رواية الإرهابي وذات النقاب الجزء الثاني الفصل الثالث بقلم ام غايب
أجبرتني دموعي أن أكتب
أجبرتني همومي أن أبكي
ويجبرني قلبي أن أفكر
ويجبرني التّفكير أن أتألم
ويجبرني التّألم أن أنزف
ويجبرني النّزف أن أموت
ويجبرني الموت أن أتحسّر
ولكن
اسأل نفسي
لمن أبكي؟
وكيف أبكي؟
ولماذا أجعل دموعي رخيصةً لكي تذرف هنا وهناك؟
وتتكاثر الأسئلة
والإجابات حائرة
تكثر الآهات
وتزداد التنهيدات
ولكن
لمن يا ترى؟
لا أدري
ولا أعلم
لمن!
آلمتني يا زماني
أبعدتني عن أحبابي
أعزّ الأصدقاء صدموني
تختنق عبراتي
تزداد آلامي
تذرف دموعي
تنوح مواجعي
ولكن!
______________________
ميمونه.. والله جذابين حذيفه گال
فلك.. طلعت.. خلص ابني.. بالحالتين اني الموزينه بالحالتين ماعندي احد اخسره و مبقالي غير ابني... ليش اتنازل عنه والدنيا تاليتها مو وياي خلص ماكو غير تفكر تخلين بعقلج غير لم شملج بأبنج اااخ اااخ ياابني يانور عيوني معقوله هم يجي يوم واشوفك والزم ايدك
وصلت بسرعه لان جان خفيف الازدحام انطيت الكروه ونزلت من السياره
واني امشي مااحس اله انجريت من ايدي درت اعيط بس مااعرف ليش من شفت حمصه سكتت مع العلم المفروض هم اعيط
حمصه.. فلك انتي شنو ويباوعلي بحديه
فلك.. اني اريد ابني
حمصه.. سحبني من ايدي... گتلج اني اجيب ابنج وين دتودين روحج بيا تهلكه
فلك.. دعوف ايدي دعوفها اريد ابني تعبت اني وانت ليش تراقبني
وگفني على صفحه واني مدري شبيه مستسلمه
اله من لازم ايدي وممتقرفه مااعرف كسره عيونه لحد الان بعيوني او لان ممقتنعه وأريد احد يمنعني
فلك.. ميمونه تشك بيه وانت وحتى شاهين وكلكم واني مو هيج
حمصه.. مااشك بيج ابد وروح امي الي انظلمت ماشك بيج واعرف من تترتب تترتب مثل مايريدون
فلك.. نزلت دمعتي... والله مظلومه
حمصه.. اعرف لذلك تشوفيني وراح بكل مكان لتظلمين روحج بيدج البشر شيطان من يخلي احد بباله لتخلين علي يواجه الي واجهته خليج مظلومه ولتصيرين صدك مثل ميردوج
فلك.. والله تعبت والله اريد ابني بعد مااتحمل والله مااتحمل
حمصه.. والله اجيبه بحظنج لو اخسر روحي هم اجيبه بس ابقي مثل ماانتي سمعتي شلون اتذكرت امي اليوم وهيا طاهره والله طاهره صح اني عمري 8 سنوات بس كل التفاصيل اتذكرهه
فلك.. ليش ماأخذتك
حمصه.. منعها ابويه مني
فلك.. بس انت مره حجيت عليهه
حمصه.. ودائماً احجي وراح ابقى احجي جان المفروض متتزوح رجال مثل ابويه
فلك.. الهاي الدرجه سيء
حمصه.. مو أله سيء يالله مفروض متتزوجه
عوفج من امي
ليش أجيتي لفواز ليش كل شويا تجي بعده يريد منج شرفج هالسافل هلمره استسلمتي ليش نسيتي سلمان بالسجن علمود شرفج
تدرين حمدي ربج بالشارع انتي والا جان سطرتج براشدي اصحيج على زمانج والله ومااتردد لج الشرف ماكو أغلى منه
فلك.. ابني اگلك ابني
حمصه.. مليون مره گتلج اني اجيبه الج وعد لج بابا فهميني
فلك.. انت شو مدري شلون تحجي وياي
حمصه.. لان غبيه
فلك.. انت منو حتى تحجي وياي هيج والله أبلغ عليك
