رواية حرم الاسود الفصل الرابع بقلم بتول ابو الليل
باچر من ترد وتخونك احلامك ترد تفرش ندم
وافرشلك سهامك واتعبك بالعتب گد مابروحي
عتاب .!
گد ما خيبتي لخاطر آمالك
____________♠___________
فتحت عيوني بصدمه مجنت متخيله يڪون هوه بلعت ريڪي بتوتر ودمعت عيوني همست بصوت مخنوك
_آرون انتَ. ؟؟
آرون ; طلعتي ملعبه مثل ابوج واني اكول فقيره
_ليش خطفتني هاي فوك مامشغلك بابا عنده تسوي هيج ويانه بشنوو أذيناك احنه
آرون : تحسسيني ابوج مسوي فضل عليه شغلني علئ ذكائي ومهارتي بالعمل واني ختاريت اڪون وياه حته اخسره بشغله واستلم الارباح الي وانتظر اليوم الي اجمع بيه المبلغ الدمر حياتنه عليه واشمره بوجهه.
_انتَ شدتحجيييي شلووون تڪدر تخونه هيج وتضحك علئ بابا واحد نذل جنت متخيلتك انسان نظيف حباب بسسس طلع العكس الله ينتقم منك يانذل والله اذا ماخليت بابا يدمرك.
آرون : اخونكم؟ هههه منوو انتم اصلاً اڪبر اعداء الي وعمري مانصحت وياكم ولا راح اكون بيوم شغلي ويه ابوج ڪله علئ مصلحه واول ماتخلص هل مصلحه اخلي يعرفني منوو وابن منوو وليش هيج تصرفت وياه
_راح تتندم علئ هذا التصرف صدك راح يندمونك خواني خلي بس اطلع اني بايدي ادخلك للسجن ياحرامي يامجرم
آرون : موو أني الحرامي اهلج الحراميه والقفاصين فلوسهم كلهاا من حرام وراح يجي اليوم الي اخذ كلشي منهم واكعدهم علئ الحديده
_ڪلشي متڪدر تسوي انتَ واحد جبان خواف تخاف منهم بيك خير واجهم موو طلع بطولاتك عليه فڪنييي يلا طلعنييي مناااا طلعنييييي
آرون : صيحي منا لباجر محد راح يسمعج ولا راح يتخيلون مكانج مخليج مڪان محد يتوقعه ولا يعرفه فأ الاحسن الج تڪونين مؤدبه وتصرفين بهدوء حته ماتصرف وياج بتصرف مايعجبج.
عافني وطلع من الغرفه انصدمت كلش باسلوبه يمڪن لو واحد من اقاربنه مجنت راح انصدم هيج لأن اعرف اغلبهم يكرهونه بس هوه
والمشكله مشغلينه ويانه بالشركه ويعرف الجبيره والصغيره ومحد شاك بيه لازم اڪشفه واخلي بابا يعرفه ويحاسبه
شڪد غبيه طلعت شلون عجبني هيج انسان نذل وحقيرر.
.....
اريانا : مر يوم ڪامل علئ اختفاء اليان الكل عايش بحالة توتر وخوف عليها ماخلو مكان يعتب عليهم مادور بيه
اني وضعي مانحسد عليه خايفه علئ نفسي وعليها ماندري شصار وياها وين ومنوو خطفها ميته عدله منعرف أي معلومه
ڪعدت الصبح واني دايخه ليل كله مانمته من التفكيرر والخوف
رحت بسرعه اخذت جهاز واتصلت علئ جنان ام تيمور اريد اسالها عن اليان ماعرفو شيء عنهاا
اتصلت متجاوب عدت عليها اڪثر من 3 مرات ومتجاوبني اباوع للساعه بـ 9 ونص الصبح يمڪن بعدها نايمه
دخلت للحمام غسلت وجهي وبدلت ونزلت جوه جان الكل كاعد ابوي واخوي طالعين للشغل.
_صباح الخير
جميله : صباح النور حبيبتي تعالي اكعدي تريكي
عفاف : شصار ويه اليان ما عرفو مكانها
_مادري والله اتصل علئ مرت ابوها متجاوبني.
جميله : انشالله يلڪونها وترجع سالمه سوده عليه هستوها رجعت خطفوها اولاد الحرام الله لايوفقهم.
عفاف : اني خايفه من شغله وحده
_شنوو؟
عفاف : بس لايغتصبونها.
جميله ; اسم الله شبيج تفاولين عليها انشاالله مايصير هيج شيء وياها.
_لا مستحيل
عفاف : شنوو المستحيل عيني انتِ وياهم صارلها يوم كامل مختفيه عن البيت ومانعرف ويه منوو وشنوو سبب اختفائها.
_انتِ شبيج شنوو هَـل كلام عفاف مستوعبه شدتحجين
عفاف : وانتِ شبيج ضجتي شحجيت هسه اني بس تخيلت ماصارت صدك
جميله : لاتحجون كلام اكبر منڪم ابوها تاجر وعنده فلوس وناس علئ فلوسه تخطفها واڪيد راح يشرطون مبلغ مكان رجعتها متأڪده .."
عفاف : اي انشالله مثل ماتڪولين.
حيل انغثيت من كلام عفاف عفتهم وصعدت لغرفتي بدلت ملابسي اريد اروح علئ بيتهم اشوف شصار وياهم.
بدلت ونزلت جوه رحت علئ امي بغرفتها استغربت من شافتني مبدله.
جميله : ها وين؟
_اريد اروح لبيت اليان تجين وياي
جميله ; شنسوي نروح يايمه البنيه ومالاگينها
_نشوف شصار وياهم ممعقوله نڪعد ونسڪت هيج ترا اليان بتنه موو بس بتهم همه
جميله : اعرف امي بس روحتنه مالها معنئ البنيه مالهاا اثر واحنه منكدر نساعدهم بشي
_ميخالف نوكف وياهم ندور نسأل مانكعد ونسكت ماكدر ابقه كاعده وانتظر خبر خلينه نروح فدوة تعالي وياي .
جميله : تمام خليني ابدل ونروح
_راح اوكف النه تكسي بين ماتكملين
هزت راسها بأي عفتها وطلعت من الغرفة جانت عفاف كاعده بالصاله توكل ريان تباوعلي بطرف عين طلعت للشارع اوكف تكسي.
وكفت تكسي بقيت منتظره طلعت امي شويه وطلعت صعدنه ورحنه علئ بيت اليان.
وصلنه للبيت جانت اكوو هواي سيارات يمهم بل 10 سيارات ماعرف منوو اقاربهم
نزلنه ودخلنه للبيت جايات عمات اليان 2 وبناتهن 3 ولزلم مادري شڪد جايه سلمنه وكعدنه.
_شصار وياكم ماعرفتو شيء؟
جنان : لا والله ماڪو أي خبر ماخلينه مكان مادورنه بيه مالها اثر ابد.
شذر : اني مصدومه من شغله وحده حالياً الي يخطف لازم يتصل ويطلب فديه او شغله معينه همه ليش لحد هسه مطلوبو شيء من عدنه معقوله ميكون خطف وتڪون اليان هيه رايحه وياهم بأرادتها . ؟
_انتِ من كل عقلج تحجييييين شنووو تروح وياهم ومنوو همه انتِ ماتدرين بيها جانت مسافره وهسه اجت واذا جانت رايده شخص تحجيلي انيييي متضم شيء عليه لاتطلعين حجي من يمج احسلج
جميله : اريانا ماما شبيج اشش
شذر : احترمي نفسج واحجي عدل وياي ماسمحلج تعلين صوتج منوو وجهلج الكلام هاا؟ محد طالب رأيج خليج ساكته مفهوم
_واذا ماسكتت شتسوووين هااا
صبئ : ام خالد شنو هذا اسلوب بنتج؟
شذر : عوفيها ماما جاهله ماتعرف شنوو تحجي لاتضوجين نفسج
_انتِ الجاهله موو اني
جميله : اريانا كااافي
جنان : اريانا احترمي نفسج واعرفي شلون تحجين عيب هل اسلوب احترمي الموجودين والبيت الكاعده بيه
_ليش بس اني الاحجي ماتسكتونها هيه لوو هيه تقرب الكم اڪثرر مني ومتڪدرون تحجون عليها.
