رواية اعداء عيلة الحاوي الفصل الثالث بقلم سلسبيل احمد
ادهم بحده: مش فاهم ايه؟؟ بتعمل ايه في اوضتها؟؟ انت مش واخد بالك اننا متجوزين؟؟ وحتي لو مش متجوزين بتسمح لنفسك تدخل اوضتها ليه؟
شريف بصله: انت دماغك تعبانه!! بطل تفكيرك المتحْلف ده ياحبيبي
" ادهم كان هيتنرفز ملك وقفت بينهم بسرعه عشان خافت يشدوا مع بعض خصوصا ان ليهم سوابق!! "
ملك: خلاص !!! شريف روح انت لـ طارق..
" شريف فضل باصص له ببرود وبعدين خرج و ملك بصت لأدهم "
- هو فيه ايه ؟ انت لسه عايش في المسرحيه دي !!!
ادهم بصلها بنرفزه: انتي لو كررتي حركه زي دي تاني وقربتي من اي حد اتحملي وقتها نتيجه رد فعلي
= و ده ليه ان شاء الله هو احنا متجوزين بجد عشان تقولي الكلام ده ؟
- اه يا ملك.. وقدام الكل انتي مراتي.. ولو لقيت بني ادم مش عاجبني قرب لك و دبحـ ـته محدش يقدر يلومني تمام ؟
ضحكت على طريقته: انا مش مصدقه بجاحتك
= لا صدقي يحببتي انتي مش متجوزه اريل
" خرج وسابني فا نفخت بزهق الحمدلله انها جت لحد كده و مصْربوش بعض بسببي.. بقلمي سلسبيل احمد عمري ما هسامح نفسي لو حصلت مشاكل بسببي في العيله.. ناديت البنات عشان اكمل الميكب وباقي التجهيزات.. "
" وخلاص بقا الفرح امر واقعي.. وقفت ملك قدام نفسها في المرايا بقت ما جهزت وبقت زي القمر ولابسه الفستان.. ولأن الفرح في الڤيلا فا فضلت مستنيا أدهم يطلع و صوت جواها بيقولها تهرب وتسيب كل ده.. هي اصلا عاوزاه بس بتفتكر انها خلاص! مراته وعمرها ما هتقدر تهرب وتسيب وراها فصْايح.... "
" قاطع افكارها دخول امينه "
- ماشاءالله زي القمر يا كوكي!
= شكرا يا ماما.
- افرحي يا حببتي بقا مش عايزه اشوفك زعلانه
رديت بقلة حيله: حاضر.. هو فين أدهم
= اقولهم إنك جاهزه يعني خلاص
- ايوه.
" خرجت وبعد دقايق الباب خبط فا اتنفست بسرعه "
- اتفضل
" لقت جمال الى داخل..
و اول لما شافته عيونها دمعت لوحدها "
- انا قولت اطلع اخدك بنفسي.. واسلمك للعريس الى ميستاهلش ده
"ابتسمت وعيونها بتلمع بالدموع
وبعدين راحت بسرعه حضنته "
- شكرا يا عمي
طبطب عليها بحنية: لو مش عاوزة الى بيحصل ده عرفيني.. وملكيش دعوة بالباقي
بصتله وانا بحاول اطمنه: شريف و طارق قالو لي كده بس صدقني انا مش عاوزاكم تخافو عليا.
= ماشي يا ملك.. بس خليكي عارفة ان دايما احنا معاكي في اي اختيار.
" و نزلوا سوا و كان ادهم واقف مستني.. وسلمها له "
جمال: خلي بالك عليها..
انت اخدت اغلي فرد في العيله فاهم؟
" و في اللحظه دي ادهم فعليا مكنش مركز مع اي حد ولكن مركز مع ملك الى كانت اول مره تظهره بالشكل ده قدامه... كانت حلوة بشكل ملفت.. وملامحها هاديه وجميلة! كانت زي القمر.. بيدج الفيس بوك بتاعتي سلسبيل احمد"
" قعدوا في اجواء هاديه و عزت كان واقف فخور بالفرح والناس المهمه الى حضرته.. "
"ادهم بصلها وهي مكانتش باصه له وسرحانه"
- احم... طب مش عايزه نرقص؟
= مش عايزه
- ايه الهدوء الى انتي فيه ده..