دگ موبايله... هاي شاهين اكيد عليج يسأل
شاهين .. الدراجه الصخمانه هنا وانا وينك
حمصه.. هاي ام علي وياي جايبهه وجاي
فلك.. بس اريد اعرف انتو شعليكم بيه
حمصه.. امشي... امشي وبطلي سوالفج مال زعاطيط والمسلسلات هو اني من شفتج منقبه ومطلعه رچلج ولا بسه حجل أيست
وهسه يالله امشي... امشي گدامي وديري بالج حلگج ينفتح البسج تهمه اني واذبج بالسجن ولا اناي الهيج ولا انتي الهيج
فلك.. بالله تجذب عليه
حمصه.. وروح امي گتلج بحظنج اخلي
فلك.. شمدريك امك ماتت
حمصه.. هي بيوم الي اتهموها ماتت شبقالهه من روح
فلك.. استسلمت اول مره احس بالأمان... غريب شلون تبدلت الأوضاع جنت اخاف منه واتهمه وفجأه اوثق بي اول شي بسبب كسرته و وحدته گلت يفهمني ويفهم شلون البشر يظلم الماعنده سند وهسه من گال امي مظلومه معناهه مستحيل يظلمني... اول مشافنه شاهين اچه علينا
شاهين.. بس أسأل اختج متفكرين بيها.. ابنج الي سلمتي الهم ابو ماعنده معزه بگلبج
حمصه.. يهددوها شاهين
شاهين.. لتدخل انت خليني احجي وياها... ابن عمي بالسجن واحنا ننسجن واختج هم ليش متفتهمين هذا الشي ماافهم
الحد منخلص من هاي السالفه انتي وعدتج اجيب ابنج صدگي هذا الشي... شويه شويه... استغفر الله ام علي امشي خلي نرجع
باوعت على حمصه غمزلي يطمني بوعده.. مشه ويانا وفتحلي الباب الخلفي
شاهين.. روح انت الرائد حيدر مالحگ بعد اني
حمصه.. ماشي
فلك.. اول مصعد شاهين دار وجهه
شاهين.. وعدتج اجيب ابنج لو لا.. وعدتج مو مره الف مره اذا جنتي فعلاً بريئه تصبرين لحد ماتشوفين ابنج بحضنج واذا مجبنا وسوينا حل
الج حق بس هسه الكل مربوط بيج
مااعرف ئحچي والله مگاعد استوعب ابد معقوله... وساق السياره سريع شويه وگال
شاهين.. حمصه الي گاله صح... يهددج
فلك.. واحد بلا ضمير يموت ابني والله
شاهين .. وشلون تكولين ال حمصه يهددج بشرفج وهو غريب
فلك .. وانت والكل غريب ماعندي احد وابني بيد مجرمين فدوه عوفوني اريد ابني تعبت انتو شعليكم
شاهين .. بابا فهمي خالد والله يمحيج اكلهه هيج تكلي هيج كلهه انربطت بيج مااريد اضوجج لتنسين عذراء
دنكت خجلت من كلامه شلون يحجيهه شو ذولي كلش عبالك اعرفهم ويعرفوني ابتلي احجي وحتى بدون مااحجي يرزلوني واني ساكته شبيه مثل المخبله الحد ما رجعت للبيت دخلت بدون كلام وشاهين اعصاب كوه لزمت روحي ومنهديت بي وكتله انت شعليك بيه دخلت للغرفه صدكت حمصه يجيبه الي بس مكدرت امنع روحي عن ذكر علي واشتياقي اله اريده هسه قبل كلشي وضايعة من ميمونه مشفتهه هم من دخلت ...... تجيت راسي على ظهر الجربايه وبقيت اتخايل علي وابجي الحد ما اجتي ميمونه دخلت سؤالهه وورا صدمتني ... بحيث مكدرت حتى اللفظ الكلمه ولا اصرخ ولا ابحجي حتى ... كوه طلعت مني الكلمه من كالت حذيفه كال صفنت اكثر ....بقيت مثل المصدعه حتى كلامهه كمت ما اسمعه عشت اللحظه الي مفروض اشوفه بيهه بعيوني لزمت ايدي ميمونه دفعتهه بسرعه ...
