رواية كان اخي الفصل الثالث بقلم مجهول
سحب الكتاب من ايدي
ملك:هاي شبيك ليش سحبته
هيثم: ماكو شي هيج ..تعاي خل نكمل الوكت متأخر وعندج دوام
ملك: كول ماريدج تشوفينه على وجه ابيض
هيثم:لاتكبرين السالفه..تعاي خل اكملج الشرح
اجيت يمو وبقه يشرحلي بس ضل الكتاب ابالي وليش ماخلاني اشوفه مع العلم اني وياه واحد مايضم عليه اي شي.خلص شرح ورحت للغرفه انام.نمت وكعدت الصبح الدنيا حيل باردة ومطر وغيم لبست ملابس المدرسه وسويت ريوك.باوعت كعد هيثم هم هو عندو دوام بالدائرة مال الكهرباء
هيثم:صبيلي جاي وياج
ملك:اوك
سويت ريوك لاثنينه تريكنه وكمت داالبس البوت
هيثم:امشي خلي اوصلج بسيارة بطريقي الجو مطر حيل
ملك:اي ياريت
رحت صعدت بالسيارة وهو صعد
هيثم:يادرس امتحانج
ملك: الثاني
هيثم:بساعه شكد تخلصين دوام
ملك:12 ونص
هيثم:لعد لاترجعين مشي راح اجي اني اخذج لان بساعه12 اخلص دوام اني
ملك:اي خوش
وصلني المدرسه
هيثم:ديري بالج على نفسج ولاتطلعين برة الصف لان مطر وتبردين وتمرضين
ملك:انشالله..يله باي
فتت للمدرسه ومتحنت وجاوبت الحمدلله خلصت دروس وصارت الساعه12 وصار مطر كلش قوي ضليت انتضرو يجي مااجه صارت الساعه1هم مااجه باوعت المدرسه فرغت بس الفراشين بيها كلت ماكدر اضل لازم اروح شسوي هذا لي هس مااجه طلعت من المدرسه وكمت امشي طبعا الطريق كلو طين لان المنطقه الي ساكنين بيها بيت خالي ريفيه .ضليت امشي وصار مطر حيل قوي كمت اسرع حيل بالمشي ومعد اشوف من المطر فجاة عثرت بحجرة ووكعت احس مدي الكاع تنشك وتبلعني من هالموقف كمت على حيلي اباوع حواليه ماشفت احد كلت الحمدلله ماكو ناس شافوني باوعت على هدومي صايرات طيين واديه وحنجي كلو طين معد اعرف شنو اسوي زين هس شون ارجع هيج رحت امشي عالسريغ ومدنكه راسي واحجي ويه نفسي على هيثم.وصلت البيت فتت بالحوش اتمنى محد يشوفني بقيت امشي وصلت باب البيت باوعت هبه بوجهي
هبه:ههههههههه ولج هاي شصاير بيج
ملك:انجبي ولاكلمه فوكاها تتمضحكين كلو من ورى اخوج
هبه:هههههه هدددديل تعاااي شووفي
ملك:لاتنادين احد شبييج
اجت هديل وثنينهن كامن يضحكن عليه
اني معد اكدر احس نفسي كمت افور من الغضب
ملك:هيثم وووينه
هديل:موجود جوة
ملك:اهااا فوكاها موجود هين واني حسبالي بالشغل تأخر وماكدر يجي عليه
باوعت طلع حيدر من الغرفه ويباوع عليه
هيثم:هااي شصاير بيج ليش هيج
ملك:انت اسكت ولاكلمه تكلي لاترجعين اني اوصلج واضل انتضر وماتجي ووكعت بطريق من المطر معد اشوف
هيثم:اوووووو ولج والقران نسيت
ملك:روح من كدامي ماريد احجي وياك
رحت امشي متعصبه وفتت للحمام كبل تااسبح
فتت سبحت والمي حارر يبخر حسيت نفسي ارتاحيت واسترخيت
ملك:هددديل
هديل:هاا
ملك:بس طلعيلي هدوم وجيبيهن لان ماخذت اهدوم كبل فتت للحمام
هديل:هس
جابتلي تراك مال بيت لبستو وطلعت امشط بشعري .باوعت فتح الباب هيثم
هيثم:ولج والله اسف وموقصدي والله نسيت مدري شون هيج نسيت
مارديت علي بعدني ضايجه منو
هيثم:تعااي خلي امشطلج
ملك:روح ماريد #myhopes
اجه عليه وسحب المششط من ايدي بالكوة وكام يمشطلي
ملك:ماتفيدك بعد
هيثم:اهوو عليج يعني شون موداكلج نسيت..
دنك على ركبتي وكام يحجي بصوت ناصي وهادء:تعرفين شنو انتي بالنسبه ليه انتي ملاكي ملاكي اني...ول فديت الزعلان مني..بشنو ترضين
كمت افكر من كالي بشنو ترضين
ملك: تطلعني العصر تفرفرني بسيارة..وتشتريلي اي شي يعجبني
هيثم:ول يابا تورطت ههه..اي موتدللين الي تريدي يصير بس لاتضلين مبوزة...بس تدرين شكلج يضحك بالطين هههههه
ملك:هااا هيج مو شوتعال اليوم اموتك
رحت اركض وراه وخنكتو من ركبتو وهو يضحك عليه
هبه: تعالو تغدو
ملك:اي جيت.رحت اركض عالغدة احس نفسي ميته جووع
كعدنه وتغدينه حسيت نفسي نعسانه رحت فرشت فراش وطفيت الضو ونمت شوي وكعدت العصر
باوعت البيت سكته كلها نايمه
رحت سويت جاي وطلعت قشطه وجبن تعصرت بوحدي .بعدين كعدت عمه سميه وخالو محمودوصبت الهم جاي وياي.روى شوي كعد هيثم وكعدن البنات
ملك:هيثم راح اروح احضر نفسي لاتحسب افوتها الك
هيثم:اي تحضري انتضرج
هبه:وين تروحون
ملك:نتفرفر بسيارة لان مااجه اخذني من المدرسه
هبه:شنو بس انتي اني هم اجي
هديل:ضلت عليه واني هم
هيثم:لعد تحضرن بسرعه انتضرجن بسيارة اني
كمنه تحضرنه
هديل:هبه شنو راح تلبسين..لان اريد البس الترواكه مالتج السودة
هبه:اي البسيها
اني لبست بنطلون وفوكو قابوط للركبه
خلصنه ورحنه دانصعد بسيارة.اني فتحت اليدة مال الباب المن كدام تااصعد
هبه:اني اصعد من كدام
ملك:اني اجيت قبلج..صعدت من كدام وسديت الباب ماهتميت الها
هبه:اشو والله تنزلين...واني اصعد من كدام
ملك:ماانزل وشسوين سوي
هيثم:يمعودات شبيجن على هاي متعاركات
هبه:ماروح اذا مااصعد من كدام وهي تنزل
ملك:اي بعد احسن
باوع عليه هيثم وكالي:ملك اصعدي من ورة وخليها تصعد من كدام
ملك:هاا هيج بس بس اشو والله فلا اروح مادام اله تنزلوني مع العلم اني صعدت بالبدايه
نزلت متعصبه ورحت للغرفه كبل لحكني هيثم
هيثم:امشي اصعددي بالسيارة
ملك:مااصعد وماروح روحو انتو
هيثم:داكلج امشي كدامي اصعدي بسيارة
ملك:كلت ماروح
باوعت علي حيل متعصب
هيثم:هاي اخر مرة اكلج امشي اصعدي كدامي
ملك:ماروح
تعصب حيل وجرني من ايدي....
