رواية اسود توب الفرح الفصل الثالث بقلم خالد أسامه
شفت عيونها دمعت وتجر حصرات هاي شبيج حبيبتي
اخذتها الحضني لتبجين ياعمري اني موجوده يمج حبيبتي ليش لعد اني اختج
علمود اشيل من همج شويه احجيلي شنو شبيج
بان ..اني ابجي وتحصر وجان احجي الرغد ع موقف اليوم من خالد وشلون حصرني وراد يبوسني
حيل ضايقني ودفعته من صدره واني اسولف الرغد ودموعي ما بطلا بواجي
وهي اطبطب ع كتفي حبيبتي شحده يوصلج محد يسكتله
اخوتج بس مشيتهم تهز الكاع هز
لج رغد يكلي انتي الي اصيرين زوجتي
شحده شنو الدنيا تايهه لو احنه ماعدنه اهل
شنو يزوجج وهو مزوج لا والنوب اكبر منج ب ١٥ سنه
والله اكتل روحي ولا اخلي يلمس شعره من جسمي
رغد ..انسي كل كلامه وداعتج اخوتج مايقبلون بي شنو هي تايهه لو تايهه لو احد كله ماعدنه سند بالدنيا
لعد وين راحوا اخوتي وابويه غير يكسرون راسه تكسر
بان..من سمعت كلام رغد شويه ارتاحيت لان حسيت اكو سند الي وجدار محد يكدر يعبره الحمدلله اخوتي موجودين ونفسهم بالدنيا
رغد ..حجيت ويه بان وطمنتها حسستها بالراحه ومسدت ع راسها وبستها
كتلها نامي ورتاحي شفتها غفت خطيه وهي جانت حيل تبجي وترجف بس شويه من سولفت ارتاحت
غفينه وصحينه ع صوت امي
يله كومن خلي نتريك جميع اليوم جمعه والكعده عالفطور الصبح بحضور الكل حلوه اصير
رغد ..صحيت ورحت ع بان اصحيها لزمتها حسيتها مصخنه حيل خطيه رحت اركضت الامي وكتلها
ماما ماما بان مصخنه خطيه
الام..ليش خيرها شوكت صخنت البارحه مابيها شي
رغد ..هي البارحه حسيت بيها بس مجانت حيل قويه هسه شلون ماما
الام ..تعاي
راحت امي لثلاجه طلعت دوه وجابت حبوب ايضا
دخلنه للغرفه كعدت بان
ماماتي بنو شو اصحي حبيبتي
بان 😷😷😷 هاااااا ماما
الام ..شبيج حبيبتي بشنو حاسه
بان ..ماما اريد اتقيئ🤮
الام ..كومي عمري خل اغسلج
كمت كوه امشي اخذتني امي للمغاسل غسلت يدي رجلي وجهي ونشفتهن بعدين
وخذتني للمطبخ يم الهيتر كعدت سوتلي بيضه نص استاو وكلاص حليب كوه شربته ونطتني ادويه
انتهاء ..بنو شلونج هسه
بان ..ان شالله احسن بس اريد ارجع لفراشي لان جسمي نحلان
رغد ..كومي ويايه خل اخذج للغرفه
الولد ..ماعندج غير العافيه بنو
بابا ..بنتي اذا حسيتي نفسج وضعج مو زين خل اخذج للمستشفى
بان ..لا بابا متستوجب هي صخونه شويه وتفك
الاب...ان شالله بنتي
رغد ..اخذت بان للغرفه وحجيت وياها طبعا هاي كله من الحقير الزكه البارحه خوفج حيل
بان ..اي والله يارغد اني حيل خايفه منه بس لا صدك يقنع اخوتي وبابا ويصير من نصيبي شلون بيه
انهزم احسن
رغد ..لا محد راح يقبل هوه مزوج وزوجته راح تخلف شنو هو لعب جهال الزواج عنده
بان ..الله يبعده عني بعد السمه عن الارض كولي امين
رغد ..امين
يله حبي ارتاحي ونامي واني كل شويه اجي اشوفج شلون صرتي
الام..رغد بان شبيها شو من البارحه ما حاستها زينه بيها شي هي وساكته لو اكو شي مضايقها
رغد ..لا ماما ماكو شي بس يمكن هي مستبرده
