رواية الدخيلة الفصل التاسع والثلاثون بقلم مرج البحر
لاتنسون متابعه للقصه واتفاعلو حته اليوم تكمل كلها
هي تدري سوآلفي وياهآ عشگ ؟
وكل حجينه الرسمي من دونه آختنگ ؟
يا غشيمه آنت الـ ( هلآ ) : مشتاگ حيل ..
والـ ( شلونچ ) يعني آحبك بـ الصدگ !
والـ ( نعم ) والـ ( شكراً ) هنآ گمت اغار .
والـ ( گعدتي ؟ ) مُـو مجرد أهتمام ،،
يعني ليلي بـ غيبتچ صايـِر طبك .
بـَس أذا مآ نحچي مآ حس بـي يدگ
.
.
.
.
.
.
. +
ملاحضه /هذا البارت بس لايان وحور وتددلون عليه طبعا
بغداد ....
حور: حسين رجع للاهله صارله يومين ......طبعا بديت اتعلق بسيدي هواي هو اماني وامنيتي صار بس اكيد مااكولة لان عيب هسه شيكول عليه ماصدكت شافت رجال وعشكته ف وكلت امري لربي هو الي يفوضه.....صارت الساعه ب12 ونص يعني سيدي ع جيه ....اني كاعدة من الصبح منضفه البيت وسويت غدا مطبك دجاج ......المهم دخلت لغرفتي طلعت دشداشة لونها وردي وشال بيجي وملابس داخليه واخذت خاولي ورحت للحمام اسبح ...سبحت وكملت وطلعت نشفت شعري ومشطته وضفرته طولان زايد وجاي يتعبني حيل .... واني جاي البس بشالي سمعت صوت الباب ينفتح ايي اجه سيدي منو غيرة طلعت من الغرفه والابتسامه ع وجهي
حور:الله يساعدك سيدي
ايان: ويساعدج حورية
حور:تتغدة لو متغدي
ايان: لا والله ما متغدي
حور:لعد تمام انت روح بدل بين مااجهز الغدا
ايان:يلا ماشي مااتأخر
حور:تمام
راح ايان للغرفه واني صبيت الاكل وخليته ع الطبله وصحت يلا سيدي الاكل جهز طلع لابس بس بجامه قطنيه سودة وبدون فانيله وشعرة يكطر مي وينزل ع صدرة شكله ساحر روعه اني ضليت صافنه عليه والله محسيت ع نفسي ابد ....
ايان: حور من اول ماشفتها وحسيت براحه وخصوصا من هسه هي عندي هادئة ومرحه وطفولية تعلقت بيها صار وجودها بحياتي كلش مهم يومي مايكتمل اذا مااشوفها وصار ودي اكمل الدوام حتئ ارجع للشقه واشوفها (تعلقت بيها شوية شوية بديت احبها بديت اعشقها بدت تصير وي روحي حسيتها بنيتي ماحدر استغني عنها شلون من يجي اسد ياخذها والله يمكن انجلط من القهر اذا بعدت عني)
رجعت اليوم من دوامي تلكتني هي ب ابتسامتها الحلوة لابسة دشداشة وردي وشال بيجي طالع وجهه يخبل وخصوصا من تحجبت صارت تجنن وعلمتها ع الصلاه شكد حلو التزمت بصلاتها اكثر مني ....المهم هي راحت تحضر الاكل واني دخلت سبحت وطلعت لبست بس بجامه قطنيه سودة وماشفت شعري سمعت صوتها تصيحلي طلعت هي شافتني وصفنت عليه هههه شكلها تحفه فنيه تقربت عليها وباوعت بعيونها
ايان (بهمس): ليش صفنتي
حور: ها
ايان: هههههه يلا تعالي نتغدة اباوعلها صار وجهه طماطيه حمرررة فدوة
حور: تغدينه وكملنه كام هو كعد بالصاله واني خليت القوري ع النار وغسلت المواعين اخذت كلاص الجاي و رحت لصاله لكيته متمدد ع التخم ويباوع بتلفونه كلتله
