رواية الضابط فهد ومريم الفصل الواحد والاربعون بقلم مجهول
نور: ايي صدك تعاي بلغرفة احجيلي منو هذاا احمد ومنين تعرفي
زينب: ياربي اني عبدك اللطيف خلصنييي ولجج راح تفضحيني احجيلج امشي
اخذتهاا ورحنة للغرفة حجيتلهة كلشي لحد رسائلل اليوم
نور: اووي حياتي شكد متعذبة واني اكول هااي مطفية متهتم ولاا تبجي
زينب: لاا اني زومبي مابجي شكد افكارج ونضراتج للبشر تافهة نفسج
نور: احمم ويعني هسة راح توافقين لاا
زينب: لاا انتضرة يروح يخطب انوب واكعد ادك والطم
نور: هههههه دزي علية اتشمت بيج
زينب: ولجج شلون ماا اوافق هلبشر حلم سنين ماكدر اتقبلل اكون وية رجال غيرة
نور: الله يتمملكم على خيير ويحفضة الجج يعمري
زينب: يوم الالج نشالله وتشوفين الصح من الغلط
نور: انجبي عوفيني اني هسة اصلاا ابد ماجنت مفكرة ارتبط
زينب: ولاا اني جنت مفكرة ارتبط هلشي يصير بدون ارادتج تسحبين نفسج بكلل قوة عندج وترجعين تلكين نفسج واكعة هوة انتي واكعة بس من تشوفي تحسين نفسج طايرة شايفة النفسج متتنفسي تحسين راح يزعجة يووو ومن يجي يوم الجمعة شيخلصة بهذاا اليوم ماشوفة عطلة اكابل لستوريات واكعد
نور: وصفج الة حلو هلكد تحبي
زينب: كلمة حب قليلة كولي ادمان كولي عشق اصلاا هوة مينوصف لو اضلل احجيلج راح اضلل ضالمتة بوصفي
نور: تراا هيج راح اطلعيني من الطريق وتخليني اوافق حتة احس بهلشعور
زينب: اتمنى تحسين بشعور الفرحة من يخطبج بس موو بداية قصتي ابد ماا اتمنى هلشعور لعدوي
نور: الله كريم الكاتبة الله يصير
زينب: ضليت كاعدة وياهاا لحد ماا اجة سيف .
--------------------
مريم: وكفت كبالة ماا انتبهلي سحبت التلفون وباوعلي مصدوم
فهد: جيبي بوية شبيج داحجي وية العالم
مريم: ميصير اشوف منو العالم
فهد: كروب اصدقائي مريم
مريم: خاف صديقات
فهد: مريم لكروب مو الية همة يضيفون الي ويانة بلمركز ضابطات وحتة اكو بيهن ماعوفهن ولا شايفهن اني ماختلط بس بعماد ولاا اثق باحد
مريم: وشيريدون منك
فهد: ديتحمدولي بلسلامة
مريم: الله يسلمهم الله يسلمهم هاك احجي وية ضابطاتكم الحلوات وضلل اتجاهلني خوش
فهد: طكن فيوزاتهة هااي شيخلصني بعد
مريم: تخلص نشالله تراا سمعتك اخذ راحتك
فهد: تعاي بوية كل عقلج
مريم: عفتة ورحت طبيت للغرفة ماا باوعت بوجه لاا زينب ولاا نور كعدت بمكاني وسكتت اختفيت اني اختفيت بعد ميشوفني نشالله كل ضابطة تنكلب قرد رفعت ياختي ودعيت
زينب: يمة العوبة هاي عليمن كاعد تتحسبين
مريم: عطت بوجهة، على ضرايري عندج اعتراض
زينب:شبيج تخبلتي ضراير شنوو
مريم: ولله روحي اسئلي هذاكة برة مبتسم ويراسلل واكفة يمة ولاا باوع بوجهي كم وحدة كايلتلة الحمدلله علسلامة وبعد ميشوفني
زينب: كبر طاح حضج مايعة اخذي التلفون واحذفي الكروب وكان الله يحب المحسنين
مريم: ماسوي شي عوفي براحتة هوة لخسران يدلل
زينب: ههههه علساس راحح تسويهة حب وحرب
مريم: عوفيني انتي الثانية عوفيني بضيم كلبي اجة سيف وتوجهنة البغداد وفهد ماحجيت وياا بعد ولاا هوة حجة وياي دخت من الطريق وغفيت كعدتني زينب باوعت من الجامة مال سيارة ورجلية خدرن اذكرت كلشي صار بهلبيت اباوعلهم نزلو اني مانزلت باوعلي فهد بستغراب
