رواية الضابط فهد ومريم الفصل الثاني والاربعون بقلم مجهول
زينب: ولجج مريم لحكيليي احمدد خطبنيي خطبنيي وراحح يجي اليييووم
مريم: يول بلعباس يمصكوعة
زينب: هاي شنوو بعدني مافرحت وصكعتيني مريمم روحي زعلت
مريم: عمري انتيي اختي الثانية واعز من اختي شلون ماا افرحلج يمصكوعة ول ول اني جان كلبي يتكطع عليج تريدين هسة تنخطبين للشخص التحبي ومافرحلج ولله لركصلج ركص ماصار ، كملت حجي اباوعلهة ضحكت ولدموع صارت تلمع بعيونهة اجتي حضنتني
زينب: شعور الاخت الجبيرة وكفاتهاا مينوصف ومتعرفين فرحتي بوجودج بحياتي ربي ليحرمني من هلوجه
مريم: تدرين نور محاجية هيج حجي وياهاا نتعاملل ب الكتلل يعني اذاا تكعدني من النوم دفرات وسب
زينب: يعني ميحتاج تحجين ادري بنفسي نادرة ماكوو نسخة نفسي زينب غييرر
مريم: يباا اروح فدوا الزينب يول راح تزوج الفصمة
زينب: مريم انتي منين اجيبين هاي السوالف
مريم: شوفي اني اجيبهن من الانبار غازلي احمد غزلل انباري يسيح بلكاعع متلكيلة اثرر
زينب: انتي شنوو اليوم ناوية علية تريدين اطيرين حبيبي اوي عوفيني ماسمع نصيحتج
مريم: طبج عافية كون فوك مانصحج عود تعاي تلوكي بعدين
زينب: بذاك الوكت نتفاهم ،هسة شسوي وين انطي وجهيي علميني حبابة
مريم: شوفي ذبي التراك هسة وصيري مرة يعني اكيد ام احمد تشوف تراكج مال جهال تاخذ ابنهة وتشيلل من المنطقة همم رايحاا اجيبلج ذيج الدشداشة الخيليجة تلوك لهلخصرر
زينب: يمة عزاا طار الرجالل نباااككك رجلليي وفوكاهاا هاي تتغزلل الة اكول الاحمد عليج امشي جيبيهة كرهتيني بهذاا التراك هسة احركة اصبريليي
مريم: ضلت تحجي طلعت واني اضحك عليهة لكيت فهد كاعد بمكانة كعدت يمة وصلت لرجلينة حطيت راسي ع رجلة
فهد: مريم شجاج عمري كومي هسة يجي واحد من الولد
مريم: انتبهت النفسي وكمت اني شبية قابل بيت الخلفني لزمت ايدة وحجيت بدلع
حبيبي ممكن طلب
فهد: عيوني
مريم: سالمة عيونك يروحي شسمة من الاخيرر اليوم احمد يجي يخطب رسمي
فهد: وانتي شمدريج
مريم: ايي مو شسمة زهراء اخت احمد اتصلت الزينب وكالتلهة بلغي اهلج
فهد: هاا متاكدة زهراء خابرت خاف اخو زهراء
مريم: اوي فهد ديربالك تصيرر معقد خلي العالم تحب وتزوج ياخيي الزك راسين بلحلال اضمن قصر بلجنة واخذني ويااك
فهد: عمري موو شغلة معقد هذاا خوف لاا اكثرر وبعدين لوو اني ماحب سوالف الحب جان ماحبيتج واذاا اخذت بيت ب الجنة يجوز من اموت تزوجين اذا ازوجتي اخذلي حورية واستقرر كلشي قسمة ونصيب
مريم: هاا فهدد هاا حورية موو هيجج صاارت قسماا بالله احرك كبرك احركةة ماذبلك ميي اذبلك نفط لاا لييش نفط تيزاب موو صوجك صوجيي انيي الاحبك ومابدلك بكنوز الدنياا كلهة
فهد: هووب هووب عمري داشاقة وغلاتج عندي راح تبجين شبيج بوية صدك تحجين