حور:اتفضل هذا الجاي
ايان: اي والله تسلمين
حور: ولو ....تحتاج شي
ايان:ايي والله
حور:اي كولي
ايان :حضري نفسج شوي ونطلع للمول هم نشتري ملابس الج وهم تغيرين جو انتي من اجيتي لحد هسه ماطلعتي بس مرة واكيد تضوجين وتملين
حور:ايي والله اضوج كلش مامو شي يسليني ..وتمام شوكت نطلع
ايان: هسه شكد الساعه
حور: باوعت للساعه لكيتها ب 2:30 كلتلها
هسه ب 2:30
ايان:تمام ب 4 نطلع
حور: ماشي
ايان: يلا اخذي راحتج
تستمر القصة أدناه
راحت لغرفتها واني اباوع ع طولة من فدوة رحتله شنو طول يربي ...... المهم نمت وكعدت ب 3:30 ماسمعت صوتها دخلت لغرفتي غسلت وبدلت ورحت للغرفتها صحت حور ماكو ماجاوبتني دكيت الباب اكثر من مرة هم ماجاوبتني فتحت الباب مال الغرفه وهيه طلعت من باب الحمام بهل منضر حسيت كلبي عندة سباق كام يدك حيل لا اراديا تقدمت عليها هي رفعت راسها شافتني ضلت مصدومه هي ترجع لورة واني اتقدم عليها لحد ما هي لزك بالحايط وغمضت عيونها حيل اوووف شكلها مغري لافه المنشفه ع جسمها ومخليه وحدة ع شعرها يبوة وربي مااكدر اقاوم نزلت عيوني ع شفايفها صايرات وردية والخدود وردية والمنشفه نازله شوية عن صدرها ومبين نهدها كطن كطن يابوية شسوي بحالي اني استغفرت ربي وطلعت وسديت الباب وراي كبل رحت غسلت وجعي اريد المنضر يروح من بالي .....
حور كعدت ب 3:10 طلعت ملابسي خليتهن ع الجربايه ودخلت للحمام سبحت وكملت لفيت المنشفه ع جسمي ووحدة ع شعري اول مااطلعت من باب الحمام ورفعت راسي شفت ايان واكفف بباب الغرفه نصدمت حسيت رجليه لزكن بمكانهن مايتحركن نوب ابد ما شال عيونه ضل يباوعلي بدة يتقدم واني ارجع ليورة لحد مالزكت بالحايط غمضت عيوني حيل ولازمه المنشفه خاف توكع ما فتحتهن لحد ماسمعت الباب مال الغرفه ينسد حيل يمه نزيت احس كلبي يدك مثل الطبول يمه عزا العزاني شلون بيه شلون اباوع بوجه بعد يا فشله الفشله شوية وسمعته صاح يلا حور اتأخرنه ما كدرت اجاوبه كمت لبست ع السريع وطلعت
لكيت كاعد بالصاله لابس بنجرون جينز اسود وقميص ابيض وفوكاه جاكيت اسود وبوت اسود ولابس ساعه والجكارة بحلكه حجيت وكتله خخلصت
رفع راسه وباوعلي
ايان: سمعت صوتها وفعت راسي لكيتها منزلة راسها لابسه فستان نيلي وشال بيجي وحذاء بيجي مرتبة والفستان عريض عليها
ايان: يلا اطلعي كدامي
تحركت هي وطلعت اني طفيت اضوية الشقه وطلعت قفلت الباب ونزلنه سوة صعدت بالسيارة وهي طل هذا الوكت ابد مااحجت حسيتها حيل خجلانه واني لسه منضرها براسي المهم رحنه لمول المنصور من نزلت كالت هذا شنو شكد جبير
ايان: هههه شوفي من جوة بعد اكبر وهم حلو
حور:ايي يلا عفيه خلي نروح
ايان: يلا امشي