مرام : وبعدين وياج كااافي شڪد مغثه اوووي شهل نماذج الجايه علينه فوك توترنه وخوفنه علئ اليان جايتنه هاي تتعارك ڪومي ماما نروح ماتحمل هيج ناس اني.
باوعتلي امي بخزره عفتهم وطلعت من الصاله طلعت للحديقه واني احس روحي طالعه كل بنات اقاربهم حيايه ولا وحده منهم زينه
جميله : اعذروني ضايجه علئ اليان همه رابين سويه ومتعرف شنوو تحجي اني اعتذر منكم
صبئ ; احنه هم ضايجين عليها بتنه مخطوفه بس منتعارك ويه العالم خليها تعرف شلوون تتكلم ضاهر معدها اسلوب راقي بالكلام.
سكتت ماعرفت شنوو تحجي ..
..
طلعت من البيت كله ڪعدت بالحديقه علئ القنفات واني ضايجه وينج اليان وين رحتي تعالي اسمعي شنوو يحجون عنج.
شويه وطلع ولد شاب من البيت ماعرفه ولا شايفته اصلاً شافني اجه نحوي تأففت بضوجه وبقيت اباوع الاظافري.
زيد : سلام عليكم
_وعليكم السلام
زيد : منو حضرتج؟
_بنت خالتة اليان
زيد : ها تشرفت معرفتج اني زيد ابن عم اليان
ابتسمت مجامله وهزيت راسي بأي حك حاجبه وكال.
زيد : ماعرفت اسمج
_شتريد باأسمي؟
زيد : هيج اتعرف عليج
_ماحب التعارف اني اعذرني
زيد : شبيج نفسيه
_شويه ضايجه ومالي خلك احجي
تيمور ; خير شباب شڪو
زيد : ماكو شيء جاي نتعرف
تيمور : اريانا كومي ادخلي جوه
باوعتله بستغراب منوو هوه ويتشرط عليه خزرني واشر بعيونه انو ادخل هزيت راسي بأي عفتهم ودخلت للبيت رحت للمطبخ اشرب ماي شربت وطلعت صعدت لغرفة اليان مالي خلك ارجع اڪعد وياهم
دخلت بالغرفه وبقيت اڪلب بجهازي ضايجه واحس زودتها ڪل شخص يحجي وياي انعث منه واريد،بس اتعارك وياهم
بقيت تقريباً ساعه ڪاعده وحدي سمعت طكطكه برا الغرفه
بـ الاول تجاهلت الموضوع بعدين سمعت ضحكات بصوت هادئ منوو ديضحك؟
شمرت الجهاز علئ السرير وڪمت من مكاني فتحت الباب شويه اشوف شڪوو جان تيمور وشذر
حاضن خصرها هوه بثنين اديه وهيه مخليه اديها علئ ركبتهه يسولفون ويضحكون سويه.
منظرهم حيل يفشل ومتقربين من بعض حييل معقوله هيج عدهم عادي الموضوع ميخجلون يسوون هيج تصرفات وهل حيوان والمختل ماهمه خطف اخته يضحك ويتحرش بشذر
سديت الباب واني اتنفس بقوه وكلبي يدك سريع شهل عائله الغريبه العجيبه مجاي افهم شلون يفكرون.
بقيت افتر بالغرفه واني متوتره وعركانه اني من يمي عركت وفشلت واني ممسويه أي شيء اريد اطلع من الغرفه بس اخاف يشوفوني
جنت اريد اطلع من الغرفه فجأه انفتح الباب ودخل تيمور انصدمت من شفته جمدت ڪل اطرافي
دخل للغرفه وسد الباب وراه وقفله بلعت ريڪي بتوتر هذا شيسوي وشنوو باله تقدم نحوي رجعت خطوات ليورا واني متوتره
تيمور : شتسوين بغرفة اليان ؟
_هوه حته شسمه مكياجي خرب او اجيت حته اسوي بس هيج
تيمور : ليش جنتي تباوعين علينه من الباب
بلعت ريڪي بخوف من كال هيج ضاهر شافني نزلت راسي ومجاوبته.
تقرب يمي لزم وجهي بيده ورفعه يباوع داخل عيوني دفعت ايده ورجعت بسرعه ليورا واني احس نفسي راح ابجي من ڪد الخوف والتوتر.
تيمور : شوفي انتِ شفتي ڪلشي وافتهمتي الي تردين تفتهمي ماريد أي بشر يعرف بالصار اوڪي لاعبالج اكو شيء بينه لا وعيونج الحلوات ماكو شيء بس هيج نسولف كلام عادي.
_معليه بيڪم أخر همي انتَ وياها سوو الي تردون تسوو شعليه اني
تيمور : عفيه هذا الكلام الحلوو لاتهتمين لهيج مواضيع ولاڪانو شفتي شيء الموضوع خاص بينه ماريده يطلع لأي بشر تمام
هزيت راسي بأي كلامه دنڪت راسي وبقيت افرفر بعيوني اتهرب منه
تيمور ; شبيج ليوم انتِ موو علئ بعضج جوه بالحديقه وهسه هنا صايرر شيء وياج احد مضوجج كولي اني اطيح حضهم
_لأ بس ضايجه علئ اليان
تيمور : ترجع لاتخافين عليها
_انشالله
تيمور : زيد شنوو جان رايد منج ؟
_ولاشي
تيمور : اڪيد
_وانتَ شعليك لاتدخل بخصوصياتي موو هاي اني مادخل بيك انتَ هم خليك بعيد عني وعن حياتي مفهوم
تيمور : ههههه شبيج انفعلتي مجرد سؤال ليش هل عصبيه بعدين انتِ من اقربائنه واني ماريد أي بشر يضوجج
_شكراً ع اهتمامك بس ماڪوو داعي تهتم اني اذا شخص ضوجني اعرف شلوون ارد عليه
تيمور : عفيه عليج
_ممڪن هسه تفتح الباب اريد اطلع الي يشوفنه شيكول؟
تيمور : يڪول اكوو علاقه بينه
_تدري انتَ واحد سخيف.
عفته ومشيت جنت اريد اطلع لزم ايدي وسحبني عليه صارت ايدي علئ كلبه جسمي كله صار يرجف وتوترت كلش
تيمور : لاتنسين الحجيناه اوك يحلوة ماريد أي شيء يطلع يبقه سر صغير بيناتنه
يحجي ويمشي ايده علئ خدي ويرجع شعري ورا اذني بلكوه صرت اجر نفس ڪلبي احسه علئ شويه يوڪف.
دفعت ايده بقوه ومشيت بسرعه فتحت الباب وطلعت من الغرفه نزلت جوه رحت علئ امي كتلها خلينه نروح
وافقت لأن كاعده امي ع اعصابها عمات اليان غثيثات وجنان اڪثرر بعد
طلعنه من بيتهم وڪفنه بالشارع فجأه طلع تيمور ورانه درت وجهي واني متوتره هذا شبيه يفتر وراي.
تيمور ; سلام عليكم
جميله : وعليكم السلام
تيمور : اريانا هذا جهازج ناسيته بغرفة اليان صعدت لغرفتي وسمعته يرن
_ءءأ شكراً
تيمور : تدللين اوصلكم بطريقي رايح للشركه اني
_لا ماڪو داعي ناخذ تكسي مو ماما
جميله : أي صح ماڪو داعي ناخذ تكسي وبيتنه قريب موو بعيد ڪلش
تيمور : لٱ يابه شنوو تڪسي احنه اهل يلا بس خلوني اطلع السيارة انتظروني هنا ماشي."
عافنه وراح للكراج يطلع سيارته ڪتفت اديه بضوجه شڪد خبيث وملعب مثل الثعلب يلعب علئ كل الاطراف باوعت الامي بضوجه
_خلينه نرووح يمه ليش واكفين.
