رواية من الذي احبه الفصل الثالث 3 بقلم لولو وائل

نظرت له روح و دعاء بصدمه مما قاله

نظر ادهم إلى روح بعتاب وحزن وتركها وذهب

توجهت روح أمام أسر ونظرت له حتى يفسر ما قاله

= بتبصيلى كده ليه انا غلطان يعنى أنى حاولت انقذك منه

= تنقذنى تقول انك هتخطبنى فى مليون حل تانى الا دا

=هو كده كده دايخ هيروح ينام ويصحى هينسى كل إلى اتقال متقلقيش

=ولو منسيش

= يووووه انا رايح اشوف شغلى احسن من التحقيق ده

ذهب وترك روح فى حيره وتوجهت دعاء لروح ونظرت لها بحزن وغيره =اشمعنى انتى

=مالك يا دعاء

=اى الفرق بينى وبينك علشان يختارك انتى

=فرق اى يابنتى مفيش حاجه من إلى فى دماغك دى مفيش حاجه بينى وبينه والله

=يسلام وإلى قاله دلوقتى ده اى بقى

=هو قال إنه كان بيصلح موقف وبعدين انتى مش شوفتينى وانا بكلمه وبقولو عملت كدا ليه ورد قدامك وقال علشان يبعد ادهم عنى مجرد كان بيساعد بس خانة التعبير

=خانه التعبير ولا كان قصده وبعدين مفيش تفسير أن راجل يقف قدام راجل علشان ست ويكون متعصب كدا غير أنه بيحبها وغيران عليها

=انتى بتقولى اى انتى كمان غيرة اى وحب اى انا لسه جايه امبارح هيحب واحده فى يوم مالك فى اى  

=انا حبيته فى يوم من اول يوم شوفته بس هو مش شايفنى وانتى جيتى فى يوم قفلتى كل حاجه قدامى ليه كدا انا حسيت أننا هنبقى صحاب

=كل إلى فى دماغك ده اوهام انا من ناحيتى والله مفيش حاجه استوعبى كلامك يا دعاء وافهمى انتى علشان غيرانه عليه بتقولى كلام مش حاسه بيه

=انا فى اكتر وقت حاسه بالى بقولو انتى صاحبه مش كويسه وانا مش عايزه اعرفك تانى

=دعااااءء يا دعااااءء

ظلت روح تنادى ولكن ذهبت دعاء وهى تبكى دون الرد عليها

=ياربى يعنى هلاقيها من ادهم ولا أسر ولا دعاء دى كمان هروح اشوف شغلى احسن

ذهبت إلى الطوارئ لتكمل تدربيها ولكن دون النظر الى أسر ولاحظ أسر تجاهل روح ولكن فضل الصمت ولاحظ مراد ماذا يحدث بين أسر وروح وكان يراقبهم فى صمت إلى أن ينهى عمله ليرضى فضوله فى معرفت السبب

اتت الممرضه لتطلب روح لأن هناك شخص يريد رؤيتها وطلبت من أسر الذهاب وسمح لها وذهبت مع الممرضه

وعندما خرجت ورأت من يريدها تعجبت

=ازيك يا روح

=مش حضرتك اخت جميله عرفتى أسمى منين

=سألت عليكى في المستشفى وطلعتى مشهوره اوى

=حضرتك عايزانى فى اى

=خبيتى ليه حمل جميله

صدمت روح مما سمعته =انتى كنتى عارفه انها حامل

=جميله قبل ما تموت كلمتنى

فلاش بالك

كانت تسير وتبكى بشده وقررت أن تكلم اختها أخرجت هاتفها وقامت بالاتصال بها

=الو الو هدى الحقينى

=مالك يا جميله بتعيطى ليه قلقتينى

=مش هعرف ارجع البيت يا هدى انا فى مصيبه

=فى اى حصل اى

=انا حامل

صدمت هدى مما سمعته =انتى تقولى اى حصل ازاى ومين ابوه انطقى

أكملت ببكاء شديد=انا خرجت من كام يوم مع منار وخلتنا روحنا لاول مره مكان للسهر اول مره اشوفو ومنار قالتلى هنقعد شويه وبعدين نمشى مش هنطول متخافيش وبعدها خلتنى اشرب وكانت بتقولى مش هيحصل حاجه وهننبسط وانا زى الغبيه مشيت وراها لحد ما مبقتش اشوف قدامى ولقيت واحد جالى واسمو دياب جالى وقالى اروح معاه ومنار هى إلى خلتنى اروح معاه ورحت وحصل إلى حصل صحيت الصبح ملقتوش اختفى وعرفت انهارده  أنى حامل ولما شوفتو فى الشارع أنكر أنه دياب وقالى أنه اسمو ادهم ومش عايزه يعترف بيه اعمل اى دلوقتى بابا لو عرف هيموتنى

