رواية احببته لكنني متزوجه الفصل الثالث بقلم مجهول
سعود دك الباب واني فتحته ورحت وياه وصلنه البيت طبيت لكيت ابوية كاعد بيده الجاي وبيده سبحة والنفاظة كدامه ومخلي جكارة عليه وباوع عليه والحمار بعيونه
كلش خفت لان دوم نخاف من ابونه ميعرف الصغير والجبير يضربنه كلنه حتى لامي يضربها مرات وكدامنه. ابوية سجين سياسي لمدة 7 سنوات باوع عليه وكال:
ابوية : تعالي ولج شمسوية حتى يضربج هذا ابن الكلب ؟
سهى : والله بابا كلشي ما مسوي هو يدور على اصغر حجة ويضربني
ابوية : والله انعل والديه خلي يجي اهنا وافتهم القصة ليش ديضربج .
سهى : تمام بابا .
ابوية : يالله روحي لغرفتج ولاتشوفيني وجهج لحد ما يجي هذا الكلب .
طبيت لغرفتي القديمة وكعدت بيها واجت امي وحجينه بالمواضيع الي تصير وياي امي كامت تواسيني وتبوسني وتلعب بشعري صارت الظهر واندك الباب وطبو بيت عمي كعدو بالاستقبال وصاحوني اكعد وياهم رحت شفت يونس وابوه وامه كاعدين سلمت على عمي ومرت عمي وكعدت وياهم وابوية كال ليونس :
ابوية : يونس تعرف لو ما ابن اخوية جان سحلتك اهنا والله ليش تضرب بنتي ها ؟
يونس : والله عمي مضاربها تجذب والله ولابحياتي مديت ايدي عليها .
ابوية : لعد ليش سهى تكول انت جاي تضربها وتهينها وتسمعها كلام محلو .
ابو يونس : اشبيك حجي كول يا الله ترى بين كل زوجين تصير مشاكل .
يونس : والله عمي معيشها احلى عيشة انترنيت اكو اكل وملابس ما مقصر وياها
ابوية : لاتخبلني هسه منو الي ديجذب احلفلي ما ضربتها ولا مرة ؟
يونس : والله بس مرة وحدة ضربتها وجان اكو سبب .
ابوية : وشنو جان هذا السبب الي يستحق تضربها ؟
واني كاعدة ومصدومة من كلام يونس !! شفته وهو يجذب وكانما صدك ديحجي وكف على رجليه وراح شاور امه وامه خلت ايدها على حلكها !!! كامت امي وشاورت امي وامي هم خلت ايدها على حلكها واني ماعرفت شنو الموضوع!