جميله : عيب ماما لولد كال اوصلكم نروح وياه بعد
_أففف يالله
جميله : شبيج ليوم انتِ لوو ادري بيج هيج فلا اجي وياج فشلتيني ڪدام العالم
_ماما همه كلهم مينطاقون بس اليان بيهم زينه شلوون متحملتهم ماااعرف
جميله : اسڪتي يلا لايسمعونج شعلينه بيهم احنه.
طلع تيمور سيارته ودك هورن حته نصعد رحنه اني وامي صعدت ورا اني وامي يمه بالصدر
ساق بالطريق باوعلي بالمرايه درت وجهي علئ الجام ماريد اباوعله اصلاً شويه وصلنه للبيت نزلنه تشكرت منه امي وراح ..
....
خلاني مربطه وطلع شڪدد حاولت افك نفسي ماڪدرت اخرر شيء تعبت وستسلمت للأمر الواقع.
المكان هادئ بس صوت جلاب قريب من الباب مادري مربينهن مخلينهم حرس ع باب كلشي مافتهمت
مر هواي وقت واني بمكاني انفتح الباب ودخل آرون وياه بعد ولد
آرون : جون فك ايدها
اجاني جون فك ايدي الثانيه ماصدڪت انفتحت حركتها متشنجه وحته ماحس بيها خدرانه.
آرون : اسمعيني اليان راح اتصل بأبوج هسه واخليج تحجين وياه كلشي اريده منج تكوليله يطلعج وينفذ كلامي ساعديني واساعدج تمام.
_مستحيل اساعدك بيوم واحد حقير ونذل طلعنييييي منااااا طلعنييييي يلااااا
جون : كتلك مراح تساعدنه خلينه نخابره وحدنه احسن شيء
آرون : زين شلون نخلي يتاڪد هيه يمنه
جون : نسويلها تسجيل فيديو وندزه اله
آرون : اي صح هذا انسب حل ارجع ربطها وحته حلكها سده حته نسجل الفيديو.
_دير بالك تتقرب منييي وخرررو عنيييي سااااعدوني يااااناااااس ياعاااالم ساعدووووني.
اجاني جون لزم اديه وخلاهم ورا ظهري صرخت من الوجع
_اااااي ايدددي ااااخ عوووفني
آرون : علئ كيفك وياها جون
جون : تعال ساعدني ماتخليني اربطها عدل
اجه آرون لزم اديه وهذاك ربطهن بجيت من ضعفي وضعي وڪف كدامي عيوني مليانه دموع واشهك
آرون : كتلج ساعديني ماقبلتي اعذرينه مجبورين نعاملج هل شڪل
_فدوة فك ايدي والله توجعني اسوي الي تردونه بس فڪوني ورمت ايدي من الحبل
آرون : لا
شد حلڪي بوصله قماش وطلع جهازه من جيبه صورني فيديو ودزه لبابا
وراها اتصل عليه بسرعه فتح خط ابويه خله جون هوه الي يحجي وفاتح سبيكر.
جاسر : حقرااااء نذااااله رجعووو بنتي والله اندمكم علئ الساعه الي انودتو بيها عووف بنتي شغلكم وياي اني تعالوو اخذوني مكانها.
جون : اسمعني زين جاسر افندي بنتك حالياً ضيفتنا ابد لاتخاف عليها مانسويلها شيء كلشي نريده من عندك تتنازل عن القضيه الي رفعتها بحق ***
جاسر : هااا هسه عرفت انتم جماعت هذاك الحرامي تردون فلوس موو انطيكم فلوس بس رجعو بنتي لا قسم بالله اذبحه كدام عيونكم
جون : ههههه والك عين تهدد بعد ترا بنتك يمنه انتَ مناك تجرء ومد ايدك واذبح واحنه منا ندزلك فيديو شلون نذبح مدللتك
جاسر : اسسسسمع لك قسم بالله اذا تلمس شعره من راسها احرك الدنيا علئ روسكم تدرون كلش زين شكدر اسوي اشمركم بسابع سمه لاتلعبون ويه الاكبر منكم.
جون : شوف ماتخوفنه بهذا كلامك وصياحك خلي شغله وحده بالك بنتك ماترجع منا لحد ماتتنازل ويطلع من السجن يلا نعوفها وحده بوحده يلا سلااام.
سد الخط وانطه الجهاز لـ آرون فتحه وطلع الشريحه وكسرها ماعرفت منوو بالسجن ويريدون ابوي يتنازل عنه.
جون : تتوقع يتنازل؟
آرون : غصباً عليه بنته يمنه مانرجها منا لحد مايطلعه من السجن
جون : بس منوو يبقه وياها انتَ ملتزم بشغل واني كذالك تبقه وحدها هنا شلون ؟
آرون اڪيد لأ راح اخذ اجازة عمل اكلهم اريد اطلع بشغل للخارج اطلعلي حجه وابقه فترا يمها وانتَ كل يوم مر عليه وانطيني اخبار عنهم
جون : ماشي يلا هسه اني رايح لعصر هم اجيك عود
هز راسه بأي باوعلي جون وابتسم عافنه وطلع بقيت بس ارمش بعيوني كلشي ممفتهمه شنوو هسه ابقه بهل وضع منا لحد مايتنازل ابوي شيصير بيه اذا ماتنازل.
تقدم نحوي آرون فتح الرباط عن حلكي وراح علئ اديه هم فكهم بقيت اباوع الايده طابع عليهن الحبل وصايرات حمررر ويميلن للون الازرك. ابجي واشهك حيل خايفه
_عن منوو تحجون ومنوو بالسجن تردون بابا يطلعه فهموني شيء
آرون : الاحسن ماتفتهمين الموضوع سمعتي كلشي هسه انتِ اذا ابوج صدك يحبج يتنازل عن القضيه واحنه نعوفج واذا ماتنازل تبقين هنا طول عمرج ويحلم حلم يشوفج بعد
_عفيه انتَ مشكلتك ويه بابا اني شعليه والله مامسويه شيء ليش تحملوني ذنب مامسويته خليني اطلع واحلفلك ماحجي الأي بشر عنك واخلي بابا يتنازل عن كرايبك الي بالسجن اسوي الي تريده بس طلعني راح اموت هنا شوف اديني شصاير بيهن البيت خنكتني كله تراب واني عندي ربو من التراب اتحسس فدوة طلعني.
آرون : هسه راح اخذج لغير مكان يڪون نظيف وماربطج بس شرط تكونين مؤدبه وماتلعبين بذيلج صدكيني اني ماريد أذيج بشي بس اريد ابوج يتنازل هذا كل مطلبي منه ساعديني واساعدج وعد وهسه راح افتحلج الرباط ونروح لغير مكان اريدج تكونين هادئه ولاتجبريني اتصرف وياج بعنف لأن اني ماتحمل بسرعه انفجر.
هزيت راسي بأي كعد ركبه ونص فتح رجليه من الرباط اول ماتحررت ضربته برجلي علئ صدره ودفعته وطلعت اركض من الغرفه
جانت ارض زراعيه كلهاا نخل تمر وزرع واشجار نبك تكول غابه ركضت بسرعه جان جلب متمدد تحت ضل الشجره من ركضت ركض وراي وينبح
يمه احس قطرت دم ماضلت بيه رڪضت بڪل سرعتي واني اصرخ
_ساااااعدوووونيييي ياعااااالم ييييمه راح يعضني ساااعدوووني
رڪضت علئ جهه اليسار الجلب مستمر يركض وراي شفت آرون مدري منين طلع وصار كدامي
درت وجهي شفت الجلب اجه يركض وينبح اذا ارجع يعضني واذا اتقدم يلزمتي آرون وين اروح؟
عڪست طريقي ودخلت بنص الاشجار مكان ضيك ميكدر يلوحني الجلب
انضربت رجلي بسلاية سعفه نبتت برجلي يمه احس متت صرخت بصوت عالي من الوجع
_اااااااخ يمه رجليييي
خليت ايدي علئ حلكي واني اشهك وابجي طلعت السلايه بس بقه نص منها داخل رجلي
صرت اعرج كوه امشي احس رجلي تشنجت فجأه طلع ڪدامي آرون وجهه احمر وفحطان تقدم نحوي رجعت ليورا واني اشهك
آرون : نبهتج ماتلعبين بذيلج كتلج لاتجبريني اعاملج بعنف.
