رواية الدخيلة الفصل الواحد والاربعون بقلم مرج البحر
خـاب لو مو تحـن
لو تبقى كل عمرك تون
لو تبجي عينـك والجفن ،
هيـهات احـن واشتـاگلك..🖤🔥
.
.
.
ريم:باجر العقد مال اصيل وحسين والكل مخبوص والي يجهز بنفسه والي طلع يشتري ملابس والي يعزم ....جنه اني ونيران كاعدين بالغرفه هي جاي تشير واني اسوي بشعري 1
ريم: لج نارو سولفيلي علئ الكليه عليج الله
نيران:طبعا كلش حلوة وونسه وخصوصا من تكعدين وي كروبج بالكافتريا سوالف وضحك بس الكليه مجتمع ياخذ نضره وحدة علئ البنيه من اول تصرف الها ان كان بقصد او بغير قصد
ريم: اييي صحح....
نيران:هو مجتمعنا كله هيج هههه
ريم: زين يصير اسئلج سؤال
نيران :اكيد حبي
ريم: ماانجذبتي لولد او حبيتي و من هل شغلات
نيران: ابداً
ريم: شنو السبب
نيران: اولاً ...ابد ماريد اكسر ثقه اهلي بيه وخصوصا اسد
ثانياً.....اني تربيت بيت شيوخ واشوف زلم هيبه ورجولية وهذا الشي كلللش قليل تشوفين بالكليات واني اريد شخصيه مثل اسد اخوية هيبه زلمه كد حجايته لذلك مااحو الي يجذبني نهائياً
ريم: طبعا الشيخ اسد خوش رجال وكل بنيه تحلم بيه
نيران(ابتسمت بمكر):وانتي
ريم (استغربت) :شبيه اني
نيران: هم تحلمين يكون عندج رجال مثل اسد
ريم نزلت واسها خجلت
نيران:يوووه يريم دحجي
ريم: اا اايي بس
نيران: بس شنو
ريم (تنهدت) :مايصير احلم بشي مستحيل يصير
نيران:وليش عيني مستحيل .....وبعدين شبيج يمه ومو مثل البنات تحلمين بواحد مثل اسد اشو جنج الگمر بليله تمامه
ريم: نيران الي مثلي مايصير تحلم بشي مثل اسد ....لا ام لا ابو لا اخو لا بيت لا عمام لا خوال فقيرة مامكمله دراستها هاي ماتليق بمقام واحد مثل اسد
نيران:خايبه دنجبي كمتي تمسلتين
ريم: شوفي نيران راح احجيلج بس بداعت امج وابوج وبداعت اسد لاتكولين
نيران :وعيون الغوالي مااحجي
ريم:ااننيي ...شمسه ..هو
نيران:هو شنوه دحجي مو عليتي كلبي
ريم(خجلت):عود اني ليش من اشوفه كلبي يكوم يدك حيل وعيوني ماتنزل منه واحس نفسي يريد ينكطع و احس جسمي كله يصب مي واتوتر كلش
نيران:هاي معناها ان انتي تحبي ...وبعدين منو هو بربج احجي
ريم: ااسدد
نيران طفرت من مكانها
نيران:عليج الله تحجين صدك ريم
ريم: والله شبيج
نيران كامت تهلهل ركضت ريم سدت حلكها
ريم: شبيج فضحتينه
نيران:والله فرحتي ماانطيها لاحد ....ريم عليج الله تحبين اسد ريم: بطلت مااحبه فضحتيني اني صوجي حجيتلج
نيران:عليج الله احجي بداعته تحبي صدك لو تشاقين
ريم: وداعته احبه واموت عليه هم
نيران:تعالي احضنج يبعد الروح من فدوة رحت لهل الطول
ريم ونيران وحدة تحضن بالثانيه ومايدرن بالي يسمع من ورا الباب وكلبه كام يدك حيل وفرحته ماتوسع الارض 5
الشيخ اسد:يعني تحبني؟ اوووف ياربي الف الحمدلله والشكر الك...يعني من اخطبها تتقبلني!
الشيخ اسد: دخلت لغرفتي واني بالي وروحي وكلبي كله يم ريم .....اني لازم بس نخلص عقد حسين واصيل اكول لابوي وجدي حتئ اخطبها واعقد عليها اريدها تصير حلال هههه ووف ربي الفرحه الي بكلبي شكبرها ....
