رواية سيرة القدر الفصل الثالث بقلم فجر المساري
عمي صاح بيه وصارت مشكله جبيره واني خفت
صعدت فوك لغرفتي... بقيت انتظر ياسر
اجه ياسر فتح الباب وسدهه حيل اني خفت منه
وهو كام يصيح ويعيط عليه واني ساكته ..
صاح امشي ولي عن وجهي اني كمت وكعدت
بالجهه لثاني لغرفه ع التخم ..انتظرته يهدا واحجي
وياه شفته هدا رحت اتقربت منه
هو جان كاعد لزمت ايده كتله خلص ماداوم
مادام انت مموافق ... بس اني بقتلي بس هالسنة
واداوم علمود الشهاده تفيدني... واحقق حلم
امي الله يرحمها...
جر ايده وكال شنووو قصدج لان اني ماعندي
شهاده... كتله لا بس اخذ الشهاده واكعد بالبيت
حته تعيين مااريد...
ياسر... افكر وارجعلج خبر كومي سويلي كهوه
كلش فرحت بست ايده ونزلت رحت للمطبخ
سويتله كهوة وصعدتهه اله... وعفته ونزلت
فتت للمطبخ سويت حلويات خليت منها لعمي
وعمتي وصعدت منها لياسر،...
كعدنا ناكل اني وياه وكلي موافق اداومين
اني كمزت وحضنته وبسته من خده،... ضحك
كلي بشرط...
سراب... شنووو شرطك... وبكلبي جنت خايفه،
ياسر .. اني اوصلج للمعهد وارجعج للبيت،
موافقه...
وبديت اداوم ياسر يوميا ياخذني ويرجعني
ياسر ... نعم…
سراب... ليش متسوي خط تودي…
البنات وترجعهم احسن من الكعده،..تستفاد
ياسر... خوش فكره...
وسوووه ياسر خط وياخذني يوميا ويرجعني
سراب... جان عدنه دكتور بالمعهد كلش حباب
اسمه استاذ عدنان شفت نظراته غريبه يجينه ماده اسلاميه كلش حباب ويتشاقه ويه البنات ويعتبرهم
مثل خواته… .
فد يوم صاحني واني واكفه يم صديقاتي
انحرجت منه... رحت
سراب... نعم استاذ عدنان
ممكن احجي وياج بموضوع ..
سراب ..اييي استاذ اتفضل…
انتي من وين ومرتبطه لا…
سراب... استاذ اني مزوجه واتعذر مني... وراح
وبيوم طلعت من المعهد…
سراب… خلص الدوووام بالمعهد من وكت لان اخر
درس استاذ جان مجاي… طلعت من الدوام
كالعاده ورحت حته اكعد يم ياسر الجو حار كلش
عالتبريد طلعت وعبرت الشارع جانت السياره
بالجهه الثانية اقتربت منه شفت وحده وياه
باوعت من الجامه وطبعا هوه جان ملتهي منتبه عليه
شفته هوه وحده وياه وهو يبوس بيها وحاضنها
متحملت دكيت الجامه عليه…
كمت اصيح واعيط وكتلها هذا زوجي شعندج وياه
مروة… ههههه صدك ضحكتيني
طبعا مروة طالبه ويايه بالعهد وبنفس لصف
اتخبلت…
ياسر… يصيح عليه جرني واخذني للبيت
ياسر،… وافقت سراب داوم بشرط اني اوصلها
وارجعها من المعهد…
واقترحت عليه سراب نسوي خط واخذ بي بنات
جنت اوصلها تعرفت على مرره صديقتها وياها بالخط
علاقتي بيها تطورت…
طبعا بدون متعرف سراب ضلت علاقتي وياهه مستمره…
اتصالات ورسائل وطلعات وطبات وفد يوم
جنت كاعد اني وياهه بالسيارة وماحس الا
سراب دكت علينه الجامه شافتني وكامت تصيح
وتعيط مروة اخذتلها تكسي وراحت واني
اريد اسكت سراب متسكت وتصيح وتبجي بالشارع
جريتها من ايدهه واخذتهه للبيت…
سراب… هد ايدي حقير نذل… وتصيح
جريتهه وصعدتها بالسيارة وصلنه للبيت ونزلنه
دخلت للبيت،… وقامت تعد وتصف وكمت اضرب
بيها بدون وعي ضربتها بكل مكان…
سراب… اخذني للبيت واني اصيح واعد واصف
عليه نذل وحقير وخاين ..وصلنه للبيت صعدت
ركض لغرفتي اجه وتعاركت وياه…
ضربني راشدي وكعت بالكاع وجرني من شعري
ضل يضرب راشدي ثاني وثالث واني اصيح عليه
بدا يدفرني ويضربني بكل مكان ع صوتنه صعدت
عمتي تدفع بي يوخر عني اني تعبت وحسيت
شي نزل مني بعدهه محسيت بشي…
ياسر… كمت اضرب بيها واجتي امي توخر بيه
يمعزاي هاي شمسوي… شفت دم بالكاع وبملابسهه
امي ياسر ولك شمسوي بالبنيه راح تموت خلي ناخذهاا للمستشفى لبستها امي وشلتها
صعدنا بالسياره وامي وياي…
تحجي عليه
اخذتها للمستشفى لطوارئ…اخذوها لصاله
بقينه ننتظر… ساعه
ياسر… طلعت الدكتوره
رحت عليها… .
