رواية الدخيلة الفصل الرابع والاربعون بقلم مرج البحر
بيت الشيخ طه
ام اسد:الله يساعدك
الشيخ طه:ويساعدج ....شلونج يبعد روحي
ام اسد:الحمدلله زينه
الشيخ طه حضنها وباس خدها
ام اسد:يا شيخ عيب وخر عني
الشيخ طه:وليش عيب ابوس حبيبتي وبنتي
ام اسد:ههههه هسه صرت بنتك
الشيخ طه:من حبيتج لليوم انتي بنيتي ومريتي وسندي وام اولادي
ام اسد:الله يحفظك الي حبيبي
كعد الشيخ طه علئ جربايته
وكعدت يمه ام اسد
الشيخ طه:اكول ام اسد
ام اسد:عيوني
الشيخ طه: سالمات يبعد يعيوني ....باجر اريدج تحجين وي امي وتحجن وي ريم هاي البنيه الي عدنه
ام اسد:تأمر بس علئ شنو نحاجي البنيه
الشيخ طه:اسد رايدها واليوم كالي
ام اسد:يافرحتي والله تحجي صدك
الشيخ طه :اي والله صدك
ام اسد:اني وامي الشيخه هم حاجيناه كال ورا عقد حسين عود الله كريم ومبين هاويها للبنيه
الشيخ طه:اي مبين هيج والبنيه شلون
ام اسد:والله البنيه وردة مال الله مالها صوت وهادئة وموؤدبة ومحتشمه وصلاتها بوكتها و حتئ من تشتغل كله علئ الساكت
الشيخ طه:الحمدلله انتي حاجيها والشيخه هم شوفوا رئيها وان شاء الله خير
ام اسد: ان شاء الله
الشيخ طه: وها ذو الفقار وجود هم
ام اسد :شبيهم هذول
الشيخ طه: ذو الفقلر يريد شمس وجود يريد نازك
ام اسد :صدك فرحت واني هم رايدتهن من زمان للويلاد بس ما عبالي يردوهن
الشيخ طه: اي والله خصوصا جود يحب نازك
ام اسد: هههههه والله زين
الشيخ طه :اي هههه
ام اسد: زين شراح تسوي
الشيخ طه:باجر احاجي اخوتي واخطبهن
ام اسد: اي خوش ان شاء الله خير
الشيخ طه: نعقدلهم سوة احسن شتكولين
ام اسد :اي احسن
الشيخ طه: و اسد كال اذا عقدت اسبوع الي وراه اتزوج مااريد تأخير
ام اسد: اي هيج احسن فد مرة والولد وراه ب اسبوع
الشيخ طه:ايي ونخلص
ام اسد:والله فرحتي بويلادي شكبرها
الشيخ طه :وفرحتي بيج اكبر
ام اسد :يبعد روحي هل وجهه الله يحفظك الي يبعد اهلي
الشيخ طه:ويحفظج الي يبعد شيباتي
ام اسد:تمددت يمه وجرينه الغطه و نمنه ......
- كانت تفاصيلهُ تنتشل روحي مني ، حاولت مراراً الّا التفت ، ان اهرب و لا اعود ، في كل مره هربت فيها خطوة واحدة عدت لهُ بعشر خطوات ، زيادة عن ذلك قلبي مُمتلئ بالشغف لهُ ، هو فخي اللطيف و وجعي الأحب لقلبي .
.
.
.
.
حور: مرت الايام واني اتجنب ايان يعني اذا هو موجود بالبيت اني ابقه بالغرفه اذا يصحوني ع الاكل اكول مااريد لان هو موجود مرات صدف اشوفه حتئ مااحجي وياه ....اما باجي ام ايان فدوة لكلبها شكذ تحبني ونادين حبيبتي شكد طيبه ومرحه وفرقد الولد كلش حباب بيناتنه بس السلام اني اتجنب كلش الحديث وياه هذا افضل شي الي ماريد ياخذون عني نضرة مو حلوة اني قابل راح ابقه كل عمري يمهم كلها فترة واروح ل ريم و سجئ وينتهي كلشي ...... +
ايان: حور كلش متجنبتني ومتجنبه الحديث وياي واني احس نفسي مخنوك وضايع بدونها تعودت ع ضحكتها البريئة وتصرفاتها الطفولية و اهتمامها بيه ....كله بسببي ماكدرت اصونها واخليها الي اني غبي ماافتهم ابد .......
دائما اسئل امي عليها....