تستمر القصة أدناه
حسين: خلصن اليومين واني بدة القلق ياكل بيه ...للعصر وابوي دز عليه رحتله
حسين: ها يبا رايدني
ابو حسين: اي بوية
حسين: أمر يبا
ابو حسين: ما يأمر عليك ضالم ....بس ردت اكلك علئ رد بنت عمك قبل شوية عمك اتصل عليه وكالي
حسين: حسيت نفسي عركت و راسي كام يوجعني ملت اكيد رفصتني ...اي يبا وشكالك
ابو حسين: كال رفضت السيد وقبلت ب ابن عمها
حسين: مي بارد ونزل علئ كلبي بس الضاهر التوتر والقلق اذاني ارتفع ضغطي واترخبطت ووكعت يم ابوي وكام يصيح علئ اخوتي اجه امير و اشم يركضون 24
مددوني بالفراش وقاسو ضغطي لكوة صاعد 17/10
اشم:صدك تحجي حسين ليش هيج ضغطك صاعد
ابو حسين: ههههه هاي لان وافقت عليه اصيل
امير: تحجون صدك بله ولك حسين هااي انت الجبير مالتنه هيج تخربطت جا شنكول احنه الزغار
اشم وحسين وابوهم ضحكو علئ حجي امير
حسين:يبا شوكت نسوي العقد
سين:يبا شوكت نسوي العقد
ابو حسين :بكيفك وليدي
حسين: الجمعه ها؟
ابو حسين: اخابر عمك واشوف يسأل اصيل علمود تلحك خطيه
حسين: ماشي
طلعت من يم ابوي وكلبي مليانه فرحه حبيبتي راح تصير ملكي ..... +
امير : من شفت حسين شلون فرحان كلت اني ليش مااكول لابوي ويخطبها الي عليمن شلاع القلب هذا ....المهم خلي افاتح ابوي بالموضوع
امير: بوية عندي شغله وياك
ابو حسين: اي بوية كول
محمد: اني اريد اخطب هم
ابو حسين: هههه ومنو سعيدة الحظ الي تريدها
امير(استحيت من ابوي ونزلت راسي) :ديمه
ابو حسين: عاشكها موو ولك
امير : اي بوية دخيلك لاتكسر بخاطري
ابو حسين: لا وليدي ليش اكسر خاطرك هسه اخابر عمك وانروحله اني وياك للديوان وهناك هم عمك ابو اسد ونطلبها منه.....
امير: بعد ماابوي خابر عمي ابو اسد وخابر عمي ابو شهم وكاللهم عندي موضوع وياكم كدام الويلاد كالوله ميخالف بعد ساعه ونتجمع ....واني ادور بغرفتي خاف ماترضئ وخاف وخاف التفكير موتني صارت الساعه ب 7 المغرب صاح ابوي علينه وطلعنه كلنه رحنه للدواين دخلنه وسلمنه وكعدنه واني كعدت يم ابوي مااكدر ارفع عيني بوجه شهم وكيان احس نفسي مسوي جريمه وياهم حتئ هم مستغربين......
ابو حسين: خوية ابو اسد خوية ابو شهم عندي موضوع وياكم
ابو اسد: اي خوية كول
ابو شهم: احجي ابو حسين
ابو حسين: ولدي كبروا والله يخوتي ويردون يتزوجون
ابو اسد: اي بيها الخير مابيها شي هم زلم وماناقصهم شي
ابو شهم: ياهو من الولد يريد يتزوج
ابو حسين :امير
ابو شهم: اي اموري زلمه سبع
ابو اسد:نخطبله من بنات عمه براحتك لو مخلي وحدة براسه
ابو حسين: هن الاثنين
ابو اسد: شلون يعني
ابو حسين: عندة وحدة مخليها بباله ومن بنات عمه
ابو اسد: هههه شني يريد يعقد علئ ثنين
ابو حسين: هههه لا خوية هي بت عمه ومخليها براسه
ابو شهم: اي ياهيه من البنيات
ابو حسين: بنيتنه ديمه
ابو شهم: شنهاي ولكم مخلين عيونكم علئ بنياتي
ابو اسد: هههههه بنياتك بنياتنه ونريدههن عدنه بعد عليمن تحجي
ابو شهم: هههههه هن الكم
ابو حسين: وهسه شتكولون