ولا علشان عروسه وكده
" ملك فضلت ساكته وادهم كان مستغربها"
" يحيى راح يبارك له هو ومحمد و ماجده "
ماجده: مبروك يا حبيبي.. مبروك عليكي يا ملك.. خلي بالك من أدهم و اوعي تزعليه
" ملك مكانتش متفاعله مع اي حاجه..
وهاديه هدوء مرعب مش مهتمه بيهم ولا طيقاهم "
ادهم بصلها بستغراب: هو فيه ايه؟
" مردتش عليه و جه عزت خده يسلم على ناس مهمه.. وقتها هدى مرات جمال راحت جمب ملك "
- حببتي تعالي معايا
ملك بفضول: فيه ايه
= تعالي بس
" خدتها و دخلوا الفيلا "
طارق: ماما خدت ملك جوه
شريف: انا مش مرتاح للموضوع ده على فكره يا طارق
- هيكون فيه ايه يعني
= كلنا عارفين ان ملك مش بطيق أدهم وهو عيل سئيل
- فا ايه؟
= اكيد اجبروها! انا بس مستغرب هي ليه مرفضتش
- متقلقش يا شريف.. لو عندها مشكلة اكيد هتقولنا!
= تفتكر ماما بتكلمها في ايه فجأة كده
- نسألها لما تخرج
|| في حمام الفيلا ||
- حببتي بصيلي انتِ كويسه؟
ملك بصتلها وهي تايهه: ايوه
= مش باين عليكي يا ملوك
"مسحت وشها بهدوء ومكانتش عايزه تتكلم وتقلقها"
- انا بس مرهقه من التحضيرات وكده.. بس حقيقي فرحانه ان حضرتك سألتي
= انتي عارفه اني مخلفه اتنين شُحطه.. ومعنديش بنات وانتي زي بنتي.. واكيد عارفه انتي بالنسبة لعمك جمال ايه؟
بصتلها بحب: عارفه والله يا هدهد.. انا بحمد ربنا انكم في العيله.. الفرع الوحيد الى بحبه.. وبيحبني.
" باسها ورتبت على كتفها "
>>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| في الجنينه ||
طارق: اهي خرجت
شريف: حلو.. انت برشط على امك واسألها وانا هستجوب ملك ونشوف هيقولوا ايه
طارق بتردد: طب ما اسأل انا ملك
شريف: لاء.. انا الى هكلمها
" وفعلا طارق راح يتكلم مع هدى و شريف راح و قعد مكان ادهم "
ملك بصتله بذهول: واضح انك عايز تبوظلي الفرح
- ماما كانت بتقولك ايه
= مفيش كلام ستات ملكش دعوة
بصلها بنص عين: ملك؟
ملك ردت بهزار: شريف!
- لا خفه دمك دي مش دلوقتي انا مش مرتاح لكل الي بيحصل ده اصلا وبتقولي عليا كتوم؟ انتي الى شكلك مخبيا حاجات كتير!
= هدي نفسك بس.. محدش فاكر كده غيرك
- انتي حبيتي ادهم امتى لحقتي تحبيه يعني!
" ملك تنحت بصمت و ظهر صوت من وراه "
- اه يحبيبي لحقت
" شريف قام ولف له "
- و ياترى انت كمان بتحبها
ادهم بهدوء ابتسم: مش شايف انك مزودها؟ قاعد مكاني.. والصبح في الاوضة؟ عايز ايه؟ تكون مثلا عايز تتجوزها انت؟
شريف: مش بقولك مريصْ
" ملك قامت بسرعه وخدت ايد ادهم وهي بتبتسم "
- الاغنيه المفضلة بتاعتي يلا نرقص؟
الناس هتاخد بالها و هتفضحونا
" اتحركت هي وادهم و وقفت بهدوء و هو بصلها وفضل مركز معاها قربها ناحيته وحط ايده على وسطها"
- انتِ عارفه ان لولا جدو كنت عجنته قدام الكل؟
بصتله بزهق: ملكش دعوه بيه
= ايه يا ملوكة ياحببتي بينكم قصه حب وانا معرفش؟ ولا ماله مش فاهم ؟
- الخبر مفاجئ للكل ! ومش هو بس الى مستغرب
= لكن هو بس الى بيقرب لك و محشور
- وانت فارق معاك فإيه
= قولتلك ميت مره مفروض نحافظ على
شكلنا قدام الناس
- واحنا معملناش حاجه تضر شكلنا.. ده ابن عمي.. زيه زيك عادي
= لا ياحببتي انا جوزك
- مجرد لعبه
قربها ناحيته اكتر وهو بيبصلها بتملك: اثبتي.
