رواية فصلية اخي الفصل الثالث بقلم مجهول
ودعت وهيه تصرخ و صار البيت مثل الفاتحة وياسمين تبجي و عمتي هم ودعت اخواني جعفر مالكيته طلع شارد من بيت ما يريد يودعني +
كالت امي ظل يبجي وطلع طلعنه واني و ابوي و اخواني واني طول الطريق ابجي وكلبي معصور خايفه حييل
احمد اجاني جعفر زياره اني ازرك من الضرب بالسجن لان اخوان الولد الضابط و عقيد موصين ع تعذيبي
جعفر دخل وضل يغلط عليه ويكلي حييل وياك ولله لا ينطيك
رغب راحت فصليه بسببك اني من كلي هيج طحت ع ركبتي حسيت الدنيا اظلمت بيه صح اعاركها واصيح عليها بس تظل اختي و عزيزه قلبي وكايمه واجبي واحبها ضليت بس ابجي واصرخ شلون تودونها خل يموتوني رجعو رفل للبيت ليش ولكم كسرتو ضهري بسبب غلطتي تدفعونها الثمن
جعفر شفته نكسر و بس يبجي ويصرخ حسيت بالوجع وطلعت ظل يصيح عليه جعفر فدوه رجعوها خلي يعدموني قابل بس لا تودونها فصليه
رفل وصلنه للبيت نزلنه من السياره طبعا اني بيضه كلش رشيقه طولي 169 وعيون كبار عسليات وشفايف صغار يخبلن وشعر بني طويل و ناعم واني اجمل ما بعائلتنه
نزلت عبايه وبركع ( بوشايه وجه ) عيوني طالعه باوعت شفت بيت بحجم بيتنه بس جديد ويخبل
وسلم ابويه ع رجال جبير وبصفه ولد ثنين مغضبين حيل الرجال مكسور عرفت هوه ابو المات و ذول اخوانه من سلم عليهم ابويه كلهم هاي بنتي امانه عدكم ولا تضنون ما وراها احد وتاذونها تره رفوله غاليه هواي
كله منهم وتهددنه بعد فوك عمايلكم صدك ما تستحي
وانا خفت من نبره صوته راد عليه بابا وابوه كله احترم خطارك وادخل جوه علي
عرفت اسمه علي نزلو غراضي وحسيت ايد ع جتفي درت لكيته جعفر كال معقوله ما احظن اختي قبل لا تعوفني وبجه نطيت من البجي و حضنته شويه وراحو
عافني بابا وحسيت بوجع بقلبي ما ينوصف مختلط من الخوف و الحيره كلي الرجال دخلي بابا و اعتبريني مثل ابوج انتي مالج ذنب بالصار ولا تخافين من علي و عمار تره مقهورين ع اخوهم الصار مو اشويه واخوج الكسر ظهرهم هنا بجيت انا و دخلت جوه و وبعدني ما فاتيه من الباب شفت واحد عيونه نار يباوعلي
