رواية الضابط فهد ومريم الفصل السادس والثلاثون بقلم مجهول
فهد: مريم مريمي شوفي لتعبيني وتعبين نفسج عناد لتعاندين بلنهاية راح تروحين اذا مو برضاتج غصب
مريم: فهد موو مخبلة اني مو مخبلة دتشوفيني املخ بنفسي يعني
فهد:هسة اهدي لييش هلعصبية دتشوفيني داعيط عليج تعاي رجعي اكعدي
مريم: ماكعد كملل وماراح تستفاد ماروح يعني ماروح
فهد:ايي لتكعدين انتي كاعدة او واكفة نفس الطولل
مريم: لتتنمرر خلقت الله
فهد: اروح فدواا لهلخلقة ولله
مريم: وهسة شتريد انت
فهد: تعاي كعدي وخلينة نحجي بهدوء
مريم: اخذت نفس وكعدت يمة رجع اخذ ايدي وحجة
تدرين ماكدر اخسرج مو وادري انتي تريديني وكل هذا الدتسوي لان اكو خوف بداخلج انتي مصدومة وخايفة من شي مريم كل انسان يتعرض الهلشي مو شرط انتي مخبلة كلنة معرضين لهلشي اني ماا مجبور اسوي هيج تدرين ليش كاعد الحح عليج ماريدج تتاذين وماريدج تكرهيني نضرات الحب الي جنت اشوفهة بعيونج داحسهة كامت تختفي صرتي تخافين مني بدون سبب
مريم: ضليت منزلة راسي وماحجيت ،رفع راسي ب ايدة وكال
من احجي وياج باوعيلي لييش ساكتة
مريم: خلص لتريدة سوي موافقة ،حجيت هيج ابتسم وحضني
فهد: مريتي التسمع الكلام
مريم: يلاا وخرر هسة احد يجي
فهد:تراا مزوجين مريم
مريم: ايي عادي اني اذا انتة متستحي اني استحي
فهد: تستحين موو خليني ساكت يحلوة
مريم: اوي فعد وخررر انت شكلك تريد تضوجني رجعع كعدني وكرص خدودي
فهد: خديداتج ماخذات كلبي
مريم: انت كلشي بهلحياة ماخذ كلبك شوف راح تصير اثر بسرعة تبين بجسمي
فهد: مريم لتكلبيهة مناحة شسوينة قابل بوية هية كرصة
مريم: زين هسة عوفنة من هلسالفة اليوم الكعدة وية عمامي علمود شغلة نور انت تكعد وياهم مو
فهد:اني ماعرفهم بس اكيد راح اوكف وية ابوج مبين حييل مهموم
مريم: ايي سودة علية الله لاا يوفقهم لاا همة ولاا تقاليدهم الله نقذني منهم وانطاني الشخص يخاف علية اكثر من نفسي
فهد: الله نقذنة ثنينة عمري بدة من دخلتي حياتي انتي عوض ربي
مريم: اوي فهد اسكت ماعرف ارد على هيج حجي
فهد: علساس اني الاعرف احجي هيج حجي غير انتي خبلتيني
مريم: هو لازم كلشي براسي ادري
فهد: شوكت يجون الشفية
مريم: ماعرف العصر لو الضهرر
فهد: ماشي رايح اجيب ملابسي من السيارة اريد اسبح
مريم: تمام روح اني راح احضرلك الحمام
فهد: ماشي ام شبر
مريم: فهددد رووح لا ابتلي بييك ،ضحك وطلع ورة دقايق اجة وشايلل ملابس لون اسود اخذتهن منة وحجيت
فهمني انت لييش تضلل تلبس اسود يعني متوب
فهد: رجعنة لنفس السالفة البس احمرر يعني
مريم: البس احمرر اصفرر المهم متلبس اسود
فهد: ياربي صبرك
مريم: بعد بعد سمعهم
فهد: انتي النكد عندج اكبر من حجمج
مريم: شمرت الملابس وخزرتة وطلعت رحت للمطبخ جانت امي وابوية كاعدين سلمت وكعدت وياهم
ابو مريم: هاا بوية رجلج وين
مريم: راح يسبح يابة
ابو مريم: شلونج وياا بنيتي مرتاحة
مريم: الحمدلله مامقصرر وياي بشي وخالتي تعتبرني بنتهة وبس اني وياهاا بلبيت ماعدنة شي
ابو مريم: هو هذا الرايدة بس راحتجن الحمدلله على كل حاال
مريم: اكول يابة فهد يريد يحضر الكعدة وياك
ابو مريم: هلاا بي بنتي ميقصرر
مريم: ضلينة نحجي ورة ربع ساعة سمعت فهد يصيحني رحت وكفت كبالة وكلت
شرايد
فهد: هاي منو صاير عصبي اذا متريديني اروح لبغداد