ملك اتوترت من قربه ليها: ابعد عني يا أدهم
ادهم ضحك بهدوء: شكلك تحفه وانتِ متوتره ومش عارفه تتصرفي ولا تزعقي بصوتك المسرسع.
"ملك حاولت تبتسم وهي بتجز على سنانها"
- امممم طب ابعد عني بدل ما ابوظ انا الفرح بنفسي
" قاطعهم عزت وهو بيقدم كذا حد
عشان يباركو لـ ملك وادهم.. "
" و شريف رجع جمب طارق "
- كنت هتضربه ولا ايه؟
= عيل مستفز وتنح ماما قالت لك ايه؟
- ولا حاجه.. بتقولي كلام عادي
= الموضوع فيه إنه يا طارق.
- عندي اقتراح بس مش هيعجب بابا
= قول و سيب بابا عليا
- تيجي نقعد كام يوم؟ نخليه هو وماما يرجعوا.. ونقعد مع جدك في الفيلا انا عرفت ان أدهم و ملك الفيلا بتاعتهم لسه مخلصتش وقاعدين مع جدك.
شريف بإبتسامه واسعه: حلو ده.. موافق
>>>>>>>>>>>>>>>>>>>>>>>>>>>>>>>>>>>>>
'اللهم صلِ وسلم وبارك على سيدنا محمد '
" الفرح خلص من غير مشاكل.. جمال و هدى وطارق و شريف و امينه فضلوا في الفيلا بايتين.. و أدهم و ملك طلعوا الجناح الخاص بيهم الى كان عزت مجهزه "
|| داخل الجناح | في الحمام ||
" كانت ملك واقفة بتواجه ضيف التنفس الى جالها و ادهم خبط عليها "
- ملك انتي عايشه ؟
" مسحت وشها بهدوء بعد لما غسلته
و ردت بصوت ثابت "
= عايز ايه ؟ مش عندك حمام تاني
- بقالك اكتر من نص ساعه جوه !
" نفخت بضيق وغسلت وشها تاني بتوتر و هي بتحاول تبان طبيعيه "
" فتحت الباب وهي بتحاول تمثل القوة.. ولكن فجأة بدون مقدمات وقعت "
" أدهم اتفاجئ واتصدم جري ناحيتها وهو بيشلها "
" حطها على الكنبه بسرعه و لقاها بتتنفس بسرعه "
- فيه ايه !! انتي كويسه !
= ابعد عني مش قادره اتنفس
" لاحظ انه مقرب منها اوي فا بعد "
- ما انتي بقالك ساعه الا ربع فى الحمام !! انتي كويسه ولا نجيب دكتور ولا ايه الى حصلك ده ؟؟ هيغم عليكي
= بطل رغي مش قادره اسمع صوتك
رفع حواجبه بدهشه: انتِ فعلا فعلا مدب ياريت بس ميحصلكيش حاجه وتلبسيني مصيبه
" غمضت عينيها بهدوء فا ادهم هزها بسرعه "
- ملك !
فتحت عينيها بنفاذ صبر: ما تريح بقا انا بيحصلي كده من شدة الضغط ملكش دعوة بيا!
ادهم: انا غلطان.. انا رايح انادي جدو ولا طنط
بصتله بسرعه: لاء ! متعرفش حد
بصلها بشك: ليه؟ هو فيه حاجه
- مفيش حاجه! انا بس مش عايزه مشاكل
= مش فاهم!
" اتنفست بتعب "
- عمي جمال و شريف و طارق و حتي طنط كلهم فاكرين ان فيه حاجه في موضوع جوازنا.. وانا مش عاوزة اقلقهم !
ادهم بصلها بتركيز: مش عايزه تقلقيهم هما؟ ولا مش عايزه تقلقي شريف بالذات؟ الى كل شوية ينطلي زي العقدة في المنشار! وكل شوية الاقيه لازق فيكي !