الدكتوره الحمد لله ع سلامتها وفقدنه الطفل
والام بخير لازم تبقى هنا ترتاح بعدهه تحت ثاثير العمليه…
ياسر… حامل
الدكتوره… اييي حامل شهرين
ليش متعرف… لا
ياسر… طلعت من المستشفى اني سويت كتلت ابني
بايدي… رحت للبيت واخذت لفلوس والذهب
وجنطة ملابسي… وطلعت…
سراب… كعدت وعيوني مغوشه وتعبانه
جسمي يوجعني واحس بطني خدرانه فتحت
عيوني بغرفه بالمستشفى والكانونة بيدي احس
بالم قوي بطني ..
باوعت عمتي بالغرفة ..
عمتي…الحمد لله على سلامتج بنتي…
الله يعوضكم هذا امر الله…
سراب… ماعرف ع شنو تحجي…
كالت حامل شهرين وكع… اني انصدمت كمت ابجي
واصيح وعمتي ام ياسر تهدي بيه
وتكلي هذا امر الله مامقسوم الكم…
سراب ..لا هذا فعل البشر ..
اريد ابني… اريد ابني ..
كمت ابجي واصيح ياسر قتل ابني…
عمتي ام ياسر… طلعت صاحت للسستر اجتي
ضربتني ابرة ماحسيت بالدنيا
كعدت راسي ثكيل والم بكل جسمي ..
عمتي ها يمه شلون صرتي واني بس اباوعلها
بعيوني ماجاوبت بس دموعي تنزل…
بقيت يومين بالمستشفى طلعت للبيت لحد هالحظة ماشفت ياسر لا اجه ولا سال عليه
طلعت من المستشفى وياريتني مطلعت وياريت
متت رجعت للبيت وطبعا حجية نعيمة متعرف
بالي صار…
اجيت للبيت جسد بلا روح… ليش هيج صار بيه
دخلت للبيت وعمتي اخذتني لغرفتها جوه وكالت
ترتاحين تعبين من الصعده والنزله واني هم مااريد
اشوف ياسر،…
فتت للحمام غسلت وبدلت ملابسي وعمتي جابتلي
اكل اكلت ونمت .. كعدت طلعت شفتهم بالمطبخ
يحجون شافوني وسكتو معرفت ع شنو يحجون
ميردوني اسمعه بس اسمعت لو تدري جان
اتخبلت،…
سراب شنو الي اسمعه واتخبل شصاير احجوا ليش
ساكتين شنو الي ضامي عليه… وياسر وين،…
اجتي عمتي وحضنتني… وكالت ياسر سافر عنده
شغل اسبوع ويرجع… .عمه ياشغل هذا…
انطوني التلفون اتصل بي… عمي انطاني تلفونه
واتصل ويطلع مغلق اربع مرات اتصلت ومغلق
صعدت لغرفتي… فتحت الكنتور
ملابسه ماكو كلها ماخذهه وعطوره واحذيته
وفتحت كنتوري حته اشوف علبه الذهب
وشفت علبه الذهب والفلوس مالاتي كلها ماخذهه
حته كلاده امي الله يرحمها ماخذهه كعدت بالكاع
وكمت اصيح واعيط وابجي ليش هيج سويت
بيه ياسر… ليش ياظالم مو اني بنت عمك
فوك ماخنتني وقتلت ابني واذيتني اخذت فلوسي
وذهبي ليش اخذت اخر ذكره الي من امي
هيه هاي الامانه… واني اصيح واعيط واحجي
عمي وعمتي سمعو صوتي وصعدوا يسكتون بيه
واني اصيح اعيط و اكسر وقلبي محروك منه
حسيت الم بطني قوي وزاد النزف ودخت وكعت
وبعدهه ماعرف شصار… فتحت عيوني
سراب… وين اني…
عمتي ام ياسر… الحمد لله ع السلامه حبيبتي
انتي بالمستشفى صار عندج نزيف وهبوط
سراب… تذكرت وكمت ابجي اريد ماما نعيمة
عمي وعمتي… ميخالف نوديج طلعي هسه وصيري
زينه… طلعوني من المستشفى لبيت عمي ونمت
ومر كم يوم صحتي تحسنت وكل يوم اكول ياسر
راح يرجع الي وهو يخاف عليه يشتغل ويرجع
ميعوفني ومر اسبوع وياسر مرجع انزل من غرفتي
ع كد الوجبه اكل واصعد لغرفتي عزلت نفسي
وماحجي ويه احد… وهمه مخليني ع راحتي
فديوم جنت متمدده… بغرفتي فوك سمعت جوه صوت صياح
نزلت ركض اشوف شصاير…
سراب شكووو شصاير…
اجه عمي وحضني وكال راحت حجية نعيمة
البقية بحياتج ..