_عوفني الله يخليك خليني اروح فدوة عوفني بحالي
وصل يمي سحبني من ايدي بقوه وشمرني علئ ظهره صرت اضرب بيه واصرخ وابجي بلكي ناس تسمعني.
_عوووفني نزلني ساااعدوووني ياانااااس عوووفني
رجعني للبيت شمرني علئ الارض بقوه وراح سد الباب واجه نحوي
زحفت ليورا واني ابجي واشهك باوعلي بغضب وكال
آرون : ماترجعين منا لحد مايصير الي اريده خلي هل شيء حلقه بأذنج
_اسوي الي تريده بابا ميرفضلي طلب والله اخلي يتنازل بس عوفني ارجع فدووة
ڪعد ركبه ونص يمي لزمني من كتفي بقوه وسحبني عليه ركز بعيوني سحب نفس قوي وكاال
آرون : شوفي لاتعبين نفسج وتعبيني وياج كتلج ماترجعين يعني ماترجعين تقبلي هل موضوع احسلج ولاتخليني أذيج كوه جاي اصبر نفسي.
_ماكدر ابقه هنااااا اموووت ماتحمل هل وضع شنوو حيوان اني تربطوني وبكيفكم تتحكمون بيه
آرون : نربطج لأن نعرفج ماتكعدين راحه هاي هسه فتحتج ضربتيني دفره وطلعتي چا عضج الجلب لو ما ختلتي مثل الجريذيه بالنخل
خليت اديه ثنينهم علئ وجهي وبجيت ياربي شهل مصيبه لدخلت بيها شلوون اطلع هسه شلوون
آرون : اليان باوعيلي
وخرت ايدي عن وجهي اشوف شنوو يريد ماحس غير خله وصله علئ خشمي لزمت ايده بقوه اريد ابعدها ماكدرت ايد علئ خشمي والايد الثانيه مثبت راسي من وراه
دخت ڪلش وغوشن عيووني فقدت بدون ماحس.
....
جاسر : بسرعه خلي يجيني المحامي
تيمور : غير تفهمنه شنوو كالولك شيردون؟
جاسر : من جماعة ** يردونه يطلع من السجن حته يعوفون اليان
تيمور : نعم؟ وبس لٱ تريد تتازل هسه انتَ
ساهر : چا شلون نخلي اختنه عدهم خيولي صارله اڪثر من سنه مسجون
تيمور ; من ڪل عقلكم تحجون نسيتو شسوه بينه هذا الحرامي باكنه خسرنه خساره لحد هسه نسدد بيها
قصي : موو مهم الخساير المهم ترجع اليان للبيت
تيمور : وانتم منوو أڪد الكم اذا تنازلنه يعوفونها يمكن يطلع يجذب علينه ويخلينه نطلعه وميعوف اليان.
جاسر : اتنازل واخلي يسلمني بنتي يلا اسلمه الهم
تيمور : بس
جاسر : اشش اطلعه ايي واخلي بنتي ترجع واعرف شلوون احاسبهم علئ طريقتي
تيمور : خليهم عليه اني اوصل الهم واحد واحد واحسابهم
جاسر : خلي يجيني المحامي بسرعه.
قصي : خابرته وهسه راح يوصل
بقو منتظرين جيه المحامي شويه وصل حجوله عن القضيه.
المحامي : استاذ جاسر القضيه صادر عليها حڪم واذا علئ التنازل مايطلع بسهوله لازم تنطي ماديات و اسطات قويه من الدوله يلا يطلع وهل موضوع بل قليل ياخذهه اسبوع اسبوعين يلا يخلص
جاسر : شنوو اسبوعين بنتي مخطوفه شلوون تريد مني اصبر كل هل وقت حاول طلعه بأي طريقه اذا ع فلوس سهله انطيك واحجي ويه المسؤلين بس انتَ اشتغلي موضوع التنازل وطلعه بسرعه
المحامي : راح احاول شڪد ماڪدر بس اني كتلك اذا التنازل صار بسرعه ياخذله اسبوع لأن الشغله موو لعب جهال.
جاسر ; لاتكلي اسبوع لاتخبلني حاول سوي كلشي تكدر عليه واني وياك وادفع شكدد متريد فلوس
المحامي : ماشي
تيمور : اني راح احجي ويه مسؤل وانشالله يكدر يساعدنه بهل موضوع ويحله بسرعه
جاسر : سوو أي شيء المهم ترجع اليان للبيت...
....
فقدت وماحسيت بأي شيء مادري شكد مر وڪت واني فاقده فتحت عيوني بهدوء دايخه وراسي مسطور رجلي تأذيني
اباوع حواليه غرفة زكفها عمدان واني نايمه علئ الارض رجلي مضمده لان انجرحت وطلع دم منهاا.
ڪعدت علئ حيلي اباوع حواليه دايخه ومافاهمه شيء وين جايبني هذا اباوع الغرفه فارغه مابيها أي شيء بس حصيره مفروشه واني مندر علئ الارض متمدده عليه وبطانيه يمي
شباك موجود بالغرفه بس مسدود جامه يبين كمت بسرعه رحت للشباك اباوع
مكان فاارغ ماكوو بيوت يمه هذا وين شامرني دخيلك ربي
حاولت افتح الباب ماكدرت مقفول الباب و الشباك هم ماينفتح وبيه حديد هواي مشبج عليه بحيث حته لوو اكسر الجام ماكدر اطلع او اسوي شي.
واصلاً ماعندي شيء اكسر بيه الجامه غرفه فاارغه من كلشي بس فراش بيها.
اباوع للساعه الي بايدي بـ 4 العصر مغيمه الدنيا وبيها مطر.
رجعت لمكاني لميت رجليه علئ صدري واني دايخه ماعرف شسوي شلون اطلع من هل مكان
صار اليل واني كل شويه رايحه اباوع من الشباك بلكي اشوفلي شخص يمر واصيح دكيت هواي بالباب بس ماكو فائده منطقه فارغه ومحد يسمعني بيها.
متت من الجوع يومين واني ممخليه شيء بطني دنيا شتاء ماعطش بس اجوع احس بطني صارت تمغصني لان فارغه
رجعت لفراشي تمددت بيه الحمدالله الغرفه بيها ضوء مشتغل ولأ جان تخبلت
صارت ساعه بـ 8 بليل انفتح الباب دخل آرون وهوه شايل علاكه بايده لفيت البطانيه عليه ورجعت علئ الحايط
اجه كعد مقابيلي خله العلاكه كدامي باوعت عليها ورجعت باوعت عليه بخوف
آرون : طلعلي شغل وماكدرت اجيج من وكت ادري جوعانه جبتلج اكل يلا اكلي
_طلعني ماريد اكل الله يخليك طلعني
آرون : اليان باوعيلي ثقي بالله ماريد أذيج بشي ولا اعذبج ولا اخليج تخافين انتِ جاي دمرين بروحج ماكدر اطلعج واخليج ترجعين منا لحد ميخلص شغلي حاولي تتفهميني
_اني شسويتلك حرام عليك فدوة طلعني والله ماحجي شيء عليك ماخليهم يسوولك شيء ويتنازلون بس خليني اطلع
دنك راسه ومسح وجهه بحسره سحب نفس قوي وكال.
آرون : استغفرلله ياربي اكلي شيء وجهج اصفر صاير
_ماررريد شيء منككك بس طللعنييييي مارررريد ابقه هنااااا طلعنييييي
آرون : تملين وتاكلين تقبلي الوضع احسن الي والج
نزلت راسي واني ابجي مسح شواربه بتوتر طلع الاكل من العلاكه خلاه كدامي.
آرون : باعي من تاڪلين هسه نفڪر بحل مناسب اني وياج تمام لاتبجين يلا اكلي شيء.