مريم: رجلي على رجلك واذا خطيت خطوة وحدة بدوني اكسرهاا الرجلك واضح
فهد: افاا عليج ينطيج كلبج تكسرين رجلي مريمي العنيفة
مريم: هو انتو الزلم هيج بس وحدة تصير زينة وياكم تاكلوهاا
فهد: تدرين كلامج صدك اني هسة اريد اكلهن لخدودج
مريم: فهد عووف خدودي احسلك اذا صار اثرر بوجهي اشوهك شوف اضافري وانت اتوب
فهد: اكلج انتي بشر كلشي عندج طويل شعرج لسانج اضافرج حتى رموشج بس طولج عكس سبحان الخالق
مريم: روح فهد بعد ولاا احاجيك، ردت اطلع سحبني ورجعني كبالة لزم وجهي وحجة
فهد: لييش تزعلين بسرعة يعني ميصير اشاقة وياج اول شيي احب طولج ونكدج وزعلج وغيرتج كلشي بيج اني راضي ومقتنع بي واشوفج احلاا انسانة بهلدنياا المرة موو بلجمال المرة التصون عرضك وبيتك هية هاي بنت الاصول واكفة كدامي
مريم: انت من شنو مخلوق ماجنت متخيلة ربي راح يرزقني بشخص مثلك صدكني ماريد شي من الدنياا بعد غير الله يحفضك الي
فهد: شنو هاي ماعرفتج متاكدة انتي مريمي
مريم: حجيت البداخلي بس ماحجيت شي يخليني متاكدة
فهد: يلاا حبيبي امشي نطلع هسة شيكولون علينة خاط بنتنة وقافل عليهة ميخلينة نشوفهة
مريم: هههههه شهلتفكير العميق العندك ،طلعنة كعدنة شوية ورحت اني ونور نضفنة لدوانية صار العصر اجوي عمامي وامجد وياهم كعد ابوية وفهد وياهم سوينة جااي شربو وفتحو الموضوع بدة بي عمي ابو امجد
ايي يخوي سمعنة بيك رافض هلزواج شايف علينة شي واحنة ماندري
ابو مريم: خوية انت على عيني وعلى راسي تقبلل تزوج بنتك غصبب عنهاا
ابو امجد: خوية هية مو مال جبر هذا دلالك يعني مريم نطيناهاا للغرب ليش نخلي تعبناا وتربيتناا تروح للغريب
ابو مريم: ابد ماا متندم انطيت بنتي لفهد هذا صدك حافض على بنتي والحمدلله باحسن حاال واني ماا كعدت بهلمكان علمود هلحجي اني الي رايدة ابنك يسحب نهوتة وهاهية يخوي
امجد: اعذرني عمي نهوتي ماسحبهاا واذاا فكرتو تزوجوهاا قبلل لاا يشوفهاا طلقة براسة وبراسهة
ابو مريم: وللكك احترم نفسك تسحبهة وغصباعنك فتهممتت
فهد: من رخصتك عمي هلشي الكاعد تسمونة نهوة استلاب لحق الاختيار وبصفتي ضابط اكدر هسة احاسبكم وهلشي عدنة جريمة تتحاسبون عليهة بعقوبات مختلفة تتعاقبون على هلشي وتخلص عقوبتكم ترجعون تتعاقبون على نهوتكم لبنية ماا بالغة السن القانوني وهاي نعتبرهاا ب الدين والقانون جريمة
امجد: انت متهددني فهمت خلي قوانينك النفسك
فهد:هذاا مو تهديد اذا انت تعرف العشائر بس اني اعرف الدين والقانون لان واضح كلش مويم هلاشياء انت
حازم عمها الثاني: ابو مريم هاي لاا عاداتنة ولاا تقاليدنة وابنة مابي شي حتة بنتك المحروسة هيج كاعد تدلل
ابو مريم: خوية الله يرضة عليك اسحبو النهوة وفضوني من هلسالفة لتكسرون ضهري على بنيتي عوفوناا بحالنة ومانريد منكم شي بعد
ابو امجد: خوية هذا امجد كدامك القرار ب ايدة
امجد: النهوة ماسحبهاا وشتريدون تسوون سوو ماخايف منكم والاسبوع الجاي العقد
ابو مريم: امجد راح اكوم اكسر راسك لك ادبسزز احترم الاكبرر منك شوف لوو تضل انت اخر رجال مانطيك بنتي
امجد: هاية بنتك الة اكسر خشمهاا
مريم: واكفين يم الباب ولازمة ايد نور صار عياط ومشاحنات بيناتهم وامي تدعي ميصير امجد اجاوز على ابوية كام ابوية يريد يضربة تشنج كلبة وكع طبينة كلنة للدوانية كعدت بصف ابوية ولازمة ايدة وارجف وفهد يحاول يصحي باوعتلهم بحقد