منتصر ..انتهاء سوي شوربه البان من تصحه تاكلها
..صار من عيوني
صدك منتصر شتحبون اسوي غده
منتصر. بس تمن احمر وزلاطات لان وصيت ع سمج مسكوف ساعه ١٢ حسين يروح يجيبه
حسين عود روح ساعه ١٢ للكراده تندل المكان جيب السمج بسمي
صار اخوي اجيبه
حسن ..اني مراح اتغده وياكم لان مسوين سفره شبابيه اني وجماعتي لجزيره بس اتريك ونطلع
منتصر ..سفره سعيده بس غير تنطينه خبر من البارحه
حسن ..والله البارحه نص الليل اتفقوا الشباب وقررو يعني مو مني الصوج
الاب..بس بابا الجو بارد شلون تطلعون راح تتمرضون
حسن ..يابه خوما احنه اصغار ونتمرض
الاب ..ميخالف ابني الجو بارد والجزيره بيها شط وهوى الشط يكص كص من البروده واحنه داخلين ع شهر الواحد برودته اجمد الكلب
حسن ..صار تدلل يابه راح ادفي حالي كلش زين
رغد ..كملنه ريوك ولميت الماعين غسلتهن انتهاء ورحت للغرفه اطمأن ع بان
شفتها نايمه بس الصخونه اقل الحمدلله كمت طلعت ملابسنه مال المدرسه حتى اغسلهم ورتبت الغرفه
غسلت الملابس وجففتهم وخذتهم اشرهم فوك
صعدت اشر الملابس بقه قطعتين وانتهي من الشر وابد ما انتبهت ع السطوح المجاوره النه رفعت راسي عالصفحه الثانيه واشوف شاب مرتكز ع الحايط وعيونه عليه ماعرف شكد صارله من شفته فزيت واني في مكاني
بالله انت متستحي ماعندك خوات وتخاف ع سمعتهن وبكل عين صلفه جاي تتفرج عليه الله ينتقم منك
الولد ..هوب هوب شهالدعاوي يمعوده اسويتلج اني
رغد ..لا والنوب تكول اسويتلج صارلك شكد صافن عليه بالله ما استحيت ع روحك
الولد . انتي هي اكلتيني بكشوري توني صاعد وشفتج وانتي شفتيني
رغد ..يله استحي وبعد لتباوع ع الناس لان مثل ما تدين تدان يبن امك
مره ثانيه ان شفتك بالسطح وتباوع علينه اخلي اخوتي يصعدون يفلشون طيورك انت فاهم
دسويها وشوفي شسويلج
ولك لتهددني لا اجيك والنبي
عفته ونزلت اركض لان خفت واحد من اخوتي يلمحني وعباله عندي شي وياه
الولد ..اعرفكم ع حالي اني مهيمن من عشاق الطيور الزاجل والمحجل وابو كذله الاحمر
يعني اني بس اربي ما حب اطير لان استحي من شغله السطوح واليوم ع حظي صعدت انطي اكل لطيور لان مخلصات واني رحت السوك الغزل هم بعت كم واحد وهم جبت حبوب الهن
صعتد وصارت كبال عيني بنيه جاي اشر ملابس بالبدايه نزلت جسمي للكاع حتى متشوفني واني اشوفها شلون تتحرك وتتمايل ويه الحبل والملابس وشعرها اليطير ويه الهوه
اوووف شايله جمال رباني خالص اجنن مو بنيه ملاك تمنيت اتقرب منها واتمعن حيل في ملامحها بدون وعي ومن غير ما حس كمت ومشيت وصلت الحد الفاصل المحجر البين بيتنه وبيتهم هوه الحايط صفنت عليها وهي ما منتبهه ع وجودي وبعدها فزيت ابصرخه منها واكلت ذيج الرزاله المعدله زراله مال اخ لخوه
وكامت تحجي وترزل وتدعي اني ما حجيت شي لان حقها شلون ولد وغريب صافن يتفرج عليها عفتها ع راحتها تغلط وتدعي وظليت اني ساكت وصافن ع وجها الجنه كمر بليله ١٤ وبعدها خلت ونزلت حرامات