_جذاب والله متخليني اطلع
آرون : هسه اكلي ونشوف
_ماريد شيء منك بس عوفني شوف والله والله يمكن انتَ متعرف بابا يسووي أي شيء اطلبه منه اخلي ينطيك فلوس شكد متريد او يتنازل عن كرايبك وميسويلك شيء بس طلعني
آرون ; تمام اكلي هسه اذا ماتاكلين ماخليج طلعين منا
اباوعتله واني عيوني مليانه دموع وحمر صايرات صافن بوجهي ابتسم بهدوء مسحت دموعي واخذت لفه اكلت شويه شفتي ترجف من البرد ولعبانه نفسي من البجي.
فتحلي عصير وقدمه الي باوعتله بقهر بلعت الكمه بصعوبه اخذته من ايده جوعانه كلش وصدكت كلامه انو اذا اكلت يعوفني اطلع.. هستوني اشرب سمعنه طكطكه برا الغرفه
فرحت كلش واخيراً يمڪن عرفو مكاني كام هوه بسرعه وباوع من الشباك مادري شاف منوو راح طفه الاضويه ورجع عليه اندك الباب بقوه
جنت اريد اصرخ اجاني بسرعه قيدني بايديه لف ايده علئ خصري والايد الثانيه سد حلكي بيها ...
______________________________
يتبع البارت_5_
رواية :- حـــــــرم _ألاسود 🔞
#بقلمي :- الكاتبه توته .."
مهم "⚠️ تصويت + تعليق بين الفقرات مشاركه الاصدقائكم.
لن يؤذيك من تتوقع منه الأذى،
سيؤذيك من كان امانك.
____________♠___________
سد حلكي حيل حته ميطلع صوتي خله وجهه قريب من اذني انفاسه احسها تضرب بركبني همس بصوت هادئ.
آرون : اششش لاطلعين أي صوت مفهوم
غمضت عيوني واني احس راح يغمئ عليه رجليه ترجف الجو باارد ثلج كل جسمي يرجف
اندك باب. حييل خليت ايدي علئ ايد آرون. اريد اصرخ اريده يعوفني ماڪدرت عبالك حديد ضغط علئ خصري بايده ودنك علئ اذني يهمسلي
آرون : ماعوفج لوو ادري بروحي اموت لو اني لو همه لاتجبريني أذيج اڪدي راحه
صرت اضرب بيه برجليه وامرغل بنفسي اريد بس افرغ روحي منه ماكدرت كل ماحاول يلزمني اقوه ويثبتني
آرون : اشش لاتحاولين ماخليهم ياخذونج والله
بقيت اتنفس بغضب ياربي دخيلك ساعدني وخلصني منه فجأه راح الصوت والخطوات ابتعدت اتصل جهاز ارون انطاه كتم بسرعه وطلعه من جيبه وباوعله معرف منوو المتصل سده
ورجعه لجيبه وبقه لازمني مشه نحو الشباك وهوه لازمني باوع من الشباك ماڪوو احد ماعرف منوو اجه وين راح ليش بسرعه رجع
دفعني عنه وڪعت علئ الارض بقيت اتنفس بقوه واني احس نفسي مختنكه ڪمت بسرعه رڪضت علئ الباب ادك بيه بڪل قوتي واصرخ
_سااااعدوووونيي يانااااااس تعااااالووو انييي هناااا سااااعدونييي اني هناااااا
سحبني من ايدي دفعني علئ الحايط وسد حلڪي قرب وجهه من وجهي حييل وكال
آرون : انتِ ليش ماتفهمين الكلام الي احجي ليش تخليني ارجع اربطج جري عدل احسلج قسم بالله اكطع حته الهوئ عنج عاد خليني اتصرف وياج بهدوء
دفعت ايده عني واني احس نفسي افور من العصبيه.
_متخووووفني سمعت جبااااان خايف يلزمونك مووو خايييف والله اذا ماخليتهم يندمونك علئ الساعه الفڪرت بيها تخطفني مايطلع اسمي اليااااان وخررر عنييي طلعني منااااا طلعنيييييي ياجبان
صرت اضرب بيه واصرخ بوجهه لزم اديني ثنينهم وقيدهم ورا ظهري غمضت عيوني بألم باوعلي من فوك لتحت بقيت ابلع بركي بخوف .
آرون : عمري ما أذيت بنيه ولا اريد اذي بيوم خليني علئ تصرفاتي وياج لاطلعين خبالي عليج اڪثرر من مره اكلج ماخطفتج حته أذيج وعندي شغل ويه ابوج يخلص الشغل يلا تروحين لاتعبين نفسج وتعبيني وياج افتهمي الموضوع ڪلش بسيط
_ههه بسيط ؟ عبالك تفلت بعملتك هاي والله اذا يلزمونك يفصلون راسك عن جسدك بعدك متعرف اخواني وبابا شيڪدرون يسوون لعبت ويه الناس الغلط تدري "!
آرون : ميهمني اذا لزموني او فصلو راسي عن جسدي علئ ڪولتج اني عنادهم بديت الحرب ومستحيل اطلع منهاا خسران لو شما يصير ماتنازل الهم واخليهم ياخذونج مني قبل لا اسوي الي براسي حته لوو اموت تبقين محبوسه ومحد يعرف مكانج وين
_ايي ڪلش واضح متخاف منهم من ختلتك هسه وياي وخوفك صدكني بس يعرف مكاني بابا راح يخليك تبجي دم علئ هاي عملتك عاد هسه خليني اطلع ونهزم خلص نفسك من بين اديهم
آرون : ههههه اي صح ختلت حته ماياخذونج مني مو خوف منهم وشغلت انهزم هاي ماتمشي عندي موو رجال أذا عفتج ونهزمت وخليتهم يربحون هل حرب.
_يجي يوم ويلزمونك وين تروح بهذيج الساعه اني بيدي ادخلك للسجن واخليك انتَ وكرايبك تعفنون بالسجن سمعت والله اذا ماخليتهم يضربونك ليل مع نهار ماطلع اليان.
باوعلي بغضب قرب وجهه حيل من وجهي رجعت راسي علئ الحايط حيل وبقيت اباوعله بغضب
آرون : اششش اعرفي شلون تحجين ست اليان لاتجبريني اتصرف تصرفات ثانيه وياج اووك يحلوة.
_بس تهدد كلشي متڪدر تسوي تعرفني بنت منوو واخواني منوو ماعندك جراء تسوي شيء اصلاً جباان خواف انتَ لوو متخاف جان واجهتهم موو طلع بطولاتك براسيز
ابتسم ابتسامه خبيثه جان لآزٍمٍ اديه بقوه قرب وجهه خلاه بركبتي يتنفس بيها دمعت عيوني وڪلبي احسه راح يوڪف من الخوف شجاني وصرت اهدد واسوي نفسي ماخاف.
_وخرررر عنييييي نذل حقيررر وخرر عوووفني لاتسوي هيج وخرررر
آرون ; عبالج صعبه عليه ماڪدر اسويلج شيء عبالج اخاف من ابوج لو اخوانج غلطانه هسه بهاي الساعه اڪدر ادمرج اخليج مثل الميته اخذ اغلئ شيء عليج وانتِ تفهمين شقصد بس اني شغلي موو وياج ولا عندي عداوه ضدج اني شغلي ويه ابوج وبس يخلص ارجعج سالمه ومابيج أي أذه حاولي ماتستفزيني حيل لأن ماضملج نفسي من تجيني اخبالاتي كلشي اسوي اجرم بيج اخليج تشوفين انسان ثاني
يحجي وهوه مخلي وجهه بركبتي ويهمس قريب من اذني كزبر جسمي من حسيت انفاسه تضرب بيه غمضت عيوني بغضب وهمست بصوت مخنوك
_ماسوي شيء بعد كلشي ماسوي بس وخررر عني عوفني الله يخليك .
ابتعد عني وهوه يبتسم ابتسامه خبيثه راح شغل الاضويه بقيت واڪفه مكاني واني اتنفس بقوه وجسمي يرجف
اتصل جهازه طلعه باوعله عافني وطلع من آلَغٌرفه وقفلها عليه
ڪعدت علئ الارض واني ابجي بصوت مسموع واشهك لميت رجليه علئ صدري واني ارجف.