لكك الله لااا يوفقكمم نشالله حسبي الله ونعم الوكيللل بيكمم عوفوناا ياا ضلام راح يروح ابوية من ايدنة منوو يفيدنة انتوو تصيرون سند النة اطلعووو برة نشالله حوبتناا متتعداكم
كعدني فهد يهدي بية ونور وامي كاعدات يم ابوية ويبجن كام فهد وضرب امجد بوكس شوف لكك اذا شفت رجلك خاطية عتبت هلبيت اخيسك بلحبس حقييررر كوم اطلععع برة
امجد: لكك سااافللل وتهدد بعد انت منو وتمد ايدك علية
مريم: صارو يتضاربون وعمامي يحاولون يفكوهم ماكوو موتة للولد اصيحح الفهد حتة يجي يشوف ابوية بس مينتبهلي كمت وطبيت بنصهم واعيط الفهد واسحب بي اجتني ضربة على صفحتي من امجد جان المفروض تجي الفهد لزمت صفحتي وكعدت ب الكاع واتوسلل لفهد
الله يخليك فهد بغلاتي روح لابوية رووحح ،احتار على منو يروح راح لابوية رفعة وساعدو عمامي حطة ب السيارة وراح بقيت كاعدة بمكاني وابجي
نور: كلة بسببي اذا صارلة شي ماسامح نفسي خلي يرجعع وماريد شيي واوافق ازوج هم
ام مريم: اسكتي يمة مابي شيي لتخافين خبلتي اخوانج
مريم: محد راح يسكت بعد واذاا قبلتي اني ب ايدي احركج فتهمتيي اخخخ يمة كليتي راح توكفف ،اجتي امي ونور كعدن يمي
ام مريم: يمة مريم شبيجج
مريم: الحقييرر ضربني بدالل فهد على صفحتي
نور: كون كسررر ب ايدك يااا نغلل وابن نغل هم
ام مريم: لتجاوزين على عمج مهمى يكوم بمقام ابوج يمة
نور: محد بمقام ابوية ولاا بشرر يوصلل لاضفر ابوية يمة هذولة نااس ماعدهم رحمة لتقارنيهم بابوية
ام مريم: عوفي الحجي وكومي ساعديني نودي اختج للغرفة
مريم: ساعدوني اكوم مددت وماكدر حتة انكلب بحيث صرت اتكلب وابجي كلياتي انمردت مرد بس بالي كلة يم ابوية مرت نص ساعة وكلت النور تجيبلي تلفوني جابتة واتصلت على فهد رد
فهد احجي شصاارر الله يخليك
فهد: اهدي يعمري مابي شيي اعصابة تشددت ونطو مهدئ للاعصاب هسة يخلص المغذي ونرجعع
مريم: الف الحمدلله، من كلت هيج ابتسمت امي ونور عرفو مابي شي
فهد: مريمي بيج شيي حبيبي احتاريت على منو اروح اسف
مريم: اني مو مهم فهد مابية شي المهم ابوية بخيرر بس الحقير راد يضربك واجتي الضربة بصفحتي
فهد: شنوو ضربة مريم تاذيتي شلون صرتي هسة
مريم: عمري مابية شيي لتهتم من نرجع نحجي
فهد:اني اعلمة هلكلب هذا
مريم: بغلاتي لتسوي شي بس ارجعو سالمين وهاهية ماريد شي بعد
فهد: نص ساعة اني يمج يكلبي لتخافين ماشي
مريم: ماشي حبيبي ،سديت الخط وغمضت عيوني مادري شلون نمت وية هلوجع ،حسيت ايد دتمسح على وجهي وشعري فتحت عيوني كمت بسرعة ولزمت كلياتي اذتني
فهد: هوب هوب على كيفج شبيج
مريم: بابة وين
فهد: تاثير المهدئ بعدة نايم ماعتقد يكعد هسة
مريم: اوووف الحمدلله
فهد: جبتلج علاج كومي اخذي حتة تصيرين زينة وهاي لزكة تسحب الالم
مريم: شكراا تعبتك هواي اليوم
فهد: اشش ماريد هلحجي ينعاد اهلج هم اهلي وانتي مرتي هذاا واجبي
مريم: كمت وكام وياا حاوط خصري حتة متاذيني صفحتي من امشي طلعت كعدت على القنفة ب الصالة وفهد كعد يمي اجتي امي
هاا يمة شلون صرتي
مريم: الحمدلله يمة مابية شي
فهد: اريدكم بموضوع
مريم: ايي تفضلل
فهد: لاا موهسة من يكعد ابوج وكلنة حاضرين نشالله احجي
..........................................