ضلينه نمشي وهي عيونها تدور وتباوع ومبتسمه ومامنتبه اكو عمود كدامها رادت تضربها جريتها
ايان: يمعودة زين مانضربتي
حور:هههه اسفه مو قصدي
ايان: عادي .....ضليت لازم ايدها وامشي واحس اكو فرحه بكلبي وشعور كلش حلو بدي اكول للناس هاي حبيبتي وبنيتي لحد يباوع عليها هاي ملكي 2
حور:خلصت الوكت كله ساكته ومااحجيت ولمن وصلنه للمول تفاجأت جان حلو والاجواء حلوة والناس بي واطفال يركضون ويضحكون اوووي فدوة ومااحسيت اله نجريت وايان يكلي يمعودة انتبهي زين ماانضربتي بالعمود كتله اسفه كالي عادي بس ضل لازم ايدي يبويه اني حسيت خدودي اشتعلن نار من الخجل بس اكو شعور حلو حسيت بي شعور بالامان ايدة دافيه واكبر من ايدي ههههه حسيت ايدي ضاعت بيدة المهم
تستمر القصة أدناه
ضلينه نفتر ونباوع ونوب هو كالي يلا اختاري كتله بكيفك بدة يشتريلي ملابس وشالات واحذية شكثرر ونوب اخذني محل مكياج وكال
ايان: تعالي انتوا البنات تحبن المكياج تعالي اختاري
حور:ههههه بس اني مااعرف يعني مامشترية قبل
ايان: لا صدك تحجين
حور:اي والله
ايان: يابه لو نادين هسه هنا جان شالت المحل كله وطلعت
حور :منو نادين
ايان: هاي اختي الزغيرونه عمرها 17سنه تتخبل ع المكياج والملابس وكل مااطلعها تخلص فلوسي ع المكياج والملتبس وهي بعدها ماشبعانه ههههه
حور: ههههه الله يحفظكم لبعض
ايان: امين ويحفظج ....يلا هسه ماتشترين
حور: لا لان ماعرف
ايان: ماشي بلكي من افرغ اجيبلج نادين واطلعجن سوة وهي تختارلج
حور: ان شاء الله
ضلينه نفتر بالمول وهذا الحجي كله وهو ماترك ايدي احسه خايف عليه من كلشي بعدين رحنخ للمطعم اتعشينه ونوب هو نزل نزكيله ونزلي عصير برتقال فريش وكعد ينركل واني اباوع ع الناس
اجه ولد تقدم علينه
من شافه ايان: ضحك
ايان: ها يول اليوم شو طالع
فرقد: اي والله كلت اطلع اتونس ضايج من البيت
ايان: اييي احسن شي امي و نادين بالبيت مو
فرقد: ايي كوة شردت من نادين
ايان: هههههه خطيه لو جايبها وياك
فرقد: ختولي يخلصن فلوسي ع مكياجها
ايان: ههههه .....تعال تعال اكعد
فرقد: احم السلام عليكم
حور:وعليكم السلام
اتقرب فرقد من ايان وشاوره
فرقد: منو هاي الحلوة الي وياك
ايان: هاي البنيه الي سولفتلكم عليها امانه اسد
فرقد 'يبا غير تجلط شنو من بنيه
ايان:فرقد لسانك الزمه ترا اكصه الك
فرقد: شبيك عيوني قابل شحجيت
ايان:اسكت لاتحجي
فرقد: بس لا تحبها 😉
ايان: فرقد اكل تبن تفتهم
فرقد: ههههههههه +
فرقد: شلونج حور
حور استغوبت شلون عرف اسمها: الحمدلله بخير
فرقد: دومج عيني ....والله لو تشوفج نادين جان مووت ايان
حور:هههه ليش
فرقد: تغار هههههه
حور:الله يحفضها الكم
ايان: اباوعليها شلون تحجي وي فرقد بهدوئ وما خلت عينها بعينه ابد منزلة راسها وتحجي وربي هل بنيه ملاك