ياربي ساعدني شسوي شلون اطلع ليش بابا لحد هسه ماسوه شيء معقوله نساني ماهمه خطفي وضعي.
اصابع ايدي صارن مثل قالب الثلج تجمدن من البرد الجوو حييل بارد والغرفه مابيها أي شيء يدفي تڪول قالب ثلج.
بقيت انفخ عليهن حته شويه يدفن ڪمت من مكاني ورجعت للفراش تغطيت واني ارجف اباوع علئ الاڪل واڪع علئ الارض حته ماكلت منه هواي
شويه ودخل للغرفه باوع علئ الاكل اجه يمي شاله خلاه بالعلاكه خله بطل عصير وحلويات يمي وكال
آرون : اذا جعتي اكلي منهم تمام هذولي توصخو.
درت وجهي عنه واني منزعجه بحال اكله اني عبالك مسوي فضل عليه ابتسم ڪعد مقابيلي وكال
آرون : تدرين منو اجه للبيت ؟
درت وجهي اباوعله بستغراب منو اجه وليش يريد يكولي ابتسم وكال
آرون : مو واحد من اهلج هذا صديقي جون اني دليته علئ المكان ومن دك الباب وماجاوبته رجع وهسه خابرني وكالي عباله ماخذج لغير مكان.
_مجرمين ثنينكم حسبي الله عليكم الله لايوفقكم
آرون : ههههه احس ڪلمة مجرم ماتلوك بس علئ اخوج تيمور
_تاج راسك سمعت احسن منك اخوووي.
آرون : المشكله بنيه وماكدر اغلط وياج وعندي مصلحه بيج جان علمتج المجرم منوو يڪون.
درت وجهي عنه واني لافه البطانيه عليه لف ملابسي صارلي يومين بيهن ممرتاحه بيهن ابد ضيڪات عليه.
آرون : بردانه؟
مجاوبته مكتفيه بالصمت رغم متغطيه كل جسمي يرجف ابتسم عافني وطلع مادري وين خليت راسي علئ المخده واني تعبانه والف سؤال براسي
خايفه ومرعوبه وحايره بڪلشي ديصير منوو المسجون وليش ابوي ساجنه وياترئ كلام آرون صح واهلي ياكلون فلوس حرام؟
اذا بابا مانفذ كلامهم ابقه هنا طول عمري معقوله.
بقيت هواي افڪر ودايخه بكلشي ومافاهم شيء من الصار ويايه.
اباوع للساعه بـ 12 بليل صارت ترعد الدنيا وهوى عااالي صاار اسمع صوت الاشجارر تتحرك
خفت ڪلش هذا وين عافني وراح معقوله يوڪع السكف علئ راسي
معقوله اموت وما اشوف ابوي بعد؟
هواي افڪار صارت تجيني اتخيل شغلات تصير وياي واخوف نفسي بيدي.
صارت تمطر قوي صوت المطر ينسمع علئ قوته
ڪمت من مكاني واني لافه البطانيه عليه اباوع من الشباك هوى ومطر ورعيد وبرق المنظر يخوف.
بقيت اردد سورة الكرسي واني ميته خوف اول مره بحياتي هيج اخاف
شفت آرون اجه يركض مخلي قمصله فوك راسه ومدنك يركض من المطر اجه للغرفه فتح الباب ودخل وهوه مبلل قفل الباب وباوعلي
_وين رحت وخليتني وحدي هنااا
آرون : اول مايخف المطر نطلع منا
_وييين تاخذني بعددد رجعنيييي الاهلي الله يخليك آرون فدوووه رجعني والله خايفه.
آرون : لاتخافين اني وياج شوفي الغرفه سكفها تعبان وبأي لحظه توڪع علينه اذا نبقه هنا نموت ثنينه
_اذا تعرف سكفها تعبان ليش جبتني الهاا
آرون : وين تردين اخذج للقصر
بعدني محاجيه طفت الكهرباء وصار رعد قوووي احسه هز الارض هز خليت ايدي علئ اذاني واني اردد
_يالله يالله يارحمان يارحيم دخيلك ياربي احفظني
صارت الغرفه ظلمه رجعت خطوات ليورا وڪفت قريب من الشباك لان يبين منه ضوئ مال البرق والرعد من برا
_ءءءأ آر آرون وينك ليش ساڪت
آرون : وياج شبيج خايفه
_شغل ضوء عفيه
طلع جهازه وشغل ضوئه شمره علئ الارض ونزع قمصلته مبللهه
نزع الحذاء وڪعد علئ الفراش مالتي بلعت ريكي هسه هذا ينام علئ فراشي اني وين انام؟
آرون : اوووف ضاهر مراح تخف جاي تقوه اڪثر واڪثر شلوون هسه
_خلي نطلع لايوڪع السكف علينه
آرون ; خلي ننتظر هسه بلڪي يخف المطر منڪدر نمشي المطر حييل قوي ورعد وهوئ عالي.
هزيت راسي بأي ڪعدت علئ الحصيره واني لافه عليه البطانيه صار الزكف ينكط ماي من المطر.
بقيت اباوعله واني خايفه ومرعوبه معقوله راح يوڪع علينه آرون خله راسه علئ الحايط وغمض عيونه
_آرون آرووون
فتح عيونه يباوعلي بستغراب بلعت ريكي واشرتله بايدي علئ الزكف
_شوف .. شوف صار يدخل مي علينه من فوك راح يوڪع خلي نطلع بسررعه
آرون : لاتخافين مايوڪع هل شيء عادي لأن تعبان الزكف ينڪط تعاي هنا نامي مكانج راح تتبللين
_كوم من فراشي اول
ابتسم وبتعد عن فراشي بس بقه قريب منه رحت لفراشي تمددت بيه هوه كاعدد بس مخلي راسه علئ الحايط طلع جكاره وصار يدخن لفيت نفسي بالبطانيه وبقيت اباوع عليه شعره متبلل ونازل علئ جبينه وعيونه صفررر ولحيته محدده كلش حلوو منظره باوعلي بطرف عين ونفخ الدخان
غمضت عيوني بسرعه سويت نفسي نايمه ماريد نظراتي تفضحني هل انسان مخادع ماريد انغر بشكله عيشني برعب وخوف مستحيل اسمح لنفسي تميل اله.
بقيت اتڪلب بفراشي ماكدر انام المطر شويه خف وختفه صوت الرعد اباوع للساعه بـ 2 بليل
آرون نايم وجهازه مخلي يمه علئ الارض هاي فرصتج المناسبه اليان اخذي واتصلي علئ ابوج او دزيله رساله.
شلت راسي اباوعله نايم اتقربت منه ماوڪفت حته ميحس عليه واني كاعده ازحف عليه
آرون صاير من جهتي والجهاز بالصفحه الثانيه صرت كلش قريبه منه مديت ايدي من فوكاه اريد اخذه كلب آرون وڪع عليه صرت جواه ونص من جسمهه عليه
جمدت مكاني فتح عيونه بنعاس يباوعلي رفعت راسي صارت عيني بعينه بقيت بس ارمش
آرون : شتسوين؟
_ءأ ما ءأ اسوي شيء اريد انام
آرون : خايفه
هزيت راسي بأي حته ميعرفني اجيت علئ الجهاز عيونه نعسانات ابتسم بهدوء لف ايده علئ خصري وسحبني لحضنه بقيت بس فاتحه عيوني
صرت كلش قريبه منه وجهي علئ صدره خليت ايدي علئ صدره ابعده عني شديسوي ماريد يصير شيء بينه اخاف منه اكثر من خوفي من الرعد
_آرون عوفني وخرر شدسوووووي
آرون : اشش نامي بدون صوت
_وخر عني اكلك عوووفني
طلعت نفسي منه بصعوبه حقير يريد يستغلني
رجعت لمكاني واني كلبي يدك بسرعه وخايفه اريد اوصل للجهاز بس شلوون ياربي.