ايان: يوم حور شلونها
ام ايان: والله يوم مثل الوردة بس كلش مالها صوت يعني تحسها انطوائية ع كد السؤال وبس مع ان هي تشتغل وتساعد نادين بكلشي ماتختلط ب فرقد ابد بس سلام وعليكم السلام واكثر وقتها تكعد بالغرفه
ايان: يي يوم هي طبعا خجول مو انطوائية كلش تخجل
ام ايان: يي ماما اكعد وياها وفهمها موقفك مدام هدئت شوية بلكي تسمع منك
ايان: والله يوم فهمتها موقفي بس هي خايفه مني كلش
ام ايان:يي حبيبي حقها البنيه تحس بخطر ع نفسها
ايان: ان شاء الله احجي وياها ...
ام ايان: اي حبيبي عفيه عليك ........
بيت الشيخ طه
الشيخ طه: صباح الخير يروحي
ام اسد: صباح النور ينور عيوني
...يلا كوم جهزتلك الريوك
الشيخ طه: رحم الله والديج
ع للسفرة الكل متجمع
الشيخ طه: صباح الخير
الكل: صباح النور
الشيخه: هلا يمه صباحك عافيه
الشيخ طه: شلونج يالغاليه
الشيخه:نحمدالله ونشكرة
الشيخ طه(بهمس) :حجيه اليوم انتي وام اسد احجوا وي ريم اسد يريدها
الشيخه: ان شاء الله يمه
الشيخ طه: ان شاء الله .....
بعد ماطلعوا الولد كلهم للدوام والبنات هم والشيوخ بالديوان
بعد مارجعوا الكل تجمعوا علئ الغداء وخلصوا وكل واحد راح لغرفته حتئ يرتاح .....
العصر الساعه ب 4:30
ام اسد: نيران يمه
نيران: ها حبيبه
ام اسد: صيحيلي ريم اريدن احجي وياها اني وجدتج
نيران: حاضر
صغدت نيران لغرفتها لكت ريم جاي تتدرس
نيران:ريمو امي وجدتي يردونج
ريم: ها ليش
نيران: شمدريني كالولي صيحيلها
ريم: ماشي خلي اشوفهم
نزلت ريم بعد ما لبست حجابها دخلت للصاله لكت ام اسد والشيخه كاعدات يسولفن
ريم: ها حجيه صحتيلي
ام اسد: اي يمه تعالي اكعد يمي
اجت ريم كعدت يمهن وبدت الشيخه تسألها وتحجيلها علئ اسد لمن خلصن كلامهن
الشيخه:شوفي بنيتي اسد خطبج من الشيخ طه الي هو ابو لان هو الي اتكفل بيج من اجيتي وهو الي مسؤل عنج والشيخ كال اسئلوها اذا قبلت خير علئ خير واذا رفضت بعد هذا حقها وحريتها مانضغط عليها تبقه بنيتنه حالها من حال البنات
ريم: من سمعت كلام جدتي علئ حياه اسد وبعدين من كالتلي ان هو خاطبني انصدمت مااعرفت شجاوب حسيت اكو فرحه لامست كلبي بس اكو خوف وترردد صار عندي +
ريم: بس جدة اني يتيمه ومو من مقام الشيخ اسد ولا عندي اهل ولا دارسة ولاافهم بشي مااعتقد اني الشخص الصح
نيران دخلت للصاله وهن يحجن لذلك سمعت كلامهن
نيران: لا خيه بالعكس انتي ماكو منج وتذا جنتي يتيمه ومااعندج اهل ف امير المؤمنين عليه السلام هو ابوج واهلج ومن بعدة احنه وبعدين انتي حلوة وتخبلين وزغيرونه وموهوبة بالرسم ومو بس هيج وطبخج يخبل هههه وهادئة وجاي ادرسين ماابيها شي واعتقد انتي الاختيار الصح لاخوي
ريم :كلش خجلت من كلام نيران وهزيت راسي
الشيخه: ها يبنيتي قابله
ريم: جده يصير اخذ مجال افكر
ام اسد: اخذي وكتج بنيتي علئ راحتج
ريم: ان شاء الله حجيه .....اترخص
ام اسد والشيخه ونيران:براحتج
ريم: صعدت للغرفه وكعدت افكر يعني واخيرا الدنيا ضحكتلي بعد العذاب الي شفته بيت ومكان حلو واهل واخوات واخوة ودراستي رجعتلها والاهم شخص يريدني اكون زوجته ......حسيت شي حلو لامس كلبي صح اني عندي مشاعر اتجاه اسد بس مااجنت بيوم متصورة يصير الي او اصير اله بس كلش فرحت وخلص اخذت قراري .......
