رواية الطالبة والعصبي الفصل الثالث بقلم مجهول
ام نارين : ابنيتي اكعدي راح يصير الغروب ما يصلح
نارين : يمة واللة تعبانة
ام نارين : اعرف ابنيتي بس ما يصلح يلا هسة اكعدي وشربيلج شي وصحصحي واكلي انوب ادرسي ماشي ابنيتي
نارين : ماشي
بعد ما نزلت امي كمت وغسلت علة مود اصحصح وراهة نزلت جوة شفت البيت فارغ كلت الأمي
نارين : لعد وين بابة وعلاوي
ام نارين : ابوج راح ايشوف صديقة وعلاوي معزوم علة العشة يم اصدقائة
نارين : ها اوكي
انوب حميت الجاي وصبيتلي وسويتلي لفة جبن ورحت للستقبال
شفت ايه كاعدة علة الابتوب كتلهة
نارين : ايو انطيني الابتوب اريد اشوف فلم علي
ايه : شوفي علة التليفون لأن دا ادرس علة الابتوب
نارين ؛ شدرسين
ايه : اوف ادرس كيمية
نارين : بس استاذة الكيمية كلشي ما اطتنة
ايه : احنة استاذ مو استاذة وانطانة تحضير وشرحنة
نارين : ويع من اول يوم درسكم احنة الحمد الله ولا واحد انطانة شي بس عرفونة علة نفسهم وكالو اليوم بس تعارف
ايه ؛ الحمد الله هسة اسكتي اريد ادرس
نارين : مو صوجج صوج اليحجي واياج خل اروح اخابر سرى احسلي
ايه : اكيد صوجج
نارين : ههههه يلا كملي دراستج واني راح اصعد فوك
ايه : ماشي
ورحت صعدت فوك علة مود تدرس ابهدؤ واخابرت سرى
نارين : الو لج نعل ضايجة ومخنوكة ومالة
سرى : هلو لج اشبيج اخذتيني حاصل فاصل
نارين : لج صخلة مو وكت شقة
سرى : ههه شبيج ضايجة
نارين : ما ادري بس مخنوكة انتي ادسوين
سرى : لج اني طاح حظي اليوم
نارين : هههه حل ليش اشبيج
سرى : كولي اشما بية هذة استاذ الكيمية اطانة كومة تحاضير
نارين : كلتلي ايه وهوة النعل ليش اطاجن تحاضير من اول يوم
سرى : انتي النعلة لج ما شفتي غير يموت اني عفت الشرح كلة وضليت اباوع علي
نارين : ههههههه لا والله ما حصلي الشرف ابلقائة
سرى : ليش ما اجة شرحلكم لو بس احنة
نارين : لا مو القاعة الأني بيهة عليهة استاذة با الكيمية مو استاذ والحمد الله كولش حبابة واليوم اجت عرفتنة علة نفسهة وخلت اليوم بس تعارف
سرى : هم احنة كلهم خلو اليوم تعارف بس استاذ الصاك شرحلنة
نارين : ههههههههه ها سرو شنو اظاهر وكعتي با الحب و ما تدرين
سرى : يا وكعت يا غطست لج حقج ادكولين هيج ما شايفتة
نارين : هههههه هوب هوب خفي علينة يلعاشقة الولهانة
سرى : يلا هسه دعبلي اريد اقرة زين وركز علة مود ابرز واطلع شاطرة كدامة
نارين : ههه خبلة ما اصيرلج جارة يلا باي
نارين سديت التليفون من الخبلة ورحت صليت وتعشيت وكويت ملابسي الي البسهن باجر ونمت مثل الميتة ...
____________________
سيف
بعد ما كملنة غدة احنة ومحمد اترخص وراح البيتهم واني هم اترخصت من الوالد وصعدت الغرفتي بدلت ملابسي وسبحت نمت وراهة تقريبه با اتلاثة ونص فزيت ورحت سبحت ولبست وتعطرت وخذت تليفوني ومحفظتي والسويج من علة الميز ونزلت جوة الهل بعدهم نايمين نومت الظهر شربت اكلاص مي بارد من المطبخ وطلعت فتحت باب الكراج مال بيت وطلعت السيارة من الكراج وسديت الباب وصعدت السيارة وبجهي للشركة ( الشركة مشتركة بيني وبين اخوي رائد بس اني اروحلهة من العصر لليل لأن الصبح عندي الجامعة ورائد بلا العكس يروح من الصبح للظهر )
وصلت للشركة اول ما دخلت وكفو الموظفين احترامن الي اشرتلهم ابرأسي وصعدت للطابق الأخير لأن مكتبي ومكتب اخوي والمساعدة همين با هذة الطابق المهم فتت المكتبي ونزعت السترة وحطيتهة علة التعلاكة المخصصة للسترة وكعدت علة الكرسي واندك الباب اكيد السكرتيرة فأ كلت
سيف : ادخل
دخلت المساعدة بفستان طويل وكلش ضيق علة الجسم والجاكة من بداية رجلهة للفخذ اجكد اكره هيج بنات رخيصات المهم كتلهة
سيف : اتفضلي اشرايدة
المساعدة : احم ها لا شسمة
سيف ابحدة : شنو هوة الشسمة
المساعدة ابحراج : احم بس جبت الملف الطلبتة البارحة
سيف : حطي علة المكتب
المساعدة : حطتة على المكتب وكفت اكبالة
سيف : بعد اكو شي
المساعدة : ها لا
سيف بعصبية : لعد برة
المساعدة ابحراج : حاضر وطلعت ابسرعة
سيف : اوف صدك رخيصات
وبعدهة كمل شغلي واجتماعاتي الحد اساعة عشرة ونص دك التليفون باوعت علة الشاشة مال تليفون لكيتهة الغالية جاوبتهة بسرعة وكلت
سيف : هلاة با الغالية ائمريني
ام سيف : ما يئمر عليك ضالم اوليدي اشوكت ترجع شو اتأخرت ضل بالي عليك
سيف : لا يضل بالج يا الغالية بس اشوية عندي شغل انشأ الله اكمل شغلي وارجع
ام سيف : يلا يمة ما عطلك الله وياك
سيف : مع السلامة
كملت اتصالي وي امي ورجعت لشغلي كملت وبعد ساعة تقريبن كملت كل الشغل اخذت التليفون من علة المكتب والسترة وطلعت لكيت الشركة فارغة لأن خلص الدوام طلعت من الشركة واخذت سيارتي ورحت للبيت كل عادة فتحت الباب وطببت السيارة با الكراج وسديت الباب دخلت للبيت شفتة اظلم اكيد نايمين لأن الوكت متأخر صعدت الغرفتي دخلت سبحت وبدلت وكبل لنوم لأن جنت كلش تعبان .................