مريم: روحح لحوريتك روحح شعندك يم مريم شعندكك
ع صوتي اجتي خالة سعااد تركض
سعاد: يمة اسم الله شبيكم ياا حافضض شجاكم ياا عيني صوتكم برة
فهد: ههههه يمة هااي مرت ابنج تغاار تريد تحركني
مريم: خالة يريد حورية وشوفيي ميكول مرتي يكول مرت ابنج يعني يستحسف يكولل مرتيي بس حقة يجوز يشوفنيي ماا الوكلة ولاا من مقامة
سعاد: اهدي يمة رجلج يشاقة ويااج مريوة لتخلين العالم تصدك ويشمتون بييج لتكبرين الموضوع حبيبتي
مريم: ماشي خالة هااي لخاطرج بس كولي الابنج ليحاجيني بعد
سعاد: فهد لتحاجيهة لحد ماا تراضيهة خووش وليدي
فهد: خووش يمة مريمي هااي اذاا ماا اراضيهة اراضيي منوو
مريم: تسلم حضرة الضابط فهد اني اترخص هاا صدك خالة عندي موضوع وياج
سعاد: ايي يمة تعاي
مريم: كلتلهة على موضوع زينب فرحت وراحت تبلغ البقية صعدت فوك جبت الزينب الدشداشة ونزلت فهد كاعد بمكانة يباوعلي ويضحك درت وجهي بزعلل وطبيت لغرفة زينب شافتنيي وعاطتت
زينب: يماااااا مريم كلبيي راااحح يوكففف
مريم: وسم شبيجج بعد ميصير عندي جهال من وراج، كلت بكلبي علساس هوة صايرر
زينب: ولجج مريوة راح اصير مرت احمدد ع عنادهمم عينيي
مريم: ولله طاح حضج وحض الياخذج لان لوو هوة ماطايح حضة جاان مافكرر يرتبط بوحدة مثلجج، شمرت الدشداشة عليهة وكلت
يلاا فضيني روحي لبسيهة حتة اعدلل جهرتج
زينب: يااايي مريم تخبلل مبينة مثلل الزيي الكردي
مريم: احب هلتفاصيلل
زينب: منتبهة اصلاا ستايلج ولعبايات التلبسيهة خليجية بيهة اغراء اكثرر من الفساتين ولبناطيرر
مريم: لجفصين حبيبتي روحي بدليي
زينب: امححح نشالله اجيبين بيبي واني اجيب بيبية( يعني بنية) ويعيشون قصة حب ابنج وبنتيي وينهي عليهة ابن عمهة وابنج يهد علينة
مريم:زينببببب راح اصيحلج بيبي فضينيييي طبيي صخمييي
انصدمت البنية ابتسمت من الخوف وطبت بدلت طلعت تباوع لنفسهة باعجاب وكللش لاكت الهة واول مرة تلبس هيج ستايلل
زينب: عزاا مريم راح اموت من الجماللل
مريم: شوو يولي اندار عليج
زينب: هوة اني مافتهمت بسس خجلت شكد طايح حضيي لعد
مريم: يعني اروحلج فدواا بس هايي ب الانباريي
زينب: اندار عليج يخالي
مريم: ايي ولله يخالي شنسوي تعاي تكحزي هناا اصخم وجهج
زينب: ههههههه تكحزت
حطيت الهة مكياج بس هوة مو مكياج شلون مادري يعني ماا مبين اصلاا لان كالت اريد اطلع عبالك هيج فجئة وطبوو علينة بدون مادري ولاا عبالك تحبة وهوة الي كايللهة ولله تضحك زينب كملتهة وطلعت فهد ماجان موجود كلت اكيد يم الولد ب الاستقبال
صعدت فوك غيرت ملابسي لشي مناسب حطيت مكياج روتيني عاادي لفيت الشال نزلت اشوف زينب لكيتهة كاعدة تاكلل بضافيرهة
عطت بيهة.ولجج خبلة منين اجيبلج صخام بعينج اضافر هسةة عوفيهن بس اليوم وكليهن بليل تعللي عليهن