فلك ..ليش تجذبين ها... انتي شنو ما عندج احساس كتلج كولي ماتت فلك ....وبعدين تعرفين يعني شنو مات يعني بعد ما اشوفه مو حرام عليج تفاولين على ابني ليش ... ليش علمود شرف ... ليش مو باعو عمج قبل ليش مو اتهزمتي انتي علمود حبيبج واني ابني هذا ...
ميمونه ..والله ما اجذب فززتني عيطتهه
فلك ..جذذابه وخرري وخررري وعيونهه نطن وكامت ترفس برجلهه ابني ...ابني لا ...لا ..لا ..كولي جذب كولي
ميمونه .. حاولت اهدئهه كل ما اطخهه تصرخ .... فتحو الباب على صياحهه
ام شاهين ..اسم الله شصار شبيهه
فلك .. ااابني ... ابني ممات والله ممات جذاب .. جذاب هذا يجذب عليج
ميمونه .. فلك حبيبتي
فلك .. كامت بحديه ... لتكولين حبيبتي اريد ابني ... اريده اريده والله اريده اريد ابني .. كمت اتقرب منهه كل مااتقرب منهه كلما تبعد ام شاهين وام عزوز ويايه وهيه مثل السمجه المتزوهره ... مثل المحترك من تلهيه النار ويحير وين ينطي وجهه صرخاتهه نظرات التوسل الي الي تطلب مني اكلهه جذب هالخبر .... صعب كلش صعب رغم مااعرف احساسهه لان محد يعرف الوجع اله صاحبه بس صوتهه دوعهه وصلتلي الاحساس عزوز وشاهين واكفين على صفحه اخر شي كوه كدرت اشبكهه شمرت روحهه بحضني
فلك .. كولي جذب ميمونه كوليلي ... كليلي فدوه ما اتحمل والله احجي ... احجي شي احجي ابني راح يعني ماكو بعد والله ملحكت اشبع منه
ميمونه .. طير بالجنه حبيبتي
فلك ..ماريده طير اريده يمشي هنا يمي
ميمونه ..حكم ربج شلون تعترض عليه
فلك .. ليش انطا الي ... ليش ... ماريد اريد ابني ميمونه اريده والله مااكدر انتي مو كلتيلي يرجعلج ليش جذبتي عليه ... ليش فهميني وبجت رجعن بحركه بس ونين صرخه ... لك بابا وينك لك بابا تعال اخذو ابني مني لان كنت ماكو لك ليش بابا ليش ااااااااخ يا يمه لحكيلي اخذو ابني مني
وهي تصرخ بحضني ويهدئوهه متحملت اني هم كمت اصرخ الصرخاتهه وجعت وحركت كلبي بجيتهه ووجعهه وما بيدي اي شي الهه فتره طويله اجاني الشك معقوله عايش الحد هسه معقوله مبقي شجابنه الهدرب مو جنه نشتغل على باب الله وحامين شرفنا ... وين جنه ووين صرنه لطشت الدنيا بينا ... ثاري امي الجانت ساندتنه بوكعة ابويه
ام شاهين تصبر بينه هيه وام عزوز الوجع البينه صعب ينفهم اله الي مار بي .... صعب يتصدك اله بس المحروم من نعمة السند يصدكه لان احنه كلشي سيء من نصيبنا وكلشي نسوي غلط صرختنا ووجعنه عن كلشي بالدنيا عن ضياعنا عن حرمنا عن تعبنا وعن امتحاناتنه الصعبه ... حتى اذا نحجنه يستغلنه شخص ثاني بحجه ماالنه ظهر انحنينا هواي ... ومصرين نوكف من جديد لا صلافه ولا عدم احساس بس مضطرين لان نوكع ومو بس ينكسر ظهرنه حتى بنداس علينه اذا محاولنه