بقيت الوب بمكاني رفعت راسي اباوعله رجع نام لازم اخذ الجهاز لوو شيصير لازم اوصله شسوي شلون وهوه صاير كدامي .
احسن شيء اكوله خايفه واريد انام بهذيج الجهه تقربت يمه وحركته من كتفه بسرعه وابتعدت
_آرون اكعد عفيه
آرون : شتردين
_عفيه خليني انام بالجهه الثانيه خايفه يطلعلي شيء من الشباك فدوه
رفع حاجب ممقتنع بكلامي نزلت عيوني بتوتر اذا ابقه اباوعله يكشفني وراي شيء.
آرون : لاتخافين من شيء اني وياج يلا تعالي نامي هنا.
هزيت راسي بأي ڪمت من مكاني وصرت بالجهه الي هوه بيها حته فراش ماكو ع حصيره بس اخذت وياي البطانيه والمخده.
تمددت واني احس اطرافي متجمده من البرد رغم متغطيه ماحاسه بأي دفو.
اباوعله شوكت ينام غمض عيونه ونام الجهاز صار ورايه مباشراً مديت ايدي اتلمس وين الجهاز ماڪدرت الزمه درت وجهي من آرون صار ظهري عليه
لزمت الجهاز كلش فرحت سويته صامت حته ميطلع صوت جان مخلي باسورد.
حاولت افتحه مكدرت خليت اسمه مافتح خليت ارقام من راسي هم مافتح صار يعد علئ كمية الرموز الغلط الخليتهن غمضت عيوني بخيبه امل شفت بيه بصمه اڪيد علئ اصبع ايده بس شلون اخاف يحس عليه
درت وجهي عليه نايم زحفت يمه مديت ايدي علئ ايده لزمت اطراف اصابعه سحبني
بقوه عليه خلاني بحضنه حاوط خصري من الجهتين جعصني جعص
خله راسي بركبتي وهمسلي بصوت هادئ ونعسان.
آرون : لاتحاولين تلعبين وياي اتعبج حيييل
....
اريانا : مر يومين علئ اختفاء اليان الكل بحالة توتر ابوها خطيه ماخله مكان مادور بيه عليها والشرطه واقاربهم كلهاا دور بس ماكوو فائده.
سمعت الخاطفين متصلين علئ ابوها بس ماكالو شنوو رايدين من عنده مقابل يعوفونها.
كاعده بالبيت مخليه بزونتي بحضني ودايخه بكلشي ديصير معقوله يڪون الخاطف واحد منهم وبيهم
وميڪدرون يتعرفون عليه بس هوه طالب منهم شيء ممعقوله ميعرفونه علئ الطلب مالته.
لازم احجي ويه ابو اليان اريد اساله عنهاا بس منين اجيب رقمه.
دخل اخوي للبيت اخذ مرته لبيت اهلها اجه كعد علئ التخم وكال
مسلم : جيبيلي مي
هزيت راسي بأي نزلت البزونه ورحت للمطبخ صبيتله كلاص ماي واخذته اله اخذه من ايدي وشرب
مسلم : امي وين؟
_راحت ويه بابا للدكتور تدري عنده مراجعه ليوم
مسلم : هاا ماشي
_ماسمعت خبر عن اليان
مسلم : الخاطف مخابرهم وطالب مكانها يطلعون واحد من جماعته بالسجن
_شلون يعني؟
مسلم ; اڪوو شخص من جماعة الخاطف مسجون وهمه شرطو علئ ابو اليان يطلعه من السجن يلا يعوفون بنته.
_ياااا وهسه شراح يسوون
مسلم : راح يتنازلون عن القضيه ويخلونه يطلع شيسوون لعد
_زين والمجرم شلون اذا طلع وهم سوه شيء الاهل اليان او رجع خطفها شلون يأمنون بعدد.
مسلم : والله ماعرف انتِ حته من ترجع اليان لاتروحين عليها ولا طلعين وياها بعد حته ماتنخطفين او ياخذونج مكانها.
_يااا اني شعليه وليش ماروح عليها
مسلم : مشتهيه تنخطفين لوو شنوو
_وليش يخطفوني همه عدهم عداوه وخطفو اليان اني شكوو
مسلم ; انتِ هم من اقاربها يعني موو بعيده ياخذونج ويهددونه.
سڪتت ماعرفت شحجي كلام اخوي حيل خوفني معقوله يصير هيج يمه اسم الله اني اليان وميته من الخوف عليها مادري شصار ماصار وياها.
مسلم : يلا اني رايح للمعمل من يرجع ابوي كليله يجي وراي.
_تِمام
عافني وطلع من البيت بقيت بس اني رجعت خليت بزونتي بحضني امسح علئ الفرو مالتها وافكر بكلام مسلم
شويه واندك الجرس لبست روب فوك ملابسي لان لابسه بجامه مال بيت وقميص قصير فتحت الباب جان تيمور فتحت عيوني مستغربه هذا شعنده جايني للبيت
تيمور : سلام عليكم
_وعليكم السلام
تيمور : ابوج موجود؟
_لأ مموجود
تيمور : اخوج
_هسه طلع مسلم تلكاه بالشغل
تيمور : ماشي
_شتريد منهم
تيمور : محتاجهم بشغل
_خابرهم الك
تيمور : الموضوع مايخلص باتصال لازم كعده وسوالف انتِ شلونج شو مختفيه ليوم ماجيتي علينه
_الحمدالله تمام .. شسوي اجي اليان وماكوو خبر عنهاا.
تيمور : ليش احنه أهل شوڪت ماتردين تعالي علينه
_شڪراً تفضل ادخل ليش واكف.
تيمور : لا عندي شغل واهلج ماموجودين بالبيت ماكدر ادخل.
_براحتك.
تيمور : يلا مع السلامه
هزيت راسي بأي عافني وراح صعد بسيارته وساق بقيت صافنه شنوو يريد تيمور من اخوي وابوي علئ شنوو ناوي بس الله اليستر منه هل انسان يخوف.
سديت الباب ودخلت مرت ساعه واجت امي دخلت
جميله : ها ماما ڪاعده وحدج
_اي لعد ويه منوو اكعد عفاف وراحت
جميله : عوفيها تروح صارلها هواي ماشايفه اهلها
_اي اجه تيمور سأل عن بابا كتله مموجود
جميله : ياتيمور اخو اليان لو غيره؟
_اي هوه
جميله : شعنده وياهم
_مادري والله سالني عليهم كتله مموجودين وراح
جميلة ; والله ماعرف خلي يرجع ابوج واساله.
_اي
جميله : صدك نسيت ليوم تجي علينه ام هيثم
_شعدها
جميله : خطابه
_شنوو؟
جميله : اي شنوو مناويه تزوجيت دراسه وخلصتي وتخرجتي بعد شعندج من عذر
_بس ماما كتلج اني هسه ماناويه اتزوج اريد اشتغل واختار الشخص الي يناسبني احس نفسي ممستعده
جميله : تدرين بيه ماختارلج انسان موزين هل ولد حباب والناس كلها تمدح بيه وشكله وضعه كله زين مابي عيب ابدد اذا علئ الجمال حلوو وعيونه خضر شتردين بعدد.
_ماما منوو كالج يهمني الجمال اني مايهمني اذا جان حلوو او لأ بس اني ماشوف نفسي مستعده للزواج وكتلج اريد اتوظف واشتغل
جميله : هوه يخليج تشتغلين كل خواته موظفات عادي عدهم هل شغله وتكونين انتِ ورجلج بمكان واحد وهم أمن علئ مستقبلج وبيتهم قريب علينه شوڪت ماتضوجين تجينه.
_الله كريم
عافتني وراحت لغرفتها كعدت علئ القنفه واني ضايجه مادري ليش رافضه اتزوج الولد كلش حباب واخلاقه حلووه وجان يدرس وياي بالجامعه وكل فترا يدز امه علينه تخطبني وارفض.
لازم ارجع افڪر بالموضوع يمكن مالكه شخص مثله.
...
آرون : لاتحاولين تلعبين وياي اتعبج.