= مش عارفه افكر بصراحه انتى عارفه أن لو حد عرف ان بنت عصام الهوارى حامل ومن واحد سهرت معاه هتبقى فضيحه فى الإعلام والشركه هتفلس ومحدش هيسبنا فى حالنا 

 شعرت بحزن على ما تفكر بيه اختها=ده كل إلى بتفكرى فيه يا هدى الشركه والاعلان ومش بتفكرى فيا 

=هو انتى كنتى فكرتى فى حد لما روحتى مع صحبتك وشربتى وكمان حملتى ومفكرتيش فى حد غير فى نفسك 

=اظهر انى كنت غلطانه أنى فكرت اتصل بيكى سلام 

=جميله استنى 

ولكن لم تتلاقى رد من جميله أغلقت جميله الهاتف وكانت تسير شارده وتبكى ولم تنتبه إلى السياره التى كانت قادمه وصدمتها السياره .

بالك

صدمة روح مما سمعته من هدى للتو ادهم يكون والد الطفل كيف يفعل هذا ونظرت إلى هدى التى لم ترى بوجهها اى من معالم الحزن على اختها =انتى مش زعلانه على اختك 

=اكيد زعلانه 

=مش باين خالص الزعل حقيقى وإلى انتى حكتيه يبين ده

=يعنى انتى لو اختك جت قالتلك كده هتعملى اى معلش هتقوليلها معلش تعالى البيت وبابا مش هيعمل حاجه وخلفى وسطنا عيل ابن حرام 

=ده كل تفكيرك وأنها اتخدعت ومشيت ورا صحبتها لأنها وثقت فيها وهى ضحكت عليها فى الآخر وخلتها مش فى وعيها وكمان ودتها للغلط مش هنكر أن اختك غلطت أنها راحت معاها بس هى وثقت فى صحبتها علشان قالتها شويه وهنمشى مكنتش تعرف ان صحبتها نوايها وحشه كدا وأنها هتعمل فيها كدا اختك غلطت بس اتخدعت فى نفس الوقت المفروض تقفى جمبها وتساعديها مش تعملى معاها كدا 

=وسمعتنا والشركه كل ده هيروح بسببها 

=يعنى انتى الفلوس اهم عندك من اختك أهى اختك ماتت اتبسطى بيها 

=طب ما انتى خبيتى أنها حامل والله اعلم مين دفعلك علشان تخبى

=انا لما خبيت خبيت لأن حسيت أن باباها مش عارف وعلشان راجل كبير وميحصلوش حاجه وان هى ماتت وطالما ربنا سترها فى الدنيا ليه انا افضحها  علشان كدا سكت ومخلتش حد يقول علشان خلاص هى بقت عند إلى خلقها وبتتحاسب مش علشان حد أدانى فلوس انا عمرى مكان تفكيرى فى الفلوس زيك

=كل الكلام ده مش هياكل معايا تاخدى كام ومحدش يعرف 

=اطلعى بره 

=انتى بتطردينى انتى مش عارفه انتى بتكلمى مين 

نظرت لها روح بغضب شديد= قولت اطلعى برررره

نظرت لها هدى بغضب وذهبت إلى خارج ولم تتحمل روح الوقوف وجلست على الأريكة فى الاستقبال وكانت تبكى وعندما رأها مراد هكذا ذهب إليها مسرعا 

نظر لها بقلق=مالك يا روح اى إلى حصل ادهم عملك حاجه 

=ادهم دمر كل حاجه يا مراد دمرنى لما سابنى يوم خطوبتنا وضحك عليا بموته ودمر بنت غلبانه وخلها تحمل منه ولما واجهته سابها وانكر أنه يعرفها 

=قصدك على مين 

=جميله البنت الى عملت حادثه وماتت وهى حامل 

صدم مراد مما سمعه وقال بغضب= انتى بتقولى اى الواد ده لازم يتربى 

أوقفته روح =ولا يتربى ولا نيله هو اصلا سكران ومش فى الدنيا ادهم لازم يتعالج ادهم بيدمر إلى حواليه وبس

=عرفتى منين انه سكران 

=جه من شويه وحاول ياخدنى معاه بالعافيه بس دكتور أسر منعه 

نظر لها بإستغراب عندما ذكرت اسم أسر =أسر منعه انتى بتتكلمى جد

=هو مش بيساعد حد ولا اى 

=ده حقيقى فعلا أسر ليه نظره للبنات مختلفه جدا عنى وعن اى حد أسر بيكره البنات 

=وده ليه ده 

=دى حكايه يطول شرحها هقولهالك بعدين 

=اومال لو راح قال بقى أن مثلا البنت دى هتبقى خطيبتى يبقى اى بقى 

=ده كدا يبقى الحوار اكبر من انها بنت عاديه ليه 

=قصدك اى 

=قصدى ثانيه كدا اوعى تقولى أنه قالك كدا 

نظرت له روح وكانت متردده =هو بصراحه قال بس هو قالى أنه كان بيحاول يساعد بس ومفيش حاجه 