بوسط هالصراخ ومحاولة ام شاهين تصير بينه صار صوت صياح من شاهين
شاهين .. هيووو حيوان وين داخل
حمصه .. اوكف شبيك
شاهين .. لك بابا مخبل والله انت ووين
حمصه .. عميمه ستريهه
ميمونه .. كبل سكتت فلك وشالت راسهه الي جان مضموم بصدري وتناشغ مثل الطفل .... وتباوع علي ردت الزمهه وخرت ايدي هو ... هو كلي ... هو وكامت مثل المخبله اني اخترعت اعرف فلك من تتعصب وهسه زايده الحاله عدهه راحت هيه علي
حلفتلي و خلفت ترجع ابني انت انت والله وعدتني
وصدكت .... صدكت ليش ليش بصراخ لك مااااات
مااااات ابني مااااات مااااات وكامت تدك علئ وجهه
وهوه لزم ايدهه
وشاهين نطت عينه وجره حيل وعزوز حاول يبعد
شاهين من حمصه حتئ كمنه منعرف الأي شغله نلتفت
حمصه ..... منو كلج مات
فلك ..... صدكتك .... صدكتك والله صدكتك والله
حمصه ..... علئ ودعي
فلك ..... لك ياوعد ابني كتلوو كتلوو .... تعرف شلون كتلوو ذبحوو لو شلون ... توجع لو لأ ... توجع أكيد
اكيد اني احاول امنعهه
وهي مجلبه بحمصه وهوه لازمهه اني مجنت أفكر بشي
غير بيهه ...وبس وبحركه كلبهه من كثر مالطمت صوتهه
راح .... رجليهه كامت متحملهه لأن مثل التنحني وتدنك
فجأه صارت بحظن حمصه ....
اني هم مجنت بحال أفكر بالناس اعرف محتاجه ظهر
وحظن ... يضمهه لان فلك اول تنكسر بهذا الانكسار روحهه قويه ....
وفجاه نهد حيلهه فرادت تنسند واني متحسني سند بس
انفعال شاهين ... وكلام ام عزوز خلاني إنتبه حمصه غريب عنهه هي جلبت .. بملابسه وراسهه علئ صدره بحيث .... حلكهه مسدود بصدره
سحبهه شاهين واني حسيت ....
فلك .... بعز الحزن وبعز الخنكه والوضع الي احنه بيه
فكرت شديصير
حمصه .... فلك .... حضنت شي يضحك مفروض لان اكو مشاعر مو الا حب مرات من الوجع وقهر الروح تلتجئ لشي غريب وغلط بنفس الوقت
بررت لان أكثر من مره صرت بوجع والدليل .... حذيفه
حسيته ملجأ الي وأمان بوكت الدنيا انسدت بوجهي وعافني الحبيته وخسرت اهلي شرفهم ......
بقيتهه بحظني ام شاهين انطتهه منوم مقبلت تاخذهه
وماقبلت ابقه يمهه خفت عليهه بس طردتني متريدني
ميمونه .... فلك حبيبتي خليني يمج
فلك .... جذبتي عليهه كتيلي يرجع وصدكتج شاهين كلي وعد اول مشافني وأحمد وعدني
ميمونه .... انقهرت بس منو أحمد كلت بكلبي بس طلعت
لأن لحت اطلع بحيث بحديه طلعتني وقفلت الباب
ومن جهه ثانيه صياح حمصه وشاهين تعاركوو
أحس تعبت ولعبت روحي بقيت واكفه يم الباب عمليتي توجعني ....
كلبي يوجعني تعبت ... تعبت يالله أعصابي انشدت حيل
كلشي صعب ديصير ..