من حجه هيج عرفته كاشفني وعارف بيه احوس علئ الجهاز
بقيت ساكته ماحجيت شيء دنك راسه علئ ركبتي شمها بقوه كزبر جسمي وكلبي صارر يدك بسرعه
آرون : عطرج يدوخ لازم بس عطرج يساوي راتبي كله واكثر بعد بنت الزناگيل انتِ
_آرون والله بعد ماسوي شيء وخررر عنيي وخر عفيه
حاولت ادفعه ماكدرت لازمني بقوه خله رجليه بين رجليه واديه محاوطني بيهن
آرون : لاتعبين نفسج وتحاولين ماخليج طلعين منا كتلج يخلص شغلي يلا اسمحلج تروحين.
_ماطلع بس عوووفني وخررر ماتستحي حرررام علييييك تسوي هيج وياي وخرررر عفيييه وخررر عنيي
آرون : اشو عاجبني احضنج دفيتيني جنت بردان
_حقيررر نذل فاسد وخررر عنييييي يانذل عوووفني
آرون : سطرتيني شكد تصيحين مرض لهل صوت اثبتي لاتحوسين نعلتي والديه
_آرون وخر عفيه والله ماسوي شيء بعد كلشي ماسوي بس عوفني وخرر عنييي
آرون : نامي يلا
_انام هسه انام بس عوفني وخررر
آرون : من تنامين اعوفج
_انتَ ليش هيج دسوي ويايه شمسويتلك انييي موو تڪول ماريد أذيج شوف تصرفاتك هاي شيسمونها.
آرون :شيسمونها؟ ها ليش معاجبج هسه وضعنه الجو يمطر وبارده ومخليج بحضني دفيانه ههههههه.
_انتَ واحد حقير ونذل وسخيييف عوووفني احسلك عووووفني لاتخليني اموووتك وخررر عنييي
بقه يضحك عليه وماهمه كلامي صرت اضرب بيه. بكل قوتي وهوه يضحك ضربته راجدي قوووي درت وجهه للصفحه الثانيه ودفعته بكل قوتي وكمت علئ مكاني رجعت.
سڪت باوعلي بغضب خفت من نظراته بس مابينت خوفي بقيت اباوعله بغضب
_هيج احسلك كتلك عووفني والله والله اذا تجرأت وسويت هيج وياي بعد اذبحك ماخاف من اي شخص انيييي
سحب نفس قووي رفع شعره عن وجهه كام من مكانه رجعت خطوات ليورا.
عافني وراح باوع من الشباك بقه واكف وصافن محجه شي.
سحبت الغطه عليه غطيت حته وجهي ماريد اشوفه ماريد يشوفني خايفه منه وضعيفه
شلون ڪدرت اضرب ولد هيج اول مره بحياتي اسويها عمرري كله ماضربت ولد ولا خليت انسان يتقرب هيج مني فڪرت هواي دخت ونمت
ڪعدت ثاني يوم بردااانه حيل وبطني توجعني ڪمت واني شعري صاير كفشه ياربي دخيلك وين اغسل هسه وين ادخل للحمام.
الغرفه فارغه وماڪوو آرون كمت من مكاني رفعت شعري سويته كعكه اجيت البس الجاكيت مالتي جنت نازعته لكيته مبلل من المطر
شمرته رجعت علئ البطانيه لفيتها عليه وباوعت من الشباك شفت آرون مشغل نار من حطب وكاعد يمها يبحوش بيها بعود.
رحت للباب انفتح تعجبت هذا شعجب مخلي الباب مفتوح من طلعت باوعلي نزلت نظراتي عنه تذڪر لبارحه شلون مديت ايدي عليه رحت كعدت مقابيله لان ميته من البرد احس ايدي جامده.
_اريد اغير ملابسي اريد اسبح احس نفسي وصخه ڪلش
آرون : هسه اخذج لمكان ترتاحين بيه وتريحيني منج
_شقصدك ؟
آرون : مو ضروري تفهمين قصدي هاج هذا اكل اكلي
_ماحب البيض.
آرون : تردين جبن
_ماريد شيء بس كهوه اشرب الصبح
آرون : والله اعذرينه ست اليان ماعدنه مطعم نوفرلج كلشي تشتهينه
_اريد مي
طلع من العلاكه اليمه بطل مي وشمره عليه اخذته من الارض فتحته وشربت اباوع حواليه اشجار وزرع وارض مبلله كلها طين وحطب،
_انتَ وين جايبني؟
آرون : لمكان محد يعرفه
_تحسسني تشتغل بالمافيا ومحد يعرف افكارك واماكنك استقر عيني.
مجاوبني ساڪت احسه حيل منغث مني ڪتفت اديه واني اباوع الجو حلوو صار لان طلعت الشمس شويه واجانه هذا الاسمه جون
جون : صباح الخير
آرون : صباح النور
اني مجاوبته دنڪت لزمت عود ابحوش بالنار ڪعد قرب آرون
آرون : ها شصار وياك عرفت شيء
جون : موكلين محامي وجاي يشتغلون موضوع التنازل
رفعت راسي فرحانه واخيراً يعني راح ارجع لبيتي.
_شوڪت يطلع
جون : هههه مستعجله اڪثر منه انتِ
_شتريد مني ابقه ويه ناس همجيه مثلكم
جون : رحم الله والديج
آرون : اي وشڪد بعد ويطلع عرفت
جون : مادري والله بس هذني المعلومات عرفتهن بصعوبه لازم ترجع تتصل بيهم وتفهم منهم كلشي وتتفقون علئ الموضوع حته انتَ ترجع بتهم الهم وهمه يطلعونه.
آرون : بليل اخابرهم شفتلي المكان الكتلك عليه أمن موو محد يندله اذا رحنه عليه؟
جون : ابدد ولا شخص يعرفه وتكدر ترجع لشغلك وانتَ مرتاح
آرون : هوه الشغل الي مقيدني هسه جان بقيت وياها وامنت علئ الوضع بس ماڪدر اخذها هناك ورجع.
جون : اطلب اجازه
آرون : لازم يڪون عندي سبب قوي واخاف يشڪون بالوضع .
جون : مثل انو مڪسوره ايدك او مسوي حادث وخليهم ينطونك اجازه.
آرون : ماعرف والله احاول
جون : يلا اني تاخرت علئ شغلي لازم اروح وكلشي يصير اخابرك عود جاوبني موو مثل لبارحه اتصل ومترد عليه
آرون : ماشي
جون ; مع السلامه انسه اليان
_روحه بلا رجعه انشالله
جون : ههههههه تسلمين
عافنه وراح بقه يتبسم آرون وحده وضاهر فرحان انو راح يتنازل ابوي عن القضيه
_فرحان الي تريده راح يصير.
آرون : متتوقعين شڪدد فرحان هسه ومرتاح.
_مراح اخلي دولملك هل فرحه بيدي ادليهم علئ مكانك وافضحك كدامهم واخليهم يخلوك انتَ مكانه بالسجن.
آرون ; عادي مايهمني اذا نسجنت كلشي يهمني انو هوه يطلع من السجن لأن بريء وممسوي شيء.
رفعت عيوني بملل كام من مكانه راح سد الباب مال البيت بقيت اني كاعده علئ الجمريه مال النار ادفه
ماحس غير خله وصله علئ خشمي من ورا وخدرني لزمت ايده بقوه واني احاول افك نفسي ماكدرت دخت كلشي وتلاشت الرؤيه عندي فقدت وماحسيت بأي شيء بعد ...
________________________
يتبع البارت
...•...•...•...•...•...
وأسند على ضحكتك تاريخًا من التعب 🤍
::*::*::*::*::*::*
(مساء الخير والعافيه عليكم حبايبي شلونكم شلون الصحه
التنزيل راح يكون حسب التفاعل لأن تفاعلكم ضعيف وميخلي واهس
القصه تستاهل اكثرر من هيج
اذا يبقه هيج التفاعل اتاخر بالتنزيل
تصويت وتعليق ميخسركم شيء صعدو القصه حته غيركم يشوفها