اني اتخبلت وكتلهم جذب… متعوفني وحدي
صفنت اخر سند الي… بهاي الدنيا
فقدته… هسه من صدك صرت يتيمة
خسرت امي وابويه وحجية نعيمة وياسر خاني
وسرقني وقتل ابني وهو بطني مشفته ..
هما واكفين يبجون ويباوعون عليه وكتلهم لا
تبجون هسه تجي يمي وتاخذني وياهه وياسر هم
يرجع ونرجع مثل ايام قبل واني احجي،…
اجه عمي وضربني راشدي وهزني من جتفي وعاط
بيه ولج كافي ياسر… حسي ياسر عافج وسافر
طلگج وراح وجاب بايده اوراق الطلاق وكلي هاي
اوراق طلاقج شوفيها .
وحجية نعيمة ماتت كعدت بالكاع ابجي ..
جرني من ايدي عمي وكلي روحي لبسي خلي نروح
للفاتحة… كمت واني مصدومه من كل الي صار
شنو هالحياه ياربي شنو هالمصايب وحده ورا وحده
صعدت غسلت وجهي ولبست شال اسود وعبايه
اسلاميه لون اسود ونزلت واحس ميته ماعرف
شسوي، من صدك اني سراب حياتي كلها ضيم
وقهر طلعنا اني وعمي وعمتي…
وصلنه للبيت جدي اهل امي فتنه جوه والبيت
مليان ناس دخلت شافوني عماتي وخالاتي
وكلبوا الدنيا عياط،وصياح …
ويكلولي ولج سراب راحت امج سراب…
صرتي يتيمة… واني كعدت ملخت روحي دك وبجي
من جهة فقدت ابني وزوجي خاني وطلكني
ومن جهة فقدت امي حجية نعيمة هي سندي بالدنيا
وامي الي ربتني ماتت وين انطي وجهي وين اروح
منو يتحمل كل هالقهر ربي…
لو حجر جان ذاب وضربتين ع الراس توجع
بهالاثناء فاتوا خوالي اجوي يحضنون بيه
ويصبروني ع مصيبتي لليل،من التعب والدك والبجي نمت بفراش امي نعيمة … اووووف
ياريحتج كلها بخور وهيل حسيت بامان ومشتاقه
لحظنها جنت مشتاقتلها كلش
وحظنت البطانية مالتها ونمت…
نمت نومة عميقة عبالك صار سنين منايمة
ياريت اروح وياكم وارتاح من الدنيا تعبتني
واهل الدنيا هواي ظلموني واذوني وكسروني
اريد اروح وية امي وابوية وامي حجية نعيمة
وابني، الي مشفتة،ومااجه ع هالدنيا
ليش مامتت بالعملية،وارتاحيت، ماحسيت نمت
حلمت بامي وابوية وامي نعيمة وبحضنهه طفله
كلش حلووه وكاعدين يسولفون ويضحكون
ويمهم سلة بيهه تفاح وعنب واني بعيده عنهم
واصيح عليهم وهمه يباوعولي ويضحكون
امشي اريد اوصللهم وجسر طويل واصيح عليهم
الى ان فزيت واني اصيح…
الفصل الرابع من هنا