احس كل طاقتي خلصت نزلت نفسي وتجيت ظهري
علئ الباب وكعدت مديت رجلي ورفعت راسي واني منتجيه
بجي فلك صياح شاهين وحمصه ... شكو مكاعد افهم كلشي ....
رحت ماكو مشكله غير بس مرضي ومن يتحمل اعيش
بسعاده ويه حبيبي... الي اتمناه هيج جنت عبالي ساعه السوده من نجحت عمليتي كعدت حبيبي فاقد الوعي
وأختي خسرانه كلشي ... بحياتهه ياريتني مصحيت ياريت باقيه هنا وممتعالجه روحي كابوس الي كاعد يصير
حمصه .... لك بابا مو قصدي بس اني اليوم
شاهين .... انت شنو اليوم شنو .. شنووو لك امانه يمنه
حمصه .... مخنت الامانه ولا .... وسكت ... بعدين كال شاهين شبيك لك ... اني اخون الامانه هاي امانه خضر
بس ...
شاهين ..... اطلع بره أكثر من مره كال خالد ومصدكته
عزوز .... شاهين هووووب
ميمونه .... بهلحظه ماعرف شصار بحيث زاد الصياح
وعزوز ....صاح حمصه بعلوووو صوته
وشاهين رجع عاط كمت بسرعه مخضوظه
وكلبي راد يوكف طلع حمصه ضارب شاهين لان متهمه
وشاهين ضارب حمصه وطارده
شاهين .... للاسف حمصه بيتي وكبال عيني موصوجك صوجي إني ...
ام شاهين .... ساعه السوده ساعه لا التكدر تصخم هيج
ولاتكدر هيج .... من جهه أخاف الله واكول يتيمه البنيه
ومن جهه انهجم بيتي
أنت شعليك .... شعليك فهمني
شاهين .... يمه لتحجين مشي عليج الحسين عوفيني
عزوز ..... لاا لااا موطبيعي ابد والله
شاهين .... امشي من كبالي انت .. شنو الموظوع الموطبيعي بعدين
استغفرالله ... امشي وخر من كبالي وخررر
شاهين طلع وركع الباب وعزوز راح للمطبخ ويحجي علئ شاهين وعلئ حمصه وام عزوز تكله انت لتدخل
عزوز .... شنو ماادخل شنو دتشوفين بس ناقص واحد يرمي الثاني
ام عزوز .... مالك علاقه الحل واحد هيه فلك تطلع من البيت دخلت عليهم ام شاهين وطبكت الباب اني تقربت
يمكن من كدما فايره مشافتني واكفه تقربت من الباب
ام شاهين .... بالله شسوي اني هسه لك عزوز احجيلي
شاهين .... ليش هيج سوه شعليه هوه راح اتخبل اني
عزوز .... شمدريني
ام عزوز ....ليش يعني مبينه ذيج هيه استغفرالله
ماريد اظلم بخت ....بس صراحه ها لفلك مو راحه
عزوز .. هايوم شكووو شدتحجين
ام شاهين .... يمعوده البنيه ويتيمه اني مااحجي عليهه
اني احجي علئ المخابيل ذولي لبنيه وين
ام عزوز .... شاهين ابنج هاذا وتبريين بنيه غريبه شفتيهه ... شلون ذبت روحهه بحظن شاهين وكل شوي
شارده
عزوز .-بااع امي شتحجي
ام شاهين .... وإذا ابني .... أبني رجال والرجال الشيطان يلعب بعقله وانت هم عبالكم مااعرف سوالفكم اخ اخ اخ
اثنينكم اليوم تولوون منا ....مترجعون للبيت اذا البنيه مطلعت اخذهه البيتكم شاهين
ام عزوز .... لا انتي مو طبيعيه
ام شاهين .... يااا وتريدين مني اطرد بنيه مكسوره علئ
ابنهه ورجلهه ميت وماعدهه اب ولا ام .... لاوالله ولاسويهه
هسه لو هم يجيبولي ميت دليل علئ البنيه مااطلعهه من بيتي حلهه سهل الف بيت موجود يرحووون بيه الولد فضت وراحت
ميمونه .... شكد ماجان الموظوع يوجع ويكسر من ماعندك بيت يلمك اني عندي خالتي وترحب بينه متأكده
وعندي بيتي الي ناقصه خضر ينوره بس خالد ميقبل واني
هم اخاف علئ قاسم مكاعد اعرف شديصير
شلون اورط قاسم ....