زينب: ولجج ماريد شلون اشوفة شلون اشوف امة عزاا بعينج مريم
مريم: عزاا بعينج انتي انيي شعلية بعدنة دنحجي وطبت افراح تعوج بحلكهة
افراح: ومتحضرة الاختت مبلغهة الاخ ولله طلعتي من جوة الجوة موو هينة زنيبة
زينب: ولله ياا كلبي اني ماركض واخرب بيت مرة هية ورجلهة
افراح: حبيبتي لزمي لسانج وعرفي نفسج شدتحجين تراا واصلة حدهة وياي مكيجات وفرحانات وراح يزفوج وامي نايمة بلفراش بسببجن
مريم: اعمالج انتي واخوج طلعت بلعزيزة شعبالج لعد ربج ميشوفكم شكاعدين تسوون ربج يمهلل ولاا يهملل
افراح: وتتشمتين بيهة بعد منوو يقبلهة رجلج تتشمتين بعمتة احجي حتة اهدم حياتجج لجج حية الله ياخذجج
مريم: صارت تعيط وتبجي لمت امة محمد علينة واني بس صافنة مادري شخبلهة
الحجية: ولجج صمي حلكج ام عطوب هدوني عليهاا الفاضحتنة بجعورهة
سعاد: يمة شكو صياحجن برة
افراح: خالة ترضيهة مريم تتشمت بية لان امي مريضة ترضووون احجوو
فهد: مريمم
مريم: شهلصلافة هااي اجذبين كدام عيوني بعد ولله ماا اتشمتت
افراح: يعني انتي ماكلتي ربج يمهل ولاا يهملل
مريم: ايي كلت بس موقصدي على مرض امج
زينب: فاخت الدودة مالتجج فروحة
همام: هييييي صوتجننن مااا اسمعااا افراحح طلعيي من هلغرفة ولتفوتين عتبتهة انتي راعيت مشاكللل طلعييي
افراح: ساحرتكم موو بيدكم ساحرتكممم
همام: داكلجج برة طرشة
فهد: مريمم صعديي فوك
مريم: فهد خيرر ديربالك
فهد: ماكوو شيي بسس صعدي فوك
مريم: درت وجهي وصعدت فوك حسيت فهد قلل من قيمتي من سوة هيج ليش ماحجة كدامهم هسة يكولون راح يرزلهة ضليت افتر بلغرفة ماصعد معقولة سوة هيج لحالة وميريد يصعد هوة ميكول لشخص نزلني وصعدني الة اني
كعدت ع الجرباية لميت رجلية لصدري وبجيت ضليت اهز برجلية من التوتر ولعصبية ذكرت علاجي بي مهدئ كمت ادور بلعلاج بس ماعرفة شنوو بحثت بلتلفون وعرفتة مكتوب ربع حباية فقط اخذتهة كلهة ورجعت لمكاني مددت ضليت انتضرر مفعول لعلاج نص ساعة وبعد ماحسيت بشيي
-----------------------
زينب: ورة الشي السوتة افراح راح واهسي بكلشي ماطلعت من الغرفة همة مكملين كلشي للعصر اجوي الزلم ولنسوان طلعت كعدت يم النسوان باوعت لامة ماا مبينة ضايجة بس نضرات حزن مو حقد وزهراء تريد تكوم وترجع تكعد حسيتهة خجلانة ومرتبكة ضلن يحجن وية بيبي ومامة سميرة
ابوية وعمي ولولد جانو كلهم موجودين ب الاستقبال طب علينة ولد كال قرو الفاتحة هلهلو
رادن يهلهن ونطت افراح
افراح: وموافقة البنية بعد ماا اهذوهة شلون يقرون الفاتحة
اتجهت عيون النسوان كلهة علية حسيت صار مغص بطنيي وكلبي صار بمعدتي بالي يم مريم ردت ابجيي وحق الله باوعت لامي بمعنى شكول
هزت راسهة وبتسمت نزلت راسي وكلت
موافقة.