فهد: عجبتج الكعدة متنزلين
مريم: لاا فهد عفية ماريد ،قدم العربانة يمي ومد ايدة لزمتهة ونزلت بس ماا مرتاحة ابد
فهد: لتخافين من شيي وخشمي يشتم الهوة
مريم: ابتسمت بوجهة وطبينة سلمت وتحمدولنة بلسلامة بس ام افراح نايمة بلفراش ومريضة باوعت للمطبخ وذكرت كلشي صاار شديت على ايد فهد حييل انتبهلي وكال
فهد: ماضلل شيي ونروح كتلج لتخافين
مريم:شبيهة وئشرت على ام افراح
فهد: ولله حال حالج مادري هسة اسئلل امي
مريم: ماشي محتاج شيي
فهد: استكان جاي اذا مصير زحمة
مريم: لاا رحمة ولاا رياض ادلل ضحك علية وعفتة وطبيت للمطبخ شفت افراح مادري شنو جانت تسوي بس شفتهة وكفت بمكاني صدت علية شافتني تغيرت ملامح وجهة لكره مشايفتة بحياتي تقدمت يمي بغضب ودفعتني من جتفي وشلعت روحي حسيت قفصي الصدري تكسر عاطت بوجهي
لجج انتي شجابج لييش ماا الله اخذج وخلصنة منج شوكت نخلص منج دمرتينة لجج شوفي امي شصار بيهة كلة بسببج ياا حقيرة
مريم: اباوعلهة ولازمة صدري بالم ماعرف عن شنو جانت تحجي واني شدخلني بامهة رفعت اصبعهاا علية بتهديد وكالت
شايفة اذاا صار شيي لامي الة اخليج تتمنين الموت وربي الخلقج ولخلقني موتج يصير على ايدي
مريم: اختنكت وصرت كوة اتنفس طلعت رجعت يم فهد كعدت وحطيت راسي على رجلة السليمة ولازمة صدري واتنفس سريع رفع راسي فهد بخوف وكال
فهد: مريم شبيج شو باوعيلي
مريم: باوعتلة وشهكت تخبلل عبالة راح تطلع روحي دفع نفسة من العربانة وكعد كبالي
فهد: مريم احجي لسوين هاي الحركة اتنفسي اتنفسي لتوكفين نفس ديربالج
مريم: ماحجيت حطيت راسي على رجلة ومددت بس بعدة نفسي سريع صار يفرك بضهري حتة اتنفس ويردد ايات قرانية
اجتي خالة سعاد كعدت يم رجلية تحاول تعرف شبية ماعرف شلون غفيت هيج
فهد: نامت ونتضم نفسهة ماخليتهم يشيلوهة حطيت مخاد ورة ضهري وخليتهة نايمة على رجلي نزعتهة الشال وسدو باب الصالة حتة محد يفوت ضليت امسح على شعرهة واحجي بهمس
كومي لتخوفيني عليج كليبي مريمي كلبج ياذيج يبعدي كون بية ولاا بيج دتشوفيني هسة ايدي ورجلي مكسورة بس بغيابج كلبي وروحي ينكسرن وهذني شيجبرهن غير شوفتج أنه العايش على عيونج انة المادري وين يروح من دونج
مريم: فتحت عيوني بتعب رفعت راسي واشوف فهد مرجع راسة وايدة تمسح على شعري كمت حطيت راسي على صدرة رفع راسة باوعلي وكال
شلون صرتي حبيبي
مريم: لحمدلله احسن عمري انت
فهد: ليش فجئة صار هيج وياج اني اليوم كلة وضعج موعاجبني
مريم: يعني شي طبيعي يصير هيج وياي فهد
فهد: لتنقهرين من شيي موزين عليج الحمايس
مريم: نشالله عمري مابية شي بس ديربالك على نفسك ومنريد شي بعد احنة مابينة شي انت المتاذي
فهد: ماا متاذي شوفتكم كبال عيوني تسوة الدنياا ومابيهاا
مريم: وشوفتك هيج عندي منو النة غيرك ضليت نايمة على صدرة ويمسح على شعري رفعت راسي ردت اكوم لزم ايدي ورجعني كال
وين تريدين انوب
مريم: اريد اروح ابدل وعيب ساد باب الصالة
فهد: تراا ماا طارد احد هاي الحجية نايمة
مريم: وام افراح ليش لهسة ماكعدت شنو البيهة ومن وراية شسويت اني .....