رغد ..نزلت الدرج واني ادردم ويه حالي
صدك هذا ميستحي ما عنده ذره اخلاق مع الاسف سقطه الاخلاق من بعض البشر
ادبسز والله لو حاجي احجايه اله افكس عيونه
انتهاء ..هاي ويامن تحجين رغد
رغد ..هااااا لا هيج ويه حالي
انتهاء ..ليش تخبلتي هههههههههه هاي تاليتج
رغد ..اي والله ابسبب الامتحانات بعد ماكو عقل بالراس
كلنه صرنه شيش بيش
انتهاء ..ههههههههههه😃😃😃😃 دروحي روحي بدلي هدومج مبلله لا يزيد اخبالج ويطك علينه
رغد ..اي حفوت اغسل وطلع ادرس
فتت اغسلت وطلعت جففت شعري واني بالحمام اغسل وافكر بهذا الولد شلون جان يتفرج عليه وشاف كل ملامح شكلي وجسمي حييييل حقدت عليه الله يلعنه شلون حقير يباوعلي والله اعلم بشنو فكر بيه
داجفف وسمعت بان صاحتلي
رغد الساعه بيش
هسه ساعه وحده تردين شي بان
اي والله اريد اكوم اغسل عفيه بلكي ارتاح وتفكني الصخونه
رغد ..يله كومي اخذج للحمام واني اسبحج
بان ..اي عفيه سبحيني لان تعبان جسمي ويمكن مراح اقره للامتحان ماعندي قابليه
رغد ..عوفي الامتحان اذا متحسنتي للمغرب اروح اني اخذلج اجازه من المدرسه
اي فدوه رغوده اعتمد عليج عيوني
غسلت البان وطلعتها جففت شعرها ولبستها شي ثخين وشغلت الهيتر خليتها قريبه عليه وشربتها دوه
منتصر ..حسين رحت جبت السمج
اي جبته من زمان بس انتوا ما نصبتوا الغده مدري شبيهم اليوم الكل متاخر
يمه يوم وينج
الام ..ها حسوني
يمه تره من زمان جبت السمج وانتوا ماكو لا حس ولا خبر منكم واحنه جواعه شنو مناوين تغدونه
الام ..هسه يوم اصيح للبنات ونجهز الغده ونتغده
البنات ..طلعنه نصبنه الغده بالهول بحضور الجميع حتى بان اجتي
الام ..وينك ابو منتصر وينك يارجال مو صبينه الغده
الاب ..اي اي جاي جنت اسمع اخبار يمعوده العراق وضعيته ابد مطمن بخير جنه بوحده صرنه بثنين منعرف يمته نرتاح ونشم هوى الله النظيف
الام ..عوفك من الاخبار لان العراق طاح وبعد مايرد ينبني هذولاك محصنين نفسهم والواكع بيها بس الشعب المسكين الك الله يالشعب العراقي
تغده يارجال
تغدينه وكان غده جدا طيب ومن نفس طيبه بعد من نفس اخويه منتصر الله يحفظه النه كمت سويت جاي صبيت للجميع كملنه كل شغلنه واخذت بان وفتنه للغرفه مددت بان واني طلعت كتبي وكعدت ادرس دروسي والامتحان
شويه فكت الصخونه من بان بالليل رجعت انتكست وهم سويت الها كمادات وادعي من الله تخف الصخونه عنها
ثاني يوم صحيت ع حس عالي بالبيت طلعت شفت ابن عمي خالد جاي عالولد ورايد منتصر بشغله
رجعت للغرفه
بان ..رغد اكلج هذا مو صوت خالد
اي هو
شعنده جاي من الصبح صدك ماعنده ذوق
رايد منتصر بشغله ومستعجل عليها
خوما سئل عليه
ما نزلتله اني
بس شفته من بعيد رجعت للغرفه لان مالي مزاجه اني هم
تعرفين شكد لزكه هوه
اي زين سويتي ورجعتي للغرفه
هاااا هسه انتي شلونج هسه مو احسن
اي الحمدلله بس احس عندي دوخه دمرت راسي
اي لان
ما ماكله شي عالغده مال البارحه بقيتي
بله اسكتي خل نسمع هذا شيحجي