__________________
⏰⏰
نارين : دك المنبه وطفيتة وكعدت ولأن البارحة نمت من وكت كعدت شبعانة نوم باوعت علة الجرباية مال ايه لكيتهة كاعدة تقرة الصراحة استغربت لأن هية با السادس ما كعدت من الصبح اتراجع اشعجب كاعدة هسه المهم صبحت عليهة ورحت غسلت وتوضيت وكملت صلاتي انوب حضرت غراضي با الجنطة ولبست هذة اللبس
ومكياج كلش خفيف ونزلت صبحت علة امي وابوي وراهة اجة علاوي وكال
علي : يوم كرصيني ما اصدك نارين وكاعدة من وكت خاف بعدني با الحلم
نارين : كرصتة من ايدة قوي وكتلة لا حبيبي صدك
علي : اخخخ خرب مو ايد فارة
قاطعت عركتنة امي وهية اتعيط
ام نارين : كافي عرك اصغار خو مو صغار وينهة اختكم
نارين : ما ادري يمكن بعدهي دا تلبس
ام نارين : ايو ايو وينج
ايه وهية نازلة من الدرج وجانت لابسة
ايه : ها مامة اجيت
ونزلت صبحت علة الكل
علي : شكو اليوم ايو اول مرة اشوف اتراجعين
ايه : عدنة درس مهم اشون يعني ما احضر
ام نارين : لا يمة حبيبتي حضري وهاج هذة جاي علة مود اصحصحين
ايه : شكراً مامة
نارين : ها مامة شنو الدلال بس الايو واني وعلاوي كلشي ماكو
علي : اي والله يا خوية اشرئيج نشتكي الجمعية حقوق الطفل
ابو نارين : هههههه كافي ولكم اضوجون امريتي حبيبتي
نارين : بابة ترة جاي اتحسسنة با الجفاف العاطفي
ام نارين : انجبو وكملو اكلكم وقبل لتكمل كلامهة سمعت صوت الهورن مال الخط
فا كالت يلا يا بنات اجة خطجن
نارين : رايحة يلا باي ادعيلي وراحت ركض للخط
ايه : يلا باي مامة
ام نارين : الله اوياجن بنياتي
وراحن للجامعة ولمن وصلاً كل وحدة راحت القاعتهة وكل عادة لمن نارين خلصت محاضرتهة راحت هية وبنين وهدى للسنتر وجتي وياهن سرى يلي كضت الكعدة كلهة تحجي عن دكتور سيف حتة نارين ملت كد ما حجت علي نوب طلبن اكل وكمل وكل وحدة رجعت لمحاضرتهة ومضة هل اسبوع كلة من دون اي حدث مهم او يذكر كل عادة محاضرات ونوم واكل وكل الأساتذة حبو نارين لأن شاطرة وحبابة .........
________________________
سيف
كعت من الصبح تعبان لأن البارحة رجعت من الشركة متأخر فا كمت سبحت علة مود اصحصح واريح جسمي انوب صليت وكملت صلاتي ولبست لبس رسمي وحطيت عطري المفضل واخذت التليفون من الشاحن ونزلت جوة صبحت علة الوالد والوالدة وطلعت كبل لا اتريك لأن متاخر وعندي محاضرة من وكت اخذت سيارتي وبوجهي للجامعة وصلت ودخلت السيارة للكراج ونزلت رحت للدارة بعد ما صبحت علة المدرسين شفت الجدول ورحت لقاعة واحد لأن عندي محاضرة بيهة دخلت وكل الطلاب وكفو صبحت عليهم وكعدو وبدة الشرح وكل عادة ما تخلص من نظرات بعض البنات الي بدت تزعجني وكملت المحاضرة واغلاب الطلاب طلعو واني جاي اخذ غراضي والابتوب من الميز وجت بنية هية صحيح شاطرة بس ما ارتاحيتلهة
ايه : احم مرحبة دكتور
سيف وعينة علة الابتوب : هلا تفضلي
ايه : بس هاي المعادلة ما فهمتهة
سيف : اشوف شفت المعادلة الي هية اصلاً ما داخلة با التحضير رفعت راسي وكلتلهة بعصبية
سيف : هاي المعادلة اصلاً ما داخلة با التحضير يا ريت اتركزين با التحضير يلا تحجين
ايه بحراج : احم اسفة كووولش ما انتبهت
سيف وهوة ايسد الابتوب ويحطة با الجنطة : لا عادي بس اتمنة ما تتكرر
وطلع وعافهة راح للدارة وشاف محمد سلم علي وضلو يسولفون ويشاقون وبهيج خلص السبوع بين الشركة والجامعة الي ما تخلص من ازعاجات سارة وبعض البنات والي بدة يتنرفز منهن ......
