كلت اكيد غير رئية وراح نرجع بس حجة كل امالي راحت
فهد: نزلوو حتة اودعج
مريم: فهدد بغلاتي شنو تودعني لييش كاعد تخوفني فوك كل هذا الخوف شكد راحح تعوفني يعني شنو مناسبة الوداع ماريد وداعك هذا اذا رايد تعوفني كول بس بدون وداعع سحبت ايدي منة ونزلت وكفت ب الباب لمحتة من بعييد جان مدنك راسة ويرجع يباوعلي طبيت وسديت الباب ابوية جان ب الشغلل
بدون حجي طبيت للغرفة حسيت نفسي رتاحيت نسيت نفسي مزوجة الي اذكرتة ايامي وشعوري قبل مازوج واحس بكل هذاا مددت بفراشي وفكرة جيبني وفكرة توديني نمت ماكعدت للمغرب كعدتني امي كالت حرام تنامين المغرب استغفرت وكعدت فتحت تلفوني مالكيت اي رسائل
طلعت جانت امي محضرة العشة سلمت ع ابوية وكعدت يمة شوية حاولت بكد ماا اكدر ابين نفسي طبيعية كدامة ومصاير شيي اختنكت طلعت برة صافنة للسمة صرت امشي وارجع لمكاني بسس فجئة حسيت الدنياا صارت سودة وجسمي وروحي صارت بغير شخصص .......