وبعد ماسمعت غير صوت الهلاهلل ولزموني تبوس وجهي چبن من البوس حتة ام احمد جانت فرحانة كلت الله يحنن كلبهة علية اخر شي اجتي زهراء تضحك بس دموع بعيونهة ماتجرئت تسلم علية رغم هية ماسوت شي بس خجلانة لان ماتواصلت وياي وعلى موقف امهة ابتسمت بوجهة وحضنتهة وهية ماصدكت حضنتني وتكمز من الفرحة وخرت من حضني وكالت
زهراء: اسفة
زينب: لتعتذرين عمري ماسويتي شي
زهراء: احلاا مرت اخخ وربي
زينب: التهيت وية زهراء حتة النسوان عفتهن جنت مشتاكتلهة حيلل وعيوني تلمع من الفرحة
شوية وكالت خالة ام احمد انو احمد راح يطب يشوف العروس ويطلع
اني هناا حسيت رجلية متعيني احتاجيت امدد بهلحضة بس شيكولون علية يمة ملطلط الة يشوفني
المهم طب احمد والله يخليهن كرايبة ميخجلن الواحد بنضراتهن وكعني من طولي من الخجلل باوعلي بس ماكدرت ارفع عيوني بعيونة هيج لمحة بسيطة ونزلت عيوني ام احمد كالتلة هاا يمة هاهية اني هناا رفعت راسيي باوعلي وكالل
هاهية يمة والف هاهية لكيتهة
لاا ارادي ابتسمت بكلل ثقة ماهمتني نضراتهم شيريدون يحجون خليهم يحجون يخالي محبوبي كدامي وصرت الة شريد من الدنياا بعد
،بعدهاا طلع احمدد وطلعن النسوان ورا راحو الزلم ولنسوان طبو الولد باركولي وابوي وعميي بس همام مبينة الدمعة بعينة اجة ماسلم حضني وجتفة صار يهتز عرفتة يبجيي
حبيبي همام شبيك لييش دتبجيي شوو باوعلي يكلبيي الكلل صار يبجيي وياا
زينب: هااي شبيكم ولله مازوج خلصص اسكتوو
الحجية: لاا بعد جديتج تتوكلين ماكوو رفض الوادم فرحانة
زينب: وخر همام لزم ادية وكالل ولشهكة مو راضي يطلعهة
همام بهمس:الف مبروك حبيبتي انتي فرحتلج من كلل كلبي الحمدلله الله وكف وياج وماضيع دموعج ولاا راحتت ع الخالي بلاش تعبتي وربحتيي
زينب: يوم الالك وافرح بيك عيوني انت
همام: يلاا كافي لواكة سويلي اكلل جوعان
زينب: شنوو هااي عوفني عايشة اللحضة
فهد: احم زينب لعد مريم وين
زينب: باوعتلة بحزن وكلت، مريم ماكوو مختفية من كلتلهة اصعدي فوك بعد مانزلت ولاا سمعت صوتهة
فهد: شلون تعوفوهاا وحدهاا كل هذاا الوقت موو تعرفون حالتهة وهية خبلة ليش مانزلتت صارت تسمعع الكلااامم هسة هماممم تعال ساعدنيي اصعدد
افراح: عوفوهاا تتئدب شكوو عليهة لواكة زايدة لاا اكثرر اكعد هناا وسكت
فهد: اقسم برب العرش اذاا صارلهة شيي راسج افلشهة
زينب: كرامتجج ياختي كرامتجج استحيي شوية طاحضجج ولله
ام افراح: الله ليوفقج شلون خلفة عندي تعاي هناا جعلج لاا صرتي هديتو حيليي وماا فدتوني بشيي ماا اعترفتوو بية ولاا داريتونيي صدك بعد العافية ماكوو
زينب: رغم كلشي انقهرت عليهة شحصلت هية لاا عاشت وية زوجهاا ولاا عدهاا ابن يسندهاا ولاا بنية داريهاا كل واحد يفكرر بنفسة وبسس
صعد همام هوة وفهد وصلة للغرفة ونزل خفت على مريم حيلل
-----------------------
فهد: صعدت وية همام طبيت للغرفة باوعت للعلاج تخبلت كلت خاف سوت بنفسهة شيي بس من شفتهة نايمة ونفسهة متنضم رتاحيتت رحت مددت يمهة سحبتهة لصدري وامسح ع شعرهاا ضليت صافن وافكرر ونمتت.