وفرحت لان الدنيا بعدهه بخير يالله واني اكول شاهين
علئ منو ثاري عندهه هيج ام مربيتهه بغض النظر عن الي صار وهم صار لان بيته .. ويريد يحمي اليمه غلط تعرف فلك بس هيه ممتقصده لااراديه طلعت منهه اني
متأكدة رحت بسرعه من الباب أخذت حسره ....
علئ اي وجع التفت علئ علي الي راح لو علئ حالته
بها لحظه طلع عزوز باوعلي بحديه ماعرف حسيت نظرته بيهه غرابه .....
جنت بهاللحظه اريد احجي ويه خضر ماتحمل أكثر وماعرف شي عنه بسبب الظروف وماعندي غير عزيز إلى فجأه تغير وماعرف السبب وفهمي لام شاهين من كلامهم لو اختي المو زينه أو عيون الولد عليهه
تقربت على راح طلعت ورا صحتله دار وجهه وهو يباوعلى بحديه كتله... عزوز بس خلي اخابر خضر
عزوز_عاد تكليله عن إلى حجيتي ويا اليوم
ميمونه_انصدمت بنبرته وكلامه
عزوز_جنت مااحكم على سوالف اختج لأن اكول اختهه ميمونه إلى يحمد بأخلاقهه خضر بس
ميمونه _بس شنو عزوز
عزوز_مو هذا الي جان وسكت
ميمونه _هو واكول ال خضر طبعا مسويت شي غلط هو من ضمن إلى اختي متورطه وياهم
عزوز _ احنه لعد شنو ميمونه احنه مقصرين وياكم رغم مافلك منعرفهه بس حسبناهه اخت النه والحجه عليهه لطمنا علئ حلكه... كمت ماافهم والله .... اني صراحه
ميمونه _. والله سألته علئ ابن فلك اني مااخون خضر
عزوز .-تعرفين خضر
ميمونه _طبعا
عزوز _ مفروض لعد تعرفين خضر مراح يعتبر الموظوع
طبيعي ويتفهم ابد اخذيهه مني لان اظاهر ماعرفي
ميمونه - اني اكله لان مغلطانه ابد واساسا لو مو مريض هسه اكله بس اخاف علي
عزوز _ المهم المطلوب مني شنو
ميمونه - . أريد اخابر خضر
عزوز _هاج تفضلي
ميمونه ._. فتح الرمز وانطاني الموبايل وكال اني بالباب
كاعد من تكملين دكي الباب طلعي قبل ليروح علي اتصلت جاوب علي
علي .-الووو
ميمونه .-.. الله يساعدك علي
علي _. ها خويه شلونج
ميمونه_ زينه خضر شلونه اكدر احجي وياه
علي ._ نايم
ميمونه ..... سمعت صوته كله انطيني كاعد .... شويه واجاني
صوته وكيل حجه.. شنو متكليلي وينج كلما اتصل لو بالحمام
يكولون لو نايمه صدك ...تحجين كم مره خابرت علئ مرت عمي كبل بجيت من سمعت صوته .... مكدرت احجي مدري ليش
خضر .- ميمونتي .... ام تك وتك .... روحي بجيتي... ليش هالبجي كلبي ورم من سمعت بجيتج منو مضوجج
ومنزل دمعتج
ميمونه_ اني أحبك والله ....
خضر_شبي صوتج ميمونه شصاير.... احجي
ميمونه_اني... والله مو قصدي.....
خضر_شنووو... متحجين ميمونه تره.......