رفع أحد حاجبيها=بيساعد اه روحى يا روح كملى شغلك وانا هشوف الموضوع ده

=بالله عليك مش ناقصه مشاكل تانى 

=مش هيحصل حاجه متقلقيش روحى كملى شغلك 

= حاضر

وذهبت روح إلى عملها ونظر إليها أسر ولكن تجاهلته مره اخرى الى أن أتى مراد وأخذ أسر وذهب أمام روح

=يا حلاوه كده هيبقى فى خناقه اكيد 

وذهبت لها سلمى عندما رأت روح قلقه من ذهاب أسر 

= انتى بتحبيه

= يادى النبيله علياا يستى مش بحب حد هو انا قلبى ده مكنه مش بحب حد والله ما بحب حد ارحمونى بقى 

=اهدى أهدى انا سألت عادى والله لما شوفتك قلقتى لما دكتور مراد خد دكتور أسر ومشى 

=خوفت تحصل مشاكل بسببى 

= ليه وانتى عملتى اى 

حكت لها روح ما حدث بينها وبين ادهم واسر قبل قليل 

=اى ده دكتور أسر بنفسه دافع عنك غريبه

= غريبه ليه يا جدعان هو ساعدنى بس انتى هتعملى زى دعاء 

=شكلك متعرفيش اى حاجه خالص 

= انتى بقالك قد اى هنا 

=٣اسابيع انا أقدم متدربه هنا وفى كذا حد جه بعدى بس محدش تحمل دكتور أسر ومشيو وأغلب إلى كان بيشتغلو مع دكتور أسر بنات وهو على حسب ما عرفت مش بيحب البنات 

=طب مكنوش بينقلو مع دكتور مراد ليه 

 

=دكتور مراد بقى مش بيحب شغل البنات بيحس أن البنات بيغلب عليها العاطفه ولما مريض بيموت أو بيحصله حاجه بتعيط وهو مش بيحب كده خالص علشان كدا اغلب إلى بيتعينو معاه ولاد لكن انا بقى فا بعرف اتحكم في مشاعرى علشان كده قبلنى اكمل معاه 

=طب وليه دكتور أسر مش بيحب البنات 

=انا معرفش ليه بصراحه بس كل إلى اعرف انه بسبب ماضى ليه بس اى هو الله اعلم وطبيعى علشان كدا نستغرب إلى قولتيه

=هو ساعدنى عادى حركه انسانيه بس مش شرط علشان بيكره البنات ميساعدهمش 

= دكتور أسر عمره ما ساعد بنت جت هنا اصلا انا عرفت بنات هنا مكملوش معاه يومين ومشيو بسبب أسلوبه معاهم 

=بس هو بيكلمنى عادى وكمان بيعامل دعاء عادى

=تعرفى لو هو عرف أن دعاء بتحبه هيعمل اى 

=هى دعاء بتحبه حصل امتى ده 

ردت سلمى بضحك = انتى مش شايفه نظرات الكره الى فى عينها دى كل ده مش فاهمه سببها اى

= وانا برضو اقول اتخانقت معايا ليه 

=دعاء من اول ما جت هنا اعجبت بيه من اول نظره وحبته اوى وكانت خايفه اى بنت تتعين يحبها وعمره ما بص لدعاء خالص وهى حاولت متبينش مشاعرها لأن هى عارفه لو بينت ده هيطردها وكل بنت بتيجى بتطرد لحد ما انتى جيتى وكلنا اتصدمنا لما عرفنا أنه ساعدك لا وقال إنه هيخطبك ده صدمه كبيره بجد انتى لو قولتى لاى حد كده مش هيصدق وهيقول انك بتحورى حرفيا دى معجزه انتى الوحيد الى حركتى قلب دكتور أسر سليم

=متكبريش الموضوع ياستى مفيش الكلام ده مجرد مساعده وبس 

= يمكن الله اعلم 

=وانتى بقى بتحبة دكتور مراد 

= لا انا مش جايه احب انا جايه اشوف شغلى وبس متخافيش مش هعمل معاكى زى دعاء 

= بس باين عليها طيبه اوى 

= دى حقيقه بس الغيره بتعمل اكتر من كده 

= ربنا يهديها 

= يارب 

فى غرفة الأطباء كان يقف مراد أمام أسر بغضب شديد 

انتظر أسر أن يتحدث مراد ليعرف سبب غضبه ولكن قرر هو البدء بالحديث = ممكن اعرف انت جبتنى هنا ليه ومتعصب كدا ليه هتفضل متنحلى كدا 

=انت بتحب روح 

= نعم انت بتقول ايه

=انا عرفت انت عملت اى مع روح لما ادهم كان هنا متحورش عليا ورد على قد السؤال انت بتحب روح 

اسر=.....