" مكنتش عارفه اعمل ايه.. و فعلا شريف اكتر شخص خايفه من ردود افعاله.. و ده لأن بعد مـ ـوت بابا حصلت مشاكل كتير! منهم مرة اتخانقت مع يحيى اخو أدهم.. وقتها شريف مسك فيهم هما الاتنين و صْربوا بعض.. فيه حاجات كتير اوي ومشاكل حصلت.. عمري ما اتمنى اشوفها تاني.. خصوصا وانا عارفه هما تعبوا قد ايه عشان يسافروا ويبعدوا عن كل ده! "
بصتله برجاء: لو سمحت يا ادهم انا كويسه.. وانا فعلا مش عايزه اقلقهم عليا.. مش انت كنت عاوز نبقي طبيعين قدامهم؟
- اشمعنا مجبتيش سيرة طنط امينه فى الموضوع
ضحكت بسخريه وبصتله: ماما! ماهي عارفه اني مكنتش عايزه كل ده.. ماما مش بتقلق عليا ولا انا فارقه معاها اوي.. مفيش حد بفرق معاه و قريب مني غيرهم
" ادهم بصلها بصمت.. ومكنش لاقي كلام يقوله.. كل دقيقة بيقرب فيها من ملك.. فيه حاجات هو مقتنع بيها بتتغير ! و المشكلة انه رافض التغيير ده "
- ممكن توسع.. علشان هنام على الكنبه
= مش هعضك لو نمتى جمبي السرير 700 سنتي ولا مش شايفه؟
" مردتش عليه فا قام وهي فردت نفسها وغمضت عينيها بعد لما طفت الأنوار. "
>>>>>>>>>>>>>>>>>>>>>>>>>>>>>>>>>>
' لا إله الا انت سبحانك اني كنت من الظالمين. '
|| تاني يوم الصبح ||
" ملك صحيت لقت نفسها على السرير وهي بتفتكر انها كانت نايمه على الكنبه "
- المهـ ـزق الحيـ ـوان!!!! شكله شالني وانا مش حاسه!!!
= هو المهـ ـزق الحيـ ـوان ده انا؟؟
- انت شلتني !؟
= انتي كام كيلو؟ 200؟ تقريبا لا اخري 199
- انت هتهزر معايا؟؟
= نكمل الخناقه بعدين جدو عاوزنا نتجمع عالفطار..
" فعلا سابها ونزل تكمل شتيمة.. وبدأت تجهز بتعب وهي مش شايفه قدامها اصلا.. بيدج الفيس بوك بتاعتي سلسبيل احمد ، و كان الكل متجمع على الفطار.. حتي يحيى و ماجده و محمد كانو موجودين.. عيلة الحاوي كلها كانت قدامه.. وهو قاعد على رأس السفره ومبسوط بتجمعهم سوا. "
عزت بفرحه: ربنا يديم لمتنا سوا يا ولاد.
ادهم: يارب يا جدو
يحيى: احنا بالنسبالنا موجودين جمبك علطول.
" وطبعا يحيى كان بيلقح على عمه جمال وعياله. "
عزت: مش ناويين تفكروا ترجعوا هنا يا جمال؟
محمد: يرجع ازاي بس يا بابا..
هو خلاص رتب حياته هناك
" ابتسم طارق بقمه السماجه و رد بسرعه بنفس طريقه عمه محمد "
- لا بس احنا ممكن نفكر نقعد هنا عادي..
ولا ايه يا شريف
شريف ابتسم: اكيد طبعا ممكن نقعد شوية نشوف الوضع ايه
" طبعا هدى و جمال كانو متفاجئين ولكن فضلوا يتكلموا بينهم وبين بعض "
عزت: ده يبقي احسن قرار اخدتوه
" و في عالم موازي كانت ملك قاعده بتصـ ـارع تعبها وبتحاول متبينش.. ولما حست إنها هتتعب اوي اتحركت من مكانها عشان تروح الحمام "
عزت: على فين يا ملك انتي مفطرتيش؟
" في اللحظه دي ملك وقعت تماما ومكانتش بتتحرك!
و أول حد جري عليها كان..