الشيخ طه: ابو حسين ابو شهم
ابو حسين وابو شهم: ها خوية
الشيخ طه: اني طالب ايد بنياتكم لويلادي
ابو حسين: بناتك هذني لاتسأل
ابو شهم:تدخل تكبع وتاخذ يخوي
الشيخ طه: مشكورين ماتكصرون بس اسئلوا البنيات احسن
ابو شهم: منو منهن
الشيخ طه: اريدن شمس ل ذو الفقار و نازك ل جود
ابو شهم: ان شاء الله يخوية مايصير خاطرك وخاطر الويلاد اله طيب تدلل
الشيخ طه:مشكورين 3
بعد اسبوع......
الكل تركض هاي الي تنضف وهاي الي ترتب وهاي الي تجهز بنفسها وهاي الي تطبخ والبيت مخبوص خبص بعد بيت الشبخ طه وصار عدهم عرس .....
نازك: خطبني جود ابن عمي من صدك انصدمت بس موافقه لان مالكه افضل من جود يكون زوجي واليوم هو يوم عقدنه اني وملاك اختي و شمس.....لان كيان خطب ملاك وعمي وهي وافقوا واتفقنه يكون نفس يوم عقدنه نعقد سوة ......مر اليوم كله بتوتر لبست فستان ابيض طويل وبينصل وبي ردن شيفون عريضه وطويله ينزل علئ الاكتاف ومن الصدر بي ورد ومكياجي صار سموكي وشعري رفعتليا ام الصالون كله ونزلت خصل منا ومنا طلعت جمال
اما ملاك :لبست فستان بنفسجي قصير نفش وعليه تور اسود وبي طوب سود زغيرة ولرد نص شيوفن وفتحت شعري سوتليا بف من كدام والباقي كله نازل ومكياحي سوته بنفسجي واسود كلش نازك
اما شمس: لبست فستان وردي من فوك مخصر ومن جوة نفش وبي بأطرافه ورد نيلي سوتيلي مكياج نيلي والحمرة وردي وشعري سوته ضفاير ناعمه ولفته طلع كلش حلو وخلت بي ورد ...طلعت نزاكه والبنات طلعن كلش حلوات ورحنه لبيت عمي طه هناك نعقد
تستمر القصة أدناه
ريم: تنطيت جوابي لشيخه بعد يومين وكلش فرحوا وقررو نعقد ورا عقد شمس وملاك ونازك ب يومين لان اسد مقبل نعقد وياهم كال اني وحدي اريد اسوي عقد ف الشيخ طه كاله براحتك بوية ....
اصيل: خلصنه الحفله مال العقد واتونسنه رجعنه للبيت بدلنه ونضفنه البيت سمعت جهازي يدك صاحتلي امي
ام شهم:اصولة يمه موبايلج
اصيل: اي يمه اجيت
رحت لكيت حسين يتصل عليه اخذت الموبايل وطلعت للحديقه جاوبته
اصيل: الو
حسين:الو ....السلام عليكم
اصيل:هلا وعليكم السلام
حسين:شلونج اصولة
اصيل:الحمدلله زينه وانت
حسين:الحمدلله بخير ...محتاجه شي
اصيل: لا سلامتك
حسين:زين هسه ساعه ب8 شتكولين اجي اخذج ونروح نتعشه
اصيل:مادري بكيفك
حسين: هاي هيه هسه اخابر عمي اترخص منه وامر عليج
اصيل:ماشي
حسين:يلا بدلي علما اجيج مااتأخر نص ساعه
اصيل:تمام
حسين:يلا روح باي
اصيل: باي ....
اصيل سديت الاتصال من حسين ودخلت
اصيل:يمه حسين راح يجي ياخذني
ام شهم:وين يمه ابوج يدري
اصيل:كالي نروح نتعشه برة ...وهو هسه راح يخابر علئ ابوي ويترخص منه
ام شهم:اي يمه جا روحي مادام ابوج عدة علم
اصيل:يلا يمه اني اروح ابدل
رحت للغرفتي بدلت لبست بنطرون جينز وبدي وردي وعليه جاكيت ولفيت شالي لونه نيلي وحذاء نيلي وخليت شوية كحل ومسكارا وحمرة وردي .....اتصل عليه حسين