ابو شهم: والله بالنسبه الي قابل وين الكه واحد مثل امير لبنيتي بس يبقئ الامر الها ماريد اغصبها
ابو حسين: بيها الخير ان شاء الله
ابو شهم: يومين ونردلكم خبر
ابو حسين:خير ان شاء الله ....علمود نسويلهم عقد وي حسين
ابو اسد: اي خوش ......وحجه وي الولد وجانوا شهم وكيان موافقين
رجع ابو شهم للبيت وصاح علئ ام شهم
ابو شهم: اكلج ام شهم اليوم اخوي ابو حسين راد مرية لابنه امير
ام شهم: اي....منيه
ابو شهم: راد ديمه ل امير
ام شهم: اموري خوش وليد ومؤدب وثحيل وشاغول وماناقصه شي
ابو شهم: واني هم اكول هيج بس لازم نكول ل ديمه
ام شهم: اي والله حق
ابو شهم: بلا زحمه عليج صيحيها
ام شهم: تأمر
كامت ام شهم للمطبخ لكت ديمه تنضف ونجمه تسوي عشا و شمس تمسح بالارضيه
ام شهم: يمه ديمه عوفي الي بيدج وتعالي وراي ابوج يريدج بحجايه
ديمه: اي يمه جايه وراج
طلعت ام شهم
شمس:شيريد ابوي منج
ديمه:واني شمدريني
نجمه: دروحي شوفي
ديمه :اي رايحه....غسلت ادية وعدلت دشداشتي ورحت للغرفه مال ابوي وامي دكيت الباب وسمعت صوت ابوي يكول تفضل....بوية صحتني
ابو شهم: تعاي بوية
ديمه رحت كعدت يمه
ابو شهم: شوفي بوية قبل شوية بالديوان عمج ابو حسين خطبج مني
ديمه:اني انصدمت وخفت بس لا خطبني لاشم لو محمد
ديمه: اي بابا
ابو شهم: كال اريد ديمه لامير
ديمه: انصدمت صدمه مو طبيعيه تفاجأت وكلت حقه امير تعب من كد ماحاول وياي واني اوفض بي تالي خطبني
ابو شهم:ومن كالي كتله اني بالنسبه اني مالكه احسن من اموري لبنيتي واخوتج وافقوا بس الرأي الاول والاخير الها كالي شاورها هل اليومين حتئ اذا صارت القسمه تجهز نفسها وي اختها
ديمه: كلش خجلت واستحيت من ابوي بعد مااعرف شحجي لساني انربط وايدية عركت اني صح احب امير وماانطيته مجال وهو يحبني واتوسل بيه بس اني خفت مدري من شنو
ابو شهم: ها بوية شتكولين
ديمه:ان شاء الله بابا افحر وارجعلك الجواب
ابو شهم: عفيه بنيتي الله يوفقج ....
ديمه: بست راس ابوي وطلعت رحت للمطبخ
تلكني شمس ونجمه
شمس: ها ولج شراد منج ابوي
نجمه:احجي شبيج اخرسيتي
ديمه:امير خاطبني من ابوي واخوتي قبل شوية
شمس:احلفي
ديمه:والنبي
نجمه: اي حقه الولد شسويلج حتئ تصدكين هو يحبج
شمس:جزع منج كلما يحجي وياج ترفض وتكليله تضحك عليه بسوالفك ومدري شنو شلعتي كلبه
ديمه: ولجن مامصدكه
ترف دخلت للمطبخ: شمامصدكه ولج
شمس: ولج جا غير امير خطابها من ابوي واخوتي قبل شوية
ترف: جذذذذببب
نجمه: والقران
ترف: وشكالج ابوي
ديمه:انطاني مجال يومين ولازم اردله الجواب
ترف:وعليمن يومين انتي قابله وموافقه ابصملج بالعشرة لاتضلين تتعقلين علئ الولد ديمو
شمس: اي والله هم صدك
ديمه:كايل لابوي اذا صارت القسمه حتئ تجهز وي اختها ويعقدون بنفس اليوم
نجمه:عليج الله صدك
ديمه:والله.....
+
ديمه: خلص يوم ورحت انطيت الموافقه لابوي شفته فرح وكالي الله يوفقج ويهنيج والعالم كلها درت عقدي راح يصير وي عقد حسين واصيل وطلعنه نجهز اني وياها للعقد لان يوم الجمعه وما نلحك والبنات يوميه ويانه وهم ياله نلحك علئ نفسنه ههههه......
